رواية شمس الايهم الفصل الرابع عشر 14 بقلم شهد الدليمي
خاف أغثك يوم والله
عليك أغار وتدري ناسك
اليوم ماتستر تشك انت
ضحكة فرحة!
بحلوك الزغار وكلة جذب
بعمري بس
شمس
نزلني عالأرض سحبت نفس
مثل غركان طالع تَوّه من مي
يطلع رفعت راسي شفت إيهم
واكف مقابلي نزل للثلام ومدّ
إيده ببرود نطاني ملابس
سودة وحجاب ويحجي بالعصبية
يحچي من بين سنونه
ايهم :: لبسي… لبسي بسرعة.
ظلّيت أباوع عليه جسمي يرجف
عقلي متخربط، من الخوف
شمس :: شبيك شتريد منّي شداسوي
وشلبس وليش لبس اصلا
عيونه شرارته تضوي بالظلمة
ايهم :گتتلج لبسيييي
من شفته بهل حاله اخذت ملابس
من خوف أخذت الملابس منه
كلبي يريد يوكف واني مستغربةوين ألبس
شسوي هو وين يوديني بالليل
شمس : لبس هنانة بجامة شلون
لبس ذني مالت منو
ايهم : لي… ذني لبسييي
لبسيها جوة داشداشتج بجامة
وراها لبسي تشيرت وستعجلي
هيه الظلمة ساترتج
ندار ع جهة وخلاني بضلمة لبست
بجامه من جوة داشداشتي وتشيرت
أسود ردان كامل و وصل لي للركبة
تقرب وكال:
إيهم ::: بجامة صايرة عليج
دشداشه تكدرين تمشين بيهن
شمس : لا
باوع ع الحبل على الملابس اللي
معلكه بي
شمس: :: هسه… حسن شرهن
إيهم::: والله تطلعين بدون ملابس
وما تلبسينه منه شي
شمس : هسه حجيت أني لبست
اللي عندي
إيهم:اي… هو ديربالج
نزع حزامه اجّه يمي نطانيه كال
سوي ورجع ندار ع غير صفحه
واني ضبيته بيدي بس ظلت
جبيرة عليه.
أنا ظليت أباوع له مستغربة
مخنوكة بس ما بيدي غير أنفذ
الخوف كاتلني مجاي أفتهم شي
واكف بعيدبس عيونه عليّه أشّر بإيده
ايهم : الحجاب لبسي الحجاب.
لبسته وگعدت ألف بيه ومدّ إيده
بحذاء أسود
ايهم :: يلّا ألبسي استعجلي
ونطيي ايدج
لبست ومديت إيدي غصب كلّي ضياع
كلّي سؤال بلا جواب.يده تلزمنيي
ببرود سحبني واني حسّيت حالي لعب
بيده
شمس : إيهم أمي تذبحني
إذا مالكتني شداسوي! انت
وين ماخذني
وكف فجأة رجّعني بقوة لمكاني
لزگني بالحايط ماكو مجال لنفَس
صدره ملتصق بيه نَفَاسه ع خدّي
وصوته بذني
ايهم : بكيفج تريدين هنا نتحسّب
لو أخذج برّه نتحسّب
شمس : لا هنا ولا برة ماكو حساب
بينه ردت امشي تحركت دفعني ورجعني
مكاني ويحجي من بين اسنانه
ايهم :: أرجعي مكانچ لا قسم بالله أحركج
أنتي والبيت كله سوة أسهل موضوع عليه
وعليچ حددي ترحين لو ضلين
هزّيت راسي بخوف
شمس : إي أروح
قبل ما نطلع جاب لي جفيّة لازمها
بيده لفها فوك حجابي وخله بس عيوني
طالعه
شمس : ترا ختنكت
إيهم : اختنكي لمهم محد
يشوفج و شعرچ محد يشوفه
غضب واضح بعينه فتح الباب
وكفني يمه سد باب طبكه وطلعنه
للشارع ظلمة والهوه بارد بس صدري
نار من الرعب
مشينه كم بيت عيني وكعت على
دراجة هو راح إلها بخطوات سريعة
صعد عليها وفر راسه عليه إشارلي
ايهم : يلا صعدي وراي
شمس : لا أيهم أخاف أوكع
عيونه ضاقت ونبرة عصبية كال
ايهم : لأجلبي بيه ماتوكعين.
ضلّيت مترددة واني كلّي خوف
نزل من دراجه وسحبني كعدني عالدرّاجة
كدّامه هو كعدوراي
شمس : إيهم لا حباب هيچ وتريد تسوق
والله نوكع
ما جاوب…
َنزل راسه قريب على أذني
صوته ناصي حاد وكال
ايهم : نداري عليه
فتحت عيوني مصدومة
شمس : شنو ندار عليك
ايهم : بكيفج راح أمشي
صرخت
شمس : لا لا اصبر
تلفّت غصباً عني لزمته وحضنه
إلمني مثل طفلة
هو نزل نفسه أكثر إيده شدت
عالدرجه رجليه داسن بكل قوته
الدراجة انطلقت والهوه يصفّر بوجهي
غمضت عيوني صدري بصدرة ويدي مجلبه
بتشيرته خوفي غلبني وما حسّيت بنفسي
إلا واني داخله بحضنه وردد يا رب ما وكع
الدراجة تمشي وهو يزود السرعة أنفاسي
تتلخبط أصابعي مغروزة بتشيرته من الخوف
الظلمة تزداد والحي ورا ظهري
صار بعيد صارت أصوات الكلاب
تنبح من بعيد والهوه يصفّر بأذني
شمس : إيهم وين دا توديني
ما جاوب عيونه ثابتة عالطريق
نفس حاد كأنه يحارب نفسه مو يسوق
صرخت بصوت
شمس : إيهم حچّيييي إذا أمي ما لكتني
تذبحني وين ماخذني
مايجاوب انحرف بالدراجة دخل بطريق ترابي
ضيك بين البيوت نص مبنية ونص خاويةكلبي
طاح گلت بداخل روحي خلص هذا ياخذني
لموتي
وكف فجأة طفى الدراجةنزل أول بعدين
لزمني من إيدي سحبني گدامه دخلنه من باب
حديد قديم صدى فتحه لبيت بس كله ظلمة
وريحة غبار
طبينا للحديقة مالته ورد يابس
متناثر حسيت كأني داخل كبر
فززني صوت صوته ما جان هادي
ايهم :: هنا ماكو أمچ ماكو حسن
ماكو أحد بس أني وانتي
عيني دمعت گتلّه بخوف
شمس :: ليش جبتني شتريد
منّي إيهم
وكف كدامي إيده لزم جتوفي
عيونه حمر ويحجي بقهر
إيهم :اني ما أتحمل أشوفج لغيري فقررت
نموت سوه هنا شتكولين
عيوني توسعن
شمس :: شنو نموت شبيك إيهم
تخبلت
أيهم : انتي ما تحبيني واني مهووس بيج
ليل ونهار افكر بيج أجي مثل الحرامي أدخل
بيتكم حتى أخذ شي من ملابسج أقنع بي روحي
عايش ع ريحتج اني عايش على طيفج وتجين
بكل برود تكوليلـي مانصير سوه
رفع يده ضرب نفسه ع صدره بقهر
لعد خل نموت سوه ليش تبقين
لغيري ليش أني أتنفس واحبج
ما ينكتب إلي
شمس : ايهم لااا لا تحچي هيچ
والله دا تخوفني شنو نموت
انت ماتدري شدايصير
ايهم : أحبج شمس أحبج حب
يخنك حب يذبح ما أگدر ما أگدر
أعيش وأشوفج لغيري وإذا ما
نكتبتي إلي خليني أموت يمج
وارتاح
شمس :: إيهم لا تسوي هيج تعرف
حسن يريدني وخطبني شلون شلون انصير
سوه بيت أهل دنيا كلها ضدنه إيهم صعب
والله صعبه عليك وعليه
ايهم ::ماكو شي صعب أحرك الدنيا وبليها لج
ما أريد غيرج لا تكولين بعد مانصير سوه انتي
إلي انتي إلي لو كل الدنيا ضدي
بس كلمة كلمة وحدة تكوليلـي بيها
واني أخلّي كل شي وراي أني أوكف بوجه
الكل
شمس :: إيهم أنت ما تدري شداتحچي
أنت تريد تخسر كل شي علمودي
أيهم :: كل شي أخسره بس ما خسرج
انهزيت من كلماته حسيت الدم نشف
بعروگي اباوع له عروگ ركبته طالعة
وصوته يترجف وهو يحجي بحركه
ايهم :: عايش ع ريحتج ع كل نفس
يطلع منج بابا آني ما أريد غيرج
وإذا ما تريديني هسه هنا أكتلج
وأكتل نفسي لأن ما أتحمل أشوفج
بحضن غيري والله ما أتحمل أني من
اختج أموت شلون أتخيلج بحضن
غيري شلون أني ضايع بغيابج
شمس انتي بروحي ما بقى شي
يوكفني غير كلمة منج بس كلمة يا
إما تحيينه يا إما تذبحينه هسه
بيدج.
أحچيلي شمس من منو تخافين من
حسن من أخوج من خواتج أني وياج
ليش ساكته لا تعلين كلبي
حيل ضايعة حيل مخنوكة بس
ردّيت بصوت مبحوح
شمس :: إيهم أخاف من الكل أخاف
من نظراتهم من سوالفهم من حچيهم أخاف
من امي إذا درت تذبحني أخاف من حسن
إذا انجرح أخاف من الدنيا كلها أني صرت
عايشة رعب بكل خطوة
ايهم :: واني وين روح وين أني
كلشي ما يهمني غيرج والله ما
يهمني دنيا كلها لا حسن ولا خالتي
ولا كل الناس شمس أني أريدج إليّ
أنتي بس أنتي لا تحرمينـي لا تخلين
خوفج يذبحني أني ميت بلاج
وركزي كل زين وياي بكل حرف دأحجي أني
هسه دا أحجي ويا مرة متكاملة مو طفلة
هذا شي شفته بيج من خلال الفترة لي
كعدتي يمنه
اسمعي يا بنت ناس هذا الحچي
أريد أطلعه علمود تكونين ع بينة
وتعرفين طريقج زين وتختارين صح
وبنفس الوقت بس أني وانتي
ورب العالمين يعرف بهل كلام
لحد ما أرتب أموري
شمس :بس..
ااششش لا تحجين لا تفتحين حلكج
اسمعيني شنو راح أگلكج وافهمي
أني مو بس أريدج أني أحبج من
كل كلبي أني أعرف شنو ببالج
خايفةمن خالتي من حسن من
نظرات العالم وأني أعرف علاقتنه
مستحيلةلأن أخوية يحبج وهواي
أمور ضدي وضدج مو
هزيت راسي بـ إي شعوري متلخبط
كلبـي يدك بسرعة بس أني مضغوطة
من كلشي
إيهم :: معليج بكل هذا أني أحل
كلشي أخلي كلشي وراي بس أريد
شغلتين منج
شمس : شنو هاي الشغلتين
ايهم :: الأولى أريد أعرف مشاعرج
تجاهي شنوقبل ما ندخل بهالحرب
والثانية أريد منج رفض زواج من
حسن وغيرة رفض قطعي ما أريد
رجعه نهائياً ومتكولين وما تجيبين
طاري مخلوق أني وياج واحد
يحب الثاني…
لحد ما نخلص سالفة حسن لأن
أدري البنات يحجن بينهن على كلشي
أخاف يصير حچي كدام أحد من خواتج
وتصيرسالفة ومو وقتها تخرب شغلنه
شعوري بين خوف بين حب بين
شعور بالمسؤولية چنت عرف هومستعد
يسوي كلشي علمودي بس أني أني خايفة
خايفةمن الدنيا كله
شمس :: تدري ماعدي صديقات
غير غزل وماحجيت لها شي لسه ومستحيل
أحچي كدام خواتي بهيج موضوع
ابتسم بس عيونه صار فيها تحدي وحركة
حواجبه وكال
إيهم ::: تمام نحلت وحدة وبقة
وحدة يعني شمس تحبيني
شمس : ترا انت أكثر بشر ملاحظ
عليه وحت اجيت رزلتني تكلي مراهقة
عوفي هاي الأمور
ضحك بس بعيونه وكال
ايهم :: ولج علمودج والله ما تدري بروحج
شلون تفقدين خاصة من تكعدين ويانا
ونحجي وكلها انتبهت عليج كلهم سئلوا
واني واكعد
احجي و برر لج ماردت تتركين كلشي وامج
تاذيج اذا عرفت جنت خايف عليج وحسن
من صفحه بس كلبي ماقتنع يحبج ميت عليج
شمس :: عزه كول والله هيچ جنت
ايهم :: والله أصورج من تكعدين
يمي واني أشرحلج
شمس :: لا… ماريد
هو اقترب أكثر صوته صار جدي
وحلو بنفس الوقت
ايهم ::: يلا شمس أريد أسمعها
تنفست بعمق وگلت بخوف
وفرح مختلط
شمس : أحبك وأريدك وأحلام وردية
جنت ترزلني علمودها أريد أعيشهن وياك
ابتسم عيونه تلمع مثل نجوم الليل سحبني
لحضنه هو تقرب إلي ضمّني بقوة وهمس
بصوت حنون وعميق
ايهم :: كلشي وراي كلشي وراي
ما أريد أحد يمسج أنتي إلي
كل خوفي يذوب رحت أضغط
على صدره همست بقلق وخوف
شمس :: إيهم صدگ كلشي وراك
مو بس تحچي
ابتسم قرب وجهي من وجهي
صوته يذوب روحي
ايهم ::اي صدك كلشي وراي أني وياج
أني أموت لو شفت أحد يمسج
إيهم ضل يباوع بعيني وكال
ايهم :: كافي شمس بعد مكدر أتحمّل
حرام نعيش بهل وضع أني كل يوم
أحس نفسي أختنك خل نعقد شيخ
لحد ما يقتنعون مكدر ألزمج بهل
طريقة بعد مكدر أظلمج وياي
بالحرام مكدر
شمس :: إيهم لا تحجي هيچ تدري
اذا دروا شيصير أخاف يدرون
هو شد إيدي بيده قربها ع صدره
كأنه يريد يلزمني بروحه
خليهم يدرون خليهم يحجون أني شبيدي
ما أريد غيرج أريدج بالحلال شمس أني جنت
أتحمل بس بعدمكدر ألمسج وأحس بلذنوب
ماريد احسج ذنب
عقلي كله يصيح إيهم يريدني إله بالحلال
يريدني إله وما يهمه أحدغيري أباوع بوجهه
حيل متأزم كأنه الدنيا كلها واكفة على كتوفه
صوتي طلع وياه خوف
شمس :: إيهم ليش مستعجل نكدر
نصبر لا تعاندهم بسببي لا أريد
أكون سبب مشاكلك وياهم وشي
صعب عليه اسوي هيج بدون
علم اهلي
هو نفض راسه بعصبية عيونه ضايجة
أيهم :: شمس ليش ما تفهمين أني
كل يوم أعيش عذاب كلشي وراي
كلشي اتحمله بس أنتي لا مو ذنبج نضل
بالحرام أني أحبج وإذا صحيح تحبين
خل نثبت حبنه بالحلال
سكت حسيت نفسي أضيع بين
خوفي وحبه مد إيده شدني
على صدره صوته همس
ايهم ::: شمس أنتي لي لتخليني
أذوب بهل نار طمنيني كولي أي
حتى إذا كل العالم ضدي أني وراهم واحد
واحد بس أريد عقد بالحلال حتى محد يحجي
وياج حرف وكلبي يطمئن صرتي مرتي
حسيت كلماته تسوي ثكل براسي
بس بنفس الوقت أطيح بيهارفعت وجهي
بصوت همست
شمس :: أيهم حبيتك بس مكدر
أخليك كل يوم تحارب اخوك
وتتعرك بسببي مكدر أشوفك
تنجرح بسببي
إيهم :: معليج مشي وراي بس
طمنيني كوليلي اي خلي أرتاح
شمس :: بس أني خايفه عليك خايفه
من هالمعارك من الناس من عائلتي
مكدر أشوفك مكسور علمودي
إيهم يمسك وجها بيديه ويرجف
صوته
ايهم :: كافي عوفي كل هذا كلام
بعد مكدر أتحمل حرام تعالي نعقد شيخ
لحد ما يقتنعون وحسن تنسد سالفته مكدر
أظل أشوفج بحرام كلشي أريده أصير وياج
بالحلال
ما گدرت أظل ساكته دمعة نزلت
على خدي رفعت راسي عليه وهمست
شمس :: إيهم أني أحبك وموافقة إذا رضاك
وراحتك بهالخطوة أني أريد أصير إلك بحلال
والله شاهد علينه
⸻❁⸻❁✿❁⸻
غزل**
الصبح جان غير شكل الجو كلش
حلو هواء رطب يبرد الروح ضو
الشمس نازل عالحيطان مثل ما
يلمع ذهب كعدت من نومي بجسم
تعبان بس كلبي يدك اليوم
راح نعقد وراح اصير لغيث
بدلت كل خطوة أسويها أحسها
ثكيلة راسي مليان أفكار حيرة
خوف وفرحة مخنوكة ماعرفت
شلون أترجمها مع كل هذا خوفي
جنت احس براحة لو قليله
نزلت أشوف حيدر عيونه جانت
مبين عليه الزعل حسبت فهمت
منه باله إني أدري بيهم بالبيت
واني ماكلتله شي ماعندي علم
بس هو ضايج باله جذبت عليه
وغيث همينه مبين عليه زعلان
لان مكتله فززني من تفكيري
صوت علي وهو يصيح:
– علي: :: يلا غزل غيث اجه عليچ
طلعت بخطوات سريعةركبنه للسيارة الطريق جان يركض مثل البرق واني أحس الزمن يهرول أسرع من نبضي. وصلنه للمحكمة بسرعة
المحكمة جانت مزدحمة بس
وجود معارف حيدر سهّل كلشي
الأوراق مشت مثل الماي ولا واحد عرقلناحتى تحليل الدم ما طول
بسرعة طلع كلشي صار بسرعة
غريبة كأنه الدنيا تريد تمشيه
غصبن عليّه
وإحنا واقفين بانتظار التوقيع
نظرات غيث تعبر روحي مثل
خنجرلمن خلصنا گال القاضي
مبروك
بعد ما خلصنا من المحكمة غيث
فاجئني بخطوة ما توقعتها.
نزلني بمكان مرتب محل مليان
هدوء يشبه الماي الصافي
غيث التفت إليّ بوجهه اللي مرات
يبين قوي ومرات ينكسر مثل
طفل وكلي بهدوء:
غيث :: غزل حابه آخذلج هدية
بهاي المناسبة
كلماته جانت مثل نسمة دافية
ع كلب متجمد لأول مرة حسيت
عيونه تلمع بدموع فرح عجبني
تصرفه، حسيت روحي شويه خفت غيث يعرف شلون يداوي الجرح
من غير ما يحچي هواي.
دخلنه للمحل الله على المحل
شغلاته تجنن كأنه كلشي بيه
يگول اختاريني خذيني غيث جان
يباوع ويضحك
بس فجأة غيث لتهى موبايله رن
باين من صوته أنه حيدر مخابره
يسأل عليه استغليت اللحظة
مشيت صوب الزاوية ادور ع هدية.
عيوني وقعت على خاتم بسيط وحلقة ذهبية صغيرة
مو مزخرفة هواي بس تكفي
إنها تحمل كل إحساسي مددت
إيدي وأخذتها وكأنه أخذت قرار عمري
وهالمرةمو مثل قبل، مو بس ذكرى.
هالمرة الحلقة شريتها واني وگلبـي
راضي راضي إنه غيث يكون زوجي
راضي إنه أصير إله
وهو بعده يحچي بالموبايل عيوني
ظلت تباوع عليه اشوف شي ماجنت
اشوفه قبل ماعرف احساس غريب
من خلص غيث اختيار الهدية هو
مد يده يحاسب بس اني دفعت قبل
ما يكمل مخابرة دفع للكاشير
وگلتله بخجل واني ماسكة الكيس بإيدي
غزل ::: غيث حابة أكعد وياك بمكان
مابي ناس مكان هدوء، بس أني وإنت.
تفاجئ رفع حاجبه باستغراب
بس بسرعة رد بنبرة هادئة
غيث: :: تمام بس ناخذ شي ناكله هناك
مر بينا ع مطعم أخذ وجبة سريعة
أني كلشي ما چنت أشتهي غير
أشوفه مرتاح وياي طلعنه
وهو ظل يسوق لحد ما وصلنه
لمكان يشبه حلم حدايق هادئة
الأشجار مرسومة عالطريق
مثل لوحةجانت أكو مجرى مي
صغير يلمع بضو الغروب والأصوات
قليلة ناس متفرقين بكل مكان
غيث: :: خل نكعد بعيد عنهم
مشينه خطوة زيادةواختار ركن
قريب من المجرى صوت المي مثل
موسيقى يهدّي كل توتر گعدنه
عالعشب حط الأكل بصفه وكال:
غيث::قبل سوالف… ناكل
ضحكت حسيت كلامه بي حنية
جنت اشوفه عصبي لميتحجه بس
كتشفت شخصيته حنون بس يضهر للناس هيج
غيث كل شوية يمد إيده يوكلني
غصب ابتسامة صغيرة حسيت
نفسي مثل طفلة مدللة وهو حنون ما يمل خلصنا الأكل
ظل غيث يباوعلي صفن بيّ فترة
وبعدها كسر الصمت بصوته الواضح:
غيث::: غزل أدري إنتِ تريدين
تأجلين العرس بس أني ما أأجل
شي أني أريدج يمي
ماجنت اريد غير اعتذر منه بس
كلبي وعقلي يركض بأسئلةليش
لهالدرجة مستعجل ليش يلح علي
كتمت أنفاسي ونطقت بخفوت
غزل :: ليش
التفتلي بكل جدية وصوته حنون
بس بيه وجع
– غيث::: أني حسب يوم ويوم
تكبرين وأخاف يجي و خطبتج
بحمد الله وهسه أريد سكف
يجمعنا إنتِ تردين تأجلين بس أني
نطيتج كلمة وعد وعد مالمسج
إذا مو برغبتج بس غزل أني ما أريد
جسمچ أني أريدچ إنتي أريد روحچ
وجودچ الي يخليني أرتاح
هزني كلامه حسيت روحي تنكسر
وتلتحم بنفس اللحظة عيوني
– غزل :: مو وهذا موضوعي أني
اجيت أعتذر منك نسيت فرحت بروحتي
لشمس ماقصديت شي من ماكتلك
هو هز راسه صوته هادي كلش هادي
– غيث :: انسي مو بالي بس ضجت
ع حيدر
قربت أكثر خليت إيدي عإيده كلت
بصوت يرتجف:
– غزل: "غيث أني أعتذرما قصدت
والله اضوجك
مديت يدي ع الحلقة لي كبل نزعته
غيث باوعلي بنظرة مليانة صدمة
بسرعة طلعت من جيبي وگلت
بصوت مبحوح ودموعي تتسابق
ويا كلماتي
– غزل :: هاي اشتريتها اليوم واني
مقتنعة بيها غيث أريده يكمل حياتي
وياك أريد أكون يمك
هو ابتسم ابتسامة كلشي غير عن
كل ابتسامة شفتها منه قبل
ابتسامة واحد أخيراً ارتاح
ما حچى كلمة
بس سحبني لحضنه بقوة قوة
تحسسني إني بأمان حسيت شفته
باست براسي وهو يحچي
غيث: وأخيرا غزل
غزل :: غيث أريدك تعرف شي
واحد أني مو مجرد أحبك أني
قررت بكل عقل وروح أكمل حياتي
وياك. هذا قرار من عندي مو بس
شعور عابر مو بس كلام عاطفي
بكل لحظة راح نعيشها وأي شي
يصير أي شك أي خوف أي ضغط
ما يأثر على قراري أني وياك نهايتي وياك
بحضنه حسيت الدنيه كلها هدت
صوت المي هدوء المكان حتى كلبي
وقف يسمع بس نبضه
هو ضل ساكت شوي وبعدين
همس بصوت كأنه يحچي ويا
روحه أكثر من ما يحچي وياي
غيث: غزل أوعدج من اليوم إنتي
كلشي بحياتي لا زعل لا دموع لا
خوف أوعدج ما أخليج وحدج
ظلينا وقت هناك بس لازم نرجع.
رجعنا للسيارة الطريق للبيت جان
ساكت بس إيدي بإيده عيوني
عليه وابتسامه متفرك وجههه
وصلنه للبيت الكل فرحان وباركلنه
على عقدنا غيث راح وأنا رحت
أسبح شوي وأرتاح جسمّي تعب
نمت شويه أحلامي كلها صور منه
من ابتسامته من حضنه من وعده
كعدت العصر اسوي جاي بالمطبخ
شوي الباب يندك بقوة فززني من
مكاني ورحت أفتحه بسرعة
عيني وكعت على أم غيث وكفة
عالباب وعينها مليانة وغضب
غزل :: هلا عمة شلونج تفضلي
ام غيث: :: غمه تغمج شنو! أنتي
مخلية ابني يعقد عليچ بالمحكمة…..
شمس **
إيهم طلع جهازه بسرعةصوته چان قوي
ايهم :: السلام عليكم تعال بسرعه
للبيت جيب الشيخ أبو أحمد
وياك واثنين يشهدون لا تأخرني
هسه أريد اعقد مثلا مافهمتك
رجعت ليوراه من غير وعي
شمس :: إيهم شسوي هسه بهل سرعه
إيهم رفع عيونه عليّ وكال
ايهم. :: إي هسه بعد ما عندي طاقه
أصبر شمس تعبت أريدج حلالي
حتى لو الدنيا كلها ضدي انتي إلي
وبس.
صوت دكات گلبي يدوّي بأذني
حسيت بخوف وفرحة بنفس
مشى صوب الحديقة وكأنه ما
يشوف أحد غيري مد إيده جرني وياه
ايهم :: يلا تعالي وياي خل نسوي
إلنا مكان نعقد بي هاليوم أريده ينكتب بحياتي
چنّا بالحديقة الهوا بارد والأشجار
تتهزهز وأني حايرة بين عقلي
وگلبيما طولت إلا والباب انفتح
صوته صديقه وهو داخل
ويصيح بعلو صوتهة
ياالله إيهم جبت الشيخ واثنين
وياه شهود
إيهم گام باوعلي وحجى
ايهم. :: تعالواشهدوا اليوم رح
أكتب عمري وياها
صاح صديقه سويلنه طريق خل
ندخلل
ايهم سحبني ركز بوجهي عدل
شالي وخلني وراه ضهر وصاح
ايهم :: دخل بوية البيت بيتك
باب الحديقة انفتح.دخل الشيخ
ويا اثنين شباب سلاموا وگعدوا
وكف مثل الجدار كدامي ظهره
سترني
الشيخ حجه وياه ايهم
شيخ :: ابني وخر عنها خل أشوفها
العقد ما يتم إذا ما سمعت من لسانها لازم أتأكد راضية وماكو إكراه
إيهم يباوع ع الشباب تحمّم
حجه بصوت همس
ايهم :: شيخ خل الشباب يطلعون
ما أريد غيرك يسمع و يشوفها
بس من أصيحهم خليه يرجعون
يشهدون
الشيخ ابتسم بتفهم لوّح بإيده
للشباب
الشيخ :: ولدي اطلعوا لبرة باب
بس أول ما أناديكم تعالوا شهدوا
العقد
الشباب طلعوا باب الحديقة نسد
بقى صوت أنفاسي وأنفاس إيهم
واني وكفة وراه
هو استدار عليه وكال
ايهم. :: شمس لا تخافين جاوبي
گولي راضيةخل يسمع الشيخ
ويتتم عقدنا
الشيخ نزل عيونه عليّ
شيخ :: بنيتي إنتِ راضية العقد
لازم برضاچ ماكو أحد يفرض
عليچ
دگات گلبي چانت مثل طبول
بس عيوني كل ما تلتقي بعيون
إيهم أشوف بيها حياتي كلها
تنفست بعمق وگلت
شمس ::إي راضية وبكل رضا
أريده يصير زوجي
الشيخ ابتسم وصاح بصوت عالي:
ولدي تعالوا شهدوا
دخلوا الشباب مره ثانية بعيونهم
فضول بس ماكو شي يبين غير
صوت الشيخ وهو يعقد
إيهم ظل مخليني وراه حتى بنص
العقد ما عافني
ولمن كمل العقد إيهم ما گدر ندار
عليه وكال
شمس :: هسه صرتي إليّ شمسي
الشيخ گام مسح على لحيتة وكال:
مبروك الله يجعل بينكم مودة
ورحمةالشباب وياه هم باركوا
وأنا بعدني مذهولةبعدني
مو مستوعبةشصار كلشي
بسرعة
سلموا عليه وطلعوا إيهم
ودعهم ورجع من فضول سئلت
شمس :: شلون اجوا بهل سرعة منو ذوله
إيهم : لا تجيبين طاري أي بشر ولا
تسألين عن أحد وإنتي وياي
سكتت محجيت شي قرب مد إيده
سحبني لصدرة بقوةوهو يحجي
ايهم :: أول حضن بحلال صدري
إلتحم بصدره وريحة عطره ممزوجة
بأنفاسه نزل راسه على ركبتي يشمها
بلهفة صوته طالع من عمق كلبه
شمسي هسه صرتي إلي أول حضن
بحلال أول نفس وياج بحلال ما أريد
شي من الدنيا غيرج لا بعد فُرگة ولا بعد
خوف
كل كلمة تطرق بصدري وأنا ضايعة بين
ذراعه ما عندي رد غير الابتسامه
سحبني من يدي بسرعةجرّني
وكفناع فراش صغير هناك الجو
ضلمة بس شعور كلبي مثل الانفجار
شمس::: يلاخل نروح هسه يكعدو
خل نرجع
إيهم : أي… روحي
مشيت شوي عنه بس فجأة
سحبني حيل من يدي
إيهم :: ترحين صدك بالي تشاقين
شمس ::: أوووي ايدي ليش اشاقه
لحد يكعد ويشوفنه ماكو بالبيت
ابتسم وهو يضمّي أكثر
إيهم :: محد يشوف نايمين
شمس :: إيهم رجعنه لا تكعد أمي
وتشوفنه ماكو
ابتسم وهمس
إيهم :: سهله تعاي
سحبني لمكان اضلم بحديقه
معلي ضوه
شمس :: وين جايبني هنا شبيك
انت وين يمه خاف هسه يطلع
شي وين موكفنه
رجعني الحايط لمسني بحذر حط إيده
على حلكي حركهاع شفتي قريب من أذني
صوت ناعس همس
إيهم :: اششش شمسي خل أشمج قبل
لا روح ونرجع نحارب شسويتي بيه شايب
أني عليج شجابج ع دربي تعبتيني رجعتيني
مراهق.
غمضت عيوني كلبي يطير كل شعور
جسمي صار نمل ما گدرت أفهم شنو
يصير هل هذا إحساس طبيعي أم غلط
كلشي يمي نسيته اريد عايشة اللحظة
بحذافيرهاوهو قرب صوته وشفته طخت خدي
إيهم ::: شمسي حبيبي
همست بخجل صوتي هادي
شمس :: ها ايهمي
إيهم ::محد يطيح حضي غيرهاي
سوايتج بس أقرب لج تنتهين
ماتصديني رحميني كوه مصبر
روحي
سحبته لي وحطيت راسي على
صدره وهمست بأذنه بصوت هادي
إذا تقربلك هيچ اسويلك هيج
أحجي وأقلد تصرفاته وياه شخص
مخلصها أحلام وردية شتسوي
ضحك صوته مليان حب وتحدي
إيهم :: ههه انتهي أسلمها تراب
شمس ::جاي تحسبني حاسب
روحك وبعد لا تتقرب هيچ مني
ابتسم وهمس
إيهم :: حاول.
تنهدت همست بخوف
شمس :: يلا شو خل أنروح لحد
يكعد
إيهم :: وين شعلتيني وتروحين
شمس :: بعدم فهم شعلت منك
ابتسم صوته صار جدي
إيهم :: مو بس أني وعشيرتي
هم لو بيدي هسه نختفي
شمس :: يلابعدين نحجي خل أنروح
بس قبل ما أتحرك رجعني للمكاني
تقرب أكثر لركبتي وهمس
إيهم :: بس خليني هنا شويه
جسمي كله قشعر هو يقترب لركبتي
طخها بشفته سحب نفس عميق ويحجي
بحركه
أوف يابه وين أوديج وين خليج
أريد بس اني أشوفج بس اني أشمج
رجع يقترب لي وطبع بوسات خفيف
على ركبتي حسيت كل جسمي ينمل
وخوفي يتشابك بحنانه وخلى كصته على
كصتي نفسنا سوه صار إحساس ما يوصف
حاولت أسحب نفسي بس ثبتني بيده رأسه
يرجعني له
ثواني اندمجت وياه خليت يدي ع راسه
أول مرة أجرب هيچ شي حسيت نفسي
فاصلة عن العالم همس بقرب أذني
صوته دافي:
ايهم :: شمس مشي خل نرجعع
طلّعني إيهم من الحديقة وسد باب
ومشينه وصلنا للدرّاجة،وكف يمها ويشغّلها
ايهم :: أصعدي وراي لا تخافين
ترددت ثواني جسمي يرتجف بس مديت
إيدي ومسكت بكتفه وصعدت وراه
هو مد إيده وضبط المراية و گال:
ايهم ::: سندي روحج عليه
بده الدراجة تهتز وهو يشغلها
والهوى بوجهي أول ما انطلقت
ما حسيت بنفسي غير جلبت بي بكل
قوتي وراسي ع ضهرة احساس
امان لي عاشته ماينوصف
وصلنا للفرع طفى الدراجة
علمود ما يبين صوت ومشينه كم
بيت وفتح الباب بهدوء ولا صوت
همس بأذني::: دخلي
دخلت هو وراي وسد الباب
ما صبرت ركضت بسرعة حتى ما
أنتظرته تركته وگبل رحت للترك
يدخلني للمطبخ وراها لغرفتي
بدلت ثيابي بسرعةنزلت عالفراش
راسي ثگيل ممصدّگة بعدني
كلشي صار بسرعة عقلي مو لاحگ
يفسر شي
غطيّت راسي بالبطانية وانخطفت
بنوم عميق نوم لثاني مرة بيه
أرتاح بي
كعدت ع صوت أمي تصيح من
الصالةالساعه تقريبًا ثمانيه
الام :: كومي سوي ريوك للكل..
چنت بعدني نعسانة عيوني نُص
مفتوحةبس كمت ودخلت للمطبخ
أريد أغسل وجهي وأبدي أحضّر
ما شايفه منو قاعد بالبيت أصلاً
فجأة فززني صوت إيهم من وراي
صوته وياه ضحكة مستفزة
إيهم :: شنو دانتقمين مني لأن زوجتچ
ها شَهالمنظر يمه
التفتت عليه أخزرته رديت
شمس :: محد غصبك عليه.
هو يضحك وأنا نزعت قرصتي
بديت أعدل شعري وأغسل وجهي
دخل حسن للمطبخ
حسن :: صباح الخير
إيهم رد بسرعة بنبرة عادية
ايهم :: صباح النور
أما أني سكتت ما طلعت من
حلگي كلمة حسن ما سكت ثبت
عيونه علي
ابتسم أكثر ورجع كال
حسن :: صباح الخير شموسة
حسيت وجهي احمرّ ارتبكت
غصباً عني رديت بهدوء
شمس :: صباح النور
نظرت بسرعة ع إيهم لكيته واكف
يخزر بيه نظرة ما گدرت افهم شنو
حسن مشى باتجاه الحنفية حتى
يغسل مر يمّي وبهاللحظة إيهم
حجه بصوت
ايهم :: روحي لبسي شي عَ عطوبچ
لا أحركهن إلج
طلعت من المطبخ رحت ع غرفتي
لبست شال ع عطوبي ورتبت لبسي
بسرعة رجعت للمطبخ سويت جاي
ريحة الهيل تملأ المكان وبعدها رحت
للغرفة أجمع فراش
كامل هو من الصالة يرفع صوته
ويصيح
كامل :: شموووسة وين الجاي مالتي
من صوب ثاني حسن يضحك ويصيح
حسن ::: آني جوعااان خلصتي بعد
ايهم :: تصير لكم خمسين يد
ماتكومن وياهاااا
الام :: وين يكومن يمه غير خطار
اسكت عنهن
ايهم :: يايمه ياخطار غير بيتنا هذا
وهيه من تجي تصير ام لعيال كومي
فاطمه يلا نغم وياها
بديت ألف وأركض كل واحد يريد
شي فجأة نغمة نغم دخلت تساعدني
ضحكت عليّ وقالت:
نغم :: آني أجي أساعدچ قبل
ما ينكسر ضهرج
ارتاحيت شوية من وجودها وياي
بديت أنطيها فراش وهي تساعدني
نلمه باقي البنات كاعدين فاطمة بالمطبخ
وفجأة سمعنا صوت أختي حنان
إجت من الباب دخلت للمطبخ
صوتها عالي
حنان :: هااا شمس
سمعوا صوت حنان تعالت
ضحكتها وهي دخلت عليهم
حنان :: سلام عليكم
ردّوا كلهم سوا"وعليكم السلام."
كامل باوع عليها وكال
هلا بيچ حنون تعالي خل
نكمل الرويوك سوه
حنان حطّت جنطتها عالكرسي
وگالت:
حنان :: اي والله خوش ريحة جاي
طالعة من المطبخ شنو محضّرين
ضحك حسن وقال:
حسن :: محضرين بس الجوع آني
دا أنتظر هالريوك من نص ساعة
كامل من يمه صاح
كامل :: والله شمس ما قصّرت
كامت من الصبح تركض بين
المطبخ والغرف لاستقبال
ضحكت بخجل وگلت:
شمس :: لا عيني بعد ما خلصت دقايق
رجعت ع المطبخ جبت سفرة جبت
الجاي والخبز والجبن والبيض
المسلوق حطّيتهم يمهم
شمس :: تفضلوا الرويوك حاضر.
حنان:يلااااخل ناكل قبل ما يبرد
شمس ما قصّرتي عاشت ايدج
كملوا لمّيت السفرة داغسل بالمواعين
أمي دخلت بيدها صينية فارغة
گالتلي:
الام :: سوي جاي بعد حنان جابت
كيكة وياها ويردون ياكلون
هزّيت راسي وگلت : حاضر يمه
أمي وحنان وكفن يحجن وصوت
أمي يتغلغل بأذني واني داحضر جاي
أمي :: إي أني هم گلت خل نكول
له هو خوش ولد وين يلكه أحلى
منها تناسبه
حنان :: والله يا يمه ما أدري بس
يريد كلشي ع مرامه وبنتچ ما تحب
هيچ خاف ميترهمون
امي ::: لا هو يكسبها هو واعي
ويعرف يتصرف أني كلش عجبني
وأريد أنطي نور
گالت بهدوءحنان
بكيفچ يمه أنتي أدره بس كون
تفهميها زين تعلميها مو تروح
كلشي متعرف.
امي. :: ي أعلمها بس خل تصير
لا أم لا أب لا أخو وين تلكه هيچ
قسمه فوكها أني مربيتها
وهو شاغول هسه كبل تلكينه
يبني بيت ويگعد ويستقر
صبري هسه خل آخذلهم كيك
وياه چاي ونحجي بالموضوع
حنان :: ي يمّه وين جاي
شمس :: لحضه داجهزه
وأني بعدني أسوي شغلي بس
عيوني تروح وترجع عليهم وأذني
يم الحچي
حنان ::: يمّه زين هو يدري
أمي. ::: ي يدري لعد شلون حچي
بدون ما عده خبر
حنان ::: الحمدلله والله هو وردة
من الله لو تصير صدگ
هنا ما گدرت الفضول كتلني
أسألت
شمس :: يمّه عليمن تحچن
أمي ردت تاخذ صينه مني صينيه
ملت راسها عليّ ونزلت الكلمة مثل
صاعقة
الام :: أيهم يمّه
شمس :: شنوووو أيهم
أمي تباوعلي بكل برود
الام ::: إيهم طلب إيد نور وانتي
حسن يريدچ
ختنكت كل نفسي صار ثكيل چفوفي
تعرگن أحس انضربت بنص وجهي
أيهم طلب إيد نور……..