بقلم نجلاء فتحى
فى غرفة نوم زينه دخلت عليها آيه ولم تركز غير على صديقة عمرها التى فى منزله أختها وأبعدتهم السنين عن بعض ٠
تفحصتها زينه بلهفة وفتحت زراعيها تستقبلها أنطلقت آيه وغاست داخل أحضانها ولا يعلم من يحضن الأخر ٠
زينه/ فكرتك بعد الشر عنك موتى وأنتحرتى ،كنت كل يوم أدعيلك بالرحمه أنا عبدو٠
آيه/ بدأت تحكى ليها بأختصار ما حدث٠
زينه/ أنا قعدت لما هربت من عبدو فى بيت سمر والشهادة لله سيف أخوها ساب البيت تربيته غير أخته بس برضو سمر فيها حاجات حلوة هى معاها عيال
آيه لا تريد آن تفشى سر أخت زوجها/ لاء نصيب كانت فاقدة الذاكرة ورجعت من قريب
زينه/ سبحانك يارب ،،،،قوللى أنتى عايشة مع سيف أزاى٠
آيه/ مكتوب كتابنا٠
زينه/ مفيش تجاوزات ٠
آيه بلويه بوز/ الواد فرخه بلدى بيتكسف من خياله ٠
زينه بغمزة/ هههههههههه وأنتى كنتى متجوزة وجربتى الجواز قبل كدة٠
آيه بكسوف/أنا لسه بنت ،،، بهاء مقربش منى كزوج عرضت نفسى مرتين ورفضنى٠
أتسعت عين زينه/ ٣ سنين ونصف متجوزة حبيبك ويرفضك٠
آيه/ عارفتى مخلفتش ليه
زينه/ سيف عارف٠
آيه/ لاء ٠
زينه/ خليها مفاجأة، ،قوللى راجل أعمال وكبير فى السن ملوش علاقات
آيه/ كنت فاكراة بيضحك عليا ويقولى مليش ،،بس تأكدت سيف مش فى دماغه الأرف دة تعرفى أوقات بحس خريج أزهر عارف معلومات فى الدين أنا معرفهاش ومش بيسيب فرض ربنا رغم جات علية وقت سَكر فيه
زينه/ ربنا يهدى من يشاء،
آيه/ مشيت وراء قلبى ضيعت سنين من عمرى ،،،قولت أجرب أمشى وراء عقلى وشكله صح رجعتلك والدنيا بدأت تحلو
زينه/ مش عارفه أقولك إيه الله يسامح باباكى وأخوكى مشاركين فى ذنبك
آيه/ معرفش عن أخويا غير أسمه ،،ولا أعرف شكله ولاصوته ،،تعرفى سيف حنين على أخته لدرجه تتمنى تكوني مكانها
جذبتها زينه لحضنها/ معرفش أبيه بهاء أذاكى كدة دة الراجل الواحيد فى الدنيا بقعد معاة براحتى وبيدخل بيتى هنا عبدالله واثق فيه ويعتبره أخويا
آيه/ البيه كان بيحب واحدة غيرى ودة سبب مقربش منى ٣ سنين ونصف كزوج غبى وقتها مكنتش معترضة وأقبل أكون زوجه عشرة أو ذى أخته المهم معاة ،،إللى وجعنى بعد مقابلته فى السنين دى كلها شوفته فى السعودية نظرة عينه كلها كره وقرف وغل ونظرة أتهمام تعرفى عارفت بعد كدة أتجوز وعايش فى السعوديه ومخلف بنت ، أنصدمت ودخلت حاله نفسيه وحشه ومحمد سافر ليا السعودية مخصوص ومش سابنى وعارفت منه سيف كان جنبى ثم حكت كيف سافرت روما وتزوجها
زينه/ تعرفى أسم بنت أبيه بهاء
آيه/ حاولت أشيل حب بهاء من جوايا علشان مينفعش أخد أب من بنته أنا عيشت سنين وأشتغلت فى ملجأ وكل واحدة ليها حكايه مستحيل أعرض بنت بهاء لموقف ذى دة أو تدخل مصحة نفسيه وأخليها معقدة نفسيه ذى صدقينى معرفهاش ولا أعرف أسمها
زينه بترقب/ بنت أبيه بهاء هنا وأسمها زينه وقد عيالى التؤأم أنس وأيهم فى أولى ثانوى
أتسعت عين آيه/ إللى فتحت ليا الباب
زينه/ معرفش جايز نور بنتى
آيه/ هى قالت زينه أفتكرتها قربتكم ما أنتى وأبيه عبدالله ولاد عم
زينه/ البنت ملهاش ذنب بقت يتيمه الأم
آيه/ أمها ماتت😲😲😲
زينه/ أبيه بهاء قتلها ثم حكت ما حدث لبهاء
آيه بغل/أخته دى يلعن أبو إللى جبوها ،،خربت بيتى من زيارتها ليا،،،
زينه/ بعد معرفتى إللى حصل ندمانه على جوازك من سيف
آيه بصدق/ سيف عمل إللى أهلى وبهاء معملهوش هو صحيح ميعرفش يعاكس وإيده مؤدبه بس حنين أسكتى بيقول شعر ليا
زينه/ يبختك
آيه/ أبيه عبدالله مش بيقول
زينه بلويه بوز/ عبدو الرومانسيه عندة سرير وقله أدب وبس ههههههه
آيه بتمنى/ يا بختك
زينه بمكر/ يا قليله الأدب يلا أعملى الفرح بسرعة وخلى مفاجأة أنتى بنت تطير راسه
آيه/ مكسوفه أوووى وخايفة سيف يتلخم أصله فرخة بيضه بيتكسف من خياله
زينه/ دة راجل أعمال تلاقيه مقضيها. مفيش راجل بيتكسف
آيه/ أنا أول واحدة بجد فى حياته سيف بيخاف من ربنا عنى
زينه/ يبقا هيراعى ربنا فيكى وأهم شئ متقبل ماضيكى
آيه/ أنا بحبه أووى لسه مش صارحته بس مش قادرة أبعد عنه خايفة أكون متعلقه بيه ومش بحبه بس
زينه/ أنتى عارفه قصتى وربنا عوضنى بعبدالله ومتقبله عيوبه وقله أدبه علشان عارفة مكانه زينه فى قلبه إيه،، أنسى بهاء وأتعاملى معرفة أو جارك أنما حبيبك تخسرى سيف
آيه بتسرع/ بهاء ملوش مكانه خلاص ،،أنا عارفة حرام أكون على زمه راجل وأفكر فى راجل تانى ،،وسيف مش مدينى فرصة أحن لبهاء، بهاء ماضى ومات وأدفن مع أول يوم بقيت زوجه البشمهندس سيف ، قوللى أنتى لما هربتى من هنا زمان كنتى عايشه مع سيف فى بيته
زينه/ بصراحة مكنش بيطقنى وواخد عنى فكرة وحشه ، وأنا دخلت بيتهم وهو خرج وبصراحة وقتها رخم مش بيهزر
آيه بتلقائيه/ لاء دلوقتى فرفوشه بس العرق التركى أوقات ينقح عليه هههههههههههه ،،الواد مز وحلو حلاوة دماغى أدوق حلاوته
زينه/ يخربيت شيطانك جننتيه هههههههههه
بالخارج فى الصاله نزع سيف سماعة البلوتوث من أذنه فهو سمع كلام آيه وزينه بوضوح كأنه فرد ثالث ليهم معدآ الجزء الخاص أنها بنت لأن عبدالله كان ييكلمه ،،، فهو وضع سماعة صغيرة أصغر من عمله الجنيه المصرى فى جاكت بدلتها الرصاصي وأبتسم وشعر أنها ليست خاينه مثل أخته أو أمه أو عائشه التى تزوجت غيره ولم تدافع عن حبها له ،،مهلا هل عائشه متهمه فى نظره كيف هذة حبيبته مهلا ،،، فى وقت لم يعرف ما تعانيه لكن عند لقائها الأخير وتوفت بسبب غدر أهلها بيها رجعت لمكانها بأكتساح لكنه شعر بعدم الراحه آيه تجاهد لتمنع حبها لبهاء حفاظآ على كرامته ولابد آن يفعل هو مثلها ، وأخذ عقله يطرح سؤال لأول مرة هل عائشه لو زوجته كما تمنها كيف يفعل مع أهلها وهم عرب من جنوب الوادى لهم عادات وتقاليد وعائلته لم تشرف لأى نسب سكت وتنهد وقال :- يبقا آيه بجنانها أرحم ،،لازم تمسكى شركتى قوه شخصيتها مع الموظفين فى البنك شرسه ودة عجبنى
أتت زينه بنت بهاء تحمل صنية/ أتفضل يا عمو تيتا راضيه بعتالك عصير المانجا دة وبتقولك نظيف متقرفش منه
شاور سيف أن تضعه على الطاوله و قال:- باباكى بهاء
زينه بهاء/ أيوة وهو مريض بيتعالج فى السعودية وماما معاه
سيف/ مامتك وحشتك
زينه بهاء/ أيوة ،،وبابا حبيبى كمان،،،، زعلانه منهم محدش كلمنى
لأن سيف سمع كلام زينه وحكايه تلك المسكينه، شعر أتجاها بشفقه فقال:- أنتى مرتاحة هنا
زينه بهاء/ أيوة ،بس عايزة بابا وماما
سيف بلجلجة/ لو مفيش ماما تعملى إيه
زينه بهاء/ بليز يا عمو بلاش كدة أنوس قالى كدة قبل كدة وزعلت منه ،، آن شاء ماما ترجع هى و بابا وأرجع السعوديه أعيش معاهم تانى بابا دة طيب وحنين وعمره مزعلني أبدآ
سيف/ ركزى فى مستقبلك هنا أنتى فى أمان فى البيت دة وحاولى ٠٠
زينه بهاء بمقاطعة/ حضرتك بتقولى ليه كدة ،،،أنا هنا ضيفه وماما جايه فى أى وقت تخدنى
أتى عبدالله وجد زينه بنت بهاء تجلس بجوار سيف فقال بهدوء / زينه شوفى نور فين وستك راضية وخليكى معاهم
زينه بهاء/ ok
فهم سيف مغزى كلامه ،،ماهذا الراجل الذى يدافع عن تلك الفتاة ويغار عليها ويحميها
عبدالله بضيق/ منور يا بشمهندس
وضع سيف قدم على قدم وأكتفى بأبتسامة صفراء،،،،ثم أرسل لآيه على الواتس آن تأتى له
_______________
خرجت آيه من الغرفة وقالت:- زوزو عايزاك يا أبيه ،،،هز ليها عبدالله رأسه وترجل لغرفته بعد م ألقى لسيف نظرة غل
______________
جلست آيه بجوار زوجها ،،فاجئها حين أمسك كفها وقبلها بمنتهى الرومانسيه
رفعت هى له طرف حاجبها/ ودة من إيه
سيف/ هو أنا قولتلك قبل كدة بحبك
آيه أتسعت عينها/ لاء،،
سيف بهدوء/ طب بحبك يا حبيبتى
آيه بتعلثم/ أوعا تكون مجامله
سيف بصدق/ من قلبى
آيه بفرحه/ وأنا حبيتك أووى
سيف/ زينه بنت بهاء هنا
آيه/ عارفت
سيف أخفى أنه سمع كلامها مع زينه وعرف قصه بهاء / البنت ملهاش ذنب عامليها حلو
آيه/ بهاء قتل أمها
سيف/ دة متوقع من واحد غدار تخيلى أنتى مكانها
آيه/ تقريبآ دى حبيبته أمال قتلها ليه
سيف بمكر/ الراجل إللى يسمى بنته بتكون على أسم أخته أمه حبيبته عشيقته
آيه/ بنته أسمها زينه على أسم زينه مرات صاحبه يعتبرها أخته
سيف/ يعتبرها مش لدرجه يسمى بنته على أسمها ،،،،،مش أخته رسمى ،،،،هو عندة أخت بنت أمه وأبوة
آيه/ تقصد إيه
سيف/ جايز عينه من صاحبتك السنين دى كلها
توقف الزمن لآيه
أتت زينه يسندها عبدالله فهى أصرت تجلس معاها فى الصاله وأتجمع أسره عبدالله يسلمون على الضيوف وآيه شاردة فى الماضى لم تشك ولا لحظه فى علاقه بهاء بزينه كل تصرفاته كأخ،،حولت نظرها لعبدالله، ،فهو واثق فى صاحبة ،، زينه مش عليها ملامه ولا ذنب فهى لا ترى غير عبدالله وتعشقه ولا ترى راجل غيرة ،،تشعر لم تجد راحه فى هذة الدنيا تشعر كأنها فى جهاد كلما تجد مخرج للسعادة تجد حائط أمامها يفقد طاقتها لكى تتجاوزه، ،،
______________
أنس/ بابا فى حد عايز يبارك لأمى
عبدالله/ البيت مفتوح
راضيه/ أوعى حد يعرف ليك أخوات قول ماما خلفت واحد بس
سيف/ هما واحد ولا تلاته
راضيه/ الحسد يبنى ،،،العين وحشه ،،،أنت مش غريب ،،،زينه وهى حامل فى أنس وأيهم محدش عرف أتنين غير لما دخلوا المدرسه ولازم نحافظ على النعمه إللى ربنا رزقنها بيها عقبال عوضك يارب ويجعل سلسالك فى الدنيا مينقطع أبدآ
شعر سيف براحه بعد هذة الدعوة فأمه لا تدعى له وترى هذا السلوك شاذ بالنسبه لها وسوقي
زينه/ ماما راضيه دعت فى الحرم ودى النتيجه عندى مدرسه هههههه
نظر لها عبدالله بمعنى ممنوع تتحدث مع سيف ،،تجاهلت هى نظرته
راضيه/ ساكته ليه
آيه بأنتباة/ معاكم أهو
راضيه/ دخلتى كليه
سيف حاوط كتف آيه وقال بفخر أعجب بيه عبدالله وتأكد حب سيف لآيه/ الأستاذة آيه بطله حافظت على نفسها وأجتهدت ودخلت الجامعة والأن مديرة بنك أستثماري مشهور وكانت فى تكريم فى السعوديه وأتعرفنا على بعض وكتبنا كتابنا فى روما وجينا هنا نعمل الفرح ونستقر هى شرف لأى راجل يتمناها زوجته
أتكسفت آيه فبهاء عمرة ما قال كدة ليهم
زينه/ دى طيبه وحنينه صحيح هربانه منها وطاقه بس تقف جنبك وتعمل روح وحس للمكان إللى هى فيه
سيف/ دة حقيقى وبعترف قدامكم لأن الظاهر هى بتعتبركم أهلها ،،بنتكم لونت حياتى
كانت آيه فى وضع صعب من كسوفها وضربات قلبها الراقصه
عبدالله/ الأهل مش صله نسب ولا قرابه لاء،،،،الأهل هى مواقف وأنهم يحبوا بعض فى الله مش حب مصلحة فهمت ربنا يشهد مراتك كانت بالنسبالى إيه رغم لسانها الطويل وهى صغيرة لكن قدامى متقدرش تتجاوز
سيف/ ومازالت لسانها متبرى منها
ضربته آيه فى صدرة وهو قبل رأسها بحنان والجميع ضحك عليها
آيه/ أنت محاسب يا صاصا
عصام/ أيوة
عبدالله بفخر/ طالع الأول على المدرسه أقصد أقصد
زينه لحقته/ قصدك الكليه يا معلم
عبدالله بأحراج/ أيوة الأول على الكليه وجاتله فرصه يتعين فيها
آيه / رفضت ليه
عصام بهيبه/ علشان مش حابب أحصر نفسى فى البدله والتعليم كفايه كدة وبعدين لازم أكون جنب المعلم أول منجحت مسكت الهايبر
عبدالله بفخر وتباهى/ الأستاذ عصام أبنى طور الهايبر وعمل جزء للدعايه وصفحات على النت وخدمه توصيل للمنازل ،، و أسم هايبر زينه فى وسط البلد بقا علامه مسجله ومشهور
سيف/ نوع البضاعة إيه
عصام/ من الإبره للصاروخ يعنى تجهز بيتك من عندنا وتاكل كمان الهايبر بقا ست أدوار
سيف/ فين مكانه
عصام/ **********
سيف/ دة جنب بيتك يا آيه فى أول الشارع
آيه/ أنا بدخله على طول مجاش فى بالى بتاعكم ،،بتعامل معاة حبآ فى الأسم
سيف/ بتاخد مرتب على كدة
عصام/ أكيد وأكتر لو أشتغلت بشهادتى كمان
آيه/ بصراحه بجدد الأجهزة الكهربائية من عندكم بس أنتم غالييين
عصام/ علشان مكان راقى ،،والمكان حسب أسعارة
زينه/ الهايبر دة من حر مال جوزى وكان حلمه ينفرد بشغل خاص غير مجال العطارة مهنه أبوة وأهله وكان دورين فقط ومع الزمن وعصام أبنى بقا ست أدوار
سيف/ ربنا يبارك فى الأستاذ عصام التربيه الصح تريح أهلها
آيه/ آيه رأيك فى البنك إللى شاغله فيه
عصام/ أسمع عنه محدش يطوله
آيه/ لو جبتلك مكان فيه
أنقبض قلب عبدالله وظهرت ملامح الفرحه لزينه
بهاء/ ياريت
نظر سيف لبهاء/ وأنت بقا بشمهندس وتتخرج السنادى
بهاء/ بأذن الرحمن
سيف/ أكرامآ فى الأستاذة آيه مراتى وفى مقام خالتك وعمتك مكانك محجوز ولو فى وقت عندك تنزل تدرب فى شركتى مفيش مشكله لحد متاخد شهادتك وتستلم شغل
زينه/ بجد يا بشمهندس، ،دة يوم المُنى
عبدالله لعن الظروف التى لم تجعله يكمل تعليمه فهو مش فاهم الكلام، ،لكنه شعر بقبضة بقلبه،،، عصام يشتغل بشهادته ويتركه وبهاء كمان رغم الوحيد الذى يمسك أعماله عصام
آيه/ مش أتجوزت ليه يا صاصا
عصام/ قاريت فاتحه على بنت هنا أسمها ليلى وأختها بهاء أخويا قارى فتحتها
آيه/ الخطوبه أمتى
عصام/ لما ماما تولد وترد صحتها هيبقا خطوبه وكتب كتاب وفرح كله فى يوم واحد أنا وأخويا
آيه/ أمتى يعنى
عصام/ أخر السنه دى بعد بهاء ميخلص كليه
آيه/ العرايس فى جامعة
عصام/ أيوة عروستى فى تالته كليه تربيه وعروسه أخويا فى تانية كليه كنت فاكرهم تؤأم
آيه/ ربنا يسعدك ،،،ونور مش أتجوزت ليه دى بعدك يا عصام
عبدالله بضيق مخفى/ بنتى صغيرة مش تتجوز غير لما أموت مش متقبل حد يلمسها وتبعد عنى ويزعلها
لاحظت آيه حزن نور فقالت:- دة كبرت ودكتورة يا أبيه
عبدالله / خلص الكلام
سكتت آيه يبدو الزمن لم يغير عبدالله فهو قوى الشخصيه
فقالت:- منتظره ردك يا صاصا ومش بعيد تمسك مكانى لعلمك تقبض بالدولار يا برنس مش بنقبض بالمصرى فكر كويس
مر الوقت وأنتهت الزيارة على خير وزينه وآيه سابوا بعض بصعوبه كأن حبهم لبعض حب صادق ٠٠٠
وطوال الليل آيه تفكر زينه بنت بهاء على أسم زينه كأخت أم كحبيبه ،،، وعبدالله على الجانب الأخر يخشى أولادة يتركه ويتركوا الحارة ويكون وحيد فهو قوى بأولادة شعر بخوف شديد للغايه٠نظر لزينه النائمه لف إيدة على خصرها يحتضنها وبدون قصد لمس جرحها تألمت وتململت فى نومها وقالت :- بطنى براحه
عبدالله بأسف/ أسف يا بنتى
أنتبهت هى/ فيك إيه مش بتقول بنتى دى غير لما تكون مهموم
عبدالله بضياع/ حاسس بضعف
أتعدلت زينه رغم ألام بطنها وأسفلها/ ضعف وأنا موجودة ثم فتحت زراعيها تستقبله،،أرتمى عبدالله على صدرها تحملت زينه ألم الخياطه من ثقل زوجها عليها وربتت على ظهرة وقالت:- زياره آيه دايقتك
عبدالله كأنه طفل / عيالى كنزى يبعدوا عنى وأنتى شجعتيهم يا بنت ******
زينه بهدوء وحنان كأنها تكلم طفلها المدلل لقلبها/ لازم يا حبيبى لو على الهايبر أنس يمسكوة أو عصام يوفق بين شغله بشهادته وبينه ،أنت علمتهم وبسم الله عليهم الله أكبر عندك محاسب ودكتورة ومهندس ولسه باقى العيال كنزك الحقيقى لما يوصلوا مناصب حلوة ،،،البنك دة محدش يدخله غير بواسطه كبيرة ووضع وبرستيج ومش بعيد يطلع عصام فى التلفويون وبهاء يشتغل فى شركه بشهادته فكر بعقلك الشاب بيطفش علشان يشتغل برا وفرصة جات لعيالك هنا فى حضنك وقدام عينك
عبدالله/ عايزهم قدام عينى خايف يتنمردوا عليا
زينه بحب/ تربيتك ليهم تخليهم تحت رجلك العمر كله وأنت رقم واحد فى أولوياتهم ياعبدو عيالنا أهم حاجه فى حياتنا لازم تفرح وتسعدهم ونساعدهم غير كدة أنانية مننا ،،نور تتحاسب بيها قدام ربنا دى بنت إللى قدها فى بيته مع جوزها وعيالها حرام عليك تحرمها من حلال وشرع ربنا أنت فاهم أكيد بتفكر فى الحب والجواز والخلفة ، لازم نشبع دة بالجواز بدل الحرام، ،،،،،جوزها وسلمها لواحد فى حياتك خلاص أخواتها أرتبطوا والصغرين أكيد يكبروا وليهم حياتهم وأنا وأنت وماما راضيه نمشى من الدنيا، ،نور تكون لوحدها أزاى من الأخر فى واحد صاحب عصام عايزها من وهى فى أخر سنه ليها فى الكلية ومش يأس على أساس ربنا يهدك وتوافق عليه أنا شايفة الواد مناسب ولو زعل نور عصام يقف ليه وكدة كدة نور بتتعامل أخر العنود مش رقم أتنين فى أخواتها حتى لما ولادت الثلاثة أنت قولت نور أصغرهم علشان خاطر ربنا متخليش قبرك بعد عمر طويل يو* لع بيك وتدخل النار علشان منعت حلال ربنا لو عايزها قدام عينك سكنها فى البيت وسط أخواتها خلاص
تنهد عبدالله وسكت
زينه/ نام دلوقتى وأرتاح زيارة آيه لهتنا عن موضوع أنس معرفش ماله
بقلم نجلاءفتحى عاشقةالكلمات
_______________
(أتى صباح جديد على الجميع )
جهزت آيه الفطار التى بدأت تتناوله مع سيف فهى لا تحب الفطار صباحآ وأكتسبت هذا السلوك من سيف ،،كانت ترتدى ملابس الشعل البدله الرصاصي وتحتها القميص الأبيض والكرفاته الرصاصي ولمه شعرها كحكه
وسيف أمامها يرتدى بدلته وسمر بملابس البيت
سيف/ عينك مرهقة
آيه بكذب/ من النوم
سيف/ ممكن بقا ننزل نشترى شبكتك وفستانك،،،،
نظرت آيه تلقائي لسمر وجدت تعلق الدموع بعيونها فقالت:- أحنا مكتوب كتابنا والفرح شكليات مش عايزة
سيف/ أنا مصمم دة حقك
آيه وعيونها على سمر الشاردة الحزينه/ طلبه أمانك وأكون معاك العمر كله ولو مرضت تستحملنى وتراعينى أنا قصيرة أووى مفيش فستان يجى عليا إذا كان هدومى بفصلها على قدى
انت حلو اوووى وأنا لاء
سيف/ سمر بليز سبينا لوحدنا
تركتهم سمر بحزن
آيه/ فرحنا جرح لأختك ،،،شبكتى كسره لأختك، ،دلعك ليا دمار لأختك حرام أأذيها
سيف/ هى عملت فى نفسها كدة
آيه/ بلاش غباوة هى ندمت و عقلت رجعت ليها الذاكرة وبدأت تنضبط كفايه عذاب بقا قولتلك قبل كدة لو قسيت عليها تبقا بتخسرنى أختك كانت متجوزة عرفى وإبراهيم دور عليه وترجعله
سيف/ وبرضو أتكتب كتابها على واد سكيورتي وطلقها علشان تبقا متجوزة قدام الناس ومش شافوا بعض والواد خد فلوس وخلاص
آيه/ مش عارفة جوازة صحيحه ولا لاء
سيف/ السكيورتى جواز شرعى متسجل فى الشهر العقارى
آيه/ أسأل شيخ برضو أعتقد جواز أختك من إبراهيم عرفى لو موافقة منها ومش قاصر يعتبر حلال
سيف بحيرة/ مش عارف أبقا أسأل
آيه/ إيه رأيك هى معاها ثانويه عامه والمفروض تكون مقيدة فى كليه الهندسه ومش كملت ، فيها إيه ترجع تدرس تانى وتدخل تعليم مفتوح تضيع وقتها فيه
سيف/ وتضعف تانى
آيه/ أديها فرصة دة أنا علمتها شغل البيت شويه وبدأت أغير طبعها فكها عليها ذى م ربنا فكها عليك، هى أختك وليك حريه التصرف فى شئنها لو صغيرة أنما هى قدى وقد زينه شوف زينه عيالها يتجوزا أختك فى الأربعينات عشان خاطر ربنا ،،،عايز تطمن عليها ،،خلى حد من التيران بتوعك يوصلها ويجبها ،،أسمع عندك حارس أسمه فهمى باين عليه كويس يتولى هو حراستها خلاص مع أنك فى بلد الأمن والأمان يا باشا
سيف/ سبينى أفكر وبرضو خلال الأسبوع دة لازم تفضيلى نفسك يومين نشترى فستانك وشبكتك ،،أنا رايح شغلى أول متوصلى طمنيني عليكى ثم أعتدل فى وقفته وقبل رأسها بحنان ورحل بهدوء
تنهدت آيه وندهت على سمر تتكلم معاها قبل نزولها لشغلها
بقلم نجلاءفتحى عاشقةالكلمات
_______________
مرت الساعات
زينه حاولت تعرف موضوع أنس وحين حكى لها عصام أطلقت صوت حيانى ألم جرح بطنها،،،،أنقض عبدالله على أبنه أنس،،واقفت راضيه بحمايه بينهم وقالت:' دة طولك تضربه أزاى
عبدالله بغضب/ أتسجن،،، ليه قضيه ،،ضيعت مستقبلك يا صااااااااايع
عصام بحمايه/ أهدآ يا معلم المرادى دافع عن زينه بنت عمى بهاء حضرتك مدتنيش فرصة أوضح السبب ،،،،وبعد طرح الحقائق
عبدالله بعتاب لأبنه/ حبتها وأنت يا*** تعرف الحب منين ،،أهو ضيعت نفسك
زينه ربتت على كتفه/ هذا الشبل من ذاك الأسد أظاهر النخوة فى الدم خلى قلبك أبيض
عصام/ هو طلع من الحبس بضمان سكنه ودفعت غرامه بس ليه قضيه لو مفيش صُلح تم وراضى العيال يتسجن ،،، الحمد لله متعرضش على النيابه كانت هى الناهيه
عبدالله/ يعنى العيال تغلط وأبنى يتحاسب، ،مين إللى طلب البوليس ليه
عصام/ صاحب سوبر ماركت قدام المدرسه
عبدالله بتوعد/ ودينى لحرق قلبه على شقى عمره
زينه/ أوعا تعمل كدة أكيد عندة عيال
عبدالله/ وأنا أب وقلبى محروق على أبنى ومستقبله إللى ضاااااع
زينه بصراخ/ عبدالله
عبدالله بهياج/ أكتمى يا مراااااااااااااا يا بنت ال***********،،،،،، لو سمعت صوتك لكون ***********
كله منك ومن دلعك يا رووووووح أمك
راضيه/ نور أسندى أمك لأوضتها
زينه ببكاء/ زعلانه منك مفيش فايدة فيك غضبك يعميك
عبدالله/ أخفى من وشى ثم صرخ بأولادة ،، وجلس يفكر يريد محو أسم أبنه من سجلات الحكومه
بقلم نجلاءفتحى عاشقةالكلمات
_____________
تسريع لأحداث مرت شهور
،، عبدالله متجنب أنس رغم حافظ على الأمانه، ،وأحتار ماذا يفعل معاه فهو وارث طبعه مع هذا الزمن ومغرياته يخشى عليه ،،وزينه عنفته على ما بدر منه فى المستشفى وتهجم على الأطباء فقد علمت من آيه فسيف وجه بيه كدمات لكن عبدالله كالعادة يصالحها،،فاضل أنس ،،،،،أما آيه رفضت تشترى شبكه وفستان وتعمل فرح، ،،وأكتفت بالدبله التى أهداها لها فى السعوديه ،،،،،،،،،، فلجأ سيف بوضع كل قرش سوف يصرفه عليها أعطاه لها وهى رفضت لكن لم يجمعهم غرفة واحدة فسيف محرج يقرب منها وهى قدرت ذلك ،،ومازالت هى تخفى عنه أنها مازالت عذراء
بقلم نجلاءفتحى عاشقةالكلمات وعصام أتعين فى البنك الخاص بآيه وبدون أى أختبارات، ،،وبهاء،أتدرب فى شركه سيف بأجر رمزى لحين يحصل على شهادة ويتعين رسمى
___________
دخل عبدالله المنزل وجد زينه ترتدى قميص داخلى طويل وترضع طفل من التؤأم وتتحدث فى التليفون وتأكل لب وفاكهة، ،زفر بشدة وقال:- العيال فين
زينه/ وعليكم السلام، ،،محدش غيرى أنا والعيال الصغيرة
عبدالله/ بتكلمى مين
زينه/ أصبر يا عبدو
عبدالله بحدة/ بتكلمى مين يا مرااااااااااا
زينه/ هكلمك بعدين يا يويو سلام ،،،،،،،،فى إيه هكون بكلم مين دى آيه
عبدالله / رجعنا لأرف تانى
نظرت زينه للرضيع وجدته نام وضعته على الأرض وعدلت جزعها العلوى وقالت:- أنس فين مجاش معاك
عبدالله/ القميص دة جديد
زينه/ دة قطن بلبسه تحت العبايه السمرا ماما راضيه جبتهولى من الموسكى
عبدالله/ أى هدمه بجبهالك
زينه/ شكلك رايق أوعا خلينى أنشر الغيارات
عبدالله/ كنتى مترغى مع المخفيه
زينه ألتقطت الأسدال لتلبسه،،،،، خطفة عبدالله
زينه/ أعقل بهاء زمانه جاى مصدقت البيت فاضى قولت أقعد براحتى عيالك مش بيشبعوا أشيل دة وأعلق دة
حملها عبدالله / أخص عليكى يا زوزو تشبعى عيالك وأبنك الكبير لاء
تعلقت زينه برقبته/ أعمل إيه أبنى طفس مش بيشبع
قلد عبدالله صوت بكاء طفل
زينه/ هههههههههههه
فتح أنس باب الشقة لف عبدالله وأعطى ظهرة لأبنه وقال بأنفعال:- خبط يا بأف
أنس/ دة بيتى
عبدالله/ سبت المحل لوحدة
أنس/ هو يطير ،جاى الحمام، ،حمام المحل يقرف أنت مدينى ظهرك لية شايل مين أوعا تكون صباح هههههه
أصبحت زينه مثل السمكه فى الزيت ،،نظر أنس لأرض من منظر أمه أحترامآ ليها،،
شد عبدالله مفرش السفرة ولف زينه وثبتها وغار على حبيبته من أبنه
زينه/ صباح تااااااانى
عبدالله/ هو أنا كنت على علاقه أولانى
زينه/ يسلام أنت طول اليوم فى الشارع
عبدالله/ ألطم على وشى منك أقسم بالله انتى الأولى والأخيرة
زينه/ أنوس قلب ماما مش يكدب ثم ضربته فى صدرة ودخلت غرفتها وهى متعصبه
نظر عبدالله للتؤأم الذين يصرخون من الصوت العالى فقال/ مش قاعدلك فيها طااااالع لراضيه فوق ،،سكتى العيال
أتاه صوتها/ سكتهم أنت ماهم عيالك يا بتاااع صبااااااح الخدامه
عبدالله/ طااااالع لراضيه وأبات عندها كمان
زينه/ بالسلامه يا بتاع صبااااااح هشك بِشك
أتسعت عين عبدالله، ،،المرا قويت عليا مش تصالحني، ،ثم جذب أنس من قفاة وقال:- على المحل متكدر لحد ميقفلوا بالليل طول الأسبوع ومفيش مدرسه
وضع أنس إيدة على مكان خاص له/ عايز 🛁 حمام
عبدالله/ أعملها على روحك ثم لسعة على قفاه وقال، ودينى يا أنس تتجوز وأقطع عليك مايه ونور يا أبن ****** غور يا صايع على المحل وشيل عشرة شكاير توابل على ظهرك من المخزن للمحل لوحدك يا أبن********** بقلم نجلاءفتحى عاشقةالكلمات
__________
خرجت زينه من الغرفة وبدأت تسكت أطفالها الثلاث بصعوبه وتقول:- حرام عليك يا عبدو مصدقتهم ناموا
_________
(فى منزل آيه )
قالت لنفسها:- عرضت نفسى على بهاء ورفضنى لا يمكن أكررها تانى بس أنا عايزة أخلف وألحق أى حاجه فى عمرى ،،أجرب طريقة زينه ،،بس أخته أعمل فيها إيه لازم أراعى مشاعرها برضو ،، فتحت دولابها لم تجد فيه شئ مغرى ألتقطت بجامه قطن حمراء وبيها ورد أصفر وقصت رجل بنطلونها لحد الركبة ،وقصت كم البجامه لكت ،،،وقصت جزء من جزعها العلوى وفتحت درج التسريحه أخرجت شنطه صغيرة بيها مكياج تستعمله فى حفالات البنك فقط ،أبعدت التراب من علية وقالت :- لو حطيت كتير أبقا أوفر ،،أممم كفايه روج ومسكَرا بس ثم دخلت الحمام أخذت شاور وضبطت نفسها كعروس وتأكدت كله تمام ثم أرتدت الطقم وفردت شعرها وجلست تنتظره فى الصاله ،،وحين سمعت يفتح باب الشقة أصتنعت النوم على بطنها بأهمال مثل ما قالت لها زينه ،،دخل سيف وعقد حاجبه بلع ريقه وقال بلجلجة/ آيه آيه ،،قومى نامى فى أوضتك
آيه لنفسها/ حظى منيل أتجوزت أختى لاء لازم أجود من راسى
،،ثم أتعدلت على ظهرها وتمطعت وأصتنعت النوم
تنح سيف ثم مد زراعة وأبعد شعرها عن وجهها ثم لمس شيفاها وبحركه غير أراديه منها فتحت عينها، ،أبتعد سيف وقال بثبات يداري توترة:- نايمه كدة لية وإيه الهدوم دى
آيه تصنعت الكسوف/ راحت عليا نومه مش ألبسها تانى
سيف/ هو أنتى بتحطى روج
آيه/كنت بجرب درجه جديدة خلاص أغسل وشى وألبس هدومى
سيف/ أقعدى براحتك أنا جوزك مفهاش حاجه ،،سمر فين
آيه/ فى الجامعة عندها محاضرات( ل٦) المغرب
سيف/ سمعت كلامك ودخلتها تعليم مفتوح
آيه/ شاطر أدخل ألبس وأجى
سيف/ أستنى بقولك خليكى كدة أقصد أنتى حلوة
آيه/ بجد وشعرى حلو ولا أقصه وأصبغة
سيف تقدم للأمام خطوة وأمسك خصله من شعرها وقال/ الطبيعى غالى ومش يتعوض أنما الصناعي حلو ومع الوقت يبهت ويبوظ
آيه/ عايزة أقصه
سيف/ أزعل منك إيه رأيك تتحجبى
آيه بتلقائيه/ لما أخلف
سيف/ أشمعنا
آيه/ مش عارفة
هرش سيف فى طرف أنفه/ متأكدة سمر تخلص ٦ بالليل
آيه بربشت بعيونها/ أممممم
سيف/ بقول يعنى أقصد م تجى نجرب كدة حاجه علشان تتحجبى
آيه ببراءة/ نخلف
أنحرج سيف/ أنتى أول واحدة فى حياتى رغم عائشه مكنتش كامله وأنتى كنتى متجوزة فممكن مكنش ذى طليقك مش عارف مجربتش الموضوع دة قبل كده
أبتسمت آيه/ فى مفاجأة ثم أمسكت إيدة ودخلوا الغرفة
سيف/ أدينى خمس دقائق أخد شاور وأجهز نفسى ok
هزت آيه رأسها بكسوف
وحين دخل سيف الحمام هاتفت آيه زينه تحكى ما حدث وطمنتها ونصحتها لا تبوح بالمفاجأة حتى ترى رد فعله
بقلم نجلاءفتحى عاشقةالكلمات
____________
أتصلت زينه على أمها راضيه تشتكى لها من عبدالله ٠٠٠
[عارفين المثل ضربى وبكى ،سبقنى وأشتكى المثل دة ينطبق على زينه 🤣🤣🤣]