رواية أسير الأحلام الفصل السادس 6 بقلم جمال المصري
بسم الله ولا حول ولا قوه إلا بالله
تحياتي_للجميع
لمي .. بتدخل عالم النسيان وبطلع ختم الامير سنان وبمجرد الختم ما بيظهر
جنود النور .. ذاكرتهم بترجع لهم وبيتجمعوا وينزله علي ركبهم جنود النور تحت امر مولانا الامير سنان حفيد الملك نعمان حاكم الممالك السبع العظام
لمي .. الامير سنان بيؤمر جنود النور بالتوجه لقصر الاميره امريتا باقصي سرعه والتخفي لحين صدور الاوامر من امير الممالك السبعه الامير سنان
قائد جنود النور .. بالغي الامير تحياتي وهنفذ الامر باقصي سرعه
لمي .. المهم أن كل ده يحصل في الخفاء وبدون ما جيش الظلال يحس بحاجه
القائد .. طول ما ختم الامير سنان موجود هيتنفذ المطلوب
لمي .. اتفضل يا قائد ختم الامير سنان هيكون امانه عندك لحين خروج اخر جندي من جنود النور
القائد .. بيقوم وبيقرب من لمي وبينزل علي ركبه وبياخد الختم منها
لمي .. انا لازم ارجع علي القصر فورا وبتطلع من بوابة عالم النسيان
جنود الظلال .. بيقبضه عليها انتي فاكره انك تقدري تدخلي وتخرجي من عالم النسيان بدون ما تتمسكي
لمي .. بتحاول تطبق سحرها عليهم
جنود الظلال .. في لمح البصر وقبل لمي ما تعرف تعمل حاجه بيقيدوها بسلاسل اللهب
لمي .. انا مستحيل استسلم ليكم وبتحاول لكن قوة سحرها انتهت بمجرد ما قيدوها
جنود الظلال .. هناخدك للقائد جهور واكيد هناخد مكافئه كبير عليكي
جنثار .. بيظهر وبيقضي علي الجنود وبيفك قيود لمي
لمي .. شكرا يا كبير السحره
جنثار .. ده مش وقت شكر لازم نتحرك بسرعه سارومان قبض علي الامير سنان وقرر انه هيعدمه في ساحة المملكه بكره قبل غروب الشمس
لمي .. مستحيل نقدر نواجه ساومان بدون قوة سيف النور المقدس
جنثار .. عارف بس لازم نلاقي حل وإلا كل حاجه هتنتهي و اللعنه هتفضل مستمره انتي روحي بالغي الاميره امريتا وانا هطلع جنود النور من بوابة النسيان
لمي .. وهتعمل ايه في جنود الظلال اللي ماتوا دول
جنثار .. لا لسا عايشين انا همسح ذاكرتهم من الوقت الي شافوكي فيه يلا اتحركي بسرعه
لمي .. حاضر يا كبير السحره
جنثار .. بيفتح بوابة النسيان يلا يا جنود النور اخرجه بسرعه
..وفي لمح البصر الكل بيطلع وبيوصله لسرداب قصر الاميره امريتا ..
جنثار .. بيفوق جنود الظلال بعد ما مسح ذاكرتهم
الجنود .. هو حصل ايه
جنثار .. مش عارفين حصل ايه ازي تناموا وتتركه بوابة النسيان بدون حمايه
الجنود .. العفو يا كبير الحكماء
جنثار .. انا هعفو عنكم لكن لو حصل تاني هتكون نهايتكم وبيختفي
لمي .. بتدخل القصر وهي بتصرخ مولاتي الاميره امريتا
امريتا .. في ايه يا لمي ومالك بتصرخي ليه
لمي .. سارومان قبض علي الامير سنان
امريتا .. بتقولي ايه ازاي ده حصل
لمي .. معرفش ازاي حصل بس سارومان هيعدم الامير بكره قبل غروب الشمس
امريتا .. انا مستحيل اسمح بكده
لمي .. ما فيش بايدنا حاجه نعملها وجنود النور مش كفايه عشان نهاجم جيش الظلال ووحوش الجحيم يا مولاتي
امريتا .. حتي لو بكره هيكون اخر يوم في عمري مش هسيب سنان وصلتي رسالتي لجنود النور
لمي .. حصل وكلهم في سرداب القصر
امريتا .. بسرعه كده ازاي قدرتي تعملي كده بالسرعه دي
لمي .. مش انا ده كبير السحره هو الي انقذني من ايدين جنود الظلال وخرج جنود النور من مملكة النسيان
امريتا .. بتتحرك نحو السرداب واول ما بتدخل
جنود النور .. بيركعو تحيا لمولاتنا العظيمه الاميره امريتا
امريتا .. بتشاورلهم عشان يوقفوا
القائد .. بيقرب من الاميره مولاتي اتفضلي ختم الامير سنان وجنود النور تحت امرك
امريتا .. يا قائد جنود النور جاهز تضحي بنفسك عشان تنقذ الامير سنان
القائد .. اكيد يا مولاتي انا وكل جنودي فداء للامير سنان حفيد الملك نعمان
امريتا .. هنتحرك دلوقتى ونهاجم قصر الملك سارومان
القائد .. الامر للاميره امريتا وبيتحركه
جنثار .. بيدخل قاعة الحكم مولاي الملك سارومان تسمح لي بالكلام
سارومان .. اتفضل يا كبير الحكماء
جنثار .. انا متاكد ان في حد من المملكة ساعد الامير سنان وعشان كده جيت اطلب الاذن احقق معاه قبل اعدامه
سارومان .. الاذن لك يا جنثار وليك مكافئه كبيره لو عرفت مين اللي ساعده من داخل المملكه
جنثار .. المكافاه هي رضاك عني يا مولاي الملك اسمحلي بالخروج
سارومان .. بيشاور له بالخروج وبيستدعي القائد جهور
جهور .. تحت امر مولاي العظيم سارومان
سارمان .. عايزك تشددالحراسه في ساحة المملكة مش عايز اي مشكله اثناء اعدام سنان وانشر جيشك كله في مملكة جنوريث عايز بكره اقضي علي الامل الوحيد لشعب جنوريث
جهور .. اطمن يا مولاي المملكه كله تحت السيطره
سارومان .. استدعي قائد وحوش الجحيم
جهور .. امر مولاي مطاع
قائد وحوش الجحيم .. انا جيت يا سارومان عايز ايه
سارومان .. في تحالف بينا واتفاق
القائد .. واحنا عند اتفاقنا انت تحمي المملكه من جوه واحنا نحميها من خارج الست ممالك المحيطه بيها ايه الي حصل عشان تستدعيني
سارومان .. بكره هيتم اعدام الامير سنان وممكن الست ممالك تهجم وتحاول تنقذه
القائد .. طول ما سيف النور المقدس مش مع سنان احنا كلنا في امان ما تقلقش وانا جواسيسي في كل مكان والممالك السته تحت السيطره ومملكة جنوريث كمان يعني الممالك السبعه في امان ومستحيل اي حد يقدر ينقذ الامير سنان ويلا عشان ارجع للجحيم وبلاش تستدعيني عمال علي بطال يا سارومان وبيختفي
سارومان .. امتي نتخلص من وحوش الجحيم دول يا جهور
جهور .. احنا محتاجينهم لحد ما نسيطر علي الممالك السبعه ولولا وجودهم ما كناش سيطرنا علي مملكة جنوريث
سارومان .. بس قائدهم بيتعامل معايا كأني واحد من جنوده
جهور .. نسيطر الاول علي الممالك السبعه وبعد كده نتخلص منهم بالحيله
سارومان .. المهم بكره يعدي واخلص من الامير سنان
جهور .. كل حاجه تحت السيطره يا مولاي الملك
سارومان .. انا هرتاح في غرفتي ولو حصل اي حاجه بالغنى علي طول
جهور .. امر مولاي الملك
جنثار .. بيدخل السجن مولاي الامير سنان
سنان .. انت جاي ليه يا كبير الحكماء
جنثار .. لازم نلاقي حل عشان نهربك من هنا
سنان .. ما تقلقش المهم توقف الاميره بسرعه عشان اتحركت مع جنود النور وكده كلهم هيموته اتحرك بسرعه
جنثار .. لازم اخرجك من هنا يا مولاي
سنان .. نفذ اوامري وعايزك تنشر خبر اعدامي في السبع ممالك ويلا بسرعه قبل الاميره ما تطلع من القصر
جنثار .. امر امير الممالك السبع وبيختفي وبيظهر قدام الاميره امريتا
عباد_الله_اذكره_الله