رواية قوت و يونس الفصل الثاني والاربعون 42 بقلم بسنت شريف
زين في اوضته بيلبس وبيفكر في اللي حصل ومستغرب اذاي الامور مشيت كدا وليه هو مش مضايق وفي نفس الوقت مش فرحان هو مش فاهم هو حاسس بايه شعور غريب مالوش مسمي وحس ان حد بيطبطب عليه فاتلفت يشوف مين كانت قوت
زين بصلها
قوت بتبصله باعجاب: ربنا يحفظك ويباركلي فيك
زين قبل راسها ويديها... ويباركلي فيكي ياست كل
قوت: انت مبسوط يازين
زين بتعجب: ليه بتجولي اكده ؟!
قوت: انت ذي اي شاب اكيد كان نفسك تحب وتتجوز واحده من اختيارك مش بالطريقه دي زنبك انت ايه تتحمل وتتجوز واحده انت ماتعرفهاش ولانعرف اصلها ايه وشكل اهلها مش مريحين خالص يازين دا انت اه تحل مشاكل وتساعد الناس لكن كدا لا مش كل حاجه تسمع فيها كلام كدا ماتجيش علي نفسك عشان خاطر حد
شيرين كانت رايحه لساره وسمعت كلام قوت وكان كلام دا بالنسبه ليه سكاكين ومشيت ودموعها نازله ذي المطر
زين: ياماه انا ماينفعش اصغر ابوي جصاد حد وبعدين كمان هي كمان زينه
قوت : طيب وانت مش بتفكر في نفسك
زين: انتي ليه محسساني اني رايح احارب ياماه وبعدين شيرين زينه مش عفشه واختيارات ربنا بتكون دايما احسن من اختيارتنا
قوت بشك: يعني انت مش مضايق
زين: لع ياماه ممكن تروحي بجي عشان تلبسي عشان الماذون علي وصول وبعد مايمشي الخبر هينتشررفي البلد كلها
قوت بصتله ومردتش وخرجت وحست ان كلام يونس صح بس هي في نفس الوقت عايزه ليه الاحسن
شيرين قعدت في الارض تعيط وهي ضامه رجليها وسمعت صوت فريده جنبها
فريده بتعجب: مالك ياشرين بتعيطي كدا ليه
شيرين مسحت عنيها بسرعه وبصتلها.... مفيش
فريده: لافي في حد. زعلك. تعالي قومي ماتقعديش كدا قومي معايا وقومتها
زين: فريده
فريده رجعت شرين وراها.... ايوه
زين بص علي شرين... انتم واجفين كدا ليه عاد
فريده: ولاحاجه واتفضل بقي عشان ندخل الاوضه
زين: طيب.... انچزو عشان الماذون علي وصول
فريده: دقايق وهتكون عندك اتفضل بقي
زين: طيب
فريده اخدت شرين ودخلت اوضتها... كويس ان في حد اقصررمني المهم بقي القمر كانت بتعيط ليه
شيرين: كان نفسي بابا يكون معايا
فريده بتوتر: هو اللي جيه دا
تستمر القصة أدناه
شيرين: دا جوز ماما لكن بابا توفي وانا صغيره
فريده: الله يرحمه يالا بقي عشان تلحقي تجهزي
ساره فتحت الاوضه ودخلت: فريده شوفتي شيرين ا.....-انتي هنا وانا عماله ادور عليكي
شيرين: في حاجه
ساره: انتي لسه مالبسيش
شيرين: انا
فريده: انا عندي فستان جيبته ومش لبسته استني وراحت طلعته من الدولاب... اييه رايك
شيرين: حلوواوي
ساره: اي دا جبتيه امتي دا وليه اصلا
شيرين: عشان خطوبتي
ساره باقتضاب: اه
شيرين: الف مبروك ياحبيبتي ربنا يتمملك علي خير
فريده: الله يبارك فيكي ياقمر
شيرين: انا اسفه بس دا بتاعك انتي ولمناسبه مهمه انا معايا فساتين هروح اجيب واحد
فريده: دا هديه مني ليكي وفساتينك خليها هتنفع يالابقي عشان اتاخرنا
فريده وساره وقفو مع شرين كانهم اخوتها بالظبط ودا كان مفرحها اوي لانها ماتوقعتش دا منهم وبعد مده كانت بقيت ايه في جمال
فريده: ايه الجمال دا مشاءالله عليكي
شيرين ابتسمت: شكرا
ساره: في سؤال نفسي اساله في حاجه غريبه
شيرين: ايه
ساره: هي عيونك. دي لانسيز ولا عيونك اصل في عين وانا برسمها كانت طبيعيه وتانيه حسيت انها لانسيز ف ايه الحكايه
شيرين ابتسمت: هقولك. بس دا سر
ساره بصت لفريده: ايه
شيرين شالت الانسيز وبصتلهم وهما تنحو
فريده بزهول: اي دا اذاي دا
ساره: دي شبه القطط اللي عنيها لون ولون اذاي دا
شيرين: عشان كدا بلبس لانسيز اغلب الوقت عشان مش بحب نظرات الناس
ساره: بس هما جمال اوي
فريده: فعلا عنيكي كدا جميله اوي
شيرين: بس كلام ناس بيضايقني ف كدا افضل
ساره وفريده اخدوها ونزلو كان الكل قاعد مستني والماذون بيجهز في ورقه
زين اول ماشافها انبهر بجمالها وعينه فضلت عليها
+
انس بهمس لبدر: طول عمري بجول ان زين دي محظوظ
بدر:: انت هتجولي علي حظه واكتم بجي لاحسن يتحول علينا دي مچنون
انس ضحك: عندك. حج
الماذون: مين وكيلك ياعروسه
شيرين بصت في الارض باحراج
تستمر القصة أدناه
مصطفي: انا وكيلها ياشيخنا
الماذون: ماشي ياحاج
شيرين بصتله بامتنان وابتسمت
قوت بضيق: هي البت دي عملت ليهم ايه كلهم مره واحده حبوها كدا حتي بابا
هدي: البنته شكلها طيبه جوي ياقوت وحظها اجليل انتي مش طيجها بس ليه
قوت: لاوالله
تم كتب كتاب والماذون خرج في سريه تامه ذي مادخل والخبر اتنشر في البلد كلها والكل جيه عشان يبارك ليونس ولزين
شيرين في الاوضه اللي قاعده فيها سمعت صوت ضرب نار ف راحت بخوف تفتح الشباك تشوف في ايه اتفجئت ان في ناس كتير واقفه وزين واقف في وسطه وكلهم ماسكين سلاح وبيضربو بيه وبعد كددا دخلت فرقه معاهم طبول ومزمار. وزين ركب علي حصان وكان شكله حلو اوي شرين متباعه وهي مبتسمه لانه شكله كان حلو اوي وكان مبتسم وبيرفع راسه شافها واقفه بصلها ونزل عينه واندمج مع الناس ومباركتهم
وبعد مده جيه المامور ومعاه اكرامي
مامور: مبروك يايونس بيه وعجبال البكاري
يونس: الله يبارك فيك
اكرامي راح لزين: مبروك ياعريس
زين: الله يبارك فيك وسابه ومشي
اكرامي: وماله افرح شويه
وبعد مده الناس مشيت وشرين قلعت فستان ولبست اسدال الصلاه و فردت سجاده الصلاه وصلت وبعد ماخلصت رفعت ايديها....شكرا ليك يارب شكرا علي اللي حصل معايا انا عمري ماكنت اتخيل ان دا ممكن يحصل ولاحتي في الاحلام شكرا ليك بجد انت عوضتني بعيله جميله اوي اب جميل اوي واخوات جميله اوي انا حبيتهم اوي حتي جدو مصطفي طلع طيب اوي وبعد كده قامت شالت سجاده الصلاه وقلعت الاسدال وراحت عشان تشيلهم سمعت خبط علي باب
شرين:ادخل
شيرين كانت لابسه بيجامه نص كوم.وفارده شعرها....ساكته ليه غريبه وبتتلفت عشان تشوفها بس اتصدمت اما شافت زين واقف قصداها وبيبصله باعجاب
شيرين اتكسفت وشدت الاسدال ومش عارفه تعمل ايه ولاتداري نفسها اذاي
زين شد الاسدال منها:انتي مارتي
2
شيرين بتبصله بتوتر وخدودها عباره عن كتل من نار
زين بيبصلها كانها لوحه فنيه مش عارف يبعد عينه عنها ولفت انتباهو لون عنيها فرفع وشها بانمله...كيف دي
شيرين:هوايه
زين:عيونك دي كيف
شيرين:خلقه ربنا
زين بدون وعي: كل حاچه فيكي جميله حتي عيونك
شيرين اتكسفت:ههو حضرتك كنت جاي ليه في حاجه
تستمر القصة أدناه
زين طلع علبه من جيبه كان فيها دبله....عشان دي وشبكتك هتكون عندك يوم الفرح الصبح
شيرين بتوتر:مالوش لزوم كل دا انا مش عايزه حاجه
زين:انتي تستاهلي كل حاجه واخد ايديها ولبسها الدبله وفضل باصص عليها كانه مسحور وفاقدالتحكم في نفسه
ساره فتحت الباب ودخلت.....اما جبتلك شويه حاجات انما ايه ....وكلامها اتقطع اما شافت زين
ساره بصدمه:انت بتعمل ايه هنا يازين
زين:وانتي داخلك ايه وانتي كيف تدخلي اكده من غير ماتخبطي مش فيه باب
ساره:الباب كان مفتوح والله
زين:ماشي وسابهم وخرج
ساره راحت قعدت جنب شرين:هو اي اللي كان بيحصل هنا
شيرين:ايه
ساره:زين كان بيعمل اي هنا واذاي تسمحيله اصلا يقعد معاكي لوحدك انتي اتجننتي محدش قالك ان دا عيب وان ابوي يونس بيه لو كان شافك كان طخك.عيارين
شيرين برعب:انا هو اللي دخل وانا معرفتش اقوله اطلع باره دا بيته هو
ساره ضحكت: دا انتي طلعتي مصيبه وهنتسلي اووي
شيرين:يعني ايه انتي كنت بتهزري
ساره:حاجه ذي كدا وبعدين داجوزك خلاص
شيرين بصتلها ومردتش
ساره بتاكل الفشار:بس قوليلي بقي يا شيري هو قالك ايه عشان خدودك تحمر كدا وكان جاي ليه ف انصاص الليالي كدا اعترفي
شيرين:كان بيديني الدبله دي
ساره:اممممم دبله قولتيلي بقي
شيرين:ايه
ساره:وبعدين قالك ايه بقي
شيرين اتوترت:بس كدا
ساره ضيقت عنيها بشك:هو اخويا طلع قليل الادب ولااي وعمل حاجه يالا العار
شيرين:حاجه ايه انتيي مخك راح لحد فين
ساره:اصل انا ضاربه ساندوتش حلاوه بالقشطه وبيطلب ذيي مايطلب هيهيهيي
شيرين ضحكت:انتي بجد مصيبه
ساره:عارفه يااوختيي وانا اللي عامله جو في البيت دا ولولاليا كانو كلهم مبوزين كدا هو
شيرين:صح.امال فين فريده
ساره:لافريده بتنام بادري ذي الكتاكيت
شيرين:كتاكيت
ساره:اه الصغيرين دول اللي بينامو بادري
ساره وشيرين فضلو قاعدين مع بعض يضحكو ويهزرو لحد الصبح ماطلع ونامو جنب بعض
صباح يوم.جديد
زين قاعد ماسك ورق بيقرا فيه ومحمود جيه
زين ساب الورق اللي في ايده وبصله: ايه كنت فين عاد اختفيت اكده. مره واحده ومن وجتها محدش شافك
تستمر القصة أدناه
محمود باقتضاب: مفيش انت شيعتلي ليه عاد امبارح بس انا كنت في مشوار واما جيت عرفت
زين: عشان كنت عايزك تشهد علي كتب كتابي
محمود بصدمه :انت كتبت كتابك ميتي
زين:امبارح انت عارف اللي حصل وكان لازم كتب كتاب يتم
محمود بصدمه: انت اتچوزتها صحيح انا اتوجعت غير اكده
زين: اتوجعت ايه انه حديد وبس كيف يامحمود كلام ابوي مايتكسرش
محمود بتهكم: يعني علي كلامك. اكده انك. اتچوزتها عشان خاطررابوك. بس مش اكده
زين بهروب: انا عايزك تچهز نفسك عشان بعد فرحي هتبجي خطوبتك انت وفريده
محمود بصله بغيظ بسبب هروبه منه ودا اكد شكوكه ان زين حبها... ماشي يازين وسابه وقام
زين: رايح فين
محمود: همشي عشان ورايا مشوار مهم
زين:طيب
محمود خرج وكان مضايق وبينفخ بغضب وندم انه مجاش وكان عرف الكل ان زين بيكتب كتاب لسه وكان طلعهم كدابين....ملحوجه يازين وسمع فريده بتنده عليه فمشي من غير مايرد عليها بس هي جريت وراه ووقفته
فريده:محمود بنادي عليك
محمود بيبص في الارض....ماسمعتش
فريده:عامل ايه انت ليه ماحضرتش امبارح كتب كتاب زين انا كنت فاكره انك هتبقي اول واحد موجود
محمود ببرود :كان عندي شغل ومفضتش اچي انتي عايزه حاچه دلوق عشان مشغول
فريده:هوانت بتكلمني كدا ليه
محمود لسه هيرد شاف شرين ماشيه في جنينه واقفه قصاد الورد ومبتسمه ف رد عليها وهو عينه علي شرين....معلش مش جصدي انا بش مضغوط مش اكتر
فريده ابتسمت بتوتر:ربنا يقويك
محمود ابتسم بمجامله:ربنا يخليكي ليا و وكلامه اتقطع اما شاف زين خرج ووقف معاها ودا خلي ملامح محمود كلها تتحول وفريده استغربت نظراته وبصت مكان انتبه شافت زين وشرين ورجعت تبوصله كان مشي ودا خلي فريده تستغربه
زين شاف شرين واقفه ف خرج ليها وعشان يشوف فريده ومحمود كمان
زين:عجبك الورد
شيرين:اه شكله حلو اوي
زين قطف ورده وادهالها...اول ورده تتجطف منه
شيرين بخجل:شكرا
زين بص علي فريده ومحمود كان مشي شرين بصت معاه شافت فريده جايه عليهم
فريده:صباح الخير
زين:صباح النور
فريده جت تدخل زين وقفها....ماتخرجيش الچنينه تاني يافريده فااااهمه عشان المره الجايه مش هتتحدد معاكي
تستمر القصة أدناه
فريده فهمت قصده فوطت في الارض....حاضر
عدي اليومين وجيه معاد الفرح
شيرين صحيت من نوم كان في شنطه كبيره محطوطه وجنبها علبتيين قطيفه راحت ليهم بتعجب تشوف ايه درل وفتحت العلبه الاولي كان فيها طقم عباره عن عقد واسوره وخاتم وشكلهم كان حلو اوي والعلبه تانيه كان فيها غوايش كتير وخاتم وشنطه فتحتها كان فيها فستان ابيض من ستان رقيق اوي ومعاه شابوه ونزل منه قطعه عشان تحجب عنها رويه الناس
شيرين ابتسمت للحاجه وعجبها اوي الفستان وحطته عليها وراحت عند المرايه وفضلت تلف بيه بسعاده
الوقت بيمر والتحضيرات بتم والكل كان فرحان من قلبه لزين وكانو بيساعدو كانهم اهلو وفرحه ناس دي كانت مفرحه يونس
ساره وفريده فضلو مع شيرين يساعدوها لحد ماخلصو
ساره بصتلها: قمر ياخواتي تصدقي يابت انتي انتي طمنتيني ان علي نسل عيله الجوهري هيطلعو عيال ملونين كدا وحلوين
فريده ضحكت: هيبقي عنيهم ملونه ابوهم وامهم عنيهم زرقا
وسمعو خبطعلي باب ساره ضيقت عنيها بشك.... معقول زين انا هروح افتح واطرده بس لو طخني ابقي الحقوني
شيرين ابتسمت عليها. وساره راحت تفتح وخرجت راسها بس من الباب وقافله باقي الباب
قوت بتعجب: في ايه ماتفتحي
ساره: هوانتي تعالي
قوت: هيكون مين يعني
ساره: افتكرت زين
قوت: وايه اللي هيطلع زين هنا وسعي من وشي انا مش نقاصكي انتي كمان
قوت اول مادخلت بصت لشرين بتعجب بسبب فستانها
ساره: ايه رايك ياماما مش بقيت ذي الاميرات بالظبط زين دا طلع بيفهم في زوق ذي اخته بالظبط
قوت بشرود: هو زين اللي جاب الفستان
شيرين: اه
قوت شردت في شكل الفستان شبه الفستان اللي كان جايبه ليها بالظبط ودا خلاها تستغرب بس معلقتش وراحت لشرين وبصتلها.... مش لابسه دهبك ليه
شيرين باحراج: انا مش عندي دهب
قوت: مش قصدي انتي قصدي اللي جبهولك زين
شيرين: اها هوانا لازم البسه
قوت: انال هو جايبه عشان تحطيه في الاوضه طلعيه والبسيه ادتها علبه اللي في ايديها....العقد دا ماما الله يرحمها ادتهولي بعد ماتجوزت يونس خليه معاكي لحد ماتجوزي ابنك واديه لمراته وحافظي عليه فاهمه
شيرين: حاضر
قوت لبسته ليها وعدلت ليها الطرحه.... مبروك ربنا يهنيكم مع بعض ويسعدكم
شيرين ابتسمت ليها بحب....الله يبارك في حضرتك
قوت: البسي يالا دهبك عشان ننزل
شيرين: حاضر وطلعت الغوايش عشان تبتدي تلبسها سمعو حد بيظغرط وبيخبط علي باب ساره راحت تفتح الباب اتصدمت من اللي شافته كانت سيده حاطه كم مهول من المكياج ومطلعه نص شعرها الاصفر لاثر الصبغه ولابسه فستان ضيق جدا
ساره بصدمه: انتي مين
+
&متسم وسعي ياختي كدا بدل مانتي متنحه ليه كدا وعديني
ساره بعدت عن الباب وعي مش مستوعبه اللي قدمها دي
قوت:استني هنا انتي راحه فين انتي
&راحه لبنتي يادلعدي مالك
قوت تنحت وبصت لشرين:بنتك دي بنتك انتي
شيرين اول ماسنعت صوتها الغوايش اللي في ايديها وقعت فريده جبتهم وادتهملها
قوت بصتلها وبتفتح عنيها من صدمه والسيده تخطتها وراحت حضنت شيرين....مبروك ياحبيبتي عيشتي وشوفتي ياشوق بنتك وهي عروسه
قوت:لالالا انا خارجه وانتي انا تخلصي ابقي انزلي
شوق:يوه.مالها دي
قوت بعد ماخرجت رجعت.....تعالو معايا انتم الاتنين
شوق انتظرت كلهم يخرجو....وبصت علي اوضه باعجاب وعلي دهب اللي لبساه شيرين.....
شيرين:انتي ايه اللي جابك عايزه مني ايه
شوق: جايه اشوف مين الدلعدي اللي هربتي عشانه وسبتي وليد عشانه بس ان جيت للحق يستاهل تبيعي عشانه الدنيا كلها اي الوقعه يابت دي وقعتيه اذاي قوليلي جدعه طلعتي بنت امك صحيح..وخبطت علي عقد اللي لبساه....وقعتي واقفه يابنت شوق
شرين زعقت:انا ماوقعتش حد ولاهربت عشان احوز حد انتي عارفه كويس انا مشيت ليه وبعدت ارجوكي كفايه لحد كدا انا تعبت ارحميني وابعدي عني
شوق:طبعا محنا مش بقينا قد مقامك.ياشرين هانم علي عموم انا امك غصب عنك وانا جايه عشان اعمل الواجب اتفضلي عشان تنزلي ياسياده سفيره
شيرين بتمسك دموعها عشان ماتنزلش ونزلت معاها وكل اللي كانو قاعدين كانو بيبصلها ويتهامسو عليها ومستغربين اذاي تبقي امها وقوت مضايقه منهم ومضايقه من يونس اكتر لانه هو سبب في اللي حصل دا...