بقلم نجلاء فتحى
[فى روما]
وقفنا البارت السابق آن سيف أهان آيه وحين فتح الباب وجدها أمامه تبكى فقال بتعلثم :- أنتى واقفه من أمتى
آيه بدموع/ أنا خراب ليك وللبيت أحب أفكرك أنت إللى جريت ورايا وخطبتنى مش أنا ،،ثم جريت لغرفتها وهى تتعرقل وفى نفس اللحظة زعلت أخته منه وجريت إيضا لغرفتها ،،،نظر هو للغرفتين بضياع
__________
(فى الحارة القاهرة )
عبدالله/ مش عارف أنا فعلا سمعت فى واحد رجع الحارة إللى جنبنا من السعوديه ومش أهتميت معقول أخويا وصاحبى رجع
أيهم/ للدرجادى بتحبه
عبدالله/ زعلان منه سافر من ورايا معرفش فين مش مهم المهم أنه رجع يارب يكون هو ،،يلا على بيته وحشنى أووى
،،، ثم ترجل لمنزل بهاء وأمر أبنه يرجع البيت لأمه لأنها مفردها
ملحوظه أنس بعد أمتحاناته نزل شغل فى المحل رغم أعتراض زينه وراضية
__________
وصل عبدالله لمنزل بهاء ونظر لشقته وجد سِجاد منشور معنى هذا رجع لبيته،،،من لهفته طار على درج السلم ثم رن جرس الباب يبدو تلف لم يسمع صوته ،،طرق الباب أتاه صوت فتاة
وحين فتحت أبتسم عبدالله وقال/ دة بيت المحاسب بهاء يا شاطرة
زينه/ أيوة يبقا بابا وأنا بنته زينه
عبدالله/ بسم الله ماشاء الله عندك أخوات
زينه/ لاء
عبدالله/ فى سنه كام
زينه/ لو نجحت أدخل ثانوى
عبدالله/ ماشاء الله مامتك آيه صح
زينه/ لاء
عبدالله عقد حاجبه ظن آيه توفت لسنوات وبظهور بهاء أعتقد رجع لآيه فقال مامتك أسمها إيه
أتت سيدة وقالت:- مين حضرتك
نظر عبدالله بتمعن للسيدة التى تحتضن أبنتها بخوف/ متخافيش أنا عبدالله صاحب جوزك
أتسعت عين زوجه بهاء/ جوز زينه
عبدالله/ تعرفيني
زوجه بهاء/ لاء أسمع عنك ،،أتفضل
عبدالله/ بهاء موجود
زوجه بهاء/ أيوه، ،،أتفضل عايزاك فى موضوع مهم
دخل عبدالله المنزل بأستحياء وجلس فى الصاله فالبيت ضيق ،،أمرت الزوجه أبنتها تدخل غرفتها،،أستغرب عبدالله من المقابله فقال/ لو عايزة أمشى مفيش مشكله
الزوجه/ بهاء مأذى من الجن
عبدالله/ أزاى
زوجته/ أخته عمله ليه عمل سُفلى
عبدالله/ دى أخته الوحيدة هو دة جزاء المعروف دة فى مقام أبوها. دة هو رباها وهى طفله لحد مسلمها لعريسها
زوجته/ جوزها يبقا أخويا
عبدالله/ يبقا أنتى بنت عمه إللى خطفتيه من مراته المسكينه كنتى السبب فى طلاقه والبنت أختفت زمانها أنتحرت وشعبت موت
زوجته/ أرجوك مش عايزة بنته تحس بحاجه صدقنى معرفش كل دة غير من فترة ويارتنى معرفت لو عندك وقت أحكيلك
عبدالله/ أتكلمى
زوجته/ بنته هنا وخايفة تسمعني الشقة صغيرة
عبدالله/ أبعتها بيتى
زوجته بأعتراض/لاء
عبدالله/متخافيش إللى يدخل بيت المعلم عبدالله أمان ،،حقك تخافى من الأرف بتوع اليومين دول ،،بس مش موجود فى بيتى أطمنى داخله بيت عمها وعمتها
زوجته / موافقة
أتصل عبدالله على أنس يترك المحل ويأتى له وبالفعل حضر وقال/ خُد أختك عند أمك
أنس بغباء/خلفت من ورانا زوزو تحفل عليك للصبح ههههه
عبدالله بحدة/ أسمع الكلام وأتلم ،،،قول لأمك بنت أخوكى بهاء أمانه معاكى وأنا كلمتها ومستنيه أختك
أنس أبتسم/ أتفضلى معايا يا أنسه
زينه/ أروح يا ماما
الأم/ أيوة
زينه/ أسمك إيه
أنس بغمزة/ أنس والدلع أنوس وبعون الله داخل أولى ثانوى لو نجحت
زينه/ وأنا زينه والدلع زوزو يا أنوس وقدك فى السن
أنس/ ألعب يا أهلى ،،،مصر نورت يا زينه البنات
عبدالله/ اتلم يا زفت وخلى بالك من أختك سامع أختك
أنس غمزة/ طلعانا قرايب ومشيها قرايب مش أخوات ثم أخذها ورحلوا، ،،
عبدالله لنفسه/ أنا غبى كنت خلتها مع أيهم الواد أنس شكله يعلقها والبنت شكلها هبله وطيبه ،،
زوجه بهاء قررت تكتم سر زوجها وهو حبه لزينه فعبدالله زوجها أملها الوحيد وتخشى يأذى زوجها فى حاله ضعفة عند الحقيقة/ أنا بنت عم بهاء ومكنش بيطقنى رغم أخته أتجوزت أخويا ،، والعلاقة بينا أنقطعت. كنت بشوفه فى أضيق الحدود ،،،فى يوم عرفنا أتجوز والعيله عاتبته مفيش فرح ولا عزم حد ،،وخلاص سكتنا ، بعديها أخته نزلت زيارة من السعوديه
عبدالله بتذكر/ زيارة سودة عارف حاولت تطلقه من آيه
زوجه بهاء/ جات لأبويا وقالت بهاء أتجوز واحدة مجنونه وكتب كتابه فى مصحة نفسية وجوازه باطل
عبدالله/ آيه مش مجنونه هو عارف كدة
زوجه بهاء/ طلبتني وأتكلمت معايا وفرحت أتجوزة بصراحة أنا جهله وهو محاسب وأقنعتنى جوازتة الأولى باطله كنت صغيرة اتفقت معايا لازم يشرب من العصير هو معمول مخصوص ليه ولما روحت شغله وآيه على زمته سلمت علية وأديته العصير و قولتله أختك عملاة
عبدالله/ كنتى تعرفى فيه عمل
زوجه بهاء/ لاء ، فتحه وشمه وقالى ريحته وحشه قولتله مش عجبك أرمية ورماه قدام عينى وهزت معاه ومشيت وأخته سألتني قولتها شربه بعديها بقيت أزور بهاء والصراحه مكانش بيطقنى فقدت الأمل وقررت مش أرخص نفسى وأخته تتفلق
بعديها عرفت هو طلق مراته بعد سفر أخته للسعوديه وخدته عندها وأخويا شغله فى بنك خاص المهم أخويا بعت دعوة لماما وبابا وأنا وسافرنا زيارة وأخته طلبتني للجواز مكنتش موافقة لحد مسمعتها بودنى من بهاء عايز يتجوزنى قولتله وآيه قالى ماضى غلطه أتجوزت مجنونه
عبدالله/ مش معقول دة كلام صاحبى أنا عارفة هو أتجوزها بكامل أرادته
زوجه بهاء/ عمل فرح وجابلي شقة وكان مستعجل يخلف بنت بأى وضع عيشت معاة أجمل سنين عمرى مكنش يقولى لاء أحلى لابس خروجات دهب من الأخر السعادة بعينها لحد من كام شهر بس
عبدالله/ حصل إيه
زوجه بهاء/ روحت زيارة لأخته على أساس مرات أخويا عايزانى المهم حصل بينا مشكله وعايرتنى أنها جوزتنى أخوها المتعلم وأعترفت عملاله سحر يفرق بينه وبين آيه لكن معرفتش لأن الحب الصادق النقى صعب تفريقه
عبدالله بأهتمام/ أزاى بس آيه بتعشقة
زوجته بحزن/ دة فعلا إللى أتقال إللى حبه مزعزع فى قلبه أتجاه شريكه يكون ضعيف و الفراق يتم ،،أخته عملت ليه عكوسات وسلطت عليه أعوذ بالله شئ اللهم أحفظنا يفرق بينهم ولأن بهاء شكله كان حبه مزعزع طلقها ،،،، وأخته طلبت أشربه العمل علشان يكون ذى أخويا خاتم فى صوباعها ذى أخويا معاها رفضت من يوم معرفت عايشة فى نار لأنه عرف عمايل أخته وحرم عندها يشرب وياكل حاجه فى بيتها ولا يدخله وهى عرفت ،،بهاء أتغير معايا وعيشنا ذى الأخوات حتى بقا يعاملني وحش ويضربني
عبدالله/ بهاء يضرب مستحيل
زوجته/ من كام يوم زينه كانت بتمتحن لقيته أتشنج وصوته غريب وبقا صعب التعامل، ،و يكرة القرآن وصوت الأذان جبت شيخ قالى جوزك مأذى شوفى حد يفكه ،،مليش حد فى السعودية غير أخويا ومراته ودول لاء جبته لهنا ومعرفتش حد طريقنا
عبدالله/معقول بنت تعمل كدة أمال لو واد كانت عملت إيه لامؤاخذه جوزك على باب الله مش حلته ورث علشان أخته تعمل كدة ،،طول عمرى مش بستريح ليها ،، كدة فهمت الفترة الأخيرة بعد سفر أخته مكنش مضبوط يبقا عملته وهو هناك. والحل
زوجه بهاء/ معرفش ،،،كنت عايزة أجيلك ومحرجه
عبدالله/ جوزك أخويا وأنا مش أخو جوزك لا أنا أخوكى يا أم زينه دة كفايه سمى بنته على أسم مراتى بيعتبرها أخته
بلعت هى غصه بقلبها تريد البوح وتقول مش أخته هى حبيبته لكنها تمالكت نفسها
عبدالله/ ممكن أشوفه
الزوجه/ أتفضل ،،،أرجوك أتقبل منه أى شئ هو مش واعى
عبدالله بتفهم/ منها لله
ترجل عبدالله لغرفة نوم بهاء وأقترب منه وربت على رأسه بحنان وقبل جبينه/ سلامتك يا أخويا ألف مليون سلامه نورت بيتك وبلدك مصر كلها فرحانه برجوعك أطمن أخوك فى ظهرك،،، سنتين ونصف حاميت مالى وعرضى وشرفى وابنى وأمى فى غيابى ،،،، وجه اليوم أردلك الجميل يا أخويا ،،، حزن بشدة من الرائحه الكريهة التى تفوح منه ويصدر أنين بشع
عروق جسدة ظاهرة و وشه أصفر شاحب
عبدالله/ غوايش موجودة مش عارف ليها فيه ولا لاء ٠ إللى أعرفة بتعمل أعمال و نج*سه أنما تفك معرفش ٠٠
((ملحوظة غوايش دى كان ليها دور مع تغريد فى أول القصه فاكرين ))
بكت الزوجه/ أبوس رجلك عايزة جوزى أنا مليش ذنب فى طلاقه من آيه وحيات بنتى كل كلمه صدق
عبدالله/ حيات بنتك غالية أوعى تعرضيها لليمين والحلفان ،بس آيه زمانها انتحرت مكنش ليها برضو ذنب
زوجه بهاء/ لاء لاء عايشة بهاء قالى شافها فى مؤتمر فى السعودية
عبدالله/ دماغى ساح وصلت السعوديه أزاى
زوجه بهاء/ كانت شغاله مديرة فرع لبنك هنا فى مصر والمركز الرئيسى للبنك فى السعوديه وبهاء شغال فيه واتجمعوا فى مؤتمر وأتكرمت وعرضوا عليها تشتغل عندهم فى السعودية
عبدالله بتوهان/ آيه فكرتها انتحرت طب مين ساعدها دى ضعيفة ،،يعنى هى فى السعودية دلوقتى
زوجه بهاء/ معرفش لو قبلت تكون هناك رفضت ترجع هنا
عبدالله/ ياااااااة كل دة وأنا معرفش الدنيا وحشه أوووى الحمد لله على حياتى طب يا أم زينه مينفعش تقعدى لوحدك بيتى واسع ومفتوحلك
زوجه بهاء/ مش عايزة حد يعرف عله جوزى
عبدالله/ أكيد، ،كدة كدة معاكى شنط هدومكم،،،، عندى شقة فى البيت لسه الساكن سايبها من يومين وجاهزة ومفروشه وكل حاجه فيها ،،،البيت برضو هنا مش مؤهل دة مقفول سنين وقبل كدة خرابه وآيه نظفته على قد متقدر
زوجه بهاء/ خلينى هنا أحنا هنا من أمبارح وأنا بنظف فى البيت
عبدالله/ عايزة زينه الصغيرة تقول مصر بيوتها وحشه مستحيل الشقة عندى تكونى براحتك والأسم معاكى أمى فى نفس الدور،،، والدور الأول وإللى تحتك بيتى وزينه معاكى تحبيها خالص جدعة وتربيه إيدى وتقف جنبك ماهى بتعتبر جوزك أخوها جهزى الشنط وأنا أجيب عربيتى من قدام المحل وأجى أخدكم
زوجه بهاء/ بهاء مش فى وعيه
عبدالله/ أطلع أخدة
(🌷الصداقه الحقيقية لا تتأثر بالسنين هى مثل الذهب الخالص مهما تلوث بالتراب مازال له بريق يلمع ومحتفظ بقيمته🌷 )
بقلم نجلاءفتحى عاشقةالكلمات
_______________
(أتى المساء فى روما)
طرق الباب لم تجيب آيه فقالت الخادمه/ وجبه العشاء سيدتى
آيه بأنفعال/ مش عايزة
الخادمه/ أفتحى الباب سيدتى لم تتناولى شئ منذو الصباح
آيه بأنفعال/ سبونى بقااااااا أنااااااا أستاهل أستاهل 😭😭😭
نزلت الخادمه بصنيه الطعام
سيف/ رافضة الأكل
الخادمه/ نعم
سيف/ فتحت الباب
الخادمه/ لا ،،،يبدو حزينه للغايه أنها تبكى لقد سمعت صوتها من الخارج
سيف/ شوفى شغلك
رحلت الخادمه ،،، فى نفس الوقت نزلت الخادمه المسؤله عن سمر والمكلفه تكون مثل ظلها وقالت/ السيدة سمر لا أرها هكذا من قبل أعتقد ذاكرتها تحسنت سيدى مازالت فاكرة ما حدث فى الصباح ورافضه الأكل وتبكى
سيف/ ماهى كملت أووووف
ترجلت هو لغرفة آيه طرق الباب سمع أعتراضها ولأنه أخذ مفتاح باب غرفتها حتى لا تغلق على نفسها وهى لم تهتم بحكاية المفتاح ،،،، أقتحم الغرفة ثم أخذ منها تليفونها وجدها تكلم شخص على النت صوت وصورة،،
نظر لشاشه التلفاز شاف الدكتور محمد يصرخ فيه ويقول/ ينفع إللى عملته. أغلق سيف المكالمه ثم الهاتف ووضعه فى جيبه
آيه/ هاااااات التليفون خلاص ماشيه مش قاعدة
سيف/ الشهر مش خلص
آيه/ أنت مجنون مش أناااااااااا،،،مش عايزااااااااااااك ،،،أنت غير قابل للتغير ،،خليك للماضى ينهشك ،،أطلع برااااااا أوضتى يجباااااان
سيف/ أدينى فرصة
آيه/ العيب فيك مش فياااااا ثم قلعت دبلتها وقالت/ كدة خلصت محمد حجزلى من على النت طيارة لمصر بكرا الظهر
نظر ليها وأعطاها الجوال ولم يأخذ دبلته ورحل بهدوء ،،جريت هى تفتح الهاتف لتكمل مهاتفه الدكتور محمد بإنهيار ،،وبالخارج سيف سامع كل كلمه على باب غرفتها وشايفها من التليفون الذى يراقبها بيه وهى تقول/ رافضنى ،،مش طايقنى ،،تقيله عليه وتقيله على الدنيا كلها دة ٣ راجل فى حياتى أنا فااااااشله أنت السبب مشيت وراك،،،،،، الدنيااااااا وحشه هو مش عايزانى ثم ألقت الهاتف فى الحائط تهشم وتوجهت للشرفة وهى تقول بهياج/ محدش ينقذني المرادى ولقصر قامتها حاولت تتعلق فى السور لتقفز ،،فى نفس الوقت ألقى سيف جواله فى الأرض وأقتحم غرفتها وجدها على كرسى وأستعدت تقفز ألتقاطها من خصرها من الخلف داخل حضنه وسقط بيها فى أرضيه الشرفه كانت مثل السمكه وسط الزيت غير واعيه بحالتها،،، لم يجد غير أنه صفعها بقوة ألمتها فقدت فيها وعيها حملها وتوجه لغرفته التى أول مرة تدخلها وألقاها فى السرير وجلس على الأرض بأهمال وهو ينهج وعيونه ليها وهو يقول:- يا مجنونه يا بنت المجانين روحها مش غاليه عليها كانت تسبنى ذى عائشه وتموت بسببى ودمها فى رقبتى ليوم الدين ليه بيحصل فيا كدة ٠٠٠
على الجانب الأخر كانت سمر فى الحديقة وانتبهت على صوت آيه وشافت وسمعت محاوله أنتحارها الفاشله لكن فقدت وعيها ونصف آيه خارج السور ولم ترى أنقاذ أخوها لها ،،،،،جرى الحارس يحاول يفوقها فشل فحملها
(الحوار بالإنجليزي 👇)
الحارس ١ / سيبها سيف يقتلك
الحارس الثاني/ أشفق على هذة الفتاة سنوات و لن أتركها ثم توجه بيها لداخل القصر وكسر قواعده
بقلم نجلاءفتحى عاشقةالكلمات
___________
فى منزل عبدالله
دخل المنزل وقال/ زوزو
أتت هى بأبتسامة/ حمدلله على السلامه
عقد حاجبه كان يعتقد تتخانق معاة عما بدر منه فى المحل بسبب الفتاه التى تحدث معها
زينه/ زينه بنت بهاء
عبدالله/ حلوة أقصد هاديه
زينه/ تحس هى ونور واحد والواد أنس واكل دماغها البنت بسكوته
عبدالله بحدة/ أنننننننننس
أتى يجرى/ نعم يا بابا
عبدالله/ الضيفة فين
أنس/ فى أوضتى
عبدالله/ بتهبب إيه
أنس بخوف/ بفرجها عليها
ألتقطه عبدالله من ملابسه/ وحيات أمك عارفك نج*،،، الغلط على أمك مش عليك
زينه/ يوه هى أمه أتكلمت متكبرش الموضوع عيال مع بعض
عبدالله/ دة أنس إللى جرب البوس والحضن يا مخفيه
زينه/ متوجعش راسى ،،و وطى صوتك البنت جوا ومبسوطه وذى الفل
عبدالله بضيق/ لازم تنبسط مع روح أمه أسمع ياااااض البت دى تسكن فوق قصاد ستك راضية إياك تعمل حاجه تدايقها٠
شد أنس كف والدة وقبلها وقال:- حلاوتك يا سيد المعلمين
أبعدة عبدالله/ أوعا إيدى يلعن أبو شكلك
زينه/ أنت سكنت الشقة أتفاقنا نخلى البيت ونجهزة للعيال
عبدالله/ مبقاش غير المرا تمشى كلمتها عليا بيتى وأنا حر فيه يا روح أمك
قطع الكلام حضور زينه الصغيرة/ أنوس ورينى الحمام عايزة أشوفه
أنقض على أبنه/ البنت تقصد إيه ودينى أقطع خبرك حمام إيه إللى تشوفه
أنس بخوف/ الحمام تقصد الغيه الله يخربيتك توديني فى داهية وعدتها أطلعها السطح فى الغيه
عبدالله/ على الله تنفرد بيها فى حته ساااامع، أيهم أيهم
أيهم/ نعم يا بابا
عبدالله/ أنت سامع الكلام طلع زينه لأبوها فوق
أيهم/حاضر
زينه بهاء/ أنوس عايز حاجه
أنس بهيام/ عايز سلامتك يا غاليه
زينه بهاء/ باى
أنس/ باى يا عود فرنساوي.
زينه الأم/ أجرى ياااااض برا الشقة بسرعه ههههههههه
عبدالله بأنفعال/ شوفتى تربيتك، الواد مش محترمنى
نفخت زينه وضربته فى صدرة/ شكل عبدالله وزينه يتكرروا تانى
عبدالله/ على جثتى يا بنت ال***************
شهقت زينه/ تربيه شارع مش معديهالك الست إللى واقفت معاها العصر
تنحنح عبدالله/ أنا راجل
زينه بعشوائيه/ كبرت وخرفت وبقيت مراهق مش لايقة على شيبك يا معلم
نظر عبدالله ليها بقرف/ سوفاج بلدى أوووى يا دكتورة مستوايا ميسمحش أتكلم مع أشكال بيئه زيك
زينه بصدمه/ أنا بيئه يا أبو ولا بلاش أنا مؤدبه ماهى تربيتك عبدالله متسبنيش أستناااااا هنااااااا عبدالله عبدالله
______________
فى صباح اليوم التالى
[فى روما]
بدأت آيه تفتح عينها صداع قوى برأسها حاولت تعتدل وتجلس نصف جلسه لم تستطيع وشعرت بوغزة فى كف إيدها من حركتها وجدت كانولا ومتوصله بمحلول مغذى وفى لون أزرق (حبر ) فى أحد أناملها حاولت تفتكر ما حدث ثم غمضت عيونها وتشتت عقلها هل تحلم أم ماذا هى بالفعل منهارة ولم تتذكر أى شئ آخر ،مسحت الغرفة بعيونها ،وجدت سيف ينظر فى الشرفة وظهرة ليها لكن مهلا هذة ليس غرفتها ولا غرفة سمر أين هى ، تشعر بألم بقدميها فقالت بضعف/ س س سيف، ،، لم يجيب ،،بلت شيفاها ثم علت نبرة صوتها قليلا وقالت:- سيف
____________
ترجل هو ليها بخطوات ثابته ووضع إيدة فى جيبه
نظرت هى لحاله مرهق للغايه وتسلط تركيزها على عيونه المنتفخة الحمراء المتعلقه بالدموع فقالت/ حصل إيه
سيف بهدوء/ كويسه دلوقتى
آيه بترجى/ حصل إيه بقولك
سيف/ حكى ليها الموقف وأنه جابها غرفته ولم يذكر أنه ضربها بالقلم أو يراقبها
آيه/ دة حبر ،،ثم رفعت أحدى أناملها له
سيف/
يتبع