رواية العشق الأبدي الفصل الثاني والثلاثون 32 والأخير بقلم لبنى دراز
فـ النادى
خرجت يوم وقفة العيد بعد ما فرشت بيتى و انا زهقانة و روحت النادى اللى متعودة اتقابل فيه انا و صحباتى قعدت فـ مكانى اللى متعودة عليه و لفيت الكرسى ناحية البحر و بتفرج ع السُفن و المراكب اللى بتعدى كل شوية ورا بعضها و ضَـ ـربت فـ دماغى فكرة مجنونة و طلعت موبايلى و استخدمت رقمى البرايڤت و نفذتها و استنيت أشوف عواقبها
___________L__D_________
فـ ڤيلا أيمن الهوارى
أيمن قاعد بيلعب مع غرام بنته و منة بتجهز الڤيلا عشان العيد و قالت
غرام:: بابى هتودينى فين فـ العيد
أيمن:: روح بابى عايزة تروحى فين ؟
غرام:: عايزة أسافر حتة بعيدة فيها بحر و مراكب و مراجيح كتيييييير خالص
أيمن:: بصدمة .. نعم !! عايزة تروحى فين ؟
غرام:: قولت حتة فيها بحر و مراكب كبيييرة و مراجيح كتييييرة خالص
أيمن:: و دى نعملها أزاى بقى ان شاء الله
غرام:: ماليش دعوة يا سي بابى اتصرف بقى
منة:: خلصت شغلها اللى بتعمله و رجعت قعدت معاهم .. امممم و عايزة بابى يتصرف ازاى بقى يا ست غرام أيمن أنتى
غرام:: مقموصة .. و انا مالى يتصرف زى أى أب ما بيتصرف هو أنا اللى هقوله يا ست مامى يعنى
أيمن:: بضحك .. حاضر يا قلب بابى هتصرف ايه رأيك أعملك البانيو بحر و أعملك مراكب ورق كبيرة و مراجيح و نسافر الحمام ههههههههههههه
غرام:: ربعت إيدها و اتقمصت .. انت بتتريق عليا يا سى بابى طب انا مخمصاك و سابته و مشيت
منة:: بضحك تعالى بس يا رومى ماتزعليش و فجأة رن موبايلها و موبايل أيمن فـ نفس اللحظة رنة رسالة و لما شافوها اتصدموا
___________L__D_________
فـ ڤيلا أيهم طنطاوى
فـ نفس الوقت قاعد أيهم و هدير و مشغلين أغانى العيد و بيغنوا مع هادى و حلا ولادهم
أهلا أهلا بالعيد
مرحب مرحب بالعيد
العيد فرحة.. وأجمل فرحة
تجمع شمل قريب وبعيد
سعدنا بيها بيخليها
ذكرى جميلة لبعد العيد
غنوا معايا غنوا
قولوا ورايا قولوا
كتر يارب في افراحنا
واطرح فيها البركة وزيد
جانا العيد اهو جانا العيد
باركوا وهنوا.. سوا واتمنوا
كل العالم يبقى سعيد
كله أخوة.. بره وجوه
كل فرح وهنا وزغاريد
غنوا معايا غنوا
قولوا ورايا قولوا
كتر يارب فى أعيادنا
واطرح فيها البركة وزيد
هدير:: كل سنة و انت طيب يا أسطى
أيهم:: حبيبى يا عم عبده و انت طيب يا وحش الكون
هادى:: لـ أيهم .. فين العيدية أيهم
حلا:: و انا كمان يا بابى يا ولا عايزة عيدية
أيهم:: برفعة حاجب .. اممممم العيدية .. مع الاسطى عبده الميكانيكي يوووه قصدى مع مامى
هدير:: بصدمة .. نععععععم ياخوياااااا .. جرا ايه يا جدع انت هتحمرق و تخلع من العيدية و لا ايه
أيهم:: أهدى يا وحش الكون و صلى ع النبي كدا فـ قلبك
هدير:: عليه افضل الصلاة و السلام .. يلا بقى يا هيمو يا حبيبى همد إيدى فـ خط مستقيم و خليك حلو يا اسطى و حط العيدية
أيهم:: قلب هيمو انتى يا ديدى و الله و هو بيطلع العيدية رن موبايله هو و هدير و أعلن عن رسالة و بصوا لبعض بصدمة و فـ نفس واحد لاااااااا
___________L__D_________
فـ ڤيلا فارس المنصورى
فـ نفس الوقت فارس عازم أخواته عنده ع فطار أخر يوم رمضان و سهرة ليلة العيد و قاعد هو و الشباب فـ الجنينة و ولادهم بيعلبوا حواليهم
فارس:: بحزن .. يااااااه رمضان خلص بسرعة أوى ماحسناش بيه يا شباب
أدهم:: فعلا ده أحنا لسة كنا بنقول أمتى رمضان يجى سبحان الله
سيف:: يا أخى فعلا سبحان الله أسرع شهر فـ السنة قبل ما تحس انه جه تلاقيه خلص بسرعة
قصي:: كل سنة و انتم طيبين ربنا يعيده علينا سنين و سنين يارب
كلهم:: اللهم أمين يارب العالمين
جوة الڤيلا
حلم و البنات بيجهزوا الڤيلا عشان ليلة العيد و فـ المطبخ فاتن و فاطمة مع ملك و قمر بيجهزوا الفطار و بيغنوا
تم البدر بدري
والأيام بتجري
والله لسه بدري والله
يا شهر الصيام
حيانا هلالك ردينا التحية سهانا جمالك بالطلعة البهية
دي فرحة سلامك
ولا وداع صيامك
والله لسه بدري والله
يا شهر الصيام
برة المطبخ
حلم:: لـ نجوى كل سنة و أنتى طيبة يا ماما يارب دايما معانا و منورانا
نجوى:: و أنتى طيبة يا حبيبتى ينعاد عليكى بالخير يارب
أمل:: بجنانها المعتاد كل سنة و انتى طيبة يا نوجة إيدك ع العيدية بقى يا قمر
عاليا:: لـ أمل أجرى ألعبى بعيد أبت انتى روحى عند جوزك يديلك و سيبى نوجة فـ حالها ياختى
أمل:: ليه بقى يا ست عاليا أن شاء الله
عاليا:: شان نوجة مامتى حبيبتى تدينى انا بس العيدية
ياسمين:: لـ عاليا ما تروحى انتى كمان لـ جوزك يديلك العيدية ياختى
نجوى:: بضحك .. خلاص ما تتخانقوش هديلكم كلكم العيدية بس بعد صلاة العيد ان شاء الله
حلم:: ربنا يبارك لنا فـ عمرك يا ماما و تعيشى و تدي يارب
عدى الوقت بسرعة و بعد الفطار و صلاة العشاء و الكل مبسوطين و بيغنوا سوا
يا ليلة العيد آنستينا
وجددتي الأمل فينا يا ليلة العيد
يا ليلة العيد آنستينا
وجددتي الأمل فينا يا ليلة العيد
هلالك هل لعينينا فرحنا له وغنينا
هلالك هل لعينينا فرحنا له وغنينا
وقلنا السعد هيجينا على
قدومك يا ليلة العيد
يا ليلة العيد آنستينا
وجددتي الأمل فينا يا ليلة العيد
فارس:: كل سنة و انتم طيبين يارب دايما متجمعين مع بعض
حلم:: و انت طيب يا حبيبى و دايما متجمعين تحت جناحك كلنا
فارس:: باس جبينها ربنا مايحرمنيش منك يا حلم عمرى كله كل سنة و انتى دايما فـ قلبى
حلم:: بسعادة .. كل سنة و انت حبيبى و نور عيني
عاليا:: لـ فارس .. أحم أحم نحن هنا يا أبيه ههههههههههههه
سيف:: أرحمونا يا جدعان شوية مش كدا يعنى
قصي:: لـ سيف عندك حق يابنى دول ناويين يطلقونا قريب ههههههههههههه
أمل:: ضربت أدهم بالكوع .. اتعلم من أخوك شوية
أدهم:: طب يا حبيبتى .. أخويا عليه العوض و منه العوض فيه خلاص حلم جننته يرضيكى يعنى اتجنن انا كمان زيه
أمل:: ما تتجنن يا خويا حد حاشك يعنى .. أتجنن يا حبيبى مرة من نفسك و انا ابقى أعالجك
ياسمين:: بضحك .. مالكم ولاد المنصورى باصيين للكبير بتاعكم فـ شوية النحنحة ليييه هااااا ههههههههههههه
فارس:: بضحك .. اللى غيران مننا يعمل زينا ههههههههههههه
حلم:: بتضحك و لسة هترد سمعت صوت موبايلها اعلن عن رسالة و فـ نفس اللحظة كل الموبايلات رنت بتعلن عن رسالة و كلهم فتحوها و بصدمة إلا فارس فـ نفس واحد ايييييييه !!!!
___________L__D_________
عند أيمن الهوارى
أيمن::بصدمة .. ازاى ده مش ممكن ده يحصل نور اتخـ ـطفت
منة:: بدموع لاااااا مستحيل .. هنعمل ايه يا أيمن ؟
أيمن:: و دى عايزة كلام هنروح طبعا لازم نرجع نور بأى طريقة
منة:: طيب يلا بينا دلوقتي قوووم يا أيمن
أيمن:: أصبرى بس يا حبيبتى للصبح و ان شاء الله هنروح ماتقلقيش
منة:: بأنهيار أرجوك يا أيمن اتصرف ماتسكتش عشان خاطرى
أيمن:: حاضر يا حبيبتى هتصل بـ أيهم و نشوف هنعمل ايه
منة:: و أتصل كمان بـ ساجد و اتصرفوا كلكم دى نور يا أيمن عارف يعنى ايه نور
أيمن:: عارف يا حبيبتى نور غالية علينا كلنا صدقينى بس بلاش نقلق ساجد و هو مسافر .. نطمن احنا بس ع نور و بعدين نبقى نكلمه
وبالفعل اتصل أيمن بـ أيهم عشان يشوفوا هيعملوا ايه ويتصرفوا ازاى
___________L__D_________
عند أيهم طنطاوى
أيهم:: قاعد ساكت و مش بيتكلم من صدمته
هدير:: بأنهيار .. انت هتفضل قاعد ساكت كدا اتصرف يا أيهم دى نور ماينفعش تتخـ ـطف و انت تقعد كدا
أيهم:: بذهول .. انا مش عارف أفكر يا هدير اللى خاطفها بيساومنا انتى عارفة يعنى ايه
هدير:: نفذ اللى طلبه يا أيهم أرجوك عشان خاطرى
أيهم:: بعصبية أنفذ ايه انتى اتجننتى عارفة يعنى ايه نروح كلنا و كمان ولادنا
هدير:: أنا ماليش دعوة اتصرف أعمل اى حاجة
أيهم:: انا هكلم أيمن اقولـ...... و قطع كلامه رنة موبايله بأسم أيمن
أيمن:: بسرعة ألووو أيهم .. عرفت اللى حصل لـ نور
أيهم:: أيوا انا كنت لسة هكلمك و أقولك .. ناوى ع ايه
أيمن:: هنروح طبعا انا مش ممكن اسيبها و اقعد اتفرج
أيهم:: مش عارف يا أيمن هدير منهارة و عايزة تروح و انا قلقان
أيمن:: و منة كمان مصممة انها تروح و اقنعتها انها تصبر للصبح اكون فكرت كويس فـ الطلب الغريب ده
أيهم:: بصراحة مش فاهم ليه يطلبنا كلنا و كمان ولادنا عشان يسيب نور
أيمن:: سيبها لله يا أيهم و خلينا نروح و نشوف هيحصل ايه
أيهم:: أمرى لله خلاص نتوكل ع الله الصبح بعد ما نرجع من صلاة العيد ان شاء الله
___________L__D_________
عند فارس المنصورى
عاليا و ياسمين:: انهارو من كتر الصدمة و مش قادرين يتكلموا
فارس:: بتصنع الصدمة .. ازاى ده يحصل مش ممكن مش معقول انا لازم اتصرف
سيف:: هتتصرف ازاى يا كبير ده باعت الرسالة من رقم برايڤت يعنى مش هتعرف توصله
فارس:: يابنى انا كااااام مرة اقولك انننتتت ظااااابط ازاااااى
أدهم:: بقلق لـ سيف فارس عنده حق انا عايز أفهم انت اتخرجت من كلية الشرطة ازاى
سيف:: بغيظ لـ أدهم انت هتعمل زى أخوك
قصي:: لـ سيف يابنى ما الزفت اللى خاطفها باعت اللوكيشن و الميعاد اللى هيكون موجود فيه
فارس:: لـ قصي بالظبط كدا وكلنا هنروح و هننفذ اللى فـ الرسالة بالحرف
حلم:: بخوف .. قصدك اننا هنروح كلنا بـ ولادنا المكان اللى باعته ده
فارس:: بهدوء لـ حلم ايوا يا روحى هنروح كلنا و ماتخافيش انا معاكى
حلم:: يا حبيبى انت عارف انا اروح معاك لـ أخر الدنيا مهما كان بس الولاد و أخواتك البنات ازاى نغامر و ناخدهم و نروح مكان زى ده
فارس:: حبيبتى .. انتى بتحبى نور ؟
حلم:: أكيد طبعا يا فارس بحبها
فارس:: لـ أخواته المنهارين و انتوا مش انتوا كمان بتحبوا نور ؟
عاليا::بدموع طبعا يا أبيه بنحبها جدا
فارس:: خلاص يبقى هنروح كلنا زى ما قال بالظبط فـ المكان و الميعاد ان شاء الله
نجوى:: بقلة حيلة و قلق .. خلاص يا ولاد خلوها ع الله ان شاء الله نصلى العيد و نمشى طالما فدية نور وجودنا كلنا يبقى مش لازم نتأخر عليها دى مهما كانت نور حبيبتنا و الله المستعان
و بالفعل الكل قرر ينفذ اللى أنطلب منهم فـ الرسالة و اللى كان نصها
تم خـ ـطف لبنى الشهيرة بـ نور و لو تهمكم حياتها لازم تكونوا موجودين كلكم بأولادكم الساعة 8 الصبح اول يوم العيد فـ المكان ده و اللوكيشن أهو مستنيكم و كل دقيقة تأخير فيها روحها
___________L__D_________
فـ النادى
كلهم وصلوا النادى فـ وقت واحد و فعلا ما اتأخروش و من ع الباب اول ما دخلوا استقبلتهم فرقة الفنون الشعبية بـ أحلى اغانى فلكلور سويسى و أحلى اغانى السمسمية اللى ما يعرفهاش غير اهل السويس و أغانى العيد الجميلة المشهورة تحت اندهاشهم و استغرابهم كلهم
منة:: بأندهاش .. أنا مش فاهمة حاجة خالص ازاى كدا
هدير:: يا نهار اسوس ده ايه .. ده هو فى حد بيخـ ـطف حد يعمل حفلة استقبال كدا
أيهم:: لـ هدير اصبرى بس لما نفهم في ايه و نور فين
غرام:: مع أيمن الله يا بابى انا بحبك اوى عشان جبتنى هنا فى بحر اهو و كمان مراجيح
أيمن:: بعدم فهم .. المكان فعلا جميل يا غرامى بس استني يا قلب بابا نفهم الأول اللى احنا فيه ده
حلم:: لـ فارس و هى بتشاور ع منة و أيمن و هدير و أيهم .. مين دول يا فارس
فارس:: بهدوء .. مش عارف يا حبيبتى بس أكيد يهمهم أمر نور زينا عشان كدا موجودين هنا فـ نفس الوقت معانا
أدهم:: انا مش فاهم أى حاجة و لـ فارس و الشباب اللى فاهم يفهمنى
سيف:: لـ أدهم و ع وشه علامة استفهام كبيرة تؤتؤتؤتؤ
قصي:: مش انا مش فاهم حاجة بس عاجبنى الراجل ده بيفهم برضوا
عاليا:: برفعة حاجب .. نعم يا خويا ده اللى هو ازاى بقى يا جوز أختى
قصي:: يا عاليا يابنتى الراجل عامل لنا حفلة استقبال فـ نادى ع البحر و هيصة أخر حلاوة يبقى بيفهم ولا لأ
أمل:: نطت تصدق عندك حق ياض يا قصي فعلا راجـ....
عامل البوفيه:: بمقاطعة .. لـ الكل اتفضلوا الفطار جاهز
كلهم:: نعم ؟؟!!! فطار !!!!!
عامل البوفيه:: بضحك من شكلهم و هما متنحين اتفضلوا المدام فـ انتظاركم
و بالفعل راحوا كلهم ناحية الترابيزة اللى عليها الفطار و شافوا واحدة واقفة بضهرها و سامعة كلامهم
أمل:: لـ هدير اللى واقفة جنبها و الله ست محترمة يعنى خا طفة نور و كمان عزمانا ع الفطار ده ايه العظمة دى
هدير:: بذهول أقولك حاجة يا اللى معرفكيش انتى
أمل:: قولى يا اختاه
هدير:: انا مش متفائل يا اسطى
عاليا:: لـ هدير هو أنتى قلبتى ع الاسطى عبده الميكانيكي ليه كدا يا خالتى
هدير:: خالتى !! ما علينا جوزى بيقولى كدا دايما
أيمن:: لـ الست اللى واقفة بضهرها بعدم فهم و نرفزة .. انتى ميين و نور فين انطقى
نور:: لفت وشها بأبتسامة جميلة .. أهدى يا أيمن و لـ الكل كل عام و انتم طيبين عيد سعيد عليكم كلكم
كلهم:: نووووووررررر
نور:: بنفس الأبتسامة .. إيه رأيكم فـ المفاجأة دى
أيمن:: بعصبية .. انتى بتهرجى صح يعنى نشفتى دمنا و خلتينا طول الليل هنمـ ـوت من القلق عليكى و فـ الأخر يطلع مقلب من حضرتك
أدهم:: بغيظ .. مش انا معرفش الأخ ده بس بصراحة عنده حق .. انتى ايييه يا شيخة من أمتى و انتى بتعملى مقالب سخيفة كدا
نور:: طيب ممكن تهدوا شوية و بلاش انفعال و عصبية و انا هفهّمكم كل حاجة و لـ أدهم انت بالذات يا دومى المفروض ماتتعصبش عليا
ياسمين:: بنفس الغيظ .. و ده ليه بقى ان شاء الله يا ست نور
نور:: و عينيها ع فارس .. الكبير بتاعكم معايا فـ كل حاجة من البداية
عيلة المنصورى كلهم بصوا لـ فارس
فارس:: بص لـ فوق🙄 و صفر و رجع بص ناحية عيلته .. اترجتنى أساعدها أعمل ايه
سيف:: لا ياشيييخ بقى اترجتك و انت بصراحة ما بتتأخرش ابدا
حلم:: فااااارس من أمتى و انت بتخبي عليا حاجة زى كدا
فارس:: لـ حلم سامحينى يا حلم عمري اول و أخر مرة بليييز
نور:: خلاص بقى يا حلم عندى انا دى وبعدين النهاردة العيد كل عام و انتم بخير
أيهم:: عارفة يا نور ع قد ما انا متغاظ منك ع قد ما انا مبسوط أنى شوفتك
نور:: و انا كمان يا هيمو مبسوطة جدا انى شوفتكم و يلا بقى نقعد نفطر و أعرفكم ببعض و أحكيلكم عملت كدا ليه و ازاى
قصي:: بس تصدقى يا نور حركة حلوة منك دى .. عجبتنى خصوصا حفلة الاستقبال اللى كانت برة دى
نور:: ماشى يا باشمهندس بس حفلة الاستقبال دى البداية لسة البرنامج مليان
عاليا:: مليان ازاى بقى يا ست نور
نور:: بصى يا لولى بعد ما نفطر و تتعرفوا ببعض فى عرض مسرحى للاولاد لغاية ما يزهقوا و بعد كدا في كمان حفلة استعراضية و استاند اب كوميدى و فقرة شعر و بعد كدا الغدا أحلى أكلات بحرية سمك و جمبري و كلمارى و كابوريا و عيشوا بقى و بعد كدا من بعد العصر احلى منظر ممكن تشوفوه و تستمتعوا بيه عبور السفن فـ القنال حاجة كدا روعة و طبعا البحر و الشاطئ متاح من دلوقتي للى يحب ينزل البحر ده غير بقى من بعد العشاء هتشتغل حفلة تانية و أخيرا شاشة السينما و عرض فيلم العيد .. ها ايه رأيكم بقى اليوم يستاهل المغامرة دى و لا مايستاهلش
نجوى:: بس ينفع يعنى توقعى قلوبنا كدا يا نور
منة:: هونت عليكى يا نور تعملى فيا كدا انا بجد زعلانة منك
نور:: حقكم عليا بس أعمل أيه كنت لازم أعمل كدا عشان تقبلوا تييجوا كلكم لانى حاولت قبل كدا و كنتوا بتعتذروا
أدهم:: برفعة حاجب .. تقومى تخضينا و تجيبينا ع ملا وشنا انتى و الاستاذ ده
فارس:: أهدى يا أدهم و ماتظيطش فيها بقى ماشى
نور:: خلاص سماح بقى و تعالوا نفطر و أعرفكم ع بعض قولتوا ايه
أيمن:: خلاص هعديهالك المرة دى بس عشان غرام كان نفسها تسافر مكان في بحر و مراكب و مراجيح و انتى كدا حققتيلها اللى نفسها فيه
نور:: و أنا عينى لـ غرام و أبوها و أمها كمان بس قولولى الواد ساجد و روبى فين تليفوناتهم مقفولة و قلقت عليهم
أيهم:: ساجد ياستى قرر يسافر من كام يوم يقضى العيد فـ إيطاليا و سابنا متشلوحين هنا بسلامته
نور:: وماله يرجع بالسلامة المهم بقى تعالوا اما عرفكم بـ سيادة اللوا فارس المنصورى و عيلته و بتشاور عليهم بداية من فارس و نجوى و دى بقى سيدة الأعمال حلم الرشيدي مدام فارس و ده دكتور أدهم المنصورى و مراته دكتورة أمل العربي و ده باشمهندس قصي النويرى و مراته باشمهندسة ياسمين المنصورى اما ده بقى سيادة العميد سيف عز الدين و مراته باشمهندسة عاليا المنصورى و رجعت لـ فارس و بتشاور ع أيمن و أيهم و دول بقى دكتور مهندس أيمن الهوارى صاحب شركة الغرام للمقاولات و مراته دكتورة منة المنياوى و ده بقى باشمهندس أيهم طنطاوى صاحب طنطاوى جروب و مراته دكتورة هدير الالفى
حلم:: طنطاوى جروب أشهر من نار على علم و باشمهندس أيهم اسم له وزنه و انا تشرفت بمعرفة حضرتك
أيهم:: حلم هانم الشرف ليا و حقيقى من كتر ما سمعت عنك كنت اتمنى اتعرف بسيادتك
فارس:: بسعادة لـ أيهم أحنا بقى نشكر نور ع انها جمعتنا سوا النهاردة وعرفتنا بـ ناس جميلة زيكم
أيمن:: فعلا يا سيادة اللوا نور رغم الخضة اللى أديتهالنا بس أكيد ضعيتها بعد ما عرفتنا عليكم
و بالفعل بعد الفطار و واصلة التعارف اللى تمت بين أيمن و أيهم و عيلة المنصورى و اتفاقهم كلهم انهم يشتغلوا مع بعض سواء فـ البيزنس او الدكاترة فـ مستشفى الحلم ابتدا العرض المسرحى لـ الأولاد وابتدوا يتفرجوا و يستمتعوا بيه .. و فارس ابتدا يحكى ازاى اتفق هو و نور ع المقلب ده
"فلاش باك "
فارس:: قاعد قبل الواقفة بيوم بيلعب مع ولاده فـ جنينة الڤيلا و رن موبايله بـ أسم نور .. الووو نور قلبى عاملة ايه
نور:: فارس باشا بخير الحمدلله انت عامل ايه و حلم عمرك و العيلة كلها
فارس:: الحمدلله يا نورى بخير طول ما انتى بخير
نور:: دايما بخير يا حبيبى .. كل سنة وانت طيب يا باشا
فارس:: حبيبتى و انتى بصحة و سلامة يارب و ينعاد عليكى بالخير يارب
نور:: حبيبى تسلم .. بقولك يا فارس عايزة منك طلب صغنون قد كدهو🤏
فارس:: انتى تؤمرى يا قلبى مش تطلبى بس
نور:: ههههههههههههه بلاش قلبى دى حلم تزعل مننا كدا
فارس:: ههههههههههههه لأ ماتخافيش
حلم عارفة و مش بتزعل المهم قولى عايزة ايه
نور:: بصراحة انا عايزة اعزمكم ع اول يوم العيد نقضيه مع بعض كلنا و كمان فكرت ان اعزم معاكم أيمن الهوارى و أيهم طنطاوى و أسرهم بس مش عايزة حد يعتذر عايزاكم كلكم مع بعض و مش عارفة اعملها ازاى دى
فارس:: امممممم 🤔.. عايزة تعزمينا كلنا و مش عايزة حد يعتذر نهائى صح كدا ؟
نور:: بالظبط كدا يا جميل و بصراحة بفكر فـ حاجة مجنونة كدا و مش هينفع أعملها من غير علمك
فارس:: فكرة ايه دى اللى ماتنفعش من غير علمى ؟؟
نور:: بص يا باشا عشان أضمن ان الكل يحضر هبعت ليكم كلكم رسالة واحدة مضمونها انى اتخـ ـطفت و عشان تنقذونى لازم تكونوا موجودين بـ أولادكم كلكم و هبعتلكم اللوكيشن
فارس:: يخـ ـرب شيـ ـطانك يا مجنونة دى فكرة ماتجيش ع دماغ ابليـ ـس نفسه .. انتى عارفة لو ما كنتيش عرفتينى انا كنت علقتك
نور:: ههههههههههههه قلبك أبيض هو انا أقدر ألعب معاك يا باشا ده انا وقتها ابقى لعبت فـ عداد عمرى مش كدا و لا ايه
فارس:: كنت سفرتك ورا الشمس يا نور ههههههههههههه
نور:: لا يا عم ربنا يكفينا شر قلبتك ههههههههههههه .. المهم هتساعدنى و لا ايه
فارس:: أكيد طبعا هساعدك و كمان هجيبلك رقم برايڤت عشان تبعتى منه الرسالة
"عودة للوقت الحالى"
ياسمين:: بقى كدا يا ريزو تساعدها تخضنا الخضة دى ماردودالك يا باشا ههههههههههههه
أيهم:: لـ ياسمين .. هى خضة محترمة بصراحة بس ليها حق ما هى ما ينفعش تلعب مع الاسد كان لازم تقوله
نور:: أكيد يا أيهم يا أبنى ده أمن وطنى مش اى حاجة ههههههههههههه
و يلا بقى عشان الحفلة هتبتدى
و بالفعل ابتدت الحفلة الاستعراضية واستمتعوا بيها جدا و بعدها نزل الغدا و زى ما قالت الأكل كان كله مأكولات بحرية و بعد الغدا قرروا الشباب كلهم ينزلوا البحر و يعملوا مسابقة سباحة و البنات كل واحدة بتشجع جوزها و نور قعدت مع نجوى
عند الشباب كلهم اتفقوا يعملوا مسابقة سباحة وقبل ما ينزلوا قالهم
حارس الشاطئ:: ياريت يا شباب لو هتنزلوا تتسابقوا ما تعدوش الشمندورة بعد كدا خطر
فارس:: ما تقلقش مش هنعديها
الحارس:: تمام و لو فى اى حاجه انا تحت امركم
أيمن:: ان شاء الله و لـ الشباب ها هنتسابق ازاى بقى مين مع مين ؟
أدهم:: ايه رأيكم نقسم نفسنا فريقين؟
أيهم:: طيب هنقسم نفسنا ازاى يا باشا
قصي:: فارس و أيمن كل واحد فيهم قائد فريق و من حقهم يختاروا فريقهم
سيف:: لا يا عم انا هلعب مع فارس ماليش فيه
أيهم:: و انا كمان معاكم يا سيف باشا
أيمن:: لـ أيهم بهزار .. بتبعنى يا واطى اخص ع الصحوبية
أيهم:: العمر مش بعزقة يا أيمن يا اخويا و انا عايز اربى العيال
أدهم:: انت خايف ولا ايه يا باشمهندس ههههههههههههه
أيهم:: لا يا عم مش خايف بس برضوا مافيش حد يعادى الحكومة مش كدا و لا ايه يا فارس باشا ههههههههههههه
فارس:: بضحك .. لا ماتخافش يا أيهم باشا انا راجل ديمقراطي يعنى لو خسرنا هحبسهم عشان كسبونا و لو كسبنا برضوا هحبسهم عشان ما يفكروش تانى يعملوها ههههههههههههه
قصي:: لأ ديمقراطي ديمقراطي .. و نعم الديمقراطية يا خويا ههههههههههههه
أيمن:: طيب كدا تمام بما ان سيف باشا و أيهم مع فارس باشا يبقى انا معايا دكتور أدهم و باشمهندس قصي
أدهم:: يا عم أيمن خلى البساط احمدى وبلاش القاب احنا شباب زى بعض
أيمن:: خلاص تمام يا أدهم يلا نبتدى
و بالفعل ابتدا السباق و كان أيمن قصاد فارس و سيف قصاد أدهم و قصي قصاد أيهم وحارس الشاطئ الحكم بينهم
عند البنات
قاعدين حلم و منة و ياسمين بيشجعوا رجالتهم بهدوء اما المجانين التلاتة أمل و هدير و عاليا مو.لعينها تشجيع
هدير:: بتشجع أيهم و بتصفر .. بص شوف أيهم بيعمل ايه يلا يا هيمو يا جاااامد
عاليا:: بصوتها كله .. يلا يا سيفووو اسبقه يلا يا سيييف اعمل فيه زى خلف الدهشورى خلف لما عمل سرااااج
أمل:: لـ عاليا يا سلام ياختى انتى عايزة سيف يعمل فـ أدهم زى خلف فـ الفيلم و لـ أدهم بعلو صوته ألحق يا أدهم خد بالك من سييييف هيعمل فيك زى صعيدي فى الجامعة الامريكييية
حلم:: اه يا مجنونة منك ليها اتهدوا شوية
هدير:: بقولك ايه يا حلم يا عسل انتى سيبينالكم انتوا العقل ياختى مافيش احلى من الجنان
عاليا:: عندك حق يا ديدى الجنان ده نعمة محرومين منها اصحاب العقول امثال الست حلم فارس دى و اللى معاها ههههههههههههه
و بعد شوية وقت حلوين خلص السباق و فاز فريق فارس و طلعوا كمل ضحك و جرى و استمتعوا فعلا بالبحر
حلم:: لـ فارس مبروك يا قلبى .. حبيبى أجمد سباح فيكى يابلد
فارس:: حلمى و حلم عمرى كله تميمة حظى اكيد طول ما قلبى جنبى ماحدش يقدر يغلبنى
قصي:: ابتدينا النحنحة اهو ربنا يستر
فارس:: بتقول حاجة يا قصي
قصي:: ابدا يا كبير ده انا بدعيلك و بهمس سمعوه أيمن و أيهم .. ربنا ع المفترى
أيمن:: شكله تاعبكم اوى الراجل ده
قصي:: اسكت يابنى اسكت خلينى ساكت ده مطلع عينينا هو و مراته
أيهم:: ليه هو الحب و.لع فـ الدرة و لا أيه
سيف:: يابنى كلمة و.لع دى قليلة ع اللى بيعملوه فينا ده شوية قربنا نرجع فـ حضن أهالينا نقشر بصل من عمايلهم ههههههههههههه
أدهم:: أسكت يا أيمن انا مراتى كل شوية تقولى اتعلم من اخوك اتعلم من أخوك
أيهم:: ماتتعلم يا بنى و ريح نفسك
سيف:: يتعلم ايه يا أيهم يابنى فارس باشا ماعندوش سقف كل ما نتعلم نعمل زيه يعلّى علينا لما استوينا منه ههههههههههههه
أيمن:: يا مساكين ههههههههههههه لا بصراحة صعبتوا علينا و قـ ـطع كلامه فجأة صوت
غرام:: بتصرخ بـ فرحة .. باااااابى الحق يا بااااااااابى مركب كبيييييرة خاااالص ماشية فـ البحر هناك اهى
أيمن:: قلب بابى مبسوطة ؟
غرام:: أوى أوى يا بابى
أيمن:: طيب روحى قولى لـ طنط نور شكرا ع اليوم الجميل ده
و بالفعل غرام شكرت نور ع اليوم الجميل زى ما أيمن قالها
حور فارس:: بخوف انا خايفة اوى يا بابى المركب تيجى علينا تدوسنا
فارس:: بنوتى حبيبتى حورية قلبى ما تخافيش يا قمرى مش هتيجى علينا .. بصى كدا غرام بنت عمو أيمن فرحانة ازاى افرحى زيها و اتفرجى ع. المركب
حور:: خبت وشها فـ حضنه لأ انا خايفة اوى
حلم:: حبيبة مامى تعالى روحى مع أخواتك المراجيح و العبي هناك
و شوية وقت كمان و شافوا أمل و عاليا و هدير بيجروا ورا بعض
أيهم:: بغيرة .. هديييير و بعدين مش ناوية تعقلى بقى
هدير:: جرا ايه يا جدع .. ده هو يوم يا اسطى خلينا نستمتع و ننبسط بيه
أيهم:: اممممم ماشى يا هدير انبسطى براحتك
نور:: خلاص بقى يا هيمو ده يوم و كل سنة و انت طيب
أدهم:: لـ امل و عاليا مالكم فى ايه
امل:: اسكت يا أدهم عاليا كانت بتنادى ع سيف و تحرضه يعمل فيك زى خلف ما عمل فـ سراج
أدهم:: بأندهاش .. خلف مين و سراج مين دول
أمل:: خلف يا أدهم بتاع فيلم صعيدى فـ الجامعة الامريكية
أدهم:: قصدك وقت ما طلعوا الرحلة و كانوا بيتسابقوا فـ البحر عايزاه يقلـ.....
أمل:: بتهز دماغها بمعنى ايوا حصل
أدهم:: لـ عاليا اه يا مجنونة .. ده انا أخوكى يا متخلفة ههههههههههههه
عاليا:: الله يا دومى و سيفو حبيبى جوزى و ابو ولادى
فارس:: لـ عاليا أصيلة يابنت المنصورى ههههههههههههه
حلم:: ههههههههههههه تربيتك يا حبيبى لازم تبقى أصيلة
و بالفعل بعد شوية وقت كمان ابتدت فرقة الفنون الشعبية الحفلة التانية بأغانى السمسمية و غنت أغنية من اجمل الأغانى
ياليل يا ليل ياليل يااااااليييل
يا صيادين لموا الشبك
قلبى انشبك فى حيكم
علشان غريب و لاقيت حبيب
اطرح شباكى فـ بحركم يا صياديين
إحنا السوايسة الصيادين
و البحر الاحمر بحرنا
بنسعى فيه شمال و يمين
و نصيد سمك مين زينا
يبقى السوايسة الصيادين
بلميطة بلميطة يا صيادين
صيد السمك حلو و جميل
بالشبكة ويا الصنارة
لما اصطاده تزيد فرحتى
بهيص الجار و الجارة
حلوين السوايسة الصيادين
و بالفعل الاغانى و الحفلة كلها عجبتهم و بعد الحفلة اشتغلت السينما و اتفرجوا ع فيلم العيد و بعد ما خلص الفيلم قال
أيمن:: بجد يوم جميل جدا ماكنتش اتخيل انه بالروعة دى
منة:: فعلا يا حبيبى نور فعلا خطـ ـفتنا و استمتعنا باليوم معاها
فارس:: دى حقيقة فعلا يا أيمن رغم انى اتفقت معاها ع المقلب بس ما توقعتش انه اليوم هيبقى حلو كدا
حلم:: لـ فارس ايه رأيك يا حبيبى لو كررنا اليوم ده مرة تانية
فارس:: أكيد يا قلبي هنتفق مع أيمن و أيهم و نتقابل ان شاء الله
منة:: لـ حلم انا سعيدة جدا بمعرفتك يا حلم و اتمنى نكون اصحاب
حلم:: ده شرف ليا طبعا
هدير:: لـ عاليا و أمل .. إيميلات و موبايلات بقى يا اسطوات
عاليا:: أوكيشن يا قمر انتى
ياسمين:: لـ عاليا ههههههههههههه نفس الدماغ لازم تتفقوا
قصي:: لـ أيهم ..بجد لازم نشكر نور انها عرفتنا بـ ناس حلوة زيكم
أيهم:: دى حقيقة فعلا لولا نور ما كناش اتعرفنا و لـ نور شكرا بجد يا قمر رغم انك خضتينا فـ الاول بس اليوم و الصحبة الحلوة دى يجننوا
نور:: اى خدمة عدوا الجمايل بقى ههههههههههههه
و بالفعل خلص اليوم و كل واحد فيهم رجع بيته بعد ما اتصاحبوا و اتفقوا انهم يتقابلوا مرة تانية فـ اقرب فرصة ان شاء الله
تمت الحمدلله