بعد العزومه...علاقتي بحمزه اختلفت... بقينا نتكلم كثير.. ونتناقش كثير... وعرفني.. على حجات كثيره عن عالم الميديا...وعرفني على صحابهُ...الي في مجال الميديا.ونعم الصحاب .زي صاصا... ودا واحد كسب ٢٠ كيلو في كم شهر.. عشان.. المشاهدات.. أصلهُ بيعمل.مسابقات أكل و فديوهاتMukbang. انا مش عارفه اي فايده اننا نتفرج على واحد بياكل... واحنا مالنه..
ومر على زواجي انا وحمزه ست شهور... وفي الفتره دي.. منكرش اني .. حبيت اهتمام حمزه بيا..وانه بيتكلم معايه وبيسألني.. عن شغلي مع عمي.. وبيمدح تصميماتي للملابس الي بحب اعملها...واني موهوبه.. فعلا في الرسم والتصميم.. و انهُ... بيأخذ رأيي في الفديوهات بتعاتهُ..صح كلها مش.. بتعجبني.. وبنختلف... لكن كانت عجباني فكره انه بشاركني حياتهُ...في الشهور دي عرفت انه مش بس انا على الهامش حمزه كمان عاش على الهامش... عمي الي افتكر انه لما يأمن لابنهُ دخل ممتاز..حيغنيه عن وجودهُ جنبه... ومرات عمي الي انشغلت بأن تكون سيده مجتمع راقي... خلاها تسيب تربيه ابنها.....يمكن هو دا الي خلى حمزه.. يعيش في عالم الميديا الي حسسو بقيمتهُ.. انا وحمزه.. متشابهين.. مع اختلاف الطرق.. هو اختار طريق سهل ومزيف... وانا تمسكت بلواقع..
لكن انا في الست شهور دول مش بس عرفت حمزه...عرفت عمي سالم كمان.....كان شي فوق الوصف... رجل أعمال من الطراز الأول.. وابن سوق.. بامتياز... دا غير السمعه الحلوه... واعمال الخير الي بسمع عنها.. ومن جهه تانيه. معاملته ليا... كان بيعاملني كأني بنته..مش عارفه دا عشان حمزه.. والا عشاني و زي ما انا تعرفت على عمي هو أتعرف على بنت اخو
_صباح الخير ياعمي
_اهلا.. اهلا... بحبيبه عمها..ازيك يابطله
_الحمد الله انت ازيك ياعمي
_ انا بخير.. طول.. ما أنتِ.. رافعه راسي.. ومشرفاني كده... مستر عادل.. بيشكر بشغلك وموهبتك..كثير. ..رسمك يجنن.. وشغلك بتاع الاغلفه... ابتكار جديد. .برافو عليكي
_بجد ياعمي متشكره جدا.. دي شهاده اعتز بيها
_حبيبتي انت تستاهلي كل خير.... شجن حمزه عامل معاكي ايه
_حمزه كويس الحمد الله
_طب وانت عاجبك الحياه الي هو عايشها...
_ لا اكيد مش عجباني... بس دي حياتهُ.. وانا مليش اني ادخل فيها
_ بس انت مراتهُ.. تقدري تغيريها
_ياعمي حمزه لو عاوز يغير حياتهُ كان غيرها
_بس انت لو خليته يحبك حيغيرها عشانك
(سرحت بكلمه يحبك..هو معقوله..انا في يوم ممكن حمزه يحبني.... طب انا بحب حمزه وله بحب اهتمامه بيا.. انا منكرش اني عندي مشاعر اتجاه حمزه... بس حب..والا اي.. مش عارفه..كان دا صراع المشاعر الي جوايا... لحد اليوم الي جاني فيه اتصال من صاحبتي سالي.. سالي كانت زملتي في الجامعه...وعلاقتنه سطحيه... استغربت اتصالها بيه
_الو ازيك ياسالي اخبارك اي
_ ازيك يا شجن وحشاني كثير
_ ياترى الي فكرك بيه يا سالي
_والله يا شجن محتاجلك في خدمه... ضروريه.. ياريت. تجيلي البيت..
_البيت طب منتقابل بكافيه..
_شجن انا عاوزاكي تجيلي البيت عاوز اذوقك .الحلويات الي انا بعملها...
_اه بس
_من غير بس حبعتلك العنوان واستناكي.. بكره...
🤔🤔🤔🤔
تفتكرو سالي. مين
🤔🤔🤔
تفتكرو.... شجن ممكن تغير حياه حمزه.. والا حمزه عمرهُ ميتغير ؟
الفصل السابع من هنا