نذهب لمكان آخر ونجد رجل في اوائل الستينات يهبط من الطائرة وورائه شابين وامرأة في منتصف الخمسينات
الراجل باشتياق : اخيرا رجعت بلدي
المرأة بطيبة : اخيرا واظن حان الوقت اللي يعرف بيه اريان الحقيقة
الراجل بندم : عندك حق انا غلطت قوي يا كارمن بس انتي قدرتي تغيريني بس اجي الوقت اللي لازم اصلح فيه اخطائي بس مش دلوقتي لازم الاول اعرف هقول ايه لاريان لانه هيتصدم قوي بيا ومش عارف هيسامحني ولا لاء وساجد وساجدة هيسامحوني كمان انا كنت طول عمري الاب المثالي ليهم
كارمن : هيسامحوك يا حبيبي وكلنا بنغلط مافيش حد معصوم من الغلط المهم دلوقتي نرتب امورنا الاول وبعدين نشوف هنقول للولاد ازاي
ساجدة بمرح : جري ايه يا ست ماما انتي وبابا هو ده وقت رومانسية يلا بينا انا متحمسة قوي اشوف مصر وازورها حته حته
ساجد : حته حته متاكده انك جاية من باريس
ساجدة : طبعا بس متنساش اني مصرية مهما اتربيت في بلد غير بلدي
كارمن : طب يلا بلاش رغي كتير شيلوا الشنط وذهبت باتجاه ابنها الأكبر ونظرت له بحنان امومي مالك يا اريان انت كويس
اريان : انا كويس يا امي متخافيش بس حاسس بشعور غريب معرفش ايه هو
كارمن بابتسامة : طبيعي يا حبيبي دي بلدك وانت اتولدت هنا وبكرة تتعود وتحب العيشة هنا ليرحلوا لمنزهم الذي أمر اريان بتجهيزه بأمر من والده
في قصر عائلة البدراوي
يجلس الفتيات تتحدث مع بعضها وليل يجلس في مكتبه مع اشقائه واولاد عمه ليتابعوا تطورات العمل
يونس بجدية : بس يا ليل الصفقة دي مش مضمونة بلاش نخاطر بسمعه شركتنا اللي فضلنا محافظين عليها لحد دلوقتي
ليل بخبث : وانا يعني هتعمل صفقة من غير ما اسال عن سمعة الشركة التانية انا طلبت من صقر يجمعلي كل المعلومات عن الشركة دي والملف قدامي اهو
صقر ببرود جليدي : عيب عليكم لما يبقي صقر المخابرات قدامكم وتبقوا خايفين كده معندكش ثقة في اخوك ولا ايه يا يونس انا برضو يهمني مصلحة الشركة اللي جدنا فضل محافظ عليها الفترة دي كلها
صخر بمرح : يا عم انت هتتحول ولا ايه اخوك يونس ميقصدش
ليل : خلاص يا صخر اهدوا الملف اهو عندكم اقرأوه كويس بقولك يا يحيي هو كريم في المستشفي بتاعته دلوقتي
يحيي باستغراب : اه بتسال ليه
ليل : مافيش رجع امبارح متأخر وكان شكله تعبان اعرفلي في ايه اظن انكم شغالين مع بعض
يحيي : متقلقش يا ليل هو بس تعب ابنه اللي تاعبه انت عارف بيحاول باقصي جهده يلاقي علاج لحالته
إياد : انا قولتله نسفره برة مسمعش الكلام
يحيي بحزن : كريم بعت التقارير لافضل الدكاترة برة وملقوش حل وقالوا إنه الولد مش هيقدر يمشي تاني
عند الفتيات
زمردة : ايه رايك يا سيدرا نجمع البنات وننزل نتفسح نروح المول اي تغيير كده الواحد زهقان
سيدرا بهمس : انتي عارفة أنه طنط فريدة مش هتوافق وتيتا شمس كمان ولو وفقوا هيبعتوا الحرس معانا
زمردة بتأفف : انا زهقت وحابة أخرج بس لوحدنا عايزين نحس اننا زي الناس العادية
لتأتي ماسة : بس للاسف احنا احفاد عيلة البدراوي وكل العيون بتكون علينا وأعداء بابا وأخواته كتير ومستنين بس اي فرصة علشان ينتقموا
زمردة : بقولك ايه يا ماسة ما تحاولي تقنعي عمو مراد وانتي يا سيدرا اقنعي عمو إياد واكيد مش هيرفضولنا طلب
ماسة وسيدرا : يا سلام ومتقنعيش عمو ليل ليه خايفة
زمردة : مين انا لا انا مش خايفة ولا حاجة أنا اخاف من بابا برضو هي المشكلة في ارسلان وعمران ورحيم مش هيوافقو
سيدرا : طبيعي اخواتك وخايفين عليكي ويوسف ويامن مش هيوافقو
ماسة بعبوس طفولي : هوف بقا طب اشمعنا هما بيخرجوا لوحدهم عادي واحنا لاء احيانا بكره نفسي لاني بنت
فريدة : ماسة مينفعش تقولي كده يعني احنا غلط في خوفنا عليكم انتوا عارفين الخطر اللي ممكن يلاحقكم وبعدين نسيتوا اللي حصل مع مريم بنت طنط ايلين
فريدة وليل وأولادهم
ارسلان وعمران ورحيم وزمردة
إياد وآسما وأولادهم
يوسف ويامن وسيدرا
مراد وتيا
ماسة وحياة وأسر
اركان وليليان وأولادهم
ليان وزياد وزين
يونس وإيلين
مريم ورائد
ليندا وكارم شقيق فريدة وآسما
أولادهم عمر وعابد
كريم وقمر وأولادهم
تاليا ومروان
صقر ودنيا وأولادهم
مالك وآسد وايوب
صخر وأمنه وأولادهم
ادم وغيث
في ڤيلا عمرو السيوفي
كارمن : عمرو عمرو
عمرو بسرحان : نعم بتقولي حاجة يا كارمن
كارمن بقلق : لا انت مش معايا خالص مالك يا عمرو قلقان من ايه
عمرو : مش عارف حاسس أنه اللي جاي مش كويس ولازم إريان يعرف الحقيقة بس مش عارف أواجه ازاي يا كارمن خايف ابني يكرهني لتنظر كارمن بحزن فهي أيضا تخاف خسارة ابنها الأكبر
لتذهب ساجدة لأخيها الأكبر
ساجدة : أبيه ممكن تنزل معايا المول ماما مش عايزاني انزل لوحدي ارجوك يا أبيه انزل معايا
اريان : خلاص يا سجدة انزلي استني تحت وانا هغير هدومي وانزل
سجدة بتنطيط : يعيش أبيه يعيش أبيه ليبتسم اريان علي طفولتها المحببة لقلبه وبعد مده يهبط للاسفل بأنفاس خاطفة فهو وسيم للغاية
ساجد بتصفير : ايه ده يا أبيه انت ناوي تاكل عقل البنات انهاردة وبعدين انتوا خارجين من غيري والله ما يحصل لازم انزل معاكم
كارمن بضحك : يا سلام عليك يا ساجد دايما تحب تناكف في اخوك كده ووجهت حديثها لابنها الآخر بقولك يا اريان خلي بالك منهم وشد عليهم لأنهم متهورين
اريان : متقلقيش يا امي اللي مش هيتظبط هما عارفين انا هاعمل ايه لينظر لاشقائه بتحذير ويذهب لسيارته وهما ورائه
كارمن بدعاء : ربنا يحفظكم ليا يا ولاد
في قصر البدراوي
ماسة : ارجوكي يا عمتو حاببين نروح المول
فريدة : انا قلت مافيش نزول لو عايزين تنزلوا يبقي الحرس معاكم
زمردة : بلاش الحرس يا ماما لو كده ممكن حد من اخواتنا ينزل معانا وكمان انتي وخالتو آسما وطنط تيا وليليان وايلين وقمر احنا من زمان منزلناش مع بعض
شمس : خلاص يا فريدة انزلوا يا بنتي مع البنات اتسوقوا واقعدوا مع بعض من زمان مخرجتوش
فريدة بقلة حيلة : ماشي هشوف مين من الولاد هيخرج معانا لياتي ليل علي نهاية حديثها
ليل : خارجين فين يا فريدة
فريدة بتنهيدة : البنات حابين يخرجوا يا ليل واقترحوا ننزل كلنا معاهم نغير جو
إيلين : بلاش انا يا فريدة علشان رائد تعبان شوية وتيا في شغلها دلوقتي هي ودنيا وآمنه
مهرة : خلاص بقا فريدة متزعليش البنات اخرجوا معاهم
ليل : ارسلان إجازة انهاردة هو ويوسف هيروحوا معاكم
ليان : تحيا عمو تحيا عمو ليضحك الجميع علي كلماتها
يوسف وارسلان : احنا جاهزين يلا بينا
ليل : ايه ده انا لسه منادتش علي حد فيكم
يوسف بغيظ : لا ما هما من الصبح عملوا لينا دوشة كانوا مستنين الموافقة بس بس اقسم بالله لو واحدة فيكم عملت اي غلطة واحنا برة هي حرة
ليل بحدة : انت بتهددهم قدامي يا يوسف مش محترم أنه عمك واقف
يوسف باعتذار : انا اسف يا عمي
ليل : حصل خير يلا علشان تلحقوا ترجعوا واتبسطوا بوقتكم لتذهب الفتيات وتستقل السيارات
فريدة ليوسف : انت عارف اي مول هنروحه يا يوسف
يوسف بمرح : عيب عليكي يا خالتو هو أنا بتاع بطاطا
فريدة : كلامك بقا بيئة قوي يا يوسف
وبعد مدة تتوقف السيارات وتنزل الفتيات وهي تشعر بالمرح
آسما : البنات مبسوطين قوي يا ليليان اول مرة يحسوا بالحرية كده
ليليان : بس تشددنا كان خوف عليهم يا آسما احنا مش هنستحمل واحدة منهم يجرالها حاجة
فريدة بخوف : بعد الشر عليهم يا ليليان ربنا يحفظهم لينا تحرك الجميع نحو المول والفتيات يشترون ما يردونه لتمر سيدرا بجانب محل اكسسوارات للتوقف ولم يراها احد فالجميع ذهب دون الالتفاف
سيدرا : السلسلة دي رقيقة قوي لتجد من يمسك بيدها وهو ينظر لها بخبث
الشاب : انتي اللي رقيقة اسمك ايه يا قمر ما تيجي اعزمك علي اكله حلوة وغمز لها بوقاحة
سيدرا بقوة : سيب ايدي يا حيوان
الشاب : ليه الغلط طيب ما احنا كنا حلوين وحاول الاقتراب منها لتشعر سيدرا بالخوف والدموع تنهمر من عينيها
اريان : ابعد ايديك الوقحة دي عنها لتنظر سيدرا وتري شاب امامها في غاية الوسامة
الشاب : وانت مالك ابعد ولا مبعدش
اريان ببرود : ما هو لو مبعدتش بالذوق هتشوف وش مش هيعجبك
ساجدة بخوف : أبيه الراجل معاه سكينة ابعد عنه هياذيك ارجوك يا أبيه
ساجد : متخافيش يا ساجدة اريان قوي متخافيش عليه المهم ينقذ البنت انتي مش شايفة حالتها ليحاول الشاب إصابة اريان ولكن يتفادها ليكسر له يده التي بها السكين ويصرخ الشاب بالم ليوجه له لكمة شديدة ليتراجع الشاب بخطوات مترنحة ليركض ارسلان ويوسف باتجاه سيدرا وتذهب اسما لها وهي تبكي
ارسلان : سيدرا حد عملك حاجة قولي مش كنتي ورانا اختفيتي فين
ماسة : ايه مين دول ايه اللي بيحصل هنا
سيدرا بدموع : الراجل ده حاول يضايقني والشاب ده انقذني منه لتنظر فريدة لاريان بتمعن وتشعر بدقات قلبها تتسارع وهو أيضا يشعر كانه يعرفها فمن تكون هذه السيدة
فريدة بحب لا تعرف سببه : اسمك ايه يا ابني
اريان بابتسامة خلابة : اريان
ماسة وزمردة : يا ربي علي جمالو ولا اسمه لينظر يوسف لهم بغضب شديد
ارسلان : شكرا يا آستاذ اريان انك أنقذت سيدرا مش عارف هرد جميلك ازاي لينظر إيان لسيدرا نظرة ما ليراها تنظر له بخجل وشكر
اريان : لا شكر علي واجب لو ساجدة مكانها اكيد كنت هاعمل كده بس المهم الآنسة تاخد بالها بعد كده ليذهب هو واشقائه ونظر فريدة معلق به
آسما باستغراب : فريدة مالك من وقت ما شوفتي اريان منزلتيش عينك عنه
فريدة بلهفة: مش عارفة حسيت احساس غريب
وذهبت لابنها التاني ارسلان وطلبت منه أن يجلب معلومات عن اريان مهما كلفه الأمر
زمردة : معقول ماما حاسة أنه إلياس
سيدرا بهيام : يا ريت
ارسلان بتوعد : قدامي انتي وهي حسابنا في البيت
الفصل الثامن من هنا