رواية عندما يعشق الشيطان الفصل الثالث عشر 13 بقلم ساره احمد
وصلت السيارة أسفل البنايه صف فريد السياره دون حديث حدقت عهد فيه : ممكن اعرف ليه الزعل ده ؟!
غمغم فريد وهو يرمق خارج السياره: مفيش !!
- مفيش ازاي ؟؟ وانت مكشر كده .. ومتكلمتش ولا كلمه طول الطريق !
تنهد بضيق وهتف : قلتلك مفيش .. ويلا بقا عشان رايح مشوار ..
حدقت عهد ولمعه الدموع بعينيها : بقا كده ماشي زي ما تحب ""
تارجلت عهد من السياره بغضب .. وتقدمة الي داخل البنايه .. حدق فريد ف جسدها الذي يهتز من شده الغضب وجهرا مناديا : عهددد !
التفتت عهد برأسها .. حدق بها فريد ورفع حاجبه : - استني عندك !!
توقفت عهد بدهشه وتمتمت: عايز ايه ؟!
تأرجل من السياره وتقدم إليه واشاره بإصبعه : اطلعي غيري اللبس ده .. وهاتيه بسرعه !
حدقت عهد بدهشه : اجيبه لمين ؟!
رد باختصار وكأن ما يطلبه شي عادي : ليا أنا .. يلا بسرعه !!
قطبت عهد بين حاجبيها وهتفت : ليه ؟؟
- من غير ليه نفذي يلا !
- نعم ,, يعني ايه من غير ليه ؟؟ انا لازم افهم !!
عض فريد ع شفتيه بحنق : ضيق من وراء يا هانم .. ومش عايزك تلبسيه تاني ..
شهقة عهد بخجل وهتفت : انت بتبص عليا ؟؟
رد ببرود : اه ببص ..
ضربته عهد ف كتفه: انت قليل الادب , سافل ! وانا مش هجبلك حاجه ...
قبض فريد ع يدها وهتف من بين فكيه: انت لسه مشفتيش قلة ادبي ولا سفالتي .. وانا عايزك تطلعي ومتنزليش بعد دقيقتين بالفستان .. عشان اطلع اقلعه ليكي بنفسي..
قرص ع وجنتها بأصابعه وغمغم : وساعتها متلميش غير نفسك يا حلوه !!
حدقت عهد بخوف وهي تري الخبث يقفز من عينيه وتمتمت : خلاص سيب ايدي بتوجعني يا فريد !!
افلت فريد يدها .. وهرولت عهد الي الداخل بغضب
وصلت إلي الشقه .. ودلفت الي غرفتها .. وجلست ع طرف السرير وهي تدلك يدها بالم وهي تغمغم : - مجنون !!
بعد لحظات صدع صوت الهاتف برقم فريد حدقت ف الهاتف وتذكرت تهديده ... نهضت وقامت بتغير ملابسها بسرعه وحملت الفستان .. ونزلت بسرعه وصلت إلي فريد الذي كان يجلس داخل سيارته تقدمت ومدت يدها بالفستان .. رمقها فريد بنظرات انتصار وهتف : برافو عليكي احبك وانتي بتسمعي الكلام !!
اخذ منها الفستان ووضعه ع قدمه وانطلق بالسياره
حدقت عهد ف طيفه بذهول وهتفت : ده اخده بجد !! يا نهار اسود ايه المجنون ده ؟؟
عضت عهد ع أناملها بقهر .. وصعدت مره اخري وصلت عهد ودلفت الشقه وهي لا تصدق ما حدث ظلت تتحدث مع نفسها حتي وصلت إلي فراشها ..
دخلت خلفها هويدا وهتفت : انت خلاص اتجننتي ؟؟ ماشيه تكلمي نفسك ! ونزلتي بفستانك ورجعتي من غيره .. هو اتقطع بعتيه يتصلح ولا ايه ؟؟
حدقت عهد ف هويدا وغمغمت بدون تصديق : لا فريد اخده !!
رمقتها هويدا بعدم فهم وهتفت: اخده يصلحه ؟؟؟
- لا خده خالص !!
- نعم , يعمل بيه ايه هههه هيلبسوا ولا ايه ؟!
لمعة الدموع ف عينيها وهمسة: بيقول ضيق فيا من ورا ،،،
شهقت هويدا .. ثم غرقت ف نوبه من الضحك ...
لكزتها عهد بحنق : ممكن اعرف ايه اللي ضحكك اوي كده ؟! ده طلع قليل الادب وبيبص عليا !!
كتمت هويدا ضحكتها بصعوبه وهتفت : خلاص خلاص طيب انتي زعلانه ليه ع الفستان ؟؟ ولا عشان فريد بيبص عليكي ؟؟؟
قطبت عهد بين حاجبيها: أنا مش عارفه انا مش مستوعبه أنه اخد فستاني .. واصلا كنت لابسها يعني مش نضيف !!
غمزت هويدا بطرف عينها: طب ما ده عز الطلب هو عايزه ف ريحتك يا هبله ؛
نظرت لها عهد بغباء : ليه ؟؟
لطمت هويدا وجنتيها وغمغم: ايه الغباء ده ؟ اقولك ع حاجه قومي نامي يا عهد !!
تمتمت هويدا: يارب اوعدنا بالباد بوي اللي يخد هدومي كلهم وانا معاهم !!
تحركت هويدا الي الخارج ثم دارت لتري عهد لم تتحرك أنش من موضعها هتفت : أنتي هتفضلي كده تستوعبي لحد الصبح قومي نامي ..
،،،،،،،،،،،،،،،،،،،،،،،،،،،،،،،،،،،،،
دلف يوسف إلي غرفة زين .. ليجد الغرفه غارقه ف الظلام .. اضاء الضوء وجد زين يجلس ع الفراش .. تقدم يوسف وهو ينظر إليه بشفقه .. فبعد اخر حديث بينهم ف الصباح وزين يغلق ع نفسه ولا يريد التحدث مع يوسف : زين يلا أنا طلبت اكل !!
أدار زين وجهه الي الجهه الاخرى وغمغم : مليش نفس "'
هتف يوسف بمرح حتي يغير الجو المشحون بينهم : انت مخصمني ولا ايه ؟؟
سحب زين نفس عميق من سيجارته ونفثه بغضب : واخصمك ليه انت يدوم بتكسر اي امل جويه ف حب حياتي ..وأنها تكون لي ..
هتف يوسف بذهول : أنا يا زين ! ليه هو مش أنا اللي كان بيحاول يقرب ما بنكم ؟؟
نهض زين من الفراش بعنف وغمغم: وايه اللي حصل دلوقتي ؟؟ ايه اللي اتغير ؟؟
نهض يوسف وهتف : الي اتغير أن عهد محبتكش .. وطول ما بتحب حد تاني عمرها ما هتحبك !!
- لا لما اتجوزها هتحبني غصب عنها .. أنا قادر انسيها الضابط ده واللي جابوه !!
ضرب يوسف كف ع كف وهتف: انت واعي لنفسك وكلامك ؟؟ عايز تتجوز واحده غصب عنها وانت عارف انها بتحب حد تاني ؟؟
حدق زين الي يوسف بغضب : اه واعي اوي وهتشوف ..
قبض يوسف ع زراع زين وهتف: اشوف ايه انت ناوي ع ايه ؟؟
نفض زين يد أخيه وصاح : هنزل الصعيد وهروح اطلب أيدها من عمك قبل سي فريد بتاعها
..
يوسف بغضب وسخط: هو اي ده ،، يعني هي المشكله ف مين يسبق ويتقدم قبل ؟؟
اسمع انت الكلام مش جايب نتيجه معاك بس حط في دماغك أن عمك مش هيغصب ع عهد انت عارف عهد بالنسبة ليه ايه !!
،،،،،،،،،،،،،،،،،،،،،،،،،،،،،،،،،،،،،،،،،،،،،،،،
ف فيلا احمد الصياد
دلف فريد الي بهو الفيلا وع كتفه فستان عهد كانت العائله تجلس ع طاوله الطعام تقدم فريد بسرعه وكاد يخطو اول درجات الدرج لمحه والده وهتف : فريد استنا !!
عض فريد ع شفتيه ودار الي والده : افندم يا سيادة اللواء ""
حدق به احمد وحنان بدهشه وهتفا ف صوت واحد : ايه اللي ع كتفك ده ؟؟
كانت سما تخرج من المطبخ ولاحظت فستان عهد وعرفته شهقت ثم كتمت شهقتها بيدها انتبهت الي سوال والديها ثم توتر فريد وعدم رده تقدمت بسرعه وهتفت : حمد الله على سلامتك يا أبيه اخيرا جيت ؟؟ مدت يدها اخذت الفستان وغمغمت : شكرا يا أبيه !
حدق بها فريد بدهشه ثم هتفت حنان وهي توزع أنظارها عليهم : فستان مين ده يا سما ؟! انتي مش عندك فستان بالشكل ده ؟؟
بلعت سما ريقها وغمغمت : دده اااصلوو فستاان عهددد صحبتي !!
برقت حنان عيونها وقالت : وفستان عهد بيعمل ايه مع فريد ؟؟
تارجحت عيون سما وتمتمت : ااصلو عجبني قوولتلها تبعتوا اقيسه ولو كان حلوو اجيب زيه
حدقت حنان وأحمد لبعضهم بعدم تصديق ثم نظرات حنان الي سما وهزت راسها: طيب تعالوا اتعشوا !!
تحرك فريد بحنق وصعد الدرج وتمتم : مش جعان ..
تحركت سما وهي تنظر إلي ظهر فريد بضيق وذهبت الي تناول العشاء بصمت ..
،،،،،،،،،،،،،،،،،،،،،،،،،،،،،،،،،،،،،،،،،،
بعد تناول العشاء دلفت سما الي غرفتها وهي ترمق فستان عهد بذهول تمتمت : يارب استر ايه اللي جاب فستان عهد مع فريد ؟؟
ثم نظرت إلي الفستان وشهقت : يا ليله مش فايته دا عهد كانت لابساه النهارده لما اخدها فريد ومشي !!
هبت برعب وهي تدور حول نفسها : يمكن أبيه فريد قتلها ؟؟
مسكت الفستان وقلبته بين يديها وهزت راسها : لا لا مفيش عليه دم ولا حاجه!!
رمت الفستان ع فراشها ودارت ف الغرفه وهي تعض ع أناملها: طيب قلعت فستانها ازاي وفين ؟؟
وقلعته ليه ؟
- هي مين الي قلعت فستانها دي يا سما ؟؟!
برقت سما برعب وتلثمت : هااا مين ددي ياا ماامي ؟؟
رفعت حنان حاجبها وهتفت : أنا اللي بسئلك يا بنت ؟؟
بلعت سما ريقها بخوف ورمقت والدتها وهي تتقدم الي الفراش والتقطت الفستان بين يديها وحدقت ف سما : ده فستان عهد صحبتك صح ؟!
هزت سما برأسها بخفه بدون كلام ..
- وهي مش بعته ليك اصلا صح ؟!!
هزت سما برأسها مره آخره وهي ع وشك البكاء
شهقت حنان بغضب وهتفت : امال ايه !! فريد جابه منها ليه وازي ؟!
هرولت سما واغلقه باب الغرفة بسرعه وتمتمت : اهدي يا مامي والنبي أنا هحكيلك بس اهدي ..
جلست سما مع والدتها وقصت عليه ما حدث اليوم أمام الكليه ..
هبت حنان بغضب : يعني عهد كانت لابسه الفستان ده النهارده !! واخوكي اخدها ومشي ودلوقتي راجع البيت بفستانها .. ايه البجاحه دي ؟!
هزت سما راسها : يا مامي والله عهد مؤدبه ومحترمه .. وانا مش عارفه ازاي فستانها وصل لفريد ؟؟
ضربة حنان كف بالآخر وصاحت : عهد مودبه لكن اخوكي لا ... ابني وانا عارفه ..
خرجت حنان من غرفة سما بغضب ودقت الباب ع فريد ودلفت بسرعه لم تجده ف الغرفه خرجت مره اخري ونزلت الدرج وجدت عمر يدلف من الباب صاحت : عمر شوفت اخوك ؟!
حدق عمر إليها وهتف : فيه ايه يا ماما !!
حنان بنفاذ صبر: اخوك فين يا عمر ؟؟
أشار عمر بيده : بره ف اوضة التدريب بتاعته .. ليه ف ايه ؟؟
هروالت حنان من أمامه دون رد وخرجت الي غرفه التدريب .. دلفت الغرفه وخلفها عمر .. وبقيت سما خارج الغرفه لتسمع صوت والدتها وهي تهتف : ممكن اعرف انت جبت فستان عهد ازاي وليه ؟!
حدق بها فريد ببرود : جبته !! أختو منها ..
ضربة حنان كف ع الآخر وهتفت : يا بجحتك يا اخي..
نظرا إليها فريد بدون رد واستمر ف تدريبه
حنان بنفاذ صبر: ممكن تقولي قلعتها الفستان فين ؟؟ وازاي ؟؟
هنا صفر عمر بإعجاب : حبيبي يا كازانوفا ...
صاح فريد بفضب: اخرس يا حيوان !!
ثم حدق الي والدته : ايه اللي بتقوليه ده يا امي ؟؟
لكزته حنان ف كتفه : اه ما أنا عارفك وقح !!
حدف فريد الأوزان من يده وصاح : طب أنا وقح وزباله وفيا كل العبر طيب وعهد ايه هتسيني اقلعها عادي ؟؟
عمر برفعت حاجب: قادر وتعملها "'
رمقه فريد بفضب مكبوت تنحنحا عمر بخوف وتمتم : آسف , أنا طالع انام متتحولش ابوس ايدك ..
هرول عمر الي الخارج بسرعه .. وجد سما بجوار الباب هتف برعب : فيه ايه خضتيني !! واقفه كده ليه حرام عليكي ؟؟
سما بخفوت : اشش استنا عاوزه اسمع ..
ضحك عمر عليها وانصرف : عيله ما يعلم بيها الا ربنا !!
ف داخل الغرفه
هتف فريد بنفاذ صبر: يا امي متقلقيش كل اللي لازم تعرفيه اني مستحيل امس عهد بسوء !!
تنهدة حنان براحه ثم برقت بذهول وهي تسمع فريد وهو يقول : لحد ما اتجوزها ع الأقل !!
هتفت حنان : انت يابني عمرك ماتكمل جمله محترمه ؟؟
هتف فريد بضيق : ايه اللي مش محترم ف اللي قولته ممكن افهم انتو ايه حكايتكم معايا بالظبط ؟؟ولا حتي بعد ما اتجوزها مش عايزاني اتنيل ع عيني معاها امال امتي بقا ؟؟
حنان بزعر : اشش بس يا قليل الادب ف ايه انت ما صدقت ؟؟
- اه أنا تعبان وعايز اتجوزها بقا ''
هزت راسها بيأس وتركته وخرجت
نفخ فريد بحنق وهو يقترب من كيس الملاكمه الخاص به واخذ يضربه بكل قوته ويتصبب عرقا بغزاره ..
،،،،،،،،،،،،،،،،،،،،،،،،،،،،،،،،،،،
ف غرفه سما
كانت تنام براحه بعد أن اطمئنت ع عهد ف الهاتف تركت الهاتف بجواره وهي شارده تتذكر نظرات يوسف لها ثم تذكرت زين غمغمت : سبحان الله ولا كأنهم اخوات عيونهم عكس بعض خالص !! يوسف نظراته جوها طيبه وحنيه تكفي الكون كله وأخوه عيونه تخوف !!
- هو مين ده اللي عيونه تخوف ؟!
انتفضة سما من فراشه ووضعت يدها على قلبها وتمتمت بخوف : يا قلبي اللي هيقف النهارده !!
ثم حدقت لفريد وهتفت : ممكن اعرف انتو مش بتخبطوا ع الباب ليه ؟؟ هو زعلكم ف حاجه ؟!
رفع فريد حاجبه وهتف: سماااا !!!
- ابدا يا أبيه أنا بس افتكرت المشكله اللي حصلت النهارده ابن عم عهد ده شكله شراني ""
هتف فريد بغضب : ع نفسه بروح أمه ده لو حاول بس يقرب من عهد تاني أنا هخسف بيه الأرض هو وأهله ،،
اشاره يما بيدها : طيب اهدي يا أبيه بلاش مشاكل عشان خاطر عهد ''
حدق بها فريد وغمغم : هاتي فستان عهد !.
الفصل الرابع عشر من هنا