رواية نسختي الأخرى الفصل الثاني 2 بقلم حبيبه سامح
لينار : طيب قولي القصص التانيه
نور : هقولك
نور : في واحده كانت بتحكي لصاحبتها أن هي اضطرت تمشي في الغابه دي و دخلتها
لينار بفضول : وبعدين ؟
نور : بعديها فضلت ماشيه وهي قلقانه و قالت إنها سمعت أصوات غريبه زي همسات و كلام مش مفهوم كأن حد بيعمل تعويذه أو حاجه فجاه لقيت قدامها مستئذب
لينار بصدمه : ايه ؟ مش المفروض المستئذبين دول مخلوقات اسطوريه و مش موجوده ؟
هزت نور كتفها بالامبلاه
نور : أنا بقول كده برضوا
لينار : طيب ايه القصه الاخيره
نور : اه اسمعي دي بقى بيقولوا أن في بنت
لينار بضحك : هما كلهم بنات مفيش راجل بيحصله كارثه ؟
نور بضحك : حظنا بقى الرجاله طول عمرهم محظوظين
لينار : طيب كملي
رجعت نور لجديتها و نظرت للينار و قالت
نور : كانت بتتمشى في الغابه فجاه وهي ماشيه وقعت في حاجه زي حفره مع أن مكانش في حفره و فضلت تنزل زي في نفق تحت الارض و فجاه اختفت
لينار بدهشه : و راحت فين ؟
نور : في الي بيقول العالم السفلي و في الي بيقول عالم موازي و في الي بيقول ماتت يعني كله كلام و مش مصدقاه بصراحه
لينار : طالما هما عارفين أن الغابه دي ملعونه ليه راحوا هناك ؟
نور : والله ماعرف ده لو الكلام صح اصلا و كمان اصلا الكلام ده ظهر وقت ما حصل التلات احداث دول أو بالظبط الحدث الوحيد الحقيقي الي في التلاته
لينار بصدمه : يعني حصلت المواقف دي بجد في الحقيقه ؟
نور : الله اعلم مجرد كلام وانتي عارفه الناس بتحب ترغي كتير يلا بقى ننام عشان عندنا شغل بكره
لينار بخوف : لا ننام ايه بعد ما حكتيلي كل ده و هنام افرضي المستذئب جلي ؟ أو وقعت في حفره ؟ أو المخلوق الغريب ده جلي ؟
قامت نور من على الأرض لتنظر لها بهدوء ثم ضحكت بشده
نور بضحك : اه يا بطنيييي هتقعي في حفره ازاي يا لينار وانتي في البيت ؟ و كمان مخلوق غريب ايه بس اسكتي اسكتي عشان خاطري
ذهبت نور بتجاه الغرفه وهي تضحك بشده
لينار بخوف : نور يا نور
نور بضحك وهي مكمله طريقها : مخبي نور فين يا رشدي يا نورررر
نظرت لينار لها بضيق بسبب سخريتها منها لتقوم نور بغلق باب الغرفه خلفها
نظرت لينار بخوف في أرجاء المنزل لتقوم بالجري بتجاه غرفه نور لتذهب خلفها
اليوم الثاني
لينار بفرحه : نور انا قدرت ابيع كميه كبيره من الفواكه
نظرت نور لها بابتسامه لتقوم بقرص خديها
نور : اختي الشطوره
كانوا يجلسون على خشبه صغيره الحجم في سوق كبير و أمامهم صناديق
امام لينار كان صندوق خشبي مليئ بالفواكه المتنوعه و أمام نور صندوق خشبي مليئ بالاسماك
نور : إن شاء الله نقدر نجمع الايجار بسرعه
لينار بابتسامه : متقلقيش ربنا معانا و هيساعدنا ربنا عز وجل بيقول : و أن ليس للإنسان الا ما سعى و أن سعيه سوف يرى ٠يعني تعبنا عمره ما هيروح
نظرت نور بابتسامه للينار
نور : تعرفي يا لينار عمري ما لقيتك بتشتكي وقت ما بتصبري
لينار بابتسامه : عارفه ليه ؟ عشان بعض أهل العلم قالو في تفسير فصبر جميل في سوره يوسف المقصود بالصبر الجميل ده الي هو منغير شكوى
نور بدهشه : اول مره اعرف المعلومه دي ؟
لينار : وأنا برضوا مكنتش اعرفها و اديني الحمدلله عرفت
نور : شكرا يا اختي المتدينه
لتضحك نور و لينار مع بعضهم لينظروا أمامهم ليجدوا ناس كثيره اتت للسوق
نظرت نور و لينار لبعضهم بصدمه و فرحه
نور : دي فرصتنا عشان نجمع الايجار يلا بينا
لينار : أن شاء الله
كانوا يشترون من نور و لينار كثير من الناس لدرجه ان صناديقهم انتهت من الفواكه و الاسماك
قامت لينار باحتضان نور بسعاده
لينار : جمعنااااهم جمعناااهم
نور : يلا بينا ندفع الايجار و نجيبلنا حاجات حلوه
لتقوم لينار بالتصفيق مثل الطفله الصغيره لتضحك نور عليها
نور بضحك : طفله والله طفله
ليمسكوا يد بعض ليذهبوا لدفع الايجار
كانوا يسيرون وهما يتحدثون معا
نور : تحبي اجيبلك ايه بعد لما ندفع الايجار ؟
لينار بحماس : ممكن ايس كريم فانيليا او شوكولاته ولا اقولك ممكن مقرمشات يااا مش عارفه
ضحكت نور عليها
نور بحب : هجيبلك كلهم من عينيا يا اجمل اخت
نظرت لينار لها بصدمه
لينار بصدمه : كلهم ؟
نور بابتسامه : اه كلهم انتي تستاهلي يا حبيبتي
نظرت لينار لها بابتسامه
لم تكن نور يوماً صديقه لها فقط بل كانت اخت و ام لها بعد وفاه عائلتها و عائله نور أصبحوا مثل العائله الصغيره التي تكافح من الصغر نور كانت اختها الكبيره و امها التي تخاف عليها لقد عوضها ربها بها
فجاه شخص اخذ الحقيبه التي بها المال من يد نور وذهب مسرعا لينظروا بصدمه لبعضهم
ليذهبوا خلفه وهم يجرون مسرعين نحوه
نور بصراخ : اقفففففففف
كانت نور و لينار يجرون خلفه وهو يجري بقوه ليدخلوا داخل الغابه الملعونه بدون علمهم
وقفت نور و لينار في وسط الغابه وهم يحاولون ألتقاط أنفسهم
لينار بتعب : سرق سرق كل الفلوس سرق تعبنا كله
لتبكي لينار بقوه ذهبت نور لها لتقوم بعناقها
نور بحزن : بس يا حبيبتي بس متقلقيش انا هعرف اتصرف
لتقوم لينار بهز رأسها لها لتبتعد عنها ثم نظرت بخوف بالإرجاء
لينار بخوف : نور هو احنا فين ؟
نظرت نور لتتسع عينيها عندما أدركت أنهم في الغابه الملعونه
لتمسك نور كتف لينار بيديها الاثنين محاوله لتهدئتها
نور : اهدي يا لينار اهدي احنا كويسين و هنخرج من هنا تمام ؟
لتقوم لينار بهز رأسها لها و دموعها في عينيها
أمسكت نور يد لينار ليقوموا بالسير لينظروا للسماء عندما سمعوا صوت طائر الغراب
نظرت نور للينار بابتسامه محاوله لتهدئتها ليكملوا السير
وفجاه شئ ما قام بسحب لينار من أرجلها و يقوم بجرها لتصرخ لينار بخوف
نظرت نور لها و كانت سوف تذهب لكن شئ اخر قام بسحبها من أرجلها لتنظر بصدمه وهي ملقاه على الأرض و اوراق الشجر التي في الأرض و على الزرع يأتي عليها و بقوه من شده قوه السحب
و مازال يتم سحب لينار و نور بتلك الوضعيه و تلك الطريقه و هم يصرخون بخوف
يتبع...
سبحان الله وبحمده سبحان الله العظيم 💖..