رواية شمس الايهم الفصل الثامن والثلاثون 38 بقلم شهد الدليمي
اكبري خلي اعوض بيج عمري الفات بنيتي والصاحبتي وثنينهن حلوات
وماادام النفس بعده التريدي يصير
مو بس فدوه تستاهل عشر فدوات
غزل **
ضلت ساكته واحدة تباوع بوجه ثانيه
من خوف خنسنه بلغرفه
غزل رجعت فتحت الباب قليل
مطلعه بس تك عين بصوت
وصاحتلي بهمس
غزل : تعالي شوفي ثور شيسوي
فضول خذني ورحت شوف شنو صاير
باوعت من فتحت وياها من فوكها
شفت ايهم قاعد ع كرسي عيونه
مركزة على شمس وهي تركص
بدون أي أغاني كل حركة من جسمها
محسوبة هزّات جسمها متناسقة
وكأنها ما تشوف أحد بس هو يباوع عليها من فوك لتحت مستمع بنضر لها
ما يكدر يبعد نظره
سارة : هاي من وراج... عقابها
ضحكت وكالت
غزل : خوش عقاب هذاا
هسه عرفت شلون شمس جايبه
هذا ثور
سارة : اختي ماتركص
غزل : اي بس تهز
شمس كملت شوي وايهم مو منتظر
أكثر شالها من مكانها ومشى بيها
لغرفتهم
غزل : ولا يستحي! هذا ثور
سارة : عوفيهم بحالهم متونسين
والله أحس علاقتهم تجنن
غزل تضحك وتتمدد على جرباية
وكالت
_هسه شلون نشوف يا ريت أكو
كاميرا تسجل
سارة : ياا دبسزز كومي خابري
رجلجج
عزل خابرت غيث كالها لعصر امر
عليج مرت ساعه نستحي نطلع
للمطبخ نجهز أكل جعنه
مرّت دقايق فجأة دخلت شمس
جت وكل حماس
شمس : بنات آني أسوي غدة
اكعدن
غزل ضحكت وگالت
غزل: بعد وكت شكوهسه جايه لو
ضاله يمة
شمس تحركت وگالت
شمس: جنت أحضرله ملابسه يريد
يروح للدوم
غزل: اي واضح من هاي ركبتجج
كبل شمس خلت ايدها على ركبتها
سبت غزل ومشت وأني واكفة
مدنكة ميته ضحك عليهن بدون
صوت حسيت الجو كله حب بدون
اي خبث واليوم جان كله مواقف مضحكة وغريبة بنفس الوقت
شمس رجعت بعد شوية مبدلة
ملابسهاوجهزت الأكل ويانة ورتبنه
اكل وكلنا كعدنا ناكل
غزل رفعت راسها باهتمام وسألت
غزل: وين ثور؟
شمس: نايم تعبان
غزل ضحكت وگالت
غزل: حقه إذا شالج وانتي وزنج
طنين
بهاللحظة أحسست شمس طلعت مرك من خشمها مصدومه وغزل ماتت من ضحك تخبلت شلون إحنا نباوع عليهم الجو صار خفيف ومليان ضحك
شوية واجه غيث اخذ غزل وصينها
ع نفسها وراحت مررت ايام ورحنه
للخطوبة حيدر ويمامة جانوا يجنن
هو مخلصها صفنت بالك ممصدك
وام حر تحير شتسوي لي حت تشوفني
مرتاحه
خلصت حفلة جنت بالمطبخ داغسل
وسمعت صوت حرر
حر : اعتذر عن ذاك اليوم بس ماجان
اكو حل غيره
ماجاوبته بس هزيت راسي ب اي
ضل يباوع عليه كان اكو حجي هواي
بعد يريد يحجي
بنفس اليوم ايهم اتصل ع شمس وحجه وياي انو عداله تنفذت واخذو
حقهم بالمؤبد مو بس ع قضيتي
بتعذيب
معترفين ع هواي امور مسويها هما
صح مرتاحيت بس ع قل ماعشوا
مرتاحين امي حاولت تتواصل وياي
ترجعني رفضت حت من طلب محمد
رفضت وهو مالح عليه
شمس صارت لي ام اخت صديقه
ضحت لي باكثر شي جنت تتحمل
كلشي علمودة دراستها واني صرت
كلش متعلقه بيها واحبهاا
اخررفترة حر كام يجي علينه اشوف
نضرته كلها لي واني اغلس اكول
فاهمة غلط ولد ثكيل حت بناقش
خاص بيهم مادخل يجي من ايهم
بدوام يشوف نقص البيت ويطمن ع شمس لان دخلت بشهر 9 وصار
كلشي كوة عليه حت حركتها
وكل متحمس جيت بنوتاتها وايهم
جان يتصل باليوم عشره مرت من
قربت ولدتها صار يتصل عشرين مرة
باليوم
حتى جابلي تلفون حت يتصل عليه
كل شويةاني رفضت اخذه بس هو
لح وكال انتي تعلمتي من غلطج
ماراح تعيدي
نايمه بغرفتي وسمعت صياح قوي
رج البيت رج كمت واني ماندل دربي
لغرفت شمس فتحت باب بسرعه وجان اشوف...
❖❀❖❀❖❖❀❖❀❖
اخر فترة حر كام يجي علينه اشوف
نضرته كلها لي واني اغلس اكول
فاهمة غلط ولد ثكيل حت بناقش
خاص بيهم مادخل يجي من ايهم
بدوام يشوف نقص البيت ويطمن
ع شمس لان دخلت بالشهر
9 وصار
كلشي كوة عليه حت حركتها
وكل متحمس جيب بنوتاتها وايهم
جان يتصل باليوم عشره مرات من
قربت ولدتها صار يتصل عشرين مرة
حت جابلي تلفون حت يتصل عليه
كل شويةاني رفضت اخذه بس هو
لح وكال انتي تعلمتي من غلطج
ماراح تعيدي
نايمه بغرفتي وسمعت صياح قوي
رج البيت رج كمت واني ماندل
دربي لغرفة شمس فتحت باب
بسرعه وجان اشوف شمس لازمة
بطنها وتصيح من وجع
- سارة بطني ما داكدر تحمل
وجعها
كلت إلها وأني دموعي نازلة من خوفي
- شمس شبيج هذا وجع ولادة
شمس : يمكن
چنت ماعرف شسوي كلبي يدكَ
بسرعة.
- أوديچ للمستشفى
- لااتصلي ع أيهم
ركضت أدور تلفوني إيدي ترجف
مادري شبيه حتى الرقم ماعرفت أضغطه من التوتر والخوف
إيدي ترجف من الخوف طلعت
التلفون واتصلت الخط يرن لحد ما فتح
ايهم : ألو سارة
صوته كأنه حاس بشي
ما لحگت أحچي وصحت شمس
بصووت موجعه
صوته ارتبك وحجه بسرعه
- شمس هاي شبيهاا سارة
حچي بسرعة
سارة: أيهم دا تتألم كلش وجع ولادة قوي عدها ما أدري شسوي
انكسر صوته صار يحچي بسرعة
و يحچي وياه شمس من خلالي
- شمس حياتي تسمعيني حبيبتي
أنتي قوية أني بالطريق إچايچ لا تخافين
رجع يكلي بصوت مخنوك
- سارة انطيها الجهاز خلي أحچي
وياها أريدها وينها
مديت الجهاز لشمس رغم وجعها
أخذته حطّيته ع أذنها وصوته جان
عالي يحجي وياها
- شمسي حبيبتي أنتي قوية أني بالطريق إچايچ لا تخافين لا تبچين
بس أوصلي للمستشفى ساعه ويمج
اني
وهي تبچي وكالت له
- أيهم تعال
- چايچ حبيبي
اخدت جهاز منها وهي راحت يم
جربايةكعدت تلوب من الوجع
خليته ع اذني وهو يحجي ويلبس
يمكن لان مبين من صوته دايسوي
شي
- بالله عليچ سارة لا تخلونها وحدها تخاف خابروا حرسريع يوصللكم
اني بطريق لكم
سديته من عده رجعت تلفوني
دگيت ع حر رن الخط وما طول
فتح بسرعة
- ألو
سارة : حر تعال بسرعة شمس
دا تموت من الوجع يمكن عدها ولادة
ما عرف شسوي
حر : لا تخافون دقايق وأني يمكم
سد الخط قبل ما أكمّل هو الوحيد
الي نكدر نعتمد عليه بهل لحظة
مرت الدقايق مثل السنين شمس
تصيح وتلوب وأنا ضايعة بين دموعي ودعائي لها ماعرف شصرف
- يا ربي لطفك يا ربي ساعدها
وثواني سمعنا دگت الباب قوي
رحت أركض فتحت لباب لكيت أم
حر وحر
ام حر : وينها شمس شبيها
ما لحگت أجاوب وراها بثواني
اندفع حر من وراها دخل
ركض صوب الغرفة أول ما شاف
شمس عيونها سادتهن من شدة الوجع إيده نازلة تضغط بطنها وقف بمكانه لحظة
اقترب صوته مبحوح
حر : شمس
لا تبچين أنتي قوية أني يمچ ما
أخليج والله ما أخليج هاي جبت لج
امي وياج
بهل لحظة حسيت إن حر مو بس
خايف عليها كلبه كله وياها مرتبك
ضايع حسيته يريد يسوي المستحيل يخفف عنها وجعها
أم حر ظلت تركض بالغرفة تحضر
جنطة بيها غراض شمس تلف بالملابس وحر ما يهدأ يفتر بالغرفة يباوع عليّه ويباوع ع شمس كل دقيقة يوقف
يرجع يمها يشوفها تلوب دموعها
مغرقة وجهها و أنينها يذبح صاح
ع امة.
حر : راح تموت من وجع ماكملتي
ام حر : يلا يمة خلصت لبستيها
سارة : اي خاله
حر : يلا سارة مشيها وطلعيها
طلعنه للسيارة كل خطوة جانت أثكل
من جبل صوت صياح شمس يوجع الكلب
أول ما صعدنه للسيارة وانطلقت بينا شمس شدت بإيدي بكل قوتها تصيح
حر : شوفها شبيها
ام حر : داتطلك يمة
ام حر تحير شسوي لشمس اني
ضليت بس ابجي ع شمس وع
وجعها وقهرتها ناس تفزع لها وامها
ربتها متجي كل بنت تمنى هيج يوم تكون حاضرة
دخلنه المستشفى الوجع كاتل شمس تصيح وتلوة ام حر لازمتها من صفحه واني من صفحه وصلنه يم باب صالة الولادة اكو ممرضه باب صالة ولادة
من شافت وضعها هيج كالت
الممرضة صارت تكول
- يلا دخلوها بسرعة حالتها ما
تتحمل تأخير
بس شمس ثبتت مكانها شدت بإيد
ام حر وگالت وهي كوة تحجي من
وجع
- لااا ما أدخل ما أجيب إذا ما يجي
أيهم وياي
حر تقدم خطوة له ملامحه معصب
كوة يحجي
- جاي أيهم ولا يصير بيج شي دخلي
وياها
شمس تبچي بحركة هزت رأسها بـ لا
- والله أخاف والله ما أريد خل يجي
هو وحده يكدر يوكف وياي هو
كال وياج
حر : لا تسوينها قصة أنتي هسه أم
لا تخليني أترجاچ تدخلين
شمس : ما أدخل ما أدخل إلا يجي
ايهم
الممرضة رجعت تكول
- استاذ حالتها ما تتحمل كل
دقيقة تفرق
حر فر راسه عليها بعصبية بس من
شافها و شاف خوفها دموعها مغركة خدها كل جسدها يرجف.
تنهد وبدل نبرة صوته صار يحچيها بحدة بس وياها رجفة خوف
حر : لا تخوفيني ترى أني هم أخاف
عليج بس أنتي قوية تكدرين تتحملين
أيهم جاي يمكن يدخل قبل لا تبدي الولادة بس لا تعاندين هالكثر دخلي
وياه ممرضه
- ما أجيب إذا ما يجي أيهم
حر رفع حواجبه وضحك بمرارة
صوته كله استهزاء وياشر ع بطنها
حر: - شنو كليلهن يأجلن جيتهن فد
ساعه شمس عندج موعد خاص لو طلوكة
شمس ظلت تبچي وتصيح
- ما أجيب إلا إذا إجه أيهم
بهاللحظة صاحت من وجعها كل المستشفى رجّت من صرختها
أم حر : مشي يمة لا يصير بيچ شي
ترى يروحون من إيدنه إذا تضلين تعاندين وتتاخرين
بس شمس قافلة ودموعها تنزل
- ما أريد أخاف وحدي أريده هو
يدخل وياي
طلع تلفونه بسرعة اتصل بأيهم
وصوته عالي
- إيهم تعال بسرعة مرتك دا تعاند
ما تريد تدخل إلا إنت ترى راح تعرض
حياة بناتها للخطر
ورجع نطى الجهاز لشمس وهو
يباوع عليها بقهر
- خذي حچي وياه يريدج
شمس أخذته تحچي وهي تبچي
- أيهم مادخل والله أخاف وحدي
تعال إنت وياي مو كتلي اضل فوك
راسج
حر : شيسوي لج هوو يوكف
ويباوع لو يشجع نسوان ياهي تسبق ثانيه شمس هذا طلوكة مو سوالف
حب
بس هي ظلت تبچي والجهاز بإيدها تنتظر صوت أيهم يبرد قلبها
صوت أيهم طلع من السماعة عالية
مال جهاز يحجي وياها
ايهم :حياتي دخلي دخلي أني بالطريق
دقايق وأوصل لج والله إذا صار شي عليچ أموت أني دخلي لا تتأخرين
ام حر : يمة دخلي حرام عليچ ترى
يصير بيچ شي
جماعة المستشفى كلهم صاروا يحجون وياها كل واحد يترجاها آخر شي إجه الدكتورة بنفسه كعدت يمها على ركبها صوته هادي
- حبيبتي ما نجيبيچ بس لازم
نفحصچ نقيس نبض الأطفال نشوف وضعچ طبيعي إذا كلشي تمام ننتظر زوجچ يجي أوك
شمس رفعت عيونها عليه دموعها
ع خدها ترددت شوية وبعدين هزت راسها موافقة
دخلوها للداخل وإيهم بعده بالطريق
ما مرّ عشر دقايق حتى سمعنه صياح شمس من جوه الدنيا كلها كلبتها
صراخها يوجع الكلب وتصيح على الدكتورة حت سب سبتها ودكتورة ساكته
مرّت ساعة كاملة شمس بعدها تقاوم
دكتور اخر شي كلامها جان الأطفال نازلين بحوض وهي ماتساعدهم متعرف
بس هيه الخوف مسيطر عليها و راح تخنكهم إذا ما تعاونت وياهم ام حر ردت عليها تحجي بعصبيه
أم حر:يمة عليمها تطلك وين تعرف هيه
الدكتورة : ماداتسمع كلام وإذا ضلّيت هيج الاطفال راح يختنكون
بهاللحظة دخل أيهم واضح على
وجهه الخوف والتوتر عيونه متعلقة
بالفرغ يدور ع احد يمشي بخطوات سريعة
ايهم : شمسي وينها
أم حر : هلا يمة شلونك حمدلله ع سلامتك بصالة ولادة ان شاءالله تكوم
بسلامة
أيهم: الله يسلمچ يمة عذريني بالي
يم شمسي
هو دايحجي و نسمع صوت شمس
صيح الصوتها راح كد ماصيحت
أيهم : هذا صوتها ليش تصيح هيج
أم حر: غير داتطلك وهيه تخاف
ماكو غير لصيحح
أيهم وكف يم الباب عيونه تدور ع
صالة لان دكتورة متقبل يدخل كوة
دخلت ام حر ورجعت بسرعة تكول
ام حر : ميقبلون كامرات لازم وحدها
أيهم واكف يم باب الصالة مافاركة لحضه وحر يفتر رايح راد وايهم
صوته ساكت بس جسمه كله ينهز كل
ما يسمع صياح شمس من جوه يغمض عيونه حيل ويسحب نفس طويل ويطلع من صدره يهمس آيات بهدوء
– ربّي لا تذرني فرداً ربّي هون عليها
صوته ينكسر مع كل كلمة يكولها
حسته لازم بجيبته خوف عليه
واضح ايدة ترجف خاصه من يسمع
وجعها
والصياحها ما ينتهي كل ما يرتفع
صوتها يتراجع أيهم للورى يضرب إيده بحايط يرجع يردد الآيات بس من وصل للنهاية نفذ صبره دكتورة طلعت
من صاله هو ركضلها
ركض صوب الدكتورة صوته عالي
– دكتورة ليش هيج دايصير بيها ليش
ما تخلوها تخلص بسرعة ابرة شي
وخل تخلص روحها داتطلع
دكتورة : البنيه صغيرة وتوم طلوكتها
صعبه و ابرة متناسبها لان اول بطن
هيه ولادة طبيعية لازم تمر بالمرحلة
طبيعي هذا صياح ولوجع لان الم
ولادة ماينحمل
ايهم : طبيعية راح تموت من الوجع راح تروح مني داكلج روحها داتطلع
الناس كلها وكفت تباوع هو ظل يلح
على الدكتورة
– خلوني أشوفهاشبيها ليش هيج
تصيح أنا زوجها
الدكتورة هزت راسها
– ما يصير تدخل للصالة
أيهم :أريد أشوفهااا شبيهااا خلوني
يمها إذا صير بيها شي والله ما أتحمل
آخر شي الدكتورة التفتت للممرضة وهمست وياها بعدين رجعتله
– إذا نحولها على جناح خاص تكدر تدخل وياها
أيهم هز راسه بسرعة صوته طلع
بنبرة وحدة
– أي شي بس خلوني يمها
حولوه على جناح خاص أيهم دخل وياها أول ما شافها مددة على السدية ودموعها ع وجها وشاحب ركض يمها مسك إيدها بقوة وجهه مصفر من الخوف ويحجي وياها
– شمسي حياتي أني يمچ
❖❀❖❀❖❖❀❖❀❖
ايهم **
من سمعت بيها عدها ولادة حسّيت
دمي وكف بجسمي من خوف عليها اعرف ميقصرون وياها بس اني لازم
اكون يمها ما شفت شي كدامي
لا أخذت إذن لا حجيت ويا أحد والا وياخ مسؤل مالتي بس طلعت ركض
الطريق كله ما حسيت شلون ما أدري شلون قطعته خاص من تصل حر ماترضى تدخل للصاله أتذكرت كلامها آخر فترة كل يوم وكل ساعة تگلي
شمس : أيهم أجي أولد أريدك يمّي
ما عندي أم تضل يمّي خاف اني لاتعوفني بهاليوم
هالكلام ظل يدوي براسي وصلت
دخلت نسيت حت اسلم اسمع صوت صريخها يضرب روحي
من طلعوها من صالة الولادة نقلوها عالجناح الخاص وأني ماعرف شصار ورا الباب كل دقيقة كانت تمشي علية سنة
فتحوا الباب ودخلوها وجهها تعبان
باين عليها كل الوجع بس من شافتني واكف كبالها دموعها نزلت بدون ما تحچي ولا كلمة
نسيت كلشي ركضت عليهاما حسّيت بنفسي كل العالم اختفى بس هي كدامي حطيت إيدي على وجهها وبديت أبوس راسها دموعي تنزل ع شعرها
– شمسي خفت عليج موت والله
خفت أضيعج من إيدي
هيه رفعت إيدها بصعوبة مسكت إيدي اللي على خدها ضغطت عليه بقوة وصوتها مبحوح كله تعب وحنية
– لاتعوفني أيهم لاتروح بعد ظل يمّي
كلشي بعد هالكلمة انهدم بداخلي
حطيت راسي على راسها ومسحت دموعها بإبهامي
– ما أعوفج أني يمج ليوم لآخر نفس
من عمري أني ما أبتعد عنج
عيونها تغمض حيل من وجع بس ابتسامة خفيفة طلعت من شفايفها
الدكتورة تحچي من بعيد
–أستاذ لازم نبلش الأطفال نازلين بالحوض إذا ضلّت هيچ يختنكون
يصير عدهم نقص اوكسجين وهيه هم تعبت
هزيت راسي اي ودخلتها للصاله
ونطني لبس معقم ودخلت يمها وكل ما حاولت تتنفس كان وجهها يتلوى من الوجع وأني لازمت ايدها بقوة وحجي وياها بهدوء
– شوفي عيوني أني يمچ أني راح
أبقى يمچ تنفسي شمسي
إيدها شدّت بإيدي جسمها يرجف
كل ثانية تمر كانت تخلي قلبي ينكسر أكثر وجعها بروحي
تصرخ من الوجع وكل ثانية تمر تخلي كلبي ينمرد أكثر من شفتها تتراجع
مسكت يدها بقوة حاولت أصبرها
وأحچي وياها بصوت هادي
حبيبي شمسي يلا دقايق ويصيرون بحضنچ أني يمچ لا تخافين
الدكتورة ضربتها إبرة بالمغذي ووجعها صار أشد جسمها انكلب من الألم
عضتني بكل قوتها من وجعها
صوت صياحها صار متقطع تعبت
وأني لازم إيدها كل نبضة ينبضها كلبها
أسمعها كل لحظة وجعها يوجعني
أكثر.
وبعد دقائق من الوجع والتعب سمعت صوت صغييير صوت البجي الأولى فرحتي رفعت عيونها إليّ دموعها
– أيهم
ابتسمت ودكتورة لازم اول طفل بين يدها صغيرة تبجي بقوة
الدكتورة تحچي بصوت سريع
– بعد الثانية نازلة بالحوض لازم
تدفعي بعد شوي
شمس تباوعلي بعيونها نصها دموع ونصها تعب تتنفس بصعوبة كل وجع الدنيا بيها لازمة يدي بقوة رجع عدها وجع نفسه وهي همست لي
– أيهم ما أگدر بعد والله تعبت
_شمسي حياتي بعد شوي بعدويخلص كلشي شدّي حيلج تنفسي وياي أني
يمج
بس وجعها زاد وصارت تصيح
–طلاكني أيهم ما أريد أصير مرتك
بعد كله من وراك كله من وراك
_جيبي هسه بس جيبي شتريدين اسوي
سحبت ايدي عضتني من الوجع وأنا
ما حسّيت بوجع عضه كد وجعها
وصوتها يصير أضعف وأضعف تحس
خلصت طاقتها
الدكتورة تصيح
– شدّي بعد بعد شوي
_ اجتي ثانيه
بس شمس عيونها عليه وحجت اني
نسيت كلشي اريد بس تخلص من وجع
– أيهم ليش ما تبچي ليش ساكت
ليش ما تبچي الثانية
وهيه تحجي وياي صوتها ضعف و عيونها غمضن جسمها رتخي وغمضت راسها طاح عالجانب وايدها وكعت من ايدي
صرخت
– شمس شمس
صوتي ارتفع ناديت عالدكتورة
– حچيلي شنو صار ليش سكتت
الدكتورة تصيح عالممرضات صوت الأجهزة ارتفع وأنا تجمدت عيوني
بس عليها
لتموا الدكاترة عليهاكلشي صار
بسرعةوحدة تحچي الثانية تمد يدها تخلي مغذي والثالثة تحط جهاز ضغط عإيدها وجهاز القلب خلوه بصدرها وكلهم يركضون يمها نخبصوا
واحد من ممرضين اخذ طفلة وركض
بيها برة اسمع صوت حر يصيح بسمي
أنا واكف بس أسمع صفيرصفير قوي يفجر راسي كأنه الدنيا كلها اختزلت بهالصوت
ما أسمعهم شديحچون أشوف
شفايفهم تتحرك بس الصوت طاير
ماكو صوت ساكتة غير صفير الجهرة
بس ماكو وجهها صار اصفر وشفايفها بيض نفس ماكو يديها واكعة من سدية والدكتورة تصيح
– نبضها قليل خلو الأوكسجين بسرعة
حطوا القناع بوجههاجهاز القلب شاشته وكل نبضة أشوفها مثل ضربة لي
أريد أقربلها بس الممرضة صاحت
– طلع بره لو سمحت خليهم يشتغلون
ما سمعتها حتى بس شفت إيدين تمسكني وتدفعني بره الغرفة اذكر عيونها عليه ذاك الوجه التعبان بذيج النفس الأخير
طلعت وما أدري شصار كلشي سواد صفير بأذني
❖❀❖❀❖❖❀❖❀❖
سارة **
جانت اللحظة قلق حتى النفس
صار ثكيل علينه حر من سمع صوت شمس تصيح جوّه يحجي وياه امه
بحركة
حر : يمه صار كم ساعه وهيه هيح
محد كدرت تولدها تعبت طلعوها
ام حر : عادي يمة هاي ولادة اكو
نسوان ضل ايام
بهل اثناء سمعنه صوت طفل يبجي
واحد باوع ع ثاني ضحكت وكلت
الام حر
سارة :جني بنات شمس نورن دنيا
ام حر : اي حمدلله صوت بجي
مامعنى ولدت
حر رجع واكف يم الباب ما يعرف
يثبت نفسه يتمشى رايح جاي مررت
دقايق ونسمع صوت ايهم يصيح
وممرضة شايلة طفلة تركض بيها
وحر كبل باوعلي وكعد ع ذني
كرسي الاستراحة وحجه
حر : سارة شبيها شنو صار ليش يصيحون لا تكليلي صار لها شي
– ضليت ساكته مارديت بس هو
خاف اكثر مني عليها كاعد احسيت
ميكدر يوكف من سمع صياح ايهم
بهل اثناء أيهم اندفع من الصالة
وجهه مصفر عيونه مفتوحة على
وسعهن يتنفس بصعوبةلازم حايط
وسند راسه عليه
ركضتله أم حر له واني وحر
من خوف لي حتلنه نخاف نروح
نكله شصار
ام حر : يمه شبيك شنو صار
بيها شي شمس ليش نخبصوا
ميكدر يحجي كام حر له سندة
واخذة قاس ضغطه ودكتور كال
– عده ارتفاع قوي بالضغط لازم
ياخذ علاج
واني وام حر ضلينه رايحين رادين
للصاله نسئل عن اطفال وشمس وحر
يم ايهم وضعه مو زين وشمس صار عدها مضاعفات شوية ورجع حر
چنت أشوفه يباوع صوب صالة
الولادة كأنه فاصل عن كلشي
عينه عالباب ما يسمع أحد ما
يحچي بس صوته يردد
حر : بس تطلع بخيربس هي
والبنات بخير يارب طلعهم بخير
أم حر رحت له كعدت يمة
وكالتله
ام حر : يمه هي بخير إن شاء الله الدكتورة وياها والبنات بخير بس
ثانيه عدها نقص بالاوكسجين نقلوها
خدج
حر ضل ساكت نظراته ما تفارك
الباب و بعد ساعة توترصوت
الدكتورة طلعت من الصالة صوته
هادي بس بيه راحة
– وضعها استقر النبض رجع طبيعي الحمدلله مرت الأزمة
تنفسنا كلنه بنفس واحد أم حر
ظلت تبچي وتسبّح وحر يهمس
– الحمدلله يا رب
ورا شوي طلعوهم على سرير نقال
شمس وجهها أبيض مثل الورگ
شفايفها بيض من التعب الحمدلله
مهم هي زينه هذا أهم شي
نقلوها لغرفة خاصة بيهانظيفة
وبيها ريحة تعقيم قوية أم حر يم
راسها تمسح ع شعرها ممرضة خلت
علاج لها وره شوية اجتي دكتورة
الدكتورة : نبضها مضبوط بس تحتاج ترتاح جسمها مرّ بتعب قوي
شوية وكالت
دكتورة : محد سئل ع اطفال
سارة : اي صح دكتوره شلونهم
جنه خايفن ع شمس نسينه كلشي
تقيس بالضغط وتحجي وهذا
استقر ضغطها همينه شوي شوي
ترجع صحتها والاطفال بنوتة صحة
زينه وثانية مختنكة عدها نقص اوكسجين بسبب اختها صايرة فوكها
بوقت بولادة لان هي تاخرت جانت
خايفة
سارة : وهسه شنو يعني بيها شي
دكتورة : لا يستقر اوكسجين ونطلعها
حسيت حر تنفس براحة من سمع
هيج وگاللها
– أريد أشوف بنتها وين نشوفها
دكتورة : بقسم خدج بس من بعيدا
لا تتقربون ع اطفال مو زين عليهم
طلعننه أني وحر من الغرفةمشينه
سوا باتجاه الخدج وصلنه شفنها من بعيدالزجاج الفاصل بيننه وبين الأطفال
وصوت الأجهزة بكل جهة
حر سأل الممرضة
– بنيّة شمس وين
الممرضة قرت سجل و گالت:
– هاي رقمها سبعة بعده وضعها
مراقب عدها نقص بالأوكسجين
بس مستقرة حالياً
چنّا نباوع عليها من ورا الزجاج
بنية صغيرة ملفوفة بلحاف أنبوب
صغير بخشمها
حسّيت گلبي طار من شفتها دخلت
كلبي حسيتها شمس حر واكف
ملامحه حزينة و كال
– سبحان الله شمس ثانيه
سارة : الله يحفظها راح تطلع
بخير شكلها قوية مثل أمها
الممرضة رجعت گالت
– ما نكدر نخلي أحد يدخل بس
الأم أو الأب وبموعد معين حتى الأوكسجين يستقر
أشرنا براسنه ومشينه شويه بعيد
ظلّينا نباوع عليها من ورا الزجاج
وكل نفس بيه دعاء واحد
_يا رب لا تخلينا نخسر بعد ما
ارتاحت شمس يا رب لا تفجعها
رجعنه لغرفة شمس بعد ما وضع
الطفلة استقر وسئلت ممرضه
ع ثانيه
ممرضة : عد دكتور لخصائي راح
يشوفها ويرسللها بعد شوي
رجعنه بطريقنه غير صوت خطواتنه بالممرتعب الساعات الماضية مبين
ع الكل
فتحنا الباب بهدوء ريحة التعقيم
قوية بعد بس الغرفة دافية والجو
شفت أم حر كاعدة مسبحة بإيدها
وايهم يم سرير شمس راسه نازل ع ايدها ومغمض عيونه شكله مو نايم شكله ميت تعب وخوف
ايده اليمنى مربوطة بيها كانولة
ومغذي والايده الثانية شادها بايده
كأنه يخاف تروح منه لو لحظة
كفوفهم متشابكة وشمس نايمه
حر من شاف ايهم طلع كعد برة
قربت من ام حر وهمست
سارة: شلون صار ايهم
ام حر : من شافها طاحت كدامه
ضغطه عالي حتى ربطوله مغذي
حت يستقر وضعه بس ميرضى
خلوه هنا له قبل
صوت الأجهزة يرن بخفة والضوء
الأصفر ينعكس ع وجه شمس
نظرت إلها ودموعي صارت بعيوني
سارة :الله يخليهم لبعض بس
هي ما طلكت وحدها طلعت روحنا
وياها
ام حر : حمدلله ع سلامتها يمة
سارة : الله يسلمج عمة
شمس حرّكت إيدها شويه حسّ
بيها أيهم رفع راسه لها بلهفه وجهه
كله تعب بس من شافها تتحرك
لازم إيدها زين گال بصوت ناسي
وجودنا ناسي كلشي
ايهم : حبيبتي شمسي تعبتيني والله
شوف فتحي عيونج خل يرتاح كلبي
فتحت عيونها وهمست بصوت ضعيف
– وين البنات
ايهم : انعل ابو البنات غير
اني يمج
بتسمت ورجعت كالتله
شمس : بناتي وين
گالها وهو يضم إيدها بحنية
– هسة يجبوهن لج حت اني لسه ماشفتهم انتضرج نشوفهم سوة
يلا كعدي
سحب ايدها واباسها
ابتسمت دمعة نزلت من عينها
حاولت تحچي بس التعب غلبها
غمضت عيونها مرة ثانية
أيهم : الله لا يحرمني منج ولا من
نفسج
أم حر گالت وهي تنهض شوي رحت
يمة
– خلها تنام جسمها محتاج راحة
كلشي راح يهون إن شاء الله
كعدت يمها اني ضليت أباوع على المنظر أم حر تدعي وحر ساكت خوف
وقلق خلنه ميحجي حرف وكاعد برة
وأيهم لازم إيد شمس كأن يربط
عمره بيها الغرفة كلها سكون بس
بينا ألف صوت صوت تعب صوت
خوف وصوت حب مخنوق بين
الدموع والراحة فعلا ربي عوض
شمس بعائله مثلها
وراه بشوي انفتح الباب
الممرضة دخلت شايلة طفلة
ملفوفة بلحاف وردي صغير
كالت الممرضة
– هاي البنية و الثانية تحسن
ويستقر الأوكسجين تحسّن ونقلناها
يم أمها
كلنه وقفنه بنفس الثانية أم حر
اخذتها من ايدي ممرضه تصلي
ع النبي وتسمي عليهابإيديه بحذر
ضمتها بحنية أم و عيون ايهم
جانت تتبع كل حركة يباوع للبنية
بنظرة ما توصف نظرة بيها حيرة
وفرحة وخوف ولهفة بنفس الوقت
مثل لي بعده مو مصدگ إن هاي
بنته وقطعه منه
أم حر شالت الطفلة وقربتها منه
گالت
_تعال يمه شوف بنّيتك شمس
جابتلك عمر جديد
ايهم رفع عيونه ع شمس والتفت
للبنية عيونه متغرگة بدموعه مد
إيديه أخذها بحذر چفوفه الجبيرة
تحت جسمها الصغير خاف يضغظ
عليها
قربها من صدره دنك لخدها باسها
ويرفعها يشمها وهمس بصوت
يحجي وياها
_من هسه تعبتي أمج
ابتسم وهو يباوع بوجهها الوردي
تنفسها الخفيف أصابعها الصغار
تتحرك بخفة كأنها تحس بيه يندك
يبوس اصابيعها ندمج وياها ناسينه
قربها شمس وكال
ايهم : اجتج رزان شمسي
باوع ع شمس نايمة رجع باوع ع
طفله
ايهم : هاي امج ماتشبع نوم
ام حر : خليها بمكانها لحد
متصحصح امها
دخل حر يباوع عليه وابتسم
حربصوت كله ضحك ومحبة
حر : والله وصرت أب تتربى بعزّك
ودلالك يابه
مد إيده وگال وهو يمدها صوب
إيهم
_تعال لخالج خل أاشوفج
إيهم رفع نظره له وهي بحضنة
نبرة صوته تعبان
ايهم : لا ما تجي
حر ابتسم وكال
_يابه خلي نشوف طفلة لا تظل
مجلب بيها هاي هم شمس
إيهم باوع لبنته و گال وهو
يبتسم
_بس هل مرة أقبل بس لا تطول
ولا تبوسها
حر هز ايدة وهو مدها بحذر لحر
أخذ الطفلة بإيديه وعيونه صارت
تلّمع وكال الامة
حر : شو هاي نفسها نفس شكل
اختها بالخدج
أم حر : غير توم شبه بيناتهن طبيعي
حر رفع حاجبه وكال وهو يباوع
عليها
حر : صار عدنه 3 نسخ من شمس
إيهم ابتسم وهو يهز يدة
_وانت شكوأني اللي صار عندي
مو إنتم
ضحكوا كلهم حر متقصد يضوج ايهم
وهو من كل عقله يغار عليها حت من
حر جو الغرفة تغير من تعب ودموع حنية وضحك
شمس بعدها نايمة لان علاج ينومها
وايهم راح يشوف بنته بالخدج وام
حر مددت ع قنفه بالغرفة ونامت
خطية تعبت ويمامة لكل دقيقة تتصل
وغزل يمكن متعرف بشمس
شوية سمعت صوتها تبچي رحتلها
من شفتها حسّيت شي يجبرك
تشيلهاوتحطها بكلبك مو بإيدك.
شلتها قربت وجهها لي وبوستها
نفس شكل أمج نفس الملامح نفس البسمة إن شاء الله تطلعين نفس
طيبة كلبها يا بعدي
چنت دا أحچي وياها وسمعت
صوت من وراي
حر : وإنتي هم طيبة
التفت عليه ابتسمت وگلته
_شكراً.
بس نظراته نظراته ظلت علي
نزلتها بفراشها بهدوءغطّيتها حضرتلها
الممه كل خطوة أسويها أحس حر
بعده يباوع لي مو نظرة فضول لا
نظرة بيها شي غريب
شمس كامت تصحصح وداخل ايهم
يمها بكل حنيةأول ما مكعدت عيونها تدور على بناتها وگالت
شمس : أريد أشوفهم
ايهم ضممها بحضنه وانطيتهم بتهم شمس فرحت عيونها تضوي من الفرحة
شمس ضمت وجهها شفت منضرهم
طفله بحضن شمس وايهم حضنها
من خصرها واكعد يمها ع سرير
شمس يم ايهم تختفي اني كبل
طلعت جهاز وكمت اخذ لهم صور
عفوية وحر طلع جهازة ولتهى
بي اني غير احس وبعد نضري لا
مستمتعه ع حنيه والحب مالتهم
شمس باوعت الايهم وكالت وگالت
شمس: أيهم أريد أشوف لي بخدج
كلبي وجعني عليها
شافها مقهورة قبل اخذ بنته وخلها
بفراشها وصاني عليها وسند شمس
وكفت بس شافها كوة تمشي شالها
بين إيديه وهيه ضمت روحها
بصدرة
واني وحر واحد يباوع ع ثاني
عيوننا
حر :شو ذولة مايستحون
ابتسمت ودنكت افكر شنو من حب
حبهم ايهم جان كلش جامد متشدد
بس خلال الفترة اللي عشت بيها
وياهم شفت أيهم ينسى نفسه إذا الموضوع يخص شمس يحچي بحب واهتمام وينسئ دنيا كلها حبه لها
صافي ونضيف
❖❀❖❀❖❖❀❖❀❖
شمس **
ايهم شلني وضمّني بحضنه شعرت
بدفا جسمه ينتقل لي أمان يمشي بخطوات هاديةكل خطوة تحسّها
دخلني خدج وكلشي حولنا صار هادي بس كلبي جان يدك بسرعة ضحكتي الصغيرة مختلطة بخوف وفرحة
أحسّت عيوني توها تفتح على الدنيا
بعد التعب اللي عشته
ايهم يحجي وياه الممرضة
ايهم يطمّنّي:
لا تخافين بس نحتاج نكون بعيد شوي ميصير نتقرب اكثر
وكفت يم جامة شفت السوار بيدها مكتوب عليه بت شمس حسيت
الدنيا كلها ابتسمتلي
ايهم وكف وراي ساندني نزل راسه ركبتي وهو همس
_نسميهم رزان وروان
بتسمت هزّيت راسي وهو ظل يباوع عليّ بعينه الواسعة اللي كال بهدوء
ايهم : تتذكرين شمسي
رجعت بعقلي لذاك اليوم جنت تعبانة
من الحمل هرمونات جسمي تلعب بيّه روحي طالعة واني ما أعرف بيمن أطلع حركتي كلشي جان يعصبني حتى
نفاسي ما أتحملها
كعدت أبحث ع أسماء للتوم أسماء حبيت اسم رزان و روان
وحسيتة مناسب للبناتي
رحت لإيهم وهو كاعد ويكلب
بتلفونه گتله بصوت كله لهفة
_إيهمي راح أسميهم رزان وروان
ها شتكول حلوين
رفع راسه من التلفون ظل ساكت
ثواني بعدين كال
ايهم : لا
صفنت بوجهه كل هرمونات الحمل
كل القهر اللي بصدري طلع گتله
شمس : وليش لا منو ذني اللي ببطني غير بناتي اني تعبت انت كاعد ع
حاضر تجيك بنات
ابتسم هو ابتسامة صغيرة يحاول يسيطر على الموقف وكال
_نسميهم تبارك وريتاج
شمس : تبارك وريتاج منو ذني
ايهم : بعدين نختار المهم صحتج وصحتهن هسه
شمس : ليش بعدين روح شوفلك
وحدة غيري تجيب لك وانت سمي براحتك
ايهم : لا انتي تجيبن لي وترسين
للبيت بنات
يحجي برود واني مدري شبية وليش
هيج احترك كلبي وصرت ابجي بقهر
ابجي وادردم عليه
_هسه اروح يم حر خل يفدنك
ريتاج وتبارك
رحت للغرفة ادردم عليه فتحت
الكنتور لم ملابس الجنطة حتى
شفت إيهم ورا ي وكال
ايهم : بوية شتريدين تسمين سمي عسى ماعتريس
شمس : لا صاير متحبني
دموعي تنزل بلا وعي من كل
التعب والخوف من ولادة إيهم شافني گعد يحاول يسيطر على نفسه ويتحمل
تنعوص مالتي
داخله بكنتور لم بملابسي ع اساس
هو وصار وراي حضني من وراه
راسة بركبتي يبوسني ويحجي
_قسم بالله غير حبچ وانتي ماشفت
بعدأحس ماكو نسوان بعدچ شمسي
من خليتج بحضني اول مرة وريحتج
صارت ادمني وصرت عايش عليج
رجعت لوقتنه بتسمت بوجهه مجرد
هو يمي احس دنيا بخير حب لي
مفرحني احس عوض ربي
رجعني للغرفة اخذت علاج ورضعت
رزان شوية و روان بعدها بالخدج
دكتورة كايلة لايهم عادي تكدر
تخرجوها للبيت بس طفله ضل
بالخدج
ماقبلت اطلع الا وياها بس بعد
ماحجت وياي ام حر ستحيت اردها
وهي صارت لي امي هيه ضلت
يم روان وسارة حضرت غراض
اكدر امشي بس احس بدوخة
وتعب
ايهم اخذنا للبيت وداني للغرفتي
ايهم وسارة يحيرون شيسون ويخلون وايهم طلع كال عدي شغل لعصر لباب ندك
سمعت سارة تسلم وتهلي بيهم قترب
صوت هذا كامل ونغم واخوان ايهم
كلهم دخلت سارة وياها نغم وريم
وفاطمة سلمن عليه وباركلي
فاطمة بس تباوع لي احسيت
عدها حجي بس اني حاولت ماحجي
وسويت نفسي مو منتبهى لها
دخلوا عليه اخوان ايهم يسلمون
ويباركون لي احسيتهم فرحانين
لايهم
جسار: هاي حلوة بتج لابني اخذها
بلكت تكسر انتاجنه
كامل : ماضالم بت اخوية بجهالك
سجاد : شو هاي شكبرها
حصل لطمة من كامل وعاط بي
كامل : طفل مايحتمل عين شبيك
سجاد : ع اساس هسه هي ليسا
شو جنها شمس بس مختمرة
رفعتله حجابي وكتله وشبيه
اني
سجاد : غير تموتين غير كيك
ايهم : غير راح اكص لسانك بيدي
جسار : انت بيمن تتغزل مرت ايهم
هسه ينفذ عليك حكم الاعدام
كامل : طبة مرض شكو يتغزل
اختلفوا عليه عفيه كلكم ضدي
ضحكوا كاموا سلموا ع ايهم ويباركون
له سارة ونغم وفاطمة حضرن عشا
رجعوا لمتهم وضحكهم وسوالفهم
وايهم مندمج وياهم واحسيت كلش
فرحان بجيتهم
كملت عشا وتعشينه كامل اخذ ايهم
يحجي وياه برة رجع وجهه مكلوب
كوة يحجي كعد يمي ولازم ايدي
ايهم : اني مكدرت اخذ حقج والله حاولت مكدرت
شمس : ياحق ايهم
ايهم : حقج من حسن اقسم بالله
ردت اخذة بس مكدرت اخوية جزء
منني شسوي له
شمس : شذكرك بهالموضوع
ايهم : اليوم كامل صالحنه ومكدرت
اردة ادري بي هو يتعب وينقهر اذا
ضلينه منتحجه يكول متندم وتغير
شمس : اني اريد ترجع علاقتك
بخوانك ماريدك تعوفهم انت ربيتهم ماراح منعك منهم ماا حسن خلي هل
شي بيني وبين ربي مهم انت ترجع
باسني براسي وكام طلع يمهم رزان تبجي سكتتها وكل شوية اتصل ع
عمة ام حر اشوف روان شلون صارت
بشرتني باجر تجيبها وتجي
ال 12 سلموا طلعوا وجايبن هدايا
للبنات وسارة خطية بتلت بتنضيف
والبيت ومتحجي ولاتشكي
من طلعوا صحتها تجي يمي
شمس : عوفي لا تشتغلين بعد
سارة : ليش ترة احب انضف
شمس : تعبتج هاي فترة
سحبت ايدي لها بحركة غير متوقعه
منها باست ايدي كبل سحبتها مصدومة
من تصرفها سحبتها لحضني وهيه ماصدكت حضنتها صارت تضم روحها
بيه
شمس: شبيج يروحي احجي
سارة : مابيه شي بس اشتاقيتلج
وحنانج لي امي انتي
بستها براسها وكلتلها
_شنو لي ترتاحين بي اصير لج اهم
شي مرتاحة
خليتها بحضني حسيتها احسن من
قبل بدت تتعايش ويانه اخذني واهس
نمت اني وياها
حسيت ع واحد يكعد بيه باوعت له
ساعة واحدة وفارش بالكاع كبل كلت
له
شمس : هاي وين جنت
ايهم : شنو يابة ناسيه عدج بنيه
من 12 لسه تبجي بدلت لها وسويت
ممة وكوة سكتت
شمس : عزه شكد شربتها شلون وليش
مكعدتني
ايهم :: شكعد منج وهاي نايمة فوكج
هذا لو ايهم هيج نايم جان كمتي تنعوصين. عليه
شمس : جيب روحك ع سارة جنها عصفور
تقرب يمي يشاورني
ايهم : شنو ناسية عدج رجل
شمس : صبح طلعت من مستشفى
ايهم : شاريد اني بس انومج بحضني
باوعت عليه وع سارة سحبت نفسي وكمت نمت بفراشه اجه يمي
ايهم : دني لي
شمس : شدنة هو دوشك واحد
ايهم : اي ادري نام بس بفراش
واحد
شمس : شلون يابة
نام هو سحبني لحضنه من نومني ع صدرة احس شوية وراح يكسر عضامي
شمس : شسالفه وخر وين جنت
ايهم : اي مو سارة وتحضنيني
شمس : صدك تغار من سارة
شو هذا كام وطلع برة ضليت
صافنه هسه صدك يحجي يغار من
سارة لو دايشاقة ضليت انتضرة
كلت هسه يجي مااجة تاخر
طلعت برة لكيته نايم بصاله فارش
بالكاع وايدة ع وجهه ونايم وكفت
ع راسة مال هسه انطي دفرة
صفنت بي هو ثور ع كولت غزل
وين ترهم بي دفرة كعدت يمه وخرت
ايدة عن وجهه نايم باوعت لوجهه
شو هذا صاير حلو وشورابة صايرة
ثخان محددتهن لشفة فتحت ايدة
ودخلت بحضنه اشو هذا كبل حضني
رفعت راسي له وكتله
_ مو زعلان
ايهم : كلت اذا مااجتي اروحلها
اسحلها وطلعها بس انتي اجيتي
شمس : يايمة شوف لحب ميعرف
كرامة
ايهم : يعرف يعرف بس اني لان
مكدر نام اذا مو انتي
شمس : وبدوام تحضن منو
ضل ساكت رفعت راسي له ماكو
غير ركبته يمي عضيته منه كل قوتي
ايهم: خرب بااهلجج خبلة انتي
تعضيني منه
شمس : تنوم منو بحضنك بدوام
ايهم : خبلة انتي انوم منو يعني
شمس : اي بله تنوم منو
ايهم : هو ماكو غير جعفر
ضليت ساكته ودرت وجهي عنه
رجعني سحبني له
ايهم : نوميني مثلا سارة
عدلت نومتي نمت ع ضهري وفتحت
ايدي هو خله راسه ع صدري رفعت
ايدي العب بشعرة
شمس : بس صماخك ياعادل سارة
مرتين بوية اختنكت
ايهم : اشش خليني انام
سكتت هو غفى واني هم حسيت ع
سارة تكعد بية ودايرة وجهه للمطبخ
سارة: بنتج تبجي شمس معرف اسكتها
شمس : اي حبيبتي جايه
رحت وياها رزان اشوفها لكيتها تبجي
شنسوي متسكت اخر شي حطينها وضلينه نبجي وياها
دخل ايهم علينه عاكد حواجبه
يريد يعيط بينه لان صار هواي
تبجي
ايهم : هسه منو يسكت منو شكو
تبجن
شمس : متسكت شنو نسوي لها
ايهم : جيبها
اخذها خلها ع جتفة وكام يطبب لها
بثنين اصبيعه ع ضهرها وهيه سكتت
رتاحت
اني ضليت اباوع ع سارة وهيه تباوعلي
سارة: انعل ابو بنتج
اني فتحت عيوني نصدمت ايهم
كبل حجه
ايهم : لا والله انعل ابوج انتي
سارة استحت هي ضاهر هيج حجتها
من تعب ركضت لغرفتها وراحت
اني رحت مددت ع جرباية نمت هو
ضل شايلها يفتر بيها لحد مانمت
خلها بفراشها واجه يمي
ايهم ; نومت بنتج صار دورج
شمس : ايهمي حبيبي
ايهم : تعاي اني انومج
شمس : يكولون ليش تحبي دشوفوا
شلون ينكرط
ايهم : كافي يلا تضلين نطمري
شمس : هو انت مال رومانسية
ايهم : اي بس مو هسه من طيبين
نمت ماحسيت غير ع سارة
كعدتني مخليه بحضني رزان
شمس : وديها الايهم يسكتها
ضحكت وحجت هاي روان طلعوها
كمزت كبل من فراشي
شمس : يمة بنيتي جيبها
انطتها لي نفس شكل رزان نسخه
منها ضحكت واني ابوس بخدها ع
كيفي دخل ايهم يباوعلي ويحجي
ايهم : منين تلكاها من بناتج من سارة
ضحكت سارة وطلعت هو جاب رزان
واجه يمي كعد خليت راسي ع جتفه
وهو دنك باس راسي وحجه
ايهم : ربي لا يحرمني منجن ولا يشوفني بيجن مكروه
شمس : امين حبيبي ولا منك
شوية سمعنا صوت حر يصيح
ع ايهم
حر : اخذ طفله وشرد هذا
ام حر : شعليك بيهم
حر: شمسس ولج تعاي
كوم ايهم زحمة منهم تعبانهم ويانه
اتشكر منهم هز راسة وخله رزان
بفراشها وطلع واني كمت خليت
روان يم اختها لبست داشداشه ولفيت
شالي وطلعت يمهم سلمت وكعدت
ايهم ضل يتشكر من حر وام حر ع
وكفتهم ويانه
حر : سكت شنو حاسبنه غربة
اختي شمس واجبي هذا عليها
ام حر : اني امها وسويته قليل
بحقها
اني لا شعوريا كمت حضنتها بوستها
رفعت راسي بتسمت لحر ورجعت
نضري لايهم خازرني باله راح احضنه
هم
رحت وياه سارة للمطبخ صح مو زين
وكفه هواي عليه بس هيه هم تعبت
وياي هاي فترة حت لو بس اكعد
يمها
لـ 11 وندك باب بيتنا وطلع ايهم
فتح باب وشويه ضل بالباب وراها
دخل كامل وحسن ونغم
سارة : هذا شنو جابة علينه
شمس : مادري لحد يفوته عليه
ماريد اشوف شكله ولا سلامة ولا
اعتذرة
سارة : من يجي ايهم اكله
طلعت من طبخ صار حر كبالي ضل
يحجي وياي ويعلمني ع علاج روان
وضعها خاص ولازم ادير بالي
دخل ايهم وكامل وحسن سلموا
اني مارديت ضليت مدنكة حر
وكف مقابيلي غطى عليه
دخلوا كعدوا ندار يحجي وياي منو
هذا لي وياه كتله اخو ايهم الصغير
هز راسة ورجع سئلني ليش ماسلمت
ضليت ساكته هو محجه شي عفته
بالباب ودخلت وراه نغم
نغم دخلت يم سارة بالمطبخ تحجي وياها من دخلت الكيتها تبجي ونغم
حضنتها
شمس : شبيج سارة ليش تبجين
نغم : شوفي شمس ادري بيج ممقصرين
وياها وتحبوها بس سارة ضلتها يمكم
غلط
شمس : وين غلط بالموضوع
نغم : شنو ضاله يمج لو تروح يم ابوية
لو ترجع بيت امي
شمس : قصدج خدامة بلاش مو
نغم : شبيج شمس تضل امها ليش
تزرعين هيج بعقلها
شمس : مازرعه شي هاي امج هيج
نغم : احجي بادب شمس تضل هيه
ربتج
شمس : سارة متروح منه مسويلها عدم
تعرض لكم كلكم محد يوصل يمها
نغم : تمام خليها تتزوج
شمس : تتزوج شنو
نغم : اي تزوج احسن تستقر وتستغل
هل فرصة لان ماراح تجي غيرها
شمس : يافرصه
نغم : حسن يريدها واجه يخطبها
ياخذ رائي ايهم ويروح الابوية يطلبها رسمي منه ...