___________________♡
ممرضة متوترة: أنتم أهل المريض اللي في غرفة العمليات 6؟
عز مخضوض وقلبه هيقف: عمار هو أنهي غرفة؟ أنا من التوتر نسيت!
عمار بتوتر: 6 تقريباً.. اهدأ يا أمي.
الممرضة هزت رأسها بأسف: البقاء لله...
عز مصدوم والدنيا اسودت في وشه، سيدة مفزوعة صرخت صرخة شقت المستشفى، وجميلة مصدومة حطت إيدها على بوقها.
وفي نفس اللحظة، من آخر الطرقة، خرج دكتور بيجري:
الدكتور بصوت عالي: أهل مراد العمري فين؟! المريض في غرفة 9 نزيفه وقف بس حالته حرجة جداً!
سيدة بفرحة وبكاء: يا حبي يا بني الحمد لله.
عز بيتنهد براحة: الحمد لله.
الممرضة محرجة: أنا آسفة لحضراتكم... حصل لغبطة في أرقام الغرف.
جميلة بغيظ: خلاص روحي إنتي، حصل خير.
_في غرفة فيروز بعد مرور 24 ساعة_
دخلت جميلة وحبيبة لها:
حبيبة بدموع: قومي يا فيروز إنتي أجمل حاجة في حياتنا، مش ممكن تسيبينا كده إحنا من غيرك ولا حاجة.
جميلة بتماسك: إن شاء الله هتقوم وتصدعنا زي الأول متخافيش.
فيروز بدأت تفوق بوجع: آآاه... أنا فين؟
جميلة بفرحة: حمد الله على سلامتك يا فوز.
فيروز بتوهان: أنا فين؟
حبيبة بحنية: إنتي في المستشفى.
فيروز بتتذكر بخوف: مراد... مراد فين؟
جميلة بقلق: اهدي هو دلوقتي في الأوضة اللي جنبك، حالته اتحسنت.
فيروز بإصرار: عايزة أشوفه.
حبيبة بهدوء: مينفعش لازم ترتاحي لحد ما تقومي بالسلامة.
فيروز بعناد: بقولكم عايزة أشوفه يلا.
جميلة مستسلمة وهي عارفة مش هتقدر توقفها: طيب يلا تعالي أسندك.
_في غرفة مراد:_
مايا بدلع: هاتي عنك يا طنط أنا هأكل مراد بإيدي.
سيدة ببرود: لا شكراً.
مراد بتعب: احم... سيبيها يا أمي ارتاحي إنتي.
سيدة متضايقة: ماشي يا مراد... ماشي.
مايا بمياصة: خد دي من إيدي يا حبي.
في الوقت ده دخلت فيروز الغرفة.
مايا بتمثيل: آسفة وقعت بالغلط استني أمسحه.
سيدة بترحيب: إنتي فيروز؟ حمد الله على سلامتك يا بنتي.
مراد مصدوم: إنتي إزاي قومتي في حالتك دي؟
فيروز بضعف نطقت أخيراً: أ... أنا بس جيت أطمن عليك وأقولك حمد الله على سلامتك... وشكراً جداً.
مراد بهدوء: الله يسلمك يا فيروز.
سيدة بحنية: تعالي اقعدي يا بنتي.
فيروز بانسحاب: لا معلش هستأذن... هسيبك، مع السلامة.
مراد بحزن فضل يبص لظلها: أنا آسف يا فيروز... وكمل لمايا ببرود: كفاية يا مايا شبعت.
_في غرفة فيروز:_
حبيبة مستغربة: إنتي بتعملي إيه؟
فيروز بعناد: هلبس أنا عايزة أمشي من هنا.
جميلة برفض: لا طبعاً مينفعش إنتي لسه مش خفيتي بشكل كامل.
فيروز بإصرار: همشي يعني همشي.
حبيبة مستسلمة: خلاص يا جميلة دي دماغها ناشفة مش هتقدري عليها.
فيروز بابتسامة: أيوه... قولي لها بقى يلا بينا.
جميلة بيأس: مفيش فايدة يلا.
_في مكان مهجور:_
جابر بغضب: ها حصل إيه؟
البودي جارد بخوف: العربية اتقلبت بيهم بس للأسف قام منها وهو دلوقتي في المستشفى.
جابر بصراخ: أغبياء أنا قولتلك اتأكد إن طلعت روحه بعد كده سيبه.
البودي جارد مبرراً: الناس اتلمت حواليهم معرفتش أتصرف فمشيت.
جابر بزعيق: اختفي من قدامي دلوقتي.
مازن بقلق: هنعمل إيه دلوقتي؟
جابر بتفكير: مش عارف هنفكر.
معاذ بخبث: الموت الحقي مش إنك تموت الشخص اللي أذاك.
جابر بعصبية: مش عايز حكم ومواعظ مش فايقلك.
معاذ موضحاً: أنا أقصد إن الانتقام اللي بجد هو موت الحبايب.
مازن بحماس: فهمتك هو ده المطلوب.
جابر بابتسامة شر: تمام هنشوف.
_في مديرية أمن الدولة، مكتب اللواء:_
اللواء بغضب: إزاي هرب منكم يا أغبياء؟ ده إحنا ما صدقنا قبضنا عليهم.
أحد الضباط بتوتر: حضرتك يا فندم...
اللواء مقاطعاً: حضرتك إيه؟ ما خلاص بقت سايبة! كل ما نمسك مجرم وخلاص نخلص يهرب، بقت زريبة هي؟
اللواء بأمر: استدعيلي فرقة الوحوش بسرعة.
أحد الضباط بانضباط: تمام يا فندم.
بعد وقت:
عز وعمار بأداء عسكري: تمام يا فندم.
اللواء بقلق: ألف سلامة على مراد هو عامل إيه دلوقتي؟
عز: بخير حالته بقت أحسن يا فندم.
اللواء: الحمدلله.
عز مستغرب: هو إزاي جابر ومعاذ ومازن هربوا؟ هي الحراسة مش كانت مشددة كفاية؟
اللواء بضيق: معرفش رجالة جابر كتير بس مكنتش متخيل ده يحصل.
عمار بجدية: هنعمل إيه دلوقتي؟
اللواء بتحذير: محتاجين إننا ناخد حذرنا كويس وبالأخص أنتم. أول حد اتأذى مراد ويمكن حد فيكم. أنا أهم حاجة عندي سلامتكم فاهمين؟
عز وعمار بطاعة: فاهمين يا فندم.
_في سكن البنات:_
جميلة بتوتر: بكرا رايحة الشغل عند عز.
حبيبة بتشجيع: بالتوفيق يا قلبي.
جميلة بخجل: أنا بتوتر أوي من نظراته معرفش ليه.
حبيبة بتضحك: صو صو... عصافير الحب بتناديكي هه.
جميلة بغيظ: يا بت إنتي محدش قالك إنك ظريفة؟
حبيبة بغرور: يااه كتير أوي يا حبي.
جميلة بزعل: امشي يا بت امشي من جنبي.
فيروز داخلة: في إيه مالكم؟ عاملين زي الديك الرومي ماسكين في بعض.
جميلة بتبرر: هي مش أنا.
حبيبة بتضحك: لا هي.
فيروز بصداع: هشش... صداع.
جميلة مستغربة: هو إيه كل شوية هشش؟ اتعلمتها منين؟ دايماً بتقولي بس، اسكتوا. هش جديدة عليكي.
فيروز بتتذكر أول لقاء بينها وبين مراد: ها... لا عادي.
حبيبة بحماس: إيه رأيكم أغني ليكم أغنية الشامي؟
فيروز وجميلة ذهبوا للنوم وتركوها.
حبيبة بزعل: إنتم الخسرانين أصلاً جتكم القرف... سميتك سما...
فيروز بتعب: حرام عليكي نامي صوتك وحش وحش.
جميلة بتضحك: أدعم فوز في هذا اصمتي يا فتاة.
حبيبة بغيظ: تباً لكم.
_بعد مرور أسبوع:_
في صباح يوم جديد:
عز بابتسامة: صباح الخير يا أمي.
سيدة بحب: صباح النور يا حبي.
عز بتوتر: احم... هو جميلة مجتش لسه؟
سيدة باستغراب: لا شكلها مش جاية ولا إيه؟ الساعة 9 ص.
عز بقلق: طيب هتصل بيها أشوفها اتأخرت ليه.
مراد داخل: صباح الخير يا جماعة.
عز رد عليه وبعد.
سيدة بحنية: صباح الورد يا قلبي.
مراد مستغرب: بتعملي إيه ده؟
سيدة بتوضح: بشوف الدكتورة جميلة اللي كانت في المستشفى.
مراد ببرود: اممم طيب أنا هروح الشغل.
سيدة بخوف: شغل؟ شغل إيه ده؟ إنت لسه محتاج ترتاح يا بني.
مراد بإصرار: متخافيش عليا أنا لو قعدت في البيت أكتر من كدا هتعب أكتر صدقيني.
سيدة بحزن: طلعت لأبوك الله يرحمه... ماشي يا مراد روح بس خد بالك من نفسك متشتغلش كتير ها؟
مراد بطاعة: حاضر يا أمي سلام.
_في سكن البنات:_
حبيبة بنعاس: إنتي يا كلب البحر يا جميلة شوفي فونك عايزة أناام.
جميلة بنعاس: مين الحمار بيرن دلوقتي؟ وردت.
عز بهدوء: ألو.
جميلة بعصبية: يا حمار في حد يرن دلوقتي على الصبح؟ جتكم القرف... وأغلقت السكة وأكملت نومها.
فيروز خارجة من الحمام وهي بتصرخ: الحقونيي!
جميلة وحبيبة بخضة: فيي إيه؟
فيروز بضحك: صباح الخير لا مفيش كنت بصحيكم بس.
جميلة وحبيبة قاموا يجروا وراها.
فيروز بتضحك: آآاه خلاص مش قادرة اهدوا... اتأخرتوا على الشغل.
جميلة بصدمة: شغل؟ شغل؟ اعع ده أنا نسيت! وركضت للحمام فوراً.
حبيبة بتخبط في الباب: افتحي يا بت مزنوقة.
جميلة بتضحك: نفسي مرة تقولي متأخرة على الشغل مش مزنوقة. هو إنتي كلب؟ هه.
حبيبة بتعيط: طب أوعي كده همووت.
_في مطعم العمري، مكتب مراد:_
مراد بجدية: أتمنى تحددي معاد مع والدك عشان نتفق على الخطوبة.
مايا بفرحة: بجد؟ مرادي بحبك أوووي! اعتبر المعاد اتحدد خلاص بكرة العصر هستناك.
مراد بهدوء: تمام يا حبيبتي بكرة هكون عندكم.
مايا بحماس: طيب أنا هروح عشان أجهز نفسي بقى وأقول لصحابي.
مراد ببرود: تمام.
خارج المكتب:
مايا بتكبر: ما لسه بدري إيه التأخير ده؟
فيروز ببرود: وإنتي مالك؟ اتأخر متأخرش مش يخصك.
مايا بعصبية: إنتي بنت قليلة الأدب ولازم تتربي.
فيروز بتحدي: متربية أحسن منك يا زبالة إنتي.
مايا بصدمة: إنتي بتكلميني أنا كده يا حيوانة؟ وزقتها بعنف،
فيروز بألم رأسها خبطت في المكتب والجرح فتح: آآاه.
في الوقت ده خرج مراد مخضوض: في إيه؟ فيروز مالك؟
مايا بتمثيل: الحقيرة دي بتغلط فيا إنت لازم تفصلها فوراً.
مراد بغضب: اخفي من قدامي يا مايا قبل ما أفقد أعصابي عليكي امشي.
مايا بخوف وغيظ: ماشي يا مراد وغادرت.
فيروز بضعف: سيبني هبقى كويسة.
مراد بقلق: كويسة إيه؟ تعالي معايا الجرح فتح لازم يتخيط تاني.
فيروز بعناد: مفيش داعي هروح لوحدي.
مراد بحزم شالها وطلع بيها.
فيروز بخجل: نزلني إنت بتعمل إيه؟
مراد بهمس نظر لعيونها: هشش... اسكتي.
سامي مستغرب لأحد الموظفين: مالكم بتبصوا على إيه متنحين؟
الموظف بدهشة: بص مستر مراد شايل مين؟
سامي بخبث وهو ينظر: أنا قولت فيه حاجة بينهم.
_في فيلا العمري:_
عز بابتسامة: صباح الخير.
جميلة بخجل: صباح النور.
عز بعتاب: بقى أنا حمار صح؟
جميلة ببراءة: مين البقرة اللي قال كده؟
عز بيضحك: إنتي.
جميلة باستغراب: أنا؟ إمتى ده؟
عز بمكر: شوفي فونك.
جميلة بصدمة نظرت للهاتف ورجعت نظر لعز: أكيد مش أنا.
عز بثقة: هو أنا هتوه عن صوتك يعني؟
جميلة بتلعثم: ما هو مش أنا ده لساني إلهي يتشل...
عز قاطعها بخوف: هشش بعد الشر عليكي.
عمار داخل: إيه المحن ده؟
جميلة بكسوف: احم... طيب هي الوالدة فين؟ معاد العلاج جه.
عز بهدوء: آه في الأوضة جوا اتفضلي.
عمار لعز: خف شوية ده إنت وقعت أوي.
عز بتحذير: لم نفسك يا عمار ها... وبلاش إنت يا واقع.
عمار بتنهيدة: ده أنا واقع وقعة بس اسكت متفكرنيش. فين مراد؟
عز ببساطة: راح الشغل.
عمار بصدمة: طيب إيه؟ شغل إيه وهو في الحالة دي؟
عز بضحك: هو كده لو مرحش الشغل يطق.
عمار بقلق: طيب أنا هروحله أخوك ده مجنون أصلاً.
عز بسرعة: خدني معاك اتأخرت على الشغل.
_في غرفة سيدة:_
جميلة بأدب: صباح الخير يا طنط.
سيدة بحنية: صباح النور يا بنتي اتأخرتي انهارده؟ ممكن تناديني ماما بلاش طنط دي لو مش يزعلك.
جميلة بفرحة بابتسامة كلها حب: راحت عليا نومه معلش حقك عليا. طبعاً يا ماما. في سرها بغباء: بس كده مش هجوز عز ولا إيه؟ هبقى أسأل فوز.
سيدة ببساطة: أحلى كلمة سمعتها انهارده. طيب تعالي نقعد في الجنينة.
جميلة بمهنية: طيب الأول فطرتي عشان تاخدي العلاج؟
سيدة بطاعة: فطرت.
جميلة باهتمام: طيب فين العلاج عشان أدهولك؟ وقته جه.
سيدة بتشاور: في الدرج هناك يا بنتي.
جميلة أعطتها العلاج وذهبا للجنينة.
_في المستشفى:_
الدكتور بطمأنة: متقلقش إحنا خيطنا الجرح تاني بس تخلي بالها متخبطش فيه أو تنام على ناحية الجرح.
مراد باحترام: حاضر يا دكتور عن إذنك.
فيروز بخجل: شكراً.
مراد بهدوء: العفو ده واجبي.
فيروز بتحدي: واجبك ليه؟ هو أنا خطيبتك ولا مراتك؟
مراد ببرود نظر لها وأكمل طريقه وده استفز فيروز.
فيروز بعصبية: أوووف إنت رايح فين؟ مش ده طريق المطعم.
مراد بهدوء: هنروح كافيه نقعد شوية محتاج أريح دماغي من الشغل. عندك مانع؟
فيروز بغيظ: لا... آه وصلني شغلي.
مراد بحزم: للأسف إنتي سكرتيرة ملزمة تبقي موجودة معايا في كل مكان.
فيروز بضيق: طييب.
_في أحد الأماكن المهجورة:_
جابر بأمر: خلي عينك عليهم واحد فاهم؟ وعرفلي أقرب الناس ليهم.
البودي جارد بطاعة: تمام يا باشا.
معاذ بملل: إحنا هنفضل هنا كتير؟
جابر بسخرية: عايز تخرج من هنا اتفضل بس أما تتمسك متقولش على مكانه بقى.
مازن بخوف: وعلى إيه؟ خلينا هنا أحسن.
معاذ بغيظ: إمتى نخلص من الكلاب دول بس؟
جابر بشر: قريب أوي هنخلص.
_في أحد أقسام الشرطة:_
ميرنا بدلع: حمد الله على سلامتك يا حبي.
إسلام بشفقة: كفارة يا عم ده البت طلعت واصلة أوي وحبستك.
أحمد بحقد: وعهد الله ما أسيبها في حالها.
ميرنا بصدمة: إيه اللي في وشك ده يا بيبي؟ هم عملوا فيك إيه؟
إسلام بضحك: تلاقيهم مرجحوه هه.
أحمد بغيظ: بس بقى يا أخي متفكرنيش.
عز داخل القسم بغضب: إنت يا لا.
أحمد بخوف: أنا؟
عز بتهديد: آه إنت تعالى.
أحمد برعب وهو ينظر له بخوف ويحاول الإخفاء.
عز بصوت عالي: إنت لو قربت للآنسة جميلة تاني قسماً بالله ما أخلي فيك حتة راكبة على بعض فاهم يا لا؟
أحمد برعب: فاهم فاهم.
عز بزعيق: غور من هنا.
أحمد لصحابه: يلا بينا يا شباب.
إسلام بفضول: كان بيقولك إيه؟
أحمد بكذب: بيقولي خد بالك من نفسك وبلاش شقاوة وكده.
إسلام بشك: امممم تمام.
_في أحد الكافيهات:_
مراد بهدوء: تشربي إيه؟
فيروز ببساطة: حلبة باللبن.
مراد باستغراب: حلبة؟
فيروز بابتسامة: آه مشروبي المفضل بيخليني أركز.
الجرسون بأدب: تأمر بإيه يا أستاذ مراد؟
مراد بطلب: قهوة وحلبة باللبن.
الجرسون بصدمة: ها؟
مراد بحدة: حلبة باللبن ولو مش موجود يتوجد يلا.
الجرسون بتوتر: تمام يا فندم طبعاً.
فيروز بضحك: هي الأماكن الغالية كده؟
مراد بحنية: الغالي يرخصلك.
فيروز بجدية: هو إنت عايز إيه؟
مراد بهدوء: أنا مش عايز حاجة خالص بس حبيت أقعد معاكي أعتذر عن اللي حصلك بسببي.
فيروز بفضول: هم دول كانوا مين؟
مراد بكذب: معرفش يمكن أعداء شغل إنتي شايفة شركة العمري في كل مكان ومعروفة.
فيروز بشك: امممم يمكن.
الجرسون وهو بيحط المشروبات: اتفضل يا فندم.
فيروز بفرحة: شكراً... وشربت من الحلبة باللبن بقرف: اتفوو اعع.
مراد وهو بيبعد: إنتي تاني؟
فيروز بأسف: أنا آسفة والله ما قصد هي اللي مقرفة أوي.
مراد بيضحك: أنا جبتو لنفسي والله أنا عارف.
فيروز بحماس: طيب إيه رأيك تيجي أوديك مكان أحسن من هنا؟
مراد مستسلم: أمري لله يلا... استني في العربية هنضف القميص.
فيروز بطاعة: حاضر.
_بعد مرور وقت قدام عربية كبدة:_
مراد بصدمة: إيه ده؟
فيروز بفخر: عم محمد بتاع الكبدة. بقولك إيه هتاكل كبدة ولا إيه يا ولا؟
مراد بقلق: فيروز إنتي واثقة إنه مش ملوث؟
فيروز بثقة: ده عمو محمد تلوث؟ بس كل وإنت مطمن عادي.
مراد مستسلم: بعد تلوث دي هاكل وأمري لله.
فيروز للراجل: عشرة سندوتشات كبدة يا عمو محمد.
محمد بفرحة: من عنيا يا ست البنات.
مراد لفيروز: بيفهم على فكرة.
فيروز باستغراب: في إيه؟
مراد بابتسامة: عشان إنتي فعلاً ست البنات.
محمد بترحيب: اتفضل يا قمرتنا أهلاً يا باشا منور.
مراد بشك: بنورك يا عم محمد هو المكان ده مرخص؟
محمد بخوف: ها... ليه بس السيرة دي يا باشا؟ إحنا بنسترزق بس.
مراد بضحك: ماشي يا عم محمد... وبدأ ياكل.
فيروز بحماس: إيه رأيك في الكبدة؟
مراد بإعجاب: تجن أول مرة آكل كده.
فيروز ضحكت: شفت؟ مش قولتلك الغالي هو البسيط
مراد بحب: عندك حق يا عم محمد 20 كمان.
محمد بفرحة: عنيا يا باشا إنت تأمر. اتفضل.
فيروز بقلق: مش كتير كده؟ إنت ممكن تتعب.
مراد بثقة: متخافيش مش هتعب.
_بعد وقت عند سكن البنات:_
مراد بابتسامة: انبسطت باليوم معاكي.
فيروز بخجل: وأنا كمان انبسطت جداً شكراً يا مستر مراد.
مراد بحنية: بلاش ألقاب قولي مراد عادي.
فيروز بتوتر: مينفعش.
مراد بإصرار: أنا بقولك ينفع جربي كده.
فيروز بتلعثم: ماشي يا... مس... قصدي يا مراد.
مراد بحب نظر لها: تصبحي على خير.
فيروز بخجل: وإنت من أهل الخير باي.
دخلت السكن في غرفة البنات:
حبيبة بخوف: كنتي فين يا فوز؟ أنا خفت عليكي أوي بيقولوا إن حصل مشكلة في الشغل هي إيه؟
جميلة بقلق: إنتي كويسة؟ حصل إيه؟
فيروز قصت لهم ما حدث معاها.
حبيبة برومانسية: حيح... روميو وجولييت يا ناس.
فيروز بغيظ: بس يا رخمة إنتي.
جميلة بغضب: البت مايا دي لازم تتربى على الحركة دي.
حبيبة بحماس: ده كده كده أنا محضرة لها خطة متخرش مية... عصير المانجا.
فيروز ضربتها: بقولك مية عصير إيه؟ هو أي كلام؟
حبيبة بضحك: بحبه يا عم إنتي مالك إيه؟
جميلة بيأس: سيبك منها دي هبلة.
حبيبة بزعل: طلعتلك يا أختا.
جميلة بغيظ: يا بت امشي من وشي.
حبيبة بعناد: لأ.
جميلة بتساؤل: بقولكم إيه هو أنا لو قولت يعني لمامت حد يا ماما أبقى أخته؟
فيروز وحبيبة سابوها وناموا.
جميلة بصدمة: طب ردوا عليا طيب إيه؟
فيروز بتعب: نرد في إيه؟ هنتشل منك نامي يا جميلة وراكي كلية بكرة. إنتي دخلتي طب إزاي مش فاهمة؟
جميلة بفخر: بكرني وبرجلي اليمين.
حبيبة ضربتها بالمخدة: نامي يا آخرة صبري.
جميلة بزعل: ماشي يا عيال يا رخمة.
وذهبت كل منهن للنوم.
_في صباح يوم جديد:_
فيروز بنشاط: صباح الخير أخيراً صحيتوا بدري.
جميلة بتوتر: عشان متأخرش النهاردة عليا محاضرات كتير.
فيروز بحب: ربنا معاكي يا حبيبتي خدي بالك من نفسك ماشي؟
جميلة بطاعة: حاضر يا فوز وإنتي كمان. باي باي يا رخمة.
حبيبة بتضحك: باي يا عبيطة هه. وأنا كمان بقى هروح الكلية وأشوفك في الشغل بعد كده.
فيروز بحنية: ماشي يا بيبو خدي بالك من نفسك.
وخرجت كل منهن متجهة لطريقها.
_في فيلا العمري:_
مراد باستمتاع: تسلم إيدك يا أمي.
عز بمدح: الأكل حلو من إيدك متعودناش بقى عشان الحلو ميتعبش.
سيدة بحب: تعبي ليكم راحة يا حبايبي.
عمار داخل: شكلي جيت في وقت صح.
مراد بضحك: حماتك بتحبك.
عمار بغرور: ده كده كده ده أنا شاب عسول وأتحب بسرعة أصلاً.
عز بسخرية: ربع ثقتك دي ودوس على الخلق يا بني والله.
_في كلية الطب:_
جميلة كانت في الحمام وحاسة بحركة غريبة بس حاولت متهتمش.
فجأة جميلة حست بإيد خشنة بتكتم صرختها... الدنيا اسودت مرة واحدة.
يتبع...