رواية شمس الايهم الفصل الثالث والعشرون 23 بقلم شهد الدليمي
_انام ومايجيني النوم
_ومل من السهر وسهر
_وشد خلكي وي خلك
_ليل وعاين للفجر مامر
_شلون اغفه ونه بهلحال
_كلب متلفلف بخنجر
ايهم
التدريب خلص والناس
راجعة للنوم بس اني ضليت
كعدت وحدي على تراب كعدت
كاسر ضهري تعب بس مو تعب
الجسد لا هذا وجع من نوع ثاني
وجع ما يبرد بيوم وجع
حچي ويا نفسي
يعني شنو أحبها من صدگ من نية طاهرة أعد الأيام إلما أكول إلها
تعالي نعيش ونبني ونكبر
منو اللي خذلني هي لوكلبي
لو أني شلون كدرت تسويها بيه
_سندت ظهري على حايط غمضت
عيوني وشوف صورتها براسي
صوتها مشيتها حتى عطرها اللي
ما شمه بس حسه كلشي نكسر
بثواني كلشي تحول لصورة مشوهة
وهسه شلون آمن بعد شلون أصدك
أنتي كسرتيني أو أنا اللي سلمتج كلبي
شلون كدرتي تخليني أگعد هسه
بنص الظلمةوأحچي ويا نفسي
مثل المخبل
غمضت عيوني احاول هدي عقلي
والبرد كلبي بس ذكرياتها بعلقي
ذاك اليوم قبل شهر بيت شمس
گاعدة يمي عيونها ما كدرت
تهرب مني ولا اني حاولت
تقرب نفسي على نفسه
بس عيونها چانت تحچي
شكد رايدتني
مديت إيديه مررها بخفةعلى
خصلات شعرها بصوت مهزوز
من كثر الحبي لها
آخ شكد أحب شعرج شكدأحب
ريحتج والله حتى الهوا بيچ غير
شكل
هيه سكتت بس ما ابتعدت
وواني حب سكوتها حسهاتريدني
قرب أكثرلهاچانت تضيع من لمسها
حسه رجع طفل يمها طفل ضايع
بلحظة حب صغرني بأيام وخلاني
صدك إن الدنيابعدها بخيرلان هي موجودة
_رجعت من الذكرى نفسي مخنوكه
حس انسحب من حضن دافي
وكعت بضياع شنو وصلت له تعيش
ع ذكرة حرام حرام بقى عايش على ذكرى منها
بباوعت ع السماء همست
يا رب إذا هي صدگ جانت تلعب
ليش حضنها بعده أنظف مكان
مر بيه كلبي
مرت أسابيع…… .
رجعت من دورة وتعب عسكريه
دخلت للبيت واني سلامت ع كل
فرحان برجعتي جانت بالي مشتاقلها مثلا طفل مفطوم ادور بيها بريحته مشتاق لكلشي بيها عيوني تريدها
تريد شوفتها
للضهركل موجود حجيت كدام لكل
حجيت بصوت بارد كأنه حچي عن
موعد عادي
_دوريلي ابنية زينه أريد أخطب
فاطمة باوعت عليه متفاجأ
فاطمة : تخطب زين منو شنو منين
ايهم : بنت ع اختيارج بس تكون
مؤدبة متفهمة ومتنطيني وجع
أريد خطي هيج خطوة بس لأن
ما أگدر أعيش وتفكيرعقلي كله
شمس خلص اريد انسى
فاطمة : صار اشوفلك من سلفنه
ايهم : استعجلي
كامل : ع كيفك لا تتوازه هذا زواج
جسار : خلي يمعود شبع عزوبيه
يريد حنان وحب
سجاد : اني هم زوجوني وراه
لكل صاح بي : نجب انته اشتغل اول
فكرت بكلام كامل
هاي بت العالم شعليها مو تجربة
لنسيان ما كدرت انسى شلون اخرب حياة بت ناس هو اني كلشي سويته
كل محاوله أبدى بيها تنتهي بااسمها
واذا مانسيتها اضلم نفسي وبت عالم
وياي خليت ايدي ع كلبي كان عقلي
يحجي وياي
_شمسي إنتِي حيلي وحيل مايرجع
حتى لو خطبت ألف مرة
مررت ايام..
بعدماطلبت من سارة تخطب
لي خطبت اخت مرت اخويه
جسار اسمها مريم حجو بيها بس
كال نرد لكم خبر مررت يومين
فاطمة تحضر چاي صوت التلفزيون شغال على صوت ناصي الجو ساكت
فاطمة دخلت وهي مبتسمة بيدها التليفون وتحجي بحماس
فاطمة : أيهم
أهل البنية اتصلوا…
ردوا لنا لموافقه كالوا : البنية موافقة
وإن شاء الله نحدد يوم العقد
وخطوبة بسيطة بين الأهل
اخواني فرحانين لي يضحكون
حسن أولهم يصفگ بصوت عالي وهو گعد يمي بصوت عالي وهو يطبط
على ظهري
حسن : هاااااااا هااااااااا أخيراً
وافقوا إستعجل لا تتأخر
آني وراك…
ما أتحمّل بعد أريد أزوّج
فاطمة : الحمد لله…
بس بقت نحدد اليوم ونشتري
شغلات بسيطةشوفلك قاط
صبغ شعرك سوي شي خل نشوفك
عريس
اخذت التليفون من إيدهاوكلت
لها بصوت هادي
_ان شاءالله خير
بس بداخلي حرب لا فرح لا رضا
حددنا موعد خطوبتي وفاطمة
عزمت خالتي وكالت
فاطمه :خالتي تكول قبل يومين اجي
ايهم : هلا بيها
فاطمة : موعد شوكت
ايهم : قبل لتحقي بيومين
فاطمة : ماضل شي هم يلا اجهز
نطيني فلوس احضر بنت واشتري
ذهب صدك متجي ويانه هم تشوفها
ايهم : نجبي لج اشوفها شنو من
صير مرتي يلا واني عدي شغل
مكدر اروح هاج هاي فلوس وروحي
مررت ايام وبلشت تحضير خطبه
ويوم خطوبه خالتي ماكو
ايهم : فاطمة خالتي لسه ماكو شبيها
فاطمة : مابيه بس داخله بشمس مستشفئ
بدون شعور خفت عليها
ايهم : شبيها ليش
فاطمة : يكولون تسممم
ايهم :ان شاء الله خير خبريها طمني
عن بنتها وشوفيها محتاج فلوس
شي اروح لها
فاطمة : هسه اخابرها
_عفتها ورحت وراه ساعتين سمعت خالتي جايه ماطلعت وكبل رحت
بيت عمي احضر نفسي وهناك اسلم ع خالتي
كملت تجهيز نفسي ورحت للبيت
اشوف ولد ونسوان شوكت نروح
البيت لبنيه نعقد
مشي بخطوات واثقة
كلشي بهاليوم متقن إلا نيتي
دخلت للبيت مريت بين الناس وكل يبارك لي وشوف خالتي سلمت عليه
_شلونج خالتي إن شاء الله بخير
خالتي : بخير ييمه الله يهنيك
بخطوبتك
_ سحبت راسها بسته وكتلها ربي يحفضج امي انتي
عيني وراحت فوراع شَمس
واكفة يم خالتي ساكتة
وجهها باهت عيونها غاطسة بجفنها
والهالات السوده تحچي بلسان
ضعفانة ضايعة لابسة صايه عادية
لا مكياج لا فرح كأنها ظل شمس مو هيه
حاولت برد صدري اللي يغلي من
شتياقي لها حجيت بصوت بارد
_ها نسيتج شلونچ بويه شلون صرتي
رفعت راسها مهزوزة صوتها
مخنوگ كوه تحجي
شمس : شكرا… الحمد لله
نظرة سريعه وهزيت راسي
ومشيت شفت نور كاشخه ومكياج
وياها اختها سيلا وسارة باركلن لي
رحت اشوف فاطمه وين شوكت
نروح للبنيه بس كل خطوة حجي بداخلي
_مو هيچ چنت أريد أشوفچ مو
هيچ شمس
مررت ساعه وجت سيارات توجهنا للمكان للبيت الناس فرحانه والكل
يصفك ويضحك عقدنا اني مريم
وصارت زوجتي
دخلت لبسها لمريم الذهب…
بيد الثابتة وكلبي يرجف
رفعت نضري لمريم
ضحكة عريضة تترسم ع وجهها
بس سمع صراخت كلبي وهو يكلي
_هاي مو حبيبتي هاي مو إلها الذهب
تقصدت لبس مريم كدامها
تقصدت ضحك بصوت عالي
تقصدت حضنها بفرح مزيف
حتى كسر شَمس أكثر مثل
ماهي كسرتني ……
من سمعت بخطوبته لا ليل صار ليل
ولا نهاري نهار حتى النوم فارگني
وصلت مرحلة حسيت بيها عيشتي
بس على كد نفس لا فرحة لا طعم لا معنى
صرت أعد ساعتي كل لحظة تمر بيه تجرحني الدنيا تمشي بس أني واكفة متجمدة بمكاني كلشي ما يعنيلي
حتى صوتي بطل يطلع صار بس
أنفاسي تثبت إني بعدني عايشة
أني چنت أريد أصرخ أريد أريد
أحد يشيل هالحمل من صدري بس
منو يفهم منو يحس كليبي يوجعني وكل يوم يمر يذبحني أكثر
لحد ما مشاعري تجمعت كلها صارت عقدة ببطني تخربطت حالتي وصرت أبلع وجعي مثل نار تاكلني يوم بعد
يوم صحتي خانتني جسمي وكع
كبل روحي.
كعدت بالمستشفى والوجع يغطي
كل عروگي الدكتور يكول تسمم!
ههه ما يدري ماكو سم دخل بجسمي
غير سم مشاعري ماكو شي متسمم
غير كلبي غير حچي ضامته بصدري ودفنته بصمتي
بقيت أيام على إبرة وعلاجات
بين عيوني ودموعي اللي ما تنگطع. كلشي يداووه بجسمي إلا سمي اللي
يمشي بدمي من اسمه لي خله بيه
من كلامة
دائما يجي سوال براسي إذا بطل
يحبني ليش ما طلكني وخلصني
ليش ربطني بي أكثر وأكثر
منو يحس بيه منو يعرف شنو اللي
أبلعه كل يوم من وجع منو يكعد يمي يحضني ويكللي ابچي فضفضي لا تگطعين حيلج وحدج احنه يمج
لا واحد بيهم سامع صرخة كلبي ولا شايف دمعتي المندفونة ضليت أني وروحي وجعي بصدري أحچي ويا نفسي وأدور على صدر أرتاح عليه
وما لكيت غير الفراغ
أشوف أخواتي منخبصات بالتحضير يضحكن يتشاقن واني اشوفهن
يحضرن الخطوبة إلشخص چنت
أدعي بكل صلاة أصير من حصته
كملن وجت السيارة
شمس : يمّه فدوة اروح لج عوفيني
هنا شوفي حالتي والله ما أتحمل.
نور : عوفيها نضل نسحل بيها لو
شنو
سارة : لاخاف يصير بيها شي هي
تعبانة.
الأم : تريدين تموتين وتبليني كومي شمس هو هناك روحي اكعدي
قابل راح تگربين
انهارت روحي بهاللحظة حسيت لكاع تجرني ليجوة كل نفس يخنك صدري اكثرچنت أريد أكوللها يمه بنتج ماتت من يوم سمعت اسمه مرتبط بغيري
دخلت وياهن رجلي تثگّل أكثر من جسمي چنت مأريد اشوفه بس
عيوني خانوني أول ما شفته واكف
أنيق والفرحة مرسومة بوجهه حسيت
كل الدنيا سودت بوجهي اكثر
إجه يم أمي سلم عليها بحرارة
بضحكة هذا اني خابصه دنيا بي
شلون جنت اشوفك عوضي لي
سلم ع امي وباس راسها وصفن
بوجهي وكال
ايهم : آها نسيتج شلونج بويه
ضحكته دجتني مثل خنجر غاص بصدري نسيتج كلمة وحدة بس چانت كافية تمحي سنين أحلامي تدوس
على دعواتي
وكفه بعيد عن كلها بس اشوفهم
شلون مخبوصين وكلها تجي تسلم وتسئل عن وضعي متغير اكول مريضه وبس
حسيت نفسي غريبة بينهم حتى
أنفاسي غريبه
شفته هو وياها من بعيد دموعي
ما وكعن بس عيوني نترست بيها
حجي هذا مكاني مو إلها
أنا اللي حبيتك أنا اللي بجيت عليك
أنا اللي صدگت وأنت خليتني أحترك
خذلتني وكسرتني وهاي خطوبتك
حفلة موت إلي
شفت الحلقة بإيده ياالله نفس الإيد
اللي جنت ألازمها وأحس بيها أمان
لي اليوم يلبس غيري ويضحك.
ما أعرف شنو صار بكلبي بهاللحظة
كأنه شي انشلع من صدري مو وجع
لا موت ع بطيئ صوت اهله يصفكون وأني أسمع صوت كلبي وهو ينكسر.
شفتها تقربت منها وحچت شي ما
سمعته بس شفت ابتسامته نفس الابتسامة اللي جنت أموت عليها
هاي المرة مو إلي
حسّيت عيوني تحترك دموعي
تنزل بدون إذن مسحتها بسرعة
حتى لا أحد يشوف بس الوجع
فضحني
تذكرت ليوم كال إلي هسه ألبسج
الحلقة كدام الكل وتظلين إلي
ويا ريت ما وعدني لأن الوعود
من ينهدمن يهد كل شي وراهن
صوته ضايع ماسمعه بس ضحكته
جانت كافية تذبحني كأنه ما صار
بينه وبينه حب كأنه ما جنت
كلشي إله
نزلت راسي بس بعدني أشوفه بعقلي
إيده ضحكته نظرة فخر وهو يلبسها الحلقةنظرة جنت أحلم تصير إلي
بس راحت لغيري.
كلشي بارد بس داخلي نار
حسيت نفسي أختنك أريد أصرخ
أريد أركض أطلع بس ما گدرت
رجلي ما تحملتني
صوت دجيل تدگ براسي
هلاهل تعلى الكل واكف يصفك
ويضحك يركص ههه نور ولاجنها
جانت كاتله نفسها عليه
وإيهم…
واكف ضحكته شاكه حلكه
وايدة مزينه بحلقتها وسحبها
لخطيبته للنص يوكفها كدام الكل
ويكول فاطمه
ايهم :علميني اركص اصير رومانسي
فاطمة تعلمه شلون يركص وياها
ضحكة تطلع من كل كلبه
بس صداها يطك بكلبي
رجعت نظري إلهم
وجه إيهم وهو يضحك
كأنه كل ضحكة تطلع منه
إراجدي بنص وجهي يصيحني
_ دموعي تنزل بلا صوت
بس بقهر واني شوفه
ويبوس إيديها
أصوات هلاهل…
اندفنت روحي طلعت برة اجر نفس احس روحي راح تطلع من وجع
طلعت برة لهواه خفيف كعدت على
عتبة البيت تحت ضوه خافت وكف
أحد وراي نبرة صوت نزلت على كَلبي مثل سم
_هذا اللي ردتيه
_تركتيني وگلبچ ركض وراه
_هسه شفتي شلون كسرچ
تلفّتت له …..
حسن
واكف بنص الظلمة عيونه تلمع
من الفرح لان شاف وجعي لحب
متخفي ماكو بعيونه حب بس
ووجع شماتة
_كمل كلماته مسمومة بالوجع
حسن : أني چنت إذا لازم إيدج
تكلبين الدنياعليه بس هو رخصتي
حت روحج له ركضتي له وگلبچ
چان إله وهو شسوه كسرچ كدم الكل وأني .. كاعد أتفرج وأضحك
سكت شوية وكال
حسن : مو لأن أفرح بكسرچ بس
لأن وجعي شاف حقّه اليوم نظر لي بنضرة نصر
_كسرچ بنفس اليد اللي حضنتي بيها
ضحك هو يحجي هو يكمل
كلام
هذا حب من طرف واحد
غريب الحب من طرف واحد
يتحول بيوم اللي يتشمت ويضحك
ع شخص جان ميت عليه
شمس : انت مو تحب نجمه وراح
تـخطبها شلك بهل حجي ياحب من
طرف واحد ياوجع ياشماته تحجي
بيها ياكسر لي مفرحتك بوجعي
حسن : ههههههه صدكتي انتي مجرد خطة علمود ترجعين تحجين وياي وتقربين مني ويشوفج قريبا مني ويصدكون بيج تحبيني حت جهاز
_ مني وامج اختج اختي كلهن يدرن
بهل شي ايهم جان عقبه حجز بحياتي شلته من جذر بس كلت خالتي اخليها توفق متدري بيج عاشكه لايهم ولا احد غيري يدري ها نسيت فاطمة تدري والها فضل جبير بالي صار وياي اليوم
شمس : يحجي واحس اسمع صوت صفير باذني عقلي ماداستوعب شنو يحجي يعني صار كل هذا تمثيل ودراما وخطة محيوكه يوكعون ايهم بشك ويوكعوني
_زين ليش هل نذاله حسن تدري بيه حسبتك ضلع لي هيج تكسرة
حسن : لا مكسرت ضلعج اني حبيتج وردتج وكتلج لو لي لو يحلم يوصل
لج وبعد مادروا انتي تلعبين حلبين وموكعتيني وموكعه اخويه نضرتهم
لج صفرر
شمس : روح الله ياخذ حقي منك
حسن : اني بعدني اريدج فكري
شمس : هههههه والله لو تبقى بس
انت وعيشتك وحياتي وجنه يمك
افكر بجهنم ولا افكر اتقرب لك عفته ومشيت خنكني اكثر مااني مختنكه
شنو ذنبي ياربي ليش هل نذله بشنو اذيتهم ليش هيج دايذنوني
وصلت للمرجوحه لي نكعد بيها اني وايهم اضرب بيدي ع راسي ودموعي غصبن عليه تنزل احجي وياه نفسي لا تذكرين لا تذكرين لا تذكرين انسي كافي طلعي لازمت كلبي حس بوجع ماينفهم شنو من وجع محسيت غير اني كعد بمكان لي يكعد بي هو
سندت راسي على مرجوحه
غمضت عيوني
ورجعت غصبن عليه عقلي و
مشاعري يتحكمن بيه ودموعي
مانشفت
رجعت لذاك اليوم…
لما جانت كاعدة على مرجوحة
بيتهم الجو هدوءوالقمر ضوا بارز
تتحرك المرجوحةببطئ وإيهم دخل لحديقة شافني بتسّم گعد يمي
وقرب مني صوته خافت دافي
يحجي قريب اذني وعيونه تلمع
ويكلي
_أحبچ… أكثر مما تتخيلين
كلشي دا أسويه كل خطوة كل شي
بس حتى نكمل حتى نكُون سوا
لازم إيدي يكول لي وعيونه بيها
حب ولمعه وشوك
أنتظريني…
حتى لو العالم كله وكف بوجهي
راح أوصل لحل راح نصير أهل زوجين روح وحده.
_بس صبر شَمس بس صبر
وما گالت شي
بس كلبي صار شمعه بيده
وهو يوعدني يوعدني إنه ما راح يطفيني.
رجعت فتح عيوني
_وين صوته
_وين إيده بإيدها
إيهم ليوم يضحك فرحان يلبّس
وحدة غريبةحلقة نفس الحلقة إللي جنت اني حلم بيها
هذا وعدك إلي
هاي حياتي إللي جنت تخططها
وياي ياريتني متت ولا شفت هذا
اليوم ولا شفت الحلقتك بيد غيري
رفعت عيونني للسماء
حچي وياه رب العالمين
_مو گال راح يصير إلي
_مو گال يحبني
_ليش أخذ روحي ونطاهالغيري
مو كافي وجع إلي قدمة لي
هم خذ أحلى حلم
رجع تفكير بسولف حسن وشنو
مسوي ولدراما جنت عايشه بيها
طلعت موبايل من جنطتي وحجيت
لو ماجيت انت كل هذا ماصار ماجان
صدكت حسن تغير شويه عن
حديقتهم مثلا مجرئ مي يسكون
بي شمرت تلفون
بي واني اسب حسن بحركت كلبي رجعتت للمرجوحه اكعدت احس
نفسي دايخه و كمت ادخل جوه
شفت ايهم واكف بعيد تقرب مني
اجه وحس كلبي راح يطلع من
وجع لي صار هو سبب ماريد
اشوف وجهه
_تقرب إيهم على مكان جنت بي
ردت امشي سمعت صوته يحجي
أيهم : هسه عرفتي شلون طعم الوجع
هيچ جنت احترك من وجع وحركت
كلبي عليج من شوف حسن يمج
_بس شفتيني أضحك وأبوس غيرج
وجنتي تتمنين گلبچ يوكف مو
قرب أكثر نظراته نار لي
بس نار جهل مو حقد.
ضحكتي عليّه جذبتي خليتيني أگعد أنهار وليل افكر شلون حصلج وخليج يمي وإنت تنامين مرتاحة خليتيني أموت
وأنتي وياه حسن ليش مجيتي
وكلتي تندمت ماريدك اني ليش
سويتي روحج ميته عليه ليش هل
وجع قدمتي لي ماصرت سندج
ماحبيتج
خرب بااهلج ع ساعه لي امنت
بيها بيج ولعرفتج بيه
وباوعلي واني كوه واكفه حيلي
يرجف عيوني مانشفت شفتي
حسها يبست كلامة
مثل سججين بكلبي وهو ممهتم
وضعي ولا لحالتي اريد ارداحجي
وياه مكدر احس لساني خدر روحي منتيهه
كمل يحجي طبيعي
أيهم : ليشوفچ هيج ضايعة
يكول اني ضاحك عليج اني
لي حرك كلبج…
ما يدرون انتي شيطان رجيم
إني سويت بيج مثل ما سويتي بيه
_هنا اني تقدمت خطوة له
نفاسي جانت ثگيل عيوني مايوكفن دموعها حجيت بصوت مبحوح كوه احجي مو عالي…
بس كل حرف احجي بي يطلع
من نص كلبي
إيهم…
ما ضحكت عليك
والله ما ضحكت عليك
إياشر بصبعه ع وجهي بحركه
وعيوني تجدح غضب يحاول
يحجي لكن كملت بقهر
أنا اللي جنت أحبك
وجنت أمشي وكلبي يدعي تكون
بخيروگت ما جنت تحصر ع صوتك مكضيها سوالف وياه اختي وكدامي … بس مافكرت بشي لان ثق بيك
وبوعدك جنت أگول بس هو
يفهمني
بس أنت؟
أنت وكفت كدامي اليوم
صرت السجين مو حبيب ولا زوج
ولا سند ولا عوض
كمت شهك كوة احجي
ضميت غيري كدامي
لبستها الذهب وخليتها ع ذمتك
وتجي تكلي شلون خنتي
منو لي خان منو ؟
دموعي صارت تنزل بلا تحكم
وصوتي صار أعلى من حركة كلبي
ضيعتني إيهم…
_وأني ما سويت شي
_أني ما خنتك
_أني بس حبيتك
_اني بس حسبتك اهل لي
مديت إيدي على صدري احس
كلبي يوجعني رجلي احسها ترجف
وحجيت
_ كل شي تهمتني بيه
_والله ما سويته
_أني مكسورة مجروحة
بس جرحي منك مو منهم
ليش ما سألتني بس صدگت
وكملت الجريمة بإيدك كتلتني
_وهنا حسيت جسمي يرجف ايدي
رتخت نفسي كوه اسحبه وكعت
محسيت بشي غير ضلام… ..
⸻❁⸻❁✿❁⸻
ايهم ***
وكف واحس الزمن وكف بيه
وجهه صار أبيض صوته انقطع
وما گدرت حتى يدي مدها لها
_انهارت شَمس بين إيديه
_سحبت راسها ع صدري
_وجسمها خف خف بطريقة
_ ما توصف خف وكأن روحها
_ انسحبت…
اهز بيها
شَمس
شَمس لا تسوينها
شَمس أحچي… لا تسكتين....