كانت تجلس بضيق على احد المقاعد وهي تنظر في ساعتها اليديه
اسيل بضيق بتحاول تداريه على فكره عدى ساعه الا ربع مش نص ساعه
نهى بابتسامه عادي يافندم الوقت بيسرق في الشغل
اسيل من بين اسنانها اممم ربنا يوفق
نهى بصت لها بابتسامه خفيفه وسكتت
الباب اتفتح وخرج من فرح وووراها عمر
عمر اتفاجاء باسيل
اسيل قامت واقفت لما شافتهم وبصت لفرح بضيق
عمر:اسيل!!! ايه المفاجاءه الحلوه دي
اسيل وقربت منهم انا بقالي ساعه الاربع منتظره اصلا
عمر وقربها منه ووضع قبله خفيفه على رأسها بهدوء سوري ياروحي
فرح بابتسامه :ازيك يا اسيل
اسيل بدون اي تعبير على وشها كويسه
فرح وابتسمت بخفه لعمر تمام خلاص امشي انا وعلى معادنا المره الجايه ان شاء الله
عمر:تمام.
فرح مشيت
عمر:تعالي ندخل
اسيل واتحركت من مكانها ودخلت على جوه
عمر :نهى لو سمحتى اطلبي قهوه وكأس عصير مانجا
نهى:حاضر يافندم
عمر ودخل وراء اسيل اللي كانت واقفه
عمر :واقفه ليه اقعدي
اسيل:مستنياك
عمر وماسكها من ايدها وقعدوا على احد المقاعد
عمر:وحشتني
اسيل:لو كنت واحشتك كنت رديت على تلفوناتي ياعمر
عمر:معلش يا اسيل كنت محتاج افصل شويه
اسيل :سوري ياعمر انا بجد مش عارفه مروان عمل كدا ازاي
عمر:انتي ملكيش ذنب في الموضوع بس موعدكيش اني هعديها ليه انا هربيه كويس
اسيل:خالو اصلا تعب لما عرف انه عمل كدا لسه هيخرج من المستشفى بكره
عمر:عارف كان يحيى تقريبا قال قدامي كدا بجد خالك دا مش محظوظ بابنه نهائي..المهم طمنيني عنك اخبارك ايه ودراستك
اسيل :الحمدلله كله تمام
عمر:كنت اصلا هكلمك النهارده المهندس خلص كذا حاجه في الفيلا وكنت عايز ابعتهالك تشوفيها
عمر وفتح موبيله وبداء يفرج اسيل
اسيل باعجاب ايه رائيك؟؟
عمر:بصراحه حلووين بس يمكن انا مش متعود على الالوان دي
اسيل:بجد لازم الالوان دي عشان الواحد يحس بالفرحه
عمر بابتسامه اللي يفرحك يفرحنى اكيد يا سيلا
الباب خبط
عمر:ادخل
نهى ودخلت بالمشاريب اللي طلبها عمر
نهي حطتهم وخرجت
عمر واخد كأس العصير واداها ل اسيل
اسيل بابتسامه ميرسي
عمر واسيل فضلوا يتكلموا شويه وبعد كدا وصلها لبيت خالها
فات شهر
والامتحانات رجعت تاني
اسيل خلصت امتحانات وخلاص الفيلا كمان جهزت
عمر كلم صلاح علام في الموبيل وحدد معه الفرح
اسيل كانت بتطلب كتير من عمر انه يجي الفيلا لكن كان بيرفض بنهائي بس موقف مروان
جهزوا كل حاجه خاصه بالفرح
وانه هيكون يوم الخميس
في احدى القاعات الكبيره
الدعوات اتوزعت
اسيل عمر اتفق مع ميكب ارتيست تروح ل اسيل في فيلا خالد علام
اسيل لبست الفستان وكانت شبه ملكات الجمال وميكب اب خفيف وحجاب بسيط
الكل كان موجود
والكل كان مبسوط
انتهى الفرح بسلام
عمر واخد اسيل وراحوا على الفيلا
اسيل دخلت الفيلا
بصت حوليها بانبهار من جمال الفيلا
ظهرت ابتسامه على وشها تحمل الفرح والخجل
عمر :نورتي القصر يا اميرتي
اسيل بابتسامه ميرسي اووي منور بيك
عمر وقرب منها بحب يابت بطلي الرقه دي هتجنني
اسيل وبعدت عنه بخجل عيب كدا ياعمر احنا معانا شغالين في البيت
عمر:لا ياعمري هو انا مقولتش الشغالين اجازه اسبوع وقت ما نسافر هما هيرجعوا
اسيل: بجد؟؟ تمام
عمر وشال اسيل وطلع على فوق
اسيل بخجل نزلني ياعمر وبعدين انا عايزه اتفرج على الفيلا
عمر :هتفرج كتير ياعمري الايام كتير
عمر ودخل غرفة النوم
اسيل: نزلني بقا بليز
عمر ونزلها بهدوء
اسيل ووقفت بحرج
عمر:ايه يابت القمر دا
اسيل بابتسامه ميرسي
عمر:ايه؟؟
اسيل بخجل ايه؟؟
عمر وقرب منها بهدوء وبداء يخلعها الحجاب
اسيل بحرج :يا عمر انا هشيله
عمر وكمل وكأنه مسمعهاش
عمر بهدوء :انا كان نفسي في دا من زمان اووي
عمر خلص
وشعر اسيل انفرد على على ظهرها
عمر :ايه يابت الجمال دا
اسيل وبصت في الارض بخجل
عمر ورفع وشها ليه بحبك..اووي
اسيل بابتسامه خجله :وانا كمان
عمر وقرب منها ووضع قبله خفيفه على شفاتيها
اسيل وبصت في الارض بخجل وارتباك
عمر وشالها بدون مقدمات ووضعها على السرير......
ـــــــــــــــــــــــــــ
بعد يومين
في فيلا علام
كانت تجلس في غرفتها
موبيلها رن برساله
فتحت الرساله
وكانت من يحيى
كان بعت لها صوره على الواتساب
يارا واتفاجاءت انها صورتها من فرح اسيل وعمر ويحيى اللي بعتها
يارا وكتبت
جبت الصوره دي منين
يحيى:انا اللي مصوراه اصلا
يارا:اممم ماشي
يحيى:عايز اشوفك عايز اتكلم معاكي شويه
يارا :نتكلم في ايه
يحيى:انتي عارفه انا عايزك ليه
يارا:سبني افكر
يحيى:ماشي براحتك يا يارا بس ياريت متتاخريش عليا
ـــــــــــــــــــــــــــــــ
عند عمر في الفيلا
في حمام السباحه
اسيل بسعاده:دي احلى فكره دي
عمر:عشانكي انتي بس ياقمري
اسيل وهي بتلف ذراعها حولين رقبته ربنا ميحرمنيش منك ياقلبي
عمر وشالها ولف بيها بحبك اووي يا سيلا
اسيل:وانا كمان بموت فيك ياقلب سيلا
------_----------------
بعد ايام
سافر عمر واسيل باريس يقضوا اسبوعين
ودا عشان شغل عمر
مروان وفرح بدواء يقربوا لبعض عن الاول مروان كان بيساعدها في شغلها سواء في الشركه او المكتب
يحيى ويارا اتقابلوا واتفقوا ان يحيى يكلم صلاح بس بعد عمر واسيل ما يرجعوا
عمر واسيل رجعوا بعد الاسبوعين
تاني يوم عمر نزل الشغل
يحيى:حمدلله على السلامه
عمر:الله يسلمك ايه الاخبار؟؟
يحيى:كله تمام متقلقش
اتكلموا في كل الشغل
وكمان فرح جاءت وخلصوا شغل معها
بعد كدا
يحيى كان قاعد هو وعمر
عمر:خلاص كدا..اقوم امشي انا بقا
يحيى:تمام بس بقولك ايه ابقا كلم بلال مراته كانت حامل وسقط..ت
عمر بضيق:امتى الكلام دا؟؟
يحيى:بعد فرحك بيومين بس انا مقولتش يعني محبتش اقلقكم
عمر ومسك الموبيل ليه بس يايحيى انا لينا مين غير بعض
يحيى:انا مسوبتوش والله وفضلت بعدها كذا يوم ارن عليه واطمن على مراته
عمر واتكلم في الموبيل
عمر:بلال ازيك
بلال بمرح:عريس عامل ايه حمدلله على السلامه
عمر:الله يسلمك ..انتوا عاملين ايه ومراتك؟؟
بلال:الحمدلله في نعمه
عمر:لسه يحيى قايلي دلوقت احنا راجعين امبارح لسه
بلال:ولا يهمك يا صاحبي عارف ..المهم اخباركم ايه واسيل
عمر:الحمدلله تمام هنجيلكم اكيد
بلال بهزار لا طبعا انت عايز تضيع علينا العزومه لا احنا اللي هنيجي
عمر وضحك تمام تنوروو
ـــــــــــــــــ
اخر النهار
في فيلا عمر
اسيل وعمر كانوا قاعدين
اسيل بزعل ياحبيبتي يامي لازم اكلمها
عمر:انا كلمت بلال وانا في الشغل كان بيقول هيجيوا
اسيل:ماشي ينوروا
اسيل بتردد:بمناسبة الشغل ..كنت عايزه اتكلم معاك في موضوع كدا
عمر:خير في ايه؟؟
اسيل :خالتو كانت كلمتني على حوار الشغل دا والشركه وكدا
عمر وفهم اتكلم بملل عايزه ايه يعني؟؟
اسيل:عشان خاطري ياعمر افتح معاهم شغل جديد
عمر:لا
اسيل:ياعمر انت عارف انهم شغلهم معاك بيبقا مكسبه احسن
عمر:اسيل انتي مش فاهمه حاجه فالاحسن متتكلميش في الموضوع دا
اسيل وقربت منه عشان خاطري ياعمر
عمر:انتي اصلا ليكي٦٠٪من اسهم الشركه دي
اسيل:مش فارق معايا
عمر:طالما مش فارق معاكي بتتكلمي معايا ليه؟
اسيل:عشان بجد الشركه دي مصدر كل حاجه ليهم تتقفل يعني يعملوا ايه
عمر:مش مشكلتي هما اللي بيعملوا في نفسهم كدا
اسيل:طيب عشان خاطري ياعمر
عمر:اسيل الكلام دا بالنسبه ليا منتهى انا صبرت عليهم بسببك انتي ويحيى كتير اووي
اسيل:طيب اخر مره
عمر:لا هكلم ناس تانيه يشتغلوا معاهم انا لا
اسيل:بس دا مش هيحقق لبهم ارباح عاليه
عمر:دي مشكلتهم بردوه هما احرار
اسيل بزعل:على فكره اول مره اطلب منك حاجه زي دي
عمر:وياريت تكون اخر مره عشان مش هتنازل في شغلي
اسيل بصتله بضيق وسكتت
موبيلها رن
بصت على المتصل كانت يارا
اسيل وفتحت الخط
اسيل:ايوه يا يارا
عمر وقام وقف انا هطلع اخد شاور
اسيل وحركت دماغها بالايجاب
يارا:لو مش فاضيه دلوقت اكلمك وقت تاني
اسيل:لا فاضيه ياقلبي عامله ايه؟؟
يارا بصوت فيه سعاده الحمدلله كويسه
اسيل:طيب الحمدلله صوتك مبسوط في حاجه والا ايه؟؟
يارا:اه..انت شكلك موصلكيش الحوار
اسيل:حوار ايه؟؟
يارا:احمم انا..ويحيى هنتخطب
اسيل:يحيى مين؟؟
يارا:يحيى بن عمك
اسيل بدهشه وفرحه:بجد؟؟؟ مبرووك
يارا بسعاده:الله يبارك فيكي
اسيل:لا احكيلي بقا الموضوع دا حصل ازاي
يارا وفضلت تتكلم هي واسيل شويه
اسيل وخلصت مع يارا
وطلعت فوق كان عمر خارج من الحمام
اسيل:انت عرفت ان يحيى ويارا هيتخطبوا
عمر وهو بيجفف شعره بالمنشفه اه يحيى قالي النهارده وقالي انه هيكلم خالك
اسيل:مقولتليش يعني؟؟
عمر:عادي مجتش فرصه للكلام الظاهر العيله دي لازقنا فينا في كل حاجه
اسيل وربعت ايدها بضيق وواقفت قصاده مالها العيله ان شاء الله
عمر وهو يضع ايده على خصرها ويضمها ليه احلى عيله في الدنيا هو انا اصلا كنت اطول القمر دا يكون معايا
اسيل ابتسمت بخفه بس حاولت تداري ابتسامتها
اسيل وبصت نظره لعمر كلها وهو فاهمها
عمر:متبصليش كدا يا اسيل مش هتراجع عن كلامي طلعي نفسك من الحوار دا افضل
اسيل وخبطت برجيلها في الارض بطفوليه
عمر وابتسم بخفه مش ناويه تكبري بقا شويه
اسيل بضيق: على فكره انا مش عيله صغيره وفاهمه كل حاجه وعارفه ان كل حاجه في ايدك
عمر:لا انتي مش فاهمه كل حاجه وعشان خاطري ريحي دماغك شويه الحوار دا انتي مش هتسلكي فيه وسبيني مني ليهم.....المهم كنت عايز اتكلم معاكي في موضوع كدا
اسيل :موضوع ايه؟؟
عمر:كنت عايز اعمل عزومه اخر الاسبوع
اسيل:هنعزم مين؟؟
عمر :نعزم يحيى ويارا وبلال ومي
ثم اكمل بتردد و..فرح
اسيل بضيق ودي نعزمها ليه؟؟!
عمر:معلش عشان خاطري المره دي انا عامل العزومه دي يعني بعد جوزانا فهعزم الناس القريبه لينا يعني وكمان فرح بيني وبينها شغل ومصالح كتير
اسيل بسخريه وضيق:يعني اصلا طول الاسبوع معاك في الشغل فقولت كمان اجيبها البيت
ثم اكملت بضيق انت بجد طول اليوم في الموبيل ايوه يافرح الواتساب طول الوقت فرح بجد انا خايفه افتح اوضة في هنا الاقي فرح خارجه منها
عمر وضحك طيب بذمتك في حاجه خارج الشغل
اسيل:مش هنكر انه كله شغل بس انا بزهق بجد
عمر:على فكره انتي المفروض تساعديني في حوار الشغل دا وتكوني جمبي
اسيل:اكيد طبعا انت عارف دا بس بليز قللي من حوار الكلام دا شويه
عمر وهو يضع قبله في بطن ايدها برقه انا مستحيل اعمل حاجه تزعل او تهينك ياقلبي
اسيل وابتسمت بخفه وانا بثق فيك ياحبيبي اكتر من نفسي وانت عارف
تاني يوم
اسيل راحت عند فيلا صلاح هتقضي معاهم اليوم
طلبت من عمر انه يروح معها بس هو رفض دا
اسيل مكبرتش الحوار لانها عارفه رأيه في الموضوع دا
كانت قاعده بتتكلم هي ويارا ونسرين
اسيل:انا طبعا حاولت معه بس هو رفض مروان حوراته كتير اووي
نسرين:متعمليش مشاكل بينك وبين جوزك بسببنا
يارا:ايوه عمتو عندها حق
اسيل:لا بس لازم نشوف حل قبل الشغل الجديد ما يبداء عشان الشركه متتأخرش..في الحقيقه هو قالي ممكن يساعدكم في شغل مع ناس تانيه بس انا قولتله اني حابه الشغل يكون معه
يارا:سبيها بقا لله
اسيل:بجد حوار مروان دا عامل معه رد فعل مش حلو ورافض يجي معايا هنا
نسرين:حقه اي حد لو مكانه هيعمل كدا
اسيل :نفسي بجد اعيش من غير مشاكل
يارا:الايام بتنسي
ــــــــــــــــــــــــــــــ
تاني يوم في احد المطاعم
مروان:طيب هتكلميهم امتى؟؟
فرح:انا كنت مشغوله الايام اللي فاتت
مروان:خلاص ما انتي بقيتي سيدة اعمال بقا وهتكبري علينا
فرح وابتسمت بخفه تفتكر يعني طبعي بكبر على حد
مروان:الصراحه لا بس بجد بقا عايزك تاخدالي ميعاد اقابل فيه طنط وانكل
فرح:تمام بعد ما نرجع هكلمهم وارن عليك
موبيل فرح رن
كان عمر
استغربت لان مفيش شغل بينهم النهارده
فرح:دا عمر
مروان بضيق بيحاول يداريه ودا عايز ايه؟؟؟
فرح:مش عارفه معندناش شغل النهارده
فرح وفتحت الخط
فرح:اهلا بشمهندس
عمر:اهلا يا فرح ازيك
فرح:تمام ..اخبارك؟؟؟
عمر:انا تمام ..بقولك ايه ..انا عامل عزومه اخر الاسبوع يعني ل اصحابنا فكنت حابب تكوني معانا
فرح بتفاجاء طبعا دا شئ يبسطني ..لكن مش عايزه اعمل حوارات
عمر:لا مفيش حوار ولا حاجه اتمنى متتأخريش هنتغدا الجمعه سوا تمام؟؟؟
فرح:تمام
فرح قفلت مع عمر
مروان:خير؟؟
فرح:مفيش بيعزمني على الغداء عنده يوم الجمعه
مروان:وايه المناسبه؟؟؟
فرح:مش عارفه بس بيقولوا اصحابه فاكيد موجود ناس تانيه
مروان:امممم ..ماشي
فرح:المشكله في بنت عمتك بجد مش بطيقني بس دا كله غيره وحب لعمر مع اني والله انا مش حاطه اي حاجه في دماغي
مروان:مش عارف بتغير على ايه يعني
فرح:متهزرش هو بجد يتغار عليه سواء في مكانته والا في شكله كله على بعضه بصراحه
مروان بضيق وايه كمان
فرح:متضايقش كدا كان قدامي وسبته بس لازم نكون عادلين في رأينا وبعدين بيموت في بنت عمتك ياسيدي مش شايف غيرها اصلا.....
ــــــــــــــــــــــــ
اخر الاسبوع
الكل اتجمع عند عمر في الفيلا
الكل كان قاعد في الجنينه
بيتكلموا مع بعض
جاءت فرح من بعيد
اسيل اول ما شافتها بصت بضيق لكن حاولت تبين العكس
عمر وهمس ل اسيل افردي بقا وشك بليز
اسيل:اكيد طبعا مش انا اللي اكشر في وش ضيف في بيتي حتى لو مش طايقاه
عمر وابتسم بقوه على كلامها مراتي ست العاقلين
فرح قربت منهم
اسيل وقدمت بخطوات بسيطه اهلا بيكي نورتي
فرح بابتسامه واسعه ميرسي دا نورك
فرح ووجهت كلامها ل عمر اهلا يابشمهندس
عمر:اهلا بيكي يافرح نورتي
فرح:ميرسي
الكل اتجمع
والقعده مخلتش من هزار بلال طول القعده اتغدوا مع بعض والكل بارك ليحيى ويارا
واخر النهار الكل مشي
عدي اسبوع
يارا ويحيى عملوا خطوبه وكتب كتاب في احد القاعات
الكل كان موجود ومبسوط
فات شهر
اختاروا شقه يتجوزوا فيها
بس كانت لسه محتاجه تجهيزات
وطلبوا من فرح تعملهم ديكورات
عند عمر واسيل في الفيلا
اسيل كانت نازله على السلم
عمر كان قاعد على السفره
عمر:ايه يابنتي دا خلاص خلصت فطار وانتي لسه نازله
اسيل بابتسامه سوري ياحبيبي اتاخرت شويه
عمر:ولا يهمك ياقلبي انا همشي انا عشان عشان افطري انتي براحتك
اسيل:طيب هتتأخر؟؟؟
عمر:اممم مش عارف ممكن اتأخر النهارده شويه بس مش كتير شويه شغل صغيرين هخلصهم
اسيل:طيب متتأخرش عشان عندي ليك مفاجاءه حلوه
عمر:بجد ؟؟طيب ايه؟؟
اسيل:لا مفاجاءه بقا اما تيجي بالسلامه
عمر وهو يقبل رأسها ربنا ميحرمنيش منك ياقلبي
اسيل:يارب يا حبيبي
عمر واخد حاجته وخرج
اسيل وابتسمت بسعاده
عمر خرج من الفيلا وراح على الشركه
وقابل يحيى وبداوء شغل
اخر النهار
يحيى:يعني انت هتروح لفرح المكتب
عمر:ايوه هتفرجني شويه ديكورات حلوه للمكتب هنا ما انت عارف عايز اغير المنظر العام
يحيى بابتسامه طيب كويس شكل اسيل فتحت نفسك على التغير
عمر:اسيل فتحت نفسي لكل حاجه مش التغير بس
يحيى:ربنا يهدي سركم
عمر:صحيح انا رايح عند فرح هي متعرفش ومتعرفش اني هغير ديكورات المكتب اصلا ولو عرفت ان فرح هتعملي حوار انا ماصدقت بداءت الامور تهدا شويه
يحيى وضحك بقوه اول مره اشوف بتخاف كدا
عمر:انا لا بخاف ولا زفت بس مش عايزه مشاكل وعياط
يحيى:متقلقش بس فرح شاطره عامله في شقتنا شوية حاجات تحفه
عمر:ايوه انا عارف شغلها عشان كدا مصمم انها تعملي
يحيى وعمر خلصوا كلام مع بعض
وخرجوا من الشركه وكل واحد اخد عربيته ومشي
يحيى رجع على بيته
وعمر راح لفرح مكتبها
استقبلته بسعاده
فرح:من زمان مجيتش عندي
عمر:انتي عارفه بقا مشغول
قعدوا وفرح طلبت لهم قهوه
فرح وبداءت تفرجوا على الديكورات والاشكال
القهوه وصلت وبدواء يشربوا
------
عند اسيل
كانت خلاص خلصت تزين الاوضه بالبلالين والورد
جلست على احد الكراسي وكانت تمسك في ايدها تيست حمل
كانت بتبصله بسعاده وفرح
قامت وقررت هتاخد شاور
بصت في الساعه كانت ٦ حست ان عمر اتأخر
مسكت الموبيل وقررت ترن عليه بس اداها مغلق
اسيل:شكله موبيله فصل شحن
كانت هتدخل التوليت
بس موبيلها رن
كان رقم غريب
اسيل وردت الو
جاءها الرد وكانت واحده
:مدام اسيل
اسيل:ايوه مين؟؟
:انا فاعلة خير متصله بيكي عشان اقولك جوزك بيخونك
اسيل بسخريه :والله!! انتي بتهزري عموما الهبل دا مستحيل اصدقه انا بثق في جوزي كويس
ضحكت الاخرى بسخريه
:دا انتي غلبانه اووي ياحبيبتي جوزك بيخونك دلوقت مع فرح رشوان في مكتبها
اسيل وقامت واقفت بتوتر كدابه جوزي في الشغل انا عارفه كويس
:لا مش في الشركه خارج من الشركه من ساعتين وهو هناك
اسيل:لا مستحيل
:عموما انا هبعتلك اللوكيشن وممكن تروحي تشوفي بنفسك
قفلت الخط
اسيل وبصت قدامها بتوهان
اسيل ورددت بخفوت مستحيل
جالتها رساله بمكان مكتب فرح
اسيل بصت حواليها بتوتر
فتحت الدولاب وخرجت لبس لازم تروح تقطع الشك دا مستحيل عمر يخونها او يكذب عليها
لبست ونزلت اخدت السواق
في مكتب فرح
عمر كان نايم على الارض بدون ملابس و يرتدي بوكسركمان فرح بجانبه نفس الشئ وترتدي ملابس خفيفه
عمر وفتح عيونه ببطء وفرك في دماغه كان حاسس بصداع دماغه هتنفجر لسه مش مستوعب هو فين؟؟
مسح على وشه بتعب عينه جاءت على فرح اللي نايمه جمبه بالمنظر دا
عمر وبص حواليه بتوتر هو في ايه؟؟
اسيل كانت راكبه في العربيه كانت حاسه بالتوتر
قربت للمكان
شعرت بالخيبه والصدمه جواها لما لقت الحرس بتاع عمر
نزلت من العربيه
رئيس الحرس عرفها وقرب منها
:اهلا ياهانم تحبي ابلغ الباشا
اسيل وبلعت ريقها بتوتر وحركت دماغها بالنفي لا انا هدخل
:تحت امرك ياهانم
------------
عمر وقرب من فرح وحاول يفوقها
عمر وهو يضرب على خدها بهدوء فرح فرح فوقي
فرح تأوهت بنوم امممم
عمر وبص حواليه مفيش اي ملابس نهائي
عمر:ارجوكي احنا في مصيبه
عمر وقرب منها فرح وبيحاول يقعدها فوقي بقا
فرح وبداءت تفوق:انا فين؟؟؟
في الوقت دا اسيل
دخلت
اسيل وشافت عمر وهو ساند فرح
دموعها نزلت بغزاره
شنطتها اللي في ايدها وقعت وعملت صوت جامد
عمر وفرح بصوا ناحيتها..