رواية شمس الايهم الفصل العاشر 10 بقلم شهد الدليمي
سوده بوجهي ليش تعلقت بيك
عفت ناسي وههلي وصرت اداريك
شمس
اني اسمع كلامه حرف حرف
چنه يكلي اصحي بس مو بكلمة
بضربة وعي يكلي اصحي
ماكو شي راح يصير بينه
چنت أحسها سجينة انحبست
بضلوعي من گد ما كلامه ثكيل
ما كدرت أرد واني عندي كومه
حجي حتى دموعي وكفت
كأنه چان هوه الحقيقةوأني
الوهم سحبت نفسي ماجاوبته
طلعت من غرفة
دخلت الحمام فتحت الماي غسلت
وجهي بديت أحچي ويا نفسي
شمس مراهقة
يعني كل هالمشاعر اللي بكلبي
عليه مجرد وهم يومين وتنسين طلعت
من الحمام عيوني ناشفةبس كلبي يغلي
يغلي من وجع
دخلت للغرفةلكيته بعده كاعد
أيهم : شمس آسف بويه والله
ما قصدت أضوجج قسم بالله
ما أدري شلون طلعت مني بس
والله بس أريد أفهمج وصلج
الصورة واضحة
شمس : تمام شكراً وصلت
گلتها وأني حتى ما باوعت عليه
أيهم : يعني مو زعلانة؟
شمس : لاع شنو أزعل مراهقه وتنسى
مشاعرها لعبه ترضه تزعل شيهمك
انت
أيهم : لا تعاندين وتسوين هيچ
تصرفاتج وضعج ما عجبني ولي
تفكرين بي
شيلي ترى تفكيرج وأحلامج مو
واقعناانتي ببداية مراهقة وعادي
تجيج هيج تفكير لا تخليها تائثر
عليج
_وهالسبب خلاج تحسين تعلق
حب بس ترى هو مو حقيقي
مجرد مراهقة وبعدين تصحين
_چنت أريده يسكت بس مايسكت
كل شوية وكايل لي مراهقه
شمس : لا تتدخل لا تحچي بدلي
لا تفسر مشاعري مو كل شي مراهقة
موكل شي وهم اني افتهمت ماتريدني
بس لا تذلني بكلامك
أيهم : لججج لا تصيحين!
واحچي عدل منو هو ما يدخل
وحق الله إذا شوفج تمسلتين بعد
بهل حجي أكسر راسج
_اسمعيني زين لتهي بدراستج
وعوفي هالسوالف الخايسة
_واذا سمعت غير شي حلكج أشگه
شمس : افتهمنه لا تضل تصيح
روح أريد أبدل
أيهم : أسلوبج هذا آخر مرة أنبهج
عليه حچي عدل ما يفيد بيج تعلوم
انتي
_رفعت راسي دمعتي بعيني بس
چنت مصممة ما تنزل
_ لا ما يفيد ماكو شي يفيد وياي
مراهقه و راح أروح وتخلص مني
مثل ما كلت مراهقة يوم وأنسى
طبيعي وكل علمتني عليه انساه
هم مثلك
ضل وكف مثلا مصدوم بسلوبي
أيهم : يصير خير ان شاء الله
ندارورگع الباب حيل وراه رجت الغرفة
كلها طبكته للباب من طلع حسيت اريد
تنفس ما كدرت أوكف كلشي بدا يختنك
كمت لميت ملابسي وحدة وحدة
چنت أحطهن بالجنطة وكأني أجمع
كل خيبتي بيهن كل داشداشه چنت ألبسه
وابتسم
_لبست لبس لي اجيت بي وردت أطلع
حتى أخلص من كلشي دخلت فاطمة عليه
فاطمه. : شمس أمج إجت.
شمس : اجيت
لبست شالي رتبت مشيت للصالة
الكل كاعدين بصاله حسيت كل
نظراتهم عليه بس اني چنت ضايعة
شمس : السلام عليكم.
الكل : رد السلام
وأمي سلمت عليها من سلمت
كالت
أمي : يلا يمه السيارة تنتظر بره
بس قبل لا اطلع بالباب واكفين
كامل وياه أيهم شافني اول ماشافني
خزرني بس سويت نفسي ماشايفته
وغلست عنه
يحجي وياه كامل وشويةمن شافنه
واكفين صاح بصوت عالي
أيهم : هلاااا خالتي هلا بسورها وبنورها!
نزيّت من مكاني
ألام : هلا بيك يبعد أمك فدوة
طولك
_كاموا يفتحون سوالف من كل صوب
عن كل شي وأني مثل ثولة اتصفن واحس
وروحي كوة واكفه
وكف يمي وحجه
أيهم : شمس
شمس : هاا؟
أيهم : وين خليتي ملابسي لي
نطيتج ياهن شو ماكو كلت أسألچ
كبل ما تروحين
شَمس :بالكنتور علكتهن
ايهم : شو بل طلعيهن
باوع ع امي وكال
_من رخصتچ خالتي بس طلعهن
لي
أمي : اي يلا حد ما سلم ع عمّاتك
كبل حجيت
شمس : يمّه والسيارة لعد مو
جانت جايه
ألام : شوفت عينچ ماكو شي هوه
گال دخلت للحي كلت نطلع قبل مايوصل
هزّيت راسي ورحت للكنتور أفتح
حتى أطلع هدومه أول ما فتحت
الباب لكيتهن كدّامي
سمعت الباب ينطبگ حيل هوه دخل
كبل كتله مو ذني كدامك ماتشوف
رد بنبرة حادة كلش
أيهم : لا ما أشوف مثلج شهل
لبس ولججج
شمس : لبسي شبي
أيهم : ما تطلعين بي باب لغرفه
غيري ركض يلا
_جنت مو فاهمة يحجي وهوه
يجرني فتح شباك دخلت الشمس
وكفني گدام المرايةوهوه وراي
أيهم : شوفي... شبي
انتبهت ع لبسي قميص ابيض
خفيف وملابسي مبينه نسيت
حسن حذرني قبل
أيهم : روحي بدّلي
شمس :ما جايبه ملابس بس
ذني ليش ما تفهم
أيهم : خوش... انتظري
طلع ما أخذ له دقيقه رجع بيده
صاية سوده شمرها لي
أيهم : لبّسي
شمس : لبستها فوك ملابسي
ايهم : اي هيج صرتي مستوره وشحلاتج
شمس : باوعت عليه بنضره كفيلة تحسس
انو هو مو طبيعي ردت اروح سحبني من
يدي رجعني مكاني وسحبني له
ايهم : مو داحجي وياج من احجي وياج
لا تمشين
شمس : لا تلزمني بالله هد إيدي
شكو تلزمني مو مراهقه أني
شكوو تلزمني تصرفاتك هاي شنو
معناها تغار حتى من خيالي تكلي
أني سندج بس تعال وين سندك
لي إذا انت أول من يخذلني
ليش تجي بلحظه وحده وتكسر
كلشي حتى كلبي كسرتَه كلبي
والله كلبي يوجعني منك
شنو ذنبي جاوبني بالله شنو ذنبي
تحمل هذا وجع تعلكني بيك وتخليني
أحبك وبس حبيتك وتعلقت بيك صرت
أني المراهقه ليش تقربت عليه ليش كل
مره أحس روحي ضايعه ألاكَلك يمي ليش
شنو نيتك تسحبني لك وتذبني ماحسبت
لمشاعري شنو ذنبي بكل هذا لان حبيتك
هلگد أنكسرت لو لان أصدگت بيك ليش
من حبيتك انحسبت غبيه ومراهقه ليش من
صدگت لمستك وقربك حسيت نفسي وحدة
رخيصه ليش خليتني اتندم ع قربك لي
مارد ماحجه شي ساكت يباوعلي واني
مفرفحه َمن القهر
_جاوبببب ايهم لا تسكت جاوبني ليشش
تقربني لكك غايتك شنو لعبه اني عندك
ليش جنت تتقربلي ليش خليتني احبك
حسبتك وطن لي ضيعتني بخرابك
هو كبل لزمني بقوه يضمني لصدرة
هو يحجي وياي
ايهم : والله العظيم ما أستاهلچ والله
ما أستاهل حبچ ولانظرتچ إلي لاتفكرين
بشي مو من صالج قربي لج قسم بالله
ماستغليتج
بس لا تحچين هيچ لا تحچين لأن كل كلمة
تطلع منج تحز روحي كل كلمة دتگولينهاوالله
داتحركيني بيه حرك ماريد اذيج قربي لج
اذيه حبج ليه وعلاقتنه مستحيله
حسيت دموعه ينزلن ع جتفي يقربني اكثر
ويحجي باذني
ايهم : لا تخليني احرك شكو واحد سبب دموعج
هاي اولهم اني والله علمودج داسوي كل
هذا دست ع كلبي علمودج
خله راسي بين ايده باسني براسي
ايهم : والله ابرد كلبج والله اذيتج
اذيتي
ضعت صرت ااعرف من شنو هو مايريد قربي
وليش رافضني بعد محجيت شي هو سكتت
باوع ع ملابسي وكال
ايهم : ولي يسئلج گولي وگع شي ع قميصي
وما عندي غيره لبست من فاطمة
چنت أريدامشي بس رجعني بصوته بهدوءه
بصيغة أمر
ايهم : من أحچي وياج لا تروحين ديربالج ع
نفسج وما عليج بأاحدولي كتلج عليه سوي
اضل متابع اخبارج اذا سمعت شي ما يصير
خير و معليج بشر
هواااي چنت أريد أرد أحچي بس حسيت
مايفيد كلام بعد ضليت اباوع الوجه اللي
كل مره أنسى تفاصيله أرجع أذكر روحي
جنت ضايعه ناسيه كلشي وگعدت أتأمل
بوجهه سمعته گلي وهو يضحك
ايهم : لا تباوعيلي هيچ أني رجيچ
رديت عليه بسرعة
شمس :ما باوعتلك ترى
ايهم : إي صحيح
چان يتقدم آني چنت أرجع خطوة ورا خطوه
مو من خجل لا من خوف من شي بداخلي
يريد قربه وشي ثاني يگول كافي لا تخلي يتقرب
لج هو دايستغل ضعفج كدامه حبج له
وصلت للكنتوروطيخيت بي هوحجه
ايهم : هاي نظراتچ وحركاتچ كلها لا تسويها
ويا كائن غيري خوش لا تباوعين لبشر هيج
_ما گدرت أرد أبلع كلماتي مثل السم يغار
ويكلي ماريدج وانتي مراهقه يتقرب ويكلي
ماااحبج
شمس : خليني اطلع امي راح
ترزلني تاخرت
ايهم : هسه ترحين
شمس : شو وخر عني
تقرب هو يحجي بهمس
أيهم : شالج لفي ولا تطلعين كدام
أي كائن بدون شال مثلا ما چنتي
تسوين هنا
ركبتچ صدرچ ما أريدهن يطلعن
كدام أحدوانتي مثل الثوله كلشي
ما تدرين انتبهي ع لبسج ونفسج
ودراستج
_انصدمت ما عرف شردما عرف شرد
أجاوبه متوترةكلش احس صار دخان من
أذني يطلع منها
صوت دگات گلبي وصله عده گلتله تمام
بس حتى يوخر ماعرف ليش هل ضعف من
يصير مقابيلي
_رفع راسه عينيه صارت بعيني أعرف نظرتي
إلىي مو طبيعيه بس چنت أحب أشوف هاي
نضرته لي
جر نفس بس مو أي نفس بحسرة
وأني أفكرهو يرفض حبي يكول
مراهقه وليش يتقرب ليش يسوي
بيه هيچ وين يريد يوصل شنو
ليريد من روحي مخليها هيج
تحترك ليش مدخل نفسه بيه
مو آنه المراهقه مو گلت لي مو ما تريدن
الف سؤال بالي فززني صوته من تفكيري
ايهم : شمسي بابا
شمس : هااا
ايهم : لا تضوجين مني
شمس : لا ماضايجة بس اريد
اروح
تقرب لي اكثر وكف مقابيلي خلة ايده
ع حجابي يدل بي ونزل روحة لمستوى
اذني
_ما أعرف چنت متسلمه ما أدري چنت أحس
كلشي بجسمي جامدأعرف إن عقلي رافض
كل هذا بس گلبي ساكت مثل طفل يموت
ع قربه وگال بصوت هادي قريب اذني
ايهم : آسف ع كل حرف ضوجتچ بي والله ما
قصدي ابجي عيونچ من شفت حالتج لسه
ما أعرف شصار بيه هم اني متاذي عليج
_كل الكلمه گبل ما تخلص جانت
تدخل جوه صدري وتخلي الف سؤال
جنت بعدني ممستوعبه
انفتح الباب ما حسيت إلا وإيدي تدفع صدره
بكل قوتي وهو وكع على لكاع وهو وصاح
ايهم : خرب اهلج شمسس اخخخ بوي
ايهم
نايمه بحضني راسها ع صدري وشعرها
مفتوح نازل مثل خيوط الليل وشكلها
يا الله شكلها يريح عين وهواها يخلي الكلبي
يهدأ ويضيع ريحتها تشبه أول مطر نزل بعد
صيف طويل
وجهها وهي نايمه جفنها نازل بنعومه وشفايفها ساكته بس حته وهي ساكته تحچيلي بثكل
التعب لي تمر بي وتدلّيني ع إنّه هاي البنيه
ماكو مثلهاوما ينخاف منها
دائما يجي بالي اول مرةما نسيت مستحيل
أنسى أذكر أول مرة شفتها بدون شال
طلعت من غرفة البنات لابسه داشداشه
بسيطة مابيها شي ملفت بس هي سحبت
روحي مني.
شعرهاضفيرة ع جتفهاأسود مو بس سواد
وأسود فحم شعر مو بس طويل تحس
الدنيا كلها ساكتة وإنت تتأمل بيه
من شفتها بهالهيئة نسيت منو أني چان
إحساس إن هذا الشعر هاي النضره مو من
حق أحد يشوفها غيري وجهها ناعم ملامحها
بيها براءةبس براءة تخوف مو لأنها ضعيفه بس
لأن هدوءها يسحلك يحرك شي بداخلك
ماچنت أشوف شرچنت أشوف أمان و ضايعه
من سنين ولكيت بيها كل شي نساني وجعي
ما گدرت أحوّل نظري وما گدرت أتنفس غير
صافن بيها
صار بي شي ما فهمته بس كلبي حسّيته يركض
إلها يركض وهو مربوط يركض وهو يتعذّب
بعيونها وبشعرها بيها قصص بيهالوعة بيها
صبروبيها خوف
لون عيونهامو أسودلونها مثل التمرة اللي
تبقى بنخلة وحدة بنص تموزناضجة غامقة
ومايكدر أحد يلمسهاوهاي الشامه شامه يم
شفتها اليسرصغيره بس گدرت تسوي إعصار
بكلبي
كِلشي بدا يتغيّركِلشي اختفى ظلت هيه بس
بصمتها وبريحتها وبنظرتها وبهدوئها حاولت
والله حاولت أمنع مشاعري أسيطر ع تصرفات
اني مايهزني لجبل هزني شعرها وخلتني افكر بتصرفتي الف مرة أحط حدود أكول هذا
غلط أكول لا إنتَ مو هيج لا تصير هيچ...
بس شمس كلشي تنسيني أضيع
ولكاه روحي يم روحها ومن أگعد
وحدي أغمض عيوني بس حتئ
أشوفها
وأمشي برجلي لحضنهاكأني مربوط بيه مو
بكيفي وضل افكر ياكلني ندم حرام لا تعودها
لا تطيها أمل لا تخلّيها تتعلّگ برائيه طفولية
بس تعال ياايهم اقنع روحك شلون أبتعدوأني
إذا غابت عني لحظةأحس الدنيا كلها مو بمكانها صرت مكدر بدون ريحتها
ريحة روحها دفا صوتها وجودها أني كبلها
چنت أعرف أبتعدأعرف أطنّش أعرف أكسر
بس وياهاماكوماعرف ارجع طفل بوجودها
افرح للضحكتها
_كلشي صار غير أنفاسي مربوطة بإسمهاوكلما
أحاول أبتعد لكاه نفسي يمها وأرجع وأنسى شنو
چنت ناوي وما يهمني شي غيرقربها للصبح واني مغمضت عيني اريد استغل كل لحضه اريد اشبع
منه
طلعت من غرفتهاكِلشي بيه يردني أرجع ريحة
شعرها بعدها تمشي وياي ونسمة نفسها بعد متعلكه بصدري
_بس گلت لازم أطلع لازم أتذكّرإنّي مو صاحب
حق طلعت لاستقبال نمت ساعتين كعدت
ساعه 8 وصوته فاطمة
جابت جاي وريوك تريكنه و خلصنه حسن
باوعلي وكال
حسن : اريدك بموضوع بس انت
تحله لي
ايهم : اي حجي
حسن : أيهم أريد أخطب شمس واذا طلبتها
انت خالتي ماتردك لان حاليا كل محجيها كالت دراسه بس اريد عقد
_معرفت شرد هو يطلب مني اخطبها أني
أروح أخطبهالغيري لرجل ثاني أني لتوي طالع
من حضنها وريحة شعرها بعده على صدري
شلون اخطبها له
بس سويت اللي ما توقعت أكدر عليه گلتها
بصوت ثابت رغم إني چنت أتزلزل من الداخلي
ايهم : هي ما تريد حسن مو شغله دراسه
حسبتك اخ وأني أعرف سئلت أكثر من مرة
البنيه ما نظرتلك بهوا لاتنتظرها ماراح توافق
حسن : متعرف شي عن حب من نعقد
وصير قريب منها راح تحبني بس سوي
كلشي رسمي واذا ضلت متحبني اني
افصل عقد
أيهم :ما أنصحك البنيه ما بيها
رغبه لك
حسن : أنت تحچي بدالها
خلّي خالتي تفهمه مجرد عقد واذا متريدني
افصل بس أريدك تساعدني آني أحبها ومو
نيتي لعب
أيهم : الحب مو كافي تحتاج شخص تعرف
يريدك ويتقرب منك وزواج يريدرتباط روحي
هيه ماعدها رغبة حسبتك اخوها
حسن : مو أني چنت يمها بكل شي ما ابتعدت
چنت أسندها وهي تدري زين شكد أحبها
ساعدني أخطبها من خالتي
دخل كامل وشافنا سمعنا موضوع
من بدايه وحاول يهدّي
كامل :ليش رافض يخطب شمس
ايهم : شلون أشرح له شلون أكله
إنّه هاي البنيه نايمه البارحة بإيدي
وإنّه عيونها إذا تدمع أني اختنك
وإذا تبتسم كلبي يحتفل
وإذا تكول اني تعبانه أني أنهار
شلون أكله إنّي حتى سكوتها أفهمه
وما استقبل أحد يجي يحجي عليها كدامي
نوب اروح اخبطها اني ولمنو الاخويه
شافني ساكت محب يلح
كامل : مو وقتها خليها تكبر.
حسن : يعني هسه هيه صغيرة اختها
أصغر وأخذتها كامل خطبها لي شنو من تكبر
كامل يحچي برزانة يحاول يفهم
رفضي ويفهمه و يفهمني
كامل :أيهم هو ما غلط يريد البنيه بالحلال
ليش ترفض بهالشكل
هي بعد ببيتنا وشفتها ع بالك من أهلهنا
وموضوع الخطبة مو عيب واحنه نحبها وهيه متعوده علينه شنو لي يخليك متمشي تخطبها
أيهم :مو عيب بس البنيه ما تريدحسن
مو بنظرها ولا قريب من مشاعرها ليش
يعذب نفسه ويعذبها ونتفاشل وياه خالتي
حسن : بس أني أحبها ما نتفاشل بس خطبها
لي أو رحت لو مارحت اخطبها اني
_متخطبهاااااا!!!ما ترييييييدك!!!
يابشـــــــــر افهــــــــــــــم!!!
البنيه ما تباوعلك ولا تحبك
ولا حتى تحلم تكون يمك!!!
ليش تضلمها وتضلم نفسك ويصيرون
أطفال بينكم
_كامل يحچي وهو يحاول يهدّي الجو
كامل : هدّأالحچي ما ينفرض لا من أيهم ولا منك
وشمس هيه تقرر مو جاي نقرر عنها كأنها
سلعةأكو باب نطب منه وإذا هيه كالت لا خلّص تحترم قرارها وتنتهي كالت اي نفرح لك لا تضل
تهوس وتصيح مو بالهوسه هيه وصوت عالي
سكت لحظة وباوع لحسن
حسن حنه راسه يتنهد ما رد ع كامل ضل
ساكت وطلع بهدوء
طلعوا خلوني بناري حسن رجع تفكير قرن
اليورره خلني اصفن بنفسي شلون شلون صار
كلشي هيچ
شلون گلبك يا أيهم دكَ لبنت اخوك يحبها
شلون خليت روحك تنجذب إلهاوإنت تدري
زين إن حسن يحبها
مو حب عادي مو إعجاب ذاك الحچي اللي
سمعته هذاك لإلحاح ذاك الوجع بعينه من
گال أريدها شلون راح اكسر كلب أخوية
لو أعرف أذبح حسن والله أذبحه ما أتخيّلها
تصير مرته ما أگدر أتخيّل وياه لحسن شلون
أشوفها وياه شلون أباوعهم هما سووهيه
نفس البنيه خاف عليها من كلشي اشوفها
_ لغيري تتعوّد على حضن غير حضني مجرد
تخيل احس نار بصدر وببنفس وقت حت لو
صير عكس اني مكدر اخذها واخويه يحبها حتى
لوحسن نسى حتى لو الدنيا سامحت أني ماأسامح نفسي مكدر اشوفه يتحصر عليها... .
شورطت كلبك كلبي يوجعني عليها ومنها
واخويه وياي اذيته قررت من ليوم
أبتعدما يصيرلو بقيت أضيع نفسي واخويه
وهيه لوراحت يمكن أنساهه هيه متعلّقه بيه
كلشي بيها يصرّخ إنها تحبني حت لمستي له
تخليها تضيع بيه
عيونها چانت تصيح تريدني خليتها تتعوّد ع
حضني على نظرتي على حناني وهيه ما تدري
إنّي مو إلها ولا أگدر احرك كلب اخويه ولا اكدر
خليها تدخل بهيج دمار
اذا أضلت أتعلق أكثر وهي تتأذى خايف أگول
أحبج وتتحول هاي الكلمة حمل ع كلبها مو دفى
فقررت أقطع الطريق أبتعد قبل لا تتعلق بيه
أكثروأموت أكثر وهيه تتعب اكثر
مررت يومين ابد متواجدت بالبيت حاولت بكل
طرق يتعد بس كلبي يوديني لها بكل طرق الكاه
نفسي يمها وتامل ملامحها وضحكتها
فقررت ترجع تبتعداكثر وافـضل لي
ولها اذا اضل قريبه مني نفس شي
رفعت تليفوني گبل مايحن گلبي و أغير
رأيي خابرت خالتي تأخذها اني مكدر اخذها
أيهم :سلام عليكم يمّه شلونكم أخباركم
ألام :هلا يمّه هلا الحمدلله الله
يخليك
أيهم : حمدلله يمه اكلج صار عندي شغل
طارئ ومكدرت أجيب شمس وتعرفين ولد
عدهم مشغل مرتبطين بوقت محد كدر
يجبها
ايهم : تجين تاخذينها وسيارة ابن عمي
ياخذكم ويردكم سامحيني خالتي والله غصب
عني
خالتي : هاااا هيه صبح يمكم خير يمه صاير
شي شمس سوت شي
أيهم : شمس وردة شايلتنه ع رواسهم هيه
ام البيت تريدين بااهل مخلصيها بالكاع
خالتي :حمدلله يمه بالي مسويه شي
ايهم : لا يمه وردة شمس
تعاي خالتي انتضرج صبح إن شاء الله
أشوفج
سديته وصفنت بكلام خالتي بس تريد تطلعها
موخوش جنت خايف من خالتي عليها تاذيها اذا عرفتها تحبني او عدها مشاعر لي مترحمها
وكعت اني ونارمحاوطتني من كل مكان
مجبور أتركها بس شمس
چانت الوطن وأنا ضعت بلاها...
⸻❁⸻❁✿❁⸻
غزل* *
يوم الجمعة...
ما أنسى هاي اللحظة بحياتي يوم حسّيته
أطول من كل الايام اللي عشتها
البيت كله هوسه دي جي هلاهل ضحك
امي لحت حت اروح لصالون اجهز نفسي
مثلااي عروس ومثلا ماجنت اخطط بس
احس شي بداخلي طفة ماردت غير يخلص
هذا يوم بس مومهم افرح مو مهم ارتاح
جبتلي امي فستان ابيض تول وبي ورد ابيض
وشال ابيض وحذاء ابيض صفنت بيهن وحجيت
غزل : ماما ليش كله ابيض شكو
ماما : ياماماغيرعقد لازم كلشي ع بياض
سكتت مارديت هيه اعرف رجعت صفنتي
سمعت صوت بت عمي ايات
ايات :غزللل ليش مرحتي حضرتي روحج
غزل :محبيت اني اعرف وراح رتب نفسي
تقربت عليه اكثر وحجت
ايات: :غيث يكول اذا متريد خطوبة هسه اشوف
شي شغله ولغي كلشي لمهم ماعقد عقد مو
برضاتها ولا اريد زوجتي مغصوبه عليه وياغزل
لا تنسين عقد مو برضاتج يعني عقد باطل
غزل :ابتسمت ع كلامها حبي ايوته اني لو مو
موافقه محد يجبرني بس نفسيتي تعبانه وروحت لصالون مو يم عقد
ايات : اذا هيج يلا تعاي
غزل : وين
ايات : نحضرج غير للخطوبة.
غزل :بس اني ماا.... بعدني ممكمل كلامي
دخل حيدر
حيدر : يلا عروستنه جهازة نروح
غزل : مكدرت اكسر خاطرة اكول لا هو
حيل تعب علمودي بس راد يشوف فرحة
بعيوني ابتسمت وكتله اي
ايات : يلا لبسي نطلع
حيدر : نتضركم بالباب
طلع واني رحت لبست صاية ولفيت شالي
طبيعي وايات كالت لي احذي ملابسج وغراضج هناك يجهزنج رحنا للصالون اول ماوصلنا كالت نحف لها يلا نسوي مكياج
حفت لي بس متت من وجع وسولي تنضيفات
وسرحت شعري لبست فستان عقد
خلت مكياج لي طلبت منها مكياج يكون هادئ وقليل ماعترضت وفعلا مكياج هادي وقليل
وايات هم تحضر بروحها كلت لي
ايات :قل اعوذ برب فلق من شر ماخلق
غزل : بتسمت لها شسالفه يمعودة.
ايات ماشاء تجننين يحفضج الله بحق ال بيت
رسول الله ويسعد غيث وياج مشلوع كلبه
ايات : لبسي برنص غزل
غزل : ليش هو فستان طويل وردن ليش
اخنك نفسي
ايات : صخام صخمني والله يشهرنا اذاطلعتي
بهذا وجهج
غزل : كلت بكلبي فوك كل هذ معقدكملت
سبحة ياغزل
ايات حاجت ام صالون تجيبلي برنص جابته تريد
تلبسني دك جهازها ردت عليه طلع غيث كالت
له كملنه بس لبسها بنرنص ونطلع سكتت شويه وكالت يلا انتضرك هزيت لها راسي بمعني شنو جاوبت
ايات : يكول تركي اني جاي اسوي لها
غزل : ياعزه ليش هو يسوي لي ويشوفني هيج؟
ايات: ترةمرته راح تصيرين
و لبسج تمام واذا ع شعرج خلي هذا بنرنص
عليه ومن يجي نفهم شيسوي هو
سكتتت مارديت عليه صفنت وذكرت امها
ماشفتها كلت له ايوته
ايات : هااا عيوني
غزل : امج ماشفتها وين
ايات : تعرفين خطار وهوسه هيه ملتهيه بيهم
حسيت جوابها بي توتر تركت موضوع دك جهاز
ايات ورحت جابته واجه صاحتني ايات نوكف يم
باب بي بردة
وكفت هو اجه ايات سدت بردة علينه ومشت
اني ضليت ارجف من مستحه وخوف مكدنكه
راسي اشوف بس حذاء من كد مانضيف صورتي طالعه بي هههههه
امد إيده للبرنص الأبيض وغطه راس وشد
ولفّه على شعري ونازلل عيونه ثبتت على
الحمرة بشفتي
يحجي هو مركز ع حمره لي بشفتي
غيث : من هسه صرتي إلي كلج إلى محد يشوفج غيري.....