رواية شمس الايهم الفصل الثاني والاربعون 42 والأخير بقلم شهد الدليمي
المن يشتكي الينخذل من اهله
يموت بكل هدوء السكته لتكتله
اقرب ناس اله يخذلون وين يروح
بس هذا الشعور اكبر من الذله
شمس **
مرت اسابيع وايام واني اشوف حب
ايهم لي يتجدد كانه شايفني اليوم
لهفته حبه لي مختلف ماشفت
عد احد من بشر هيج حب
دائما احمد رب العالمين لان عوضني
بشخص مثله جمع لحب الأشخاص لي احتاجهم بحياتي بشخص واحد ايهم
صار اب واخو ام واخت وكلشي
احتاجه بحياتي صارلي مع
كل هذا جان اكو جانب مضلم
بهذا الحب غيرته صارت نار تحركني
وتحركه وصل مرحلة يغار من نفسه
عليه
سارة : شبيج شمس صافنه
شمس : هيج دافكر
: وين بناتج
: دايلعبن بره
: شمس للبيت شبه كمل اريد
اروح اني وياج نجهز له
: اعذريني اسو اخذي ام حر مو
تعرفين ايهم محرم سوك ادخله
: خلي حر يخابره لان تعرفين ام حر تعبانه مو مال تعب وفره
هزيت راسي بـ اي وطلعت اشوف رزان
وروان دايلعبن رحت اسوي غده مادام
جوه هدوء
سويت غده وصحت رزان وروان سبحتهن
وبدلت لهن جان رزان تكلي
رزان : وين بابا
ردت عليها روان بعصبيه
: بجيش بابا
ضحكت ع سوالفهن بهل ثناء رن جهازي
ايهم يتصل فتحت خط سمعت صوت
كبل كال
ايهم : شمسي حبيبي
شمس : روحها لشمسك
ايهم : شلونكم بناتي
شمس : بخير حبيبي
ذني يمي هسه سئلني عليك
ايهم : وينهن بنياتي
خليته بينهن وفتحت مايك هو أول
ما كال: باباتي بنايتي
وهنا ضحكة شكت حلكهن وحارن شنو يحجن شنو يشكن عليه خبلنه اخر شي
شرد وهنا ضلن يدردمن ع وجهه
كمت غديتهن وصحت ساره تتغده ويانه
خلصنه غده وساره كالت راح يجي حر وامه
نروح للسوك وخابرنا ع ايهم قافل مايقبل
ترحين
شمس : اعرف كلبي اكلج ساره اريد تجيبلي وياج مانع حمل
ساره : شسوين بي شمس ايهم يدري
شمس : لا مايدري وشوفت عينج بناتي
صغار وايهم يردله كلب هلكبره ماريد ازيدها بحمل
هزت راسها وطلعت صح لي سويته شي
غلط مايصير اخذ هيج شي بدون علمه
بس اكو هواي أمور داتصير تصدمني باايهم
فـ مو وقتها ابد
مرت ايام طبيعي وساره بدت تجهز بيتهم
مرات اروح وياها ارتب ويمامه وغزل هم
ماعفنها لان
هي تدرس سادس وحر طاير بيها وهي هم طايره بحبه لها ربي يسعدهم ويخليهم
سوه
نكدر نكول عرسهم صار قريب بيومها
دا نرتب غراض ساره بالبيت ودك جهازي
ايهم يتصل كبل رديت
شمس : ها حبيي
رد عليه بعصبيه
ايهم : ليش البيت فارغ انتي وين
شمس : يم ساره دارتب وياهم
ايهم : جايج طلعي بسرعه
سديته واني مصدومه ليش ماكال اليوم ينزل وماجان هيج يحجي وياي بهذا اسلوب
انتبهن عليه ام حر ويمامه بس مابينت شي
رسمت ضحكة ع وجهي وكلت
-ايهم مسويلنا مفاجئة ويريد يشوفني اني والبنات
سارة : نتضريني نروح سوه
ام حر : اني اوصلجن
شمس : لا كملوا براحتكم اني اروح لان هو اجه بالباب داحجي وصوت باب ندك
راحت ام حر فتحته دخل ايهم ملابسه
عسكريه وبنات بس شافنه ركضن عليه
هو شال وحدة منا ووحدة منا يبوس بيهن
ايهم : باباتي بنياتي يابه شكد مشتاقلكم
نزلهم وسلم ع ام حر ويمامه باوعلي رحت
عليه سلمت
ايهم : يلا بويه تعاي وياي البيت
لبست عباتي وطلعت وياه هو ساكت
واني هم بس بنات يحجن وياه وصلنه
للبيت كبل نزعت عباتي رحت المطبخ
اسوي شي ياكله داحضر حسيته وكف
وراي ونزل راسه ركبتي وباسني
ايهم : مشتاقلج شمسي
ندريت عليه وجهي صار بوجهه
_ اني هم حبيبي
سحبني من يدي كبل سحبت ايدي منه
شمس : خل ينامون بنات شلون نعوفهن وحدهن
تقرب أكثر عليه رجعني ع ميز أكثر ونزل
راسه ركبتي يحجي ويبوسني
ايهم : كلبي مجمر عليج
كبل دفعته من صدرة هو خزرني
شمس : انت شلون تصيح هيج عليه
ايهم : طالعه بدون علمي شلون ماصيح
شمس: وين رايحه تره بينه بس لحايط
ايهم : لو غرفه بصف غرفه متطلعين
بدون متكولين لي
شمس : ايهم لا تكرهني بيك بسب
هاي تصرفاتك
اني حجيت هيج حتى يبطل بس هو
اخذ أمور بجد وحسب اني داحجي
واقعي وحقيقي كبل راح ع كاونتر شكو
شي فوكاه كسره شيشوف كدامه يكسره ويصيح بعلو صوت
ايهم : تكرهين منو
هاي عصبيته اخر مره اذكرها من جنه بيت
اهله بعد تغير وهسه رجع ع نفس أسلوبه
اني ضليت من خوف متحركت اجاني بنات
مفزوعات من خوف ايديهن ع اذنهن ويبجن
ركضت عليهن
من ركضت عليهن نسيت كاع كلها كزاز
اول خطواتي دخلت كززه برجلي شاغت
روحي هو كبل اجه رفعني عن كاع ودخلني
بصاله ورفع رجلي ركض جاب كطن وديتول
وبنات اجني يمي اسكت بيهن اني من شفت
هيج حال بناتي رجعت اذكر نفسي من جنت
صغيره سوه رجلي وطلع بره البيت
دخلت ساره واني بمكاني وبنات نام يمي
اول ماشفتني ساره نصدمت اجتي تركض
سارة : شبيج شمس صاير وياج
شمس : وكع ماعون مني وتاذيت منه
باوعتلي وباوعت ع مطبخ وكالت
ساره : هذا مال ماعون شبيج حجي
حجيت لها شنو صار وايهم شنو سوه
اخذت للبنات الفراشهن واجتي يمي
خلت رأسها ع رجلي وتحجي وياي
ساره : ضغط دوام وشغل عليه
هو يحبج حيل وكلنه نعرف ايهم
شكد يغار عليج
شمس : بس مو هيج دايبالغ
هذا مرض مو غيره
ساره: لا تحجين هيج كدامة وخاصه
بهاي طريقه من يصير جو خاص
بيكم احجي وياه بهدوء وفهمي وانتي
كل هاي سنين صارلج وياه محفضتي
شمس :ماجان هيج ساره ايهم
متغير
سارة : بسب شغله وانتي سوي كتلج
بي لو نخابر غزل تجي تعيد نضامج
شمس : سكتي يمه
ساره : يلا حبيبي رايحه انضف
المطبخ وانتي خابري شوفي وين
ومثلا مافهمتج
هزيت راسي بـ اي لها وكلت يمكن
من شغل ايهم يحبني مايتغير عليه
رجلي صارت توجعني اخذت جهازي
ودكيت عليه أكثر من مرة وما رد
كمت اخطي ع رجلي توجعني صارت
سارة جمعت الكزاز وسوينا عشا بسرعة
عشيت البنات حمدلله ناسيات لي صار
بس إحساسي كله مشغول بأيهم والوقت
يمشي وماكو أي اتصال اتصل مايرد
حيل قلقت عليه بـ 1 وماكو اني وساره بصاله ننتضر ماكو محبيت ادخل
احد يتصل عليه من ولد كلت اذا تأخر
أكثر اتصل عليهم
سارة: لا تخافين هسه ع جيه وين يروح
شمس : خاف صارله شي
: لا تضلين هيج تفكرين هسه يجي
كل ثانية ما يرد أيهم جانت تزيد خوفي
أحبّه حيل وما أتحمل فكرة إنه ممكن يصيرله شي
بلشت افكر اتصل ع حر يشوفه وين اول
ماردت اتصل سمعت باب نفتح ركضت ساره
رفعت بردة باوعت بوجهي وابتسمت
: هذا اجه حبيبج ثور
ركضت ليمها اشوفه فتح باب ورجع يدخل
سياره للبيت ساره راحت لغرفتي طلعت
وهيه شايل رزان ودتها غرفتها ورجعت ع روان شايلتها تباوعلي مبتسمه
ساره : حتى جو يصفى لج وصيحي عليه براحتج
اريد ارد عليه سمعت صوت باب داخلي
للبيت نفتح كبل دخلت بغرفتها وكالت
: اذا سئل عليه كوليله نايمه
من لليل
وطبكت باب ضليت اضحك ع خبالها هو
اسمعه فتح مي دايغسل رحت للمطبخ
وكفت ورفعت رجلي عن كاع لان توجعني
اذا اضغط حيل
رفع راسه عقج حواجبه
ايهم : شعدج لسه كاعده
شمس : وين جنت
ايهم : تحاسبيني انتِ
شمس : لا ع شنو احاسبك بس بالي ضل يمك شكد اتصلت عليك ليش هيج تخليني بقلق
فات من يمي برود باوعلي بطرف عينه وكال: ماسمعته
من كال هيج احس حترك كلبي اني متصله
الف مره يكلي ماسمعته دموعي كامت تنزل
اسلوبه وياي حيل ضوجني
شمس : شنو ما سمعته
تدري شكد خفت عليك تدري ردت أموت
من الخوفي عليك دموعي نزلت غصب
جسمي كام يرجف مو ضعف من حركت
كلبي
قربت خطوتين عليه بس هو بعده واكف
ببروده
شمس: ألف مرّة دكّيت
كلت يمكن صارله شي يمكن تعبان
يمكن محتاجين وأني مو يمّه
هيچ تحچي وياي هيچ تطفّي ناري بكلمة
سكت ما رد
وسكوته جان أوجع من أي كلام
حسّيت نفسي وحدي رغم وجوده كدّامي
شفته واكف بدون ردة فعل كلبي انعصر اكثر
درت وجهي أريد أروح ماأگدر أوكف كدّامه بعد
بس فجأة
سحبني من يدي بسرعة بقوة خوف مو
غضب وضمني لصدره حيل حسّيت دگات
كلبه سريعة مو أقل من دگات كلبي
أيهم: يبعد خوف كلبي
والله ما عندي وجه أحچي وياج من بعد
لي صار ضهر
صوته تغيّر صار مكسور مو قاسي مثل قبل
دفنت وجهي بصدره
شمس : والله خفت عليك
حضني أكثر كأنه خايف أفلت من إيده
أيهم: حب خوفج عليه وبنفس الوقت
ما أريد أقهرج
ابتسمت كلبي يدك بسرعة بس قبل ما أكول شي باسني براسه خفيف مشاني
بخطوات كعدنا بصاله خليت راسي على
صدرة هو
يلعب بشعري بإيديه وصوته هادئ لكن كله شعور
أيهم: تدرين حتى لما نقهر أو أتعب وجودج
يمي يهدي كلبي وجودج راحه لي
صار يحچي لي وين جان رايح يشوف أهله
حچه عن حسن شلون طلع من مصحه العلاج الإدمان وصار أحسن وهو هو متابع حالاته شخصيا وعلاجه بعدها حجى عن فاطمةومتزوجة صارلها شهروهو مستمر يحچي عن أخبار أهله وأنا أصغي بصدمه
سألتُه واني بالي الف سؤال
_ليش ما جنت تحچيلي ليش كلشي تخلي بعيد عنّي
رد عليه بكلماته جانت كلها حنية
: أنسيج ياهم لأن أذوج حيل
بس هم اهلي مكدر اذيهم بس أكدر
ابعدج عنهم وعن كل شخص يفكر يأذيج
صفنت ع رده لي هو استمر يحجي واخرشي
كال شفت امج يمهم اليوم هيه ونور وكامل
جلب لي وراضاني وياها واني حالف حركها
واكفه بعيني امي الله يرحمه
فجأة نكلبت من حنينه لبشر ماعرفت
شنو طينته وسئلت عليج وع بنات وع
ساره جاوبتها بزنين وخلص
مارديت ماعلقت اهله ذوله
ماريد احجي ويكرهم بسببي واني والله
احبهم
صح سوت هواي أمور بس تبقى هيه لي
ربتني مكدر اكرها ولا أكدر احقد عليها
من كمل حجي كال
ايهم :سويلي ماعون فواكه من يدج طيبة
سحب يدي وباسها اني كبل رفعت رجلي
أشر عليه وكلتله: ماكدِر أمشي
ضحك وكام
ايهم :صار شمسي أني راح أسوي أحلى
ماعون فواكه لأم جهال
بتسمتله وهو راح للمطبخ وأنا رحت
لغرفة سارة جانت منومة البنات نايمه
بوستهن وغطيتهن ياربي شكد احبهن
وقبل لا أطلع تذكرت حب مانع الحمل
فتحت الميز أخذت وحدة وهي مخلية مي يمها اخذت واحدة كملت طلعت لغرفتي
طلعت لغرفتي وكلبي كله يفكر أخذت
حب مانع حمل بدون علمه هذا شي غلط
حسّيت بالذنب بس بنفس الوقت أفكرت
إذا أحجي وياه بهدوء راح يفهم مني
دخلت غرفتي بسرعة دخلت للحمام ولبست
شي مريح للعين شي أكدر أنام بيه مرتاحة
عدلت شعري رشيت عطر وعطرت فراشي
وأنّي درتب بالفراش وفرشت بالكاع افرشلنا هو أدخل الغرفة شفت شايل صينه بيها
فواكه خوش مرتبها صينه مال كعده زينه كلشي مرتب بطريقة حيل مرتبه تصيح تعال اكلني
خلى الصينه على الميز ومشى للحمام شويه
وطلع شعره بعده مبلول يقطر على صدرة مي منشفة لفها على خصره
راح يم الميز عدل شعره راح للكنتور
لبس بجامة بدون تيشيرت واجه يمي وكف
صار مقابلي وكل هالشي وأنا صافنه بيه
حسيت روحي صارلي ألف سنة ما شايفته
ما ينمل من النظر إله وما ينمل من شوفته
وعيوني ما تريد تفاركه
كعد يمي وسحبني للصدره نزل راسه على
ركبتي وسحب نفس عميق وصاح : أوف يابه
ضحكت دفنت راسي بصدره أكثر وهو إيده
ع جتفي كلت بنفسي خوش فرصة أفتح الموضوع
شمس: أيهم
أيهم: عيونه لأيهم
: حبيبي دافكر بنات بعدهن صغار ودايتعبني وخلصت فترة مناعة من الحمل أريد أخد موانع من يكبرن نفكرنسوي بجهال بعد
بعدني مكملة كلامي رفعت راسي من صدرة
لوجهه عاقج حواجبه شكله يوحي ماعجبه
الكلام كله
: بوية أني أريد فد تسعة سبع بنات منج وهم ماشبع منج
: أيهم حجي صدك شنو تسعة
: فكرة شيلها من بالج أني أريد منج عائلة حيل جبيرة
شال إيده وخلاها على بطني
:كون بهل ليلة وزرع بيج رزقي جديد بأذن الله
فتحت عيوني بصدمه وضربته على صدره وهو يضحك رجعت راسي ع صدرة واني افكر بردة فعله اذا اعرف بيه حيل خفت
بنفس وقت هذا من صالحه وصالحي فكرت بصوت عالي وحجيت
: تسع بنات مو هواي وين نلحك عليهن نربيهن
: سارة موجودة بليل عليها وبنهار عليج
:غير راح تزوج
: لا مو بعيده وخليت حر يسوي غرفة زيادة لبناتي
ضحكت ع كلامه أعرف مايسويها كل هذا هنا البنات يم سارة نايمات ألف مرة يروح لهن فتح البلازما شفنا فيلم أكشن ع حرب ماعرفت شنو سالفته ساعة صارت 3 نعست
كمت مددت بفراشي
هو طفى البلازما وطلع بره وأكيد راح يشوف البنات شوي ورجع تمدّد وراي لمني لم بحضنه
: بوية انتي ما تكبرين
: شلون يعني
: من عرفتج لسه طولج شبر
وضايعة بين يدي
: والله داكبر بس انت جنك ثور
حجيتها منا وكمزت منه هو كبل سحبني من رجلي
: أني ثور مو
: دصبر شبيك سمعت غلط
: لا عدل سمعت واضح
تعالي خل شوفج ثور شيسوي بيج اليوم
بحركة سريعة قربني منه أكثرحسيت بحرارة
جسمه ودفوحضنه حاولت أطفر منه شوي أو أزعجه بس هالشي خلاه يقرب إلي أكثر
لما حاولت أتحرك وبتعد سحبني بحنية أكثر
لحضنه حسيت كأن الدنيا كلها اختصرت بوجودة يمي وبحنانه عليه
سحبني له بلطف حضنه جان دافي
حضن واحد محتاجني كدما أني محتاجته
دفنت وجهي بصدره وحسيت باشتياقه
بكل تفصيلية بإيده اللي استقرت على ظهري وبالطريقة اللي يقربني بيها كأنه يريد يعوض كل لحظة بعد بينا
بهالحضن حسيت نفسي بأمان حسيت
الدنيا كلها صارت لنا ما بقى غيري وغيرَه وغير هالدفو اللي يلف كلبي قبل جسمي
بقيت هيچ بين إيديه لا أريد أتحرك ولا
أريد اللحظة تخلص أنفاسه جانت قريبة
دافية تحسسج إنتي بمكانج الصحيح
إيده تمشي على ظهري بهدوء مو حركة
طمأنينة حسيت نفسي أهدأ شوي شوي
كأن كل التعب والقلق ذاب بهالحضن
حتى دگات كلبي صارت أبطئ تتماشى ويا دگات كلبه ماجان محتاج يحچي وجوده
تصرفاته تحچي عن ألف كلمة
ما أذكر شلون غفّينا
بس فزّيت على صوت ضحك عالي ضحك مالي المكان فتحت عيوني
شفته يلعب وياه بناته رازِن وروان ضحكتهم تارسة الغرفة حياة
فتحت عيوني أتأمل منظرهم كلبي امتلأ دفو وگلت بيني وبين نفسي
ربي يحفظهم لي شكد حلوين شكد نعمة
انتم لي
من شافني فاتحة عيوني عاف البنات وجاني
بسرعةعيونه تضحك قرب علية وصار يدغدغ
بي وأني ضحكتي صارت صياح والبنات وياه
لو يشجعنه
قرب علية باسني براسي وبصوت كله حنية وكال
: كومي حضري البنات ونفسج نطلع نتريك بره
ما صدگت الخبر كبل لا أجاوبه طفرت للحمام من الفرح سمعته يضحك عليه وصاح
بصوته العالي وسارة هم تجي ويانا خلي تبدل
خلصت سبحت وبدلت وهو دخل للحمام
رحت للبنات لكيت سارة محضرتهم شفتها
جاهزة هم گتلها وأنا أضحك
: أسرع مني صايرة
ندارت علية وهي ترتب شعر روان
: لاعيني مبدله قبلكم زوجي يريد ياخذني نشوف غرفة نوم
: زوجج
تعوج حلكها وتضحك بنبرة دلع
: إي زوجي
ضحكت عليها وباوعت عليه وگالت
تعالي نرتبج قبل لا يطلع حقنه زوجج
ضحكت وكعدت كبالها بلشت ترتب وجهي
بمكياج خفيف شي بسيط يفتح الوجه لا أكثر
: هيج زين لا تكثرين
ابتسمت وكالت
: لا تكولين لايهم اني خليتلج
مكياج
باوعتلها وضحكت كل عقلها تخاف
منه لان مهددها عفتها ورجعت الغرفه
باوعت ع بناتي نفس اللبس نفس الجمال
مودي أگطعهن من لبوس حضنتهم وحدة
وحدة وبست ايدهم وبعدين رحت لغرفتي
لبست فستان طلعة مستور بسيط ولفيت
ربطة مرتبة رشيت عطر خفيف
دارتب بنفسي وطلع أيهم من الحمام شفت
صورته بالمراية ضل يباوع وما نزل عينه
حرك حواجبه نظرة سوال بدون حچي
أشرت بإيدي: شنو
قرب خطوة صوته هادي بس نبرته تغيرت
: شمس وين رايحة بهاللبس
تنفس بعمق ومد إيده وعدل الربطة بإيده
أيهم :ماأحب أفرض عليج بس أحبچ
تكونين إلي مو لعيون الناس
كعد ع طرف الجرباية مسح إيده على شعره
وكال بهدوء
: طالعين نغير جو مو نتعارك ويا العالم
رفعت عيوني له باستغراب
: شكو متعارك
تنفس بعمق وباوع عليّه من فوك لتحت
: شوفي روحج شنو لابسة
وتطلعين هيچ تريدين
سكتت ما جاوبت
مد إيده وسحبني بلطف كعدني بحضنه
لف يده عليه وصار يلعب بأصابعي وهو
يحچي بصوت شبية لهمس
: مو شغلة تحكم بيچ
بس أني أموت أختنك إذا حسيت أحد شافچ أو لمح ظلچ
حسيت كلبه يدگ أسرع من كلامه
أيهم: غيري لبسچ بصاية عريضة واغسلي وجهچ
أريدچ تطلعين وانتي مرتاحة وأني مرتاح
ملت راسي على صدره وگلت بهمس
: من تحچي هيچ أنسى كلشي
حبيت طريقته من يحچي وياي بهدوء
لاصوت عالي لا عصبي بس يفهمني شنو يريد
لبست اللي يريده مو غصب بس لأن كلامه دخل كلبي قبل لا يوصل لأذني واريده يرتاح بطلعه وكسب راحتي
خلصت باوعت عليه وهو دا يلبس ساعته
كدامي وكفت أتأمله بدون ما أحس ملامحه
متغيّرة
لبس أسود كامل قميص وبنطرون وهو حس بنظرتي
رفع عينه عليه وكال بضحكة
: شبيچ صافنة
قربت منه عدّلت ياخة قميصه بهدوء
: اني هم ماقبل تطلع هيج
شو انت طالع حلو ترى حتى أني غرت
كبل ضحك بصوت عالي وضحكته اللي ملت المكان
: البسلج عباية
: خاف اكول اي ولبسها اني
: يمج بعد
: راح يصير عشا وإحنا هنا يلا
لمّ أغراضه بسرعة محفظته بيده وشال
رزان وأني لزمت روان طلعنا لباب البيت
قبل لا نطلع ندار وجهه وسأل
: وين سارة
: زوجها يريدها راح تطلع وياه
واحنه دانحچي إجه حر سلّم أخذ سارة
وطلعوا بقينا إحنا قفلنه الباب وطلعنه
وأنا أمشي إيدي بيد بناتي وهو َكدّامنا
هو كعد البنات لوراه وأني كعدت يمّه
وانطلقنا للمكان المكان حلو عائلي هادئ لا ضوضاء ولا زحمة
رزان وروان أول ما شافوا ألعاب الأطفال
ركضوا ونسونا وضحكتهم جانت أعلى من كلشي
بقينا نراقبهم من بعيد وهو كل شوية
يلتفت يباوع علية كأنه يتأكد إني مرتاحة
تونسنا دخلنا محل ألعاب اشترينا للبنات لعب جديدة جانوا حيل متونسين وأنا فرحانة بفرحتهم أكثر منهم
رجعنا للبيت تعب لطيف تعب خفيف
أول ما دخلنا رن تلفونه باوع للشاشة
تغيرت ملامحه فجأة
َ
طلع بره كبل بدون ما يحچيلي شي
وكفت بمكاني كلبي حسّ بشي غريب
مو خوف بس إحساس إن الهدوء هذا ممكن ينكسر بأي لحظة
اخذت البنات خليتهم يبدّلون
بس عيوني كل شوي على الباب أترقب رجعته وأني أنتظر گلت لنفسي
يمكن شغل يمكن شي صاير
بس ليش طلع بدون مايكول
شي
بدلت للبنات ونوّمتهم بعد لعب وتعب
ناموا بسرعةسارة جانت راجعة قبلنا أخذت جهازي ودگّيت عليه رد
: ها حبيبي وين إنت
: شوية وأرجع
وسدّ مباشرة
ضلّيت صافنة بالشاشة
شهل تصرّف
خلّيت الجهاز بالغرفةوطلعت يم سارة أشوفهاشنو سوت يمكن أحچي وياها وأطلع اللي بصدري
دخلت عليها وهي داتمشط شعرها
باوعتلي من المراية وحسّت بنظرتي
: شبيچ شكلج مو مرتاحة
شمس: أيهم طلع فجأة واتصلت عليه رد ببرود وسد
سارة دارت وجهها إلي ونبرتها جانت هادئة
: لا توسوسين يمكن موضوع
ضروري
هزيت راسي بس كلبي ما اقتنع
أنا أعرفه وأعرف تصرفاته
كعدت يمها شوي أحاول أضحك أحاول
أتصرف طبيعي بس أذني جانت كلّها على
صوت الباب أنتظر خطوته
مرّ الوقت وسوّينا عشا أنا وسارة
كعدنا نحچي هي تحچيلي عن يومها وياه حر
شلون طلعوا وشافوا الغرفة وضحكنا على
فهاوتها
ذكرنا يمامة وغزل وگلتلها ليش ما نسوي
لَمّة يوم جمعة عجبتها الفكرة وتفقنا ودزّينا عالواتس وحددنا كلشي وأيهم لا اتصل
ولا دز مسج وهذا غيابه فجاء صاير يقلقني وأنا هم ما رجعت أدگيت
سارة كامت نامت البيت صار هدوء وبنات
نوموا اخذت علاج من يم ساره وخليته
يمها خاف يشوفه يمي
كعدت وحدي أرتّب المطبخ بدون سبب
أشيّل شي وأرجع بس حتى ما أبقى أفكّر
وضعي ما عجبني قلق كاتلني
مو لأن دايطلع بس لأن ممعودني ع هلغموض هذا مو من أيهم كعدت ع تخم
لفيت نفسي بشال وعيوني ع الباب
ما حسيت بنفسي إلا واحد شايلني بين إيديه كبل لا أستوعب شنو دايصير فزيت مخترعة طفرت من إيده وكعت ع وجهي
صرخته سبقت ألمي
: خرب أبوچ راح وجهچ
حسيت وجع فضيع بخشمي وجع يخلي الدموع ينزلن غصب جنت أحس كأنه
انكسر
ركض للمطبخ رجع بسرعة شايل ثلج
كعد كدامي وخلاه ع خشمي
وأني مثكلة وهو يباوعلي ملاحظه عيونه حاصرته ضحكة رفعت عيني عليه بعصبية
: ضحكه ليش ضامّها
:أضحك ع شمسي شبيچ تسودنت قابل
گبل سىألته وين جان وليش طلع
هيچ حط الثلج بيدي وكام راح للغرفة
بدون ما يحچي كلمةذبيت الثلج من إيدي ولحگته
: أيهم شهل تصرفات
مو داحچي وياك ما رد
فتح الكنتور أخذ ملابسه ودخل للحمام
بقيت واكفة بمكاني أسمع صوت المي وأحاول أرتّب أفكاري
انتظرت لحد ما طلع من الحمام ينشف راسه مر يمي
بدون ما يباوع وكأني مو موجودة
راح للفراش وتمدد غمض عيونه ولا حاول يشرح ولا حتى احترم وجودي
كمت بهدوء طلعت فراش فرشته بالكاع بدلت ملابسي تمددت ع فراشي وهو بعده
على نومته يتحرك بين فترة وفترة
سحبت الغطا عليه وعيوني بالسَكف أفكر بكلشي وسكوته الي وجع أكثر من أي
كلمة قررت بعد مااسألة ع اي شي
بين نايمة والكاعده حسيت أحد يتمدد يمي ع فراشي من ريحته عرفته أيهم
ما فتحت عيوني خليت نفسي على وضعها
وكملت نومتي كأني ما حاسة تمدد وراي
باسني على راسي بهدوء
سمعته يهمس بصوت قريب من أذني
:خرب أهلچ ما أكدر أغمض وأنتي مو يمي
ضليت نايمة وحسيت ع صوت كعدت
شفته نايم يمي خانكني دنيته وهو نايم
بالهدوء كمت بهدوء حتى لا أزعجه لبست وطلعت
سمعت أصوات من المطبخ ضحك وحچي دخلت وأنا مبتسمة
: صباح الخير نياتي
رزان وروان (سوه):
صباح النور ماماتي
دنكت عليهن بوسة لكل وحدة:يا روح ماماتچن
رفعت عيني شفت سارة تباوع علينا
بنظرةإعجاب ضحكت وسحبتها لحضني
:تره حاسبتچ بنتي انتي هم
وإحنا بهالجو دخل أيهم
باوع سارة وصاح
: لعد شبي حضي لا حضن لا بوسة
سارة رفعت حواجبها وكالت ببرود متعمد
: وضعك خطر
سويت نفسي مااسمع
: قوري بي چاي سارة
أيهم باوع لسارة هز راسه وهو يضحك
: صدگ خطرة
: اي هسه سويته جاي
ايهم راح يغلس شويه ورجع يم بنات ياكل
ويوكلهن وهن هم يوكلنه اخر شي روان لوكيه باست ايده ورزان قلدتها هو دايوكل
بيهن هو تخبل يحير شيسوي يحضنهم يبوسهم ويصيح بصوت
: يايمه للبنات يايمه لحنيه
رفع راسه علينه اني وساره ع نفسه
نضره وصفنه وتفكير لان عشنه مر علينه
سوه اني ماغار من بناتي بس من اشوف ايهم يحبهم هيج اتمنى احب يحبني مثله
وساره هم اشوف نفس نضره بعيونها لحمدلله ع كل حال
ايهم : شبيجن
سارة ردت عليه اني ردت احجي بس ذكرت محجي وياه
ساره : متونسين عليكم
ايهم : مهرج اني
: تره محجيت شي اقصد
ضحكوني
: شمبنزي ويكمز كدامج
: لا والله مو هيج اقصد
نضحك عليكم
: اي شايفتني مضحكه
كبل فرت رأسها عليه بنضره معناها راح ابجي خلصيني منه
شمس : اسو طلعيلي لحم خل يموع حتى نسوي غده
وهي ماصدكت كبل كمزت هو ضل شويه
يلعب بنات بس دك جهازه طفر شويه
وطلع من غرفه مبدل اني كبل سويت روحي ماشفته
وكف يمي وحجه وياي
: طالع تردين شي
مارديت عليه
هو صاح ساره حجه وياها وطلع اجتني ساره
: يكول اتأخر لحد يضل باله
وتغدوا لا تنتضروني
: هاي حاله ترضيج شدايسوي
ليش هيج يحرك اعصابي ليش هل غموض
: خل ندز ع الاستخبارات مالتنه هي تحل لغز
: غير جمعه عزمنها
: جمعه يجون كلهم هسه اتصل ع حر يجيب يمامه ويمر ع غزل وانتي كملي غده
: يلا ماشي
راحت ساره واني رحت كمل شغلي بالمطبخ
وبناتي بصاله يلعبن يفقدن ع لعب حيل هدئات
بس من يشوفن ابوهن تتغير شخصيتهن ع وكاحه وعرامه واني خاف محجي وياهن كدامه
داسوي غده ودخلت ساره تحضر وياي الغده
وبنات شويه ويجن لن واحنه حضرنا غده
وكلشي رتنبنه وفرشنه وساره راحت تبدل
واني كعدت يم لبنات شويه وجتي ساره
كعدت يمهن ورحت بدلت
سمعنا صوت الباب يندك شويه ودخلن يمامه وغزل الاثنين حبل وحده بـ7 وثانيه 8
وشكلهن مثل بطريق سلمت عليهن وكعدن
اول ماكعد غزل صاحت
: مرت ثور غده زين
يمامة : هسه يطلعلج
: تخسين اني ام سند اخاف
شمس : بدون بطولات هسه وين ساره خل نصب سوه
غزل : دخلتنه وضلت يم ابن عمج
يمامه : أخذها للبيت مالتهم سمعته يكوللها شوفي غرفة
غزل : طلع هذا حر بي بله واني جنت تخيله فقير
يمامة :نفس صدمتي بااخوج
غزل : يمه حيدروري وين يعرف
شمس : كافي راح يتمالخن
عفتهن ورحت للمطبخ حضرت الاكل
ع ميز طعام خطيه هنا ميكدرن حتى براحتهن
ياكلن ورحت اصيحهن غزل مخليه رزان
بحضنها تبوس بيها و يمامه تحضن بروان
شمس : سند وين
غزل : ضل يم ابوه
شمس : مجبتي يلعب وياه بنات
غزل : غيث يخاف عليه من ثور سند
وكح يضرب خاف يضربهن وثور يهججنه من الكوكب
شمس : شسالفه تره ايهم حباب
مو هل درجه
ويلا يكومن اكل جاهز واني داحجي دخلت
ساره وجهه طماطيه صاير ركضت للمطبخ
تغلس بس مخلصت من تصنيف غزل ويمامه
وحدة تكبس وحدة ترفع
تغذينه وغديت البنات بدلت لهن ونومتهن
ولكيت ساره مسويه كعده توب حب وكرزات
وعصاير وكيك خوش كعده كعدت يمهن
وبلشن يحجن ساره فتحت موضوع ايهم
وغزل مركزة كلش بسالفه من خلصت
ساره صفنت وكالت
غزل : مزوج عليج
شمس : كولي غيرها ماسويها ايهم
غزل : خل يجيبها فوك راسج وكولي
مايسويها جهاز مغير رمزه اول مايجي
اتصال يطلع من البيت بسرعه
يتأخر يلا يرجع وياه كل هذا انتي
تكولين تصرفات جديده مايسوي
هيج ابد قبل هذا كله يوحي ان
مزوج عليج ثور
يمامه : احس حجي غزل صح
سارة: مو شرط يمكن شغل
غزل : شغليج ليش يتجاهل
سؤالها مايريدها تعرف
ساره : جبتج تهديها لو تخبليها
يمامه : غير تعرف حقيقه زوجها
ساره :يمعودات كولن يالله راح
تهجمن دنيا سكتن
كلهن ندارن عليه اني صافنه بالفراغ
وجمع بتصرفات وشك غزل وحجيهن
صار شك بعقلي ان ايهم مزوج مجرد
افكر احس نفسي اختنكت دموعي كامت
تنزل والبنات من شافني ابجي اجني يمي
يحاولون يترجعن عن كلامهن
غزل : ثور يحبج مايسويها
ساره : شكد اختلافيها
غرل : غير تسكت محامية لثور
شمس : غزل شسوي شلون اعرف
شنو شدايسوي اذا مايحجي واذا
مزوج شلون غير اكتله بيدي
غزل : تأكدي واذا مزوج اني وياج
نروح نكتله ونكتلها
يمامه : ولج غزل طركاعه سكتي خبلتي
لبنيه
للعصر وغزل كل ساعه تكلي شي بس
تفسيرها مال مزوج ضل بالي وخنكني
غيرنه الموضوع ضحكنه وشاقينه غيرنا
جوه سوه ولبنات راحن اجه غيث اخذهن
راحن وتفقنه جمعه لمه نسوي
بناتي كعدن يمي يهوسن اجتني رزان
تريد تشتري وروان هم رحت اجيب
لهن خلصانات ماعدي حلويات
رزان : وين باباتي
روان : لا باباتي اني
شمس : هسه يجي حبيباتي
خابرته ونطيته روان كبل رد حجه
وياهن وصنة ع حلويات كالهن نطيني
ماما ماخذته ودته لساره حجته
ساره : يكول اريد عشاه جاي بطريق
شمس :شنو مرته ذيج متعرف تطبخ
ساره : لا تصدكين وتعيشن دور يمكن
مجرد شك مو صح
هزيت راسي وكمت سويت عشاه لنه
وحضرت كلشي واني داحضر سمعته
صوته يسلم من يدخل للبيت
اكو بره مغسله بس الا يجي يغسل
بالمطبخ
ايهم : سلام عليكم
مارديت عليه لتهيت بالطبخ
هو غسل ويردد بصوت ناصي
ايهم :زعلان الاسمر مايكلي مرحبا
مارديت عليه غسل وطلع شويه وصياحه
هو بنات يلعبون خبصوا البيت بصياحهم
يسوي هيج حتى احجي وياه لان يعرف
محب اعلمهن ع فوضه بس هل مره
محجيت
كلمت الاكل وصحتهم ياكلون من
دخلوا اني طلعت صاحتني ساره
كتلها ماريد مااشتهي واكلي بنات
وياج يضلن بس يلعبن بااكل رحت
الغرفتي داحضر ملابس اريد اسبح
دخل وركع باب حيل
وكف مقابيلي صاح بيه بصوت
ايهم : كم مرة محذرج اكل ماينزعل
عليه شهل تصرفات
شمس : ع شنو زعلانه بنات جانن يمي
واكلت هواي اليوم مااشتهي
ايهم : تصرفتج انتبهي عليهن مو
دائما عبر لج
شمس : لحضه ياتصرفات هاي ها نسيت
اطلع من صبح لليل ماكلك وين 24 ساعه
عيني بجهازي اول ماتجي رساله اطلع كبل
تقدم خطوة لي اني ضليت ثابته بمكاني
سحبني من زنودي له حيل وصاح بوجهي
ايهم : ماأخذج أذنج اني من اريد
اطلع
وخر ايدك داتاذيني رفعت راسي له
نضرة كلها غضب معرف ع شنو هل
غضب ليش هيج صاير يتصرف وياي
عتيت ايدي منه حيل وصحت بي
شمس : متعجبني هاي تصرفات اني
وإذا معتدل من وضعك وتفهمني
شبيك ماضل يمك
باوعلي وهز يده وضحك ضحكة بستهزاء
ايهم :وين تروحين لمن يالحنيين
عليج منهم هنا موتج وهنا حياتج
متطلعين من هل البيت
من حجة وياي بهل طريقه احس شي
خنكني دموعي خانني ونزلن معرف من
صدمتي بكلامه شكد صار وياه ولا مره
حسسني ماعندي اهل ولا مره بكل مره
يحسني هو اهلي صح موجودين بس هما
مو سند لي هو صار كلشي بحياتي
ضلّيت أبـاوع له كأن أذني بعده تسمع
بكلامه يرن جوه راسي وما يريد يطلع.
تقدمم خطوة بس رجعت ليوره
خطوتين هو تقدم وصوته هالمرة
أهدى
أيهم: انتي مو بس زوجتي وأم بناتي
انتي بيتي شلون تطلعين منه
ما رديت كلامه ظل يدور بداخلي يعاند
مشاعري يوجعني ويطمني بنفس الوقت.
محسسني انسى بثواني ماعدي إحساس
تكسره وبنفس ثانيه تتراجع عنه
عفته ومشيت لحگني وسحبني من إيدي
أيهم: أعتذر شمسي ما أعرف شبيه
هالفترة.
سحبت إيدي بهدوء ومشيت ما گلت شي.
مو لأن ما عندي حچي بس لأن الغصة
حشرت بلعومي جنت أحاول أبلعها
رحت لغرفة سارة دخلت للحمام سبحت
وفرشت يمهانومت البنات ومددت سارة
ما حچت شي حست مختنكه ماحجتني شي
خَلتني على راحتي وهي هم نامت
تمددت بفراشي واني هوسة أفكار براسي
تضارب كلام غزل كلامه وياي تصرفات
لي احاول الكهن مببرر سكوته والغموضة
وسمعته بره يحوس بالصالة يفتر ويرجع.
شفت خيال جوه الباب عرفته إجه
كبل أغمضت عيوني سويت روحي
نايمة فتح الباب ع كيفه ودخل.
راح للبنات باسهن وغطاهن وباوع على
سارة يتأكد نايمة وبعدين إجه يمي
أني بعدني مسوية نفسي نايمة.
كعد وراي بهدوء مد إيده على شعري
أبعد خصلة من وجهي باسني على خدي.
قرب راسه من أذني وشمني وجسمي
كزبرحسيت بنفَسه قريبه وصوته طلع
همس
أيهم :أدري بيچ كاعدة تعاي يمي.
شلون تعوفيني وحدي
ما رديت عليه ظليت مسوية روحي نايمة.
شوية حسيته سبح الغطى وتمدد وراي
سحبني له بقوة
خلى إيد تحت راسي والثانية على خصري
وضغطني عليه كأنه خايف أضيع منه.
حسيت نفسي أنسحب داخل لصدره
أنفاسه دافية وراي
تضايقت وهمست وأنا أحاول أطلع من
بين إيديه:
شمس: شسوي؟ كوم اطلع... لا تكعد
سارة عيب منهاكوم
رد عليه كلها نعاس:
أيهم : مو عيب... نايمة هيه
حاولت أحرك إيده
شمس : هدني أني أريد كوم.
ما هدني حاولت أفك إيده بس تعبت
جنت بين إيديه بس مو يمه
هو يحسب زعلي ينكسر بحضنه
وإني أعرفه... مو أول مرة يسويها.
كل مرة أزعل يفكر الحل قريب
يسحبني يضمّني ينحل لزعل مو من
جسدي حتى يهدأ بهالطريقة...
زعلي من كلبي.
مقهورة منه
لأن ما دايفهمني أحسّه يضغط على
وجعي يحسب إذا شدني عليه أكثر
راح أنسى كلمته اللي وجعتني
نمت وأنا غارگة بالتفكير كعدت على صوت
البنات دا يكعدن بيه فتحت عيوني ما شفته
طالع انتبهت للبنات مسحت وجوههن من
أثر النوم.
رزان: ماما جوعانة.
روان: أني هم ماما.
شمس: صار يا روح ماما انتن.
أخذتهن ورحت للمطبخ غسلت لهن
وجوههن وإيديهن وغسلت وجهي وياهن.
سويت ريوگ بسيط أكلن بشهية وأني
حاولت... ما گدرت.
شربت چاي بس.
أخذتهن ورحت لغرفتي أبدل لهن.
من دخلت شفته نايم ع الجرباية بدون
تيشيرت.
عرفته... الصبح رايح يستحي من سارة.
أول ما شافنه البنات ركضن عليه.
صعدن على ظهره روان ما تقبل أحد
يدوس ع ظهر أبوها تعاركن وبچت
رزان لان حاولت تبعدها وهو كعد ع
حيله أخذ وحدة يمين ووحدة يسار.
أيهم: ليش بابا ضربين أختچ؟
روان: دوس عليك
رزان: هو بابا.
ضحك باسهن وحدة وحدة:
أيهم : يبعد أباهتي كلهم.
ضل يلعب وياهن وأنا رحت ع الكنتور
أطلع ملابس لهن رفع راسه وباوعلي
صوته طبيعي كأن ماكو شي صار:
أيهم : صباح الخير شمسي.
حطيت الملابس وطلعت سويت له ريوگ.
رحت كعدّت سارة تصيح له حتى ياكلون
سوه وهو أول ياكل ما كعد صاح باسمي:
أيهم : شمس!
رديت من مكاني:
شمس: اكلي... سارة أكلت ويا البنات.
سمعته يسأل البنات:
ماما أكلت وياچن؟
رزان: لا ما أكلت.
عفتهم ورحت انضف كملت شغلي بالغرفة
وبالصالة رتبت بدون وعي بس حتى لا أوكف
وأفكر.
رحت للمطبخ شفت مكانه فارغ و طالع.
انتبهت على أكله مثل ما هو ما ماكل شي.
سارة باوعت لي بنظرة تفهم قبل لا تحچي
سارة: أعرف ما يصير أتدخل بينكم...
بس تجاهله هم ما يصير.
تنفست بعمق:
شمس: بس هو يتجاهلني يصير؟
هزت راسها بهدوء ب لا
سارة : مو هيچ بس حاولي تكعدين يمه
تعرفين ليش وشبيّه هيچ دا يتصرف
هزيت راسي بس ما علقت.
رجعت أكمل شغلي إيدي تشتغل وكلبي
مو وياه سويت غدانفس الأكل نفس الخطوات
نفس الروتين للمغرب دخل هو حتى بدون
سلام كبل للغرفه وبعد مطلع واني مارحت
له فرشت يم ساره ونمت...
كعدنا اني وساره من وكت لان يوم جمعه
وعازمين البنات يمنه سوينه رويوك وكملنة
تنضيف باوعت ساره وكتلها
_روحي كعدي ايهم يجيب مسواك
حتى نكمل غده من وكت
ساره : شلون اكعده اني مترهم زحمه
خاف مالبس شي
انتي روحي كعدي اني هسه عدي استعداد
ماسوي غده ولا اروح وحجي وياه واحنه
دانحجي دخلت رزان جنها بطه باوعت ع
سارة وضحكت ورحت رزان
_رزونه حبيبي روحي باباتج كليله ساره
تريدك
سارة : وليش ساره عود
وجع شبيج حتى كبل يكعد
رحت رزان طولت يلا رجعت خدودها حمر
عرفته جان يلعب وياها كالت
رزان : بابا هسه يجي ويكول اريد جاي
كبل بستها من خدودها وحجي وياها شلون
بنوتات عسل روحي لعبي يم اختج رحت
حضرت له ريوك وجاي هو طلع من غرفه
يعدل تشيرته لبس بجامه وتشيرت ساره
باوعتلي حركت لها حواجبي بمعنى روحي
ايهم : وين ساره
كبل باوعت لي حجتهن ع سريع هو
صافن بوجهه
َ
سارة ::صباح الخير بس كلت اكلك
اريد مسواك عازمين بنات ع غده
نريد سمج فواكه
ايهم : هلا بيهم بويه راح ابدل حضري
لي جاي
سارة : حضرته لك شمس
راح للغرفه شويه وطلع مبدل شرب بس
جاي وطلع اني رحت للغرفه فتحتها بالك
مو بس عصرية عايفتها حسبالك صار سنه
موصل ملابس للباب عرفته حقاره وعناد
منه يدري محب فوضه شكو شي مستخدمه
ذابه بالكاع
رحت رتبتها وكملت اخذت ملابس
لبست كلبيه حمره رادن طويل بيها
خرز ناعم مخصره ع جسم
رتبت وجهي مكياج خفيف وطلعت لي
حجاب وحلقتي نزعتها الان راح اسوي
سمج اضل كل شويه مغسله بصابون
من ريحه وتضل توكع من يدي
وبدلت حتى استقبل خطاري بأناقه
وهسه ريد طلع باب غرفه صار بوجهي
رفعت راسي له عاكد حواجبه يباوع
لي من فوك ليجوه عفته ومشيت
بسرعه قبل لا يحجي شي
دخلت للمطبخ لكيت ساره ترتب المسواك
بثلاجه ممخلي شي ماجايبه هو حيل يفرح
بالخطار يحير شيخلي كدامهم وحتى احنه
ممقصر ويانه اخذت سمج نضفته وكملته
وخليته بالفرن واني اسوي حجي وياه ساره
_حر يجي وياهم كتيله مو
ساره :اي حتى ام حر
شمس : متروحين تحضرين روحج
قبل مايجون
ساره :ماريد اعوفج وحدج
شمس :دمشي حضري روحج وتعاي هو
بقه بس تمن الأحمر وباقي من يجن
يحضرن ويانه هنا
رحت ساره واني لتهيت اسوي تمن أحمر
وكل شويه ارقب بنات من اسمع صوتهن
اطمئن بس من تصير هدوء قلق اكول
سون مصيبه
شويه ودخل ايهم لبسه داشداشه بيضه
والعطر ترس المطبخ رفع أصبعه وحجه
بعصبيه
ايهم :اذا اشوفج كدام غيث وحيدر بهذا
لبس اكلبها عليج عزة مو عزيمه
اني بس باوع له حتى مارمشت
ايهم : سمعتييي وحلقتج شكو ذابته
رجعي لبسها واحترمي روحج ج
شمس : ابدل بس شبي لبس مو مستور
والحجاب من هسه ع راسي وحلقتي
لان انضف سمج نزعتها
ايهم : ماا تنزعيها بعد وجهج تغسلي
وملابس تبدليهم غير هل شي شياطينني
تطافر اليوم.
هزيت راسي ب اي هو راح بصاله كملت
لي بيدي وطلعت للغرفه لبست داشداشه
لونها طبيعي ومسحت وجهي مزيل مكياج
وطلعت رجعت المطبخ حتى ماباوعت عليه
بهل أثناء سمعت صوت جرس ودكت
باب راح ايهم يفتحه وسمعته يسلم
ويهلي بيهم يدخلون
اني ضليت بالمطبخ وساره تلكتهم
شويه وجني البنات سلمن عليه
وغزل باوعتلي بطرف عينها وحجت
غزل : حقه لمسيكن يزوج اذا مفعله
وضعية الارملة شهل لبس ولج
سارة :هاي ليش بدلتي
شمس : ثور مايقبل يكلي كلبها
عزاء اذا طلعين هيج رحت بدلت
غزل : رحتي كبل نزعتي فاهيه
ساره : اي بالج هذا غيث
غزل : حجت المحامية ثور
كافي لغوه كل وحده تحضر شي
لحد ماروح اسلم ورجع طلعت الصاله
سلمت ع حر وحيدروغيث و ام حر
وسنودي دايلعب وياه بنات
وطول مااني وكفه اسلم وحجي وياهم هو
يكلب بسبحته يباوعلي كبل رجعت للمطبخ
كملت كلشي حضرنا
سوينه سفره تفتح نفس وكل نجمع عليها
صوت شقاهم وضحكهم احب هيج لمه
ام حر مخليه روان بحضنه وتوكلها من
تكلها بيبي طير بيها عوضت بناتي عن
حنان البيبيه واني احسها امي
وايهم مخلي رزان ام لسان هم يوكل
بيها وهيه لسانها وتشرط عليه
وساره وحر فاصلين بغير عالم
يفلس لها ويدني اكل ليمها حسبالك
هيه الخطار
خلصنه غده سوينه جاي واني بلشت
اغسل ماعين واجني بنات وياي كلمن
سوت شي بسرعه خلص المطبخ
داشداشه دمرت رحت ع سريع سبحت
وبدلت وشويه خليت مكياج وطلعت
يمهم مسوين دائره يردون يلعبون
كعدت يم ايهم و ساره يم حر وغيث يم
غزل و يمامه يم حيدر كاعدين ع شكل
دائره
اول مكعدت سئل ع بنات جاوبته برود
نامن وقت نومتهن
ام حر : اني راح تمدد شويه وانتم أخذوا
راحتكم
حر : ليش يمه ضل ويانه
ام حر : لا يمه وين وين هاي سوالف
راحت تنام وحيدر كال اليمامه كومي
جيبي بطل
شمس : هيه يرادلها سنه يلا تكوم
حيدر : لعد كومي انتي
ايهم : تشتغل عدك كومي
ساره جيبي وتعاي
حر : لازم ساره تشتغل عده
خل تكوم غزل
غيث : والله اذا سمعت كلامك
وكامت اجيب لك طلي
غزل : اني بالبيت مامتحركه مرتك
شغلتني اليوم
كبل عاط حر يبو عليج وعليهم وعليه
عمي اني راح اشوف بطل كام وساره
لحكته شويه واجو جايين بطل
حيدر باوع ع ايهم وحجه
حيدر : من هسه هيه مجرد لعبه
مو من يصير دورك تفعل وضعية
ضايج ماتحب احد يسئله
حر : اي حتى مايجاوب قواعد تمشي
ع كل
ايهم ابتسم وهز راسه واحنه منتضرين
حر فر بطل صار ع غزل غيث كبل لطم
اني متت من ضحك ساره جاها مغص
اكيد غزل راح تجفص
كبل صاح غيث اني اسئلها
حر : لا ميصير واحد غيرك
يلا ساره سئليها
سارة : صراحه لو تحدي
غزل: اكيد صراحه بيه حيل اكوم
اسوي تحدي
ساره تفكر بسؤال حتى تسئلها
من حجت ساره كلت ع هاي صفنه
راح تسئل سؤال يكسر دنيا
ساره : منو مسيطر أكثر انتي
لو غيث بكل مواقف
غزل باوعت ع غيث وغيث كبل
سوه روحه ملتهي بجهاز
غزل : بكل صراحه اني
ولكل صاح همداج ساره هم
سؤال هذا دسئلي شي منعرفه
غيث : فتهمنه كافي تره لحيتو
اخذ بطل فره وصار صوب ايهم
رسمت ابتسامه جانبيه كبل صاح
حر اني غيث خل اسئل غيث باوع
ع ايهم وحر هز راسه كاله استلمه
ايهم مرتجي ع كرويته وجكاره بيده
حر ::صراحه لو جراءه
ايهم : الاثنين
حر : موقف ماتنسى ودائما تذكرة
حجي لنا بتفاصيل
أيهم باوع عليه ابتسامة خفيفة مرسومة ع
شفته وبده يحجي طبيعي ولي صدمني
ذكرني بالموقف
أيهم:بداية دوامي خلوني قريب ع بيت خالتي
طريقي نص ساعة فجنت أريد أشوف شمس
نزلت عيوني العب بالفراش وحجي بداخلي
مالكاه غير هذا موقف نهايته فضيحه
أيهم كمل:
خابرتهاكتلها : أريد عشاه جوعان
هيه تخاف من خالتي بس مع هذا كالت
صار
كتلها: بره اني من تخلصين كوليلي.
گلت ببالي هسه راح تسويلي طلي نص
ساعة عدل تأخرت
ضحكة خفيفة من الشباب.
اني اريده يكمل بنات حجايه لهن
هذا موقف يعرفونه يباوعن عليه
صدمتهن نفس صدمتي
أيهم:جتني رسالة كالت خلصت رحت.
دخلت لحديقةكاف رداني مجهز...
أروحي للثريدوجان تنزل صينية...
اندومي أصفر
الكل ضحك.
أيهم : شنو هذا
شمس :اندومي
أيهم:شو أصفر... ويلزگ
شمس :وياه جين
أيهم بتسم ويحجي كل ما أذكر هالموقف
أضحك مانساه
سارة : وأكلت الاندومي
أيهم: لا
غزل باستغراب:لعد شسويت؟
أيهم:ما كلت... شبعت وحدي
حر:فهمنه شلون يعني وحدك
شبعت
ايهم : مايخصك
غيث : عوفه ميكدر يكول اكلت
اندومي وسكتت
حيدر : وأخير شفت بي يوم
ايهم مجرد ضحكه بسيطه محجه شي
واني مصدومه لسه شلون حجة هذا
شي
وضلينن نلعب وبس صدك تونسنه
وضحكنه كملنه لعب جبنه كيك وجاي
وكل شويه شي لحد ماصار مغرب راحو
وداعنهم كلش تونسنه وياهم وجنت
محتاجه هاي لمه.
نضفنه اني وساره البيت وغسلنه
ماعين ماسويه عشاه لان اكلنه هواي
بس سويت شي خفيف للبنات يتعشون
بي وايهم صلاه مغرب ودخل غرفه يمكن
نام كاعده بصاله اجتني ساره ضحكه
حاصرتها وتحجي
ساره : عيني اريد احجي وياه رجلي
نتغازل انتي يمه شلون نتغازل
شمس : ها هيج
ساره : اي اليوم كالي ضربني جفاف
خلي شمس ترجع لغرفتها
شمس : اي بعدني ما زعلت بيتكم
ثئرت من الكلام اجتي حضنتتي وتحجي
ساره : يا شمس والله اشاقيج
شمس : اعرف حبيبي اني هم اشاقيج
واعرف حر دزج
ساره : اي والله هو دزني
شمس : همداج عربانه
ضلينه اني وياها ال 9 البنات نامن
يمي واني قفلت اخذتهن لفراشهن
واني رحت نمت بغرفتي افضل يمكن
صدك اني داضايقهم.
دخلت للغرفه بارده ضلمه وعطر ايهم
تارس غرفه فتحت كتنور ع كيف سحبت
فراش وسمعت صوته فززني
ايهم : عوفي الفراش وتعاي هنا
مارديت عليه مر دقايق رجعت
اريد اخذ افراش حجه
ايهم : تجين لو اني اجيج
رحت يمه وكفت يم راسه گتله
بهدوء:
شمس : ها... شبيك؟
سحبني من إيدي فجأة اختل توازني
ووكعت فوكاو خشمي نركع براسه من الوجع
الدنيا اسودّت بعيني صرت ما أشوف دربي.
رفعت إيدي وأرفرف روحي طلعت من وجع
بچيت هو طفر من مكانه شغّل الضوه
ورجع يمّي بسرعة.
وأني أكمز من الوجع أحس خشمي راح.
أيهم: بويه بس ركدي خل أشوف شبيج
باوعلي ايدي كلها دم رفع راسي
ايهم : لا تنزلي
وراح للمطبخ صوت تكسر الثلج
رجع وهو شايل جيس بي ثلج
كعد يمي ع بالكاع
ايهم : وخري ايدج
شمس: لا ماريد
أيهم : ما راح أأذيج بس خل أحط الثلج
خشمج دا ينزف هزيت راسي ب اي اول
ما خله ثلج ع خشمي صحت
شمس : آخ... يمه...
سحب إيده بسرعة.
أيهم : آسف.. آسف والله ماجنت
اقصد من سحبتج هيچ.
سكتت رجع حط الثلج هالمرة أخف
أيهم: شمس... أني ما أعرف شلون صارت
وهيج جريتج ما انتبهت...
سكتت مارديت مر وقت، والدم وكف.
كعد يمي لزم إيدي باسها وضغط خفيف
عليها
أيهم : أعتذر منج أني وعلى كل
كلمة حجيتها مو قصدي.
بلعت ريكي وبصوت مخنوك گتله:
شمس: ما توقعت يجي يوم توصل
لهالدرجة تعيرني بأهلي، أيهم
حجيتها والغصّة خنكتني.
قرب أكثر حط وجهي بين إيديه
أيهم: أقسم بالله ما أعرف شلون هيچ
حجيت اني اهلج وهذا بيتج وكلشي
هنا لج
سكتت رفعت راسي له عيني بعينه وگتله
شمس: تفسير تصرّفاتك وين داتروح
تنفس بعمق مرر إيده على شعري
أيهم : بعدين أفهمج كلشي...
ليش مستعجلة ع الأذيه
ظل ساكت بس عيونه تحچي خوف أكثر
من كلامه وهل الموضوع ماراح ينتهي
ع خير وجنت مصره اعرف سبب
ليش تخليني بهالقلق والتفكير
گلي وين داتروح، شضام عليه
أني محضرة روحي لكلشي عبرت
الأصعب من هذا بقت على هاي
الصدمه عادي استقبلها
أيهم: بعدين أفهمج كلشي، شمسي.
يحچي ببرود وأني أفور أعصابي تلفت
شمس : مزوج أيهم؟
گلي إذا مزوج وفضها ليش تضم
أريد أعرف!
باوع عليه وطكها بضحكة بإيده ع راسه
بمعنى تخبلتي خله على صدره وحچى:
أيهم: يحرم ع صدري وحدة غيرج تدخل
بي وتنام عليه گلتهالج قبل وآني گد كلمتي.
قرب أكثرمني صوته صار أوضح
أيهم :ما أبدّلج بدنيا كلها لا بمرة ولا بأي
شي مو أيهم اللي يكسر شمسه هيچ
كسرة
دمعتي بعيني وحچيتي بهدوء :
شمس : حيرتني أيهم...
ليش كل هالغموض؟فهمني.
أيهم: ما أگدر أحچي هسه شغل بعيد
عن غيرتج آني إلج وشغلي بعدين
أفهمج عليه لا تفكرين إنو الغموض
بينا مسافة هو بس طريق وأني ماشيه
وياج للنهاية.
قربت راسي على صدره هو ضمني
بهدوء كأنما يريد يطمني كلب واحد.
احنه
شمس : آني ما أخاف من الحقيقة...
أخاف أضيع وأني ما أعرف وين واكفة.
حضني أكثر باس راسي وكال
أيهم: مكانج هنانا
لا تضيّعين ولا أضيّعج.
راسي على صدره ساكتين ثواني.
رفعت راسي وكتله
شمس : يعني كل هالغموض طلع شغل؟
كلت راح يتزوج ويخلّصني.
رفع حاجبه لي وابتسم
أيهم : لا والله بعدني ما لگيّت وحدة
تتحملني غيرج.
شمس: صح منو يتحملك
أيهم: بس انتي
شمس : أيهم؟
أيهم : حبيبي شمسي.
شمس : إذا بعدين تطلع السالفة كلها
لأن ما تريد تحچي تره احركك
أيهم : شنو هالتهديد الرومانسي هذا؟
شمس : لا، هذا إنذار أخير.
أيهم: ابويه أتعهد أشرح لج
بس مو هسه،
هزيت راسي ب اي و حطيت راسي على
صدره من جديد.
شمس : لا تفرح هواي...
تره بعدني زعلانة.
كبل كام وكفّ رفعني وياه شالني بحنية .
واني جلبت بي خوف خفت هم أركع ع
خشمي نزل راسه وحجه باذني
أيهم: هسه راضيج؟
عرفت لي براسه،كمت أرفس أريد ينزلني
بس هو ثابت عيونه بعيوني كلشي واضح
بدون كلمة.
نزلني على جربايه وكبل صار فوكي نظرته
ما تفارك عيوني كل حرارته حسيت بيها
أيهم : خليني أرضيج.
شمس : ما أريد هيچ...
ضحك وتقرب من وجهي وهمس:
أيهم : بيها طعم هيچ...
شمس: لا... ما أريد.
وخر شويه خلي بدل بيه ريحة دم
نزل راسه على ركبتي و يبوسني حيل
ويشمني
أيهم : ريحة مسك ورد
شو خليني اكوم سولي مجال رحت اخذت ملابس
شي خفيف لبسه انام بي دخلت لحمام غسلت
شويه وطلعت مشطت رشيت عطر باوعت له
شفته ملتحي بجهازه طلعت غرفة ساره
فتحت باب دخلت شفتهن وقبل ماطلع
ذكرت حب المانع فتحت المجر اخذت واحده
بيدي واني أخذها حسيت ان هل شي غلط
بدون علمه واعرف واحساسي موتني بكل
مره بس اني وايهم فترة مشاكل وضعي
مو جهاز اخذتها وشربت مي ورجعت
شريط وطلعت
اول ماطلعت صار بوجهي ايهم باوعلي
وحجه
ايهم : كلت بس ألكاها نايمة يم سارة
اطرد سارة ونام يمج
شمس : لا حبيبي جنت اشوفهن
ابتسملي اخذني من يدي هو يمشي كدامي
واني وراه دخلنه لغرفه سد باب تمدد وفتحلي
ايده كبل دخلت نمت بحضنه كمية الحنان
الدفو وراحة نفسية بهل نومة خليت راسي
ع صدرة وغمضت.....
صبح والضوه دخل من الشباك على مهله.
الهوى بارد خفيف وستاير الغرفة تتحرك
وصوت نفس أيهم هادي يمي و باب
الغرفة نفتح بعنف.
رزان: ماما
روان: باباااا!
شمس : تعالن ماما
اول مدخلن وشافن ايهم نايم
رزان قفزت فوگه وروان وراها.
رزان: باباتي
روان: بابا
شمس: حجي وياهن ايهم شلعت كلبهن .
أيهم: هذوله مو بناتي عصابة.
شمس : كوم سوي لهن ريوك اني زعلانة
بعد ماسوي شي
رفع راسه باوعلي وابتسم مد يده
يسحبني له
أيهم : شنو شغل ليل كله وما راضج؟
شكد طماعة لعد.
فتحت عيوني بصدمه
شمس : شنو؟!
ضحك ضحكة عالية تقرب عليه وكال:
أيهم: يلا خل راضيج بطريقتي
شمس : أيهم البنات دا يباوعن!
أيهم: بويه عندي نقاش عائلي مهم
وياه ماما
شمس : نقاش عائلي لو تحرّش ؟
وكوم خطيه سوي لهن ريوك مو
كله اني
ايهم : صار بس ترى بعدين أكمل النقاشي
نداريت غطيت راسي ونمت شويه واسمع
المطبخ نهجم وركع بالكونتر بالك حرب
مو ريوك لبست شي وطلعت لهم اول
مدخلت شفت رزان وروان ع كونتر مكعدهم
هو يطك بيض
شافني ابستم وكال
ايهم : شلون مخلمه تعاي اكلي من
يدي اكل جيش
رحت اشوف شنو مسوي مكطع البصل
بكد مكعبات ومخلي فوكه بيض باوعتله
_هاي شنو بصل بالبيض
ايهم : والله هذا لي اعرف له
سوي لنه انتي
سلمت أمري لله وبلشت وغسلت
وبلشت اسوي ريوك مخلمه وجبان
رحت كعدت ساره تاكل ويانه داناكل
ايهم باوع ع ساره وحجه
ايهم : خابرني حر يكول عرس بعد 10
ايام وياه نزولي
اني كبل باوعت ع ساره وهيه من مستحه
تحير وين تضم وجهه
ايهم : يعني هاي هيه ماعدج مشكله
هزت رأسها ب اي
شمس :اي خل نغير جو
ايهم : لحكه ع ركص وتخلين
العالم تتفرج
كلبت عيوني له خلصنه ريوك اخذت بنات
ابدل لهن وساره تترب المطبخ و ايهم
راح يسبح
مررو يومين طبيعي وبليل ايهم كالي
حضري جنطتي صبح اروح للدوام حضرت
له جنطته نمنه وكعد فجر صلاه وطلعت
وياه الباب ضل يوصي بيه ع البنات وساره
ودير بالي حضني باسني براسي وطلع
وساره بدت تجهز لي ناقصها وياه ام حر
بس لان غزل حامل و يمامه هم واني
مايقبل اطلع ضلت تجهز وياه ام حر
وبيتها كمل حر ماقصر وياها بكد شعره
والأهم هيه بصفي وابو لسه يكله بطل
بس هو يحب ساره مايسمع لهم
نفس روتين ماكو جديد بلشت اعلم
بنات الأرقام وكتبهن اخلص وقت فراغ
وياهن وساره لو تقره لو حر لو تحضر
عرسها
ايهم يتصل علينه يعرف اخبارنا ويروح
يتصل كامره يشوف البنات وهو مر ع
روحته
تسع ايام وساره بلشت تلم أغراضها لي
تستخدمها توديهن للبيت وهيه داتلم
بغراضها سمعتها تصحيني رحت لها
رحت لها من دخلت شفتها شايله بيدها
شريط الحب مانع اني اكملته مابي 4
حبابي
ساره : شمس بعد لا تاخذي ذبي
شمس : حاليا هذا صح ساره فتره
وتركة
ساره : اذا عرف ايهم يحرك البيت
ع راسنه عوفي هاي سالفه تاذيج
شمس : هاهيه بعد ماأخذ اي شي
ساره : اي فدوه رحت لج
مرر يوم ع خير وحر اتفق وياه ايهم ع
عرس الخميس وهو ينزل السبت وبنات
مخبوصات بالبس واني جنت انتضر ايهم
يشتري لي اني والبنات من يجي
ساره كملت جهازها والبيت وبلشت سوي
شعرها واجرت بدلات وقاعه للعرس والحنه
بيتي بينه احنه البنات
وصار السبت واجه مولاي ايهم واخذنا
اني والبنات اخذناه بدلات لهن بنفسجي
بالأبيض و للعرس بدلات بيض واني اخذت
فستان كوه عليه مال حنه لون بنفسجي
تك ردن ولعرس فستان محجابات
تقريبا كمل كلشي بس بقه البيت سوينه
علينه حمله اني وساره مجرد ترتيب بسيط
هو نضيف
وايهم صح بعده يطلع ومايفهمني بس اذكر
وعده لي اهدئ وصار يوم موعد
حنة ساره سوينها بليل بينه حضرنا
بينه احنه البنات حفله لها و يمامه
وغزل وام حر وام حيدر
وهيه بليت قفطان لونه احمر بي خرز
وشال ومكياج بسيط بس ماشاء الله
طلعت جمال
وحنة مندمجين نهوس ونركص سمعت
باب ندك رحت افتحه واني فتحته ضليت
مصدومه واني اشوف منو بالباب
نور : ان شاء الله ماتاخرنا....
تمت بحمد الله
لقراءة جميع فصول الرواية من هنا