رواية احببت وأنا علي ذمة اخر الفصل الواحد والثلاثون 31 بقلم نوسه حمد
كنت بتكلم مع هديه وطولت ما لاقيتها بسبب ظروف الشغل بقيت اسال فيها من حالا واخبارها وقلت ليها مرت اخوي عيانه ادعي ليها اتاثرت شديد وقالت لي نوسه م كلمتك قلت ليها شنو ي هديه قالت لي لدن بت اخت طارق اتوفت قلت ليها لدن الكبيره قالت لي اي ياها زاتا يا دابا دخلت الجامعه ونزلت عند ناس حبوبتا م تمت السنه الاولي اتوفت واي ي نوسه م شفتي لمن جابوها جنازه امها عملت شنو والناس كلهم اتجرسو وقالو لا عيانه ولا عندها اي شي وتحت تحت الناس الحضروها لمن ماتت في المستشفى قالو لقوها مقتوله بس ي نوسه مستحيل الكلام دا يتصدق لدن بت صغيره ومسكينه البقتلها منو غايتو في شي ما مفهوم لكن امها بتقول عيانه جاتا ملاريا قلت ليها الناس م تألف ساي وبعدين هي اتوفت اترحمو عليها ولا افتشو لي سبب موتا وايازو اهلا بالكلام قالت لي فعلا والله ربنا يرحمها بس لمن اموت ما بنسا منظر تشييع جثمانها قلت ليها موت بت صغيره م حاجه بتتنسي والله يصبر امها عندك رقمها قالت لي اي لكن هي ح تتكلم الله اعلم والله قالو اطعمو فيها في خشمها وتتفو ومن يوم ماتت راقده في الارض قلت ليها حاجه صعبه بس كمان كده حرام شوفو ليها شيخ يجي يعمل ندوه واتكلم معاها ويصبرها قالت لي هو في زول فايق ي نوسه كل الناس مخلوعه قلت ليها انتي فايقه قالت لي اي بس م بعرف قلت ليها م عليك انا ح اتصل علي مهيد اخليهو يشوف داعية ويجيبو ليهم قالت لي تمام ورسلي لي رقمها اتصل اعزيها قفلت منها واتصلت لمهيد وقلت ليهو عايزاك تخلي اي شي وتشوف لي محمد سيد حاج وتجيب رقمو قال لي لشنو عندك سؤال ولا شنو قلت ليهو لا لا ي مهيد بقيت احكي ليهو قال لي نوسه م جاده قلت ليهو كيف م جاده ي مهيد انا جاده لو عاوز قروش انا برسل وانت امشي سوق عربيتي ووصلو هناك عليك الله اعمل كده ي مهيد امها قالو ما بتاكل وما بتشرب محتاجه البتكلم معاها ويطمن قلبها وماف داعيه اسلامي في حلتنا انا متاكده لمن توديهو هناك الناس كلهم بجو وهي ح تتشجع وح تسمع كلامو قال لي والله انتي ي نوسه مسكينه اكتر ناس ظلموك عاوزه تساعديهم قلت ليهو ابدا اختو دي طيبه شديد وواعيه ما زي امها قال لي تمام يا زوله انا بشوف رقمو وخلال اليوم اديك الاكيده قلت ليهو تمام ح ارسل في حسابك قروش لو وافق عشان هديه هناك تقوم بالواجب في بيتهم وتعمل زي صدقه لي روحها قال لي تمام رسلت لي هديه ووريتها قالت لي نوسه محمد سيد حاج عديل والله نفسي احضر ليهو ندوه قلت ليها باذن الله تحضريها عايزاك تركزي معاي اول م مهيد اديني رد انتي تقومي تشتري حاجات وتعملي صدقه لي روحها وتوزعيها للناس وتكلمو كل ناس الحله يحضرو الندوه باجر ليكم الصيوان واي شي قالت لي م قصرتي ي نوسه قلت ليها والله البت قاطعه قلبي بس م غاليه علي ربها قفلت منها ورجعت لي رامي قلت ليهو انت وين قال لي ي داب جيت داخل الشقه مالك خير انتو كويسن قلت ليهو كويسين بس انا م كويسه قال لي بسم الله ي نوسه مالك ما تقولي لي موضوع عبدالله تاني قلت ليهو لا موضوع اكبر وبقيت ابكي قال لي نوسه مالك احكي ولا اقول ليك تطلعي لي نشرب قهوه مع بعض قلت ليهو يا ريت قال لي تمام انا مسافه السكه بتصل عليك تنزلي قلت ليهو تمام قومتا استحميت واتوضيت وصليت واستغفرتا وادعيت ليها وكل ما اتزكر البت والظلم الوقعت فيهو قلبي انقسم النص رامي قال لي انزلي نزلتا ومشينا مكان هادي وطلب لينا قهوه انا دموعي بقت نازله قال لي استغفري وفهميني مالك الحاصل شنو قلت ليهو لدن قال لي لدن منو قلت ليهو تتزكر لمن حكيت لي بي عبله وبت اهل طارق المتواصله معاها قال لي اي اي مالا م تقولي لي ماتت قلت ليهو اي ماتت رامي بقا يتحوقل قلت ليهو رامي انا راجعه السودان قال لي عشان شنو ي نوسه قلت ليهو عشان اوجهه عبله قال لي م شاء الله شاطره ي نوسه ع ياتو اساس تواجهيها قلت ليهو بكلمها عديل بقول ليها انا قريت دردشتك قال لي قريتها وين قلت ليهو م بجيب سيرتك قال لي جيبيها ما فارق معاي لكن عارفه الزوله دي ح تعمل شنو ح تتهمك انك هكرتي صفحتها وانك بتجسسي عليها وقيل تعمل ليك محضر قلت ليهو التعمل بس المهم لازم اكشفها قال لي نوسه بالعقل البت وماتت الله يرحمها تاني فشنو قلت ليهو تاني في غير البت دي وفي نور بتي ممكن بسبب غلها دا تعمل مع بتي زي م عملت مع دي والزوله دي دخلت علينا وساطت الدنيا سواطه لازم تقيف عند حدها وفي بنات اخوي انا شخصيا م مرتاحه من لحظه قلت لي بتتاجر بالبنات قال لي ولا انا مرتاح للحاجه دي انا زول غيور علي بنات بلدي اي بت في بلدي عندي بيها صله ولا م عندي بهمني امرها وشرفها ومدام وصلت لدرجه الموت نوسه انا الما ح اسكت وانتي خلي الموضوع دا علي قلت ليهو كيف قال لي ناسيه الصفحه عندي لو ادعا الامر اسلمها بي يدي المحكمه بعملا بس انتي روقي والايام دي نحنا مضغوطين بالشغل عندنا الاهم من المواضيع دي قلت ليهو بالنسبه لي ماف اهم من انو انقذ البقيه من شر عبله وبالذات انا بعرف عبله لا عندها صغير لا كبير وممكن اولادها تبيعهم قال لي بس دقيقه بت طارق بتكون قدر كيف قلت ليهو كيف يعني قال لي كبيره قلت ليهو لا لا م كبيره صغيره قال لي كنت عاوز اختبرها في بتها قلت ليهو كيف فهمني ودخلني معاك في الموضوع قال لي دقيقه افتح صفحتها وفتح صفحتها وبقا يقرا لي في الرسايل قال لي نوسه الحقي فعلا لدن ماتت مقتوله اتخيلي المرحومه حاولت تقتل الولد قام غدر بيها وشكلها صاحبتها كانت معاها مشو ليهو في الشقه بتاعت عبله قلت ليهو عرفت كيف قال لي دي صاحبتها مدردشه مع عبله وبقا يقرا لي في كلامها وصاحبتها زاتا خاينه لانها بتهدد في عبله قلت ليهو رامي اتصرف اعرف لي صاحبتها دي منو واتصرف لازم نوقف الناس ديل حسبي الله ونعم الوكيل فيهم قال لي ح يحصل باذن الله عز وجل خليهو علي والله العظيم اتخلص منهم بس انتي م تدخلي نفسك الناس ديل ممكن يطلعو منها ويورطوك انتي قلت ليهو طيب رامي طمن قلبي شويه وقال لي م تخلي الحزن يسيطر عليك اولادك محتاجين ليك والشغل زاتو محتاج ليك قلت ليهو تمام رجعت منو وحسيت نفسي احسن لقيت مهيد متصل علي قال لي نوسه اتوصلت مع محمد سيد ولمن حكيت ليهو قال ليهو طوالي بمشي معاك ولا عاوز قروش لوجه الله فرحت شديد قلت ليهو المهم تقول باللازم وبخلي هديه تقوم باللازم قال لي طيب اتصلت وريت هديه فرحت شديد وقالت لي انا بمش اديك اخت طارق تعزيها قلت ليها تمام وكلمي الناس القاعده انو يوم الجمعه في محاضره دينيه واعملي فيها الصدقه قول ليهم دي من فاعل خير قالت لي تمام هديه مشت ادتني اخت طارق اول ما قلت ليها انا نسيبه بقت تبكي وتوصف لي في بتها وصف قطع قلبي انا متاكده كل الحاضرين دموعهم بتكون م وقفت وانا قلبي انقسم النص بقيت ادعي علي عبله زي م قطعت حشاها ربنا انتقم منها هي والمعاها قالت لي وين انتي تعالي عزيني تعالي صبريني وانا اصبر كيف وضهري انقسم النص قلت ليها انا عارفه الحزن الجواك فقد الابن حاجه م ساهله بس م تنسي انو دا قدر ربنا زي م فرحتي انو ربنا رزقك بيها ارضي بي حكمو لمن شالا منك وادعي ليها محتاجه دعواتك اكتر واصبري وربنا يبارك ليك في اخواتها ويعوضوك فقدها حسيت انو قلبها مقطوع وما لقت البتقل قلبها لحظه وقوع الخبر عشان كده م قادره تصبر اتجزعت لمن سمعت الخبر وللان ما قادره تصبر قفلت منها وقلبي منقسم النص وكلمه انتي وين تعالي عزيني وصبريني قاطعه قلبي لو بي يدي اكون معاها هسي بس الله عالم بي م بي يدي
يوم الجمعه مهيد اتواصل معاي وقال لي ح نتحرك الصباح ح يصلو الجمعه هناك ويعمل خطبه الجمعه للرجال وبعديها ندوه النسوان قلت ليهو اشكرو لي قال ليهو قول ليها العفو انتي كايسه الاجر وانا زاتي كايس الاجر وربنا يجزيك انتي خير وانا زول بقصدني م بصدو الا اكون عندي ظرف احترمتو شديد
اتصلت علي هديه قالت لي كلمنا الناس واخوي جاب ليهم صيوان وانا جهزت حاجات الصدقه هنا والناس بتسال فاعل الخير منو وكلمتهم م قدرت اسكت قلت ليها م مشكله خلاص المهم انو اخت طارق تصبر وقلبها يطمئن قالت لي ان شاءالله وطبعا ي نوسه في حاجه نسيت احكيها ليك قالو يوم البكا راجل اخت طارق طرد امو قال ليها م تدخلي بيتي والسمع السمعتو قالو جاتا جلطه رقدتا في السرير قلت ليها اللهم لا شماته ربنا يسامحها وما علينا بيها
بقيت متواصله مع هديه وبتديني الاخبار اول بي اول وصورو لي الندوه كلام يفتح النفس وكل الحاضرين استفادو وقال لي اخت طارق كلام ديني عن الصبر عند الابتلاء والندوه كانت حلوه انا متاكده الكافر لو سمع الندوه دي بسلم
مرت الايام ورامي قال لي طبعا ي نوسه انا طرحت القصه دي لي صاحبي الضابط وقال ليهو ما بقدر يتخذ اجراءات الا بي ادله قال لي وضع معاي خطه نستدرج بيها عبله وفي نفس الوقت الولد القتل بت اخت طارق نستدرجو بيها قلت ليهو احكي لي عملت شنو قال لي دخلت لي عبله ع اساس اني زول مروق وعايز اعيش الدنيا وقلت ليها بديك العاوزاهو وطبعا هي دايره قروش م صدقت قلت ليها اول م انزل بزورك في الشقه وطبعا هي عاوزه تبيع لي نفسها قلت ليها لا لا انتي م بتنفعي معاي انا عاوزه بت غيرك ومعاي سعودي جاي السودان وبموت في السودانيات ياخ عبله م صدقت شابكاني ليك السعودي عاوزاهو انا وصاحبي الضابط قال لي م عليك انت لو قدرت جيت السودان وقدمت كل الادله وفتحنا بلاغ فيها وانت مشيت علي الموعد وقبضنا عليهم تكون ما قصرتا وبعد نصل ليهم بنقدر نقبض الولد بس انا داير زول معاي قلت ليهو بسيطه نشوف مهيد نختو في الصوره قال لي ممكن انا بمثل فيها السعودي ومهيد السوداني اتصلت علي مهيد قلت ليهو عاوزاك في موضوع وع شرط م تكلم هديه لانو حساس قال لي ابشري حكيت ليهو بالقصه من طق طرق للسلام عليكم لمن بقت اتعوذ قال لي نوسه البت الماتت دي بسبب عبله وعماليها قلت ليهو للاسف قال لي اسمعيني ما تخلوني الم فيها اخنقا ونرتاح منها قلت ليهو لو علي انزل اعمل كده بس فكرك نضيع حياتنا عشانا قال لي فعلا والله انا هديه منتظراني قلت ليهو بس انا بخلي رامي اتواصل معاك وشوفو البحصل شنو قال لي ظابط ميه ميه رامي قال لي يلا انتي اطلعي منها وسيره الموضوع دي تاني ما تفتحيها قلت ليهو حاضر ربنا يقدركم وتخلصونا من شر الشيطان دي قال لي انتي مفتكره انو البتعمل فيهو دا ح يدوم مستحيل نهايتا قربت انتي خليك مطمنه قلت ليهو ما عارفه ي رامي بس بجد انت احلي اخ جمعتني بيهو الدنيا قال لي ليه ي نوسه الغلط دا قلت ليهو كيف انا قلت انت احلي اخ جمعتني بيهو الدنيا قال لي اخ 🤦♂️ خربتيها والله قلت ليهو كيف قال لي م مشكله دا م وقتو بس قولي ي رب قلت ليهو ي رب قال لي يلا خلي بالك من نفسك وعيالك ودعني وقفل وراسي بقا فيهو الف سؤال ليه رامي اضايق من كلمه اخ معقول رامي قصدو ……..يتبع