رواية شمس الايهم الفصل السابع عشر 17 بقلم شهد الدليمي
كون تدري شگد أحِبك چا بَچيت
وچا متن كلك صرت يم عازتي
وچان لميت الدمع وچمله طين
لعينك ترجعه اعلمود جنازتي
اني امس يم بابكم وتمرضيت
وصلت دموعي
ايهم **
طلعت من بيت خالتي وبالي كله
ضل يمهالو بيدي جان ضليت
مكابلها طول عمري ما أشبع من
شوفتهامن سوالفها من هدوء عيونها
صعدت بالتكسي بس والله
ابتسامة ماغابت صارت مرتي و
باسمي صار ملتصق باسمها وريحتها
لي ملكي محد يكدر يباوع عليها بعد.
كل ساعة غصبن عني قرب قميصي وأخليه عَ خشمي أتنفسه كأنه بعدني يمها كأنه ما فاركتها ريحتها ظلت عالهدومي وهدومي صارت مثل
حضنها.
أحس نفسي غرقان بحبها غرقان
لدرجة ما أريد أتنفس من غير
هواها
السايق باوع عليّ بالمراية
وضحك:
السايق : ها اشوفك كل ساعة
مخلي القميصك عَ خشمك
شنو السيارة بيها ريحه
ابتسمت ورديت بهدوء:
إيهم : لا عمّي ماكو ريحه
وصلت للدائرة دخلت وسلمت
معاملتي المسؤول كال: تعال
باچر.
موضف مسؤل ماخذ اجازة
بس هزيت راسي وطلعت.
أجّرت تكسي للبيت
طول الطريق ساكت غارق ببحر
أفكاري كلشي يمر قدامي ما أشوفه
بالي كله ويا ه شمس.
ساعة وصلت لما وصلت نزلت
سلمت ع الكل ودخلت
تقريباً وضيفتي تبشر بخير
حسّيت بيها أمل أصير بمكان والدي وأثبت نفسي هواي رسمت أحلامي
ع هاي الوظيفة يمكن تنقذني
من كلشي
هسه حمدلله خلصت من شغلة
بس ضلّت شغلة وحدة شمس.
شلون أحصل عليها شلون أقنع أهلي وأخواتي إني أزوجتها أكيد ما راح يقبلون ويحسبوها كسر بخويه
وأنا آخر شي أريده أكسر بخويه.
بمجرّد ما حصلتها حسّيت الدنيا
كلها ضحكت بوجهي صحت
بصوت عالي:
إيهم : فاطمه وينج تعالي بويه
فاطمه من بعيد بضحكة عفوية
فاطمه :هااااا أخويه
إيهم: فاطمه بويه فرشيلي بغرفة
كامل من يجون كعديني هناك
أهدى شويه
فاطمه ::ليش منتام بجربايه
مو أحسلك
إيهم : لا بويه ميصير هذا مكانهم
خاص بيهم شلون أنام بيه
فرشيلي يلا.
فاطمة : إي صار
كعدت بالغرفة وصفنت كل تفكيري
رايح لشمس، آخر شي صار بينه
كل كلمةكل نفس.
فاطمه : إيهممم نايم لو شنو وشبيك صافن
فاطمه : إيهم صار ساعة أصيح
ما تسمع يلا فرشت
إيهم : لا بويه حنت ملتهي محيرتني سالفة معاملة.
فاطمة :هاا بالي عاشك صفنتك
مال عِشك هههه
إيهم :شهل حجي منو معلّمج
تحجين هالسوالف
فاطمة :داشاقه أخويه شجاك
إيهم : لا تشاقي وياي بهيج مواضيع
فاطمه :اي صار
إيهم : ذكرتني بسالفة نور…
موضوع لي داتمشين بي إذا اسمع
مطوّر راسچ اكسره تسدين السالفة تتصلين وتعتذرين وتگولين
فهمت غلط وأخذتي رأيي لو لا
انتي شو تصرفين بكيفجج
أگول مانتراهم يعني خلاص
تنتهي سدين موضوع فهمتي
لو أعيددد
فاطمه : أصلاً اجيت يمك
أحجيلك عليه
إيهم : وأخذتي جواب مني واضح.
فاطمه : أشوفها توالمك وين تلكى
أحسن من بنات خالتي
إيهم : إيي ان شاء الله بس مو
نورما تناسبني تصرفاتها محملهن
أحطها وحركها تخرب علاقتنه
بخالتي بسببهه.
فاطمه : يجوز بعد العرس تتفهمون تتعرفون أكثر ع بعض
إيهم : خير ولج يابعض يا دنيا
ميت نعال عليچ وعلى نور
خوش موضوع سدي ماريدها
فهمتــــي
فاطمه : اي خويه صار اعتبره
انتهى أعصابك دا نناقش
مو نتعارك.
إيهم : يلا رايح أنام.
فاطمة : كلت إن شاء الله من بنات
خالتي بس مو نور إذا تقصد
شمس لا أخويه
ع بختك تريد تكتل حسن بدنيا
والله ميت بيها أشوفلك من بناتنا
هنا هم يخبلن.
إيهم : تقررين عني ما عليچ شمس
لو غيرها هيه ماريده حسن حسبته
أخ شلچ بهالسالفة ميت بيها منين
و خوش بنيه شمس متجي أضفر
نور مابيهه شي إذا أخذتهه
فاطمة : يااخو هاي هيه قبل طلعتك باأشهر مكضيته ويه حسن بالبيت وحدهم دخلت عليهم والله شاهد مرضيت رزلته وكتلته عيب بس
هيه شلون حسبته أخوها وتسوي
هيج وياه من شافتك كامت
تصيح حسن أخويه
احس نار اشتعلت بكلبي
.هيه كالت ماكو شي بينه مجرد
اخو هوه مجلب شنو هل حجي
ايهم : هاا فاتح بيت كوادةةةة اني
خابرييييه خابري هسه خل يجي
وحق الله العظيم اذا مااجه اروح
اجيبه سحل و اكسر راسه
فاطمة: خيه شبيك تعصب تره
شمس توديك لشط وترجعك
عطشان لا تخلي شكله الضعيف
يخدعك
ترى حيه مو بشر تعرف تزحف
وتدخل من كل درب ومثلا مادخلت حسن دخلتلك اني كعدت بينك
وبينه و شفت بعيني والله يا إيهم
جنت احبها بس من شفتها شلون تباوعلك من دخلت الغرفه وشفت
شلون مجلبه بيك كرهتها نور هيه تصرفاتها كلش غلط بس مو مثل
شمس، مو مثلها
إيهم : فاطمههه! هاي هيج تحجين وكدامي وطعنتي بيها وقسم بالله
العظيم اذا بعد مرة ثانيه تحجين
هيج اراسج اكسره
هيج معلمج اني تحجين ع
بنات العالم وع منو تحجين ع
بنت خالتج
إيهم : مثل ما طعنتي بيها يجي
يوم يطعنون بيج سمعتي روحي استغفري ربج ترى اني الظاهر
نطيتج مجال هواي كلشي
كدامي وهيهج تحجين لعد
وراه وجهي تحجين هيج
وراي شتحجين هاا
ولج اختها وياج بالبيت متستحين تسمعج متستحين من روحج البنيه
شهر كامل ضلت تركض وياجن
تساعد تتحمل خالتج تتحمل نور
تتحملج وسويتوها مو خوش
ماشفتج يوم تحجين ع حسن
اخوج مو لزك لها وتصرفته
ماتنحمل شو ماحجيتي
عليهههههه
ولا غيره بس هيه ليش بس هاي
إذا مراه كرهته مراه تسقط بيها
بشرفهاااا
فاطمه: اني هيج صرت غير حجيت
لي شفته وانت مو جنت وياها
بالغرفه ماقصد شي
إيهم : سدي سالفه! اني صحتها
مو معناها اكو شي موزين دانسوي
اذا كعدنا أني…
قاطعنه صوت جهاز فاطمة يرن
إيهم : منو
فاطمه باوعت بجهاز وكالت
هذا… حسن
إيهم : كليله خل يجي، هسه.
فاطمه : اي هسه...
فاطمه: هلا يبعد اختك...
الحمدلله وانت؟
فاطمه : ايهم يكول خل يجي يلا
كافي اريده هنا يمي ليوم
اي خالتي وبنات شلونهم
جيبلي وياك حلويات من سوكهم
اي بشرني شنو
يلا احجي مو زرفت كلبي...
ها ع خير
صدك شوكت هذا حجي
يالله... لا فرحت لك...
شلون مافرحت..
من تجي فهمني...
يلا سلملي الله وياك
دير بالك ع نفسك.
إيهم ::شنو ع شنو تباركين له
فاطمه .:حسن يكول شمس وافقت
ع الزواج وراح يعقدون بهل فترة…
چنت واكفة نضرته عليه واني
كاعده النار تشتعل بصدري ماكو
خوف، ماكو تردد بس قهر يطيح جبل
گلتله بصوت
لا مو تكول امي لو تطلع تنشر
بالاخبار كل ساعة هم ما أقبل بيك
كتله ورايحة خلي تبطلني وشتريد
تسوي سوي بس ما أصير واحد
نكس مثلك محسوب ع الزلم
وجهه تغير عيونه كتل دم
حسن : منو علمچ تحچين هيچ
هو مو ولچ انتي بس واحد يجب
طاري أمج تموع روحچ هسه
تسوين ماخاف هو علمچ مو
هزيت راسي وضحكت بسخرية
ضحكة مرّة گتله
روح تعالج مريض إنت بلوة نازلة
عليه ماكو بس أني ذب مراضك عليه شيعلّمني
انت نكس واني ما أريدك چنت أكول خطيه ما أريد أجرحك چنت أتحمل وأصبر بس شويه شويه كامت تطلع حقيقتك وجهك الأصلي الحقير
رفعت اصبعي بوجهه بكل تحدي
عيوني تلمع بنار
شوف بعد من هسه وبعد إذا
تدوسلي ع طرف أدوس ع راسك
فهمت لو أفهمك بعد خليني
محترمتك ع آخر ذرة بيه
حسن انفجر وصاح
اصبعچ نزلي لا أكسره ونشوف
يا ست شمس منو لي يدوس
ع راس منو
باوعتله باستخفاف كل جرح عمري
صار قوة بلحظتها گتله:
دولي الحچي مايفيد وياك وخر
خل أطلع وإذا تلزمني بيدك
نكسه بعد أفرج عليك العالم كله
وانسحبت بخطوة واثقة قلبي يدگ
بس عيني ما نزلت من عينه
ستوقفني صوته وهو يكلي
مادري بيه هيچ أخويه بيه حض
وكدّر يسويچ قوية لسانچ صار
حاد وتحچين وتهددين بعد
حسيت الدم يفور بعرگي
ما كادر بيه مجال أسكت جاوبته
بصرامة وصوتي يرتجف من الغضب
شعلي كلشي كلت هو بس أني
چنت ساكته خاطرك بس طفح الكيل
ما متحمل بعد لا أحترمك ولا أحسب للعشرةبشر إنت ما تستحي تهدد بيه
ضحك ضحكة تشلع الگلبي عيونه
سوده من الحقد وكال
يلا هم حقچ زودتها اني شوفي
شموسة گتلچ كلبچ حركه وكلب
لي يسمه أخويه أحرك مو بس گلبه
حتى روحه خلي بس جسد بلا روح راقبي وتفرجي
ماچنت أشوف بعينه غير لحقد
روحي تنكسر بس ما خليت ضعفي
يبين گتله بقهرة
شهل حقد! غير أخوك متخاف
الله إنت
ضحك بخبث وكال
لا… مو أخويه جان خاف الله
هو كبل ما ياخذچ مني ويغيرچ
عليه.
انصدمت من كلماته، حسيت نفسي
أريد أصرخ بوجهه، گتله بألم وحزن
والله مادخل أصلاً ما يجب طاريك
ولا تسوي هيج داكرها روحي
بسب هل شي
قرب منّي نظراته نار وصوته
نازل يتوعد وكال
لا بس تفرجي لا تسوين شي حتى
بطلت ما أهدد راح أشتغل مباشر
يحچي وكأنه يعلن حرب وحسيت
نفسي محاصرة بين نارين خوفي
على روحي وخوفي على إيهم
چنت واكفة مثل التمثال عيوني
عليه اشوف وين يريد يوصل
وهو طلع موبايله ببرود
وبلهجة كلها استهزاء گال
حسن : ها فطوم وافقت عالزواج
راح نعقد قريباً
كلماته نزلت بگلبي مثل صاعقه
حسيت روحي طاحت للأرض
چنت أحس صوت الدنيا اختفى
بس نوب شلعني الغضب وصحت بكل قهري
شمس : جذاب!! لا تصدكييي!
حسن : من أجي… أفهمچ
اي صبح اجي…
ضربت چفوفه عصدري من القهر
وگتله بصوت ينهض من أعماقي
شتسوي هااا شنو معناها هيچ
داتسوي شنو بالك تجبرني يعني
لو موت ما أوافق بيك أكتل
نفسي وما گول إي
حسن : هههههه لا كلبي ردت أحرك
كلبه بس لا تخافين حتى أني
ما أريد آخذج نفسي لعبت منچ
وفجأة صوّت نور من بعيد
نور : وين صرت يلا تعال
التفت حسن بنص ابتسامة
ساخرة وكال بصوت عالي
حسن :هاي جايچ
وطلع خلاني واكفة بذهول
صدريخنكني وعقلي يصيح
شنو يريد يوصل شنو بعد براسه
وصل للباب ندر عليّ وغمز بنظرة
كلها خباثة وكأنه يكلّي هاي حربي
وأنا الي راح أفوز بيها
هو لعبها صح لعبها بطريقة ما
خلّى بيها مجال لي نور حبت إيهم
وإيهم محد راح يوافق يزوجني
رسمي و أمي ما تكسر نور امي
ماراح تهتم لحبي او لحياتي
المهم ما تنجرح هي تضحي
بسعادتي خاطرها
والله يا حسن… طلعت مو قليل.
رجعت لمكاني كعدت وشبعت بچي
من كيفي. كل ما أذكر شحجى وياه فاطمه موت قهر أكيد راح تكله
هو طلع ويوصي بيه لا تحجين
وياه ابتعدي
إجا المغرب سمعت الأذان
رحت توضيت صليت وفتحت
قرآن. خلاني أهدأ شويه.
سمعت صوت أمي
ماكو عشه اليوم
لميّت سجادتي رحت حضرت عشه
سريع نواشف كملت خليت الصينية
يمهم هو ونور مندمجين بتلفوناتهم
ولا رفعوا راس.غميتهم بنظرة،
ورجعت للمطبخ
هم كملوا عشاهم وأنا سويت
جاي ورجعت فرشت
من إجه هو نحبست ما اگدر
أواجهه ما اگدر أباوع بوجهه الحقير
ضلّيت تكلب تكلب لحد ما غفيت
وصبح يوم جديد كعدت وگلبي
بعده أثگل من البارحة.
الصبح كاعدت سويت ريوك
والبيت يغلي بأصوات بنات
بالصالة يضحكن وهو
هو كال:
حسن ::عحبني ناكل بالمطبخ مثل
قبل فرشن هناك.
حقير ولا يتوب شكد جلب هذا
إجا يمي متقصد كعد وكأنه يختار يقهرني وحدة من البنات جابت
الصينية كلاصات جبن وأنا داسوي مخلمة.
كل ما أندار أشوفه يباوع عليّ
نظرته مثل سهم يجرحني
حد ما نجويت واني صحت
"أخخخ
وهو كبل اجه يمي جر إيدي خلاها
جو مي بسنك
جريت إيدي منه، نترت بوجها
شكو تلزمني هيچ
هو، بنفس البرود، نفس الابتسامة وحچى بصوت هادي:
حسن :آسف شمس بس خفت عليج
هذا نفس حسن البارحة اللي يهددني ويحچي بنجاسة هسه يحچي بهدوء وكأنه ملاك
گتلّه بنتر بنبرة كلها قهر
لا تخاف… بعد
كملت ريوك هو اكل وراح يسبح
سمعت أمي تصيح من جوة
الام :: نووور حضري غراض ابن
خالتج يريد يروح
والله حسّيت صدري تنفّس فرحت
من سمعت "يريد يروح
إلله يخلصني من وجوده
نور وبكل برود رمت كلمة مثل
الطعنة
نور : كولي شمس مو هيه خطيبته
بعد
كبل. عَطت بيهاا
شمس : يا خطيبته من شوكت
هاي لا تحچين هيچ بعد.
الام :هسّه شكالت إن شاء الله
عن قريب خطيبته
صحت بصوت مكسور:
شمس :: يمّه
ردّت عليّ بحدّه
الام : ولا حرف سكتي وحضّري
ملابس الولد
رحت حضرت ملابسه وغلطت عليه وعلى عشيرته واحد واحد، ما شفت
هيچ بشر لزگه
جبت غراضه، دگيت جنطه بالكاع
يمه وگلت:
"هاك ذني غراض وإذا ناقصات كول.
إلتفت علي حسن و عيونه ناعسات وكلامه مو طبيعي كال
شموسه أني أعتذر منج ع اللي
حچيته وياج بارحه جنت ضايج
ما أريد أضوجج مني
بقيت متحيرة من كلامه مستغربة
بعقلي صارت أسئلة هو جاد
شنو ناوي. شنو هالتغير المفاجئ
بس چنت أضحك مرارة گلت بنفسي: يالله، بلكت يتغير يصير إنسان أحسن.
بس نسيت شغله عمره ذيل جلب ما يعتدل ولا راح يعتدل
گلتله ببرود،وبصوت مكسور:
من تتغير وترجع حسن عزيزي
وصديقي وأخويه أقبل اعتذارك."
لمّ غراضه وسكت بس قبل لا يطلع
وكف صوته ناعم غريب:
"ديربالج ع نفسج شموسه.
راح سلّم على أمي، ضحك
ويا البنات وطلع.
أني قلبي وجعني من كلامه
من تغيّره المفاجئ من كلامه هم فوق راسي كلشي تجمّع حسيت دنياً كبرت بوجهي وأني بعدني بداية حياتي…
تعبت طاقتي خلصت چنت مثل
جثة تمشي كل نفس أگول يا رب خلّصني من هالدوامة…..
مررت أيام
غيث ماخلى أحد مادزه وكل
واحد قافل وبابا جان وياهم
وخاصه من سمع أمّه هيج تحجي ويكولون نطلك واني واكفة أسمع
كلبي يرفض وعقلي يكله شلج
بوجع لكلب وعيوني تشوف غيث
كل يوم يدز شيوخ وناس تحلى
محجيت وياه حيدر من سالفة
شمس وثورلي ضربه باله ادري
اكو شباب ماحجيت
قررت من يجي حيدر احجي وياه
ونخلي حل هل موضوع غيث شنو
ذنبه بكل هذا واني شنو ذنبي
سويت جاي ورحت صوب غرفة
حيدردكيت لبابه وداخلت
هو ما يحجي وياي وكف كبالي
صامت
نطيته جاي وضل كالب وجهه شوي متحملت وأني ابجي كتله
غزل :: والله اشتاقيتلك
فتح إيده ورحت حضنته ضمّني
بحنية ابتسم وكال:
حيدر : اكول هذا جاي مصلحه
مو الله
غزل : اي شلون ارضيك ويد فارغه
حيدر : ماترهم
ضل ساكت شويه واحجى.
حيدر : تريدي غيث غزل؟
غزل : معرف بنص دوامه خاف
امه متخليني مرتاحه
حيدر : شنو قابل منطيج واحد عار
هذا غيث يشك كاع ويطلع حككج
غزل : من تعرف هيج ليش داسوي هيج بي وتحرك كلبه
سحبني لحضنه وباس راسي ويحجي
حيدر : حت يعرفون اهله وكل شخص انو احنه مانطينى له حت يستر عليها
مثلا محجت امه اني عرف غيث
سبع وزلمه ويحبج وماراح يزعلج
بس امه لازم من هسه اسويلها درس
حت تخاف تندك بيج
بتسمت له وحضنته حيل
غزل : ربي لا يحرمني منكم كلكم
حيدر :حت غيث
اخذني واهس كتله
غزل : اي جا غيث حبيبي
كبل خليت ايدي ع حلكي وطفرت
من حضنه هو راد يلزمني مالحك بيه
راحت يم باب وصاح
حيدر: : اني اعلمجج ادبسزز
غزل: : جاا غيرر رجلي
حيدر : انعل ابوج لا ابو رجلجج
نزع نعاله يريد يشمره عليه ركضت و
طبكت باب سمعته صاح
حيدر : حتركت روحك غيثث
طلعت من غرفة حيدر وفجأة
رن تليفوني غيث
غيث :غزولتي شلونج
غزل : هلا حمدلله وانت
غيث :تدرين والله مشتاقلج ماكو
يوم بدون أفكر بيج
غزل :غيث هسه مو وقتها وحيدر اذا شافك تصير مصيبه
غيث :تكولين لا راح أجي أشوفج
غزل : لا غيث مو عدله هسه مو
وقتها
غيث: لا تحاولين ميت عليج
راح أجي حتى لو لليل أجي
من شبابج مثلا ذيج. مرة.
غيث : بس أحتاج أشوفج بس
دقيقة أريد أسمع صوتج
وأطمن عليج
أني ما أكدر أنكر مشتاقتله هم
سكتت هو اخذها موافقه كال
ساعه واحدة اجي
كل لحظة قبل لا أشوفه كلشي بيه يركض، يتحرك قلبي يدك دك مو
طبيعي وكفت قدام المراية لبست فستاني، خليت شعري ينزل ع
كتوفي لمسة مكياج خفيفة
كل دقيقة أنتظر بيها صارت دهر
جسمي كله يرتجف وإيدي متلخبطة
بس وجهي يحاول يظل هادي
وما حسّيت غير شبابك نفتح ودخل وهو دخل عيونه أول ما شافتني
اشتعل بيها الشوق كله ما عطاني
فرصة أحچي ولا حتى أتنفس
ركض، حضنني بقوة حضن يدفيني يذوب كل خوفي ويعلّقني بيه أكثر
وبين حضنه وهمسته حسّيت الدنيا
كلها توكفت بس نبضاتنا هي اللي
ظلت تحچي
وكعدنا سوا ع جريابه، ضحكة صغيرة انسرقت مني، وصوته يهمس بأذني:
غيث : غزليي… والله ما أعرف
شلون أعيش بلاج أنتي كلشي
بحياتي
كعدنا نحچي شويه الدنيا كلها نايمة هدوء يغطي البيت بس أنفاسي
واني من ثولي نسيت أقفل الباب
ما حسّيت غير خطوات ثكيلة تقرب وانفتح الباب فجأة
عيوني تجمدت حيدر واقف
عالعتبة عيناه نار يتفرج علينا
اختنقت أنفاسي وغيث بعده حاضني الوقت تجمد والدنيا كلها صارت
بس عيون حيدر……
والله حسيت الأرض هزتني
وافقت شمس شنو وافقت غير
مرتي آني اللي شايلها بإسمي
كدام رب العالمين شنو وافقت لغيري
شنووو وافقت يا عقد هذا بكيفه
يقرر هوه
فاطمه : شدراني يا خويه غير
يمك كاعدة أني
شوكت كال يجي
فاطمه :يكول يجي الصبح
أيهم :: خير إن شاء الله
رحت لفراشي ع أساس راح أنام بي
بس وين النوم گلبي مولّع نار محترك.
كل كلمةفاطمه تعيد وتزيد بدماغي
هيه وياه بالبيت يضلّون سوى
شايفتهم بعيني
معقوله بينهم شي
وجذبت علي ليش
من طلعت تغيرت ع حسن
يمكن صدگ يمكن أني نغشيت بيها
لا مو معقوله هالوجه البريء ممكن يمشي بهيج سوالف..
شمس مرتي ماكو غيري منو هذا
يكول عقد شنو عقد هيه غير مرتي
لو هاي الثوله وافقت ع شي من
ورا ظهري
والله أحركهاخرب اهلج شمسسس
گلبي ينشلع من مكانه من أفكر
شنو توافقين ع عقد
هواي أشياء أتحملها بس هاي
لا، هاي تموتني أفتر بيتي
أريد أفلش كلشي كدامي أريد
أگطع هواها أريد أشوفها بعيوني
أريد أوصل لحل أفهم إذا حجي
فاطمه صح أموتها شمس وأرجع
للسجن برجلي ما عندي مانع.
إذا صدگ هاي لعبة لعبة عليّ
عقلي يكلي شمس ما تسويها بس
كلبي مشتعل نار اذا ماناخذ
موافقه شلون تصل ويحجي
ضلّيت أفكروأفكر راسي يريد
ينفجرخصوصاً موضوع العقد
ليش شلون
ذكرت خالتي يمكن هيه دازت
وراه مثلا. سالفة نور اويمكن
لعبت بعقلها يمكن… ويمكن…
أكل كلبي موضوع عقد
أريد أسمع من شمس بلسانها
أخذت تلفوني إيدي تعرق أعصابي نار
ذكرت خالتي عدها تلفون
رفعت التلفون اتصلت عليها
سمعت صوت خالتي
خالتي : هلا يمة شلونك حسن طلع
ايهم : ههههههه نطيني مجال ع
كيفج وياي
خالتي : هههههههه
ايهم : حمدلله بخير وانتم
خالتي : حمدلله يمه
ايهم : عساكم دوم ان شاء الله
خالتي : وصل اخوك
ايهم : بعد خاله
خالتي : احجي يمه رايد شي
ايهم : ضليت صافن شلون
اكلها نطيني شمس
خالتي: الو
ايهم : خاله نطيني شمس قميص
مالتي غسلته جان بس سنسله لكتها
خالتي : مادري خاله خل اشوفها
شمس وينج تعاي يمه يريدج
ايهم
أيهم: : اسمع خالتي ترزل بيها
خالتي : وجع شبيج حجي وياه ولد مضيعه نص غراضه شيكول عليج
هسه
شمس :الو
ايهم : سمع للحجي لحد ماكلت
الو مو الو صوتها موع كلبي لا
ولك عيب اثكل جاي تعارك انت
حت نسيت ليش تصلت
شمس : الو
محد يحجي فصل يمه هاج
ايهم : ولج شمس
شمس :ها شكو والله ماسويت شي
ايهم : بس جاوبي ب اي او لا
شمس : اي
ايهم : حسن سوالفه صح
شمس. : اي
ايهم : حسن حجاج شي
شمس : اي
ايهم : احد ملزمج تقربلج شافج
بدون حجاب شي بدون جذب
جاوبي واذا حس اكو جذب
ميصير خير
شمس. : والله لا
ايهم : تكدرين تكومين تحجين
براحتج
شمس : لا
ايهم :ركزي بويه راح اجي ساعه
ب1 فتحي الخارجي لي بس وبعد معليج بشي
شمس : اي
ايهم : شبيج نصطرتي شجلبتي
شمس : الله وياك
ايهم :وين ثوله شنو طرديني تعاي
امج خاف تشك وين سنلاسله مالتي
شمس : والله ماشفتها اني
ايهم : اجي ويصير خير
شمس :الله وياك
سدت جهاز تحجي كوة ادري تخاف
من امها حت ماكلت ليش لا كله
اي تحجي من خوف اروح وفهم
منها وخل يجي هذا وهم افهمه منه شبي هيج لزك عليه ماكو نسوان
متريدة شجلب اضليت افكر لحد ماغفيت كعدوني
ب8 يابه شكد نايم الازم اروح شمس طريقي ساعه طلعت لصاله شفتهم كاعدين بصاله ولد كلهم وحسن وياهم يتعشاه
ايهم : سلام عليكم
لكل : وعليكم السلام
عاش من شافك شنو نسيت
عدك اهل
حسن : بارحة جنت يمي منو
عاش موومات
كامل : ها شعجب نايم لسه
ايهم : مادري تعبان هواي تفتريت
كامل : تعال خل يصبولك عشه
غسل واصلي وتعال
ايهم : لا اصلي واطلع عندي
شغله نسيتها اريد اكضيها
كامل :شتكضي بهل وقت وين وضل وقت ساعه ب8 شوكت ترجع واني محب طلعت ليل
ايهم : لا يضل بالك خويه
ساعتين
ورجع
كامل: بسلامة
رحت بدلت واصليت وطلعت
شفت ساعه 9 اوصل 10 كلت لازم
اروح اذا ضل منا باجر اموت من
تفكير خل افهم شنو سالفه علمود
اعرف اتصرف نطلقت واني طول
طريق افكر بيها احسها عايشه
بدمخي ماحسيت غير وصلت وكفت سيارة شويه بعيد عن بيتهم ونزلت اتمشى وصلت يم باب مفتوح ضحكت
كلت يابه متحضره لي مانسيه باب
اول مادخلت ع صفحه حديقه
دخلت بيها داير مدايرها شجر زينه شويه وسمعت خطوات قريبه مني
تجي وترجع ضحكت عرفتها هيه
فاهيه جبان تخاف دائما تسويها تشلع كلبي يلا تجي وكفت لها بمرر لي يطلع
ع باب دخول لبيت لمحتها واشرت
لها تعاي بويه ماعندي وقت اريد
ارجع اجت ورجعت ردفت صبرك
يااللهي سمعت طبكت باب واجتي
ضلمه ماشوف منها شي من تقربت
عليه اكثر ضوه من جيران ضرب
بوجها شعرها طاير من هواه و
طويل صفنت بوجهه قاطعت
صفنتي من سمعتها همست
بصوت يرجف
شمس : شلونك ليش اجيت وريحة
عطر لي مخليته تسطر سطر انتبهت عليها اكثر
أيهم :نعل يومج هاي شمسويه
بروحج ولج...