رواية شمس الايهم الفصل الثلاثون 30 بقلم شهد الدليمي
ليش تكسر خاطري جي
مشتريك وانه لاجلك
روحي ماحاجيه
ليش يا ثالث عيوني
ليش يا تالي الحبايب
ليش يا بعد امهاتي
ليش ماگتلي من لاول
انه مو صاحب طويله
لا تحـبـنـي
ليش يا خايب عودتني!
عليك
كامل : حر اخذهم وطلع بدون مشاكل
حر : محد مسوي مشاكل غير اخوك
أيهم : انت شتريد من الاخيرر
كامل : لبنيه مريضه كوة واكفه
عوف مشاكل
أيهم : متروح وياهم كامل شعرف
عنهم
حر : شو متعرف تحجي
أيهم : اعرف كلش زين
شحجي من اخوك ورافع يدك
عيطتهم كبت وصياح وهوسه
وصار مدافع بين حر وايهم
كامل اخذ حر برة يسكت بي
حر مايسكت حر بس يهدد
وأيهم يشيل بروحه ويركعها
بلكاع من حركة
اني كوة عيوني مفتحتهن يمامة
رجعت كعدتني ع سرير وطلعت
وراه اخوها وامها وياها أيهم باوع
عليه وكال
أيهم : نغم اخذي بنات وطلعلي
كبل طلعت وبنات وياها اني جمعت
حيلي وكفت اريد اطلع سد باب
واجه يمي وكف اعصاب ويحجي
بحركة و كف كدامي عيونه مثل نار
مشتعله وبكل حركة يحجي
أيهم : وين ترحين شمس ذولة يموتج
خاف هل مرة لحكت عليج تجي
مالحك عليجج
شمس : ميخصك بيه انت شفت
حياتك شعليك بيه
كلمة ميخصك حطيتها مثل السجين
على ركبتة رفع حاجبه، اقترب أكثر
حسيت أنفاسه تضرب بوجهي
أيهم : يخصني كلشي يخصج
بيج لا تكلي ميخصك
يخصني انتي و لروح لبطنج
تخصني
شمس : ماعدك شي يمي انت
شفت حياتك وخلص
أنطقتها وكأنّي أرمي حجر على باب بيت مسكون ما أريد للبيت يرجع يفتح أبوابه ع اي شخص
أيهم : لا تخلينّي أموت وياه بهاي نار مجمرة بكلبي
عفته وتقدمت لاتجاه باب
وراه ضهري وصاح بصوت مبحوح مخنوك
أيهم : لا تخبليني ماكو طلعه وياه هذا
شمس: ايهم كوة واكف عوفني اروح اني كرهت كلشي يخصك ويخص بيتكم
أيهم: لا تحجين هيج داتموتيني والله اني أموت إذا راحت عيونج عني
تنفست بصعوبة دموعي حرّكت وجهي بس كبريائي جبرني أكسر كلشي بيناتنه
شمس: ايهم اني مو سبب موتك ولا سبب وجعك خلص ما أريد قيود بعد ما أريد أحس روحي مربوطة بيكم
أيهم : لاعوفيهم كلهم اني من
دونج ولا شي
قاطعه صوت الباب اندك ووراها حر صاح
حر : يلا شمس
أيهم كبل رد بصوت عالي
أيهم : روح انت اني أجيبها
رحت اني للباب مديت إيدي عايدة
بس قبل لا أفتحه حسيت بيه وراي
تقرّب مد إيده لزمني من خصري
سحبني إلصق بيه نزل راسه ع ركبت
لف يديه عليّه مثل طفل خايف ضيع منه
أيهم : وربي مكدر أتنفس وانتي مو
يمي عايش ع ريحتج ونوب
رايحة وياه ولد عمج
أني أغار حتى من ملابسج هسه
لبستهن من كل نفس ينشاف منج من كل نظرة مو لي
أيهم : تعاي وياي خل ننسى خل ونبدي صفحة بيضه نضيفه مثلج أضمد جروحج والله أعوّضج عن كلشي
حسيت كلبي يريد يركض صوبه
بس عقلي واكف مثل جبل يصدّ
كل شعور مدري شلون طلعت مني
كلمة صوتي جان مختفي
شمس : التعويض ما يرجّع شي
ما يرجّع روحي الي انكسرت ما
يفيدني وعد وانت كل يوم تجرحني
هو ظل ايده ملفوفة عليه مايقبل يتركني
أيهم : لا تذبحيني بهالحجي
أغمضت عيوني دموعي تنزل ع
خدي ودفعت صدره بخفة يدي
توجعني مكدر بيد وحدة دفعته
شمس : كافي عوفني خل اطلع
أيهم: جربي شمس بس هالفرصة
أكسر روحي وما أكسرج بعد
شمس : خليني أطلع أيهم
من شافني قافله تغير صوته
أيهم : قسم بالله إذا لمحج وياه هذا كلب ابن كلب والله ما يصير خير
وكف كدامي مثل جبل عيونه تحركني حاير بين يخلني اطلع لو يخليني بين يدة
أيهم : ليش هيچ ليش تكسريني بهل سهولة أني كل دمي انتي اوكسجيني انتي وغيرتي عليج نار تمشي بدمي عليج كل عقلي انتي
شمس : افتحلي لباب
فتح الباب أول ما طلعت حر صار
بوجهي وكامل واكف عالصفحة
والبنات كل وحدة عيونهن عليه
حر أشر بإيده صوته ثابت
حر : يلا تعاي شمس
رحت له بخطوات ثكيلة كوة
أمشي لين وصلت يمه وكفت
حسيت إيده تسندني حتى ما أطيح
بس وگت السكون نكسر بصوت أيهم وره ضهري يهزني
أيهم : إيدك أكسرررها وألي خلقك لاتمدها عليها
حرندار وجهه عليه رد عليه وهو مگشر بوجهه بغضب
حر : خبل شبيك غير كوة تشمي
اجه ليّ مثل عاصفة ما حسّيت إلا جسمي نرفع عن الگااع و إيده ملتفّةع خصري شدني إله غصب
طلّعني ليكدّام يمشي وكأنه يملك الدرب اني كوة اجر أنفاسي من خوف اختنكت عيوني تدور ع ااحد يكله نزلها ورا ظهري سمعت صوت
كامل وحر مارضي هيج يشلني
كامل : عوفه خبل هذا
عافهم ومشه حتى مصعد مانتضرة
نزل من درج واني جلبت بيدي
بتشريته نزل راسه صوب اذني
وهمس بصوت يترنح بين الغضب والحنيه
أيهم : ديربالج على ابني فترة واجي أخذج لا تخليني أحد يتقرب عليج وربي عقل ما يضل براسي اذا شفت احد قريب منج
كل كلمة تدخل عروكي وتشد
روحي إحساس بالحرج والخوف والغيرة كلها تلتصق بيا أنفاسه تضرب وجهي حضوره كله يفرض نفسه عليّه كلبي يضرب مثل طبل ولساني ما عرف يرد
ماحسيت غير فتح باب سيارة
وكعدني وسد باب شويه ورجع
فتح الباب
أيهم : وين جنطتج
شمس : ياجنطة
أيهم : ها صح نسيت
شو هذا كبل سحبني من صايه ومد يدة ع
صدري مدري شخله واني من صدمة موقف
ضليت بس فاتحه عيوني
أيهم : خاف تحتاجين شي
شمس : شكرا كلشي مااحتاج اخذهم
باوع علية بنضرة ماعرفت افسرها وحرك حاجبه وكال
أيهم : يعني اطلعهن
شمس : لا
ضحك طبك الباب اباوعله من جامة باوع يمنه ويسرة ورجع فتح الباب سحبني من شالي وباسني وكبل ماحجي كال
أيهم : والله متحملت
وطبك الباب اجه كامل يحجي وياه
كامل : شنو مشغل محرك شوكت طلعت
أيهم : منتضرت لمصعد كبل نزلت هي جنها ماسحه
كامل مات من ضحك اختنك
اني ماسحه
اجه حر وماقبل اضل بسيارتهم
كامل : احنه نوصلها بيتكم
هو رافض لحد مانزلت وايهم لزك
بيه كعدني هو منزل راسة حجه
ايهم : ديربالج عليه وع ابني
يمامه : بعيوني خليهم
حر : سدي الباب يمامه
ام حر : لا يضل بالكم يمة خليهم
بكلبي
أيهم : بعد كلبي امي انتي
طلعنه من مستشفئ وصلنه للبيت اول مانزلت شفت عمي ابويه بالباب وكفين فرحت لان واكف بالباب ينتضرني
رحت اسلم عليه هو كبل حجه
ابو عدي : رجلجج مشتكي ع ابن عمج بالمكافحه خل يتنازل
حر :طبة مرض لي سوة قليل
ابو حر: ولكك اخوك هذا
ام سلطان : كتلك متفقين عليه
ابو عدي : روح اشتكي عليه هو حرك بيوتنا والكيعان وخل تصير دعوة ضد دعوه
حر : شنو عمي تتبلى عليه كوة
ابو حر: سكتت انت
ام حر : هاي زين ماتكول بنتك حمدلله ع سلامتج هيج تستقبلها وهو سلطان مو جان موتها وهي مالها ذنب بشي
ابو عدي : طبها مرض مو زين ضلت عايشه تزوج بسر وحدة غيرها ذبحناها وللجلاب نشمرها
يمامه : تعاي ندخل جوة
اخذتني لغرفتها وهم صياحهم كاب
شمس :يمامه نطيني تلفونج
يمامة : هذا تلفوني
اخذت اتصلت ع رقمة كبل جنت ضيف رقم ارسلة وامسحه حافضته
كتبت رقم واتصلت عليه دك اكثر من مرة الأخيرة رد كبل حجه
ايهم : شكد تلحيننن
شمس: منو لتلح
ايهم ; منيلج هذا رقم
شمس : رقم يمامة
ابوية راح يشتكي عليك يكول
اسويها دعوة ضد دعوه
ايهم : عوفينه من هذا حجي اشتاقيتلج
وخرت جهاز من اذني سبيته ورجعته
أيهم : شمسي حبيبي
شمس : ديربالك ع روحك
أيهم : يمج روحي انتي ديربالج عليها
نزلت جهاز وكبل سديته ورجعته يمامة واحذت علاجي ونمت ماكعدت الا ع صوت
غزل : شمس
كمت ع حيلي كبل بتسامت سلام مو فرح
شمس : غزل منو جاببج
غزل : غير حر وحيدر اصدقاء
صاروا واجابني
شمس : لحمدلله خوش خبر
غزل : ماتسكتين ماتشوفين عيوني حمر شبعت بجي يلا جابوني عليج
شمس : يبعد كلبي تعاي احضنج
حضنتني ساعه تبجي ساعه تضحك ساعه تحجي
غزل : احجيلي شبيج ليش هيج حالتج
شمس : چنت أكبر من عمري
وحبيت أكبر من كلبي وانكسر شي بيّه لا دكتور لحگه ولا عمر يداويه
تحضني حيل وترجع تباوع بوجهي وتحضني حيل وتحجي
غزل :شمس لا تسكتين إحچيلي شبيج ليش هيج وضعج
شمس :أني نزفت من شخص جنت أشوفه كل الدنيا وصارلي سبب نهايتي
غزل: شمس فدوة اروحلج بالي يمج احجي شبيج واللله كلبي كام يوجعني عليج
بديت احجي لها من اول ماعطلنه لحد هاليوم يخص ايهم ويخصني
غزل : عقلي راح ينفجر ماداستوعب كل هذا صار وياج زين ليش هيج شهل حقد
شمس : تدرين منو أول واحد كسرني
غزل : ايهم
شمس : لا مو ايهم
لإ أيهم كسر كلبي بس اللي كسر ضهري أهلي
_چنت أركضلهم كل مرة أنهار
بس مرة ورا مرة بدوا يذبون اللوم عليّه
أمي تكول مو بنتي وتحاربين بنات ع قسمهن هو زوجي واني اشوف امي تخطط
هي واختي شلون ترغب لشخص احبه واني
ع ذمته بيها
أخوتي ما يسألني حتى شلونچ
أختي نور
قدمت ركبتي شخص اني ماتقبله ودمروا حياتي
غزل تقربت مني بس ما گدرت
تقاطعني حچي من كل كلبي
وحسن يعرف إني أحب إيهم
كالي ساعديني اوصللها احبها
صدگت بي بس هو چان فرحان باذيتي شمتان واني وصلت هل حال بس جنت
اريد ساعده
عيونه چانت تكلي هذا جزاج
خليت اللي يحبچ يكسرج بيده
ايهم غصته بكلبي ماعرف ما فهم ما سمعني حتى بس تهمني وكسر كلبي بكل وجع
الخذلان والوجع مو بس من
إيهم من كل الخذلان صار نظام
بحياتي أقرب الناس لي واحد وراه
الثاني گاموا يطعنوني حتى اهلي
وأني كل مره أگول مايهم بس
كلبي مايحمل بعد
آني طفلة واني چنت أحلم
بس الكل خلاني أگبر غصب عني وما عافوا لي حتى حضن أبچي بيه
غزل : اششش شمسس اني يمجج اني والله يمج اصيرلح اهل وسند واخت
وصديقه كافي فدوة اروحلج
⸻❁⸻❁✿❁⸻
غزل **
غزل : مسحت دموعها
ولازمت إيدها بقوة وكأني لازم
روحها مو ايدها
_شمس…
إنتي مو شوي إنتي أكبر من اللي صار ولي تحملتي ماكو
بنت بهيج عمر تحمله ويمر عليها
وإيهم
_لو چان يستاهلچ ما گطع نفسچ من الحياة
تعرفين شنو اللي يشمت أبد ما يحب وحسن ماحبج وايهم الو يحب ما يخليچ تضيعين ويكسرچ بيوم وصلج هل حاله بسبه ردتي تموتين بسبه ياحب هذا
ومن جي ليوم شوفچ واكفة
عرف حقيقه وهو طاح
_واذا اجيتي وكتليلي غزل ارجعله ميت نعال بحلكج وع راسج
شمس : ههههههههه
غزل : اي هيج شوفيني ضحكتج لا طفين روحج علمود شخص ماكلف نفسه يكلج ليش
شمس : أني تعبت ما بيّه بعد لا صبر لا حيل أنا صايرة نقطة بس نقطة تمشي بين الناس
غزل : تعاي يروحي انتي
وخليتها بحضني وحجي وياها
حتى لو كل العالم نساچ أنا وياچ راح أظل أذكّرچ شنو
إنتي مو بس بنت حبت وانخذلت
إنتي كلب نظيف نظرة صافية
إنسانة ما تستاهل كل هالوجع بس لي عايشه وياهم واللي خلاچ تذبلين
راح يشوفج الورد ترجعين تزهرين من جديد وكل دمعة نزلت راح تصير نقطة قوة الج
_ إنتي نجمة بس مرّيتِي بليل طويل اسمعها
تتحصر بوجع وتنفس من صدرها التعبانه
ما راح أعوفج وإذا نسيتي شلون تضحكين
أني أعلمچ من جديد
شمس :شكراً غزل صح ما برد چرحي
بس حضنج اليوم ادفى من كل الدنيا
غزل: يا حتى لخانك نفسه يكول لي
هيج رفعت راسه مصدوم
شمس : يااااا صخم بوجههجج
غزل : ياغيوثي هذا ولج
شمس: غيوثي
غزل: وبويه عباس ابو راس حار رجلللي مابكته شجاج اكلتيني شنو بكته منج
شمس: عززاا غزل ازوجتبيي
وماعزمتيني
غزل : ع اساس انتي لي عزمتي
حتى من عرفت بيج حامل من اخويه عرفت
شمس : عزة اخوج
غزل : غير حر كاله
شمس :هسه عوفج احجيلي شبي لخانك نفسه
غزل : لا تحجين عليه شوفي ابو حواجب وتعاي احجي ع غيوثي
ماحس غير لطمة ع راسي
شمس : ولج غير هذا لقب منج
غزل : خل احجي لجج
شمس : يلا
بدت تحجي لي من اول مارحت
من يمي اخر مشكله لسه واني
مصدومه وحجي كول لنفسي
كلمنه ضيمه شكل
غزل : شبيج شمس صفنتي
شمس : بالي بس اني عدي مصايب
غزل : صح كلها عدها مصايب بس مو مثل مصايبج عمي انتي كارثه
⸻❁⸻❁✿❁⸻
حر **
دخلنه للبيت وأبوي واكف ع راسي كل شوي يكلي
أبوي :امشي نشتكي ع أيهم امشي لازم نسوي شي ونطلع اخوك
واني كعد عيني ع الفراغ أعرف
زين هو سواها بس بصراحة يستاهل كل اللي سواه قليل عليه قليل كلش
أبوي واكف وجهه كله حيرة يحاول يلكى طريقة يحسب شلون يطلع سلطان من هاي الورطة وخصوصاً معترف بكلشي راح ينحكم واني أعرف أيهم ما راح يتنازل عن شي
حر : أيهم ما يتنازل عن حقه وابنك جارم بالبنيه لي شفعله طفل بعده
أبو حر : هو يريد مرته ليش جبتها وياك
حر : اي يريدها خلصها هاي معارك وياي
أبو حر : اي كله تنازل عن اخويه ورجع مرتك
حر : شبيك يابه بنيه شافتني
سند لها اوكف حل مشكلتها
لا ونوب أنطيها وخيارها للي
وصلها للموت
أبو حر : نعوف اخوك بسجن مايطلع اذا مايتنازل كلها جماعته حتى رشوة يخافون ياخذون
حر :عوفه بلكت يصير زلمه بسجن
ابو حر: شبيك ويه اخوك
عفته وطلعت مالي خلك اي ناقش وياه ردت افهم موضوع من شمس شلون زوجها ليش وحجي كامل صدك
حر : يمامة شوفي شمس اريد احجي وياها
يمامة : يمها صديقتها تروح وكلك
هزيت راسي ب اي مررت ساعه وهيج واجتي يمامة كالت تنتضرك
دخلت يمه سلمت وكعدت
حر : شمس اني من يوم لي اخذتج من بيت امج وشفتج تتوسلين بيها وصدتج كلت احسبج حالج حال يمامه واصيرلج اخ قبل ماصير ابن
عم
_هسه اني مااجاي ابجيج وانتي مريضه بخصوص موضوع زوجج احجيلي بدون جذب بدون خوف اني وياج مو ضدج
بدت تحجيلي واني سمعت كل حرف منها وحللته واعرف جذرة
حر : لي تريدي شنو
شمس : طلاكني منه
حر : صح وياج وسند لج وراح اوكف وياج بقرارتج بس هذا لا
شمس : ليش
حر : ماراح تلكين مثل ايهم سند الج وخاصه انتي وحدج بغابه
شفته من جنت بالمستشفى مثل اب مفرفح ع اطفاله ومن صحيتي صار مثل حبيبي خاف يفقد لي يحبهاا ومن عرف سبب لي وصلج هل حاله
صار درع واخذ حكج منهم
يعجبني هيج شخص يخذ حكه بيدة بدون ماينتضر احد دخل مثل روح انتقم منهم وطلع
هسه انتي ضغوطات وحاله نفسته مصفرة عدج استقري وراتاحي يمنه شوكت
ماتكولين مستعده ارجعج اله
بس حاليا اطلبه رجلج حك حكج الاول وحك راجدي لي
ضربني ياه
شمس : هو هذا ياهو لي يضوجه يضوكة راجدي
ضليت شوية يمها نحجي وراها بساعه اتصل كام يكول مشيه تجي علينه بفلان يوم
اجتي العالم وهوسه صايرة وكلها تحجي وايهم كالت مرتي وحجت مرتي تحسه
فاصل ممصدك متزوج
كاعد بنص الديوان عالم وشيوخ ووجوه مليانة وقار متجمعةالهوسة وكلت بصوت واضح
_بنتنه وهذا عرض حياتها للخطر ما عدنه نسوان يمنه
ديوان سكتت وكل العيون صارت عليّه
شيخ أبو علي اعتدل بمكانه
وكال بهدوء
_ابني غلطه وصارت واحنه جاين نصلّح الغلط
أبو حر. : بنتنه يطلكها
وهنا صارت هوسه من طرفين
ناس تادي وناس تكول ترجع
شيخ أبو محمد رفع صوته يريد
يوقف جدال
_انتم عمامها وع راسي بس
وين أبوها نريد نسمع من بوها
سكت لكل اللحظة ثگلت مثل
جبل أبوها غايب
حر : ابوها مريضه وحالاته متسمح وهو كاللنا طلكوهااا
ما نرضى نخلي البنيه تروح ضحية
عرضنه واحد واللي صار لازم
يتحسب عليه
أيهم : اني تفقت وياه خالتي نجي لابوها لكيتها دزتها قبل مانوصل
كامل : اي وكل شيوخ تشهد جنه محضرين مشيه ماسكتين
حر : مايبرر زواجكم لبنيته وعرضتوا حياتها للخطر
شيخ ابو علي : ابني هدي برحمان وخل ترجع بت رجلها
حر : يطلكها
ايهم : مامشي بحجي جهال اني
هو من كال هيج لكيت فرصه اطرده وشيخهم وشيوخنا علكت بينهم وطلعوا مارضين
يم باب وكفنه نطلعهم وتطبك سيارة شرطة بالباب
ونزل منها شرطي ضابط وابويه راحلهم واشر ع ايهم...