رواية شمس الايهم الفصل السابع والعشرون 27 بقلم شهد الدليمي
ياروحي الايده بجمر مو مثل
الايده بماي مليت من الحجي
الذيب غط الغنم ولراعي يعزف
ناي بفنجاني تقره وقرت ضيم أو
مأسي أو تعب كتله هاذ المضه
كلتلي هذه الجاي وصحراء تقضي
البقه بس الرمل ول عطش ما تملكه
بيه فياي كتله هذا البشر بصرخه
بديت العمر وصرخات من ينتهي
وماحد يروح وياي
⸻❁⸻❁✿❁⸻
ايهم *
– كامل شمس بيها شي
هز راسه بـ (لا)
– لعد شبيكم
– إيهم… شمس شردت
– شنووو شردت وين راحت صارلها 15 يوم وانت ساكت ليششش ماكتلي ليش ماگلتلي أدور عليهااا
ضليت أباوع بوجه كامل
– كامل ليش ساكت بنيه وين
راحت 15 يوم وانت ولا خبر
ليش ماكلتلي ليش خليتني عايش طبيعي وهي ضايعة
كامل : إيهم دورنا بكل مكان
يم أهلها يم صديقاتها يم كل
واحد نعرفه بس ماكو أثر
– دوّرتوا شنو انتو دورتوا بضميركم
شمس ما تروح بلا سبب
_أكو غلط! أكو شي صاير ليش ماحچيتولي من أول ساعة ليش خليتوني آخر من يدري
– آني أعرفها شمس ما تخون
ما تترك ما تهرب أكو سرأكو شي
وأني لازم أعرف وين كامل كوم
نكلب الدنيا وما نرجع إلا وهي ويانه
كامل : إيهم لا تتهور خل نفكر بالعقل
– العقل وين جان وهي
ضايعة شلون فكر بعقل ومرتي
مجهول مصيرها شلون وگلبي
نار ما أهدأ إلاألكاها وإذا مو
إنت آني وحدي أطلع أدور عليها
كامل : دورت بكل مكان بس
ماكو خبر
_إيهم اصبر نروح سوا
– ماكو صبر 15 يوم راحن دقيقة بعد ما أضيع كوم نروح لخالتي
لازم نعرف وين راحت من بيتهم
شمس ما ذبت بالهواه اكو شي
_طلعنه من البيت ساعه وصلنه
دكّيت الباب بكل قوتي سارة
فتحت باوعت وجهها شاحب
اول ماشفتها كبل سئلتها
أيهم : سارة وين شمس
ماجاوبت خفضت راسها
كامل حجه بهدوء
_سارة خالتي جوة
هزت راسها بـ إي وخلتنا ندخل
دخلت للبيت أشوف خالتي كاعدة
بصاله وطبيعيه وبارود
_گلت بحدّة : السلام عليكم
_ردت : وعليكم السلام
اني ماكدر أسكت صوتي عالي
–خاله وين شمس
هزت كتفهاما أدري كعدت
صبح مالكيتها
_ شنووو كعدت وما لكيتيها
و15 يوم ساكته ليششش
ما حچيتوا ليش ماگلتولي
كامل حاول يهدي بيه وحجه
كامل : خاله يعني ما تعرفين وين
راحت يمكن رايحة لعمامها يمكن
عد أحد
خالتي ردت ببرود
الام : شردت مادري شنو براسها مثلا
ماجنت يمي وطلعت مزوجه واني مادري بيها
_أيهم : شردت شمس شنو تحچين
خاله شمس ما تسويها ما تطلع بلا
سبب انتي تدرين ما تروح إلا
مجبورة
خاله هي مالها ذنب اني والله اني..
خالتي : اني حرام اباوع بوجهك
اصلا أكوم اطلع برة بيتي يلا
_شبيج خاله اني مقدر وضعج
واعرف صدمتج بس هيه بتج
لخاطرها
ضلت ساكته
كامل : خاله جنسيتها صوره لها
شي نشتكي ببمركز
خالتي : ميحتاج نشكتي شكو
مشتكين
اعاد اني هنا متحملت وعطت بيها
بكل صوتي
_شنو مانشتكشي بنيه وين راحتتت
غير نعرف شصار بيها بشارع
صارلها 15 يوم
كلبي راح ينفجر من وجع وعقلي مادايفسر شي من سمعت لسه
انتي شهل برود ولا كانو بنتج
بنيه بشارع منو يكول ماصاير شي
وياها
الام : موو بنتي هي
ايهم : شنو مو بنتج
الام : اي مثلا ماسمعت موو بنتي اخذتها في سبيل الله اربيها بس هي ناكرة جميل
ايهم: خاله شسوت هي نكرت جميل
اني جيتج بكل طرق ليش هيج
رافضه موضوع
سمعت صوت نور تحجي
طلعت من الغرفة صوتها عالي:
نور : إيهم لا تظل تصيح ببيتنه
وديناها وخلصنه منها
خالتي خزرتها سكتت
_خاله فدوة اروحلج انتي أدرى
وين ودتيها من أخذها من طلعها
من البيت جااااوبي
خالتي ظلت ساكته نظراتها
غامضة بس ما نطقت
كامل لازمني من إيدي
_إيهم تعال متريد تحجي
سحبني من إيدي يطلعني واني
حجي بحركة وياها جنت احسبها
امي وكفتلي وكفت عدو
_خاله إذا شمس هواه مرّ عليه وشم
ريحتها انتي أول من ألوم لا احسبج
أمي ولا أعد للعشرة من هاي لحضه
طلعت وكل خطوة وعيوني دورت
بسارة ركضتلها لزمت إيدها
_سارة إنتِ أملي آلاخير وين ودتها
أمچ احچي فدوة احچي
سارة تبچي وتحجي
إيهم والله ما بيدي أني ما كدرت
أمنعها من رجعنه للبيت دزتها بيد
اثنين شباب
سحبت نفسي بقوة
– شنووو اثنين شباب شنو
تحچين انتي ياشباب تعرفيهم
هزّت راسها لا
سارة :لا ماعرفهم بس سمعتها
تكول إلهم روحي وياه ولد عمچ
اخبطت الدنيا بعيني ركضت صوب
كامل
– كاملللل سمعتهه تكول ولد عمها
يعني يم ابوها
كامل : إيهم ادعي الله بعده عايشه
أيهم : أحرككهم بليلةضلمة أولهم
خالتي
كامل : امشينه نروح لأبوها
كامل يباوع إليّ يحاول يطمني
_كول يالله مابيها شي إن شاء الله
كامل : شنكول أبوها من روح
أيهم : شكله يعني طلع مرتي
اريدها
كامل : نجب وسكت لا تحچي
أحسن
وصلنه للبيت أول ما دخلنه أبوها
واكف مستغرب ما عرفنابس عرفنه
عن نفسنه تذكرنا
حچيناه بأمور عاديه وحاول كامل
يفتح سيرت شمس لكنه حاير
شلون يكله طلع شمس
واني كل شويه اريد احجي ويستكتني لو يخزرني ماريدني اسئل مباشر
عنها خاف ماكو شي وانذيها
دك جهاز أبوها رد عليه
– ميتة عايشة
– إي وديها وإذا حجوك كلهم
غسل عار
_ أني أجي تنازل عنك إذا ما
ذبحتها أني ابيدي أذبحك
خلص مكالمه وكال
ابو شمس. : مشاكل العالم متخلص
_اي تفضلو خاف جاين ع شي
كامل : اي والله بس كون ماتردنه
ابوشمس : ان شاء الله لي اكدر عليه اسوي
كامل : نريد نخطب مراه منكم لابنه واحنه نعرفكم وعدنا عرف بيكم
واحسن من لغرببة
ابو شمس : والله ماكو حسن منكم
اناسبه بس اني ماعدي بنات كلهن مزوجات
بهل اثناء دخل شاب كمنه
سلامنه عليه وعرفنه عليه
ابو شمس : هذا حر ابن اخويه
حر : حياكم الله منو لجماعه
ابو شمس : كرايبنه من بعيد
حر : ان شاءالله خير محتاجين
شي لو زيارة
ابو شمس : يردون مراه كتلهم مزوجات
كامل : عندك شمس ممزوجه
لي دخل هسه كبل صاح
حر : مرتي هاي اني عاقد عليها
رجعت من الشغل تعبان ساعة 12 الظهر أول ما فتحت الباب شفت
يمامه كاعدة تبچي عيونها منفخة ركضت يمها
حر : شبيج تبچين أحد وياج
يمامه : حر شمس تخربطت ما دا
تاكل كلشي بس نوم اليوم أمي ويا سلطان أخذوها وماعرف شصار بيها
ولا وين ودوها
حر : ليش ما خبرتوني
يمامه : ما لحگت أمي ودتها الدكتور وياها سلطان
طلعت موبايلي من جيبي دكيت
ع رقم سلطان
رن… رن… بعدين رد
سلطان: هلا حر
حر :سلطان وين شمس يمامه تكول أخذتوها وما رجعتوا شصاير وياكم
سلطان : إي صحيح وديناها
للمستشفى البنية كلش ضعيفة
الطبيب خله إلها مغذي وسوّت
تحاليل ماكو شي خطير بس
جسمها محتاج فيتامينات
حر : ليش ما خبرتوني اجي وياكم
سلطان : ماكو داعي هي نايمة
هسه من يخلصون التحاليل
وتكعد نرجعها للبيت
حر : زين الله يشافيها ديروا
بالكم عليها وإذا صحت تصلوا
عليه
للعصركل ساعة تقريبًا أتصل ع
سلطان أسأل عن شمس الجواب
نفسه
–بعدها تحت المراقبةالدكتور
يتابع حالتها
للخمسة العصر رن تلفوني
رقم أمي ردّيت بسرعة
حر : هلا يمّه
أمي صوتها عالي وبس تبچي
– ولَك حـــــــــر لِحَــــــــــك
ابن عمّك أخذ البنية سحل
عافني بالمستشفى ما لحگت عليه اخذها منه
حر : شنوو وين وداها
أمي : ما أدري
حر .: يمّه لا تبچين خليچ يم
المستشفى جاي اني
سديت الخط من أمي دك رقم
سلطان يمكن عشر مرات ماكو رد التليفون يرن وما يجاوب
أبدل ملابسي بسرعة حتى زر
القميص ماكملته نزلت أخذت
السيارة وطرت ع المستشفى
دخلت ركض شفت أمي كاعدة
دموعها ما ناشفه ركضت يمها
حر : ها يمه شصار واخذها
امي : مادري يمه رحت توضه
اجيت لكيته يسحل بيها
تمشيت على صوت الدكتور كتلها
حر: دكتورة مريضه شمس شنو
شصار وياها قبل ساعه هنا
الدكتورة باوعت بعيوني تنهدت وكالت
– چنت حذر بي گتله دير بالك ع
زوجتك وضعها ما يتحمل حامل وجسمها ضعيف وفجأة كام يسحلها
من إيدها وطلع شهل ستهرار بحياة
زوجته
ضليت متبسمّر مكان حيلي راح
عيني راحت ع أمي هي تبجي
وتباوع عليّ كأن تنتظر مني رد
قربت أكثر ع الدكتورة صوتي كله
رجفة وغضب
– دكتورة يمكن غلط بالتحليل
شمس بعدهه صغيرة چانت تعبانة
بس يمكن نقص دم مو شرط حمل
خاف مخربطين
الدكتورة ظلت باوعت عليّ بهدوء وگالت
– لا ماكو غلط التحليل واضح
سويت فحصين حتى أتأكد شمس حامل عمر الحمل تقريباً أربع أسابيع
– أربع أسابيع؟ يعني اكيد حامل
الدكتورة هزت راسها
– إي ابني متأكد أني طبيبة وما
أگلك شي إلا إذا واثقة الحمل ثابت
بس جسمها ضعيف وهي محتاجة
رعاية قوية أقل ضغط عليها ممكن يضرها ويضر الجنين وليش هيج مزوجيها بعمر صغير
حر : هاي اعاداتنا تجي قسمتها
نزوجها
طلعنه من مستشفى واني عقلي
احس وكف بعد مايفكر بشي بس
شلون هل سبب خابرت عليها
وكالت تعالوا احذوها
أمي مسكت إيدي بقوة عيونه عليه
و كلهن خوف ودمع
– يمّه لا تتهور أفهم منه أول شي
لازم نعرف الحقيقة يلا تتصرف
شوف سلطان وين وداها وشصار
ترى هي يتيمه وما نريد نظلمها
بظنونه
حر : يمّه شتكولين وأنا سامع من الدكتورةحامل أربع أسابيع حامل وين الغلط بهاي
أمي : اي افهم منها كلشي يمكن اكو سبب مقنع لهذا السبب گتلك لازم
نعرف كلشي نسمع من لسانه بعدين نتصرف لا تخلي الغضب يعميك
يمّه حسبه مثلا اختك يمامه وطلع
حكها ماله احد هيه
طلعت تلفوني اتصلت ع سلطان
يدكّ بس ماكو رد اتصلت مرة
ثانية ثالثة هم يطن وما يرد
صحت بعصبية
– وعلي اذا مسويلها شي وين
ماجانت ادفنكك
– أنزلنت امي يم البيت وأني
رحت ع بيت أبوها خلي أعرف
من عنده شديصير
نزلت أمي يم الباب ووجها بعده كله خوف وأنا رجلي داست بنزين طلعت
ع بيت أبو شمس كلبي يدك بقوة
والوجع بصدري أول ما وصلت
دگيت الباب بعصبية واني أحس
النار طالعة من عيوني هذا سلطان
كلشي اتوقع منه
دگيت الباب بكل قوتي شوية
انفتحت باب وطلعلي ولد صغير
– بابا… وين
– روح صيحه خلي بابا حچي وياه
_بابا جوة هو وسلطان
ركضت للداخل شافني سلطان
واكف هادي
گلتله بعصبية
– ولك سلطان وين أخذت البنيه شنو سويت بيها
سلطان : خل تولي هاي حامل راح دنس اسم عشيرة كاملة
حر : خل نفهم يلا شنو يعني
هالحچي رجعتون قرن لليورة
يمكن عدها تفسير منطقي
سلطان : شنو تفهم ياعار تريد
تعرف ع لي حبل بت عمك
صوت عمي صار مثل الرعد
– أذبحها ما عدّي بنت هيچ تسوي ضل عايشه
رحت بدون تفاهم ضربته بنص
وجهه بوكس طير نص حجابه
وصحبت بي صوت
_وحگ داحي باب خيبر لو تمس
شعرة من شمس وعلي لادفنك بكاع
ما يلكون إلك أثر بيها آني حر آني الموت اصير لك وانت وما تدري بيه
_ابو شمس يصيح ذبحوها واني
احجي وياه اريده يفهم موضوع
منها ولا يخلوني اشوفها اخر شي
ماشف مني نتيجه طردني وسد
باب بوجهي
طلعت من البيت كلشي داخلي
مولع ناركلشي يصرخ بداخلي
شعوري بالقهر ما ينو يوصف
رجعت للبيت بالليل
كلشي صاير مظلم الطريق كله
صمت دخلت البيت
أمي ويمامه كاعدين عيونهم كلها دموع
امي : حر… شمس وين
انكسر كلبي حاولت أشرح بس
ماكو كلام يكفي
– ماكو أخبار ماكدرت أمنعهم والا افهم منها مادري وين خفوها
صرخت يمامه دموعها تنزل
– شلون خليتها تروح هيچ
_كعدت ع الكاع كلشي
داخلي متكسر كلشي صار صمت
أحس روحي مقطعة من وجع قلبي ينكسر ما كدر أتصرف كلشي صار
فوك كدرتي ماكو حل ماكو شي
أكدر أسويه كلشي صار تحت تأثير
القهر والوجع
ذكرت عمتي ام عدي كلت افهم
منها يمكن توصلني لخيط
اتصلت بيها من جهاز ابويه
اول ماتصلت ردت
حر : السلام عليكم عمه
ام عدي : وعليكم السلام
_عمه بخصوص شمس ليش دزيتها
ويانه مسويه شي مكدرتي تحجي
_هي يمكم تكدر تسئلها
_عمه اريد استفسر منج بشغله شمس حياتها بخطر واهلي دروا بيها حامل تعرفيني شي عن هذا موضوع
_صخام صخمها منين حبلت هايي
شكو تسئلني وجاي تحقق مابيك
حض ولسه ماذبحهاا
_سمعتها هيج تحجي سديته بوجها
نفس طينه بنيه شنو مصيرها الازم
اكو شي يوصلني لها
الليل كله والبيت كله يبجي عليها
بصمت وأنا كاعد كلشي داخلي
يتفتت
واحسساس ضمير ماكلني شلون
اذا سوالها شي ومكدرت اساعدها وخاصه اذا مضلومة
الليل جان ثكيل كل خطوة صدى
كل صوت يخوف ماگدرت أنام
كل ثانية تمر أتخيل أسولها شي
يصير كلبي اشتعل نار كل ما
غمض عيوني أتذكر شفتها مرعوبة
وهي تتألم كل حركةكل صوت
كلشي مثلا يصرخ بي حر أحميها لا تسكتت
لازمت رأسي بيدي أحاول أهدأ
بس ماكو فايدة الخوف ماليني
كلش داخلي متوتر شعور ما ينوصف إحساس بالعجز لي داحس بي
الشمس طلعت وصار صبح ما كدرت أبقى ساكت جمعت رجال أعرفهم
ولهم كلمة كلت اخذهم لعمي
يحجوا مايتسرع
الجو كله توتر أهلهي خايفين أمي
تبجي عليها خوفهم على شمس
كلنا حاسين بان ليله مامرت ع
خير وياها
سبقتهم رحت كبلهم انبهى عمي
جاين عليه رحت الابوها وبلكت
ينطني فرصه احجي وياها بدون ما يورجون العالم وناس تدخل رحت احاول وحدي وراها دخل ناس لي اخابرتهم مايسون لها شي وادعي
كون ماتاخر
دخلت بيت أبو شمس وكفت عند
الباب شفت شباب اثنين جالسين
سلموا عليّ وكعدوا
حر : ماعرفتنه ع جماعة عمي
ابو شمس : كرايبنه من بعيد
_حياكم الله
حر : إن شاء الله خير جيتكم ما تحتاجون شي
كامل : كل الخير
أبو شمس :يردون يخطبون مرة
كتلهم ما عدنه كلهن مزوجات
حر : اي مزوجات
كامل : احنه نريد شمس بعد
ما مزوجة
حر : عاقد عليه أني هاي مرتي
ماحس غير لي وياه صاح بعلو
صوته
إيهم : شنو… عاقد ع مرتيييي
⸻❁⸻❁✿❁⸻
شمس **
ساعات كاعدة بالبيت وحدي
الجدران حسيت بيهن يضيقن
عليّ والسكوت صار مثل صفّارة تدك
بأذني كل دقيقة تمر تحسّها مثل
سنة جسمي يرجف وما أگدر
أغمّض عيوني من الرعب
وفجأة
–صوت مفتاح يفتح القفل
الباب وهو يدخل بيده الصوندة
وعينه ترمي سمّ نظراته نار
تحركني من بعيد قبل لا يوصَلني
صاح بصوت متكسّر من الغضب
سلطان : شَمممصخمة ولججج منين حامللل
ظليت ساكته ما طلعت مني كلمة
معرف لي خلني ساكته شنو بس لي اعرف نفسي حسيته
يحنسب عليه
_ حسيت ضربة الصوندة نزلت ع
جتفي بقوة صرخت من الوجع
إيده تسحبني من شعري رفعني
وره لحظة نزل بيه ضربة بيده
وجعها شلّ حركتي
صوته جان أعلي تردّد بكل جدران البيت
سلطان: ولججج فضحتينننه
كل ضربة إلها طعمها مو بس وجع لا إهانة خوف شعور إني تكسّرت وما ظل بيّه حيل
صرخت بوجّه وهو يضربني
_وخر إيدك هسّه عرفت عدكم
بنت عم وجاي تحسبني
_چنت ألهث من الوجع دموعي تنزل
بس ما كدرت أسكت حچيت واني
أدفر بإيده اللي ماسكني
سلطان :لج ألج عين وتحچييين
وضربني بكل قوته الضربة قسمت
ظهري حسيت روحي تطلع وياها
وكل ضربة منه چانت تسرق منّي
جزء جزء من نفسي ومن جسمي
شالني من الكاع چنت أتتلوح بيده
مثل لعبة شعري بإيده يشده بكل
قوته واني أصرخ وأضرب بإيديي
على صدره حتى يعوفني بس ماكو فايدة
_ رجع شدّني من شعري وضربني
ضربه چنت أحسها تكسر عظامي
مو ضرب واحد يضرب بمجرم ولا
كأنه يضرب مراه كأنه يفرّغ سمّه
كله بيّه
سلطان : احچييي منووو هذا حبللللج
صوته يرعد بالبيت وأنا بين إيديه
أتفتت من الوجع بس چنت أحس
روحي داتطلع بطيئ
ضربه ورا ضربه شفت الدنيا تسوّد بعيوني حسيت دمّ يجري عوجهي ويحرگني كل ما يلمسه الهوا وجهي
كله يوجعني حتى نفسي كوة كمت اسحبه
سلطان : لججج منا للّيل تكوليلي منوو هذا
ما گدرت أتحرك ظلّيت بمكاني
جسمي ما يطيعني الوجع غلّبني وحسيت شي دا ينزل عليّ يمكن دم
كَمِت ألمّ روحي بوضعية جنين
أضم نفسي بيدي وأتنفّس بصعوبة والدموعي تختلط ويا الدم لي بوجهي
ردّدت بكسرَه وخليت ايدي ع بطني
_روح ماما لا تجي لهالدنيا هيه ما
نصفت أمك ماراح تنصفك
مرّت ساعات واني على نومتي
نص غيبوبة من الوجع والتعب
حسّيت الباب انفتح وهو دخل
ما گدرت أرفع راسي
سمعته يصيح صوته يهز وجعي
سلطان : كووومي لج إجاج ملك الموت يوم لَو تحچين
لو أطلع روحججج تحچيننن منووو سوّى هيچ بيج
چنت أحاول أفتح عيوني بس ثگال احس دنيا تفتر بيه هو يظل يصيح
ما يطيني فرصة أگول كلمة
كِمت من مكاني جسمي ماثبت
حتى ما منتبهة ع ملابسي
_أحچي
الكلمات تطلع كوة مني كأني أجبر
روحي توكف بوجهه حتى لو ما بقى
بيه نفس
رفعت راسي بصعوبة وصوتي كوة
يطلع من الوجع
_مزوجه من ابن خالتي وعقد
يمه ماسويت شي بالحرام تكدر تروحله وتسأله
هو ظل صافن بيه نظراته تثگّل عليّ خطوة يتقدم
سلطان : منو يكول تحچين صدگ
_كتلك تكدر تروح تسئله
حسّيت الدنيا تفتر رجليّ يثگّلن خطوتين مكدر اوكف بس هو مارحم يتقدم أكثر وأنا أرجع
سلطان : أگدر أعبرلج هذا الموضوع وأگول مزوّجة وأسوي عقد الج ولي بطنج أنزّله بس بشرط تصيرين لي
مد إيده لازم شعري لفّه بأصابعه بقسوة رأسه نزل يمّي صوته يحز
بأذني
_ بس إذا وفّيتي إذا صرتي إلي
_لا زواج لا عقد بس خلص وقت
يمج وخليج بهالبيت لج وأگول
ذبحتها
قرب أكثر حسيت نفسه الحار
يلسع وجهي وصوته يجلجل
_خلي بالج موتج ع إيدي ما
يشفعلج عقد قبلي افضل لج
كلماته أثكل من الضرب تحسها تنزل مثل سجاجين ببطني
هاللحظة حسيت الموت أقرب من
أي يوم بس الغصّة الأكبر مو خوفي
من موتي خوفي يكدر يستغل ضعفي ويتقربلي
رفعت وجهي عيوني مليانه دم
ودموع وصوتي مخنوك
شمس :إسمعني زين
تگدر تذبحني تگدر تكسرني تگدر تخلي هالبيت كبري
إذا موتي بيدك حياتي مو بيدك
وإذا تريدت تگول للعالم ذبحتها كول بس ذكر شي
_راح يظل صوتي يطردك وين
ما تروح لأن الظلم عمره ما ينسى وما يشرد منه حتى الميت
_تريد تكسرني أني مكسوره من قبل
مو شي جديد عليه وجع
مرر يده على جسمي يحاول يثبت
قوته بس شلت إيده منّي بسرعه
_أموت أشرفلي ولا أعيش بخيستك
الموت أهون من لمستك وساختك
_إنت تحسبني ضعيفة
إي جسمي موجوع مكسورة بس
كرامتي ما دنسها ولا راح تندنس
بيك
_ذبحني إذا عندك حيل بس ما راح تشوفني يوم أنحني إلك وابيع
جسمي لك
سلطان : تحجين بالشرف وأنتي حبله
شمس : …
سلطان : شوفي أني قريب أولى من غريب
حسّيت نفسه يطخ بيه يده ع جسمي
كل حركة منه توجعني أكثر
شمس : ما أدري شلون گدرت أطيّه راجدي كل قوتي كل غضبي جمعته بيّه
سلطان :إذا ما كسرت إيدج لي
مديته عليه وخليتچ تحرمين
ترفعيها بعد
حركته كانت سريعة يقرب يسحب
إيدي بقوة وطَك أصابعي
ما أدري شنو صار شعور الألم ما
ينوصف كل مفصل بيّه صرخة
سلطان : ها حسّيتي بألم هذا بس البداية
سلطان : منين تحبين نبلش
بشعرج لو جسمج
عت شعري شدّني وسحلني من شعري بالقوة حركة منه توجعني حاولت أصرخ حاولت أتحرك بس ماعدي اي قوة بعد استسلمت لكلشي
لازم المقص وابدى يقص بشعري
هذا شعري اللي جنت أهتم بيه وأحبه أكثر من نفسي اليوم شفت كل كاع متروسة بي وكل محاولاتي أگوله لا تكصه صارت عدي عادي كلشي خسرت بحياتي
هاي الليلة حسيتها الليلة الأخيرة لي
الدموع تنزل بصمت وأني أنتضر شوكت يوقف كلبّي
كل شعرة تُنقص حسّيتها تنزل وياه روحي وكل جزء مني ينكسر كدام عيني
كعد مقابيلي لازم مكص ويحچي وعيونه كلها نار
سلطان: راح أتصل ع حيوان سوّى بيج هيج اني نتضره هنا وكليله تعال اخذني
هزيت راسي بلا
شمس : لا…
كبل ضربني راجدي حسيت شفتي طكت دم ووجهي نار احسه
سلطان : حيوانه تتصل بي
شمس : لا
سلطان : ماتتصلين
إجاب صوندة أقسى كل ضربة منه جانت بلا رحمة مثلا يتسابقن يا هي الاقوئ
كل ضربة حس روحي تطلع للحظة
ترجع جزء مني يحترك وكل نفس
يصير صعب والبيت كله صار بس
صوتي بي إلا هو يثبت قوته
ويخليني أحس أني بلا مخرج
صوتي اختفى حتى الصراخ صار
مجرد وهم وجهي ما أحس بيه
عيوني أحسن نسدن كلشي من حولي صار ضبابي
ما شفت شنو صار بالضبط بس فجأة حسيت ضربة قوية على راسي كأن العالم كله توقف
وكلشي صار ضباب دخلت بضلام ماكو نور ماكو صوت كل شي غرقني بالفراغ
✦༺༻✦✦༺༻✦
حر**
حر من كلت هيج حت محد يحجي ع شمس مادري راح احصل كتله أحس واكف يمي يريد ياكلني يصيح بكل صوته
أيهم : هي مرتي شنو عاقد ع مرتي
خلّانه واحد يباوع بوجه الثاني
كامل وكف قريب يحاول يفهم
موضوع صوته هادئ
كامل : أبو عدي اني أفهمك
موضوع شنو
يحاول يخلِّي الأمور واضحة يحاول يخفف التوتر بس كلشي صاير نار
منا كاعه الانفجار صار مسألة وقت
صياح وهوسه وهذا خبصنه خبص
مرتي وكل حجايه وكال مرتي
حر: يابه افتهمنه بيها مرتك بس لي مافهمنه ليش احنه ماندري بيها
كامل بدأ يحجي بصوت هادي
بنية جانت مريضة يمي خالتي
جابتها يمي ارقيها ولازم شخص يلزمها واني بس اخواني حرام يتقربون منها
أني كلت لايهم يعقد عليه لحد
ما طيب وخالتي قبلت ما جنة
نعرف إن الأمور رح تتطور لهنا
الجنه متفقين ويا خالتي إنهم
نجي ونطلبها رسمي عليّ
بس هي كالت
_روحوا لأبوها
وهاي احنه اجينه عليك
أبو شمس : اذا بس عقد عن حلال والحرام بت حامل شلون
أيهم : حامل وينها هسه
الكلام كله صدمة والقلق يسيطر على حركاته كأن كل ثانية تمر ممكن تغيّر مجرى كلشي
أني باوع على عمي وعمي باوع عليّ
كل واحد يحاول يقرأ نظرات الثاني يحاول يفهم شنو صار قبل لا يفوت الوقت
رنة الموبايل قطعت الصمت
_ سلطان يتصل
فتحت الخط وصوت سلطان
_ تعال… ندفن هاي… يمكن ماتت
حر : وين انت دليني بمكانك
_طلعت أركض وياي أيهم وكامل
وهما واحد يباوع بوجه الثاني ما
أحد يعرف شكو الجو كله مشحون لخوف وكل ثانية تمر كأنها ساعة
_وصلنه للبيت نزلت ركض
وايهم وكامل واقفين عند الباب
حر : تعالوا ماكو أحد هنا
أدخلو أشوفلك شمس وجهها مورّم ضايع ملامحها متلخبط شعرها مغطّى بالدم كل مكان بجسمها داير مدايره دم
وكفّت أنا بمكاني ما أدري شلون أتحرك واروحلها أحس جمدت ع منضر شفته
ما حسيت غير على صوت أيهم
أيهم : يااا يممهههه كلبي
ركع ع ركبته كدامها عيونه مفتوحة على وسعها
_وكامل واكف صدمته نفس الشي صمت ثكيل يملأ المكان محد عده جرأة يقرب عليه
ركضتله بعد بيها نبض لفّيته بيدي وصحت أيهم! تعال شيلهاا
أيهم يكوم ويرجع يكعد ميكدر يوكف على رجله
وصاح كامل
أيهم : رجلي ماتتت شيلها
اجه كامل شالها وديناها
للمستشفى كل ثانية تمشي
كانت ثكيلة
_وصلنا حولوها على جهاز الإنعاش والأطباء يتحركون بسرعة يحاولون يسيطرون على الوضع
حالتها حرجة وكل ثانية تمر تحس بيها كانها سنه
✦༺༻✦✦༺༻✦
ايهم **
من دخلت وشفتهاحسيت روحي تنسحب مني رجليه ماتتت ماكدر
اوكف ع حيلي حيلي راحح
_لا هاي مو شمس
كامل سندني للسيارة حس روحي
بحلم ماداستوعب هاي شمس
هيج كدامي
وصلنا للمستشفى كلشي حولنا
يتحرك بسرعة دكاترة تركض يمها أصوات الأقدام صياح الأطباء أجهزة المراقبة
دخلوها على الإنعاش واني بعيد
كل لحظة أشوف دموعها تنزل
من جانب عيونها دموعها ساكتة
تحجي وجعها
دخلت يمها والله ماعرف شلون كدرت أخطو خطوة وحدة صوبها
شفتها شفت وجهها أزرك كله كدمات مغطيه شخوط مجرّحة جبينها
قسم بالله حسيت كلبي تفتت
ضلوعي داتكسر حسيت روحي
اختنكت من الوجع
كل نبضة بصدري تنغرز بيها
مثل سچين انحنيت يمها بست
ايدها أحس إيدي تريد تلمسها بس
أخاف أزيد وجعها كل جرح بوجهها
أحسه مطبوع بكلبي
والله تمنيت لو الكدمات بوجهي
مو بيها تمنيت لو الألم ينهال عليّ
مو عليها
گعدت يم راسها چفوفي ترجف
شفتها تتنفس بصعوبه صوت
أوجاعها يكطع روحي باوعت
ع كامل اجه يمي لزم اجتفي
كضت روحي كامل
_كسروا ضهري بيه بويه شمسي
ياوجع كلبي عليج يا نار بضلوعي
صارت من شفتج بهالحالة
– والله ما أتحمل أشوفه هيچ كامل
والله مأگدر خلّصت روحي عليهاااا