رواية جواز بالاكراه الفصل الثامن عشر 18 بقلم مجهول
تيسير ......... مصطفي متسبنيش انا مش هقدر اعيش من غيرك و بتاخد تليفونه و بترن علي احمد اخوها
احمد ........... الو ايه فينك اختفيتى مره وحده انتي و مصطفي بيه
تيسير .......... من غير ما حد ياخد باله ادخل المستشفي انا في الدور الارضي
احمد ......... حاضر بعد اذنك يا دكتوره ليلي
ليلي .......... اتفضل
احمد .......... تيسير
تيسير ......... انا هنا
احمد ......... ايه ده مصطفي مالك
تيسير ........ تعبان اووي وانا مش عارفه اعمل ايه
احمد .......... بحالك ده انتي مش تعرفي تعملي حاجه انا هنادى على الدكاتره من بره
مصطفي ........ يفوق و بيمسك ايد احمد يا احمد انا مش عايز حد يعرف حاجه افهموا بقا
تيسير .......... حاضر ما حدش هيعرف يلا هتقدر تقوم معايا
مصطفي .......... ايوه انا حاسس اني بقيت احسن دلوقت
تيسير ......... فعلآ انت جسمك كان سخن نار و دلوقت تلج ازي انا مش عارفه
مصطفي .......... ابتسم ابتسامه مختلطه بوجع مش عارف انتي دكتوره ازاي
تيسير .......... والله ولا انا عارفه يلا هنعمل الاشعه والتحليل دلوقت
مصطفي ......... ماشي
احمد ......... الحمد لله خلصنا كل الإشاعات والتحاليل
مصطفي ........ اختك جربت فيا كل اجهزة المستشفي
تيسير .......... اموت واعرف انت ازي كده في عز وجعك بتهزر وتضحك
مصطفي ........ بعد الشر عليكي
تيسير ......... احمد في صوت حد جاي شوفو مين
احمد ........ طالع من الغرفه
ليلي .......... انت هنا
احمد ........ ايوه خير فيه حاجه
ليلي .......... الحفله خلصت والناس كلهم مشيو وانا مش لاقيه تيسير
احمد ......... تيسير مع مصطفي بيه بيتمشو شويه تعالي انا اوصلك الاستراحه اسبقىنى علي العربيه وانا هحصلك
ليلي .......... حاضر
احمد .......... تيسير انا اوصل ليلي الاستراحة عندنا وارجع
مصطفي ......... لا خد مفتاح الاستراحه بتاعت المستشفي دي الي هيقعد فيها كل الدكاتره المغتربين فيها مبنى للستات ومبنى للرجاله
احمد ....... خلاص ماشي
مصطفي ......و هتلاقي الثلاجه فيها اكل وكل الغرف مجهزه
تيسير ......... انت ما فيش حاجه عندك مش عامل حاسبها
مصطفي ........ حاجه وحده
تيسير ........ ايه هي
مصطفي .......... الموت
تيسير .......... بعد الشر عنك بلاش الكلام ده عشان خاطري
مصطفي ......... ايه الحنيه الي نزلت عليكي دي يا دكتوره
تيسير ......... انا مقدرش اعيش من غيرك
مصطفي ......... يحط ايده علي خدها انتي طبيعيه اهو
تيسير ......... ازي
مصطفي ....... كنت فاكرك سخنه و بتخرفي
تيسير ......... لا انا في كامل قويا العقليه ما تقلقش
احمد ............ هنعمل ايه
مصطفي .......... لازم نرجع السرايا وزي ما قولت مش عايز حد يعرف حاجه
تيسير ......... ماشي يلا اسند عليا
مصطفي ........يسند علي تيسير ويطلع و بيركب العربيه
احمد ......... بيسوق و يدخله السرايا
تيسير ......... اسند عليا
مصطفي ......... لا انا مش عايز حد ياخد باله من حاجه ومسك ايديها ودخل عادي وهو محمل علي ايديها
جيهان .......... حمدالله بالسلامه العرسان الي سابونا واختفو
تيسير ........... معلش كان في موضوع طويل بينا
سعديه ......... براحتكم يا بنتي ٥ دقائق والعشاء هيكون جاهز
تيسير ......... لا يا امه بعد اذنك احنا نتعشى فوق
سعديه .......... براحتكم يا بنتي
تيسير ......... بتدخل الاوضه و بتحط مصطفي علي السرير
مصطفي ....... هاتي التليفون
تيسير ............ ليه هتكلم مين
جيهان .......... طالعه و بتقرب من الباب
مصطفي ........ هكلم المحامي يجي اكتب لك المستشفي وحقك الشرعي في الميراث
سعديه ........ طالعه علي السلم
جيهان ........ تجري براحه وتدخل اوضتها
سعديه ......... بتخبط
تيسير ......... بتفتح الباب اتفضلي يا امه
سعديه ........ بتدخل زي المجنونه علي مصطفي خير يا ولدي مالك
مصطفي ........ انا زي الفل يا امه
سعديه .......... علي امك بردو انا تحت سكت عشان عرفاك مش بتحب حد يعرف تعبك ولا يشوفك وانت ضعيف
تيسير .......... ان شاء الله خير كل الاشعه والتحاليل بتقول انه كويس
سعديه ......... امال ايه حالته دي
تيسير .......... بكره هجمع الدكاتره كلهم واعرض عليهم التحاليل و الاشعه وان شاء الله هيطلع تعب عادي
سعديه ......... ان شاء الله يا بنتي اسيبك انا عشان ترتاح والعشاء طالع عايزك تاكليه كويس
هارون ......... امال الشيخ ده شكله نصاب ولا ايه
فتحيه ........ الصبر يا ابو عاطف
هارون ......... مصطفي ذي القرد ولا حصل له حاجه ولا البت الصفره دي ما حطتش الحجاب
فتحيه ........ لا حطته كلها مسالة وقت
هارون ......... انا مبقتش قادر اصبر عايز اخد البندقيه وفضي فيه خزنه واخلص
فتحيه ........ ومين قالك انك تقدر توصل له قبل ما تفكر حتي تطلع مسدسك من جيبك يكونوا خلصوا عليك انت مش عارف رجالة السرايا
هارون ......... المصيبه اني عارفهم بس انا خلاص صبري نفد ولازم اخلص منه بقا
فتحيه .......... هانت كلها ايام وكل حاجه تظهر
عاطف ........ انتو لسا بتحكو في الموضوع ده اذا كان من سنين وانتى بتحاول تقتلوا من وهو صغير وما عرفتش برده مفكرين الساحر النصاب ده هو الي هيقدر عليه
فتحيه ......... بس يا ابن الهبله ده انا مجربه وما فيش عمل بيعملوا إلا و ينجح علي طول ده عنده خدام من اقوى قبائل الجن
عاطف .......... لما نشوف الجن بتاعكم هيعمل ايه
فتحيه ......... دي جيهان بترن
هارون ..........ردي بسرعه
فتحيه ........... الو
جيهان ........... انتي متاكده العمل ده عشان يحبني انا ولا مراته
فتحيه ........... انتي طبعا ليه حصل حاجه
جيهان ........... وانا طالعه من تحت سمعته بيقول انه هيرن علي المحامي عشان يكتب المستشفي بي اسم تيسير وكمان نصيبها من الورث
فتحيه .......... بقا كده
جيهان .......... ايوه وانا مش عارفه اعمل ايه
فتحيه .......... انتي ما تعمليش انا اللي هعمل يلا سلام
جيهان ........... سلام
هارون ........... كده يبقا السحر اشتغل وهو حس خلاص انه هيموت وعايز يكتب أملاكه عشان عارف لو مات احنا الي هناخدها عشان هو ما لوش اولاد
عاطف ........ والعمل ايه
هارون ............تاخد الرجاله و تعملوا كمين اول البلد بس بعيد عن عيون رجالته و تخطف المحامي وان لازم الامر تقتله المهم ما يدخلش البلد
عاطف ......... هو ده الكلام يا بوي
فتحيه .......... بس انت متعور يا ولدي
عاطف ........... انا بقيت زي الحديد يا امه
فتحيه ........... ربنا معاك يا ولدي
تيسير ........... بعد ما ادت مصطفي اكتر من حقنة مسكن وما فيش نتيجه جابت المصحف وسلمت امرها لله وفضلت تقرا قران جانبه في الاول اتعصب وبقي زي المجنون بس وحده وحده هدي خالص وهي رغم انو اتعصب بس ما بطلتش تقرا لحد ما نام وهنا استغربت ازي المسكنات دي كلها ماجبتش نتيجه والقرآن يعصبه وبعد كده ينام شغلت التليفون على القرآن وقامت وفضلت تصلي وتدعي ربنا لحد الشمس ما طلعت و سبتة نايم والتليفون جنبه شغال قرآن وراحت المستشفي
ليلي ......... انتي جايه بدري ليه كده
تيسير ........ الدكاتره جم
ليلي ......... الكل موجدين
تيسير .......... معلش يا حبيبتي هتعبك و بلغيهم ان في اجتماع ضروري دلوقت
ليلي ......... حاضر
تيسير ....... طبعا شرف ليا اني اشتغل مع حضراتكم وانتو أساتذتي
الكل ........ الشرف لينا
تيسير الملف الي قدام كل واحد فيكم في اشعه وتحليل انا شوفتهم ومش شايفه اي حاجه غريبه بالعكس كل حاجه تمام بس المريض ده مش بينام من الالم وما فيش اي مسكنات نافعه
بعد ما شافو التحاليل اجمعو انه فعلآ ما فيش اي مشكله طبيه ......
تيسير .........تقدروا تتفضلوا ولو فيه اي حاجه وانا مش موجوده الدكتور مجدي هيكون هو مدير المستشفي بعد اذنكم
الكل ........ اتفضلي
ليلي ......... فيه ايه يا بنتي انتي لحقتى تيجي
تيسير .......... معلش انا بردو لسا عروسه جديده
ليلي ......... سبحان مغير الاحوال مش هو ده الي ما كنتيش عايزه تتجوزيه
تيسير ...... سبحان من يغير ولا يتغير
ليلي .......... عندك حق سبحان الله
تيسير ........ سلام يا حبيبتي
ليلي .......... سلام بردو معرفتش اقول لها هرن علي ماما تحاول تتصرف لحد ما اكلم تيسير واطلب منها الفلوس
نهال ......... ايوه يا بنتي اخيرا افتكرني ترني
ليلي ......... اسفه يا ماما بس معرفتش اتصرف في الفلوس عشان كده ما اتصلتش عليكى
نهال ........ ازي يا بنتي مش انتي بعتي الفلوس اول ما وصلتي
ليلي ........ ازي
نهال ......... تيسير كلمتني و قالت انك ادتيها الفلوس و بعتتها و سددنا الايجار وكمان فاضل فلوس بنصرف منها
ليلي ......... اه يا ماما انا كنت نسيت سلام دلوقت هروح اكمل شغلي و قفلت وهي تبكي و بتحمد ربنا
تيسير ........ وصلت السرايا ودخلت الاوضه لقيت مصطفي نايم وهي كمان كانت فصلت صلت ركعتين ودعت ربنا يعرفها ايه الي عند مصطفي وجابت كرسي وقعدت جنب السرير وهي بتبص علي مصطفي لحد ما غالبها النوم وحطت راسها علي السرير ونامت و بدات تشوف حاجات غريبه مخيفه وحد بيدي حد حجاب و بيحطو في حاجه كل دي حاجات مش واضحه
مصطفي ......... يصحى يلاقيها حاطه راسها علي السرير و نايمه يحط ايده علي شعرها و بيفضل يلعب في شعرها
تيسير ......... تقوم من النوم مفزوعه والخوف باين عليها ..