رواية جواز بالاكراه الفصل السادس عشر 16 بقلم مجهول
جيهان ............ بتدخل اوضة مصطفي وبتفتح الدولاب وبدور علب منديل
سعديه ........ تقوم من علي الاكل
مصطفي ......... علي فين يا امه
سعديه ....... هشوف جيهان مالها و اجيبها واجي
مصطفي ......... ماشي يا امه
تيسير ........... انا كنت عايز اسالك سؤال
مصطفي ........... اتفضلي
تيسير ......... بصراحه الفضول قتلني وعايزه اعرف ايه الي بينك وبين جيهان
مصطفي .......... وانا جاوبتك علي السؤال ده ليه كل شويه بتسالي نفس السؤال
تيسير ........... ما انا لازم اعرف كل حاجه
مصطفي ......... وتعرفي كل حاجه ليه حكايه وخلصت من سنين
تيسير ........... خلصت من ناحية مين بقا
مصطفي ........... من ناحيتي
تيسير .......... طاب ومن ناحيتها
مصطفي ......... الله واعلم انا دخلت في قلبها
تيسير .......... الغيره بتكلها و بتحاول تمسك نفسها يعني انت كنت بتحبها
مصطفي ......... استني انا الي الي عايز اسالك سؤال
تيسير .......... اتفضل
مصطفي ........ انتي الموضوع ده فارق معاكي في ايه
تيسير ........... انا مراتك
مصطفي ......... بيضحك والله ده من امتي
تيسير .......... قصدي قدام الناس ولازم تحافظ علي كرامتي هي دي الحكايا مش اكتر
مصطفي .......... وانا جيت علي كرامتك امتي يا دكتوره
تيسير .......... بصراحه ما حصلش بس من اول جيهان ما جات وانا حساك متغير
مصطفي .......... بالعكس انتي الي متغيره وانا مش لاقي اي سبب لتغيرك ده حتي لو فيه بيني وبينها حاجه ده شئ المفروض يسعدك
تيسير .......... انا قولتلك كل الحكايه اني بحافظ علي كرامتي مش اكتر وانت حر في حياتك
مصطفي ......... مصطفي خلاص هبقا اروح اخطبها
تيسير ........... ايوه كده اظهر علي حقيقتك يعني بتحبها
مصطفي ........ انا بهزر مالك يا دكتوره وانا فكرت في عرض الشغل الي كان جاي لك واسف اني رفضت بس انا موافق
تيسير .......... بتفكر وبتقول لنفسها اه ما انت عايز البيت يخلى لك انت وهي بس انا قاعده علي قلبك
مصطفي ......... بداء يلاحظ علامة الغيره عليها وعشان كده بيستفذها مالك يا دكتوره ساكته ليه
تيسير ........... اه لا مش ساكته انا فكرت في كلامك امبارح وانت معاك حق انا مش هشتغل
مصطفي ........... لا ده مستقبلك ولازم توافقي
تيسير ......... بعصبيه مش موافقه وقاعده هنا عندك مانع ومش مكمله اكل و بتقوم من علي الاكل
مصطفي ......... براحتك كده كده جيهان نازله مع امي دلوقت
تيسير ........... ترجع تاني تقعد علي الاكل وهي متعصبه علي الاخر
سعديه ......... بتطلع وتسمع صوت خبط في اوضة مصطفي بتقرب وبتفتح الباب تلاقي جيهان طالعه في وشها
جيهان ........ خالتو
سعديه .......... بتعملي ايه هنا
جيهان ........... وانا طالعه دخت ودخلت هنا كنت فاكرها اوضتي
سعديه ........... الف سلامه عليكي وعامله ايه دلوقت
جيهان ......... الحمد لله يا خالتو
سعديه .......... بعد كده ابقي ركزي شويه عشان تيسير مش بتحب حد يدخل اوضتها
جيهان ..........هو حصل ايه لي ده كله يا خالتي
سعديه ......... ولا حاجه يلا عشان الاكل هايبرد
جيهان .......... حاضر
سعديه ......... معلش اخرت عليكم
مصطفي ........ ولا يهمك ايه كان فيه حاجه
سعديه .......... جيهان كانت دايخه شويه
مصطفي ........ الف سلامه يا جيهان
تيسير .......... متعصبه وعينها علي نظرات جيهان لي مصطفي
جيهان ......... الله يسلمك يا مصطفي شكلي تعبت من تغير الجو
مصطفي ........ بيبص علي تيسير الي ظاهر عليها الغيره وبصراحه مصطفي مبسوط من كده عشان هو كمان بداء قلبه يحبها و بيقول لي جيهان تحبي ابعت اجبلك دكتور
جيهان ......... وليه دكتور مش الدكتوره تيسير موجوده
سعديه ......... ابقي شوفيها يا تيسير
مصطفي ......... تيسير مالك الحجه بتكلمك
تيسير ........... معلش ما خدتش بالي خير يا امه
سعديه ......... بقولك ابقي اكشفي علي جيهان عشان تعبانه شويه
تيسير ............ حاضر يا امه
جيهان .......... لا انا هبقا اروح المستشفي بدل ما تديني حاجه غلط اموت فيها دي لسا متخرجه بردو
تيسير ........... يكون احسن بردو
مصطفي ......... الحمد لله ابقي غيري لبسك يا دكتوره عشان هنطلع
جيهان ........ اجي معاكم انا مخنوقه
تيسير .......... لا طبعا قصدي انتي لازم ترتاحي
جيهان ........... لا انا بقيت كويسه
سعديه ........... لا انتي لسا راجعه من بره خليكي معايا
تيسير ........ و شها ابتسم وطلعت لبست ونزلت بسرعه وركبت جنب مصطفي في العربيه
مصطفي .......... انا عارف انك اتجبرتي علي الجوازه دي
تيسير ........... ايه لازمة الكلام ده دلوقت
مصطفي ........ انا بس حبيت اقولك حتي لو كان الي بينا جواز علي الورق بس انتي كرامتك من كرامتي ولا يمكن اسمح لي اي حد يتجرأ حتي ويفكر يجيب سيرتك.
تيسير .......... انا عارفه و متاكده من كده
مصطفي ........ و عرفتي ازي يا دكتوره
تيسير ........... انا سمعت كل الي حصل في المندره مع عاطف ابن عمك
مصطفي .......... امال ليه ما قولتيش
تيسير ............ اديني قولت المهم احنا رايحين فين
مصطفي ......... ادينا وصلنا
تيسير ........... دي المستشفي الي بنيتها و جهزتها بس لحد دلوقت مقفوله
مصطفي ........ ده اكبر حلم كان نفسي احققه لما قولتيلي علي شغلك في مستشفي الجامعه انا رفضت بس مش عشان ادمر مستقبلك لا عشان انتي مكانك هنا
تيسير .......... مكاني هنا ازي
مصطفي ......... تعالي الاول ندخل وشوفي التجهيزات وبعد كده نتكلم
تيسير ......... ماشي يلا
مصطفي ........ خليكم هنا يا رجاله
هاني ............ حاضر جنابك
مصطفي .......... اتفضلي
تيسير ............ ايه ده انا مكنتش متخيله انها كبيره اووي كده انا كنت اشوفها وانا رايحه الكليه وكنت بقول لنفسي اني دي هتكون مستشفي لبيع الاعضاء
مصطفي .......... والله هو ده تفكيرك فيا
تيسير ......... بصراحه انا كنت شيفاك كده زمان
مصطفي ......... طاب و بالوقت
تيسير ........... بتهرب من الاجابه دي غرفة العمليات
مصطفي ........ ابتسم ايوه
تيسير .......... انا في حياتي ما شوفت مستشفي زي دي انت مش مخليها ناقصه حاجه بس اكيد هتكون للناس الاغنياء بس
مصطفي ........ مين قال
تيسير .......... مستشفي بي العظمه دي والامكانيات دي اكيد مش اي حد هيقدر يدفع فلوسها
مصطفي ........... المستشفي دي بقيت من دلوقت تحت ادارتك
تيسير .......... انت بتتكلم جد
مصطفي ........... ومن امتي وانا بهزر معاكي يا دكتوره
تيسير ........... طول ما قولت يا دكتوره يبقا مش بتهزر بس ازي
مصطفي .......... مش المفروض اننا متزوجين
تيسير ............ اه المفروض كده الناس شايفه كده
مصطفي .......... يبقا كل حاجه ملكي انا هتكون ملكك علي الاقل قدام الناس احنا واحد
تيسير ........ بس مش ده حلمي
مصطفي ........ مش فاهم
تيسير ........... يعني انا كان نفسي في عياده صغيره اقدر اعالج فيها الناس الفقيره
مصطفي ......... وهو ده الي هيحصل
تيسير ......... ازي
مصطفي ........ انا مش عايز ولا قرش من المستشفي و هتكون للفقراء ببلاش وكمان بالعلاج وكل حاجه
تيسير ........ ومرتبات الدكاتره والعلاج هتيجى من فين
مصطفي .......... هيكون عندك مصدر رئيسي الناس الاغنيه ورجال الاعمال وكبار المسئولين اكيد مش هنعلاجهم ببلاش
تيسير .......... انا لسا متخرجه اكيد هما مش هيجو هنا
مصطفي ......... انتي تقدري تجيبي الي انتي عايزاه معاكي من زميلك وانا متفق مع اكبر دكاتره في مصر هيكونوا معاكي في المستشفي وكمان من بكره الدعايا في التليفزيون وجميع منصات التواصل الاجتماعي و الافتتاح هيكون يوم الجمعه
تيسير ......... انا مش هقدر ادير مستشفي بالحجم ده
مصطفي ......... ما تقلقيش انا معاكي ومش هسيبك
تيسير ........ والله ما عارفه اقول ايه
مصطفي ........لا إله إلا الله
تيسير ......... سيدنا محمد رسول الله
مصطفي ........ ده احسن كلام تقوليه ولسا المصدر التاني لو حصل اي عجز في المرتبات انا هدفعوا حتي لو كان مرتبات الدكاتره كلهم يعني مش هسيبك
تيسير ......... بس الفلوس الي معاك دي فلوس العيله
مصطفي ......... ما تقلقيش المستشفي دي من حر مالي يعني من فلوسي الشخصيه يعني انتي حره التصرف فيها
تيسير ........ يعني ممكن اجيب ليلي صاحبتي تشتغل معايا
مصطفي ........ طبعا وكمان انتي تحددي مرتبها زي ما انتي عايزه
تيسير .......... انا مبسوطه اووي و بعفويه تحضنه
مصطفي ........ اتسمر مكانه
تيسير .......... خدت بالها و بعدت عنه بسرعه وهي بتبص في الارض وبتقوله انا اسفه
مصطفي .......... ما مفيش اسف ما انا زي جوزك بردو هههه يلا بينا والورقة دي فيها اسماء الدكاتره الي هيشتغلو معاكي عايزك تبقي من اكبر الدكاتره في العالم
تيسير ......... ان شاء الله بوجودك هكون اكبر دكتوره
مصطفي ......... يلا بينا
تيسير ........... بتركب جنبه في العربيه و بترن علي ليلي
ليلي .......... الو اخيرا افتكرتيني يا عروسه
تيسير .......... لا وانتي الي سالتي
ليلي ........... والله بدور علي شغل في مستشفي خاصه انتي عارفه ظروفي و المستشفي العامه مرتبها مش بياكل عيش حاف
تيسير ......... والي يجبلك المستشفي
ليلي ........ بتتكلمى جد
تيسير ......... اه بس المستشفي هنا في سوهاج
ليلي ......... مش مشكله المهم المرتب
تيسير ......... ما تقلقيش يوم الخميس تكوني هنا و نتفق علي كل حاجه
ليلي ...........انتي هتشتغلي معايا في نفسي المستشفي ولا عريس الغفله مش هيوافق
تيسير .......... اه هشتغل وسلام دلوقت
ليلي ........ هو جنبك
تيسير ......... اه خدي اهو مصطفي ليلي صاحبتي عايزه تبارك لك
مصطفي ......... السلام عليكم
ليلي ......... وعليكم السلام ورحمة الله وبركاته الف مليون مبروك
مصطفي ......... الله يبارك فيكي و عقبالك
ليلي ............ تسلم يارب
مصطفي ........ هنستناكي يوم الخميس
ليلي .......... ان شاء الله
مصطفي ....... خدي الدكتوره معاكي
ليلي ........ دكتورة ايه
تيسير ........ ايوه يا بت يلا سلام دلوقت
ليلي ........... هههه سلام يا دكتوره
تيسير ........... وصلت السرايا واول ما دخلت جريت علي سعديه و حضنتها انا مبسوطه اووي يا امه
سعديه ........ بالراحه يا بنتي مالك
تيسير ......... انا بحبك اووي
سعديه ........ وانا كمان يا بنتي انا ربنا ما كرمنيش بي خلفت البنات بس اول مره احس اني عندي بنت و بتحضنها اووي
تيسير ......... وانا امي ماتت وانا صغيره ودي اول مره احس بحنان الام ربنا ما يحرمني منك
سعديه ........... ولا منك يارب
جيهان .........طاب فرحونا معاكم
مصطفي ......... لا دي مفاجئه لما يجي وقتها هتعرفي يلا يا دكتوره عشان ننام
تيسير ........ يلا
مصطفي ........ تصبحي علي خير
تيسير ......... بلاش تنام علي الكنبه هتكسر ظهرك
مصطفي ........ خلاص اتعود عليها
تيسير .......... بس انا مش مرتاحه كده يا اما انا انام عليها يا اما ننام احنا الاتنين علي السرير
مصطفي ........ يعني مش خايفه
تيسير .......... لا تعالي نام هنا
مصطفي ......... برحتك ماشي وراح نام علي السرير وحط المخده وسطيهم تصبحي علي خير
تيسير ........... وانتي من اهله
جيهان ........... صباح الخير يا خالتو
سعديه .......... احنا بقينا العصر يا جيهان مساء الخير نعمه جاهزي الفطور
جيهان .......... لا انا هطلع اتمشي شويه ولما ارجع ابقا افطر
سعديه ......... برحتك يا بنتي
جيهان ........... طلعلت وركبت عربيتها وطلعت
سعديه ......... علي
علي ......... نعم يا ست الحجه
سعديه .......... وراها لما نشوفها ناويه علي ايه
علي .......... حاضر
فتحيه ......... جيتي في معادك بظبط يلا الشيخ مستنينا
جيهان ...........يلا
الساحر .......... هاتي المنديل
جيهان ........... اتفضل ودول ال ٥ الاف الفضلين
الساحر ........... كده تمام والمراد هيتم خدي الحجاب ده حطيه في المخده بتعتو وهتلاقي حالو انقلب وهيكون زي الخاتم في صباعك
فتحيه .......... شكرآ يا عم الشيخ
جيهان .......... اخيرآ
فتحيه .......... اول ما توصلي البيت حطيه علي طول
جيهان .......... حاضر يلا سلام
فتحيه ......... سلام ودخلت بيتها
هارون .......... عملتي ايه
فتحيه .......... كل حاجه تمام وهي اخدت الحجاب وهي فاكره انو بلمحبه ما تعرفش انو بالموت
هارون ............ سنين وما فيش حد قادر عليك واخيرآ بسحر هتكون نهايتك
جيهان ........ وهي داخله السريا خدت بالها من علي وهو ماشي وراها
سعديه ......... حمد لله بسلامه
جيهان ......... الله يسلمك يا خالتو انا في حاجه كنت عايزه اقولك عليها
سعديه .......... قوليلي انا سمعاكي
جيهان ......... طنط فتحيه قبلتني امبارح وقلتلي اني معملي سحر ورحنا لشيخ
سعديه .......... قصدك ساحر مش شيخ
جيهان ......... انا معرفش ورحنا النهارده تاني وداني ورقه
سعديه ......... فين الورقه دي
جيهان ......... بعد ما وصلت طنط فتحيه رميت الورقه في الترعه
سعديه ........... احسن حاجه عملتيها ده سحر والساحر كافر والي يتعمل معاه كافر زيو اطلعي اغتسلي وتشاهدي وتوبي لله وصلي ركعتين توبه وربنا يغفرلك
جيهان ............. حاضر يا خالتو
سعديه ........... اوعي تخبي عني حاجه بعد كده
جيهان .........عمري كا هخبي عنك حاجه يا خالتو امال البيت هادي فين تيسير ومصطفي
سعديه ........ طلعو
جيهان .......... اطلع انا
سعديه ........ اطلعي
علي ....... يا حاجه
سعديه ....... تعاله يا علي
علي .......... بيحكيلها
جيهان ......... واقفه فوق وبتبص عليهم
سعديه ........ خلاص هي حكتلي كل حاجه روح انت علي شغلك
جيهان ........ الحمد لله اني خد بالي من علي وإلا كنت رحت في داهيه اروح احط الحجاب وفعلآ دخلت الاوضه وحطة الحجاب في المخده بعد ما قطعت حته صغيره من المخده وطلعلت بره الاوضه وقفلت الباب
سعديه ......... طالعه لقيتها واقفه قدام الباب بتعملي ايه عندك.