رواية شمس الايهم الفصل الرابع والثلاثون 34 بقلم شهد الدليمي
وانا حبيتها وخفت الله بيها
واكثر من اهله ارجف عليها
حجاية نطيتها وحجايتي
عكال عدنا لبت حمولة نشتريها
واخذت وين لعكال مامدنك
ينطون اهلها يرفضونه ندك
زلمة ع يحبها يعارك يطك
ياخذ رايته ويفوز بيها
واخذتهاا ومن اخدتها الله
احساس احس بس هيه
يمي وخلصوا ناس...
❖❀❖❀❖❖❀❖❀❖
فتحت عيوني بكسل بعدني غرقانة
بذاك الشعور اللي يخلي الروح
مطمئنةحضنه بعده موجود كلشي
يبرد بيه
ضحكت بخجل حسيت بعدني
مو مستوعبة شلون هالليلة چانت
شلون صارت واقع مو حلم
أول شي شفته وأنا أفتح عيوني
هوه وجهه نايم ملامحه هادئة
مثلا طفل.
بقيت أتأمله ثواني عيوني مامليت
منه مدّيت إيدي بحذر ولمست
شعره كبل فتح عيونه وابتسم
ايهم : صباح الخير شمسي
شمس : صباح الورد ما شبعت نوم
ايهم : شبعت النوم بس منج ما شبعت
ضحكت وأني وجهي بحضنه وهو شدني أقرب له
شمس : ايييي من الصبح بلشت تستفزني
ايهم. : لاحبيبي من الصبح لازم
تسمعين چم كلمة حلوة علمود يظل يومچ كله ورد انتي ولبطنج
مد إيده مسح ع وجهي
ايهم : اليوم أول يوم ببداية حياة جديدة وياچ وياه بناتي بس
شمس : بناتي ؟
ايهم : ان شاء الله بنات
شمس : ليش
ايهم :ماريد رجال بحياتج غيري
راح تحليني لطم ايهم ابنك هذا
تغار منه
ايهم : وربي كون بس بنات يصير
عدنه
رجعت خليت راسي بالمخمدة
مادري شلون غفيت حسيت بي
يندس بيه
ايهم: كومي شني ميته نايمة ع
بطنج جعصتهم للجهالي
نام يمي ونومني ع ضهري قربني
لحضنه
شمس : هااا شتسوي
ايهم. : أتأكد إذا بعدج عايشة لو لا
شني ما تتحركين
شمس : آني تعبانة تريدني
أركض يمك
ايهم : إي أريدچ تركضين بس
باتجاهي
شمس : صاير خوش تجاوب
لازم إيدي ويطبع عليها بوسات
_وإذا گتلج أحب چفوفج أكثر من
روحي
بتسمت وكمت كعدت هو كعد
وراي لعب بخصلات شعري يسولف
وهو يتعمد يقرب صوته يم أذني
ايهم : تتوقعين يطلع يشبهني
لو يشبهنج
شمس :الله ويطلعن يشبهن بعنادك
ايهم :عنادي هههه زين إذا طلعن
يشبهنج بچمالج هيج آني ضعت
بعد
ضحكت وگبل ما يكمّل لازمت
بطرف المخدة وضربته بخفة
هو رفع إيده يتظاهر بالألم
ايهم : خرب بـ ابوججج
كام وكف وسحبني يلا غسلي
وتعاي وراي بسرعه
رحت غسلت ورجعت لكيته
منتضرني لازمني من إيدي
وگالي
ايهم: تعالي عندي إلج شغلة صغيرة
قبل لا نبلش يومنه
مشيت وياه للحديقة أول مادخلت
راحت عيني ع مرجوحة معلگة
بين شجرتين
شمس : مرجوحة هاي
ايهم : إي هاي سويتها إلج قبل
لا أفكر أبني البيت چنت أفكر بيها
گلت أول ما تجين تلكين المرجوحة مالتج
حسيت نفسي طفلة صغيرة ركضت
بسرعة وكعدت بيها هو وگف وراي
دفعني بهدوء والهوه يلعب بشعري
شمس : شوية سريع طيرني
ايهم : وين تطيرين أني ألحكج
وأرجعج لحضني
ظل يدفعني وكل دفعة يقرب
وجهه يهمس
ايهم : أشوفچ سعيدة هذا كل اللي
أريده من الدنيا
نزلت من المرجوحة ورحت صوبه حضنته
شمس: شكراً شكراً ع كلشي تسويه إلي
ايهم : لا تشكريني بعدني ما بديت
كل يوم إلج مفاجأة جديدة إنتي تستاهلين الدنيا كلها
ظلينا نتمشى شويه بالحديقة
وهو يمي كل شوية يباوع عليّة
ويبتسم
قرب الحنفية غسل إيده ومد
صوندة يفتح مي للزرع جنت
صافنه افكر شوكت لحك يسوي
هذا البيت محس غير برشة مي
عليّه كبل صرخت
شمس : لا ايهم شتسوييي ماعدي ملابس
ايهم : تحرش بيج شسوي
لبسي مني هسه انتي مو لبسه
مني
مديت إيدي بسرعة اخذت صوندة. ورشيت عليه صارت مطاردة هو
يرش عليه واني أركض وهو وراي يضحك المي يتطاير بيناتنه لحد ما
ايهم ورفع صوته
ايهم : شمس لا تركضين حبيبي
ولج جهالي مو زين عليهم
وكفت بمكاني أتنفس وأضحك
بعدني گبل لا أگله شي إجا ركض
يمي
ايهم : آني أريدچ تضحكين وتلعبين
بس مو لهدرجة أنتي مو وحدج
هسه عندچ ضيوف صغار ببطنج
شمس: نسيتهم
ايهم : فرحتچ تكفيني بس وعديني
من اليوم ما تتهورين آني أخاف
عليچ أكثر من نفسي
هزيت راسي ب اي
شعري وملابسي ناكعه هو باوعلي
وكال
ايهم: هيچ أريدج دوم تضحكين
يلا كولي بدلي لا تتمرضين
وسوينه ريوك
شمس : تمام اسبح هم
طلعت من لحمام رحت المطبخ
سويت ريوگ بسيط ريحة الشاي
عطرّت الجووعيوني كل شوية
تروح صوب ايهم وهو يكلب
بتلفزيون كل مايدك جهازه يسوي
صامت ويعوفه
شمس : ليش مترد خاف يسألون علينه.
ايهم. : عوفينه بلا وجع راس
أني دا حجي تلفونه رجع يدك
لمحت ع الشاشة اسم
"حر يتصل
شمس. : رد يمكن شي مهم
هو رفع راسه وباوعلي
ايهم : إنتي ما تهدين شنو الفضول
هذا عوفيهم
شوية و اتصل كامل ايهم رد كبل
كامل يحجي ويرزل بي وهو يحجي
برود
ايهم : خلص جازاتي ورجعها
كامل : شنو... تخليها يمك؟ رجعهاا
ايهم: قسم بالله إذا تضلون هيچ
بعد ما تلمحون خيالها
كامل : رجعها ومن تنزل نسويلك
عرس وفضنهه عيب من حر واهله
ايهم : شيريد مني مرتي ترة
اول وتالي ماخذها
كامل : اي احذها بطريقة رسمية
رجعها ايهم لا تخرب ع روحك
طلع برة يحجي اباوعله يحجي
بحركة وياشر بيدة شويه واجه
كعد بمكانه
ذكرت جهازي تلفتت له
شمس : وين جهازي
ايهم : ضميته خلينه مرتاحين
مرتاحين يعني ماكو رسائل ماكو
سوالف تسوي صداع أريدج إلي
وبس.
شمس : رجعنالغيرة
ايهم : مو غيرة بس أني تعبت
وهسه إنتي يمّي ما أريد أي شي
يلهيج عني
شمس : نطينيه اشوف غزل
خطية اليوم عرسها
ايهم : هاج بس إذا شفتچ مشغولة
بي أكثر مني أرجع أخذه
اخذته منه كبل اتصلت ع غزل
كبل ردت
غزل : ها شمس شسولج هذا
ثور شو ختفيتي شبيج حجي
شمس : دصبري نطي مجال
فهمت غزل ولحت عليه اجي
واذا ماجيت تزعل بس بجي
مابجت
كوة شلعتها من جهاز وايهم
كل شوية صاح ريوك لو باجه
سديته منها واخذت ريوك
ورحت له دانتريك خلص
وكعدت أفكر شلون أكوله
يوديني للغزل
رحت للمطبخ وديت لصينه
غسلتهم ورجعت ع سريع
وكفت يمة
شمس : ايهمي
ايهم : ماكو روحة شمس
شمس : ليش
ايهم : خليني أشبع منچ
صرت أقربله بدون كلام
يدي على خده حباب خليني
أروح خطية هيه ما عدها
أخوات.
باوعلي بنظرة مليانة حنية
ايهم : بشرط تجين تباتين يمي.
شمس : شبيك ايهم؟ وحر؟
ايهم : لا تخليني أسب حر...
كليله هو اخذني غصب اني وياج
نكمل حفله سوة ونرجع لهنا
هزيت راسي ب اي بس اريد
يقبل يوديني وهيه تصفى
شمس : ماعدي ملابس وديني
يمامة
ايهم : اني اشتريلج من طلع
شمس : وين نطلع
ايهم : شغله نخلصها سوة
شمس : اي حجي شني شلعت
كلبي ترة
ايهم : روحي بدلي وتعاي وافهمج
تقريبا صارت ساعة 11
شمس : وين نروح هسه
ايهم : بدلي هسه
بدلت لبست صاية وشالي وطلعنه
من البيت وصلنه لمبنى المحكمة
ونزلنه من السيارة
شمس : شعدنا بالمحكمة
ايهم : نعقد المحكمة لو ضل
وراه حر ألف سنة ما أعقد بعد
ابتسم لي مد يده وخليت ايدي
بيده دخلنه سوه للمحكمة
وهو ما فارگ يدي لحظة
كلشي تم بسرعة هو مخلي محامي جاهز مجرد واقعنه يم قاضي
وكلشي صار أسرع من ما توقعت
خرجنه من المحكمة وكلشي صار
سلس وسريع بس الابتسامة ما
فارگت وجهه ويده بيدي
خلصنه من محمكه اخذني للمحل
يشتريلي ثوب لان ملابس ماعدي
يختارلي شكو شي مايناسب جسمي
جبير ويلعب نفس
كوة اخذت فستان لونه كريمي
ردنا وطويل ولفصال بي مركزين
ع خصر واخذت مكياج غراض
احتاج استخدمهم
هو عده شسوار بالبيت واصلا راح
لبس حجاب لان عرسها قاعه مختلط
مو مثلا حنة
بسيارة ايدي بيدة وكل شوية
يرفعها يبوسها
ايهم : ناخذ غدة لو طبخين لنا
شمس : اكيد تاخذ
باوعلي وبتسم شوية وطبك يم.
مطعم وراح جاب غدة و اجه
ايهم: شوكت عرس مهجومتج
شمس : ساعه 4
ايهم : لعد زفة شوكت
شمس : هو ياخذها من صالون
للقاعه وراها فندق
ايهم :ماتضليني يمي ونخلص
يوم سوة
شمس : ايهممم
ايهم : خرب بااهلج سكتييي يلا
وصلنه للبيت اخذ غراض للمطبخ
رحت بدلت ولبست من عده تشيرت
يصيرلي داشداشه
حضرت غده وكملنه صارت
ساعة 2 كلت ابلش احضر نفسي
راحت سبحت وسويت شعري
ومكياج خفيف ومرتب وصارت
ساعه 3 كلت اروح اشوف ايهم
وين يحضر روحه
دخلت للصاله هو مركز بجهازها
شمس : ايهم
رفع راسة باوعلي وخزرني وكام
ايهم: ترحين هيججج
شمس : لا لبس فستان الشتريته لي
ايهم : خرب بفهوتج اقصد ع
خلقتج اكيد ماطلعين بتشيرتي
شمس. : شبيها خلقتي
اجة يمي وخله يدة ع خدي يمسح
ع خدي بصبعه الابهام ويحجي
ايهم : روحي غسلي وجههج
وخلي يوم يعدي ع خير
شمس : ترة عرس
ايهم : لا تكليلي عرس واذا عرس
اشد كرون مطلعج هيج لقاعه مختلطه
شمس : ترة ممخليه طوخ ورح
لبس شال وانتي يمي مافرك عيونك
احسيته قتنع خليت رجلي ع قدام
رجله رفعت روحي بسته بصف
شفته
بحركة سريع رفعني من الكاع مثبت
يدة جوة راسي وثانيه ع خصري
ونزل راسه خشمه ع خدي وهمس
ايهم : انتي تتحرشين بيه
كمت افرس اريدة ينزلني هو يمشي
للغرفة ولا كن احجي
شمس : لا حباب ايهم نتاخر والله
ايهم : شكو تتحرشين اذا مو كدها
توبة بعد ماسويها كلت اصير
رومانسيه لان قبلت
نزلني ع جرباية ردت اطفر سحبني
من رجلي مدد ونومني ع صدرة
كل مارفع راسي يرجعني
شمس : عوفني راح نتاخر
ايهم : بعد وكت نروح بـ 5
ع صدرة يمرر ايدة ع طول
خصلات شعري وساعه ع وجهي
مادري شلون غفيت فزيت نايمه
هو وراي نايم مدخلني بي وراسه
بركبتي اول مافتحت عيوني ذكرت
غزل طفرت هو نز
ايهم : خرب باابوج ع هاي
طفرة جهالي شضل بيهم
ساعة بيش لو بس صار ليل
ومارحنه شو هاي غرفة ضلمة
ركضت ع جهاز ساعه 5 ونص
كعدت ابجي كل من وراك مارحنه
هسه تضل تبجي خطية
هو عاكد حاجبة احسيت روحة
بخشمة اخذت جهاز اتصل مدري
عليمن كام وكف راح للكنتور وهو يحجي
ايهم : كومي حيدر يكول هسه
اجتي
كبل كمزت بدلت ثوبي ورتبت
مكياج وشعري وإيهم واقف كدامي بكامل أناقته لابس قاط أسود يفصّل جسمه بطريقة تبرز عرض اجتافه
وربطة العنق السودا مكملة هيبته
شعره ممشط بترتيب وعيونه يلمعن وكعت عيوني عليه حسيت بنبضة
كلش نبهرت بجماله بوقفته وبالهيبة
اللي يفرضها من غير ما يحجي كلمة.
إيهم باوع بعيوني وهو مبتسم
إيهم: أدري بيه حلو لا تباوعين
هيچ نبطل مانروح
شمس : منو مباوع عليك انت
قرب مني بخطوة مد إيده سحبني
صوبه وبوسني من راسي بلمسة
كلها حنية
إيهم : أوصيج ع نفسج شالج
تحافضين عليه وماكو ركص ولا
أريدج تبعدين تضلين يمي إيدج
بإيدي لحد ما نرجع
هزيت راسي بـ اي
ايهم : يلا نطلع
كملت لفت شالي وكتله يلا
باوعلي من فوك ليجوة وياشر عليه
ايهم : هيج تطلعين
شمس. : ترة طويل وردن ولبس شال
ايهم : لبسي صايه
شمس : ترة سيارة بالباب شكو
لبستها وارح نزعها بالقاعه
ماعجبة بس مابيدة شي خلة يدة
بيدي قفل بيبان صعدني بسيارة
هو صعد
ايهم : حر يكلج تعاي وياي تجين
عليه كبل ماتروحين
شمس : عيب منه
ايهم : ترة هسه نرجعع مو تفقنه
يمي ضلين
هزيت راسي ب اي لان اذا ضل
ناقش يرجعني
وصلنه للقاعه هوسة يم بابها
وجماعة غيث يركصون بالباب
صوت بوق وطبل تارس دنيا
باوعلي وخزرني
ايهم : تعاند مالبست هسه شلون
تنزلين ويباوعون لججج
شمس : منو بحالي
ايهم : سكتي سكتي ماكو نزله
إلا يروحن
شمس : ماروحوا بعد ساعه
ايهم : ماكووو نزله كدامهم
سكتت اخذ جهاز شفت رقم مكتوب
عليه حيدر تصل عليه ودك شقة
وضحك وسوالف صفنت
هذا مو شبع كتل منه شو دايضحك
وياه شوية وطلع حيدر من قاعه
حجاهم تمشوا شي بعيد ونداروا
ع جهه ثانيه ونزلت اني وصعدت
كبل وايهم ضل يم حيدر
اول مافتحت الباب هوسة
هواي ناس مو مثلا حنه رحت
لكوش اول ماشفته عاطت بيه
غزل :كلت بس اروح حضرها
ضحكت رحت بوستها وباركت
لها طالعه تجنن وبداله بيضه
تجنن عليها
وغيث يمها سلمت عليه وباركت
له اشرت لي رحت يمها
غزل : ثور اجه وياج
شمس : غزل اسمة ايهم شبيجج
غزل : دحجي
شمس : اي
غزل : اخوية مسويله كمين بس
يجي يدز ع حر بلكت يكتله
شمس : عزة لا مايكتله حر
غزل : شو بتسامة شاكه حلكجج
خير
شمس : باجر اتصل كام واشوف
الابتسامة مالتج هم
كبل لطمتني ع يدي واني صحت
شمس : يمة جهالي
غزل : جهالج بجتفج كومي ولي
رحت كعدت قريب عليهم بدت
فعاليتهم بالي مااجين اهل حر شوية وشفت يمامه وامها ورحت لهن اول
ماشفتني ام حر دك رزايل شلون
اروح وياه وخلي حر مفرفح
خفت ع ايهم خاف كلام غزل صح
اتصلت ع ايهم مايرد مرتين ثلاثة رد
ايهم : حبيبي شمسي
شمس : وينك انت حر يمك
ايهم : اي يمي
شمس : اكو شي سولك شي.
شو هذا كبل عاط بيه ورزلني
وسدة بوجهي ضليت مصدومة
شحجيت اني هسه
❖❀❖❀❖❖❀❖❀❖
غزل
بس طلعوا اهل حر كبل نمت
كعدت صبح ع اتصل من غيث
غيث : غزولتي نايمه
غزل : امم
غيث : كومي ساعه واجي اخذج
وراي كومة شغل لا تتاخرين
_ساعات بس وتصيرين كبالي وبيتي
غزل : كايمة حبيبي
رحت سبحت وبدلت ونزلت
هوسة وامي داسوي ريوك لخالتي
وحيدر فوك راسها يحجي وياها
حيدر : يمة حجي امها اليوم
شوفيها ينطوها
ماما : حجيتهم كالت تدرس صغير
حيدر : تكمل هنا يمي لو نعقد ونتضرها
غزل : شبيك متوازي
حيدر : خليني محترمج لان عروس
دخل حسين وعلي
حسين : هلا بعروستنه
علي : شكل عروسة هاي ضاهر احنه
ضحكنه ع غيث خلي يبريني ذمة.
حسين لطمة ع عباته وكال
خاب تروحلها فدوة انت وغيث
كبل رحت حضنته وبوسته وعلي فتح ايدة وكال
علي : واني
غزل : خل غيث يحضنك
حيدر وحسين : ضحكوا بصوت واحد
تريكت شويه واجة غيث طلعت وياه
ويمه اخته وصلنه للصالون وصه
اخته بس نكمل ندك عليه وكون
بسرعه متاخرنه لان ورانه تصوير
دخلت للصالون شوية ودك جهازي
شمس من شفتها شمس كبل رديت
وحلفت اذا ماجتي اموتها هيه وثور
مالتها
بس هيه كالت اجي تقريبا كملت
كلشي وتغديت
لبست بدلة عرسي بيضة صافيه
مثل الثلج قماشه مطرز بخيوط
لؤلؤ ناعمة وبكل حركة يلمع بلمعة
هاديةالبركع مالها طويل ومثبت
ع تسريحه ينسدل وراي مثل لوحة ضامه جسمي بنعومة ما بيها أي
مبالغة بسيطة
تسريحة شعري سويتها مرفوعة
مرتبة وكم خصلة ناعمة منزلة ع
جنبي يطيّن أنوثة مكياجي خفيف
بياض وجهي يبين عيوني محددة
بكحل بسيط ورموش طويلة وشفايفي بلون وردي فاتح من شفت روحي بالمراية حسيت شكلي تغير جذريًا
خلصت وإخته خابرت ع غيث
إجه لابس قاط رسمي أسود بخطوط القميص أبيض والكرافة مرتبة شكله كلش مرتب
من شافني قرب علي واخذ برنص
من ايد اخته باسني براسي غطى بوجهي بهدوء وكال وهو يضحك
ـ شدعوه هيج حلووة غزالي
ضحكت وعيوني نزلتها ع لكاع
صعدنه بالسيارة غيث كلش فرحان
عيونه تلمع من فرحه وصلنه يم
المصوّر، نزلتني اخته من السيارة
هو لازم إيدي وهي تساعدني لأن البرنص مغطي وجهي
ويا نزولي صوت البوق والجماعة يهوسون ويصفقون الشباب يركصون كلشي ما دا أشوف برنص يغطي
وجهي بس أسمع هوسات جماعته
يهوسون له
وصلنه يم المصوّرة الكل يهوس
ويصفق غيث وكف مقابلي بإيده شال البرنص ببطئ وعيوني عليه
من شال الغطا صارت لحظة ساكتة
بقى يباوعلي ضحكته تهز كلبي
وكال بصوت همس
ـ سبحان الخالق شلون صرتي ملاك
بالابيض
المصوّرة صفكت بإيده وكالت
ـ يلاا حبايبي أول لقطة
غيث ضحك مد إيده بلطف مسكني
من خصر يقربني إله وأنا كلش
محرجة هو حط إيده الثانية ع وجهي يرفع وجهي شويه للكامرة
وكال
ـ باوعيلي خلي أشوف عيونج
المصوّرة تباوع علينه وكلت
ـ اول عرسان مايشلعون كلبي
حيل رومانسيين
غيث ضحك،وقرب راسه على
ع راسي صورة ثانيةوراها حط
بوسة خفيفة ع راسي والمصوّرة
ما ضيّعت لحظة
إخته ايات من بعيد كالت له
ـ غيث لا تحرجها تره تستحي
هو يباوعلي ويضحك
ـ خلي العالم كلها تعرف شكد أحبها
المصوّرة تبدل الوضعيات
مره هو وراي ماسك البركع يفتح بيده وينسدل مثل جناح صورة تطي جمال مو طبيعي مره خلاني أوكف بوسط القاعة وهو يلزم إيدي ويضحكلي وانا عيوني تنزل ع الأرض من الخجل
آخر لقطة غيث سحبني بحضنه
كلشي نسيت الهوسة بعد ما أسمعها
غير ضحكته وحنيته وعيونه الثابتة
عليّ
غيث صاح ع اخواني واهلي واهله
وبصوت همس يكلي
ـ لبسي البرنص
غزل : اخواني غيث...
دخلوا الأخواني واخذنا كم لقطةويا بعض ويا أهله وأهلي المصوّر ما
ضيع لحظة كلشي جان مرتب
وراها انتهى التصوير وطلعنه من
الاستديو للقاعة
ركبنا بالسيارة غيث يركص ويهوس ضحكته تملأ كلشي حواليه وأصوات والبوق يهوس بالشارع وصلت
السيارة للقاعه دخولية مزينة ورود
بيضة وديكورات فخمة كلشي مرتب
بكل ذوق
اوأهلي ويا أهله وهوسات وهلاهل
غيث لازمني من يدي يقربني إله
بخفة ويهمس باذني
ـ حلمي صار حقيقة
ضحكت وعيونة تلمع من الفرحة
عيوني جانت تدور بشمس كلشي
يمي موحود بس كلبي مركز عليها
شفت يمامة وامها اشارت يمامة
اختي سئلته ع شمس مالت
ـ مندري بيها من بارحة؟
تقربت لي همست يمامة بخجل
ـ ثور ماخذها وخانس بيها
غزل: صدقتي ورب الكعبة
يمامة : عروس جيس حب
ولي منا خابريها الله عليج شوفيها
وين هسه بطل من عرس
غيث : شتبطلين كلبي
غزل: مو من شي هيج بينه
باوع يمامة تضحك عليه مرت نص
ساعه بس نصور كل ساعه واحد يجي ونصور وماشفت شمس صدك
نقهرت
صارت ساعه 6 ايست كلت ماتجي
جان شوية وتدخل ماشاء الله يوم
عن يوم تطلع تجنن مرت الثور
كعدت يمي شوية من بدات فعاليات
عرس راحت كعدت قريب علينه
عفت غيث وعرس ومركزه وياها
وغيث كل شوية ندسني اخر شي كال
غيث : وعلي راح اكوم اطردها
غزل : مو حامل اخاف عليها
خازرني ماعجبه شوية واجه كعد
يمها الثور اخذها من يدها وكعدوا
بمكان بعيد مابي هوسة حت بهاي
خبيث
ابتدت الأغنية الهادية صوتها يملأ
القاعة حسيت الدنيا كلها سكتت
بس تبقى النغمة وغيث مد إيده
بلطف لازمني من خصري يقربني إله ببطئ ويده الثانية شبكت بإيدي
حركاته كلها حنية كل ما يلمسني يخليني أذوب
احطيت راسي ع صدره وخليت
خطواتي تمشي ويا خطواته
شوية وأني وياه لمحت أيهم
وشمس بنص القاعة يركصون سوة شمس مبينة خجلانة بس مبتسمة
وأيهم منزل روحه إلها متوحد وياها
كأن العالم كله مو موجود حركاته
وياها يلفها ويضحك وياها وعيونه
بس عليها
المعزيم كله تباوع عليهم النظرات
كلها صوبهم بس هُم الاثنين فاصلين غركانين بعالمهم مثل ما أني وغيث غركانين بعالمنا بالك هم عرسان
مو احنه رجعنه لمكانه وهما ضلوا
عيوني ما كدرت تترك شمس وأيهم الأضوية كلها التفتت عليهم صارت مسلطة بس عليهم
شمس صايرة حمرة من خجل وكل
ما أيهم يقربها تبتسم ابتسامة تخلي وجهها يضوي أكثر من الأضوية
ثور لا هذا مو ثور اللي نعرفه هذا
واحد ثاني فاصل وياها عيونه
ما يشوف غيرها إيده لافه بيدها
ويده الثانية يحركها بخفه يرد
يرجعها يحضنه خطواته واثقة
الناس كلها سكتت حتى الموسيقى
بينت أوضح وصوت نقطع والأنظار عليهم شمس وأيهم صاروا محور
القاعة كل يتفرج وهما هم ما
شايفين غير بعض فاصلين بعالمهم
كأنهم وحدهم بالكون
مرّت ساعة بسرعة كأنها لحظة
وخلص وقت الحفلة صوت الهوسة
ارتفع أكثر و طبل وهلاهل العالم
كله كامت تنسحب ويصعدون
بسياراتهم
صعدتني امي و غيث عيونه
ما تفاركني كل شويه يمد إيده
يعدل البركع لو يمسح ع خدي
السيارات كلها ورا بعض شارع
قافل أصوات البوق والهوسة
بالشارع
ورا شويه وصلنه للفندق والزفة
كملت ودخلنا جناح مرتب للعرسان الغرفة مزينة ورد. شموع صغيرة
موزعة بكل مكان والجو كله ريحة
مسك وهدوء حسيت كلبي يدك
بسرعة من خوف وشعور جديد
امي وخالتي وشمس صعدن وياي
شو هسه يلا حسيت بالخوف جلبت بشمس
ولج شمس بطلت اخذيني وياج
شمس : دانلعب وبطلتي شو نجبي
ساعدتني ابدل ونزعت بدله لفتها
وخلتها بجنطة لخاص بة ونطتها لامي نزلت بيها وهيه دخلت غسلت
طلعت لي واني صافنه ع ركبتها
غزل : عزه هذا ثور شمسوي بركبتج
شمس : غزل شجلبتي بطلي تكولين
هيج
بوستني ونزلت شوية واجة غيث
بالك اول مرة اشوفة مدري شبية
شعور خوف ع توتر دخل اجه يمي
سحبني له باسني براسي من شافني
خايفه بتسم اخذ ملابسه وراح للحمام
شوية ونسد المي طلع ينشف بشعرة
ويحجي طبيعي حت يغطي ع خوفي
بعد ماتعشينه كعدنا سوى يحاول يخليني أرتاح ويبعد عني التوتر ضل يحچي سوالف يضحكني ويذكرني بمواقفنا القديمة حتى ينسيني رهبة اللحظةكلشي جان بسيط بس كله حب وحنية
تلك الليلة ما حسيتها طويلةحسيتها
حلم كعدنا نحچي نضحك ونخطط لأيامنا الجاية واني بيني وبين
نفسي كل شويه أباوع عليه وأكول
_ سبحان الله غيث صار زوجي
وصار هسه كل حياتي وجنت قبل
اذا اشوف استعيذ بالله من خوفي
الليل غير شكل جانت حسيت
كأنه الدنيا كلها سكتت إلناالغرفة
هاديه بس الشموع تلمع وتنطي
ضوء دافي والورد معطر الجو غيث
جان كبالي يباوع عليّ وكأنه أول
مرة يشوفني
مد إيده لمس إيدي حسيت بحرارة غريبة توصل لكلبي ما جانت لمسه
عادي جانت بيه كل الحنية كل الأمان مسح بخدي بإبهامه وكال بصوته
همس
ـ غزل إنتي حلمي وماصدك حققته
إيده مرّت ع شعري فك التسريحة المرفوعة ونزل شعري عكتفي وضل
يمرر أصابعه بيهن كأنه يرسم طريق
أمان إلي قرب جبينه ع جبيني
وهمس
ـ الليلة تبدي حياتنه الجديدة
أنفاسي اختلطت بأنفاسه كلبي يدك بسرعة بس غريبة ماكو خوف
لمسته تحولت لطمأنينة وصوته
كان يطمني أكثر من ألف كلمة
❖❀❖❀❖❖❀❖❀❖
شمس
بعد ما زفّينه غزل وغيث نزلت من
الغرفه وصار كبالي نظراته وكال
ـ صير وراي الشارع متروس شباب
إيده لازمت إيدي مشاني وراه كأنه
حاجز بيني وبينهم كل خطوة
عيونه تلتفت عالشباب
وصلنا للسيارة فتح الباب بيده
صعدني بسرعة قبل لا يسد الباب نزل راسه وحجه
ـ شمس مأوصيج ع نفسي يمج
صعد حر ومشى وضل هو وكف
بمكانه لي فهمته من ام حر متعارك
هو حرلان اخذني وهو مايريدموضوع يتأزم اكثر رجعني وياه
كلت بكلبي حمدلله خلصت وصلنه
للبيت دخلت للغرفه سبحت وبدلت
ودخلن ام حر ويمامة طحالي دك
رزايل
شمس : عمة داتضلميني اني شعليه
هو خطفني
ام حر : واضح من ركبتج خاطفج
يمامة : في منتصف جبهه
وهاي ميته ضحك واني مفرفحه
احلف لها مادري بي من اخذني
بالي يوديني للبيت
اخر شي راحت واني لفيت راسي
ونمت كعدت بـ 11 محد كاعدني
ليش طلعت برة واشوفلك ام حر ويمامة مخبوصات
شمس : شكو منو راح يجي
ام حر : مشية مالتج بـ 3
شمس : مشية مالتي
يمامة: نيالي هاي ماتدري
شمس : غير تحجي شكو
يمامة : من بارحة ايهم كال لحر
نجي بـ 3 نطلبها رسمي منك
واذا ماقبلت احرككك انت ومضيفك
ام حر : والله حيل بيكم
اني ويمامة بصوت واحد عطنه
شكد اختلافيههه ردت تضربنه
فلتنه
حبيت اشارك وياهن بتحضيرات
بس مايقبلن
يمامة : عدج فقر دم بس تعبين
يصير عدج خفقان
ام حر : كعدي يمة ماعدنه شي
شمس : عمة عاد اسوي غدة
صفنت وكالت يلا سوي ولا تعبين
روحج رحت لمطبخ واني اشكر ربي
ع عوض لي عوضني بي اخت حنون
وام احن صح مو امي بس حسيت
بيها هيج مدة قصيرة كعدت يمها
وحسيت باامومة والحب
سويت غدة وهنا كملن تنضيف
وحضرن ضيافه واني غسلت ماعين
غدةونضيف مطبخ صارت بـ3
دخلت للغرفة لكيت يمامة شايل
قفطان ابيض وبي فضه كلش حلو
حركت لي حواجبها وكالت
يمامة : ايهم دزة هنا وذني غراض
باوعت ع جربايه جهاز خطوبة
كامل وذهب بتسمت اخذت
جهازي اتصلت عليه ميريد
كلت مشغول
يمامة ساعدتني لبس قفطان
وسوتيلي تسريحت شعر بسيطة ومكياج خفيف
يمامة : ع يدي وهيج تجننين لو رايحه صالون تصيرين شكين شك
لزمت خدوها وبوستهن كتلها عيونج
حلو تشوفني حلوة مثلهن
شوية ودخلت ام حر تصلي ع نبي
وكعدت يمي ودزت يمامة برة
وكالت
ام حر : شنو رائيج بحيدر اخو غزل
شمس : والله خوش ولد ليش خاله
ام حر : امة طلبت يمامة
شمس : نطيها خاله حيدر وردة واهل
غزل خوش ناس متلكين مثلهم
ام حر : صغيرة بعدها
شمس : خل تعقد بس ومن تكبر
زوجيها لان والله حيدر ميتعوض
ام حر : نشوف حر وان شاء الله
خير
شوية وسمعنه صوت حر
حر : يمة وصلوا قريب كلشي
تمام
ام حر : اي يمة
علت أصوات الزلم من بره هوسة
اجتني يمامة متحمسة سحبتني
من إيدي وتكلي
يمامة :كومي شوفي مشية جايبها
أيهم لج
مشيت وياها وباوعت من شباج
المطبخ صوب الباب
أشوف صف طويل يدخل كله
شيوخ وشباب مرتبين لابسين
دشاديش بيضة ناصعة
جفيات
ملونة ع روسهم كل واحد يوكف
يسلم ع حر وابوحر وشفت ابوية واخوية عدي هم وياهم نقهرت
يعني برة وماصحولي اسلم عليهم
ضلّت عيوني تتنقل واحد واحد بس كلشي انمحى أول ما شفته آخر
واحد دخل أيهم
لابس زي عربي كامل دشداشة بيضة وجفية مرتبة ع راسه وبشت أسود
مطرز ذهبي مرمي ع جتفه يمشي بخطوات واثقة رافع راسه عيونه
كلها هيبة حرفيًا طلع يمووووت
هاللحظة نسيت الهوسة نسيت العالم
ما ظل غيره كأنه شيخ من شيوخ العشيرة داخل مخصوص بس إلي
❖❀❖❀❖❖❀❖❀❖
حر *
أيهم جان يمشي كدامي وإخوانه
وياه كعدوا بالمكان المخصص
وبعدها صارت السوالف الرسمية
الشيخ رفع صوته وكال
ـ تره اليوم ما إجينه إلا للخير وجينه نطلب بنتكم شمس لابننه أيهم
ابو حر : ونعم منكم ومنه واحنه
منطي مراه
اعتدلت بكعدتي وحجيت بهدوء
_هاي كدام هاي وجوه طيبة أني
راح أنطيك اختي بس اسمع إذا
بيوم كاسرت خاطرهاوالله أكسر
ضهرك
أيهمم نظره عليه وحجه
ـ على راسي إذا الله طول بعمري
ما أخلي دمع تنزل من عينها
وكامل رد بثقة وبصوت
ـ أني وياك حر أكسر راسة
جسار : اني رجال مسالم اخاف
ع روحي
الكل ضحك الجو انفجر وهوسة
بعدها قروا فاتحة الكل صمت لحظة وبعدها اتفقوا على العرس وكلشي
ترتب
باوعت ع أيهم وكتله
ـ شبيك متوازي خليها سنة وتزوج
أيهم كبل رد
ـ خل أخذها والا أطالعها من عيونك
وراه ماتفقوا ع كلشي كامل كالي
ندخلة لبنيه يلبسها ذهب كدام
ناس حت كلشي يتم رسمي
رحت حجيت امي كتلها كل يلبس
لبس محتشم ولد راح يدخل يلبس
مرته
واني احجي وياه امي دخلت بنيه
خلتني صافن ع شكلها تلقائي مو
اعادتي اباوع ع بنات العالم بس هي ماعرف كبل نزلت راسي وهي
رجعت شردت دخلت جوة وسمعت
امي تكول لها تعاي راح .......