رواية قوت و يونس الفصل الثالث والثلاثون 33 بقلم بسنت شريف
الايام بتمر ويبقي الحال كما هو عليه كل واحد مشغول في حياته ويونس مخاصم قوت ورافض انه يسمعها او يسامحها بعده عنهر وخصامه ليها اقوي عقاب ممككن انه يقدمه ليها
صباح يوم جديد
يونس نزل مكتبه وماسك ورق وبيتكلم في الموبايل وقطع حديثه دخول قوت من غير استاذان
يونس بصلها ومعلقش وكمل كلامه وبعد كدا قفل وجيه يخرج وقفت قصاده
قوت: وبعدين بقي هتفضل مخاصمني كدا هونت عليك تعاملني بالقسوه دي
يونس بصلها ومردش
قوت: انت مش بتتكلم ليه رد قول حاجه
يونس: عيزاني اجول ايه
قوت: قول كفايه لحد كده
يونس: انتي اللي بدايتي ياقوت انتي اللي غلطتي وتخطيتي كل الحدود. ولاراعيتي عشره ولاراعيتي سنك ولاسني ولاراعيتي بناتك اللي علي وش جواز رميتي كل دا ورا ضهرك وعملتي خناجه من غير سبب ومش بس اكده لا تروحي لابوكي وتحكيله وتشيلي نفس ولدي مني افرض ان زين مش عاجل وسمع الحديد اللي جولتيه كان هيبجي رد فعله ايه كنتي هتفرحي وانتي بتخسريني والدي ياقوت واه ياقوت هو والدي اه مش علي اسمي بس انا معتبره والدي الرابع والدي البكري ياقوت وبعد كل دا مش مكافيكي له سيبتي بيت ابوكي وخرجتي في انصاص اليالي كيفك. كيف الحراميه ولااهتميتي باسمي ولااسم ابوكي ولااسم ولدك
قوت بصتله وتنحت انه عرف انها خرجت
يونس: ماتستغربيش اكده انا مفيش حاجه بتحصل في البلد اهنه وانا مش بعلم بيها
قوت وطت في الارض: انا اسفه ماتزعلش مني
يونس بجمود: وتفتكري اسفك دي هيغير حاجه من اللي حصلت ياقوت
قوت: غلطت وعارفه اني غلطت كفايه بقي انا مش هنفضل كدا العمر كله
يونس بصلها ومردش
قوت حبت تضايقه: براحتك انا هروح عند بابا و
يونس رجع علي مكتبه ياخد ورق واتكلم وهو ماشي... لو خرجتي من اهنه ورقتك هتحصلك
تستمر القصة أدناه
قوت بزهول: ايه انت بتقول ايه هونت عليك تقول كدا
يونس بصلها ببرود ومردش
قوت بتبصله بصدمه حاسه انها قصاد واحد تاني بتبص في عنيه االي كانت متعوده دايما تشوف فيهم بحر من الحنيه وعشقه ليها اللي كان بيبان في عنيه اول مره تشوف عنيه خاليه من اي مشاعر صوته كله برود كانه مش نفس الشخص اللي هي عاشت معاه كل سنين دي
يونس فهم نظراتها وصدمتها ف انسحب بهدوء وخرج وقفل الباب عليها واخد نفس طويل واتنهد.... اسف ياقوت بس انتي جرحتيني اوي ومش هجدر اعاجبك كيف الخلق وبعد كدا مشي عشان يشوف شغله
قوت قعدت مكانها تعيط ورفعت وشها اما حست بهدي جنبها فرمت نفسها في حضنها عيطت
هدي:اهدي ياخيتي اهدي
قوت: يونس زعلان مني اوي ياهدي انا مش عارفه اعمل اي
هدي:راضيه ياخيتي الزعل علي جد الغلاوه وعلي قد عشجه ليكي علي جد زعله منيكي
قوت:بس هو مبقاش يحبني
هدي ضحكت:وه وه كيف دي عمي يونس مستحيل يكرهك دا انتي اغلي من روحه انتي بس حاولي معاه تاني والنفوس بينتكم هتتصفي ماتجلجيش
قوت :يااارب يارب
زين ماشي في المكان المخصص ليه راكب الخيل كالعاده
في الوقت دا وصلت بنت جميله جدا وواضح عليها الخوف والقلق عيونها بلون غريب لان كل عين بلون لون رزقاء ولون خضرا ودا خلاها تلبس عداسات باستمرار عشان نظرات الناس دايما بضايقها
البنت بتوتر:لللوسمحت هووزين بيه فين
الغقير بصلها:انتي مين عاد
البنت بخوف:ااانا دكتوره شيرين وعندي معاد مع زين بيه مممكن تقولي هوفين
+
الغفير شاور بايده: اهناك روحيله
شيرين مشيت مكان ماشور ليها واتفجئت بشاب راكب خيل بس اللي صدمها ان مفيش اي وسيله امان وهو سايب ايده استغربت ايه الثقه والغرور اللي فيه دي انه يعمل كدا ماخفش انه لو وقع ممكن يموت دا اكيد مش طبيعي ولااي اده
زين لفت انتبهو البنت اللي واقفه بصلها بتعجب لان شكلها مش من البلد نزل من علي حصان وفضل باصص ليها بس لاحظ انها سرحانه فا راح ليها
وخرجت من شرودها هلي صوت زين
زين:انتي مين عاد
شيرين برعب::ها انا
زين بحده:هوفي حد غيرك اهنيه عايزه مين.واي اللي چابك اهنه
شيرين:اااادا دا هو اللي قالي اجيلك هنا
زين:تچيلي انا ليه عاد
شيرين:انا دكتوره شيرين دكتوره بيطريه اللي حضرتك طلبتها من المستشفي
تستمر القصة أدناه
زين:انا طلبت دكتور مش دكتوره
شيرين:وهي هتفرق ايه يعني مش المهم الشغل
زين بصلها:ماشي انتي عارفه شغلك اكيد مش هعيد تاني بس اللي عايزك تعرفيه انك.لوجصرتي في شغلك هنسي انك ابنته فاهمه
شيرين اضايقت من كلامه:علي فكره انا شاطره في شغلي اووي ومش من حقكك تقلل مني كدا انا ماسمحش ليك
زين بصلها باستهتار:بكرا كل حاچه هتبان وشاور لشخص....وديها المضيفه وسابهاومشي
شرين بضيق:اووووف ايه العامله السودا اللي انا عملتها في نفسي هربت السواد لقيت الاسود منه اي الحظ دا
الشخص:خلصتي حديد مع نفسك ولالسه عاد
شيرين اتحرجت:انا اسفه يالا
الشخص اخدها كان بيت من دورين
الشخص:الدور دي عشان تكشفي فيه علي باهيم والدور اللي فوج عشان تباتي فيه عايزه حاچه تاني
شيرين:لا شكرا
شيرين دخلت المكان وفضلت تبوص عليه بتعجب وبتتلفت شافت واحده قدامها رجعت لورا برعب
البنت:اهدي ياضاكتوره
شيرين:اسفه بس انا ماشوفتش حد هنا
البنت:ولايهمك انا سعاده نورتي البلد
شيرين:شكرا
سعاده:انا جبتلك الوكل اها وانا هفضضل معاكي اهنيه عشان لو عوزتي حاچه
شيرين:شكرا ياحبيبتي
سعاده:اجعدي كلي لجمه بجي تلاجيكي علي لحم بطنك.من.صبح
شيرين قعدت وابتدت تاكل...كلي معايا
سعاده:سبجتك كل انتي بدل مانتي هفتانه اكده هما بيجلو اكلك.ولااي
شيرين ضحكت:بياكلو اكلي اذاي
سعاده:اصلك مسلوعه جوي انتي عايشه كيف اكده
شيرين ضحكت:انتي فظيعه اووي
سعاده:وانتي چميله اوي اوي
شيرين:شكرا انتي اجمل وتسلم ايدك الاكل حلو اوي
سعاده:ووه انتي اكده كلتي لالا انتي لازم تاكلي دا انا عامله فطير يستاهل خشمك
شيرين:هو جميل فعلا بس انا مش هقدر اكل اكتر من كدا
سعاده:طيب خليه عندك اهنه اما تجوعي ابجي كوليه
شيرين هزت راسها وبصت من شباك علي مزرعه كان زين واقف مع الناس
سعاده بصت علي زين:زين وهو زين فعلا زين رجال البلد كلتها
شيرين بصتلها بضيق:دا زين امال التنين ايه
تستمر القصة أدناه
سعاده:اما تعرفيه هتجولي غير اكده هو اكيد انتي خوفتي منه في لاول بس مع الوجت هتعرفيه ويوم ماهتحتاجيه.هتلاجيه واجف في ضهرك.كيف اخوكي واكتر زين بيه عمره مااتاخر عن حد خالص وبيعامل الكل كيف اهله بالظبط
شيرين.بصتلها ومعلقتش بس ماصدقتش كلامها لان مش باين عليه الكلام دا
قوت بتفكر اذاي تخلي يونس يرجع ليها تاني وفكرت تعمل خطه وفضلت واقفه بي البلكونه واول ماشفته بيركن عربيته نزلت بسرعه وراحت لواحد من الغفر كانها بتطلب منه حاجه ووقفت تتكلم معاه يونس دخل اول ماشافها راح ليها بغضب وشدها ودخل بيها جوا
يونس: كنتي بتعملي ايه باره
قوت: بطلب منه يجيب ليا حاجات
يونس: حاجات ايه ومن ميتي وانتي بتطلبي حاجه من الغفر
قوت: الاول كنت انت بتجبلي كل االلي احتاجه من غير ماطلبه انت دلوقتي زعلان مني اعمل ايه انا
يونس بصلها بغيظ: بلاش تختبري صبري اكتر من اكده عشان صدجيني انتي اللي هتندمي وسابها وطلع وقوت قعدت وهي بتضحك
ياسين: انتي اتهبلتي ياقوت بتضحكي وهو كان بيزعقلك
قوت: لسه بيحبني ياياسين
ياسين ضحك: انتي هبله يابنتي هو زرار هيدوس عليه في مشكله ينسي حبك هو زعلان منك مش اكتر وبيعاقبك لكن دا مش معناه انه بطل يحبك واديكي شوفتي اول ما شافك واقفه مع الراجل زعقلك بونس هيفضل يونس ومش هيتغير ووقت ماهتحتاجيه هتلاقيه جنبك من قبل ماتطلبي وسابها ودخل اوضته وقوت فكرت في كلمته وخطرت ليها فكره كان ياسين بيعملها وهو صغير دخلت المطبخ وطلبت من البنات حاجات وكلهم انشغلو فتحت التلاجه طلعت منه حلاوه طحنيه وحطت عليها شطه واكلتها وراحت غسلت الطبق بسرعه قبل ماحد ياخد باله
وحست بعدها بدقايق انها ابتدت تتعب وحرارتها بتذيد طلعت اوضتها بتعب ونامت علي سرير
يونس خرج من. الحمام استغرب ان قوت نايمه علي سرير ماعرفش طلعت امتي ولانامت امتي بس لفت انتبهو ان وشها احمر اووي. ودا مش طبيعي راح ليها بقلق ونده عليها براحه لكن مش بترد عليه ودا قلقه
يونس قعد علي سرير وقرب منها بخوف: قوت قوت ردي عليا ياقوت
واول مالمسها اتصدم من ارتفاع درجه حرارتها راح بسرعه يعمل ليها كمدات واتصل باانس يجي وهو فضل جنبها
+
قوت بتخاريف: انا اسفه ماتزعلش مني انا مش قصدي ازعلك انا بحبك
يونس: شششش اسكتي ماتكلمميش
قوت: انت زعلان مني وانا مش متعوده منك علي قسوه دي كفايه بقي
انس جيه خبط
يونس: ادخل
انس جيه بسرعه: في ايه يابوي
يونس: ماعرفش انا لجيتها اكده حرارتها عاليه جوي وبعمل ليها كمدات حرارتها مابتنزلش
تستمر القصة أدناه
انس كشف عليها بس مفيش حاجه تسبب سخونيه ف استغرب.... انا كتبت ليها علي علاج وهبهت حد يجبوهالها وهتبجي. زينه ماتجلجش
يونس هز راسه وانس بعت جبلها العلاج ويونس فضل جنبها طول اليوم يعمل ليها في كمدات وقوت تصحي دقايق تعتزر من يونس وتنام تاني
صباح يوم جديد
قوت صحيت لقت نفسها في حضن يونس كالعاده فضلت تبوصله بسعاده كان واحشها اووي دفنت نفسها في حضنه ونامت تاني ويونس حس بيها بس مابينش دا
انس نزل عشان يروح المستشفى كانو ساره وفريده قاعدين
انس: صباح الخير
فريده: صباح النور هي ماما لسه ناييمه هي عامله ايه دلوقتي
انس: اه العلاج اللي خدته في نسبه مخدر افطرو انتم وكل واحده علي جامعتها
ساره: انا عايزه اتكلم معاك ممككن
انس: اي الادب دا كله اتحددتي عايزه ايه
ساره: في واحده صاحبتيي كانت شغاله في مستشفى الجامعه بس سابت الشغل
انس: صاحبتك اذاي
ساره: اكبر مني هي بصرحه يعني المعيده بتاعتي
انس: طيب وسابت الشغل ليه
ساره بتوتر: مش مهم عادي يعني ماتوققتش وهي محتاجه شغل ضروري
انس بشك: سابت شغلها ليه ياساره
ساره بتوتر: بصراحه يعني اتهموها بالسرقه بس والله العظيم ظلم هي ماعملتش حاجه وبريئه
انس قام: انتي جنيتي عايزه تشغلي عندي حراميه دي هربت منك خالص انا ماشي
ساره جريت وراه: والله مظلومه دا موقف وحصل فيها صدقني ارجوك يانس صدقني
انس: انا قولت لا خلصنا
ساره: استني بس... طيب بوص جربها ياسيدي واختبرها لو صدر منها موقف مشيها لكن ارجوك هي محتاجه الشغل ضروري مامتها مريضه ووالدها متوفي واخوها الصغير بيتعلم فهي حقيقي محتاجه الشغل دا
انس صعبت علبها: طيب هاتيها بكرا ساعه 11
ساره حضانته: ربنا يخليك ليا يااحلي اخ في دنيا
انس ابتسم وخرج وساره رجعت لفريده
فريده: مش قولتلك هيوفق انس طيب
ساره: الحمدلله انا هروح افرحها بقي انتي مش راحه الجامعه ولاايه
فريده: لا معنديش حاجه مهمه
ساره: ماشي
فريده طلعت اوضتها تزاكر شويه وبعد كدا زهقت فالبست عبايه والطرحه ونزلت تتمشي شويه لان الجو كان حلو جدا
كانت بتتمشي بين الغيطان في الارض بتاعت ابوها لحد ماوصلت للمزرعه وعجبها شكلها اوي ومشيت بس فجئت بحد طلعلها مره واحده
تستمر القصة أدناه
فريده بصتله بخوف
الشاب: علي فين ياحلوه بس
فريده جت ترجع وقف قصادها: علي فين بس ياحلوه هتمشي علي طول اكده
فريده بتبوص حواليه بس المكان فاضي ودا خوفها اكتر
الشاب: مفيش حد هينجدك. مني يامهلبيه ولسه هيشدها جيه محمود زقه واتخانقو سوا وبدون مقدمات طلع الشاب المطوه من جيبه وطرب بيها محمود في كتفه وجري
فريده شافت الدم صرخت ومبقتش عارفه تعمل ايه وبقت تعيط واتلفتت علي صوت شخص جنبها
شرين:ماتقلقيش دا جرح سطحي
فريده بصتلها برعب:بجد
شيرين:ايوه وبصت لمحمود....ممكن تقوم معانا ندخل هنا وانا هعالجك.اتفضل
محمود قام بوجع وشرين طلعته فوق شقتها هو فريده وابتدت تعقم.ليه الجرح وخيطته
شرين:مفيش حاجه الجرح سطحي هو كويس ماتقلقيش
فريده بصتله وعنيها دمعت:انا اسفه اسفه
محمود:مفيش حاجه حصل خير
فريده بصاله وخايفه عليه وحاسه انها سبب وموبايلها رن برقم زين ف ردت عليه وعيطت
زين بقلق:في ايه مالك انتي بتبكي ليه
فريده:في واحد...وعيطت
زين:واحد اي انطجي
فريده:محمود اتعور
زين اتصدم:انا مفهمش حاجه انتي فين
فريده:انا في بيت عند المزرعه
زين: انا جايلك. دلوج سلام
وبعد دقايق زين وصل وشرين فتحت ليه واتصدمت اما شافته وعرفت انها اخته وفريده جريت عليه
زين: اهدي اهدي ياحبيبتي اهدي في اي اللي حصل يامحمود
محمود:مفيش انا كنت جايلك المزرعه شوفت الانسه فريده في واحد بيرخم علبها روحت اتخنقنا سوا وضربني وجري بس
زين:شكرا ياصاحبي
محمود:شكرا ايه بس احنا في بينتنا الكلام دي اخت صاحبي يعني تخصني كيفك بالظبط وحمايتها واجب عليا
شرين بتسمعه وهي متنحه ومش مصدقه اللي بتسمعه منه ومصدومه بسبب اللي حصل
فلاش باك
عشان تشوفي باقي الرواية بسهوله 👇
اتاكد انك عامل متابعه ليا 👈 ابو رحيم
شرين.نزلت تشوف المزرعه وكانت ماشيه فيها وسمعت صوت حد بيكلم بس مش عارفه صوت جاي منين فمشيت ورا الصوت لحد ماشافت شابين واقفين مع بعض
محمود:عرفت هتعمل ايه
الشاب:حفظت ياعم خلاص هتعرض ليها وهفضل اضايجها لحد انت ماتظهر وتعمل فيها البطل وتاجي تنجزها خلاص حافظت
محمود:جدع خود دي نص فلوسك والباجي هبعتهولك بطريجتي بس تخلص وتجري من اهنه لان زين لو عطر فيك هيدفنك مكان مانت واجف فاهم
الشاب:اطمن
بااااك
شرين فضلت بصاله بزهول اذاي هو راسم وش الملاك كدا قدامه اذاي قادر يخدعه.كدا..