رواية شمس الايهم الفصل الخامس 5 بقلم شهد الدليمي
شمس : ليش شكو
الأم : أيهم طلع من السجن
_حيل فرحت اله لأن طلع خطيه
مسجون ظلم رغم جنت ماشايفته
بس اسمع بي جنت أريد أشوفه
بعيني أشوف هذا الإنسان اللي
تحمل ظلم الدنيا
رحت للغرفة حضرت غراضي
وغراض اخواتي انخبصنه خبص
الغرفة صارت كلها صياح وضحك
نور بصوت عالي : يمه وين فردة
الحذاء مالتي تكرمون
سارة : يمه شالي وين منو شايله
سيلا : مشطولي
محمد : اسبح حضرولي ملابسي
الام :كولن عدي ومرت يجون ويانه
نور. : يمعودات بعدنا لهسه شمس
انتي شراح تلبسين
شمس : آني اخترت هاي التنورة
ويا القميص الأبيض وفوك سترة
خفيفة
نور : أووووف رسمي رسمي وين
رايحة حفلة تخرج
شمس : لا بس أحب الشي المرتب
سارة: آني راح ألبس البنطرون ويا
هذا القميص الأزرق شي مريح
نور : يعني اثنينكم قررتوا خوش
خلي يشوفكم ذوقي آني اختاريت
هذا البنطرون ويا قميص قصير
أطلع ستايل
سارة : بس نور هذا القميص قصير
هواي ترى ماما ما ترضى
نور : عادي حبيبي ألبس جاكيت
عليه هههه حليتها
عدلت التنورة الطويلة ويا القميص الأبيض
ولبست سترة بيجي ونور وكفت تجرب
الكعب ويا البنطرون وسارة كملت
نور : بنات اكو واحدة بيكم لو تطلع
هسه تخلي عالم سبوع تضحك
سارة : كافي نور تره لحيتي
نور : لأن آني نور مو شي قليل
هههه
اني اعرف تقصدني بس بساطه
تعودت ع سمها محجيت كتفيت
بسكوت خلصنه تبديل وطلعنه
يم أمي
نور : ماما شوفيني طلعت حلوه
الأم : الله يحفضج يمه تخبلين
طالعة مثل القمر.
رجعت باوعت على سارة وباستها
من راسها وانتي هم طالعة تخبلين
الله يخليكم إلي.
جنت واكفة بينهم مثل ظل كلشي
ماكو ما سمعت غير ضحكاتهن
مدحتهم باستهن حضنتهن وأني
ولا كلمة حاولت أضحك وياهن
حاولت أشارك اللحظة بس
حسيت نفسي غريبة بينهم كل مرة
تكولهم كلمة حلوة تنهز روحي ليش
تفرق ليش معاملة وياهن شكل وياي
شكل
التفتت بسرعة حتى ما يبين
سويت نفسي مشغولة أصلح
بحجابي مدّيت إيدي على حجابي
رتبتة وجنت أكابر على دمعتي
أكابر على صوت داخلي يكول يمكن أني مو ابنيتها يمكن
أمي ما تحبني مثل ما تحبهن لا
يمكن اني داكبر الموضوع
قربت منهن ضحكت وكلت
شمس. : ماما شلون طلعت
حلوة لولا
التفتت لي بسرعة وببرود ردت
الام : إي زينة يله راح تتأخر
هزيت راسي ب اي ولكسره لحسيت
بيه بذاك الوقت غير شكل حسيت
مجرد وحدة بينهن لا أكثر ولا أقل
مو البنية اللي جابتني وربّتني ليش
حنانها لهن وبخلانة عليّه ليش ما
أستحق كلمة تخلي كلبي يطير مثل
ما طار كلبهن ليش كلشي وياي بارد
أخذت جنطتي وطلعت وياهن بس
والله إحساسي جنت شايلة جبل
على صدري مشيت ودمعة محتارة
تنزل لو أبلعها انكتم صوتي بس
جوة أكو صرخه ما وكفت يمه
أحبج ليش تظلمينّي
اجتي السيارة وصعدنا نور گعدت
يم امي كالعادة وسارة يمها وآني
وراه يمي سيلا ومحمد ساكتين
طول الطريق ما حچيت ولا كلمة
بس دموعي نزلن غصب أمسحهن
وأحاول أخفي بس يرجعن ينزلن
مادري شبيه كلش ختنكت
الهوا يجي من الشباچ يلعب بحجابي
عقلي بلش يفكر وين رايحين بيت
خالتي يعني حسن هناك بس آني مو
مال مشاكل والله تعبت قررت لا
أحچي وياه ولا حتى أباوع بوجهه
وإذا صارت لحظة نضل وحدنه
مستحيل ضل أطلع من المكان
ماضل وياه بنفس مكان فززني من
تفكيري صوت نور تغني ويا الأغنية
وسيارةلفت يمين وصلنه تقريبا وشفت
باب بيت خالتي يگبر كدامي حيل ختنكت
من تذكرت اخر شي شسوه حسن
گمت ردد يا ربي لا يصير شي لا
نعيد نفس السوالف آني ما عندي
خلك بعد كافي
وصلناالسيارة وكفت كدام بيت
خالتي الله يرحمها نزلت ومن أول
خطوة الدنيا كلها مكلوبة يمهم
والباب مفتوح وأولادها كلهم واكفين
يستقبلونه صارت هوسة
جسار ركض صوب أمي وحضنها
جسار :خالتييييي نورتينه والله
البيت نور برجعتكم
أمي وهي تحضنه الله يحفضكم
يمّه انتو النور كلكم ايهم وينه
كامل هم انحنى وباس راس أمي
وأخوته وراه سجاد حسن كلهم موجوده
صيح صاربچي من الفرح صارت سوالف
من كل صوب هوسه كلها تحجي سوه
شلونكم وريحة البيت طالعةمنها لمة
حبايب حتى الهوا بيه دفو غريب
اني مثلا ثوله بس تصفن
نور راحت تسلم عليهم واحد واحد
وسارة هم وياها وأني وكفت شوي بعيد
دايخة بكلشي صوت الهوسة مالتهم
كامل : يا هلا بخالتي تفضلن لجوه
الغدا حاضر
أمي : الله يبارك بيكم يا ريتت لو ما تعبتو روحكم.
جسار :: تعب شنو هذا واجبنا.
الشمس صايرة بوجهي ما أشوف
شي كلشي مغطي عليه خليت إيدي
عالكصتي حتى اشوف شنو لكدامي
رفعت عيوني لكيت حسن يباوعلي ويخزرني ووراها أشر براسه إشارة
ما فهمتها گلت بنفسي شنو يعني
يريدني أجي أسلم لو شكو غلّست
سويت نفسي ما شايفته مشيت
يم البنات وسلمت عالواكفين
وساعة آني أبوس بيهن حلگي
وجعني من كثر السلام الكل يضحك
ويسولف وآني ماشية وراهن دخلوا
للبيت وآني تذكرت الجنط مالتنه
رجعت عليها بسرعة أخذته ورديت
لباب البيت وحسن واكف
مديت إيدي أسلم بس هو سحبني
له فجأة وما حسيت غير نفاسه قريبه من إذني
حسن : مالكيتي غير هاي ملابس
سحبت روحي منه ورديت عليه
بعصبية
شمس. : بسم الله بعدنا ما دخلت
وهيچ سويت شوف خاف سكتت
لك مرتين وحق الله أگول لأخوتك
أخليهم يكسروك لا تتقرب مني
سمعت
باوعتله ضحك قرب راسه عليه
وكالها بكل ثقة
حسن : غير من أشوفچ أفقد يا أخواني يا دنياخل أگلج شي كلهم
يدرون أريدچ وأمچ قبلت عالساعه
نعقد بقه صوت يرن براسي نعقد
بعدني أحاول أفهم وهو بعده
يحجي
حسن : وهذا لبسچ إذا شفته عليچ
مرة ثانية أشكه وأخليچ تحيرين
بروحچ شنولبسه أبيض وملابسچ
داخ* *ية كلها واضحه
شنو خفيف ملابسي واضحة
شمس : ليش جذب؟ وين خفيف؟!
رفع حاجبه وضحك ضحكة مستفزة
وقرب عليه وحجه
حسن : لمهم يجنن الأحمر عليچ
فتحت عيوني صدمةلعد صدك
خفيف وبدون ولا كلمة طكيتها
ركضة للغرفة إيديي ترجف كلبي
يدك مثل الطبل دخلت سديت الباب
فتحت الجنطة بسرعة الملابس
تتطاير يميني ويساري إيديي تخبط تدور
لبست دشدشة رمادية مخصرة ناعمة
على جسمي تصير لبست حجابي شفت
روحي بالمراية
شمس : إذا يباوع يخلي يحترق
طلعت من غرفه واسمع حجيهم
بالديوانيه گبل ما أدخل لمحت
حسن يسولف ويا نور وضحكتها
ما وكفت وسارة داخلة ويا سجاد
سوالف كلشي طبيعي كاموا دخلوا
لديوانيه قبلي
لبيت مليان أصوات ريحة الأكل
تخبل وضحكات بكل مكان حسيت
بشعور حلو هوسة ولمّة وصوت أمي
يختلط ويا سوالف جسار وكامل
رحت بالاستقبال يمهم يحچون
ويضحكون صوتهم عالي سوالفهم
تغطي المكان ولد خالتي نصبين على
نور وهيه مصدگة وتفرفح واحد
يكولها سمينة مو حلوة وهيه
تصيح ومتعاركة
الهوسة ما توكف جسار يضحك حسن يذب
نكتة ويخلها تفرفح اكثر سجاد يصفگ
من الضحك ونور جاي تموت
من العصبية وتضحك بنفس الوقت
آني رحت كعدت بينهم بس مبتسمة
عالسوالف والحچي ما طلعت كلمة
مني بس أسمع أضحك شوي حتى
نسيت لي طلع من السجن الهوسة
ما خلتني أفهم شي لا سلمت عليه
ولا حتى شفته كلشي راح من بالي
وسط هاي الضجه وهوستهم مندمجة
بسوالفهم
أتفرج عليهم ومبتسمة أگول بنفسي
شلون متعاركين مثل أطفال نور
تصيح وتفرفح بأعلى صوتهم الجو
كله ضحك وشقة
وهوسة واني ساكتة ما حچيت
ولا كلمة كل دقيقة أگول هسه
أنضم وياهم بس أظل ساكتة
فجأة فززني صوت
؟؟؟ :: منو هاي لي مانسمع حسها كل
ساعة أگول هسه تحچي تسلم وماكو
صوت مثل طلقة صحاني من شرودي
رفعت راسي انصدمت واكف كبالي طويل
لابس دشداشة سودا بيده سبحةبين
أصابيعه يكلب خرزها بهدوء كل حركة
محسوبة
وجهه سمرته جذابة عيونه وساع
لونهن بني غامق بس بيهن لمعة
نار نظراته حواجبه تحسسكك
ماراضي عليك
وخط لحيته الخفيف مرتب كأنه
مرسوم بالمسطرة ريحة عطر وياه
كأنه صاحب كلمة مسموعة بكل
مكان يدخل بيه
ابتسم ابتسامة خفيفة زاوية شفايفه
ارتفعت رجع حچى بصوت أقل من
أول
أيهم :: هاي شبيچ شو صفنتي..
⸻❁⸻❁✿❁⸻
غزل❁❁
اني غزل صديقة شمس وعتبرها
اخت لي وهيه كذلك
دائما تجي للمدرسة تحجيلي
مشاكلها واضوج عليه خاصه من
معاملة امها وياها تقهرني كلش
اتمنى تجي تعيش يمنه لمهم
تعالوا اعرفكم ع عائلتي
امي وابوية اكثر شخصين حنين
بهل عالم عدي اربع اخوان واني
وحيدة جانوا كلش مددلين شطلب
يتوفر لي منطيني ثقة مطلقه
يحبوني كلش واني اموت عليهم
اخواني حسين حيدر علي
واني ردوني فاطمة بس ماما
سمتني غزل
مثلا كل يوم ادوام بي المدرسة
واشوف شمس ونحجي رابع مو
مثلا ثالث جان ضغط علينه اكدر
حجي وياها واسمعها وتسمعني
يوم من ايام دوامنا صبحي واني
متاخر طلعت لبس بحذائي بالباب
واحجي وسب بنفسي لان متاخرة
وعدي امتحان رفعت راسي واشوف
ولد واكف مسافه يباوع وضحك
وياشر ع راسة يكلي ها شبيج
مخبلة انتي رديت عليه
وشيخصك انت طبكت لباب
ومشيت واسب بي حولت من عدي
ال له صعدت لللخط حت ماسلمت
ابو خط : عمي مايصير يوميا هل
تاخير الطلاب وراها امتحانات
اعتذر عمو ماتنعاد ضليت سهرنا
اقرة وماكعدت
هز راسه بااسف ومشينه اخذنا كم
بنيه وراحنه للمدرسة وصلنه شفت
شمس تحجي وياه طلابه دخلت
بنصهن
غزل ::صباح الخير
شمس:: صباح نور شعجب متاخر
كل مره تجين قبلي
ولج غير ماكعدت محد مكعدني
وابو خط ضل يلطم نوب طلعلي
واحد يكلي مخبله
شمس :: منو هذا
غزل :: والله مادري
شمس: عوفي خل يولي لا تنطين
مجال
غزل : لا رديته كتله شيخصك
شمس : لازم تحجين متكدرين ع روحج
يمعودة شبيج هو شكو مجرد
حجه هيج كتله ميخصك وخلص
شمس : يلا لعد تعاي بلش درس
اول خل نكمل درس ونججي
عدي هواي حجي
خلصن درس عدنا شاغر رحنه وراه
ساحة شفت شمس مهومه شبيج
شمس احجيلي شبيج
شمس : امي خبلتني مادري شتريد
شسوي علمود تحبني دائما مبعدتني
عنها تصرفات نور دازيد عن حدها وياي
ومدرسة راح تخلص اني ماتحمل
اضل بالبيت نفسيتي تتعب
غزل : نقهرت عليها كتلها شسوين
شبيدج سكتي لحد ماتدبر وبلكت
الله يهديها عليج
وغيرت موضوع علمود تنسه شويه
حلينه رحت للخط جمع البنات
وطلعنه دائما ابو خط يمريم
مدرسة ولد شويه عنه نتبهت للباب
اشوف نفس ولد يأشر ع راسه ضليت
فَكة حلكي هذا شلون اعرف اني هنا
وصلت لبيتنا نزلت دخلت فرع
مالتنا شويه ضيك متدخل سيارة بي
فيزل بداية فرع شفته واكف كبال
بابهم استغفرة الله وعفته مررت
ايام روحه ردة اشوفه وكفلي بطلعه
وبحله ونضرته لي مو طبيعه وضل
شهر ع هذا حال
لحد مادانمتحن اخر سنه رجعت
للبيت نزلت احسيت احد يمشي
وراي خله ورقة بجنظتي ومشه
دخلت للبيت رحت للحمام فتحت
ورقه كاتب
رائد : تعبتيني كافي ثكل اذا تريدني
ردي عليه واذا لا لا تردين بشي
وكاتب اسمه رائد
بهذا يوم يلا عرفت اسمه بتسمت
لا ارداي جنت مراهقه واشوفه
مهتم لي ونجرفت وراه مشاعري
رديت عليه بنفس ورقه اي اريدك
وكتبت اسمي غزل من طلعت
للبيت اجه يمي ذبيتها بالكاع
واخدها
صعدت للخط نتضرت شمس
متحمسه احجيلها
غزل : هذا كتلج بي اعترفلي يحبني
وحجيت لها كلشي من بدايه وكل
تفاصيل
شمس : بتعدي عن هاي امور جيران
انتم لا يصير حجي شي يضرج
غزل. : اوك هاهيه سدي موضوع
حسيت شمس متريدني اعيش
قصة حب لان هيه بهاي فترة
نفسيتها تعبانه وكل عالم تكرها
وحتى اني قريبهه عليها تصيح عليه
قررت اضم ع شمس وهو اخر شهر
ضلينه ع هذا حال اني ورائد
واحد يدز للثاني رسائل حد اخر
يوم امتحان كاتب نتضري مني
رساله يوم الاحد ساعه 9 اشمرها
فوك سطح وارجع ب10 اخذ منج
بعتبر راح تخلص مدرسة شلون
نتواصل وتلفون ماعدي
وفعلا جان كل سبوع يوم الاحد
يكتب لي رساله ويشمرها واني
اخذها ورجع ردله خبر
ضلينه هيج شهرين وراه دوام
وكمت احبه حيل وتعلق بي واذا
مادز مسج لو ماشفته اضل ابجي
عليه صار مايجي واني انتضره
وبس ابجي كطعت اكل ونوم واهلي
منتبهين عليه بالهم مريضه لحد
ما بنت اخويه باب تريد تشري
وشفته طلع من بيتهم وصار كبالي
بيته بمسافه عنه اجه تقرب يمي سلم
رائد : شلونج غزل
غزل : زينه ليش هيج مختفي
رائد : عذريني مكدر اجي
وياه ابويه بشغل بس بليل
غزل : تمام طمني عنك
رائد : دخلي لحد يجي
دخلت جوة واني شويه مرتاح
عرفت اخبارة جنت مثلا غبيه
مصدكة هو بشغل واني ليلي كل
ابجي عليه ونهار حابسة نفسي
مررت ايام ع اخر مرة شفته
رائد ورجعه اختفى ضليت ع
نفس وضعي لي يحجيني اريد
موته واعصاب وبس اصيح ودموعي
متنشف شنو شفت منك وخلاني
اوصل هل مرة اذي نفسي اني
جنت ضحكه متنزل من حلكي جنت
اضحك للهوى هيج يصير بيه اهلي
كلش يحبون اني وحيدتهم وبالهم
مريضه ودائما ينقهرون عليه وشمس
ماكو اي توصل وياها لا كدر اروح
ولا تكدر تجي مع علم بنفس منطقه
بس بغير حي فجنت اتمنى احجي
وياها تنصحني توعيني
جنت كاعدة بغرفتي ودخلت امي
ماما :يمه غزوله شبيج ياكلبي ليش
هيج ذبلتي فجأه اكو شي يجوجعج
احجي يمه مو خبلتينه لا ليلنه ليل
ولا نهارنا نهار
غزل :ماكو شي يمة مابيه شي
ليش تكبرون مواضيع بس خنكه
عدي من ربو
ماما : من انتي عمرج يوم وعدج
ربو تعودتي عليه صار جزء منج
زين اني اكبر مواضيع وابوج هم
وخواتج معقوله كلنه نكبر لا تعلين
كلوبنا احجي شبيج اني اساعدج
اني صديقتج كبل امج
غزل :سبحت يدها وبستها والله
مابيه شي وان شاء الله رجع غزل
ام لسان شو كلت خل كبر شويه
بس انتم ضاهر ماتردوني اكبر
الام : لا تكبرين شكم عزل عدي
ضلي دللي يلا يمه بدلي وغسلي
ونزلي يمنه كافي بعد ماكو كعده
وحدج
غزل :صار يمة ابدل واجي وراج
طلعت امي واني رسمه بتسامة
جذبيه كمت للمرايه اشوف وجهي
شكد متغير هالات وصله لحد عيوني
صفر
لمن مسوية بروحج هيج منو
يستاهل متعذبة ومعذبة اهلج
قررت اخر مرة اذكر اسمه وخلص
انسه بدلت ونزلت يم امي وابويه
واخواتي بس واحد منهم مزوج
وجديد
حيدر : ياهلا شوف منو نورنا
حسين : يا بعدهن
حيدر : طلعت شمس علينه
علي : ياشمس انت طلع كمر
كبل صحت ع حيدر عوف شمس
بحالها ضحكوا كلهم
حيدر : يابعد اخوج عفتي كلشي
ركزتي ع شمس
غزل : اي اغار ع صديقتي لا تذكرها
حيدر : هههههههه شلون شمس هيه
طك بالكاع من حرارة
ولكل طكوها ضحكه من شافني
زعلت حجه
علي : غير علموددج وهيه شمس
وانتي گمر
بابا: : عوفوا بنيتي تعاي بابا لحضني
رحت له ركض كعدت بحضنه واني
احس روحي هسه رجعت همداني
وين جنت ضامه نفسي بيا ضلمات
رفعت راسي بسته بكصته احبك بابا
بابا: : ياروحي يابنتي اشتاقيتلج
ليش متنزلين
غزل : بعد ماعيدها بابا
بابا : يلا بابا تعاي اكلي
كعدت يمه نزلت من حضرنا اكل
واكيد منخلص من منكارات خواني
بس يخافون من بابا ميحب
يحجون وهما ياكلون
اخذت الماعين غسلتهم ونضفت
واني دامسح بالكاونتر دخل
حيدر
حيدر : بداعت شمس سوي جاي
اهووو اسب شمس هسه
حيدر :: بعتيها يعني
غزل : اي بعتها
حيدر :: خوش اروح خطبها
غزل : ياحيدر الله عليك صدك وهيج
تصير مرت اخويه وتجيبون طفل
واني اسمي اكلك ترى اصير من
ذني لحموات لحقيرات وخليك
وتطلكون اني اغار عليك من
شمس واغار منك ع شمس
لا تزوجها احسن اشوف حيدر صافن
حيدر: عززا بعينج زوجتني وخربت
بيتي وطلكتني كله بهل ثانيه يمه
مصيبه انتي حتى جاي ماريد
غزل وشمس تريدها
حيدر : تادبي غزل
مادري احساسي يكول يحبه
ويريدها من جانت تكدر تجي
هو دائما يكعد يمنه وضل
يسئل عليها لمهم
يوم عن يوم رجعت حياتي
افضل واحسن من قبل ندك
باب طلعت ولد صغير
طفل : خاله اريد غزل.
غزل : اي حبيبي حجي اني غزل
طفل : هاي عمو رائد دزها
غزل : حرفيا نصدمت شذكرة هذا بيه
وجان وهسه جاني من قررت اترك
كلشي شكيت ورقه وخليتها بيد
طفل ودزيتها بيدة
كتله كوله مرةثانيه تكول الاخوها
هز راسه ومشى ضل يوميا اشوفه
بابنا او يكعد بابهم مافارك بابنا ابدا
واني ولا هتميت له كلت من
تعايشيت اجيت رحت اساعد
امي ومرت اخويه هم وياها
روتينه نفسه ماكو تغير جنت
غسل بالطارمة وندك الباب
فتحته طفله
ااجتي بيدها ورقه وتكلي هاج ضليت
ارجف عزه بعينه مايحاف هذا شلون
يدزها بيدج اخدتها وقريتها كاتبه بيها
رائد :: غزل مانطتيني فرصة ابرر
نفسي لج اخر فترة صارت عدي
هواي ضروف لازم تسمعيها او نتحر
وخلص وخطيتي بركبتج
همست الله وياك الى جهنم وبئس
.مصير كملت اقريه
رائد: تعاي مكانه مثلا كل مرة ساعه
9 حجي كلمتين واروح بس اذا
ماجيتي اجي كدام الاهلج وحجي
وياج
غزل: هذا تخبل علمود حسين يشكه
بنص وحيدر شكيت ورقه وذبيتها بالحمام
هذا مكانك اموت منك حقير
كلت هاي فرصتي اخذ حقي منه
او نهائي هاي سالفه اهلي ينامون
من وكت
سوينه عشاه وتعشينا ومرت
حسن غسلت ماعين
حسين ومرته دخلوا بغرفتهم بابا
نام وماما هم
حيدر وعلي يتاخرون يلا يجون واني
حسبت شغلتي خمس دقايق رحت
لبست صايتي وشال وطلعت اكو يم
بابنا مثلا ترك قطعه فارغه وكفت
بيها اني وكفت نسحبت حيل
وياه صيحتي خله يدة ع حلكي ...
⸻❁⸻❁✿❁⸻❁✿❁
شمس❁❁
بلحظة حسيت كل الأصوات حواليا
اختفت لا نورلا سوالف لا ضحك
بس هو وسبحته ونظرته
شمس :: لا لا ماصفنت
ضحك بخفة وهز راسه وهو يرجع
يگلب خرز السبحة صوته منخفض
أيهم :: زين يعني ننتظرچ بعدلو
صفنتچ طويلة
الباقين انفجروا من ضحك نور صاحت
نور: آني أگول نفس الشي
هيه هيج ساكتة مثل التمثال دائما
شمس :: حاولت لملم موقف
لاما صفنت بس ما عرفتك انت
منو
الكل فجأة طكها بضحكة عالية
الجميع :: ههههههههههههههه
ورجع حجه
ايهم :: خالتي هاي بنتچ وين
ضامتها شو متعرفناولا شايفها وين
ضامتها عنه
امي بضحكه ترد
الأم :: خاله عوفها هيه هيج ذبتهاع
صامت وآخرة مرة شافتك جانت
بالثالث وين تتذكرك إنت هم ماتذكرها
صغيرة جانت
اني ما انتظرت أحد يوضح عرفته
ايهم گلت بسرعة حتى أكسر الموقف
شمس :: حمدلله ع السلامتك شلونك
أيهم رفع حاجبه صوته هادي
أيهم :: بعد وكت
خجلني سكتت ودنكت گلت
بكلبي هذااا شبي مو كالنه منعرفك
ليش هيچ يردويفشلني
أيهم :: شبيچ بويه هواي تصفنين طبيعية
إنتي
اني ومن غير لا أفكر طلعت الكلمه غبية مني
شمس :: لا صطناعية
والكل فجأة انفجر ضحك
الكل :: هههههههههههههههه
حتى هو ضحك وضحكته يا ربي
صوته عجيب غريب كأنه يهز جوا ابتسامته
طالعة من كل كلبه وأني صافنة عليه
شلون يضحك ليش ضحكته حلوة لهالدرجة
شويه يهز راسه وعيونه عليه
أيهم : يمصخمة تعرفين شنو
الاصطناعي وتحچين بي
شمس :: هاااا
رفع إيده ضرب يد بايدة بخفه
وضحك مرة ثانية
أيهم :: وجعا شهل فهاوة بنات خالتي
كلهن نار إنتي عليمن طالعة فهايه
اني ضجت محد حچاني بهيج
نبرة بحياتي كلهم أولاد خالتي
حبابين وياي سوالفهم خفيفة
ضحك طبيعه بس هذا يصيح
علي كأنه مسوي تحقيق
كامل :: عوفها إيهم شلحيت وياها
مقبل تحچيها هاي عزيزة أحب هيچ
هدوء بالبنية هو هذا الصح.
إيهم رجع براسه نظرة استهزاء
وضحك
إيهم :: محچيت شي بس عدها
فهاوة مو طبيعية.
جسار راد يصير محامي لي گاله
وهو يضحك
جسار :: عوفها بس تبچي هنا أكتلك
إيهم :: تكتلني علمود هاي الفاهية
حسن رد بسرعة
حسن : إي وتنذبح هم عادي شموسه
هاي كلشي ولا دموعها
كامل :: اثكل ولك
حسن: واني شحچيت صايرلي
خصمي انتم لو شنو كل محجيت
سكتتني
إيهم يباوع لحسن بنظرة مستفزة
إيهم :: شبيك بويه نرعصت أعصابك
وعيونه تتحرك بهدوء وندار عليه
ورفع حاجبه وكال
إيهم :: انتي شسمچ بويه
شمس :: اسمي شمس
إيهم :: عاشت الأسامي بويه
إيهم :: شكد عمرچ
شمس :: 15
سكت ثواني نظراته ثگيلة وبعدين
ندار ع حسن رماه بنظرة بيها مليون
معنى
كامل وجسار فهموا نضرة ايهم
وجفصت حسن حاول يسدون
موضوع وكمنه نجهز غدة تغدينه
وقت يمهم يركض صار مغرب محد
يشتهي عشاه لان غدة وجان
متاخر
لتمينه بحديقة كلنه نحجي ونضحك
لحد مانعسنه كمنا نفرش بالحديقة
البنات طشن مثل الفراشة كل وحدة
شايلة مخدة وفراش سوالفهن تسبق
خطواتهن
والضحك متناثر بكل مكان فرشنا الجو
باردريحة التراب المبلول وصوت الليل
يخترق السكون كل وحدة دخل بفراشه
مددت جسمي ع فراشي غطيت وجهي
بالشال وردت أنام بس ما گدرت
صوت سوالف البنات خفت غلبهن
النعاس وأني بعالم ثاني باوعت ع
للنجوم متت وشبعت تكرص شلون
ينامون بهل بك هاي وحشرات
كمت بهدوء مشيت حافية على
الثيل و رحت للمرجوحة كعدت
رجعت راسي ليورة غمضت عيوني
وهزيت نفسي ببطئ كأني أريد
أطيح التعب من صدري مر تقريباً
عشر دقايق السكون يغطي كلشي
إلا حفيف الأشجار
فجأة حسيت أحد كعد يمي نبض
كلبي بخوف فتحت عيوني كعدت
بفزة بالي حسن
بس صوت هادي ثكيل چان كدامي
إيهم :: اسم الله عليچ شبيچ بويه
ليش هيج نزيتي
شمس :: ما بيه بس خفت بالي
شي
بتسم وحجه
إيهم :: لا تخافين بويه ماكو شي
بس آنتي شعجب هنا شفتچ گلت
خاف محتاجة شي وتستحين تحچين
شمس :: لا والله بس البك ما گدرت
أنام.
ضحك و هز راسه صوته
فجأة صار ما بين الجد وستهزاء
إيهم :: إي هنا مو مثل مدينة هذا
الريف هيچ بي كلشي بك حشرات
وحيايه وعكرب كلشي توقعي عالساعه
كلمة حيايه ضربت براسي مثل طلقة
طفرت من المرجوحة بسرعة ولازمت
رجلي واني أگول بخوف
شمس :: حيايه وعكارب
ابتسم يگلب خرزة السبحة
بأصابعه صوته واثق مستفز
إيهم :: إي وجناني وعفاريت بعد
شمس : يمهههه وديني يم البنات
إيهم : جذب يمعودة صدگتي
ههههههه.
اني وكفت إيدي عصدري رديت
عليه بحچي سريع
شمس :: كول والله ماكو شي
إيهم :: ما أحب أحلف هواي بس
تاكدي وطمئني محچي شي جذب
ظليت واكفة عيوني عليه ضحكته
بعدها ترن بأذني وهو رجع هادي نزل
عينه شوي وبخطوة واثقة كعد عالمرجوحه
صوت السلاسل يرن بخفة وهزها بيده وكال
إيهم :: يله، لا تظلين واكفة مثل
العود تعالي چنتي أول وحدة هنانا.
ترددت نداريت وراي ع البنات كلهن نايمات
لا حس ولا نفس رجعت عيوني عليه شفت
ابتسامته الخفيفة كلت
شمس :: لا آني مرتاحة هنا
رفع حاجبه ابتسم
إيهم :: ها هسة تخافين من الحيايه
والعكارب بس ما تخافين تظلين
وحدچ صدگيني العفاريت هنا يطلعن
أكثر من الحشرات
چنت راح أطفر من مكاني وعيوني من
صدمه توسعن وهو فجأة انفجر ضحك
إيهم :: هههههههههه! يمعودة كولي
والله صدگتي
شمس :: اي كافي تخوفني حرام
عليك
هو رجع هادي نظرة عيونه ثگيلة
إيهم :: تدريين شنو انتي غير شكل البنات
سوالف وضحك وانتي ساكتة حالچ حال
اللي شايلة شي بثگل ليش مهمومه
شمس :: ماكو شي طبيعية حالي
حالهن
ابتسم بخفة وعينه بعدهن عليه
إيهم :: لامو طبيعية بس عادي
مو كل الناس مثل بعض ولا
يشبوهون
رجع كعد عالمرجوحة كبالي يهزها
بإيده بهدوء صوت السلاسل يرن
مع نسمة الهوئ
هو فجأة گال ونظراته ع لنجوم
إيهم : تحبين هدوء الليل لو يضوجچ
گلت بسرعة حتى أطلع من التوتر
شمس : مرات أحبه مرات أخاف
من سكوته
هو ابتسم نبرة صوته صارت ألين
إيهم :: طبيعي لأن الساكت يخليچ
تسمعين روحچ والناس تكره تواجه
روحها.
ظلينا نسولف سوالف بسيطة
عادية عن الليل وعن الفرق بين
بغداد والريف وهو يگطع الحچي
بين لحظة وضحكة خفيفة والسبحة
تدوربإيده ببطئ كل خرزة تنطگ كأنها
تحسب الوقت
بس فجأه صوت خطوات قربنا
التفت شفت حسن وجهه مشدود
بغضب عيونه حمر الجو گلب
بثواني والسكون صار أثگل من
الحديد حسن ثبت عيونه عليه
بعدين حولها على إيهم صارت
نظرات مثل نار تتطاير
إيهم :: ها بويه شعدك هنا ما نمت
لو جاي تحرس
حسن :: لا جنت جاي أشوف البنات
مرتاحات
إيهم نزل راسه نظرة سريعة
عليه ويباوع عليه ويحجي بصوت
هادي
إيهم :: إي مرتاحات ماكو شي
يخوفهن أبد
شمس :: آني أرجع يم البنات.
حسن بلمح البصر رد نبرته آمر
حسن :: إي روحي ماكو داعي
تظلين هنا
إيهم :: لا تخاف راح أوصلها بنفسي.
حسن :: ماكو داعي آني أوديها.
إيهم :: ماشي
آني عندي روحه للگاع لازم أشوف
الشباب هيه يمك ما تحتاج شي.
عيوني اتوسعن كلت بكلبي راح
يعوفني يمه
حسن :: ان شاء الله بسلامه
نهض من عالمرجوحة كام بكل
هدوء وحجه
إيهم ::شمس نامي يم البنات لا تظلين
تسهرين ترى باجر يوم طويل وتعب
شمس :: إي إن شاء الله
بس راح ايهم وحسن كبل ندار عليه
وحجه بصوت
حسن :: شمس
شمس :: ها... شتريد
خطى خطوة ليكدام قرب مسافة
تكفي يخلي نبرته أوضح
حسن :: منو گالج تطلعين لهنا انتي شايفة الوضع مالتج
شمس : ما گدرت أنام أجيت بالحديقة
بس يا وضع هذا
يباوعلي عيونه نار ونبرته نزلت
ثكيلة بيها تهديد واضح
حسن : الحديقة والمرجوحة وياه
إيهم متستحين انتي شيكولون
عليج اخوتي
شمس :: هوكعد يمي ما طلبت
من عنده.وبعدين وين مشكله
بكعدته يمه واخوتك يعرفوني شنو
حسن ::اسمعيني زين إذا بعد أشوفچ
كاعدة يمه لو أشوفه جاي يمچ تشوفين
مني شي مايعجبج بس صدگيني ما يرضيج
وإذا صارت مرة ثانية لا تلومين غير نفسج
مايهمني اكو مشكله لولا شتقصدين ماتقصدين فهمتي
شمس : لا مافهمت مو بكيفك شبيك
انت شو عايشه لحضه
اجه تقدم اكثر حسيت بية جرني بقوة
لزمني من زندي وگبل ما أستوعب شصار
لگيت نفسي واكفة وياه بزاوية الحديقة
جسمي متصنم من خوف
شمس :: هيووو شبيك ليش نجلبت
وجهه أحمر نبرته نزلت مثل الرعد
يتگطع من العصبية
حسن :: وجع لا تچذبين لا فلشش
وجهجج! شيسوي إيهم يمچ هااا
شمس :: هيج بس چنانسولف
ماكو شي وخر شكو لزكت بيه
هيججج دوخرر عني
حسن :: لا مالزككك بيج وبعد
ماأريدأشوفچ يمه ما أقبل!
واني حذرتج
شمس :: هو انت منو حتى ما تقبل
ها
حسن : منو؟ آني أحچي وآني
أنهي سمعتيني لو أعيد
شمس :: لا اعيد ماسمعت دفعته
كل قوتي ومشيت
واني حجي شنو هذا منو مسوي روحه
علي نفضت إيدي وهزها بعصبيه
وسب بي ومشيت بسرعة
شمس :: الله يالله بس هاي بعد
جاي يتشرط علي ومصدگ نفسه
حسن. :سكتتتتتي شمسسس
لاتختبرين صبري عليجججج
تركت صوته وراي بس إحساسي
گال هذا الحچي ما راح ينتهي
هنا أبد
اول ماوصلت لفرشي مديت جسمي
ع الفرشي خليت راسي ع المخدة
حسيت ثكل اليوم كله نزل عليه
غمضت عيوني وكلشي اختفى
بس ظل بذهني وجه أيهم ونظراته صوته
وهويضحك ليش حسيت بيها شي ليش
حسيت كلببي راح يوكف
نمت...
كعدت الصبح فتحت عيوني ع
صوت هوسة ضحك ناس تدور
بالبيت ريحة جاي وريوك والجو
كله حركة كعدت ميته نعاس
اريد نام. ساعه 6 كعدت صافنة
مثل مطي
ما حسيت إلا مي بارد نرش عليه
وجهي فزيت بانزعاج
شمس: هااااااا! شبيكم
أيهم واكف كدامي يضحك
بيده سطل المي
أيهم: ها طلعي صوتج كلت شعجب
خالتي عدها وحدة عاقلة وساكتة
شمس: يعني ليش هيج هاي ردة
فعل هاي
ضحك وكال
أيهم: إي ردة فعل شفتج صافنة كلت
أصحيج قبل ما تلزمين خط لمطي
شمس: شكراً... صيحت
أيهم:: يلا كومي خطية البنات
يشتغلن وحدهن خطار راح يجون
شمس: إي صار.
ابتسمت وشفته هو هم ابتسم
ودخل جوة
كمت يم بنات تريكنه وكملت شغلي
ويا البنات كل وحدة عدها شغلة
أصوات الماعين وريحت طبخ تترست
المطبخ والهوسة بكل مكان.
نور كاعدة يم أمي مثل الملكة
امي متقبل تكوم لفة بطانية
ع جتافها تلفون بيدها ووجها
معفوس أمي تحاجي للبنات
وتتعذرانو مريضه
ألام :عوفوها لا تحجون وياها.
أيهم مايسكت ونور تريد تبجي
بس تتحمل متكدر تحجي تخاف
منه وامي من تشوفها تريد ترد
تخزرها تسكت
أيهم يضحك ويستفزها أكثر
وتكوم تصيح وهو يضحك بصوت
عالي الجو كله صار ضحك البنات
يتموتن عليه من يضحك
فاطمة : سمعي ضحكته بعد كلبي
شمس :الله يحفضه لج كلبي
باقي الشباب كاعدين يم الخطار
أما إخواني جبيرضل يم مرته
لان حامل ماجه و صغير يلعب
وياه اطفال برة سيلا لو تكمز لو
نايمه و سارة.
مخلصتها تفتر وياه بنات تعرفت
عليهن بيت خالتي يصيرون كرابيهم
وأني كاعده وياه البنات الهوسة
والضحك والرتب وياه فاطمه
بالمطبخخ
آني وبنات كلنا ملتهين بالخطار
كل وحدة مشغولة بشغلها
حسن ماشفته من ليل بعد وأخواتهم
حبابات وياي بس كل ضنهن اني ضايجه
لان حسن ماشفته اليوم أسمعهم يحجون
عن حسن لأن دايشتغل
فاطمة: خطية حسن راح عنده كومة
شغل
شمس ::وما رد يت عليها
فاطمه: شمس مو حجي وياج
شمس ::الله يساعده بس أني شعليه
فاطمه :اها بالي عليج.
شمس: لاحبي شعليه
حضرنا الغدة وبدينا نجهز للأكل
فاطمة :: فدوة شمس نسيت سوي
الجاي
كلت لها بسرعة:
شمس: صار هسه أسوي رحت للمطبخ
أجهز
شوية وفجأة دخل أيهم يدور على خبز
أيهم: ليش ممخليات خبز
ضحكت وأنا أشرحله
شمس: ياهذا وينه نسيت
أيهم بابتسامة خفيفة
أيهم: يلا ما صار شي بس انتي ليش
هسه هنا متروحين تاكلين
شمس: إي هسه بس أسوي الجاي.
أيهم: براحتج بويه لا تتعبين نفسج
ابتسمت بدون ما أحس كلامه عبارة
عن حنية خصوصًا من يكلي بويه هالكلمة
حسيتها ناعمة تدخل كلبي تخلي كل
التعب يروح بثواني بويه
خلصت الجاي وحطيته عالصينية
كعدت أنتظر أحد ياخذه فجأة
شفت
حسن: خلص الجاي
شمس: إي، خلص هذا هو.
أخذ الصينية وقرب مني خطوة
وكال:
حسن : آني آسف لا تاخذين بخاطرج
من شفتكم سوا عقلي طار.
رفعت راسي عليه ببرود
شمس :ممليت إنت يومي تسمعني
حجي وصبح تجي تتعذر
حسن :لا ممليت وخل شوفجج يمه
ويصير خيرر
قبل ما يكمل رده فجأة دخل أيهم
عيونه تنتقل من وجهي لوجه حسن
وصوته ثابت بس بيه نبرة حادة
أيهم : شكو شبيكم
حسن: لا ماكو شي بس چانت
تحجيلي عن الجاي
أيهم رفع حاجبه نظره ثبت بوجه
حسن، وبعدين بيه نبرة استهزاء
أيهم: عن الجاي ههه لو عن شي ثاني
باوع لحسن شد على الصينية بإيده
صوته صار حاد
حسن: أيهم لا تدخل الموضوع ما
يخصك
أيهم: ما يخصني؟ ناسي وين أنت واكف
كدام اخوك شهل رده هذا مادام انت
تحت جناحي كلشي بيك يخصني
يحجي بعصبيه
الجو صار ثكيل وأنا بالنص ما عرفت
شأكول كلبي دگاته وصلت للسماء
حسيت ع صوت كامل يكول وين
ايهم
كامل ::ناس تريد تروح جاي وين
صار كامل شاف حسن خازر ايهم
وايهم خازر حسن عرف اكو شي
كبل عاط بحسن
كامل:: ولكككك عيونك نزلها شبيكم
شكو
جسار ::هاي شكو شبيكم
مادري بس راح عرف وراه ماتمشي
عالم ندار عليه وحجه وحمي جاي
وع سريع صبي برد هذا
كبل حميته وصبيت خلص الجاي صار
يلا حسن ودي حسن اخذ جاي و طلع
بقيت بالمطبخ ارتب اريد اغلس ماعين
اجه ايهم غسل ايدة وتوضه وقبل
مايطلع حجه
أيهم :: شمس لا تخلين أحد يوجع راسچ
مفهوم
مافهمت شيقصدك ولا عرفت معناها
ولا عرفت ليش كالي هيج
أمي كاعدة بالصالة سوالفها بعدها
ما خلصت تحجي ويا النسوان صوتها
يملأ المكان نور لزمة موبايلها كالعادة
أصابعها طايرة بالكتابة وسارة نايمة
أما بزركعده سيلاو تومها يلعبون برة
واني طايحه بيها
فجأة دخل أيهم وكف شوي يباوع
علينا وبعدين رجع للصالة.من هناك
سمعت صوته عالي
أيهم: ملكة متكومين وياهن خستي
من كعدة كوميي
نور صحت وهي متذمرة
نور : يمه حاجي
أمي ردت بهدوء وهي تحاول تضحك
الأم : خالة عوفها مابيها حض
ماتعرف تسوي شي
أيهم: غير هي أكبر من شمس شلون
متعرف
الأم : شمس علمت نفسها هاي
كاعدة لو تدرس
أيهم : رد بسرعة وهو يباوع صوب
نور
أيهم : لو موبايل خالة ديربالج ع
بنتج تره هواي طامسة بموبايلها
امي ابتسمت تحول دافع عن نور
الأم: شعدها ولك هي لو تلعب لو
تطلع مسلسلات
رجع للمطبخ
أيهم::: كافي تعبتن خل يولن كافي
شغل
ضرب كفوفه سوا يباوع على البنات
أيهم: فاطمة ريم يلا كل وحدة تگعد
لا أريد أشوف وحدة واكفة بعد جر اخواته
له و يضحك ويحضن خواته وحده وحده
ويبوس بيهن وهو يشاقيهن
أيهم: فدوة رحت لجن يبعد حيل اخوجن
وأني ثولة ضليت واكفة صافنة
ومبتسمه ما أعرف ليش نظرتي ثبتت
عليه يمكن من عفويته أو من الحنية اللي
طلعت فجأة بحركاته وجان أسمع صوته
أيهم::: هاا تريدين انتي هم تعبتي
وياهن
شمس : مارديت
ايهم : شبيچ صفنتي
گلت بسرعة
شمس: ها لالا ماريد شي
وسويت نفسي أمسح الكونتر حتى أغطي
على ارتباكي وهوضحك بخفة ومشه بهدوء
كأنه قاصد يخليني أتوتر
فاطمه :اروح سبح
ريم: يلاوراج اني هم شمس تجين
مو
شمس :اي كلبي بس امسح لكاع واجي
يلا نتضرج راح حضرلج ملابس
كملت مسح الكاع وبعدني هسه
ريد دخل غرفة
فاطمه كدامي مبتسم شمس يلا تعالي
حضرتلچ حمام وخليت لج دشداشه
مالتي الجديدة خياطي اني مخيطتها
اول ما شفتها عجبتني شكلهاو ضحكت
وگلت لها
شمس. : فدوة إلج خوش ذوق عندج
دخلت للحمام خليت الماي ينزل ع جسمي
حسيت التعب كله يروح ويا الرغوة كأني
مولودة من جديد بعد ما سبحت لبست الدشداشةكلت بكلبي وااااي. تخبل وباوعت
للمراية ضحكت
لنفسي : هاي شمس لو ملكة
قررت أزيدها دلع نفسي لازمت شعري
سويت له ضفيرة ستايل هندي ونزلتها
صفح خليتها مرتبةيعني مثل
المسلسلات بعدين فتحت درج العطور
نغم رشيت على نفسي ترست المكان ريحة
حلوة كلت بكلبي ماشايفه شبيح تخبلتي
ههه طلعت من الغرفة كلت اروح يمهم
اكعد
طلعت للصالة ريحة الكيك مالية الجو صوت
ضحكهم عالي ونور كاعدة على الكرويتة
ماسكة الموبايل ملامحها مثل كل
مرة ما يعجبها شي گلت لها وأنا أعدل
ضفيرتي
شمس: شبيچ زعلانة
نور:: لا مو زعلانة بس صدگ لو چنت أعرف
هلكد الخطّار راح يجون ما چانت أجيت
و اضل يم عدي
شمس: ليوم وخلص شكو بعد
نور:: ماخلص كلش أضوج من لمّة
طويلة صدگي تذبحني دخلت فاطمة
فاطمة: هاااي شمس لو ملكة الجمال
فدوة ريحتچ شهل ريحه
شمس. : لتبالغين دشداشةمنج
وخلصت طن عطر منج هم
ريم من بعيد ضحكت
ريم: لا والله تغيّرتي وشعرج طلعج
عجيبه بهاي تسريحه ماشاء الله
هنا نور كالعادة رفعت حاجبها ونزلت
كلمة ببرود
نور: إي عادي يعني حلوة بس مو كلش
تخبل شعري احلى شدعوه هيج تبالغن
شمس: فدوة رأيج مهم ترى
نور رجعت لموبايلها بلا مبالاة
دخل أيهم من الباب شايل كيك
وعصاير
أيهم: محد ياكل غيربنياتي تعبن اليوم
جسار: جا احنه شعلينه نطبخ بمكانهن
كامل : إي هسه صار الجو توب بنات
هنا ينطنا وياهن
سجاد: آني أول واحد أذوق خوش
أيهم: خوش خوش بس سكتوا
ريم: أيهم جبت شي بارد لو بس العصير
أيهم: العصير بارد وشجيب بعد
جلسنا كلنا الكل يوزع الكيك
بعد ما خلصت اللمة الكل راح ينام
كعدت أنظر للسماه وبعدين گلت:
ما أتحمل خل أروح حديقة شوي أغير
جوةطلعت للحديقة، الهوا بارد شوي
ريحة الورد تملي المكان والقمر يضوي
نص الحديقة رحت صوب المرجوحة
وكعدت خليت رجلي تتمرجح بخفة
صوت خطوات ثكيلة قربي التفت لكيت
أيهم واكف لابس تيشيرت أسود وبچامه
شايل بطل مي
ابتسم ابتسامة خفيفة وهو يتقرب
أيهم: ها ست شمس بعدچ ما نمتِي
شمس: لا ضايج خلگي
گعد يمي وفتح البطل گال بصوت هادي
أيهم: أحچيلي ليش هيچ انتي مو مثلهم
شمس: شلون يعني مو مثلهم
أيهم: يعني هادئة مو وكحة ولسانچ مو
طويل مثل باقي البنات اللي وياج
شمس: لا غلطان أخواتي مو وكحات بس
لأن انتم ولدخالتنه ياخذن راحتهم وياكم
أيهم رفع حاجبه وكال
أيهم: ليش انتي ممحسوبة بنت خالتي يعني
ليش مماخذة راحتچ
شمس: لا بس أني محب الهوسة أحب
أكعد وحدي محب أشارك بنقاشات مالها
معنى
أيهم: اها والله حسن خوش مختارله مرة
شمس: يا مرة شنو يعني
أيهم: غير خاطبچ من خالتي
راح تصيرين مرته لحسن
حسيت دمي تجمد كلت بكلبي هاي
فرصتي لازم أگله عدلت جلستي گلت
بنبرة هادئةبس قوية
شمس:: أيهم عادي أحچي شي
أيهم:: كولي يابه.
أخذت نفس عميق وحجيت
شمس: ما أريد حسن
أيهم: ها شنو متريدنه
رفعت عيوني عليه وحجي بحركه
شمس: والله ما أريده هو مادري شبيه
فجأة تغيّر قبل چان حباب وصديقي فجأة
صار يحچيلي أحبج وأريدج والله ما فكرت
بي غير أخويةوأيهم يباوع بتركيز حسيت
بيه لحظة دايفكر
أيهم: : زين ليش متحچين لامج ليش
ساكتة
شمس:ماساكته حجيت متقبل
ايهم :: شمس الحچي اللي كلتيه اليوم
أنتي واثقة منه لو بس ضوجة ساعة
شمس: واثقة منه حسن مافكر بي زوج
مكدر
ايهم ::ماشي بس خلي في بالج مو كل
شي يندفع بسهوله الدنيا تمشي على العقل
مو بس ع الكلب و إي خلص رفضي.
كولي ماريدة وانتهى
رفعت عيوني عليه بسرعة
شمس: وأمي شلون متتقبل
ابتسم ابتسامة صغيرة بس بيها ثقة
أيهم: شعليه هيه غير حياتچ انتي
شمس: ما راح تقبل.
هنا سكت لحظة نظرته ثبتت بوجهي
بيها ثكل وأني من الخجل نزلت عيوني
ع الفراش مال المرجوحة وبلشت ألعب
بالخيط حتى أشغل نفسي صوته رجع يقطع
الصمت
أيهم::: بويه شمس لا تشيلين هم ما أخلي
يتقدملچ أصلاً. الموضوع اعتبريه مات.
أحس قلبي طفر من الفرح وبلا شعور
حركت إيدي بسرعة وسحبت إيده لازمتها
حيل
شمس: كول والله
الوقت تجمد وردت فعله بصدمةوسحب
إيده بسرعه وأنا حسّيت الدم صعد لوجهي
من مستحه بقيت عيوني بالكاع كلبي يدك
لحد ما سمعت صوته
أيهم: لا تعيدينها وتلزميني هيچ ما يصير بويه
تلزمين أحد رفعت عيوني بسرعة، گلت
شمس: آسفة.ما قصدت.
أيهم: عادي بس وراج طريق هواي لازم
تتعلمي
گلت باستغراب
شمس: شتعلّم؟
أيهم: هو أنتن شتعرفن أمهات بغداد؟
رفعت كتفي بعلامة "مادري"،
شمس: مادري...
التفت عليه عيونه بيها نظرة غريبة مزيج
بين الجدية والحنيّة
أيهم: ضلّي يمي راح أعلّمچ
شمس: أشوف أمي قبل اضل ابتسم
وحجه
أيهم: عوفيها عليه خالتي وردة.
شمس: تمام.
گام بهدوء مد إيده يرتب التيشيرت
وبصوت عميق گال
أيهم: نامي لا تضلين هناروحي لفراشچ.
رفعت عيوني بادلته ابتسامة صغيرة، گلت
شمس: تمام.
ظل يباوعلي لحظة ابتسم ومشى ببطئ
وأني ظلّيت على المرجوحة أحس الهوا
يضرب وجهي
ياربي شنو هاي اللحظة وليش أحس
حياتي رح تتغيّر من هالليل
بعد ما خلصت سوالفي ويا أيهم رجعت
للبنات حطّينا الفراش بالحديقة الهوا البارد
يردّ الروح صوت الحشرات مع نسمات الليل
خلّى الجو حلو تمدّدت بصف فاطمة راسي ع
المخدة ونمت
مدري شلون غفيت لحد ما حسّيت بضوء
الشمس يضرب وجهي مدّيت إيدي أغطي
عيوني سمعت صوت البنات يتهامسن وحجي
ريم :: كالي ساعه ورجع
فاطمه ::هسه يجي بس كون يجي قبل
لا يكعدون ولد
نور :: هسه يجي شبيجن كلبتهنه مناحه
اني كاعده بس اسمع صوتهم
فجأه كعدت على صوت يهز البيت
مو أي صوت صوت أيهم عالي كلش كأنه
الدنيا كلها واكفة على صرخته ويا الصياح
الهوسة كبرت أصوات متداخلة مادري شلون
كمت من فراشي ركض ما حسّيت الا
وصلت لباب البيت وكفت ألهث رجلي
ترجف كوة واكفه ع حيلي
وجان أسمع صوت أيهم يرعد مثل الرعد....