_____________________♡
*في بيت جاسر:*
الشخص باحترام: جاسر بيه، كله تمام.
جاسر بابتسامة خبث: آخرتك في حضني يا فيروز.
الشخص بتوتر: أي أوامر يا باشا.
جاسر ببرود: لا روح، لما أحتاجلك هتصل بيك.
الشخص بطاعة: تمام يا باشا.
*في مطعم العمري:*
حبيبة بقلق: فيروز مالك؟ حسّاكي معيّطة.
فيروز بتعب: مفيش، أنا كويسة بس أنا سبّت الشغل.
حبيبة باستغراب: ليه؟ حصل إيه؟
فيروز باختصار: مش مهم، أنا همشي دلوقتي وأنتي خدي بالك من نفسك.
حبيبة بقلق: ماشي، ولما أروح تفهّميني حصل إيه.
فيروز وهي تمسك الهاتف بهدوء: حاضر روحي إنتي.. ألو جاسر، عايزاك ضروري.
جاسر بقلق: في حاجة؟ إنتي كويسة؟
فيروز بتماسك: أنا تمام، عايزة أشوفك.
جاسر بموافقة: تمام، أشوفك كمان ساعة كده حلو؟
فيروز بهدوء: تمام.
*في مطار القاهرة:*
عز بابتسامة: مبسوطة؟
جميلة بفرحة: أوووي، إنتي عارفة دي أول مرة أسافر.
عز بثقة: ومش آخر مرة طول ما إنتي معايا.
جميلة بخجل: عز...
عز بحنان: يا قلب عز.
جميلة بتردد: إنت...
عز بترقب: إنتي إيه؟
جميلة بخجل وهي هتقول: أنا بح....
_قطع رنين هاتف عز_
عز بضيق: يخربيت الموبايل، عمار كنت حاسس، ألو؟
عمار بغيظ: إيييه يا عريس، سايبني ورايح شهر عسل!
عز بضحك: يا بني سيبني أنبسط شوية.
عمار باستعطاف: مش تاخدني معاك؟ طب سيبني لمراد يمرمطني معاه.
عز بسخرية: أخدك فين؟ إنتي طفل.
عمار بدلال: ده أنا طفل، وقلبي ده زي البسكوتة، نفسي أشوف بنات إيطاليا.
عز بتهديد: والله لأقول لحبيبة ها.
عمار بخضة: لا خلاص، والنبي بهزر والله.
عز بارتياح: أيوة اظبط كده.
عمار بمرح: يلا هسيبك مع عروستك، متنساش تجيلنا بعيل شبهي.
عز بزهق: غور يالا، وقفل في وجهه. ها كنتي بتقولي إيه؟
جميلة بحماس: كنت هقول إني بح...
_صوت الإعلان:_ على جميع المسافرين رحلة إيطاليا التوجه للطائرة الآن.
عز باستسلام: أنا حظي كده، يلا بينا.
جميلة بضحك: نصيبك بقى.
عز بتحذير: اوعي تفكري تقولي في الطيارة، أحسن تعطل بينا.
جميلة بضحك: همووت، هي عربية؟
عز بسخرية: على حظي هتبقى عربية.
*في مطعم العمري، مكتب مراد:*
مراد بجدية وهو يتحدث في الهاتف: ها عرفت حاجة عني؟
الشخص بهدوء: هبعتلك على الواتساب كل المعلومات يا باشا.
مراد باهتمام وفتح الواتساب:
"جاسر الخديوي، اتبنه ابن عيلة الخديوي محمد. مكنش بيخلف لحد ما خد قرار إنه يتولى رعاية جاسر وكان عنده 5 سنين. واهتم بيه هو ومراته. بعد مرور 10 سنين محمد الخديوي أنجب طفل، وكان جاسر يبلغ من العمر 15 سنة. أحمد محمد الخديوي. وبعد مرور 4 سنين لقوا جثة أحمد في الجنينه. ولما اتكشف أمر جاسر إنه هو القاتل، جاسر قتل محمد ومراته. وعند الحكم عليه أثبت إنه مريض نفسي، وتم حجزه في مصحة نفسية. واتم خروجه، وأصبح لديه مال من ثروة محمد الخديوي اللي كان كتبهاله قبل ما يموت لضمان حقه وعدم ظلمه من ابني."
مراد بغضب: يابن الـ... وقفل هاتفه.
سامي باحترام: نعم يا مستر مراد؟
مراد بقلق: فيروز مش بترد على التليفون، السكرتيرة ابعتهالي.
سامي بتردد: ماهو...
مراد بحدة: في إيه؟
سامي بهدوء: فيروز لسه سايبة الشغل، وكنت جاي أقولك حالاً.
مراد بعصبية: اقفل، واتجه للخروج من المكتب.
*في أحد الكافيهات:*
جاسر بقلق: حصل إيه يا فيروز؟ مالك؟
فيروز بتوتر: في حد صورني لما أنت حضنتني في فرح جميلة، هل إنت ليك يد في الموضوع ده؟
جاسر بصدمة: بتقولي إيه؟ إزاي صورنا؟ وبعدين أنا مقدرش أعمل فيكي كده يا فيروز.
فيروز بشك: أمال هيكون مين غيرك؟
جاسر بهدوء: طيب اشربي العصير واهدي، هنشوف حل أكيد.
فيروز بألم: مش قادرة، دماغي ب.. آه.
جاسر بخضة: فيروز! فيروز! اصحي يا فيروز!
أحد الأشخاص بقلق: في حاجة يا أستاذ؟ الآنسة مالها؟
جاسر بتماسك: مفيش، دي أختي وعندها السكر، هاخدها المستشفى بسرعة.
الشخص بعرض المساعدة: طيب محتاج مساعدة؟
جاسر بامتنان: متشكر، عن إذنك، وشالها وخرج من الكافيه.
*في سيارة مراد:*
مراد بتوتر: وصلت لإيه؟ خلص.
الشخص بجدية: حالياً هي راكبة عربية جاسر، بس كانت مغمى عليها.
مراد بحسم: تمام تابعهم، وابعتيلي لوكيشن المكان اللي هتثبت فيه.
الشخص بطاعة: تمام يا فندم.
*في البيت القديم - غرفة ضيقة، ريحة تراب وخشب قديم مكتومة في الهوا:*
اللمبة الوحيدة اللي متعلقة في السقف كانت بترعش، وظلها بيتحرك على الحيطة زي خيال بيلاحقك.
فيروز كانت قاعدة على الأرض، إيديها مربوطة، نفسها سريع، وعنيها بتروح وتيجي على الباب كأنها بتحسب كل ثانية ممكن حد ييجي فيها.
الباب اتفتح.
جاسر دخل بابتسامة هادية، شايل في إيده بطانية صغيرة كأنه داخل يطمن على عيل صغير. قفل الباب وراه براحة، وقعد قدامها على ركبه، على نفس مستواها.
جاسر بهدوء: اهدي يا فيروز... أنا مش هأذيكي.
فيروز بعياط مكتوم: إنت مجنون! فكني دلوقتي!
جاسر بابتسامة مكسورة: مجنون؟ يمكن. بس مش بمزاجي، إنتي اللي عملتيني كده.
سكت ثانيتين، وعينيه مثبتة عليها كأنه بيشوف شريط حياته كله قدامها.
جاسر بحنين: فاكرة يوم الملجأ؟ يوم ما وقعتِ واتعورتي، وكل العيال جريت بعيد؟ أنا الوحيد اللي وقفت جنبك. مسحتِ دموعك في هدومتي وضحكتي وقولتي "شكراً يا جاسر". دي كانت أول مرة حد يقول اسمي كأنه حاجة ليها قيمة.
صوته وطي، وبقى فيه شرخ.
جاسر بألم: ومن ساعتها... إنتي بقيتي بتاعتي. أي ولد يبصلك، أي حد يضحك معاكي، قلبي كان بيتقطع. مش غيرة... خوف، خوف إني أرجع لوحدي تاني. ولما اتبنيت، افتكرت إن خلاص، هاخدك معايا. بس هما سابوني ومشيوا، وإنتي فضلتي هناك.
وقف، مشي خطوتين، ورجع وقف قدامها تاني.
جاسر بغضب مكتوم: رجعتلك بعد سنين، لقيتك مع مراد. بتضحكي معاه بنفس الضحكة اللي اديتهاني أنا أول مرة. حسيت إن التاريخ بيعيد نفسه، إنتي بتتسحبي مني تاني.
مسك شعره بعصبية، وبعدين كمل بصوت واطي جداً:
جاسر باعتراف: فقلت لنفسي... لو مقدرتش أخليكي ليا، يبقى محدش يستاهلك غيري. قتلت زياد عشان كان بيقرب منك. قتلت أهل الخديوي عشان فاكرين إني بعد ما اتعلقت بيهم وحبيتهم إنهم أهلي، وهما عمرهم ما شافوني غير استبن لحد ما خلفوا ولد من صلبهم وتركوني على الرف. وكنت مستعد أقتل مراد كمان... بس إنتي طلبتي أشوفك، فقولت يمكن المرة دي تفهميني.
قرب منها، مد إيده بس وقف قبل ما يلمسها، كأنه خايف تكسر اللحظة.
جاسر بتوسل: أنا مش عايز أخوفك يا فيروز، أنا عايز أحميكي. الدنيا دي وسخة، ومراد مش هيحميكي من نفسه حتى. أنا الوحيد اللي عارف إنتي محتاجة إيه قبل ما تقولي. اكتبي كتابنا، وعيشي معايا في مكان محدش يوصلنا فيه، وهنبقى مبسوطين... صدقيني هنبقى مبسوطين.
فيروز بصتله، والرعب في عنيها اتحول لشفقة.
فيروز بحزم: إنت مش بتحبني يا جاسر... إنت بتحب الفكرة اللي في دماغك عني. وأنا مش الفكرة دي، أنا إنسانة، ومن حقي أختار.
جاسر وشه اتجمد، والابتسامة اختفت، ومكانها جه سكون مرعب.
جاسر ببرود: الاختيار ده... كان زمان.
*خارج البيت:*
مراد للشخص بجدية: هو ده المكان؟
الشخص بتأكيد: أيوة، وهو دخل بيها جوا.
مراد بحزم: تمام خليك هنا.
الشخص بقلق: هدخل معاك يا فندم.
مراد بصرامة: خليك هنا بقولك، وتجهز للبيت.
فيروز بصراخ: الحقونيي! حد يلحقني يا ربي، محدش هناا، مراددد!
مراد من الشباك بهمس: هشش.
فيروز بدهشة: إنت جيت هنا إزاي؟
مراد بهدوء: مش مهم، هفك واخرجي برا، هتلاقي شخص تبعي هيوصلك للأمان يلا.
فيروز بقلق: وإنت؟
مراد بحسم: لازم أمسك اللي اسمه جاسر، مينفعش أسيبه كده.
فيروز بتمسك: طيب أنا هبقى معاك، مش هسيبك، ده مجنون ممكن يأذيك.
مراد بحزم: لما أقول كلمة تتسمع، مش بحب أكررها مرتين. يلا انزلي على الماسورة دي لتحت، هتلاقي هناك مستنيكي يلا.
فيروز بقلق: طيب خد بالك من نفسك.
مراد بابتسامة خفيفة: حاضر يلا.
فيروز نزلت ولقت الشخص.
الشخص بهدوء: احنا هنمشي، ومراد بيه هيلحقنا.
فيروز برفض: لا استنى، أنا مش همشي غير مع مراد.
الشخص بتوتر: بس مراد بيه قال...
فيروز بإصرار: يقول اللي يقوله، أنا هستنى هنا.
*دخل البيت:*
جاسر وهو يدخل الغرفة بدهشة: بصي إيه رأيك في البد... فيروز! أعع، راحتي فين؟
مراد من خلف الباب بسخرية: رجعت لحضن مرادها.
جاسر بغضب وهو يقترب منه: مراد هقتلك يا مراد، مش هسيبك، ودتها فين؟
مراد بلكمة قوية: هندمك إنك فكرت تلمسها بإيدك النجسة دي.
جاسر بضحك هستيري: هه، أنا عامل حساب كل حاجة.
مراد باستهزاء: شاطر، واقترب ليكم ضرب فيه.
جاسر ومسك ريموت في إيده بخبث: هحرّكه تاني، هفجر المكان كله. أنا كنت عامل حساب جيتك، بس مش بدري أوي كده، بس عادي موتك بدري مش هتخسر.
مراد بتحدي: دوس على الزر يلا، ولا خايف؟
جاسر بغرور: مش جاسر اللي يخاف، بس فيروز هتبقى ليا.
مراد بجري سريع وحركة سريعة وقع الريموت من إيده.
جاسر أخرج سلاحه بغضب: هموتك، وخد فيروز، وأطلق النار، أصاب مراد في رجله.
فيروز في الخارج بصراخ: مراددد، وتجهت للبيت.
الشخص مسكها بقلق: مينفعش تدخلي، دي أوامر مراد بيه.
فيروز زقته بعنف: سيبني، مراددد، وعند قربها من البيت انفجر كله.
فيروز بانهيار: مرااد، متسيبنيش والنبي لا.
الشخص بحسم: اتفضلي معايا، احنا لازم نتحرك من هنا بسرعة ونبلغ باللي حصل.
فيروز بدموع: لا مش هسيب مراد، مراد عايش أكيد ماماتش.
الشخص بحزن: البيت كله انفجر، مستحيل يبقى عايش.
فيروز ببكاء: لا متقولش كده، أرجووك، هو عايش، مش هيسيبني، مرااد.
مراد من بعيد بصوت ضعيف: أنا هنا، صدقتني؟
فيروز بفرحة وبكاء: مراد عايش! قولتلك مرااد عايش، واتجهت تسند عليه.
الشخص بقلق: حضرتك مصاب، هطلب الإسعاف بسرعة.
مراد بضعف: إنتي كويسة؟
فيروز بدموع: أنا كويسة، إنت كويس؟
مراد بألم: إنتي شايفة إيه؟
فيروز بحزن: أنا مش شايفة حاجة سليمة.
مراد بابتسامة ضعيفة: بالظبط، آه.
فيروز بخوف: جاسر مات؟
مراد بتعب: أيوة، الغبي داس على الريموت بعد ما صابني، بس الحمدلله لحقت أنط من الشباك.
فيروز بارتياح: الحمدلله.
مراد بتردد: فيروز، أنا عايز أقولك حاجة.
فيروز باهتمام: قول، بسمعك.
مراد بارتباك: أنا... أحم، أنا...
فيروز بفضول: إنت إيه؟ قول.
مراد باعتراف: أنا بحبك.
فيروز بخجل وفرحة: وأنا كمان ب....
الشخص بمقاطعة: الإسعاف وصلت يا فندم.
وجاء رجل الإسعاف وأخذوا مراد وفيروز لأنها مصابة بجروح خفيفة.
*في المستشفى:*
عمار للسكرتيرة بقلق: في شخص اسمه مراد جه مصاب هنا، هو فين؟
السكرتيرة بهدوء: في غرفة 10، الدور التاني.
عمار باستعجال: متشكر، تعالى يا حبيبة.
حبيبة لفيروز بفرحة: فيروز! الحمدلله إنك بخير، خفت عليكي.
فيروز بابتسامة: أنا بخير متخافيش.
عمار بقلق: مراد حصله إيه؟
فيروز بحزن: اتصاب برصاصة في رجله، وخرج الممرضة قالت شوية وندخله عادي، بس يخلص... وسمعت ضحك من الغرفة.
عمار باستغراب: يخلصوا إيه بالظبط؟ قولتي؟
فيروز دخلت بعصبية وغيره: بتعملوا إيه؟
الممرضة وهي تضع الهاتف في جيبها بتوتر: أحم، أنا هستأذن، ألف سلامة على حضرتك.
فيروز بضيق: متجليش في حاجة وحشة، مع السلامة.
عمار بابتسامة: ألف سلامة عليك يا وحش.
مراد بابتسامة: الله يسلمك، إنت كنت غاطس فين؟ برن عليك كتير مش بترد.
عمار بمزاح: غاطس في الحب، قولي كنتوا بتقولوا إيه ضحكها كده ها؟
مراد ببرود: هي مين؟
عمار بمشاكسة: الممرضة، إنت مش شايف فيروز شايطة إزاي ها؟
مراد ببرود: دي كانت بتكلم خطيبها أصلاً.
عمار بضحك: أصلاً جتك نيلة، وأنا قولت عليك مقطع السمكة وديلها.
مراد بتحذير: اظبط بدل ما أقوملك، وإنت عارفني.
عمار بضحك: حبي حبي، والله ألف سلامة عليك، تعالى يا بيبو عايزك برا.
حبيبة بلطف: ألف سلامة عليك يا مراد.
مراد بابتسامة: الله يسلمك.
وخرج عمار وحبيبة.
فيروز بقلق: ألف سلامة عليك.
مراد بحب: الله يسلمك يا حبيبتي.
فيروز باستغراب: يا إيه؟
مراد بحنان: يا حبيبتي.
فيروز بخجل: أمم، أنا مش حبيبة حد.
مراد بحزم: لا، حبيبتي أنا يا فيروز.
فيروز بغيرة: آه، بمَرّة الممرضة اللي بتضحك معاها؟
مراد بتوضيح: كانت بتكلم خطيبها أو حبيبها، معرفش، بس مش أنا.
فيروز بتأكد: بجد؟
مراد بصدق: بجد والله.
فيروز برضا: ماشي.
مراد بحب: بحبك.
فيروز بخجل: وأنا بحبك.
عمار وحبيبة بفرحة: هيي، وأخيراً!
فيروز بدهشة: إنتو سامعين من إمتى؟
عمار بمشاكسة: بالمع أوكر من بدري أوي.
مراد بتحذير: قطعوا اللحظة، أما أقوملك يا عمار اصبر.
عمار بضحك: والله هي اللي قالتلي.
حبيبة ببراءة: أنا بريئة يا بيه والله.
عمار بمشاكسة: بريئة يا واطية.
مراد بحزم: طيب اطلعوا برا.
عمار بضحك: بتطردنا من أولها كده؟
حبيبة بمزاح: بتطرد أختك حبيبتك يا فوز؟
مراد بعدّ: واحد، اتنين... وكانوا اختفوا تماماً.
فيروز بابتسامة: إنت عاملهم رعب كده ليه؟
مراد بهدوء: هما اللي خوافين، ولا رعب ولا حاجة.
فيروز بمزاح: يمكن.
مراد بجدية: فيروز، أنا عايز أقولك حاجة مهمة بخصوص شغلي.
فيروز باستغراب: شغلك ماله؟ ما المطعم كويس، هو في حاجة؟
مراد بهدوء: لا مش المطعم، أنا شغلي الحقي حاجة تانية.
فيروز بمزاح: لا متقوليش تاجر سلاح.
مراد بضحك: لا يا بنتي.
فيروز بمشاكسة: أوبا، تاجر أعضاء؟
مراد بحدة: لاا.
فيروز بتفكير: يبقى تاجر...
مراد بهمس: هشش، أنا ظابط في مخابرات أمن الدولة.
فيروز بفخر: مصر هي أمي، ونيلها جوا دمي، إحنا تحت أمر الحكومة.
مراد بضحك: مجنونة والله، بس بحبك.
فيروز بذهول: إنت بتتكلم بجد؟
مراد بجدية: أيوة، في حابب أعرف هل عندك مشكلة؟
فيروز بحماس: إنت عارف أنا أصلاً من زمان نفسي أتجوز بطل من أبطال الروايات يكون زيك كده في المخابرات، وحلمي اتحقق، أعع.
مراد بضحك: دي هوبا خالص، ربنا يستر يا فيروز.
فيروز باستغراب: نعم؟
مراد بحزم: مينفعش حد يعرف حاجة زي دي، فاهمة؟
فيروز بطاعة: طبعاً طبعاً، مش هقول متخافش.
مراد بارتياح: ربنا يستر.
*في إيطاليا، في سيارة عز وهم ينزلون أمام المنزل الخاص بهم:*
عز بارتياح: وصلنا الحمدلله.
جميلة بانبهار: واوو، تحفة أوووي.
عز بحنان: مبسوطة يا روحي؟
جميلة بفرحة: أوووي يا عز، بجد الجو هنا جميل، وشتاء يرد الروح للي خلقها.
عز بابتسامة: عندك حق، استني هجيب الشنط.
جميلة بطاعة: حاضر.
عز بمشاكسة: غمضي عينك.
جميلة باستغراب: ليه؟
عز بإصرار: غمضي بقى، في مفاجأة.
جميلة بضحك: حاضر أهو.
دخل عز البيت وشغّل الأنوار: افتحي.
جميلة فتحت عينها ونظرت للمنزل، شافته ورد على الأرض، وعشاء جاهز، وبلكونة على البحر.
جميلة بدهشة: كل ده عشاني أنا؟
عز بحب: أكيد، إنتي تستاهلي أكتر من كده كمان.
جميلة حضنته بحب: أنا بحبك أووي يا عز، بجد عمري ما لقيت حد يحبني كده.
عز بحزم وحب: ولا عمرك هتلاقي حد غيري، إنتي ليا وبس يا جميلة.
جميلة بدعاء: ربنا يحفظك ليا.
عز بحنان: وإنتي كمان يا عمري، تعالي أقولك حاجة، وذهب للغرفة النوم.
*في فيلا العمري:*
السيدة بقلق: عامل إيه يا حبيب... إيه ده؟ في إيه مالك يا بني؟ حصل إيه؟ بتكلم يا عمار.
عمار بهدوء: إنتي نازلة أسئلة زي الامتحانات، أعملك إيه يا أمي؟ مراد مصاب في رجله بس، والحمدلله جت سليمة.
مراد بطمأنة: متخافيش يا أمي، أنا كويس، اهدي.
السيدة بقلق: مين اللي عمل فيك كده يا بني؟ يا رب تقطع إيده.
عمار بمزاح: اتقطع كله الحمدلله.
السيدة باهتمام: تعالى اقعد، متقفش كتير.
مراد بطاعة: حاضر يا أمي، اطمني أنا بخير والله اهدي.
السيدة بحنان: هقوم أعملك شوربة خضار تخليك تقوم تجري، استنى.
مراد برفض: يا أمي مالوش لازمة.
عمار بمشاكسة: اسكت إنت، اعملي يا أمي أنا نفسي فيها.
مراد بضيق: يا بني بطل طفاسة بقى، يخربيت كده.
عمار بمزاح: مقدرش، معرفش يا عيني، أبطل أكل أموت.
مراد بضحك: بعد الشر عليك يا بغل، خليك قرفنا وخلاص.
عمار بجدية: إن شاء الله يخليك، بقولك هتكلم أمك إمتى؟
مراد بتصحيح: اسمها أمك مامتك يا جاهل، هكلمها في إيه بالظبط؟
عمار بمباشرة: ما علينا، على فيروز، عايزين نفرح بقى.
مراد بابتسامة: هكلمها بس تخلص الشوربة لجنابك، وهكلمها.
عمار بمزاح: يعني الشوربة هي اللي مذمّة الدنيا؟ ماشي.
بعد وقت، السيدة خرجت بالشوربة: يلا يا حبي عشان تاكلوا.
عمار بمساعدة: اسند عليا تعالى.
مراد سند عليه وقعد على السفرة: تسلم إيدك يا أمي، تعبتك.
السيدة بعتاب: فين الشبشب يا عمار؟
عمار بمراوغة: خلاص يا سيودة، عندي، الولد ميقصدش.
مراد باعتذار: حقك عليا خلاص، وإنت عملت فيها السيد الوالد.
عمار بمزاح: اتريق براحتك.
مراد بجدية: أمي، كنت عايز أقولك على حاجة كده.
عمار بحماس: قول يلا.
مراد بضيق: يا بني بقى ارحمني.
السيدة باهتمام: سيبك منه، ده أهبل، قول في إيه؟
مراد بتردد: أنا كنت عايز أتقدم لفيروز.
السيدة بزغاريد: لوووي، لوووي، لوووي، مبروك يا ألف مبروك يا حبي.
عمار بضحك: إيه الست السهلة دي؟ فين الحماة الحاروقة؟
السيدة بغضب: كده بقى لازم الشبشب.
عمار باستسلام: أسف خلاص والله سكت.
مراد بقلق: يعني إنتي مش معترضة يا أمي؟
السيدة بحنان: البنت مؤدبة، وأختها طالعين ليها، مش ممكن أرفض أبداً. ربنا يتمملك على خير يا حبي، حدد معاد ونخطبها.
مراد بحسم: لا، مش عايز خطوبة، جواز على طول.
عمار بانبهار: يا جامد إنت.
السيدة برضا: خلاص يا بني، اللي تحبوه إنتو.
مراد بابتسامة: حاضر يا أمي، أنا هخف بس ونحدد المعاد.
السيدة بحنان: ماشي يا بني، يلا كول.
*في سكن البنات:*
حبيبة بصدمة: بس أنا بجد مصدومة في جاسر ده.
فيروز بحزن: وأنا كمان، يلا ربنا يرحمه.
حبيبة بقلق: يارب، تفتكري البت جميلة وصلت؟
فيروز باطمئنان: ده أكيد، استنى أتصل عليها.
حبيبة بحماس: يلا.
جميلة من الجهة الأخرى بحنين: ألو، وحشتيني أووي يا فيروز.
فيروز بحب: وإنتي كمان، طمنيني عليكي، إنتي كويسة؟
جميلة بفرحة: بخير يا حبيبتي متخافيش، بيبو فين؟ وحشني أوي الرخمة دي.
حبيبة بمشاكسة: أنا هنا يا واطية، مش تاخديني معاكي يا بت؟
جميلة بضحك: بقولك شهر عسل، تيجي تعملي إيه يا رخمة؟
حبيبة بغيظ: عندنا بنات تعمل شهر عسل؟ إيه قلة الأدب دي إلهي.
فيروز بمشاكسة: أما نشوف إنتي هتعملي ولا لا يا صغننة.
حبيبة بثقة: أكيد طبعاً هعمل، إنتو اتجننتو ولا إيه؟ بقولك يا بت يا جميلة، سمعتي آخر خبر؟
جميلة بحماس: إيه؟ احكيلي بسرعة.
فيروز بصوت واطي: متقوليش على جاسر لتقلق، لما تيجي هقولها.
حبيبة بفهم: أوكي، مراد اعترف بحبه لفيروز.
جميلة بصدمة وفرحة: بجدددد؟ اديني فيروز بسرعة.
حبيبة بمزاح: خدي كلميها.
جميلة بلهفة: ده بجد اتعرفلك بحبه؟
فيروز بخجل: أيوة اعترف.
جميلة بحماس: الفرح إمتى ها؟
فيروز بهدوء: اهدي يا بنتي، لسه مش اتكلمنا في حاجة، بس أكيد هستناكي تيجي بعد شهر العسل.
*في الجهة الأخرى، مراد يكلم عز:*
عز بفرحة: اعترفتلها وأخيراً يا راجل، تعبتنا معاك.
مراد بابتسامة: غور يلا، المهم أنا هستناك تخلص شهر العسل عشان تبقى موجود.
عز بجدية: أكيد يا قلب أخوك، لازم أبقى جنبك.
عمار بحماس: متخافش يا مرادي، أنا معاك.
مراد بمزاح: اسكت يا لا، ده إنت تضيعنا.
عمار بزعل مصطنع: كده؟ خس عليك يا مرادي.
مراد بتحذير: اظبط يا لا.
عمار بطاعة: حاضر يا عم.
مراد بجدية: يلا هسيبك دلوقتي عشان ورايا كام حاجة أخلصها.
عز باحترام: تمام سلام.
مراد بود: سلام.
فيروز بحنان: يلا هسيبك دلوقتي ترتاحي.
جميلة بحب: ماشي يا قلبي سلام.
*في صباح يوم جديد، بعد مرور أسبوع في أحد الكافيهات:*
مراد بهدوء: الفرح هيكون بعد ما يجي عز وجميلة على طول.
فيروز بابتسامة: موافقة، أصلاً كنت هقولك كده.
مراد بمزاح: اتفقنا، اشربي عصيرك.
*بعد مرور شهر، في أحد الفنادق الفخمة، كانت فيروز في غرفتها تتجهز للفرح:*
جميلة بانبهار: بسم الله ما شاء الله، يا روحي قمر، اللهم بارك.
حبيبة بإعجاب: طالعة تحفة أووي يا روحي، اللهم بارك.
فيروز بخجل: بجد حلوة؟
جميلة بثقة: طبعاً، من غير شك.
عز من الخارج باستئذان: ممكن أدخل؟
جميلة بترحيب: اتفضل.
عز لجميلة بإعجاب: بسم الله ما شاء الله، قمر يا روحي.
جميلة بخجل: إنت اللي قمر أوي، ربنا يحفظك.
عز بحب ونظر لفيروز: حبيبتي، ونظر لفيروز.. اللهم بارك، شكلك قمر يا فيروز. فرحت لما عرفت إنك عايزة تسلمي لمراد كولي أمرك، وأنا هبقى ولي أمرك دايماً، مش في فرحك بس. لو زعلك، ضايقك، تعالى ليا، وإحنا هنفكر في حل يرضيكي. إنما نكلم مع مراد لا، معلش ده يقتنا عادي.
فيروز بضحك: بصراحة عندك حق في دي، ماشي يا سيدي، اللي تشوفه.
الميكب أرتست باعتذار: معلش خمس دقايق أظبط ليها الميكب.
عز باحترام: طيب هستأذن أنا، جميلة عايزك.
جميلة باستغراب: في إيه؟
عز بهدوء: في معازيم معرفهمش تبعكم، تعالى معايا.
جميلة بطاعة: ماشي، بيبو خليكي مع فيروز ماشي.
حبيبة بطاعة: ماشي.
عمار خبط على الباب باستئذان: ممكن أدخل؟
بنت مساعدة الميكب باستغراب: نعم؟ مين حضرتك؟
عمار بهدوء: عايز حبيبة، قوليلها عمار.
البنت بطاعة: حاضر ثانية.. في واحد برا اسمه عمار عايزك.
حبيبة بابتسامة: ماشي يا سكر، فيروز خمس دقايق وراجعةلك ماشي.
فيروز بقلق: ماشي، متتأخريش.
*في الخارج:*
عمار بإعجاب: القمر جه، اللهم بارك، إيه الحلاوة دي؟
حبيبة بخجل: شكراً.
عمار بحب: بحبك.
حبيبة بحب: وأنا كمان بحبك أووي، أنا هروح لفيروز، مش عايزة أتأخر عليها، هشوفك في القاعة ماشي؟
عمار بحب: ماشي يا قمري.
حبيبة مشيت لفيروز، وفجأة: آآه.
عمار بقلق: في إيه؟ مالك؟
حبيبة بألم: الكعب اتلوى، رجلي وجعتني.
عمار بقلق: طيب تعالى أحطلك تلج عليها يلا.
حبيبة بقلق: وفيروز طيب؟
عمار بهدوء: مش هتعرفي تعملي حاجة لفيروز برجلك دي، مش هنتأخر يلا.
*عند غرفة فيروز:*
الباب خبط.
فيروز باستغراب: أكيد حبيبة، الميكب أرتست مشيت وهي لسه جاية، وفتحت.. مين حضرتك؟
الشخص ببرود وشر: قدرك الأسود، وقمّم فمها، وخذها في عربية نقل الملابس الوسخه وذهب بها.
يتبع
الفصل الثاني عشر من هنا