رواية قوت و يونس الفصل الثاني عشر 12 بقلم بسنت شريف
يونس قاطعها بحزم: خلاصه الكلام. ياماه قوت مش هتتجوز واللي هيجرب منيها هدفنه مكانه
تحيه بخبث: ليه بجي وانت دخلك اي عشان تعمل في اكده. كنت تجربلك
يونس بتوتر: ايوه مش ام ابن اخوي
تحيه: محدش جال حاجه بس البنيه ياولدي
يونس: اماه موضوع جوازها تجفليه ومايتفتحش تاني ابن اخوي مش هيخرج من اهنه
تحيه: خلاص اتجوزها انت
يونس بتوتر: اي اللي انتي بتجوليه دا
تحيه: بجول اللي شيفاه انت ماعيزهاش تتجوز وعايزها تفضل جدامك ومش كل شويه كل مايجي حد يتجدم ارفضه الناس هتتكلم عليها
يونس: تتكلم عليها كيف يعني
تحيه: يعني ان في حد في راسها بت
يونس بانفعال: دا اللي يتكلم عليها كلمه ادفنه مكانه صاحي
تحيه:طيب اهدا انت اتحمقت اكده ليه عاد احنا بنتتحددت مع بعض ياولدي
يونس بصلها ومتكلمش
تحيه: المهام ياوالدي دلوق تاخد قرار تتجوزها او تسيبها لحالها وتشوف نصيبها
يونس: بس دي ياماه مرت معتز كيف ياماه اتجوزها
تحيه: خلاص سيبها تشوف حالها مع حد يحبها ويحميها ويخاف عليها و
يونس بعصبيه: بكفيااااكي ياااماه عاد الله خلاصنا
تحيه بتكتم ضحكتها: في اي ياوالدي انا غلطت في اي عاد
يونس بيضغط غلي قبضه ايده عشان يتحكم في اعصابه
تحيه:خلاص واضح انك مضايج ومش حابب تتجوزها براحتك انا مش هغصب عليك
بشوجك.ياوالدي وسابته وقامت ويونس جواه بركان من الغيظ والعصابيه
تحيه دخلت اوضتها وابتسمت...اخيرا ياوالدي جيه اليوم. وشوفتك وعيونك كلها عشج يافرحه جلبي بيك يارب نور ليه بصيرته وخليه ياخد خطوه ويتحوزها انا عايزه اشوف والدي سعيد ومش هجدر ابعد عن زين حلها من عندك يارب
يونس دخل اوضته وكان متعصب جدا وحاول يهدي نفسه بس مش عارف نار اللي جواه بتخليه ينهار لاقادر يطفيها ولاعارف يعمل اي
يونس مسح علي شعره..... عشان يحاول يهدي نفسه
بس مش عارف ولاعارف ياخد قرار
اليوم عدي عليهم. وجيه يوم جديد
تحيه قعدت وجت نواره وبنتها وقعدو معاها وتحيه متابعه نزول يونس واول ماشفت يونس نازل اتكلمت مع نواره
تحيه: بجولك اي ياخيتي هي ام ممدوح كانت بتجولك. اي في الفرح
نواره بسرعه وسعاده: كنت لسه هتحدد معاكي كانت عايزه تخطب قوت لابنها الضاكتور ممدوح الراجل ايمه ومركز ومن عيله وهيحطها في عنيه التنين هي وابنها
تستمر القصة أدناه
تحيه: زين ممدوح زين الشباب انا هبجي. اجول ليونس يتحدد مع مصطفي ويجوله
نواره: وه وه يونس اهو تعالي ياوالدي
يونس راح ليهم وقعد: خير ياعمتي
نواره: عارف الضاكتور ممدوح
يونس: اكيد مالو
نواره: طالب الجرب منينا اي جوالك ياوالدي
يونس بص لهدي: بس هدي لستها اصغيره علي جواز
نواره: لع مش بتي
يونس: هو في ابنته اهنيه غيرها
نواره: اه طبعا زينه البنات قوت
يونس: نععععم اي اللي بتجوليه دا
نواره: اي ياوالدي مالك
تحيه: فيك اي يايونس
يونس: انا سبج. وجولت جبل اكده مفيش جواز لقوت وبعدين الموضوع دا اتقفل ومايتفتحش تاني وسابهم ومشي
نواره: هو والدك. ماله دا جن علي اخر
تحيه ابتسمت: سبيه علي هواه انا هروح اشوف البنته جهزو الواكل ولالسه
هدي بهمس: هو في اي هو ماله اتعصب اكده ليه
نواره: اخرصي يامجصوفه انتي اش فهمك انتي وسابتها وقامت دخلت اوضتها بغضب
يونس خرج فضل رايح جاي بعصبيه: كل شويه حد يجي وتقدملها احطها في صندوق واقفل عليها ولااهبب وطلع موبايله واتصل علي مصطفي وانتظر رده وبعد دقايق رد
مصطفي: الوو كيفك. يايونس بيه
يونس بتوتر: زين ياحاج انت كيفك.
مصطفي: بنعمه بتي وزين كيفكهم
يونس: الحمدلله كنت عايز حضرتك. في موضوع اكده
مصطفي بحزر: خير يايونس بيه
يونس: خير انا عايز اجابلك فاضي ميتي
مصطفي: اي وقت بس هو في اي
يونس: مينفعش واصل في الموبايل هاجي ليك بكرا
مصطفي: ماشي يايونس بيه
يونس قفل معاه واتنفس وحاول ياخد اكبر قدر من الهوا
قوت نزلت ومعاها ابنها وشافت هدي قاعده ماسكه موبايلها وبتعيط بانهيار
قوت بقلق:في اي مالك
هدي اتخضت واما شافت قوت كملت عياط
قوت بتطبطب عليها وبتحاول تهديها....اهدي بس في اي مالك اي اللي حصل في اي
هدي بتعيط ومش بترد
قوت اخدتها في حضنها وبتحاول انها تهديها ومش فاهمه في اي بس محبتش تتكلم معاها
وبعد مده هدي بعدت عنها وقوت مسكت ايديها واخدتها وطلعتها معها اوضتها
تستمر القصة أدناه
قوت: هديتي
هدي هزت راسها من غير ماتكلم
قوت: مالك اي اللي حصل
هدي بتتكلم. من بين دموعها..... دايما بيجرحني بكلامه ياقوت دايما بيقارني ببنات مصر وشكل بنات مصر وطريجه كلامهم انا تعبت بجد بيحسسني اني وحشه جوي هو انا زنبي اي اني اتولدت اهنيه ولهجتي اكده هانا ماختارتش ظروفي عاد وكل ماقوله ساعدني اتغير شتمني وجفل وعيطت كتير
قوت.مسحت دموعها:حبيبتي دا مش حب وهو مايستهلش ولادمعه منك.دموعك.دي غاليه اوي وهو اسفه يعني بني ادم مايستهلش انك حتي تفكري فيه واي بيقارنك ببنات مصر دي هو منين يعني
هدي:من مصر ولسه جاي اهنيه هو وابوه
قوت:انتي قولتي ليه اللي قولته ليكي
هدي بصت في الارض بحرج وسكتت
قوت:انتي تبقي من عيله جوهري واللي انا شوفته في الفتره اللي انا قعدت فيها هنا ان كل بيعمل للعيله دي الف حساب والف من مين بيتمني يكون منها يعني انتي مش قليله اوعي تسمحي ليه انه يكسرك انتي فاهمه انتي اقوي منه ومن اي حد انتي جميله ومؤدبه الف مين يتمناكي ابعدي عنه ياهدي ابعدي اثبتيه ليه انك. مش. محتاجه وهو اللي مايطولش يجوزك فاهمه
هدي حضانتها جامد: انتي جميله اوي ياقوت بجد انا حبيتك اووي
قوت ابتسمت: وانا كمان انتي ذي اختي بالظبط
هدي ابتسمت
قوت: اخر حاجه عايزه اقولهالك ان قلبك ده عامل زي بيتك والناس اللي بتتعاملي معاها دي هي ضيوفك الي بدخليها بيتك يعني في ناس مينفعش تدخل بيتك تتقابلو مع بعض في شارع صحاب طريق بمعني اوضح وفي ناس آخرها عالباب من بره وفي ناس آخرها معاكي الريسبشن بس وفي ناس ممكن تحكيلهم هو عامل إزاي وإيه إللي جواه وتحكيلهم كل سنتي في البيت وفي ناس ممكن تعيش معاك فيه ويكونوا جزء لا يتجزأ من البيت ده المهم إنك تحفظي علي حرمة بيتك ومتدخليش فيه أي حد
هدي:انتي بجد جميله اوي ياقوت كلامك.حلو اوي
قوت ضحكت واتكلمت بغرور :عارفه اني حلوه
هدي ضحكت:حلوه جدا جدا عارفه اول ماشوفتك افتكرتك عروسه لعبه
قوت ضحكت:لامش للدرجه دي
هدي :لابجد انتي جميله اووي وزين كمان شبهك ولون عيونك.
قوت:حبيبتي انتي اجمل المهم قوليلي بقي اخبار. المزاكره اي
هدي: كويسه
قوت: لواحتاجتي حاجه ابقي تعالي وانا هشرحالك.
هدي: بجد
قوت: طبعاا زاكري انتي ولو في حاجه وقفت قدامك ابقي قوليلي
تستمر القصة أدناه
هدي: اكيد
قوت خرجت وهدي معاها
تحيه:وه وه اتصاحبتو علي بعض ولااي
هدي ابتسمت:دي طيبه جوي جوي ياعمتي
تحيه بفخر: قوت زينه بنات قنا كلتها مرت الغالي
4
قوت ابتسمت ومردتش وتحيه اخدتهم وقعدت تتكلم معاهم.
نواره بغيظ:وه اي لم الشامي علي مغربي ياك
هدي: عشان هي طيبه جوي اووي ياماه انا جايمه ازاكر عن جزنكم
قوت لعبت مع زين ومش بتتكلم معاهم ونواره بتبص ليها بغيظ
يونس جيه قعد معاهم وشاف زين بيضحكلو
يونس ابتسم واخدو منها وقعد يلعب معاه وصوت ضحك زين عالي وضحكته دي بتفرح.قلب يونس
نواره بخبث:زين فرحان معاك جوي يايونس
يونس ابتسم لزين وباس....انت حبيب جلبي ياغالي
نواره: عجبالك يايونس اما نشوف ولادك انت كمان عارفه ياقوت يابتي يونجس لو كان اتجوز كيف شباب البلد كان زمانه بجي جد دلوق وبيلاعب احفاده
قوت بصتله بتعجب استغربت اذاي سنه كبير كدا ومش باين عليه سنه
نواره:مش اكده باردك يايونس
يونس ملامح صدمه قوت دي وجعته.. قام.يديها زين بس الولد رفض ومسك في يونس
قوت باحراج:تعالي يازين
زين.عيط ومسك في يونس
يونس بضيق:حبيبي روح ليها
تحيه:خليه معاك ياوالدي واما يبكي شيع لامه
يونس اخده ودخل مكتبه من غير ماينطق
تحيه بغضب:وبعدهالك يانواره بكفياكي بكفياكي يانواره ابعدي عن يونس وسبيه في حاله
نواره:وه انا عملت اي عاد انا بتحدد عادي
تحيه:انا جولتلك اللي عندي عشان ماتلوميش غير نفسك وجتها وسابتها وطلعت اوضتها بضيق
قوت متابعه الحوار كله بمعالم تعجب هي مش فاهمه اي اللي بيحصل بس استغربها ان اذاي يونس كبير بس مش باين عليه ف قامت تطلع اوضتها تطمن علي اخوها واتكلمت معاه كتير
يونس ماسك زين وباصصله من غير مايمل وقعده قصاده علي مكتب.....عايزك تكون حاكم عادل اوعاك تخاف من حد واصل وتعرف جيمه نفسك ياوالدي عايز.اسمك.يبقي ذي طبل في كل مكان
يونس بيكلم وزين باصص ليه بتركيز.....ماعرفش وجعت في عشجها كيف بس هي خطفت جلبي كانه ليها من زمن بحس اما بشوفها احساس عمره مايتوصف تصدق لوجولتلك اني بغير عليها من اي حد بيقرب منها بما فيهم انت بقيت هوسي وعشقي وكل حاجه ليا اقولك.علي سر انا طاير من فرحه انها هتبجي علي اسمي حاسس اني لسه مراهق رايح يخطب البت اللي بيحبها
تستمر القصة أدناه
يونس بيبص كان زين نام ابتسم واخده علي رجله وباسه وكمل شغله وبعد مده قوت دخلت مكتب يونس كان مديها ضهرو وبيكلم في الموبايل قوت قربت منه ووقفت بزهول وهي سامعه يونس بيكلم انجلش مع حد كانه شخص مثقف جداا وبعد ماخلص اتلفت واستغرب وجود قوت
يونس: انتي هنا من ميتي في حاجه
قوت: ها
يونس:انتي عايزه اي
قوت:ززين
يونس شاور بعينه علي زين قوت راحت اخدته وباسته....هو نايم من بادري
ييونس:لا
قوت: نمت بعد ماصدعت عمو مش هايخدك.تاني
يونس: زين يعمل اللي هو عايزه
قوت: شكرا هو انا ممكن. اطلب منك. طلب
يونس: اتفضلي
قوت: كنت حابه يعني حضرتك تشوفلي شغل عشا
يونس قاطعه وهو بيكتم. غضبه: هو في حاجه نقاصكي انتي او والدك.
قوت: لامش كدا بس انا مش عايزه ابقي تقيله علي حد
يونس:انتي مش تجيله علي حد انتي عايشه في خير جوزك ورث ابنك وياريت ماسمعش كلمه شغل دي تاني واصل ومن بكرا هيكون ليكي شهريه. عشان لو احتاجتي حاجه
قوت بعصبيه: انا مش عايزه صدقه من حد انا عايزه اصرف علي ابني من فلوسي
يونس بيقرب منها وهي بترجع لورا وبتحضن ابنها برعب: صوتك. دا مايعلاش وانتي بتحددتي معايا تاني ودي مش صدقه دا حق والدك وحجك مش صدقه وكلام. الفارغ دا
قوت باصتله برعب ونظره دي ضايقته ف حاول يهدي نفسه..... معتز اخوي الله يرحمه ليه حج في كل شئ ودا والده ووارث كل حاجه مش صدقه ولامن. دا حقوكم
قوت هزت راسها ومشيت ويونس متابعها في صمت
قوت طلعت اوضتها واخدت ابنها في حضنها ونامت وهي بتفكر في يونس خايفه منه بتخاف اما بيهجم وهو بيكلم غمضت عنيها برعب وحضنت ابنها جامد ونامت
اليوم عدي علي. كل ويونس صحي وابتدا يجهز وهو سرحان مش عارف هيبداء كلام منين هيقول اي كانه نسي كل حاجه وحاسس انه قلقان ومتوتر ونزل قبل ماحد يلمحه وخرج عشان مش عايز توتره دا يظهر وخصوصا قدام امه
تحيه قبل ماتنزل راحت تشوف يونس صحي ولالسه وخبطت كتير واما محدش رد فتحت الباب واتعجبت من عدم. وجود يونس فانزلت سالت عليه الناس قالو انه خرج
تحيه: وه راح فين علي صبح اكده عاد ربنا يستر
قوت: صباح الخير ياماما
تحيه: صباح الورد ياضنايا
قوت: مالك ياماما
تحيه: يونس يابتي مش موجود ماعرفش راح فين عاد علي صبح اكده
تستمر القصة أدناه
قوت: يمكن عنده شغل
تحيه: يمكن يابتي
يونس. بعد مده كان وصل الفيوم وهو ماشي شاف بحيره ف. وقف ونزل وقف قدامها يستمتع بنسمات الهواء ويحاول يهدي من نبضات قلبه وتوتره وفضل وقت طويل واقف قصاد البحيره بيعيد حسابته ويفكر هيعمل اي وبعد مده مشي وراح لبيت مصطفي اللي رحب بيه جدا
يونس: هو ياسين مش اهنيه
مصطفي : لع عنده درس
يونس: اها بالتوفيق انشاء الله
مصطفي: يارب وبصله منتظره يتكلم
يونس بيحاول يهدي من توتره ويتكلم..... بوص ياحاج مصطفي من غير لف ولادوران انا جاي اطلب ايد بتك. قوت
مصطفي تنح:بتجول اي
يونس:اي الغريب في كلامي
مصطفي: انت مش شايف انه غريب
يونس: لع عادي كل اللي هتطلبه هيتنفذ وبتك هتكون في عنيا هي وابنها
مصطفي: ويتري جوازك منيها دا ليه
يونس:مافهمش
مصطفي:يعني ليه عايز تتجوزها
يونس بص علي ساعته كانه بيعدلها.... عشان ولد اخوي مايترباش مع حد غريب ومايجيش حد غريب يدخل بيناتنا ودا مايجلجش علي بتك هي هتكون في امان معايا
مصطفي بيبصله بتقيم وشكوكه اتاكدت من يونس انه بيحاول يخبي حب بنته ورا ستار دا
مصطفي: اممممم
يونس رفع حاجبه لانه مافهمش معني كلامه دا اي......افهم من دا اي
مصطفي:هووالمطلوب مني اديلك راي دلوقتي يعني ولااي
يونس:مش قصدي اكده بس انت طريجتك مش مفهومه
مصطفي:ردا علي طريقتك يايونس بيه
يونس:مافهمش جصدك.
مصطفي:مش مهام تفهم انا هاجي اتكلم مع بتي بس بعد ياسين مايخلص امتحانات
يونس:وهووهيخلص ميتي
مصطفي:يعني كمان شهر اكده
يونس تنح واتكلم بحده :انت بتهزر صُح انت عايزني استانك شهر عشان ترد عليا
مصطفي بخبث:ودا يضايجك.في حاجه اعتقد انك.مش مستعجل ولا اي
يونس تدارك نفسه :طيب اللي تشوفه في انتظار مكالمتك
مصطفي:ماشي
يونس مشي وهو مضايق منه ورجع علي قنا وهو مضايق مابيحبش الانتظار هو بيحاول يقنع نفسه انه مش.عشان بيحبها لا هو عشان بيكره الانتظار
مصطفي قاعد بيفكر في كلام يونس هو عرف يقراه كويس حبه لبنته واضح.في عنيه ودا قدر يشوفه بكل سهوله بس يونس طبعه قاسي وحاد اوي خايف علي بنته معاه
ياسين:بااااابا
مصطفي:اي ياحبيبي
ياسين:روحت في يابابا
مصطفي:معاك.اهو في حاجه انت رجعت امتي من درس
ياسين:من شويه هو في حاجه مضايقك
مصطفي:لا بقولك اي ماتكلم قوت وتطلب منها تيجي تقعد معاك هنا يومين
ياسين بتعجب:ليه
مصطفي:انت اتعودت عليها وبتفضل جنبك وبطمنك وهي كمان واحشتني اوي
ياسين:ماشي هكلمها دي واحشتني اوووي
ياسين كلمها فعلا واقتنعت بكلامه وراحت تقول لتحيه
قوت:مساء الخير ياماما
تحيه:مساء النور تعالي يا حبيبتي
قوت:هوانا ممكن.اطلب منك.طلب
تحيه:اكيد يابتي اطلبي
قوت:انا عايزه اروح اقعد مع بابا كام.يوم عشان ياسين عنده امتحانات ومتعود اكون جنبه ممكن
تحيه: بي هترجعي تاني مش اكده
قوت: اكيد طبعا هما يومين بس وكل يوم هكلمك. اطمنك. علي زين
تحيه ضحكت: وانتي كمان انتي بقيتي ذي بتي
قوت: اكيد وانتي بقيتي عندي ذي ماما وحبيتك اوي....انا هقوم اجهز بقي
تحيه:علي طول اكده
قوت:ايوه
تحيه.سكتت شويه كانت حابه تخبر يونس بس رجعت في كلامها وحبت تشوف ردت فعله اما يرجع....ماشي ياحبيبتي عجبال ماتجهزي هكلم السواج يوصلك لحد باب بيتك.
قوت:شكرا ليكي اوي
قوت قامت تجهز وتحيه بتضحك بتسليه ومنتظره رجوع يونس بفارغ الصبر بس بتدعي يجي.بعد هي ماتمشي
يونس بعد وصوله قنا راح علي مكتبه عشان يحاول يرتب نفسه ويعرف يوصل لحل
استووووووب ✨...