رواية فتاة الإشارة الفصل الثاني والثلاثون 32 والأخير بقلم اسماعيل موسى

رواية فتاة الإشارة الفصل الثاني والثلاثون 32 والأخير بقلم اسماعيل موسى

انا اكتشفت فى الأيام إلى غبتيها عن الشركه ان فيه حاجه ناقصانى

اقصد ناقصه الشركه همس يامان معتذرآ ، ملفات مكدسة، طلبات موظفين، منتجات وعقود انا طبعأ أجلت كل حاجه

لحين وصولك لانك متابعه السوق افضل منى

قعدت تالا فوق مكتب الادراة ،مين كان يتخيل قبل ست شهور ان تالا ممكن تكون فى المكان ده؟

ولا أن يامان السويدى يكون قاعد منتظر رأيها فى أمور تخص الشركه

الحقيقه مفيش انسان بيختار طريقه ويمكن الظروف ساعدت تالا توصل لمكانتها الممتازه

لكن دا ما يمنعش انها كانت مغامره وجريئه ومستعدة بتحمل نتيجة قرارتها فى مرات كتيره حست تالا انها بتحصج

تمن مجهودها وشغلها السنين إلى فاتو

وصلتها رساله من صقر بتقول ان بسنت هربت بره البلد

وباعت كل حاجه تملكها من اول العربيه لحد الشقه كل حاجه

ارتسمت ابتسامه أكبر على وش تالا  وهمست بسنت، بسنت الحصان الرابح فى كل مصيبه

تالا  ؟

روحتى فين؟ سألها يامان عندما لاحظ شرودها ،انسى كل حاجه انتى خلاص رجعتى شركتك ومع مديرك الوسيم

موش لازم تفكرى فى إى حاجه تانيه.

أمرنى يا يامان بيه    !!  رفعت تالا وشها بنظره جاده

اقدر اساعدك ازاى؟

رفع يامان ايده، تشوفى العقود والصفقات وزيادة مرتبات الموظفين وخطة الشركه الفتره إلى جايه

وانت حضرتك هتعمل ايه؟ لما انا هعمل كل الحجات دى

هيتبقى ليك ايه

وليه اعمل كده اصلا وانا لسه حتتة موظفه فى قسم الحسابات؟

تفاجأ يامان من ردها، افتكر انها بتهزر لكن ملامح وش تالا كانت جاده جدا

يامان بيه، الشركه شركتك ابداء فى تحمل مسؤلياتك من فضلك ،انا تعبت بما فيه الكفايه

لو عايزه اخليكى مديرة الشركه يا انسه تالا قوليها وانا أوقع

الأمر دلوقتى ؟

الموضوع مش عايزه او مش عايزه الموضوع انا استحق ولا لا ؟

ولو كنت استحق ليه معملتش كده من لحظة وصولك ؟

شايف ؟ رفعت تالا تليفونها

عشرين طلب من صقر انى اتولى إدارة الشركه بتاعتة بلا قيود  لكن انا رفضت انتظرتك تاخد الخطوه

لكن كالعاده يامان السويدى مش بيفكر غير فى نفسه

وحتى لما الذاكره رجعتلك ودا إلى كنت انا منتظراه متغيرتش إى حاجه ،فضلت ذى ما انا تالا الخدامه إلى ادت خدمات للشركه وخلاص والى لو موافقتش على الجواز منك هتفضل مهمشه غير ملحوظه

تصدق انا غلطانه انى بتكلم معاك اصلا، نهضت تالا مفزوعه

ضربت المقعد اولع انت وشركتك وصقر

قبض يامان على ايد تالا قبل ما تسيب الشركه

صرخت تالا سبنى من فضلك

رد مش هسيبك ،سبتك مره قبل كده وشوفى الى جرالى ايه

فى كل مره كنتى بتزعلى منى كان بيحصلى مصيبه مش قادر اتخيل المره دى ممكن يحصل ايه

سبنى من فضلك صرخت تالا بصوت وصل الموظفين بره المكتب

قلت لا رد يامان بثبات، وكمان عشان ترتاحى اهو أغلق يامان باب المكتب، مسك المفتاح ورماه من الشرفه

انت بتعمل ايه؟ حذرته تالا، جنانك ده مش هينفع معايا

على فكره انا فى نظر القانون والناس فاقد الذاكره يا لولو هانم يعنى اى حاجه اعملها مش مسؤل عنها وقرب من وش

تالا إلى حست بالرعب

صرخت تالا خلاص ابعد عنى مش همشى هفضل قاعده

اخرج يامان خاتم الخطوبه من جيبه انحنى ورفعه فوق رأسه

صمتت تالا ارتعش جسدها، همست طيب نشوف رأى ماما

رفع يامان وشه وضيق حاجبه يبقى متلوميش غير نفسك جذب يد تالا لحد ما قربت منه، عيونها جات فى عنيه، أنفاسه

الساخنه لفحت وشها ،سحبت تالا نفسها لورا خلاص موافقه

موافقه

كويس همس يامان وهو بينصب طوله وقعد على مكتب الاداره

صرخت تالا افتح المكتب ميصحش كده الناس تفتكر ايه ؟

همس يامان المفتاح فى الجنينه بسبب تصرفاتك الطفوليه

يامان اخلص خاطبته تالا بوجه شاحب خجول محمر

اخرج  يامان نسخه من المفاتيح من جيبه هزها بين اصابعه

اتفضلى المفاتيح

ارميها ؟ حسته تالا بنبره متردده

هز يامان دماغه بالرفض ، لا، قربى خديها انتى

مش هقرب منك يا يامان واتفضل افتح المكتب والا كل حاجه بينا لاغيه.

مش بتهدد هز يامان قدمه بسخريه ، لم تلحظ تالا أن يامان كان ينتظر شيء ما

لذا حين سمعت طرقات على باب المكتب حست بالخجل

الموظفين دلوقتى يقولو ايه عليه ؟

بكت تالا ونزلت دموعها ،يامان وقف مشى على الباب وفتحه

ظهرت والدة تالا وفردوس كل واحده فيهم شايله بوكيه

ورد وارتفعت الزغاريد داخل الشركه.

&&&&&&&&&

الف مبروك قرأت تالا رسالت بسنت القصيرة كانت بتشترى مستلزمات الفرح إلى تقرر بسرعه تحت الحاح فردوس

وزن امها واختها، شردت تالا تذكرت قبل اسابيع قليله عندما وردها اتصال بسنت الغريب ،كانت لا تطيق اسمها ولا حتى سماع صوتها فلم ترد

لكن الاتصال تكرر بأستمرار وسبقته رسالة رجاء واعتذار

فتحت تالا المكالمه بضيق ،استمعت لبسنت تسرد معاناتها مع صقر ،كيف يتحكم بها وفى تحركاتها، انها مجرد دميه فى يده

وكل ليله تكتوى على يده بكل أساليب الخضوع والزل

كانت تالا غير مهتمه وشعرت ان بسنت نالت ما تستحقه

حتى وصل الكلام إلى يامان وكيف ان صقر كاد يتسبب فى قتله ،الكلام كان مدعوم بتسجيل صوتى وفيديو لخطة صقر

كانت بسنت بريئه وكان صقر يحركها من اول لحظه وليس كما ظهر لها، انقذينى ارجوكى

عندما التقت تالا بسنت لاحقآ جعلتها ترى جروحها ولسعات السوط فوق جسدها ،تذكرت تالا كل العذاب إلى تعرضت له على يد صقر وكانت تحاول أن تنساه.

إنتى هتعملى إلى انا هطلبة منك بالحرف الواحد

زرعت بسنت الفيروس فى سيرفرات شركة صقر كما طلبت منها تالا، كانت تالا تملك شفرة الحل من اول لحظه حتى قبل أن يتصل بها صقر يطلب مساعدتها ،تالا هى التى حددت المقابل العادل الذى ستناله بسنت من المال، مهلة الاربع ايام حددتها تالا حتى تتمكن بسنت من بيع شقتها والسفر خارج البلاد، تالا نفسها أصرت ان ينال صقر عقابه ان يشرب من نفس الكأس الذى تجرعه ضحاياه.

###&&&

كانت حفله صاخبه استمرت حتى الصبح ،حضرها موظفى شركة يامان واصدقائه وعائلة تالا

استقرت تالا فى بيت يامان القديم مع فردوس التى كلنا بمثابة والدتها ،مضت الشركه بصوره جيده تحت إشراف يامان ونصائح تالا، أظهر يامان انه لا يستطيع الاستغناء عن خدماتها داخل الشركه وانها لابد أن تكون الصوت الذى يصفعه عندما يتعدى حدوده او يأخذ طريق خاطيئ

ان الحياه صعبه بطبيعتها لكن لكل مجتهد نصيب

انت لا تعرف ما ينتظرك لكن تبذل ما بوسعك وتترك الباقى لتوفيق الله.

                        تمت بحمد الله 

             لقراءة جميع فصول الرواية من هنا

وأيضا زرونا على صفحة الفيس بوك 

روايات سما القاهره لكل جديد

وايضا زورو صفحتنا سما للروايات 

 من هنا علي التلجرام لتشارك معنا لك

 كل جديد من لينك التلجرام الظاهر امامك

تعديل المقال