رواية قوت و يونس الفصل التاسع عشر 19 بقلم بسنت شريف
ياسين شاف يونس واقف مع امه فا خرج اشتري لقوت الحاجات الحلوه اللي هي بتحبها ورجع بيها كانت قوت واقفه مع بنت بتكلمه ويونس قاعد ماسك ورق بيقراه راح لقوت
ياسين:خلصتي
قوت:اه هو اي اللي ورا ضهرك دا
ياسين ضحك:حزري فزري
قوت عنيها لمعت:بتهزر صح الحاجات اللي بحبها مش كدا
ياسين ادها الشنطه وقوت بتتفرج.عليها بسعاده ذي الاطفال وبتلقائيه حضنت ياسين وباسته من خده انا بحبك اوووي اوي
يونس بعصبيه زعق: يااسين
ياسين اتنفض: في اي
يونس راح ليهم بخطوات سريعه ونظراته حاده كفيله انها ترعب ياسين وبقي متوقع نهايته علي ايد يونس لامفر منها
يونس شده من جنب قوت حس ان دراعه كان هيتخلع.... روح الارض وشوف الجرد اللي طلبته تم ولالع
قوت بلهفه: براحه عليه انت بتشده كدا ليه دراعه هيتخلع في ايدك
ياسين بهمس بينه وبين نفسه:يخربيتك اسكتي هيبلعنا كلنا كان يوم.اسود لما فكرت الفكره المهببه دي
يونس زعق: انتي تخرصي خاااالص فاهمه وانت روح شوف انت رايح
قوت: انت بتزعقلي ليه وماتزعقش ليه كدا هو مش خدام عندك.
يونس:امشي من قدامي دلوج عشان رده فعلي مش هتعجبك.
ياسين: في اي عمي يونس انت بتزعقلها كدا ليه هي عملت اي
يونس زعق : انت تخرص خالص وروح شوف انت رايح فين ياااالا
قوت مسكت ايد ياسين....مش هيروح في مكان
يونس بصلها بغضب وياسين اترعب اكتر وهمس لقوت....ابوس ايدك سبيني امشي لو فضلت هنا ممكن يقتلني
قوت تنحت وبصت ليونس برعب.....يقتلك
ياسين:يخربيتك وطي صوتك
تحيه جت علي زعيق يونس وصوته العالي:في اي ياولاد مالكم.صوتك.عالي ليه اكده يايونس
يونس باصص علي قوت وياسين ومش بيرد
تحيه:في اي ياقوت يابتي مالكم االله انتي كمان مش بتردي في اي ياياسينياوالدي اي اللي حصل
ياسين بخبث:مش عارفه ياتيته انا كنت بجيب لقوت حاجه فجاأه عم يونس اتحول اكده
تحيه:هو في اي يايونس بتزعج ليه اكده
يونس مردش وسابها ودخل اوض مكتبه
تحيه:وه مالو عاد
قوت خبطت برجليها في الارض وطلعت اوضتها هي كمان
تحيه: في اي لكل دا هم جانو ولااي عاد هو مش انت جولت يابني مفيش حاجه امال اي اللي حصل
تستمر القصة أدناه
ياسين: مش عارف هو عمي يونس حمقي كدا علي طول
تحيه: حمجي.اي ياود اتخشم.عيب اكده بس هو اي اللي حصل باردك.
ياسين:اللي حكيته ليكي والله وابنك.بقي اي عينك ماتشوف الانور وقعد يزعق ويشخط مش فاهم في اي
تحيه:اكده من.غير سبب
ياسين:بالظبط عشان كدا انا مستغرب مفيش حاجه صدقيني
تحيه: غريبه فعلا و
يونس خرج: انت لساتك اهنيه مش جولت روح نفذ اللي طلبته
ياسين قام جري وخرج وتحيه واقفه وبتبص بتفحص ليونس
يونس سابها وطلع اوضته
قوت كانت رايحه جايه في اوضتها بعصبيه...اذاي يزعقلي كل حاجه يشخط ويقولي وقلدت صوت يونس...انتي لومنفزتيش اللي بقوله ماتلوميش غير نفسك اي دا ياربي دا انا تعبت
يونس:كملي وبعدين
قوت بصتله بغضب:انت اي اللي طلعك وبعدين كل حاجه زعق زعق اي انت ماتزعقليش تاني ياما
يونس قرب منها :اي
قوت بترجع لورا بتوتر:ها
يونس:انتي بتجولي يا ماه فانا عايزك تكملي هتهدديني بايه وبيقرب منها اكتر واتكلم بحده مزيفه...انطقي ساكته ليه
قوت بصاله برعب وعيطت:انا
يونس بتعجب:انتي بتعيطي ليه
قوت برجاء:كفايه بقي انا مش عايزه ارجع اخاف منك تاني ارجوك
يونس للحظه اتجمد مكانه مش عارف يقول اي بس كل اللي قدر يعمله انه اخدها في حضنه وهي بتعيط بس كانها بتشتكي منه ليه
قوت بعدت عنه: ممكن توعدني بحاجه
يونس بصلها: ايه
قوت: اوعدني انك ماتزعقش تاني انا بخاف منك اوي
يونس:دا طبيعي ومقدرش اغيره انتي ماتعمليش. تصرف يضايقني وانا مش هزعقلك.
قوت: انا ماعملتش حاجه وانت زعقت
يونس بصلهاومبقاش عارف يرد يقول اي يقولها ضايقتيني اما حضنتي اخوك.... حصل خير وماتزعليش
قوت: طيب
يونس بص علي شنطه اللي علي سرير... اي دا
قوت راحت جبتها وفضيتها ويونس بيتابعها بتعجب... هو دا اللي جابه وكنتي هتتجنني عليه
قوت: ايوه ياسين علي طول يعمل كدا اما يحب يفرحني
يونس: اممممم
قوت. فتحت الشكولاته وابتدت تاكل بتستمتاع ويونس متابعها ببتسامه.
قوت:تاكل
يونس:لا كلي انتي بتحبيها اوي كدا
قوت:جدا جدا امسك.كل دي ياسين جايب كتير اوي
تستمر القصة أدناه
يونس:انتي ماقولتيش ليا ليه انك بتحبيها
قوت:ماجتش مناسبه
يونس: طيب كلي وسابها وقام
اليوم عدي عليهم وجيه يوم جديد
نواره:جاعده كيف البومه اكده ليه
هدي:اعمل اي ياماه عاد
نواره:ماتعمليش حاجه واصل خليكي.اكده جاعده جاري
هدي بصتلها ومردتش عليها
نواره:انتي اتحددتي مع يونس
هدي:لع خايفه اجرب منيه
نواره بهمس:ومين سمعك....بس المهام هو بيحبك كيف بته روحي واتحددتي معاه يمكن يسامح عاد
هدي بتريقه:يسامح بعد اللي عملتيه في مارته والعلجه اللي ادتهالها دا لولو انك حرمه وعمتو كان زمانه علجك.علي باب الكفر اكده
نواره:اباي عليكي هو انا نقصاكي انتي كمان وبعدين انتي المفروض يامجصوفه تتكتمي بعد مصيبتك اللي عدتهالك ولاتكوني نسيتيها ياك
هدي بصت في الارض باحراج ومردتش
نواره:مافي منك مانفعه واصل كيف البومه اكده لابتفيدي ولابتعملي حاجه وسابتها وخرجت وهدي متابعها بضيق هي عايزه تروح تتكلم مع يونس متعودتش تفضل كدا مش بتكلمه بس اذاي هتجلها الجرأه توجهو شجعت نفسها كتير اما شافته واقف لوحده بس راجعت نفسها موجه يونس ممكن تكون نهايتها حاجه مش لطيفه وراحت لقوت
هدي:صباح الخير
قوت:صباح النور
هدي:انتي بتعملي ايه
قوت:ولاحاجه.
هدي:ينفع اقعد معاكي.
قوت ابتسمت:اكيد
هدي:انتي طيبه اوي ياقوت وطيبتك.دي بتانبني
قوت:خلاص حصل خير انسي اللي فات ياهدي
هدي بفرحه:بجد يعني انتي نسيتي
قوت:بوصي هقولك اللي حصل صعب يتنسي بس الايام بتداوي كل حاجه وبتنسي وكلنا بنغلط بس المهم ان الغلط دا مايتكررش تاني
هدي:حاضر اوعدك اني مش هعمل اي حاجه تزعلك.واصل
قوت:مش بتكلم عني انا انا بتكلم عموما ياهدي لازم.تفكري الاول وتعرفي قرارك دا هياذيكي اوياذي غيرك.ولالا
هدي:حاضر وبصت علي يونس....تفتكري ممكن يرجع يكلمني تاني
قوت:اكيد
هدي:ماتحددتش معايا من وجتها زعله مني جهرني جوي مش متعوده انه يفضل بعيد عني اكده
قوت:اتكلمي معاه ومع الوقت هيصفي ااكيد...انا هطلع بقي عشان اغير لزين واكله
تستمر القصة أدناه
هدي:ماتيجي معايا طيب
قوت:الافضل انكم.تبقو لوحدكم.ولو حصل حاجه هسمع صوت تكسير هنزل علي طول
هدي:الله. يبشرك
قوت ضحكت:ماتخفيش روحي ليه يالا وسابتها وطلعت وهدي واقفه بتشجع نفسها وبتحاول تفكر هتبدأ الكلام اذاي وهتقول اي ورده فعل يونس هتكون اي وبعد دقايق حاولت تهدي نفسها واخدت نفس طويل وراحت وقفت وراه انتظرته يخلص المكالمه
يونس كان واقف بيكلم في الموبيل وخلص وداخل تاني اتفاجئ بهدي قدامه بصلها وماتكلمش
هدي: انا عارفه انك مش طايج تشوفني
يونس: زين انك عارفه ابعدي عن طريجي بجي
هدي: هتفضل اكده انت مش واعدتني انك. هتفضل ضهري وسندي وعمرك ماهتتخلي عني واصل
يونس: وانا لحد دلوق عند كلامي وماتغيرش
هدي:بس انت مش. بتتحدت معايا كيف لاول
يونس: اللي عملتيه مايتغفرش ياهدي انتي كنتي هتودييها في داهيه واتسببتي ان امك ماصدجت وضربتها كان مابينهم تار كنتي كلمتيني وانا كنت هجف جنبك وهجبلك حجك منيه
هدي عيطت:خوفت منيك يايونس لو شوفت الصور دي تجتلني مبجتش عارفه اتصرف
يونس:تجومي ترميها عاد هي في التهلكه اكده هي عمرها اذيتك في.حاجه نطجت كلمه في حجك عفشه انطجي
هدي:لع كانت دايما بتجف جاري وبتساندني
يونس:زين وكانت دي النهايه ومكفجتها مش اكده
هدي: انا عارفه اني غلطت ممكن. تعاجبني باي طريقه غير انك تبعد عني اكده انا بحبك جوي ياعمي ومش جادره اتحمل خصامك حاسه ان لوحدي وضهري فاضي من غيرك وجودك جاري بيطمني
يونس باصص ليها ومش عارف بتكلم يقول اي
هدي: انا عارفه انك بتحبها وزعلان من اللي حصل معاها وواثقه انك بتحبني انا كمان اعتبرنا كيف بناتك مش انت جولت اني ذي بتك وقوت كمان الفرج بينا مش كبير لو واحده ضايقت واحده هتهجرها اكده ولاهتجول ليه الصح والغلط
يونس رفع حاجبه: وانتي ضايجتيها ياهدي
هدي: لع غلطت بس انت تكون عادل بينتنا انا كنت حبيبتك.جبلها وانا جربتك من 17سنه هي لسه جايه بجلها كام شهر بس يبجي مين اولي بحبك اكتر انا
يونس:لا ياشيخه ومين اللي غلط هي بردك
هدي:لع انا بس هي اللي جميله والكل بيحبها نعمل اي بجي اجولك فكره غيرها احسن هترتاح
يونس بيكتم ضحكته:اتكتمي ماتتكلميش عليها اكده
هدي:اكيد انا اجدر اتكلم علي مرات يونس بيه الجوهري وحبيبه جلبه باردك
تستمر القصة أدناه
يونس بص وماتكلمش
هدي: اباااي بجي ياعمي انت هتفضل تنكلم معايا اكده انا زهجت
يونس: انتي بتزعجي لمين اكده يابت
هدي:ها لع لع دا لواحد اهنيه المهام خلاص بجي مش اكده
يونس:لع
هدي:ياخرابي عليا مش انت جولت ان مجرد الشخص مايعترف بغطته يبجي خلاص اي بجي
يونس: مين جال اكده اني
هدي: ايوه
يونس: امممم
هدي:خلاص
يونس:لع ولسه هيتحرك هدي وقفت قصاده....وغلاوه قوت عندك.تسامحني بجي
يونس:امشي يابت علي اوضتك
هدي:لع اماتجولي مش.زعلان منك لاول
يونس:بوصي ياهدي انتي عارفه غلاوتك عندي اي بس انتي غلطتي جوي وغلطك.مايتغفرش بالسهوله دي والفكره مش غلطك مع قوت بس لع انك.خرجتي وجابلتي حد من وراي وخالفتي تربيتي فيكي وجللتي من نفسك جوي باللي عملتيه دا مافكرتيش لو حد شافك هيبجي وضعك اي مافكرتيش الكلب دا ممكن يعمل اي فيكي
هدي:انا اسفه واوعدك مش هتتكرر تاني وهرجع هدي اللي انت ربتها
يونس: اما اتوكد انك رجعتي يبقي ربك يسهلها بس لو غلطتي تاني ياهدي هتكون جصاد الغلطه دي رجبتك مش هتهاون وجتها معاكي.فاهماني
هدي برعب من كلامه:ماتخفش مش هعمل حاجه تاني واصل بس انت توعدني انك ماتفضلش زعلان مني اكده
يونس: انا كلمتي وعد وابعدي بجي عن طريجي عشان عطلتيني
هدي: اسفين ياصلاح اتفضل
يونس مسكها من. ودانها: مش هتبطلي طولع لسان بجي فرچتك. علي تلفزيون خربتتلك مخك
هدي بوجي: براحه طيب خلاص مش هجولها تاني
يونس بعد عنها ومبتسم وطلع يشوف قوت كانت بتاكل زين
يونس بصلها:انتي مش كنتي تحت طلعتي ميتي
قوت: من شويه كنت باكل زين وبصتله عايزه تعرف اي اللي حصل بينه وبين هدي
قوت:هي هدي كلمتك
يونس:ايوه
قوت بصتله مش عارفه تقول اي
يونس بصلها: انتي اضايقتي اني كلمتها
قوت: انا هضايق ليه عادي
يونس:شكلك بيقول كدا في اي انا مش هجبرك تسامحيها او تتحدي معاها بس هدي طول عمري بعاملها كيف بتي انا ممكن.اجسي عليها لكن مافرطش فيها
قوت ابتسمت بارتياح:انا مش زعلانه ولاحتي اضايقت من وقفتك معاها انا كنت بتكلم عادي ليه فهمت اني اضايقت
تستمر القصة أدناه
يونس:عادي
الايام بتمر والاوضاع بتتحسن بس قوت بقيت تخاف تتعامل مع نواره ومش قادره تسامحها كلام مبينهم في حدود ونواره بتحاول تتعامل كويس معاهم عشان تداوي اللي حصل
قوت قاعده بملل في اوضتها فاقامت تلف في الاوضه ووتفرج علي حاجات يونس واتفجات ان في مكان في دولاب يونس كله هدوم كاجول وبدل كانت متوقعه انه بيفضل يلبس عبايات بس طلعت منهم قميص وفضلت مسكاه بتتخيل شكل يونس هيكون اي فيه وابتسمت علي شكله اللي اترسم في دماغها
يونس:انتي بتعملي اي اهنيه
قوت اتخضت والقميص وقع من ايديها.... انا
يونس: انتي اي وشال القميص من علي ارض بيعمل اي اهنه دا
قوت:هوانت بتلبس دا اذاي
يونس:ذي ماناس بتلبسه عادي
قوت:ومش بتلبسه ليه
يونس:بلبسه وانا في قاهره بس
قوت:وهنا لا ليه
يونس:عشان انا لازم اكون شبهم وهم اتعودو عليا اكده
قوت:بس في ناس بتلبس كاجول عادي هنا
يونس:عارف بس هما اتعودو عليا كدا
قوت: طيب ماتجرب تلبسه مش هتخسر حاجه اللبس مالوش علاقه باحترام الناس ليك
يونس ابتسم وفهم انها نفسها تشوفه كدا.... ان شاءالله وسابها ودخل الحمام وقوت خرجت تقعد مع زين وفضلت تلعب معاه وخرجت من الاوضه عشان حد نده عليها وبعد مده خرج يونس ولبس القميص اللي قوت كانت مسكاه ودور علي قوت مش موجوده عرف انها خرجت ووقف قصاد المرايه يجهز شاف قوت واقفه متنحه
يونس بتعجب:مالك في اي ليه متنحه اكده
قوت بصدمه:اي دا
يونس اتلفت ليها:في اي
قوت كانت بتبصله بانبهار وهي مبتسمه وقبل ماتتكلم سمعت خبط علي باب
يونس:ادخل
بنت:يونس بيه في واحده تحت عيزاك
يونس: مين دي
بنت: ماعرفش هي طلبت تجابلك بس
يونس: شوفها تشرب اي وانا نازل وراكي
يونس انتظر البنت تخرج وبص علي قوت.... خلصتي
قوت:خلصت اي
يونس: بحلقه انتي متنحه اكده. ليه
قوت باحراج:اسفه انا هروح اشوف ماما واخذت زين وخرجت وييونس متابعها ببتسامه وبعدها نزل واول ماشاف البنت استغرب شكلها مايدلش ان عندها مشكلها
يونس:افندم
البنت ابتسمت:اهلا بحضرتك يايونس بيه
يونس:اهلا مين انتي وعايزه اي
تستمر القصة أدناه
البنت:انا نيره منصور وصلي منك مراسيل كتير انك عايز تشتري السرايا بتاعتي فاقولت نتفاهم احسن
يونس: امممم اهلا اتفضلي ارتاحي
نيره قعدت: انا سعيده اوي اني قابلتك
يونس: شكرا
نيره: فاكر اخرمره شوفتك.فيها كنت صغيره قبل مانسافر يوم ماانت د
يونس قاطعها :انا بعتلك مع المحامي مرسال اني حابب اشتري السرايا بالسعر اللي تحدديه اي ان كان هو اي في حاجه مش متفقه عليها في العجد
نيره بنفي:لالالالالالالا خالص بس الفكره اني كنت حابه اتكلم معاك انت بدون وسيط
يونس:اتفضلي عايزه تجولي اي
تحيه ونواره واقفين مع بعض بعيد وبيتابعو اللي بيحصل
تحيه:اي حكايه البنته دي اي اللي جابها اهنيه
نواره:انتي ماعرفهشي
تحيه:لا انتي عرفاها
نواره:ايوه دي بنت منصور اللي كان مشتري سرايا اخوي الله يرحمه جيت من يومين
تحيه بتعجب:طيب اي اللي جابها اهنيه يونس جالي انه شيع ليها محامي يعني وجودها مالوش لازمه
نواره: استني ياخيتي مش فاكره البنته دي اللي يونس من زمان دافع عنها من اللي كانو هيخطفوها وجيه جالك انه شاف بنته حلوه جوي ولولا صغر سنها كان اتجوزها
تحيه بتزكر... ايوه اي علاجه دا باردك. بوجودها اهنيه
نواره: ترسم عليه وتوجعه في شباكها
تحيه:وه وه لع دا انزل اجيبها من شرعها خرابه البيوت دي وبعدين يونس متجوز دلوق لع مستحيل
نواره:الشرع محلل ليه 4 وبعدين لو هي حبه الجديم مستحيل ينساه
قوت واقفه وراهم بتسمع كلامهم وهي مصدومه واقفه مش عارفه تعمل اي صدمتها مااتوصفش حاسه ان كل حاجه بتنهار حواليها بعدت وشافت يونس قاعد مندمج مع البنت دي وحست كان سكينه واتغرزت في قلبها دخلت اوضتها ودموعها نزلت من غير ماتحس جواها وجع مش عارفه توصفه بس احساس مايتوصفش كلامهم كان بيوجعها اكتر واكتر
يونس: انا باردو مش فاهم اي سر تشريفك ليا انتي عايزه اي باردو
نيره: نتفق
يونس: علي اي
نيره: نعمل شغل مع بعض
يونس: بس انا مابشتغلش مع حريم
عشان تشوف باقي الرواية بسهولة 👇👇
اتاكد انك عامل متابعه ليا 👈 ابو رحيم
نيره: ليه بقي
يونس: دا طبعي وانا حر فيه وقام وقف..... المحامي هيچيلك تتفجي مع علي سعر اللي تحدديه وخلاصنا علي اكده
نيره: اوكاي بس لينا كلام تاني مع بعض باي
يونس بصلها بضيق ومردش عليها واتفجاه بامه وعمته قصاده
تحيه بضيق: مين ددي يايونس وعايزه ايه
يونس:ماعرفش
نواره:ماتعرفش اي دي واضح ان وراها حاجه كبيره جوي
يونس:كيف بجي
تحيه:بلاها سرايا دي ياوالدي اقفل بابها
نواره:ايوه شكلها مش مريح ياووالدي
يونس:خلصتم
تحيه: اي خلصتم دي
يونس: عشان كبرتم الموضوع جوي من غير سبب هي جايه تتكلم معاي بدل كلام المحامين مش اكتر من اكده والموضوع اتجفل.... وابجي خلي حد يدخل ينضف مكتبي وسابهم ومشي
نواره: والدك دي دماغه ناشفه
تحيه: انتي هتجوليلي بس البنته دي شكلها مش مريحني
نواره: وانا كمان بتبصله بطريجه اكده مش عارفه
تحيه: انا متوكده من حب يونس لقوت وعمره ماهيبص لغيرها دا اكيد
نواره: ياريت ياخيتي لاحسن خراب البيوت وحش
قوت قاعده في الاوضه وحضنه رجليها وباصه للفراغ وبتفكر في كلام. اللي سمعته وفجاه الباب اتفتح ودخل ياسين وبيزعق..... قووووووت اناااا نجحححححت يااااقوت
قوت ابتسمت: مبروك ياحبيبي
ياسين: اي مبروك المكروته دي لالا انا كنت فاكرك هتقومي تتشقلبي كدا دا انا بقيت مهندس اد دنيا
قوت ابتسمت بتوتر
ياسين: مالك. ياقوت انتي كويسه
قوت لسه هترد جت نبويه
نبويه: ست قوت الحاجه تحيه عيزاكي تحت
قوت: حاضر
ياسين:في اي مالك.
قوت:مفيش انا هروح اشوف ماما عايزه اي ومبروك ياحبيبي وسابته ونزلت وياسين واقف مكانه مش فاهم في اي
قوت:نعم ياماما
تحيه:معلش يابتي ادخلي رتبي مكتب يونس عشان بيبجي فيه حاجات مهمه وانا مش جادره اعمله
قوت: حاضر وسابتها ودخلت
استووووووب....