رواية شفاء قلبي الفصل السادس 6 بقلم حبيبه سامح
نزلت الفتيات للإسفل ليجدوا الجميع حاضراً
كان الجد يجلس على مقعد في المنتصف و الجميع حوله واقفون
نظرت تالا على سيان الذي يقف بجانب وفاء لتتنهد
الحاج عبد الجليل بجديه : أنا جمعتكم كلكم علشان موضوع مهم لازم كلنا نحضره
نظر الجميع له بانتباه
الحاج عبد الجليل : أولا أحنا عيله يعني الخبث و الحقد و الحسد نشيلهم من قلبنا دي مش تبقى عيله لو فيها كده مينفعش نكره بعض أو نحاول نوقع حد مننا في مصيبه أو كارثه العيله سند و ضهر مش أعداء لبعض و الصراعات الي ما بينا زمان لازم ننساها و نرجع بقلب صافي
فاروق : عندك حق يا أبويا بس ربنا يهدي الكل
ليتحدث فاروق وهو ينظر لمحمود الذي ينظر له ببرود
الحاج عبد الجليل : تاني حاجه أحنا عيله كبيره و مينفعش واحد فينا يقعد منغير ما يساعد التاني لازم كلنا نساعد بعض و علشان أعلمكم ده انا قررت قرار
نظر الجميع له بأهتمام
الحاج عبد الجليل : هنشتغل كلنا مع بعض الستات هتشتغل مع بعض في محل الخياطه بتاعنا الي جنب القصر و الرجاله هتشتغل في سوبر ماركت و كل الأعمال الي تفهم فيها و علشان أطمن على بناتي و حبايبي محل الخياطه جنب السوبر ماركت علشان لو حصل أي حاجه الرجاله موجوده
سيان : أنا متفق مع حضرتك في كل كلمه
الحاج عبد الجليل بابتسامه : لسه زي مانت يا سيان عاقل و طيب ربنا يحفظك يابني
محمود بسخريه : عاقل ؟ ما هو لو كان عاقل مش كان أتجوز رقاصه
نظر سيان لعمه ليصمت وقد شعر بالإهانة
الحاج عبد الجليل بعصبيه : محمود !! ايه انت وفاروق عليه ما براحه مش كده
تالا : معلش يا جدو
الحاج عبد الجليل بابتسامه : نعم يا بنتي
تالا : أنا مش بعرف أخيط
نوران بسخريه : حته دي لا
لتصمت نوران عندما رأت الجد ينظر لها بحده
الحاج عبد الجليل بحنان : مفيش مشكله يا بنتي وفاء أو حد يعلمك الموضوع سهل
لتبتسم تالا له
الحاج عبد الجليل : اتفضلوا أنا خلصت كلامي
ذهب الجميع و كان سيان سوف يذهب لكنه توقف عندما قام الجد بمناداته
سيان بأستغراب : نعم يا جدو
الحاج عبد الجليل بهدوء : تعالى يا بني
تقدم سيان من الجد ليجلس بجانبه على المقعد الآخر
الحاج عبد الجليل : أنا مش هفرض عليك أنك تشتغل شغل معين هنا أنا عارف انك لما كنت في لندن كنت مدير هناك و مكانتك عاليه فا مفيش مشكله تشتغل شغلك العادي هنا
سيان : أنا أستقلت يا جدو
عند الفتيات
تالا : مش بفهم في الخياطه بصراحه و مبعرفش
يارا : يا ستي متشليش هم حد مننا يعلمك
ميرا : وأنتي وهناء بتعرفوا تخيطوا ؟
يارا بضحك : لا هناء بس أنا هبله
لتضحك الفتيات عليها
تالا بابتسامه : ياريت تبقى تعلميني يا هناء
هناء بحب : بس كده من عيوني يا توتو
ميرا : وأنا كمان بالمره
يارا بتمثيل : لا بقولك أيه مش أنتي أختي يا ميرا أيه ده أنا كده هغير
ميرا بضحك : ليه جوزي
هناء بضحك : ايوه ما هي جعفر
لتضحك الفتيات مره أخرى و كانت يارا تنظر لهم بغيظ بسبب سخريتهم منها
تالا : أنا هنزل أشرب مايه واجي
يارا بابتسامه : ماشي يا حبيبتي
أستقامت تالا لتذهب لخارج الغرفه
في غرفه المعيشه
الحاج عبد الجليل بصدمه : أستقلت ؟ ليه يا بني ؟
سيان : مش حابب بصراحه يا جدو أتكلم عن الموضوع ده معلش
الحاج عبد الجليل بهدوء : ماشي يا بني بس لو محتاج أي حاجه قولي
سيان بابتسامه : تسلملي يا جدو أنا هطلع أشوف ياسين علشان سبته فتره طويله
كان الحاج عبد الجليل سوف يتحدث لكنه رأى تالا تمر أمامهم ليقوم بمناداتها
نظرت تالا للجد ثم لسيان الذي نظر لها ثم نظر في الأرض لتتقدم ناحيتهم
تالا بتوتر : نعم يا جدو عايزني في حاجه ؟
الحاج عبد الجليل بابتسامه : أيه مش تسلمي على أبن عمك ؟
نظرت تالا لسيان الذي مازال ينظر في الأرض
تالا : حمدالله على السلامه يا سيان
سيان بهدوء : الله يسلمك يا تالا
كان الجد ينظر لهم تاره لسيان و تاره لتالا الشارده بسيان
لتفيق تالا من شرودها
تلا : عن أذنكم
الحاج عبد الجليل بابتسامه : أتفضلي يا حبيبتي
لتذهب تالا للمطبخ وهي تمسك قلبها و الدموع في عينيها
تالا بدموع : يارب ساعدني يارب لو هو مش ليا فا. أبعده عني يارب
فجاه رن هاتف تالا لتجيب على الأتصال
تالا : الو ؟ مين ؟
ازيك
تالا : مين معايا ؟
معقوله نسيتي صوتي بالسرعه دي يا تالا
نظرت تالا للهاتف ثم وضعته على أذنيها مره أخرى
تالا باستغراب : أنت مين ؟
نادر بضيق : نادر أنا نادر
لتتسع عين تالا بصدمه لتنظر من المطبخ على الجد و سيان لكنها لم تجدهم
تالا بهمس : أوعى تتصل بيا تاني فاهم !!!
لتقوم بغلق الإتصال وهي تتنهد ليتصل مره اخرى لتغلق ليحدث ذلك الأمر ثلاث مرات لتجيب تالا. بغضب
تالا بعصبيه : في أيه !! متتصلش بيا تاني فااااهم !!
لتجد من أخذ منها الهاتف لتلتفت لتجد سيان ينظر لها بهدوء ثم نظر للهاتف و وضعه على أذنيه
سيان ببرود : لو عرفت أنك اتصلت بالرقم ده تاني متلومش الا نفسك فاهم !!
ليغلق سيان المكالمه ثم مده لتالا التي كانت في حاله من الصدمه
سيان : تالا خدي الموبيل
لتفيق تالا ثم أخذت منه الهاتف بخجل
سيان بهدوء: أي حد يضايقك قوليلي عليه تمام ؟
لتقوم تالا بهز رأسها له ليذهب سيان من أمامها وهي مازالت لا تستوعب ما حدث و قلبها يدق بطريقه جنونيه
قلبها لا يحاول أن يتخلص من حبه بل يزيد أكثر 💫
بعد ساعات
عند البنات
يارا بصدمه : بجد ؟
تالا : أيوه هو ده الي حصل
هناء بهدوء : هو بيحبك ولا ايه ؟
لتقوم يارا بضرب هناء بالوساده
يارا : أحنا عايزينها تبطل تحبه مش تتعلق بيه أكتر أنتي كده بتعشميها
هناء : صحيح طيب هو ليه عمل كده فعلاً ؟
ميرا : عادي يعني سيان راجل و بالتأكيد كان هيدافع عن تالا
يارا بتفكير : وجه نظر برضوا
لينظروا الفتيات لبعض وكل منهم يفسر الموقف على حسب تفكيره
عند سيان
أخرج كيس كبير يوجد به صور و ساعات و أشياء كثيره ليقوم بأخذه و الذهاب للإسفل
ليخرج لحديقه القصر ليذهب لكيس القمامه ليقوم بألقاء الكيس الكبير الذي في يديه بعنف ثم أخرج من جيبه قداحه
يتبع..
تفتكروا ايه الكيس ده ؟ و سيان هيحرقه ولا ايه 🤔
سبحان الله وبحمده سبحان الله العظيم 💖...