رواية جواز بالاكراه الفصل الثاني عشر 12 بقلم مجهول
احمد .......... للاسف يا مصطفي بيه تيسير وافقت علي الجواز
مصطفي ........ وليه بتقول للاسف
احمد ........... عشان انا مكنتش اتمنا اختي الوحيده تتجوز بالطريقه دي ولا اتمنا لك انت كمان تعيش مع وحده انت مش عايزها
مصطفي ........... كل واحد فينا ليه طريقه الي لازم يمشي فيه والحمد لله علي نعمة الرضا
احمد ......... الحمد لله استاذن انا
مصطفي ......... انا كنت لسا هتغدى اقعد نتغدى سوا
احمد ........... لا اعفيني انا
مصطفي ........ اقعد بقولك عشان يبقا عيش وملح هاني الغداء بسرعه
هاني ........... حاضر جنابك
مصطفي ......... ناوي علي ايه في حياتك
احمد .......... بفكر اسافر بره مصر اشتغل اي حاجه
مصطفي ......... يعني بعد ما تتعلم ويطلع عينك تسافر تشتغل اي حاجه
احمد .......... انا مش حابب الارض ومش عايز حاجه من ابويا انا عايز يكون عندي كياني المستقل
مصطفي .......... وده كله ما يحصلش هنا يعني
احمد ........... هنا الفرصه قليله
مصطفي ........ انت واخد كلية ايه
احمد ............ تجاره
مصطفي ......... انا عايز محاسب يمسك شركات العيله في مصر عشان المحاسب الي كان ماسكها سافر بره مصر
احمد .......... بس انا بفضل اكون بعيد عنك وخصوصا اني هيكون فيه بينا نسب
مصطفي ......... الشغل حاجه والنسب حاجه فكر وانا بجد محتاجك يعني مش بقول كده وبس
احمد ......... هفكر واخد راي الحاج ورد عليك
هاني ........ الغداء جنابك
مصطفي ........ اتفضل يا ابو نسب
احمد ..........بسم الله الرحمن الرحيم
مصطفي ........ ما تعرفش الدكتوره ناويه علي ايه
احمد ......... في ايه بالظبط مصطفي .. في حياتها العمليه
احمد .......... والله هي كانت ناويه تشتغل بي شهادتها بس الظروف الي حصلت قلبت كل حاجه
مصطفي ....... ان شاء الله ما فيش غير كل الخير
هارون ......... عزمي بيه اخير اتقبلنا
عزمي .......... معلش بقا يا حاج هارون المشاغل زي ما انت عارف
هارون .......... ربنا يكون في العون
عزمي ........... فكرت في الي قولتلك عليه
هارون .......... ايوه
عزمي .......... ايه قرارك
هارون .......... انا من ايدك دي لي ايدك دي
عزمي ........... دي شنطة المخدرات الي تحطها في السرايا
هارون .......... تمام
عزمي .......... وانا هجبها من فوق خالص من الوزاره فوق
هارون .......... تمام يا عزمي بيه وكده يبقا خسر كل حاجه مكانته وسمعته
عزمي ......... امال كان فاكر اني هسيب الي عملوا فيا انا وابني من غير ما احاسبه عليه
هارون ........... بس انا كنت بقول نخلص منه احسن
عزمي ......... في السجن عتريس مستنيه علي نار هو و الرجاله وكل حاجه تتم بعيد عننا خالص
هارون .......... ده انت دماغك تتقال بالدهب
عزمي ........... ما تقلقش كل حاجه معمول حسابها وكمان هنخلص من محروس عشان انت تاخد عضوية مجلس الشعب يعني تبقا كبير العيله وكمان عضو مجلس يعني مش هيبقا ليك منازع يا جناب العضو
هارون ......... اخيرا هاخد حقي الي اخويا اداه لي ولده من بعده و هدخل السرايا وانا مرفوع الراس
عزمي .......... ومش بس كده لا ده احنا كمان هنكون شركاء في اكبر مشروع انا ناوي اعمله
هارون ........... مشروع ايه
عزمي ........ انا محتاج ١٠٠ فدان من ارض مصطفي الي في الجنينه الغربيه هنعمل عليهم اكبر مشروع في المحافظه كلها
هارون .......... ما تخليك دغري يا عزمي بيه احنا بقينا ستر وغطا علي بعض
عزمي ......... المشروع ده هو الستاره الي هتكون قدام الناس
هارون ........... وايه بقا الهدف الحقيقي
عزمي ............ الارض فيها كنوز اجدادنا
هارون ............ عارف
عزمي ..........عارف ازي
هارون ............ زمان جه ساحر من المغرب لي اخويا وانا كنت قاعد معاها وقال له ان الجنينه الغربيه كلها اثار واخويا طرده
عزمي ........... انت دلوقت اكدت لي المعلومه والاثار دي احنا لازم نوصل لها
هارون .......... طول ما الود موصول انا تحت امرك
عزمي ............ بمناسبة الود انا سمعت انك عندك بنت علي وش جواز
هارون ...........ايوه
عزمي ........... انا هاخدها لي رامز ابني
هارون .......... ده انا اوديها لحد الفيلا عندك يا عزمي بيه
عزمي ......... في ود اكتر من كده
هارون ......... لا طبعا كده احنا هنبقا عيله واحد
عزمي .......... طاب همتك معايا عشان نجوز الاولاد وده مش هيحصل غير بعد ما نخلص من مصطفي
هارون ......... مصطفي هيتجوز بنت الحاج ناجح ويوم الفرح ما حدش بيكون واخد باله من حد ووقتها هخلي حد من رجالتي يدخل الشنطه في السرايا
عزمي ......... علي بركة الله
ناجح ........ اتاخرت ليه
احمد .......... مسك فيا اتغدينا سوا
تيسير ........ حدد الميعاد
احمد ......... الخميس الجاي يعني قدامك يومين
تيسير .......... ماشي وطلعت اوضتها وفضلت تبكي وهي حاسه اني حياتها كلها ادمرت
مصطفي ......... اه يا دنيا بقا بعد ما استنا سنين عشان اتجوز الي قلبي يدق لها في الاخر اتجوز وحده لا انا عايزها ولا هي عايزاني اه يا دنيا
سعديه ........ بتبص عليه من بعيد وبتقول في نفسها عيني عليك يا ولدي عمرك ما اخدت الي انت عايزه ديما بضحي عشان خاطر غيرك
مصطفي .......يا هاني يا علي
الاتنين ......... نعم جنابك
مصطفي .......... مش عايز اي مشكله و عايزكم تفتحوا عنيكم مش عايز غلط
الاتنين .......... حاضر جنابك
سعديه ........... نعمه الحريم كلها كلت
نعمه ........ ايوه يا ست الحجه
سعديه ........ مش عايزه حد في البلد كلها ينام جعان الليله
نعمه ......... الرجاله اخذوا الاكل و بيلفو علي كل بيوت البلد
سعديه ........ ماشي روحي انتي
هارون ........ مغاوري
مغاوري ........ايوه يا حاج هارون
هارون ....... بعد ما ندخل بي العربيه في السرايا هتاخد الشنطه دي و تحطها في الجنينه في حته مداريه
مغاوري ....... حاضر يا حاج بس فيها ايه الشنطه دي
هارون ......... انت تنفذ وبس يا ولد المحروق
مغاوري ........ حاضر يا حاج
هارون ....... الف مبروك يا كبيرنا
مصطفي ....... الله يبارك فيك يا عمي اتفضل
محروس ........ الف مبروك يا ولدي
مصطفي ........ الله يبارك فيك يا عمي
عادل ......... الف مبروك يا ولد عمي
مصطفي ......... الله يبارك فيك يا عادل اتفضلوا ارتاحوا
ناجح .......... يلا يا بنتي
تيسير ......... يلا يا بوي
مصطفي ......... بياخد عروسته في عربيته ويدخل السرايا ولسا بيدخل من باب السرايا بتدخل قوه من الشرطه جايه من الوزاره مباشرتا علي السرايا
هشام ........ انا الرائد هشام رئيس مباحث المركز مين حضراتكم
خالد ........ العقيد خالد مكافحة المخدرات
مصطفي ........ حاجه خدي الدكتوره ودخلوا جوه
سعديه ........حاضر يا ولدي
مصطفي ..........وحضرتك بتعمل ايه في السرايا وايه الداخله الي انت دخلها دي
خالد ......... في بلاغ بوجود مخدرات في السرايا
هشام ......... يا فندم اكيد فيه حاجه غلط
خالد ......... يا حضرت الضابط احنا معانا اذن من النيابه بالتفتيش
مصطفي ........ اتفضلوا
خالد ......... انتشروا في الجنينه و قلبوها
هشام ......... انا قلبي مش مطمئن
مصطفي ........ خليها علي الله ما تقلقش ده اكيد بلاغ كيدي
العسكري .......... لقينا الشنطه دي يا فندم
خالد ......... افتحها.