رواية ماذا لو عاد معتذرأ الفصل الحادي عشر 11 بقلم ايته عبدو
صحيت تاني يوم عيوني مورمه ومصدعه من البكى دخلت الحمام واستحميت وطلعت حاولته اظهر أني طبيعيه بس ما قادر بس أنا قررته ولازم اكون قدر قراري ده مشيت المطبخ وعملته الشاي وفي بسكويت جاهز ختيته معاها عدي كان صحى وجاني طوالي في المطبخ ختينا الشاي وبقينا نتونس ونشرب مع أني حاسه عدي متوتر وما على طبيعته بس قلت يمكن من الشغل أو كده بعدها قال ماشي الشغل علشان ضغطه ينزل قلت ليه ما مشكله طلع وأنا جاني مزاج انضف البيت واغني خليت البيت يلمع خشيت غرفة عدي كانت باللون السماوي حلوه غير كل الغرف منظمه وفيها مكتبه صغيره مع إنو عدي ما بحب يقرأ وعمره ما حصل شفته شايل كتاب نضفتها وطلعته مشيت المطبخ وعملته تقليه بقراصه اكل بلدي وكده وده كله عدي ماجاء ف شلته فطوري ومشيت لسمر كان مودي في الروضه يحليله فقدته فطرنا وشربنا الشاي وقلت ليها امشي عشان عدي لو جاء اخت ليه الفطور وعلى كده رجعته البيت غسلته العده وعدي لسه ما جاء بقيت ما عارفه اعمل شنو فتحت الشاشه وبقيت سرحانه لحدي المغرب عدي ما جاء وأنا خلاص الليل جاء قلت نص ساعه لو ما جاء طوالي يا ناس سمر جاكم زول مالي بقعد براي بخاف بري وفي كلامي ده هو جاء خاشي قمته دايره امشي عليه بس لحظته انه سرحان حتى اتجاوزني بدون ما يعاين لي مالو ياربي
نون: عدي أنت كويس
اتلفت علي بانتبها وتفاجاء
عدي:نون إنتي هنا معليش ما انتبهت ليك تعبان شديد علشان كده داير انوم معليش عن اذنك
لا هو ما كويس مالو اكيد في شئ بس شنو ما عارفه والله
________________________
_*عدي::*_
الليل كله مانمت من التفكير ومن تهديد لنا المبطن هي قصدها شنو حاولت اكون عادي قدام نون بس ما نجحت ومتأكد ح تكون حسة بحاجه بس الحمد لله ما سالتني لأني ما كنت عرفته اقول ليها شنو طلعت الشغل لحدي العصر وبعداك الدوام انتهى بس مشيت قابلته لنا كانت مدياني ضهرها وصلتها
عدي: السلام عليكم
لنا: وعليكم السلام اهلين يا عدي والله ليك وحشه يعني للدرجه دي نون شغلتك مني
قعدته وأنا بحاول اتملك اعصابي وقت شفتها مع مرتضى ما كنت متنرفز منها كده بس حالياً حاسي نفسي ما طايقها يمكن علشان اكتشفته أني كنت ملاحق الرخيص وطلع الغالي قدام عيني طول الوقت وأنا ما منتبه ليه ما كذب القال ليس كلما يلمع ذهبا طلع الموضوع جد
عدي:عايزه شنو يا لنا
عاينت لي باستغراب شديد وكأنها بتحاول تفسر معنى الكلام القلته
لنا:حلوه النكته دي ده شنو ده عايزه شنو يا لنا شكلك نسيت اتفاقنا بس لو ناسي اذكرك سته شهور يا عدي سته شهور وتطلق نون وتعرسني نسيت ولا شنو
حسيت بضيق شديد كيف كنت غبي وقلت أني ح اطلق نون بس اسي ح اصلح غلطي ده
عدي: أنا آسف يا لنا أني عشمتك بس أنا بحب مرتي ومستحيل اطلقه وأن شاء الله تلقي الاحسن مني
عاينت لي لثواني بدون ردة فعل وبعدها بقت تضحك بطريقه مستفزه لمن خلتني نفسي اقوم اخنقه في شنو في كلامي بالنسبة ليها مضحك هي جنت ولا شنو
لنا: عدي حبيبي بقيت تقول نكات كتيره الليله بتحب مرتك
وقطعت كلامها بضحكه تاني ما قدرته اسكت لاني وصلت آخر ذرة تماسك فيني
عدي: لنا أنا ما قلت شئ بخليك تضحكي كده وبعدين ايوا أنا بحب مرتي شنو المضحك في الموضوع علشان تضحكي بالطريقة دي مجنونه إنتي
لنا:مرتك الكنت ح تطلقه بعد سته شهور أنا ما مجنونه لكن شكلي ح اوريك جنوني حدد كلامك نحن لسه على اتفاقنا صح يا عدي
عدي:لا أنا وريتك قراري واعتبري الإتفاق اتلغه تمام
وقمت علشان امشي بس وقفني كلامه
لنا:تمام يا عدي أنت الاخترته وأنا ما ذنبي والله لو خليتك تتهنى معاها ابقى ما لنا امشي امشي لمرتك حبيبتك قال بحبها قال أنت واحد منافق وأنا ح اوريك نفاقي الايام بينا يا عدي الايام بينا
وقامت اتخطتني ومشت خلتني في دوامه ما عارف اطلع منها قصدها شنو اكيد ما ح تعمل شئ طيب لو عملت أنا ما مستعد اخسر نون
________________________
مرت اربع شهور وعدي حاله اتقلب ٣٦٠درجه مش ١٨٠بقى طول الوقت سرحان وبقول لي ما تفتحي الباب لزول غريب وخايف حاولته اتكلم معاها بس هو مصر إنو من ضغط الشغل ما اكتر حتى ونستنا وقعدتنا مع بعض قلة نفسي اعرف الحاصل عليه شنو بس هو ما داير حتى يتجاره معاي في الكلام علشان اعرف بقى أغلب وقتي مع سمر ياهي معاي يا أنا معاها والله مع إنو عدي حالته ما عجباني بس وجود سمر هو المصبرني لحدي ما جاء اليوم الدق فيه الباب وعدي كان في الشغل ...
يتبع....