رواية قوت و يونس الفصل الثامن والاربعون 48 بقلم بسنت شريف
زين واقف قصاد النار وبيمسح علي شعره بغضب
ومش مصدق اللي حصل وسمع واحد بيكلم بهمس... وه مدام زين بيه اهنيه امال مين اللي چوه
زين اتلفت لكلامه: مين اللي چوه
الراجل: ماعرفش انا سمعت باب اتجفل ف توجعت انه انت
زين افتكر ان يونس قاله انه هيسبقه..... ابووووووي
وجري من وسط الناس كل حاول يمنعه بس هو بقي يزقهم ودخل كان المكان كله دخان وفضل ينده وصوته مخنوق بادموع..... يااابوووي يااابوووووي انت فين ياببوي
وحاول انه يدور لحد ماشافه واقع علي ارض وفاقد الوعي
زين جري عليه.... بووووي بووي رد عليا يابوي انت هتبجي زين يابوي انت هتبقي زين وشاله وحاول انه يخرج بيه من وسط النار من غير ماياذيه وبعد وقت خرج بيه والكل اتلم حواليه
زين بيزعق: اسعاااااااف اطلبه اسعاف بسرعه
شيرين جت قعدت جنبه ودموعها نازلها وقاست النبض ليونس ان ضعيف اوي فبصت لزين بخوف وفضلت تضغط علي صدره..... قوم نوديه المستشفي مفيش وقت لااسعاف بسرعه
زين قومه وركبه العربيه والناس كلها بقيت تجري ورا العربيه
زين ماشي بالعربيه وعينه علي يونس قلبه هيقف من الخوف
شيرين: هيبقي كويس اطمن
زين مش بيرد عليها وبعد دقايق كان وصل المستشفى وخرج يجري.... الحجوني ابوي بيموت الحجوني
التمرجيه جم بسرعه ومعاهم سرير وخرجو يونس من العربيه ودخلو بيه علي طول علي مستشفي وزين جنبه هووشرين.....
انس في مرور وسامع صوت دوشه راح يشوف في ايه شاف زين هدومه سودا ووشه كله اسود كانه كان في حريق راح يجري عليه.... في ايه انت واجف اهنيه ليه مالك في اي اللي حصل
زين ودموعه بتلمع في عنيه: ابوي ياانس
انس قلبه طب.... مماله في ايه
زين: الحج ابوك ياانس الحجه
انس دخل اوضه الكشف وهو بيحاول يهدي من نفسه بس اول ماشاف ابوه نايم ومغمض عينه فقد توازنه بس في شخص سنده
الدكتور: داكتور انس انا مجدر حالتك. بس حاله يونس بيه حرجه جداا
انس دموعه نزلت غصب عنه وهووبيبص لابوه اول مره يحس انه عاجز ناسي كل حاجه مش عارف يعمل ايه او يساعده اذاي
الدكتور طبطب علي كتفه....اهدي وتمالك اعصابك واحنا هننجله علي الرعايه المركزه
زين اول ماشافهم خارجين بيه قام جري....ابوووووي كيفه يادكتور كيفه طمني
الدكتور:خير ان شاء الله ادعيلو يازين بيه واخدوه ومشيو وزين قعد علي ارض يااااارب اجف جنبه يارب اشفيه ياررب
تستمر القصة أدناه
قوت كانت قاعده ومعاها ساره وفريده ودخلت واحده وهي بتصوت وبتنادي علي قوت
قوت برعب:هي مين اللي بتصرخ كدا استر يارب
الست دخلت وقوت قامت ليها....خير ياحاجه في ايه مالك
الست قعدت علي ارض وهي بتصرخ.....يونس بيه
قوت قامت وقفت وقلبها طب....مالو يونس ايه اللي حصله انطقي
الست:الشونه ولعت وهو فيها وخادوه علي المششفي
ساره وفريده صرخو في صوت واحد وقوت وقعت علي كرسي
ساره بانهيار:قومي ياماما قومي نروح لبابا
قوت بصتلها بتوهان.....يونس كويس انا متاكده ممكن يكون في غلط
فريده ودموعها نازله.... طيب نروح نشوفه ونكلم زين
قوت هزت راسها وخرجو وركبو العربيه ووصلتهم لحد المسشتفي واول مانزلو كان البلد كلها واقفه قصاد المسشتفي قوت بصت لبناتها وبتكدب نفسها وبتقول لا مستحيل يونس كويس
دخلو المستشفى كان زين قاعد في الارض وموطي في الارض وساند دماغه علي ايده ساره وفريده جريو عليه وهم بيعيطو
زين قام وقف واخدهم في حضنو وبيطبطب عليهم لانه مش قادر يكلم او يقول حاجه
شيرين:ماتقلقوش هيبقي كويس
ساره:انا خايفه علي بابا اوي ياشيرين
شيرين:هيبقي كويس ماتقلقيش ادعيلو انتي
قوت راحت لزين بخطوات بطيئه وعنيها علي شكله المكسور وهدومه المتبهدله..... ييونس يونس فين
زين: في رعايه المركزه
قوت بتحرك راسها بلا..... يونس كويس صح يونس كويس اتكلم انت ساكت ليه قول يونس كويس
زين : ادعيلو ياماه هو محتاج دعواتك
قوت قعدت علي كرسي ودموعها نازله في صمت ورجعت راسها لورا ساندت علي حيطه وبتفتكر كلامه ليها ودموعها مش بتقف
زين شاف انس جاي عليه راح ليه بسرعه....طمني يانس ابوي كيفه
انس:مش عارف
زين: كيف يعني
انس بتوهان:مش جادر اجف جصاده مش جادر اشوفه اكده
زين:مخلف حرمه ياك اجمد ياانس وشوف ابوك في ايه ماتسبش حد غيرك يجف جاره
انس هز راسه ودموعه ظاهره.وبيحاول يتمالك عشان دموعه ماتنزلش زين شده واخده في حضنه...اجمد عشان امك اخواتك اما احنا ننهار هما هيعملو اي
انس سمح لدموعه تنزل في حضن اخوه.....مش جادر يازين مش جادر اشوف ابوي امده اول مابشوفه بانسي كل حاجه وقلبي هيجف من الخوف عليه
تستمر القصة أدناه
زين:ماتجلجش يونس الجوهري جوي مش واجعه كيف دي اللي توجعه اطمن
انس:ياااارب ياارب
زين:اهدي بجي انا ماصدجت ان اخواتك يهدو
بدر وياسين جاين بيجرو
ياسين:هواي اللي حصل عمي يونس في ايه اذاي دا حصل يازين
زين:مش عارف ياخال انا فجئت باللي حصل دا
بدر:ماتجلجش يازين عمي يونس جوي وهيجوم
زين:يااارب
ياسين قعد جنب اخته وطبطب عليها
بدر واقف شايف انهيار فريده واقف باصص ليها ونفسه يروح ليها ويسكتها بس ماينفعش يقرب منهااخد نفس طويل وبعد عن المكان كله لانه مش قادر يتحمل شكلها كدا
محمود داخل علي مستشفي وبيحاول يمثل الحزن بس من جواه قلبه بيرقص من فرحه لان موت يونس هيسهل كل حاجه وكان بيتخيل ورث فريده اد اي واول مادخل مثل الحزن ودموع المزيفه
محمود: اي اللي حصل يازين كيف دي
زين: مش عارف يامحمود
محمود: طيب وهو حالته ايه دلوج
زين: لسه مش عارفين حاجه
محمود قعد ولاكانه شايف فريده ولااهتم حتي انه يبص عليها
شيرين كانت عايزه تفضحه وتقول بس خافت علي زين لان كفايه عليه حاله بباه ف عشان كدا سكتت
الوقت كان بيمر عليهم صعب اوي وبطئ كانه سنين وهم قاعدين منتظرين خروج اي حد
اكرامي وصل المستشفي اما وصلهم الخبر واستغرب كم الناس اللي واقفين وكلهم زعلانين وبيدعو ليونس وشاف مدي حبهم ليه وانه حب فعلا مش خوف من واحد ف طلع وراح ليهم اول ماشاف ساره قلبه وجعه اوي علي شكلها فضل باصص عليها مش عارف يعمل ايه ولايقولها ايه ف وطي وراح لزين
اكرامي: ان شاءالله هيقوم بسلامه
زين بصله وهز راسه
اكرامي: مين اللي عمل كدا او بتتهم حد
زين: انا ماعرفش وابوي مالوش اعداء
اكرامي بص علي محمود..... ومين قالك اوقات العدو بيكون اقرب واحد ليك وانت ماتعرفش
زين: نعم
اكرامي: ولاحاجه المهم دلوقتي ان احنا نطمن علي يونس بيه ويقوم بسلامه وبعد كدا نبقي نفتح محضر ونعرف ايه اللي حصل بالظبط
زين: شكرا علي مچيتك كتر خيرك مروده ليك في الفرح
اكرامي: يونس بيه كبير البلد وددا حقه
زين اتنهد واول ماشاف الدكتور جري وكلهم وراه.... خير خير يادكتور طمني ابوي كيفه
الدكتور بحزن.... احنا عملنا اللي علينا وهووحاليا بين ايدادي ربنا ادعوله عن اذنكم وسابهم ومشي من غير ولاكلمه تانيه
تستمر القصة أدناه
زين بتوهان: يعني ايه
انس خرج وبيحاول يتمالك نفسه عشان مش ينهار
زين: في ايه ياانس ابوي فيه ايه الدكتور خرج ومانطجش ليه اتكلم انت
انس: حالته حرجه جوي يازين جوي عشان يجوم تاني محتاج معچزه من عند ربنا كميه الدخان اثرت علي رئه ومع انه سنه كبير ربنا يسترها يازين ولسه هيتكلم سمع صوت اكرامي بينده باسم ساره اتلفتو كانت واقعه بين اديه
انس راح ليها بسرعه وشالها ودخل بيها اوضه فاضيه وكشف عليه وخرج
زين: فيها ايه ياانس طمني
انس: ماستحملتش الصدمه بس هي كويسه روحو انتم دلوج وانا هفضل اهنه معاه الزياره ممنوعه وعشان ناس اللي باره دي كمان
زين: انا مش هجدر امشي واسيبه
انس: روح امي وفريده ومرتك وابجي ارچع تاني بس هو في رعايه وممنوع عن زياره
زين: انا لازم ادخل اشوفوه
انس: هدخلك. ليه بس روح امي لانها شكلها تعبان
زين: ماشي
زين راح لقوت كانت بصاله ومش بتكلم.... يالا ياماه
قوت هزت راسها بلا
زين: جعادك اهنه مالوش لزمه انس قال ان زياره ممنوعه يعني جعادك هنا مالوش لازمه
قوت: مش هسيبه انا هفضل هنا
زين: عشان خاطري ياماه جومي ارتاحي وهبجي اجيبك ليه تاني بس جومي معايا دلوج
قوت قامت معاه ومشيت وشيرين سانده فريده بس كانت هتقع واللي سندها بدر.... خلي بالك
فريده بصتله ومردتش
بدر: هيبجي زين ماتجلجيش عمي يونس جوي وهيجوم وهيبجي احسن من الاول
فريده بامل: بجد
بدر: بچد واضح انك ماتعرفيش ابوكي زين ادعيلو انتي بس
زين خرج بص علي كم الناس اللي واقفه واتكلم بينه وبين نفسه.... شوفت يابوي الناس بتحبك. جد ايه جوم يابوي محدش فينا هيجدر يتحمل عدم وچودك
زين: كترخيركم كلكم
الناس: طمنا علي يونس بيه
زين: الحمدلله ادعولوه علي جد حبكم ليه ادعولو هو محتاچ دعواتكم كلكم وان شاءالله هيجوم ويرچع تاني
زين حاوط امه وشيرين ومشي وبدر ماشي وراه ومحاوط فريده وخرجو من وسط الناس
ومحمود واقف بعيد بيتفرج.....خلاص يازين بيه الحج اشبع من الهنا دا عشان فضلك ايام وتحصل ابوك يانن عين ابوك وضحك
قوت اول ماوصلت طلعت اوضتها من غير ماتتكلم ولاكلمه وفريده كمان وزين جيه يخرج شيرين وقفت قصاده....استني
تستمر القصة أدناه
زين:في حاچه
شيرين بصتله مش عارفه تبدا منين او تقوله ايه.....ماتقلقش هيبقي كويس
زين اتنهد: يارب
شيرين بتلقائيه مسكت ايده واخدته وطلعت اوضتهم وقعدته وقعدت جنبه وهووبيبصلها من غير ماينطق.....مش كفايه كدا
زين:هو اي اللي كفايه
شيرين:تفضل تتحمل انت من صبح وانت واقف في ضهررالكل وبطبطب عليكل واحد شويه وانت هنا منهار طلع اللي جواك حرام عليك نفسك
زين بصلها ومردش
شيرين:اتكلم طلع اللي جواك حرام عليك نفسك
زين:عيزاني اجول ايه ياشيرين اجول اني فتحت عينه علي دنيا لجيته جدامي هو مش بس ابوي هو الحياه كلها بالنسبالي عمري ماحسيت منه ولالحظه انه مش ابوي او بيربيني من باب الواجب عشان انا ولد اخوه دايما بحس منيه اني ولده من دمه ولحمه وانا حد يجول ان ولد معتز كان بيتحول ويجول لع دا والدي هو كل حاچه ليا هووسندي انا من غيره ولاحاچه انا مش جادر اصدج اللي حصله او اذاي دا حصل ابوي محبوب من كل ومفيش حد فكر ياذيه اوياذي حد من عيله جوهري تما كيف دا حصل
شيرين:ولو عرفت مين اللي عمل كدا هتعمل ايه
زين بصلها واتكلم بغل:هطلع روحه في يدي
شيرين:حتي لواقرب حد ليك
زين:جصدك ايه بحديدك دي
شيرين:مش قصدي حاجه انا بتكلم عادي
زين زعق:انتي تعرفي مين اللي عمل كدا اتكلمي
شيرين:وانا هعرف منين انا معرفش حاجه
زين:جوليلي ياشيرين وطفي النار اللي چوايا مين اللي كان عايز يجتل ابوي
شيرين:هو مش كان عايز يقتل بابا
زين زعق:ماتنطجي علي طول انتي هتفضلي تنجطيني بالكلام
شيرين:حاضر هتكلم بس اهدا
زين:ملكيش دعوه بيا اهدي ولااتزفت انطجي وخلاص وسمعو خبط علي باب جامد
زين راح يفتح الباب كانت فريده بتعيط
زين: في ايه مالك ايه اللي حصل
فريده: ماما بابا الحق بابا ماما يازين
زين مش فاهم حاجه بس جري راح لامه كانت مغمي عليه
زين زعق لفريده: ايه اللي حصل في ايه
فريده بتعيط: اتصلنا باانس نطمن علي بابا سمعنا صوت وقوف القلب وانس كان بيزعق عشان يعملولو صدمات كهربا بابا مات يازين
زين بعد عن امه ووقف وبصلها بصدمه: ااانتي انتي بتجولي ايه
فريده عيطت بانهيار ومردتش
تستمر القصة أدناه
زين خرج يجري ممن الاوضه وكان بينط من علي سلم عشان ينزل اسرع وخرج يجري في شارع لحد ماوصل المستشفي وكان بينهج وقلبه هيقف من الرعب علي ابوه وطلع كان انس قاعد في الارض مغمض عينه وساند راسه علي باب الاوضه زين شافه كدا بقي يقرب منه بخطوات بطيئه وصوت ضربات قالبه عاليه وبدون مقدمات شد انس من علي ارض كنت فييييين كنتتتتت فين وسايبه وجاي تجعد ككككيف الولايه اكده اننننطج
انس بيبصله بتعجب ومش فاهم هو متعصب كدا ليه
زين بصوت عالي: رددددد عليا انطجججج
الناس اتلمت علي صوت زين ومحدش فاهم هو بيزعق لانس ليه
ممرضه: دكتور انس انا اديت الدوا ليونس بيه
زين ساب انس واتلفت للبنت.... هو بوي وبص لاانس ابوي زين
انس: ايوه في ايه
زين سابه ودخل يشوف يونس كان مغمض عينه ونايم انس دخل وراه..... تعالي معايا وبعد اكده ادخله تاني
زين خرج معاه وراح مكتب انس وانس جابله عصير... ااشرب دا عشان تهدا
زين:مش عايز حاجه هو ايه اللي حصل
انس:المفروض انا اللي اسالك ايه اللي حصل مش انت
زين:فريده خبطت عليا وكانت بتعيط وجالتلي انه وسكت لانه مقدرش ينطقها
انس:اه هي اتصلت بي هي وامي والنبض وجف وعملنا ليه صدمات كهربا وجلب رچع يشتغل تاني دا شئ طبيعي في حالته دي
زين مسح علي شعره....يارب هون يارب
انس:هيبجي زين مش دا كلامك باردو
زين:ان شاءالله
انس:ينفع اللي انت عملته دا تجل بجيمتي اكده جدام الخلج يجولوي عني ايه دلوج
زين:حجك عليا بس كلام فريده وامي ووه امي اغمي عليها
انس: كيف
زين اتصل بيهم وشيرين ردت عليه
زين:ايوه ياشيرين امي كيفها دلوج
شيرين:فاقت بس منهاره يازين وانا مش عارفه اعملها حاجه هو فعلا
زين:ابوي زين ادهالي ياشيرين
قوت اخدت الموبايل بسرعه.....ايوه يازين
زين::ماتجلجيش ياست الكل ابوي زين
قوت:يعني فاق
زين:لسه ياماه بس هو هيبقي كويس ماتجلجيش ادعيلوه
قوت:ياااارب يارب يشفيه يارب....انا عايزه اشوفه
زين:بكرا باذن الله هاخدك ليه بس ارتاحي انتي دلوج
قوت:ماشي
زين قفل وراح وبص علي يونس من الازاز ومشي وفضل يلف في شوارع بلا هدف مش عارف هو رايح فين لحد ماوصل للبحيره وقعد قصادها وقعد يفتكر كل زكرياته مع ابوه
الايام بتمر ويبقي الحال كما هو عليه يونس مش بيفوق والكل كل يوم عنده معادا زين طول اليوم بارت محدش بيشوفه وموبايله مقفول كل يوم يروح لانس يطمن علي ابوه وبعد كدا يختفي تاني
زين وصل المستشفي وراح لانس يطمن علي يونس
انس: هو لحد دلوج.حاله مستقره
زين:طيب هوليه مافجش لحد دلوج
انس:الله اعلم يازين بس هي حالته اتحسنت والحمدلله في امل انه يبجي كويس
زين:الحمدلله
زين قام عشان يمشي بس انس وقفه...وبعدهالك يازين هتفضل علي حال دي
زين:في ايه
انس:انت بتيجي تتطمن عليه وتمشي وبعد اكده محدش بيشوفك واصل
زين:شغل ابوك كاتير ياانس اانا معايزش يجوم يلاجي الدنيا مخربطه ومش بفضي حتي اني انام
انس:وليه مش بتشوفه
زين:مش هجدر اشوفه هو اكده
انس:ادخله واطمن عليه هو هيسمعك يمكن ترتاح
زين سابه وخرج وراح اوضه يونس واتردد كتير بس دخل كان نايم ومستسلم فضل باصص ليه بحزن. وجاب كرسي وقعد جنبه.....وبعدهالك يايونس بيه عجبتك جعدت المستشفى ولاايه عاد جوم ياولد الجوهري كلنا محتاجينك وضايعين من غيرك بما فيهم انا بحاول اجف عشان مانجعش بس مش جادر فراجك.صعب جوي انت السند لينا كلنا كلنا جوايا بيك انت اما بنجف في مكان بشجاعه بيكون واثقين انك في ضهرنا عمري ماحسيت اني ضعيف غير كام يوم اللي فاتو دول وانت مش جاري ومسك ايده وباسهااول مره احس بمعني فقدان الاب انت ابوي وصاحبي وكل حياتي فوج يابوي انا مش هجدر اتحمل فراجك انت مش هجدر افارج ابوي للمره تانيه.