رواية قوت و يونس الفصل الخمسون 50 بقلم بسنت شريف
في احدي الاماكن الظالمه البعيده عن ناس نادر ماشي ومعاه كشاف عشان ينور وبيتلفت حوالين نفسه في رعب وفجاه حس بحد بيحط ايده علي كتف اتخض.... هاااا مين انت يايونس بيه
يونس:استرجل عاد مالك خرع اكده ليه
نادرباحراج :حاضر
يونس:ها اي الاخبار وصلت لايه
نادر:محمود مضي زين بيه علي ورج في تنازل عن كل حاچه يابيه وانا نفذت اللي انت طلبته وجولتله مايهربش وجولتله كمان يعني كيف مانت جولت انه يجتل زين بيه
يونس:تمام وجالك هينفذ متي
نادر:لع مجاليش لسه
يونس طلع ازازه من جيبه.....اديلو دي وجوله انع بيدل مايجتله بالرصاص وعشان الدم يجتله بالسم علي اجل هيشوفه بيموت جدامه وهيتشفي فيه واقنعه بدا فاااهم ويوم تنفيذ تبلغني بيه
نادر اخد منه الازازه وبصله بخوف....هو دي بچد معجول حضرتك بتتامر علي جتل زين بيه كيف دا اكتر من
يونس قاطعه:مايخصكش انت تنفذ اللي باجوله وبببس فاااهم امسك الفلوس دي وانت مش محتاچ اني اكرر كلامي لو حد عرف باللي بينتنا دا هدفنك مكان مانت واجف سامعني كويس
نادر هز راسه برعب ومشي ويونس كمان مشي وركب عربيته وسرح في اذاي عرف حقيقه محمود
يونس كان قاعد في مكتبه ودخل شخص لافف وشه عشان ملامحه مش تبان
يونس بتعجب:انت مين عاد وعايز ايه
الشاب نزل الوشاح من علي وشه ويونس بصله بتعجب....مش انت نادر صاحب محمود چاي اكده ليه ايه حكايتك في ايه
نادر:انا عايز اتحدد معاك في موضوع مهم بس ماينفعش اهنيه
يونس:ليه انطج في ايه
نادر:اصل الحجيجه خايف حد يشوفني معاك وخصوصا محمود
يونس:محدش هيچي اهنه انطج بجي انا مش فاضي عايز ايه
نادر:انا كلامي دا هجوله عشان انا صاين العيش والملح وان لحم اكتافي من خيرك ومش طمعان فيك
يونس:بكفايك تجديمات عاد وانطج علي طول في ايه
نادرحكي ليونس كل حاجه عن محمود وعن نواياه وكل مخطاطته
يونس:وانا اي اللي يضمنلي ان حديدك دي صح
نادر:الواد اللي اتعرض للانسه فريده عارف عنوانه تجدر تروح وتچيبه وتسالها علي موصفاته وهي هتجولك عليه
يونس:وايه اللي جلبك عليه خلي بيك ولايه
نادر:عشان دخل الولايه في لعبته ودا ميصحش وتاني حاچه عشان خاطر انا ماعضش اليد اللي اتمدتلي
يونس بصله وطلع فلوس من الخزنه.... خود دول عشان طلعت صاين العيش والملح بس من اهنيه ورايح دبه النمله عن محمود اكون عارفها ولو في حاچه حصلت من غير علمي انت عارف زين انا هعمل فيك ايه
تستمر القصة أدناه
نادر: من عنيا
يونس كان مش مصدق اللي هو قاله بقي معقول الشاب اللي هو رباه في بيته كانه واحد من عياله يعمل فيه كدا يكون بيتمني موته ونفسه ياخد كل حاجه منه و جاب الواد واكد ليه كلام ودا زود غضبه اكتر من محمود
يونس رجع شيرين شافته راحت ليه
شيرين بتعجب:بابا حضرتك كنت فين وخرجت ليه انت لسه تعبان
يونس:كنت في مشوار مهم وسابها وطلع ومردش علي زين
زين:مالك في ايه
شيرين:هوانت مش ملاحظ ان بابا متغير
زين:ملاحظ ومش عارف فيه ايه المهم يالاعشان نطلع ننام
شيرين:طيب
فريده قاعده شايفه ساره شارده راحت قعدت قصادها...ايه
ساره:ايه
فريده:متنحه وسرحانه كدا في ايه ايه حكايتك
ساره بتوتر....مفيش حكايه ولاحاجه عادي
فريده:عليا انا بارزو قوليلي بقي واحكيلي
ساره:بوصي هو مش حاجه بس مش عارفه بحس احساس غريب اوي اول مابشوفه قلبي بيفضب يدق جامد اوي واول مايكلم معرفش بيحصلي ايه
فريده:ياعيني ياعينيي كملي كملي
ساره:يوه خلاص مش هكمل
فريده ضحكت:لالالا خلاص انا سكت اهو كملي
ساره:خلاص خلصت
فريده:خلصتي ايه لاقوليلي اتعرفتو علي بعض اذاي
ساره ابتسمت وحكتلها اللي حصل اول مره شافته فيه
فريده:يعني هزقتيه وجابلك كمان مج لادا جنتل وابن ناس اوي
ساره:انا استغربت موقفه اوي وماتوقعتش انه ممكن يعمل كدا
فريده:الله انا بحب قصص الحب دي اوي كملي كملي
ساره:ويوم بابا ماتحجز في المستشفى وانا تعبت الممرضه قالتلي ان في شاب اللي انا وقعت وهووشالني دخل ليا وفضل قاعد معايا واعتقدت انه جوزي
فريده:استني استني انتي قصدك مين اوعي يكون الظابط اكرامي
ساره حكت في راسها....ايوه هو
فريده:يخربيتك انتي مش عارفه انه هو وزين مش بيطيقو بعض
ساره:لامهووجيه وحل الموضوع هنا واعتزر من بابا
فريده:يبقي علي بركه الله ونقول مبروك بقي
ساره:اتنيلي هووعشان عرف ان فاهمهم غلط يالا انا هروح انام بقي تصبحي علي خير
ساره خرجت وفريده سرحت في كلام ساره وحبت هيكمان تعمل كدا مع محمود يمكن تعيش معاه لحظات حلوه
تستمر القصة أدناه
صباح يوم جديد
الكل صحي ونزل فطرو وراحو علي شغلهم
فريده عملت كوبايه نيسكافيه وفضلت مسكاها
شيرين:التلج ساح ايه ناويه تحنطيها
فريده:ها اصل الساقع اوي بيوجعلي سناني فامستنيها تهدي بس مش اكتر
شيرين:طيب انا هقوم اشوم ماما بتعمل ايه
فريده: ماشي
فريده شافت محمود داخل قامت بسرعه عشان تخبط فيه وفعلا خبطت فيه والنيسكافيه وقع علي محمود
محمود بانفعال:انتي ايه اللي هببتيه دا انتي اتجنيتي مش تفتحي وانتي ماشيه
+
فريده بصتله بصدمه....معلش مش قصدي انا
محمود:انتي ايه وزفت ايه بهدلتي هدومي وسابها ومشي ينضف هدومه وفريده متابعه في صدمه وطت ونزلت تلم الازاز وعنيها مليانه دموع
الدموع شوشت علي رؤيتها فاتعورت واتالمت
بدر:اي دا جومي انتي جاعده علي ارض اكده ليه
فريده بصتله ومردتش
بدر:اكده تعوري نفسك جومي وطلع منديل ولف بيه ايديها ولم هوالازاز ونده حد ياخده يرميه
بدر:انتي لميه ليه في ناس اكتير اهنه اكدا تاذي نفسك
فريده مش بترد بس دموعها نازله
بدر قعدها علي كرسي وراح جاب تعقيم وعقم ايديها وبيبصلها كانن بتعيط
بدر:انتي بتبكي ليه هي بتوچعك
فريده هزت راسها باه
بدر لفها ليها...معلش هتبجي زينه بس خلي بالك انتي بعد اكده ومالكيش دعوه بالحاچات دي عشان ماتتعوريش تاني
فريده:حاضر وسابته وطلعت وهو خرج
محمود دخل غير هدومه...غبيه هانت وهتغور من وشي خالص
نادر:انت رچعت تاني ليه
محمود:مفيش البيه طلع جاعد في اارض اللي وراه المزرع عشان ناوي يعمل فيها حاچه اكده معرفش ايه
نادر:اها المهم خود دي
محمود::ايه دا اعمل بيه ايه
نادر:دا سم
محمود:وانت جايبهولي ليه
نادر:عشان تحطه لزين
محمود:طيب وعلي ايه هي طلجه وخلاص
نادر:ياغبي السم دي صعب وكفايه انه هيفضل يتالم جدام عينك اكده وانت تتشفي فيه وبعدين من غير دليل ولابصمات انت اجف عن الباب الخلفي هتطلع علي شجه اللي كانت جعده فيها مارته وجوله يطلعلك عشان عايزه
محمود نفذ كلام نادر واخد السم وكلم زين وفعلا جاله وطلعو الشقه
زين: المكان اهنيه مبهدل جوي اجعد
تستمر القصة أدناه
محمود: مهو انت واخد علي نضافه بجي
زين بصله ومعلقش....انت كنت عايز ايه
محمود:هنتحدد في شغل هجوم اعملك شاي واچي عشان نعرف نتكلم
زين:ماشي
محمود عمل شاي وحط سم في كوبايه زين وضحك وخرج بيها لزين وابتدا يتكلم في حاجات تخص الشغل وزين بيشرب شاي وابتدا يحس في وجع في بطنه
محمودبخبث:مالك في ايه
زين:مش عارف في وچع غريب جوي في بطني
محمود ابتسم بسعاده:ماتخودش في بالك ممكن يكون برد بس
زين:ممكن
محمود فضل يتكلم وملاحظ تعابير الالام اللي علي وش زين
زين المه بيزيد اكتر حاسس ان في حاجه غريبه الوجع مش بقي قادر يتحمله اتكلم بصوت عالي...اتصل بانس يامحمود انا بموت مش جاااادر اتحمل الوچع همووووت
محمود بصله ومردش
زين طلع موبايل عشان يتصل محمود شده منه ورماه وزين بصله....انت چنيت انت بتعمل ايه كلم انس
زين وجع علي ارض من الوجع ومحمود قعد جنبه علي ارض وبقي يبصله ويضحك.....عشت وشوفتك مزلول جدامي ياولد الاكابر شوفت يازين الايام دي دواره كيف اديك انت دلوج اللي مرمي تحت رچلي بتتمني اني اساعدك وانا مش هسعدك عارف ليه لان السم اللي انت شربته دا انا اللي حطتهولك
زين وجع بطنه كوم وصدمته في صاحب عمره كوم تاني مش مصدق اللي بيسمعه منه
محمود:ماتستغربش اووي كدا عشت عمري كله مزلول ليكم.وانتم بتحسسوني بالشفجه بس خلاص جيه وجت الحساب وابتدت بيك صح هو انا ماجولتلكش مش انا مضيتك علي تنازل وانت بعتلي كل حاچه وهروح دلوج اطردهم كلهم وانا اللي هجعد في سرايا الجوهري مع سلامه انت بجي يازين بيه
زين بتعب.....كل حزرني منك وكانو شايفين انك لابس جناع الصحوبيه..وانا الوحيد اللي كنت مغفل
محمود:ولاجانون لايحمي المغفلين ياصاحبي وضحك بصوت عالي وكدا اللعبه خلصت واوعدك اما روحك تطلع هبعتك في تابوت لابوك
وقام عشان يخرج وزين غمض عينه واستسلم لمصيره
محمود لسه هيفتح الباب اتفجأ بيونس قصاده
محمود برق ورجع لورا وبلع ريقه برعب
يونس شاور للرجالته يكتفوه ويربطوه وراح لزين وبصله..... هيفوج.امتي ياانس
انس قوم. زين من علي ارض ونيمه علي كنبه.... دقايق وهيكون فايق
يونس هز راسه وسكت ومحمود مش فاهم حاجه بيحاول يفهم اي اللي بيحصل بس مخه كانه وقف
وبعد مده قصيره زين كان ابتدا يفوق وبيفتح عينه مش عارف هو فين ولااي اللي حصل معاه
يونس: كيفك دلوج
تستمر القصة أدناه
زين بصله بتعجب: انا فين
انس: اشرب دي لاول
زين بص لاانس وبيتذكر اللي حصل هواخر حاجه فكرها انه كان بيموت ومحمود واقف قصاده...اي اللي حصل
يونس:اشرب دي وانا هفهمك كل حاچه
زين اخدها من انس وشرب واتلفت كان محمود قاعد ورجاله ابوه واقفين جنبه
يونس:اخروجو انتم وجفو تحت يالا وابعتوه
الرجاله خرجت ومحمود بيبصلهم بقلق
يونس:انت زين دلوج
زين هز راسه
يونس:كيفك يامحمود وراح وقف قصاده ومسكه من هدومه وشده من علي كرسي بغل.... بجي واحد ذيك.انت يقف قصادي اني ويعمل فيا انا اكده دا لسه ماتخلجش علي وش الارض اللي يفكر بس يجف جصادي
محمود بيبصله بخوف....انا معملتش حاچه
يونس:ماتكدبش عشان انا عارف عنك كل البلاوي اللي انت هببتها واول مابتديت تنفذ كنت بتنفذه بامر مني انا
محمودبتوهان : يعني ايه
يونس: تحب نبتدي منين من اول ماكنت بتلف علي بنتي وعايز تتجوزها عشان فاكر انك اكده هتكوش علي كل حاچه مانكرش اني اتخدعت فيك وكنت فاكر اني بربي بني ادم طلعت مربي ديب في بيتي اول ماعوي عوي عليا انا وعض ايدي اللي ادمتله بيها الخير بس،شوف يااخي مفيش حاچه بتروح مش اكده يانادر تعالي
+
نادر دخل ووقف ورا يونس ومحمود تنح
يونس:مهو داين تدان اوعاك تكون فاكر اما تخون مش هتتخان تبجي بتحلم اهو صاحبك دي عاد هو اللي باعك ليا طلع عنده ضمير وباجي علي عيش والملح....
محمود بيبص بصدمه ومش عارف يقول ولاكلمه
يونس:ماتستغربش اكده لسه المفجئات كتيره جوي
محمود:انا مش فارج.معايا حاچه انا اللي كسبتك وانتصرت عليك واخدت منك كل حاچه وكل حاچه تخصك.بجيت بتاعتي
يونس: وكيف بجي
محمود:مضيت زين عليها وهو اتنازل ليا عن كل حاجه
يونس ضحك:وزين امضته هتفرج فيه ايه انت جصدك علي توكيل مش اكده انا ماعملتش توكيل لحد وامضات زين دي اصلاحيات انا مديهاله تخص ورثه في ابوه لكن انا معملتش توكيل لحد يعني الورج اللي معاك دي تبله وتشرب مايته....انت حسبتها غلط اما فكرت انك تجف جصاد لانها لعبه خسرانه
محمود بانفعال :مستحيل مستحيل انت بتجول ايه
يونس:انت مجرد كنت عروسه في يدي انا بحركهاكيف منا شايف
نادر: صحُ كل حاچه انا كنت بجولها ليك كانت بتبجي اوامر يونس بيه حتي السم اللي انت حطيته لزين بيه كان هو اللي عطاهولي
تستمر القصة أدناه
يونس:مش جولتلك انت لعبت لعبه خسرانه بس السؤال الاخير ليك ليه عملت اكده هو مجدمش ليه غير كل خير وعمره اذاك دا كان بيتخانج مع اخوه عشانك
محمود بغل:عشان بكرهو وبكرهكو ولو كنت اقدر اعمل فيه اكتر من كدا كنت مش هتردد ثانيه
بدر:اكرامي تحت ومعاه العساكر وكل حاجه تمت كيف ماامرت
يونس: كفايه عليك لحد اكده ابعت لاكرامي يچي ياخده
اكرامي طلع ومعاه العساكر واخدو ونزلوومحمود بيزقهم وبيزعق....مش هسيبك يايونس لانت ولاعيالك مش هسيبكم ونهايتك علي ايدي يونس راح لزين كان قاعد سرحان مش فاهم اي اللي بيحصل
يونس: انا عارف ان صدمه كبيره عليك بس كانت لازم تحصل يالا عشان نروح
زين بصله وقام كم الحاجات اللي سمعها خلته تايه مش عارف يجمع
يونس وانس وصلو البيت وزين سابهم وطلع من غير مايكلم
قوت: مالو دا في ايه اللي حصل
يونس قعد هو انس وقوت قعدت جنبهم... في ايه مالك ايه اللي حصل
ياسين داخل بسرعه..... عمي يونس اي اللي حصل محمود اتقبض عليه اذاي وليه
وسمعو صوت حاجات بتتكسر كانت صنيه في ايد فريده وقعت كلها واتكسرت
يونس: تعالي يافريده
فريده قربت منه وهي مصدومه
يونس: انتي عارفه انا بخاف عليكي مش اكده
فريده هزت راسها باه
يونس: محمود غلط وكان لازم يتعاجب ودا چزاته ولولا اني عامل خاطر لابوه الله يرحمه واني كنت بعزه انا كنت دفنته مكان مهو واجف يافريده لانه اذانا كتير اوي
فريده بصدمه: محمود اذاكو في ايه
يونس: اول حاچه فهو اذاكي انتي فاكره الناس اللي كانت بتتعرض ليكي وهوويظهر وينقذك هو اللي كان بيبقي محرضهم عليكي حب ايه اللي يخلي واحد يعمل اكده ومستكفاش علي كدا هو اللي ولع في شونه كان جاصد يجتل اخوكي زين زين اللي كان بيعتبره اخوه زين اللي اتخانج مع انس عشانه انتي شايفه ان زين يستاهل منه كدا وماوقفش لحد هنا مضاه امبارح علي تنازل عن كل حاجه وكان عايز يرمينا في شارع وهو يستولي علي كل ممتلكتنا وندالته ماوقفتش هنا وبس لا كان عايز يقتله للمره تانيه انهارده هووجابل الحسنه اللي احنا عملناها معاه بالسوء وانا اسف اني وافجت عليه من الاول وماسمعتش كلام انس
فريده بتسمعه بصدمه معقول هي اتخدعت فيه بالطريقه دي واذاي كان لابس وش الملاك كدا
قوت بتوهان:معقول محمود انا كنت مش مرتحاله بس ماتوقعتش منه كل دا جاب الكره دا كله منين
يونس: انا مصدوم فيه اكتر منك وبص لبدر...عملت ايه مع اكرامي
بدر:جدمت ليه التسجيلات وجالي انه هووهيتعامل معاه
يونس:ماشي
شيرين جت تطلع بس يونس مناعها
يونس:اطلعي انتي لفريده وانا هطلع لزين
شيرين:حاضر
يونس طلع لزين وفتح الباب كان زين قاعد علي كرسي وسرحان
يونس: هتفضل سرحان اكده
زين:كلكم كنتم عارفين وانا الوحيد اللي كنت مغفل وكنت معرف بدر وانس وسايبني علي عمايا
يونس:وانا لوكنت چيت وحكيتلك كنت هتصدجني مش سبج وكدبت مارتك وصدجته هو
زين:بس انت غير الكل انا كنت هصدجك انت
يونس:بس انا حبيت اسمعك منه هو عشان تعرف الحجيجه واضحه
زين:وعرفت
يونس:انا عارف ومجدر ان الاحساس صعب بس انت اجوي من اكده حاجه ذي دي ماتجصرش فيك
زين:بس انا مصدوم فيه انا كنت بعتبره كيف انس وبدر واللي جاهرني ان بدر دايما كان يجولي وانا اكدبه وانس كمان طول عمره مش بيطيجه وانا اتعارك معاه وجوله محمود لع محمود كيف اخوي ويطلع انه بيتمني موتي وكارهني للدرجه دي كيف انا ماذتهوش واصل ولاعملت حاچه تضايجه
يونس:دا شر نفسه ياوالدي هو اللي حجد والكره مالي جلبه انت مالكش صالح
زين بصله ومردش
يونس:اچمد انا والدي شديد مش شويه ريح كيف دول يهزوك ولاايه
زين:ماتجلجش
يونس:انا مش جلجان عليك انا عارف ان هتتخطي وهتنسي
+
زين:بس هوايه اللي اخدته دا
يونس:دي علاج ماعرفش اسمه ايه اكده انس عطهولك شبه اعراض السم بالظبط بس مش سم واللي شربته بعدها دا عشان يعملك غسيل معدي
زين ضحك:انت مرتب كل حاچه بجي
يونس:اكيد
زين.ابتسم ومعلقش
فريده كانت بتعيط وساره وشيرين جنبها
ساره زعقت:انتي هتفضلي متخلفه كدا علي بتجري ورا واحد نصاب انتي المفروض بعد اللي سمعتيه من بابا واللي كان عايز يعمله في زين تحطي قلبك دا تخت رجلك اذاي تامنيه علي نفسك بعد اللي عمله دا هااا اذاي بدل ماتحمدي ربنا انه نجدك منه قاعده تعيطي
شيرين: براحه عليها ياساره هي مش متحمله كلامك دا
ساره: مش متحمله ايه مهو اختيارها انا قولتلها وهي ماسمعتش كلامي
ساره خرجت وشيرين فضلت معاها تطبطب عليها لحد مانامت وخرجت
فريده اتاكدت ان شيرين خرجت وقامت وقفت طلعت علبه دوا وفضتها في ايديها وعيطت..... انا عارفه ان دا غلط بس انا السبب في كل اللي حصل ليهم دا..