رواية شمس الايهم الفصل العشرون 20 بقلم شهد الدليمي
ادري بيك تحبني م داعي الكلام
وادري بعيونك صدك تبجيلي من
تجيني لا تكلمني بغرام وعفيه
عوف الشوق لا تحجيلي انا ليلي
بلايا واهس م انام شلون اذا
صرت انت واهس ليلي!!
بسطاله كدام وجهي كعد مقابيلي
ورفّعت راسي له وكال بصوت
خافت
أيهم :هذا أني حبيبي شمسي
اسم الله عليج خوفتج
- مامصدكة عيوني بلا وعي ركضت عليه
حضنته وهو يلف ذراعه عليّ
- ريحته صوته دفو حضنه كلشي
كلشي رجعني أحس أني بخير أني
حت خوف نسيته
شمس :أيهم صدك إنت يمّه خاف
يكون حلم
أيهم : لاحلم ولا شي أني يمج وياج ومراح
أروح بس لا تبجين دمعج يذبحني اجيتج
موكلتي مشتاقتلك هاي اني اجيتج
- حضنته بقوتي ما ريد أفلته راسي ع صدره
وحرارة أنفاسه تمشي ع ركبتي إيده تحضني
وكأنه خايف يضيعني أني غمضت عيوني
وهمستله صوتي كله رجفه
شمس :أيهم تدري شكد اشتاقيتلك
- هو شدني أكثر وباس شعري.
أيهم :شمسي أني هم ما أتنفس
بلاج حيل محتاجج
_حضني حيل غطاني بوسات متناثرة
ع راسي وخدي وبكل لحظة يتنفسني
كأنه ضايع من سنين وگدريحصلني يباوع
بعيوني وكال
أيهم : شمسي حيل اشتاگيت لج
حيل خرب بااهلج شلون حرموني
من حضنج
- ابتسمت وبديت ألعب بأصابعه
شمس :أحبك أحبك بطريقه أخاف
منهه كأنو إذا يوم تروح تنتهي دنيتي
ايهم :لا تحچين هيج اني متخبل
بيج مينتهي حبي لج إنتي نخلقتي
إلي
شمس :حتى لوالدنيا كلها ضدي
أني أبقه يمك ما أريد غيرك
- ضليت متربعة ع فراشي وهو
كبالي بعده عيونه ع عيوني
سألته بارتباك:
شمس :شلون دخلت
أيهم : طفرت لحايط
شمس :ياا واذا شافتك أمي
أيهم :أكولها نزلت من دوام سيارتي
عطلت واني قريب عليكم ذبيتها
واجيت ودنيا ليل محبيت أكعدكم
شمس : آها خوش عذر
أيهم :عوفي الاعذار تعاي مشتاقلج
- سحبني لحضنه ما حسّيت غير
أنفاسي تخربطت من ريحته هو
مددني بفراشي
_ حضنه ويخليني أضيع مرة يحضنني حيل
لدرجة أحس نفس يروح مني مرة يرفع
وجهي ويبوسني بلهفة مرة يدفن راسه
بشعري ويشمّني وكأنه أول مرة يتنفس
هو يحجي بهمس
أيهم : آنه ضايع بيج شمس ما أعرف أضمج
لو أبوسج لو أشمج حيرتني
ريد آخذ ريحتج وأخليها بدمي أريد صوتج
يظل براسي أريد عيونج تظل تحرسني شسوي
بيج شمس كلشي بيج يسحرني ريحتج تسكرني
ما أعرف شلون غبت عنج كل هالفترة
- نزل بوسات على راسي خدودي ركبتي
كل حركة بيها خوف وصوت أنفاسه يخليني
أرتجف يشدني بحضنه بعدين مد يده
يرفع شعري من وجهي ويكول
_ما أريد غيري يسمع همسج
أنتي إليي غصبا ع الدنيا كلها
_غمضت عيوني وانه عايشه بحضنه أحس
كل ثانية تمر مثل حلم ماريده يخلص إيده
تلفني إيده الثانية تلعب بشعري وتتمشى
ع خدي وكل شويه يقرب ويطبع بوسه ع
خدّي حتى ع إيدي
أيهم : شمسي الله لا يحرمني منج
أني عايش بس لأنج موجودة
شمس :أحس دنيتي تضيع إذا غبت
وأحس روحي ترجع لي من أحضنك
بتسم عيونه مليانة حنان يرفعني
أكثر بحضنه يحط راسي ع ركبته
يمرر أنفاسه بشعري
أيهم :أحسج جزء مني لا أنتي كلّي.
كلشي بيه يركض صوبج حتى
صلاتي أدعي بيها الله يخليج إلي
- يباوعلي بحنية بيها شوك السنين.
أحس الدنيا كلها توقفت يدفن وجه
بصدري ويكول:
أيهم :جننتيني لا عرفت أنام ولا
عرفت أهدأ وأني بين إيدج يضيع
كل تعب الدنيا هو يحجي بهمس
ويده تلعب بشعري
أيهم :شمس شسويتي بغيابي
وشلونه وضعج بالبيت
ما حسيت بنفسي غير احجي عن
أمي ونور وهم شلون دايخططون
حتى يزوجونه من نور كلبي يحترك
من التفكير
- اشرح بحرك وأنتبهت له شفت
عيونه كلها تركيز وباوعلي بنضرته
ماعرف شفسرها
- قرب راسه مني ببطئ وباسني
أيهم :احجي بعد لا تسكتين كل
كلمة منج أسمعها وأحس بيها
أيهم : شمس حتى لو حاولوا أني
راح أضل وياج ولا واحد يمس كلبج
ويقهرج
اني سكتت هو يمرر أصابعه ع خدي
ويحضني أعمق كأنه يريد يدخلني
جوه جلده
أيهم :بويه لا تظلين تفكرين وحدج
أني وياج بكل لحظة حتى لو بعيد.
كلامه حنينه عليه كل هاي حنيه خلت عيوني
يثگلن وريحة حضنه تهدي روحي غفيت شويه
وهو نتبه عليه فجأة صوته بأذني
أيهم : شو نمتي شمس لا تنامين
ساعة ب٥ تروحين غرفتج خاف
نغفى وتدخل علينه أمچ
شمس :نعست انتظر ساعتين
شعندي أروح من هسه
- ما حسّيت غير إيده ضربتني
ع راسي بخفة بس بنرفزة
أيهم : خرب أهلچ ع هذا الغباء لمن
جاي غير مشتاقلچ ضلّي يمي شويه وروحي
_ راسي بعده بحضنه و شعري بيده يمسحها
بخفة كل حركة تحسسك بالأمان والدفو
كل شويّة يحني راسه لخصل شعري ويشمّها
وأني أحس كلبي يرفرف وماكو شي بالدنيا
أهم من هاللحظة
_يمسح شعري و يحجي عن كل تفاصيل
يومه وعن شلون كل لحظة يشتاقلي ويحسب
الوقت يخلص بسرعة حتى أرجع لي وأنا بس
صتنت له أحس بالسكينة ماكو أحد بالدنيا
ماكو أي هم غير أنا وأيهم
_ما حسيت بالوقت وكل ثانية تمر
يزيد حضنه دفئ ويزيد شعوري
بالأمان فجأة رفع راسه شويّة
باوع على ساعته وهمس
أيهم : كومي صلي وروحي نامي
بغرفتج لا تحس أمج و تشوفج
رحت صليت ونمت وكلشي بالبيت
هادي وكعدت صبح ع صوت نور
وساره متعاركات بيناتهم
نور : غير تكولون ايهم هناطلعت
له هيج
سارة : يمه اسم الله اخترع ولد
موو
صاحت عليه بنتر
نور :هييي كومي انتي سوي ريوك
كعدت باوع ع سارة وكلت لها
شمس : ولج باررحة مو يم زينب شجابجن
سارة :امي تصلت ع نور كالت لها تعاي بسرعه
وهيه مصدكت بس لفت شال وطلعت حت
وجهه ماغسلته ومن دخلنه شفنه ايهم يغسل
يم صيحات سلام علينه وكال نور
أيهم : هاي هيج جنت بشارع متخافين ع العالم
وهيه جتي زهكانه شلون امي ماكلت
لها ايهم هنا
هزيت راسي بأي ورحت غسلت وغيرت
ملابسي وبديت اسوي ريوك واسمع تنعوص
مال نور بالصاله واسب بي ليش ماينتر بيها
ليش ساكت ع سوالفها شوية واسمع صوته
باب مطبخ كال
أيهم : صباح الخير
مارديت عليه ضل يباوعلي
واني داحضر بريوك اجه يمي
ويحجي بهمس
أيهم : شبيها مرتي
شمس : شنو معناها ليش ساكت ع سوالف
نور من تسكت معناها قابل وداتخليها تتأمل
بيك اكثر
أيهم : بوية شمسي من تجون علينه افهمج
هزيت راسي بأي
أيهم :يلا راح روح اني وانتم الخميس يمنه
شمس : وين تروح مو هيه كملت لك
اكل وروح
تقرب عليه باسني بخدي بوسه
سريعه وكال
أيهم :هاي تريكت واحلى ريوك
شمس : متروح اذا متاكل
ايهم :صار بويه بس لا تصيحن عليه
طلع واني اخذت ريوك لهم تريك
واغسل وحجى امي واكد عليه تجي
الام : ان شاء الله يمه الخميس
يمكم
أيهم : يلا استودعنكم الله
الام : الله وياك وليدي
طلع وجو كله صار كأبه والعصرأمي ونور
طلعن عالسوك رجعن محملات كلشي
مامخليّن شي ماجايبته
صدك ضحكت حسيت الدنيا عجيبة الحب
مايجي بهيج سوالف تذكرت أيهم كلبي نغزني
خفت صدك ينجذب لنور ويخليني شنو ذنبي
شنو سويت حتى أتعاقب هيج عقاب
نفسيتي تعبانه وتفكيري ينهش بيه نهش
وحسن يتصل يحجيلي عن نجمه
وحبه لها ويسيئلني شلون تصرف وياها
واني من جنت اشوفه هيج افرح لان
شاف حياته ونسئ كلشي وماكو حقد بعد
الأيام مرّت نفس النسخة لا جديد
أيهم ما راسل ما سأل ما بين أني
متوترة خايفة من النهايةخايفة
من تاليها
إجى الخميس العصرونور مخبوصة
خبص بالها بغير عالم كل دقيقة أبوع
لها وأحس بصدري يضيق من هذا
وضع حس اذا عرفت اني مرته
مراح يعدي هل موضوع ع خير
اجت سيارة وصعدناوگلت خل
أخلي راسي وأنام ماحسيت
بنفسي غير واحنا باب الكل
ينتظرنا
نزلن خواتي وامي يسلمّن عليهم حتى
أختهم المزوجة جايه حسن واكف
شك حلكه بتسامة ولولدكلهم
موجودين بس عيني تدورعلى أيهم وما أشوفه
سلّمنه ع واحد واحدع بنات وولد لمن
وصلت حسن فجأة قبل لا أستوعب
سحبني لحضنه كدام الكل والوجوه
كلها تباوع علينه
حسن يضحك ويحچي بحماس
حسن : يابه ششتاقيتلج...
وقبل مارد چان أسمع ذاك الصوت من
وراي صوت لو نزل ع الجبل يهدّه
إيهم : تشتاقلك جهنم...
⸻❁⸻❁✿❁⸻
غزل**
غيث طلع عيونه تلمع قهر لحكوا الولد
بس قبل لا يبتعد صوته دوّى ببيتنا يوصي ويصيح
غيث : محددد يلمسها وعلي واللي يقرب
إلهاأني خصمه وصيتي يمكم يمك حسين
يمك حيدر محد يمد إيده عليها
الكلمة رجّت البيت
أبويه سكت بس عيونه ثكيلة كلشي
بيها لوم أمي باوعت عليّ نظرة
حزن وما حچت
بعدها اثنينهم مشوا وطلعوا من
الغرفة تاركيني احس بالذنب
سديت باب غرفتي
انزلت عالأرض ضميت نفسي
دموعي تنزل بلا توقّف
أبچي وأبچي لحد ما حسيت حيل جسمي
انهد صرت أتنفس بصعوبة وبقيت أردد بيني
وبين نفسي
ليش صار هيچ ليش خربت كلشي بهالطريقة
ليش كل مرة اخون ثقتهم بيه
دموعي سالفة وما تخلص وجسمي
كله يرجف فجأة تليفوني يهتز
شفت الشاشة... غيث
ردّيت بصوت مبحوح متقطّع:
- غيث أني خسرت ثقة أهلي
كلشي راح بعد ما يثقون بيه أبداً
سكت لحظة وبعدها صوته جان
هادي بس قوي يبرد النار بصدري
- غزلي لا تحچين هيچ صبري
يومين ينسون وتروح الفورة
مسحت دموعي أتنفس بصعوبة:
- لا غيث نظراتهم كسرتني خصوصاً
أبويه ما أگدر أباوع بوجهه بعد
غيث شد بصوته أكثروكأنه يضمني بالكلمة
- باجر الصبح أجي أني وأيــات
ناخذچ نحضّر النيشان نخليها رسمي
كدام الكل وخلص محد يگدر يحچي عليچ
بكلمة وكافي تبجين خاف تختنكين ومحد
يمج لا تخلين بالي يمج
- زينه لا يضل بالك
صوته ناعم حنون حاسم
- أني يمچ وغزلي لا تنسين
أني وياچ عالآخير
بعد مكالمتي ويا غيث غسلت ونزلت
جوه لكيتهم كلهم ملتمين كلت صباح الخير
محد رد نقهرت شويه وحيدر
كام وعلي هم ضل حسين شويه وراح للاصاله
لحكته احجي وياه بغصه
غزل / والله ماتحمل زعلكم اني
ضل ساكت ميحجي وياي عفته
ومشيت سمعت صوت حسين ينادي باسمي
قربت عليهم بخطوات ثكيلة
ما گدرت أباوع بوجها
حسين مد إيده لازمني من يدي أول
ما حسيت لمسته دموعي نزلن
رفعت عيوني عليه چنت أتوقع يشتم
أو يعاتب بقسوة بس صوته نزل أثگل
- غزل ماردنا نهجم بيتج ونطلكج
ردنا نخلي هو وأهله يحسبولج حساب وما
يزعلوج شلون قبلتي احنه بديوانية نردة
وزعلانين لان امه حجت وياج وانتي مخليته
يمج بغرفتج بدون علمنه صحيح هذا شي
سويتي
هزيت راسي بلا حسين أني غلطت
بس ما چنت أقصد
هو نزل راسه للحظة بعدين رفع
عيونه ويحجي بحسرة
_وانتي كل حاسب النا محسبتي بس بهاي
دخلـة دخلته لج عغرفةچنتي شتحسبين
شكد تذلين روحج وتذلينه وياج
_ مادري والله مادري ماقصد باذيتكم
مابالي والله حسين فدوة رحتلك لا تضل
زعلان مكدر ع زعلكم
حسيت يده شدتني وسحبني ضمّني وصوته
هادي لكنه
- غزل لا تبچين كافي مو زين عليج
تنفست بصعوبة حضنه شدني أكثر
حسيت بالأمان لأول مرة بعد يوم
كله وجع
حسيت احدضمّني من الجهة الثانية صوته
حنين:
- إي حبيبتي كافي بجي إحنا وياچ
حضنته واني احجي وابجي والله ماقصد
اضوجكم مني احبكم اني علي يمسح
بدموعي ويحجي
_ اشش كافي بجي يبعد روحه للعلي
ندري بيج ثوله وذاك لحصان غيث لازم
يحسب الف حساب بهاي دخلته وانتي
صار لج درس
هزيت راسي ب اي
حسين :روحي راضي ماما وبابا
علي :حيدر حاليا لا تحاولين توصلين يمه
هزيت راسي بأي ورحت للمطبخ لكيت ماما داتحضر غدة دخلت يمها وكفت
عزل: ماما والله بعد ماعيدها بس هل مرة سامحيني
ماما :اي بكل مره نفس حجي كتلج شيصر وياج تعاي كولي لي لا تجسبيني امج حسبيني صديقتج بس لا لازم تصرفين من راسج
رحت ليمها جريت ايدها وبستها
غزل: فدوة اروحلج ماما كلبي يوجعني من بارحه لليوم لان ضجتو مني
ماما : تعاي يروحها امج اسم الله ع كلبج
من وجع ليش هيج تسوين بروحج وتحركين
كلب اخوانج عليج هم دايسون كلشي مصلحتج
غزل : والله ماعيدها بعد ولا اسوي شي
يضوجكم هزت راسها لي وكالت
ماما :غيث يجي يجهزج اليوم
غزل : اي كال هو اخته
ماما : شنو هو واخته اني اجهز بنيتي
بتسمت لها
ماما: روحي بدلي وحضري روحج
هذا شكل عروس رتبي نفسج
رحت لبست فستان ابيض حلو مرتب رتبت
وجهي مكياج بسيط وماما كملت
كلت بقى حيدر وبابا من رجع ارضيهم
اجه غيث واخته ايات ورحنه لسوك
نحضر نيشان...
⸻❁⸻❁✿❁⸻
شمس **
من الخوف كبلت دفعت حسن
ونداريت شفت حواجبه مشدوده
وجهه كله توتر چنه سيف حاد واكف كدامي
رجليه من الخوف وما گدرت أوگف عليهن
نسيت كلشي حولي أهلي خوته وحتى حسن
اللي واكف يمّي
أيهم حجه بصوت حاد:
ويننننن احنننه أستاذ حسن شكووو تحض
بيها كدام أهلها كوا... داهيه متستحي انت
من أمها من عدنه
كبل دخل كامل صوته ثابت
- عوفه أيهم هما مخذين من جانوا صغارو
سووا هالشي هسه لازم أحد ينصحهم كبروا
عيب هل امور تعتبر حرام
حسن بعده من مكانه بصوت واضح
- ها هم صح نسيت أيهم لازم أخذها بختله
وأسلم عليها مو كدام أحد
بس من سمع أيهم هاي الجملة اشتعل نار
وطفر على حسن وصار بوجها
جسار صار يصرخ بصوت حاد
-شني هاي أيهممم شكو تريد تضربه يوميا
كلنالك احنه نفهمه عاد هاي انت جبيروهيج
تسوي
سجاد شدّ صوته
- طبه مرض خل يتعلم يحترم
رفعت راسي ببطئ وشفته عيون
أيهم تباوعلي نظراتي له مليانة توسّل
- كافي... سد الموضوع
لحظة صمت أمي تباوعلي بنظرة
مليانة تحذيرإذا لازمتني تكسرني
تكسر
دخل كامل وسد سالفه وجسار اخذ
حسن سحل ليجوة ونور تخزر بيه
اخذت سارة وفاطمه ودخلن ردت اروح
هم شلت جنطتي رفعت راسي وشفت
أيهم جاي صوبي كل خطوة يمّي
تخلي كلبي يطير.چنت أرّجع من
ليوره من لخوف
أيهم : احركچ... بس تشردين
- ماشرد والله
ايهم : هيچ علمتچ مو هيچ تسوين
إذا ما طلعتهن من عينچ اصبر لي أني
أعلمچ الا أربيچ من جديد وسويچ بشر
- بس أني...
قطع كلامي بصوت حاد
- سكتتِييي ودخلي جوة.
نهضمت من كلامه وياي شعور قهرن
وكلشي داخلي يتمزّق بين الخوف والتوتر
شمس : مااا دخل ولا تضل بس
تصيح افهم خليني احجي وياك
أيهم : بت كلب عليمن تصيحن
- وضع هذا عجبجج إذا لكاج يم
حسن احرك حت عشيرتج سمعتي
شمس :ليش ما روح يمه شنو
لي سوه هو تره رجع مثل قبل
حباب
أيهم تقدم خطوة، صوته صار أقرب
وأعاط بيه بصوت
ايهم : دخلللييي جوووووه
دخلت يم بنات للغرفه لكيت سارة
ونور وفاطمه نور بس شافتني اجتي مدت
لسانها متر عليه بحجي ورزيل وغلط.
واني اسوي نفسي مسمع اخذت داشداشه
وردي ورحت بدلت
وياه طلعتي سمعت صوت حسن يصيحني
. بالمطبخ أشر لي تعاي
رحت للمطبخ دخلت لكيته لبس قميص
اسود وبنطرون اسوود وكاشخ وترس روحه
عطر باوعت عليه وكتله
_وين رايح
حسن : رايح احجي عمي ع مود نجمه
_اخوتك يدرون رايح ليش وحدك
حسن : لا هو اني رايج احجي وياه وافهمه واذا
ضل معاند ادخل اخواتي
هزيت راسي بأي
باوع عليه ورفع حاجبه وكال
شلون طالع
_تخبللل يابويهه تكتل
يرش بعطر ورش ع شالي بخه من
عطره لا ترش بعد ختنكه حسن ريحته
قويه حيل
حسن : وتضل سبوع بالملابس هم
شموسه بروح مدري منو سويلي جاي
_باوعتله صفحه وكتله بعد لا تعيد
هاي سويتك شنو هيج تحضني
حسن : غير اختي انتي واذا حضنتج
_ بس ميصير تلزمني لا تلزمني بعد
حسن : من عيوني شموسه لي تطلبي
رحت اسويله جاي هو واكف باب
مطبخ فجاه صار وراي وحجه بهدوء
حسن : شو سوي هاي لي متصير
اني نزيت من قربه
_ بسم الله شوكت هيج اجيت يمي
مد لي ايدة اسويله بالساعه واني مو هلكد
بهاي امور وهو يتقرب اكثر احس راح يدخل
بيه واني ومدنكه راسي ع يدة هو قريب عليه
مااسمع غير صوت ايهم فوك راسنا
أيهم : شداسوين
ضليت اباوع ع حسن وحسن بتسامه
ع وجه وكاله
حسن : لي شفته جنه نسوي
هو خزر حسن واجه لي سحبني
من يدي عت يدي
حسن : شبيك شكو كدرتك عليها
مااحس غير براجدي فر وجه حسن واخذني
من مطبخ سحل للغرفة اختي شمرني بيها
وسد باب وكبت عيطتهم برة وهو حسن اني
مادري شبيه خنست حت مطلعت بعد
من شفت هيج وضع متوتر كرهت
جيتي سمعت باب نفتح دخل ايهم
وقفل باب وراه اني ضليت
متجمدة من خوف بعد يم باب
ندار عليه ويحجي مبين سنونه
ايهم : هيج موصيج اني هيجججج موصيج
ما شاء الله ماخذين راحكتم كدامنا وهيج
_انت متخليني افهمك والله مو مثل
لي بالك والله ماكو شي جنت اسوي
له ساعه
ايهم : قبل ساعتين كتلج عوفي
صخام لا تروحين يمههه
شمس : مارحت جنت اسوي جاي
هو طلب مني
ايهم : ومن حضنج صبح متعرفين توخرين
نمتي بحضنه شنو لو مااجي اني ضلين ع
وكفتج اسبوع
لا والله اصلا هو هسه حضني
وانت وكفت فوك راسي
ايهم : ها اسفين ست شمس
قطعت لحضاتكم
اعصاب وينتر بغضب ومايتفاهم
واني من كد تبرير روحي طلعت
احس كلبي يوجعني ضليت ساكته ضليت
ساكته مارديت روحي محتركه هو يحرك
بكلبي حت سوالف معرف اسولف كمت
مخله شي بغرفة مكسرة يوصل يمي يرفع
يدة وميكدر يضربني يضرب حايط اني من خوف كعدت ع ركبي وحضنه نفسي هو مثلا خبل يفتر ويصيج وباب يندك بقوة صوت فاطمه
فاطمه : ايهم فتح باب اهلهه راح يرجعون من
بستان وتصير مصيبهه هو عاط بفاطمه
ايهم : كتلج لحد يجييي هناااا
اني مادري منين اجتني جرئ وكفت
اريد اطلع وصلت يم الباب جر يدي
بنتر احسها نشلت
ايهم : منو كالج تكوميننن
_ عوفني خل اطلع
ايهم : ها شتاقيتي تريدين تروحين
يمه ومن اشوفج تكولين ماقصد
هو صاحني موووو
مخلي اصبعه براسي ويدك بي ع راسي ويحجي
احس راسي نزرف عاد اني متحملت عطت بي بصوت
_ مريض انتت اخوكك هذا حت حرام عليه
افكر بي محرم صار عليه احاول ارجع علاقتي
طبيعه حت متصير مشاكل بينكم بسبي دست
ع كرامتي وحجيه وياي خاطرك وشوف روحك شتحجيني هسهه
ضحك وصفك بيده
ايهم : تحجي بالكرامة وينها كرامتج
ها صح عفيتها بالمطبخخخ يمه
كلامه ينرفزني ويشك كلبي
صحت بوجهاا
شمس : ميخصككك بيههه افتح باب
ماحس غير راجدي طير خدي احس وجهي
اشتعل نار سحبني من دشداشتي ركعني بالحايط احس ضهري نقسم اثنين وصاح بعلو
حسه بوجهييي
أيهم : انيييي ميخصنييي
ليش مجلبه عليه واكول لج بتعدي
عنه و تعانديننن شعندج احجيي
يحجي هو قريب عليه كلش غمض عيونه
حيل بقهر ورجع فتحهن
_خرب باهلج ريحته بيجججج
_دفعته اريد اطلع احس حت هواه خلص احس
دنيا وكفت ع ضربته لي متوقعت يوم يضربني
احس الازم كلبي وعصرة بيده جنت حاسبة
سند وبكلامة شك كلبي
رجعني لمكاني ويصيححح ليش
تسوين هيج احجي
_ عوفني بابا شجلبت انت عوفنييي
حجيت من حركت كلبي بدون وعي
مني من صدمتي بي
_ اي ضل لزكه بي عاجبك هل شي
لو لا مامنتضرته يعجبك اصلا
بهذا كلامي حكمت ع نفسي اني
مذنبه هو من حركت كلبه نسى
لحب نسى اني شمسه نسى اني
جنت احتمي بي كل هذا نسى
حار بيا طريقه يضربني اذاني حيل
بس ضربته متعدل شي كدام كسرت كلبي
ةجنت حاسبة امان لي وخذلني
بهل طريقه
نسى أني چنت أحتـمي بيه من
كل الدنيانسى كل الحنان كل الأمان
وكل اللي جنت أظنه صار مثل
دخان يروح مع الريح
حارّ بياطريقه يخوفني كل حركة
منه تهزني بوجع وجعي جان لأن خسرت
ثقتي خسرت الأمان اللي
چنت أفترضه
چنت حاسبة أنو أمان كلبي كلش
ثكل وحسيت خذلني أخذ كل شي
حلو بداخلي له
چان واكف كدامي دموعي تنزل
بدون توقف الباب نكسر ودخل
حسن وفاطمة.
فاطمة دخلت بسرعة لطمت صدرها
عيونها عليه
- عزه بعينك أيهم شمسويه بيها
حسن وكف كدامي صوته صار
قوي كله غضب
- ولك شمسوي بيهاا شلون تمد
يدك عليها
أيهم واكف متجمده عيونه مليانة
غضب حسن يحجي وياه ويصيح
بس تحس فاصل أيهم كعدسند
ضهره عالحايط
فاطمة چتي يمي كومتني وطلّعتني
من الغرفة رحنا غرفتها كعدتني
بغرفتها واني عيوني دموعها متوكف
هذا ايهم جنت حاسبته سندي معقوله
هذا ايهم سمعت صوت فاطمه فوك راسي تحجي وبيدها مي
فاطمه : شربي خية شبي ايهم وياج سويتي وهيج تخبل عليج وع حسن
هزيت براسي بمعنى ماسويت شي
دخل حسن يحجي بحرگه وكعد
مقابيلي
حسن : ليش ضربجج هذا لخبل
خلي يجي كامل دنيا اكلبها يوم عليه
كبل لزمت ايدة كوة احجي
_فدوة حسن لا تجيب طاري للولد
كافي مشاكل وراي
حسن : يضربج وتسكتين له
فاطمه : لو ماسويه شي غلط مايمد
يدة وانت تعرف ايهم
حسن خزر فاطمه
حسن : يا غلط اكلج وكفين ودخل
مثلا خبل علينه عقله مريض باله
نسوي شي غلطط
شمس : سد موضوع فدوة كبل لا
تجي امي
حسن : دشوفي وجهجج مطبع
اصبيعه بوجهج شسدين موضوع
شمس : حسن اسكتت فدوة.
عافني وطلع وكعدت يمي فاطمه
فاطمه : خيه ايهم طيب بس هاي
من يصير عصبي يفقد اعصابه واني سمعتج تصيحين عليه ميصير هو اكبر منج خليت يتخبل عليج اكثر هو منا مااخذ عليج موقف من قبل وهسه شافكم نجمعت عليج
شمس : اي اريد اغسل
كمت كوه رحت للمطبخ غسلت مابيه حيل اطلع برة فتحت شعري وغسلت ومررت ايدي ع شعري لميته وشديته
اندريت شفته باب مطبخ عيونه حمر
مشيت من يمه لزم يدي حيل وحجه قريب اذني
أيهم : روحي نزعي هاي ملابس
وغسلي جسمجج كل ماشم ريحته
بيج اتخبل بزايدد حت تصرف براس صح ماضل
سحبت ايدي منه بدون اي كلام
دخلت غرفته اختي واخذ ملابس
ورحت للحمام واني حجي وياه نفسي هو متقرب مني شلون هيج ريحته ترست ملابسي نوب ذكرت بس رش
من عطرة لي
كملت حمام بصاله يصير يم كعدتهم طلعت بدون مانشف شعريقطر مي
ع ضهر ولبست شال شمرته فوك
راسي وطلعت
كلهم لتفتوا وياه باب
كامل :هلا شموسه تعاي شنو
ماعدكم مي من دخلنه لسه تسبحين شلون جبنه لج خضرة وتمر
جسار : خلطات خالتي جايبه نتيجه صايرة حلوة
سجاد : هي من زمان حلوة واحسن واحدة بنات خالتي
ايهم : كافي تجفص وجيبوا سم خل نكوم اليوم ماراح يخلص ع خير
حسن : داشوف هو ياهو لي يجي
يلبس سمائي
كامل وجسار وسجاد عاطوا بصوت واحد ماتوب انت
فاطمة : شبيكم حت لبنيه خنستوها تعاي خيه مشطي وتعاي تغدي
ايهم : صيحي خالتي وبناتها يلا
ريم : شبيك اخويا اعصاب شكو
رتاح ضغطك راح يعلك
نغم : اجيبلك مي
ايهم : شكرا ماريد شي يلا كملن
وصيحن خالتي.
رحت مشطت واباوع ع وجهي اثر اصابيعه صاير ازرك وشفتي بطرف
جرح شلون اطلع وكعد يمهم شكلهم
اجتي فاطمه ولحت تعاي تغدي
رحت كعدت واني مدنكه راسي ماريد احدديشوف وجهي
حجتني فاطمه رفعت راسي وسمعت كامل صاح
كامل : شبي وجهجج شمس
ضليت صافنه شرد عليه
جسار : شموسه احجي شبي وجهجج
امي واخواتي بالك مو يمهن موضوع
ولا حجن بس،من كامل حجى
كامل :خاله اذا انتي هيج ضاربتها
ازعل عليج قسم بالله
الام : يا يمه والله معليه بيها جا
مو اجتي وجها جنه مرايه
حسن :اني وياه لعبنه لعب بطل
مال صراحه وضربتها جنه متحمسين مادري هيج يصير بوجهاا
ماسمعنه غير طكت راجدي من سجاد لحسن ويحجي بحركة
سجاد : شنو جان بالك من ضربتها
هيج شنو بالك جسار وهيج دامر
وجههه كل ضلو يحجون ع حسن
واني ابد ماندريت ولا رفعت وجهيي للجهه بيها ابيهم
شويه وكام وصاح عليه كامل
كامل : شو مااكلت خيرك
ايهم : راسي راح ينفجر
وهما دايحجون وعاط
كامل : ايهممم
من ندريت كلهم ملتمين عليه هو طالع من خشمه دم ولا يحرك ايد ولا رجل
جسار كلب دنيا بصيح وكامل ركضت يجب سيارة حسن مخلي ع رجله ويطبب ع خده
واني من شفته بهاي حاله احس
روحي نشليت لا رجل ضلت عدي
اكوم ع حيلي واصل له وشوف
شبي ولا لسان احجي بي احس
هواه كوه اتنفسه
فاطمه وريم ونور يصيحن وكلبن
دنيا بصياحهن
بسرعه بسرعه اجه كامل وصعدوا بس دخانه وراهم وكل ساعه نتصل ع كامل حد مارد كال
كامل : مابي شي هسه زين حمدلله لحكنه عليه ضغط معلك وبدايه جلطة
حمدلله لحكنه عليه
كبل شهكت وخليت ايدي ع كلبي
اسوء يوم مر بحياتي من بداية
يومي لحد مخلص بوكعت ايهم
للوحدة بليل اجه كامل وجسار
ساندينه هوتعبان وجهه مخليله
كانولا بيدة راحن له اخواته يركضن حضننه ويبجن واخواته هو كوة يحجي
ايهم : مابيه شي زين كافي لا تبجن
حجى وياهن ورفع نضره لي كانوا
يريد يكلي شي واني كبل كتله
_حمدلله ع سلامتك ماشوف شر ان شاءالله
اجتي نور وسارة وامي يسلمن عليه
خلو بغرفة خالتي الله يرحمها لازم
له راحه هو ياهو لي يريد يضل يمه يطرد كلهم عوفني اريد ارتاح
واني ضليت حوس بالي يمه خايفه
عليه يصير بي شي بسبب هو من
حركت كلبه صار بي هيج حت
ضربه نسيتها وزعل
صارت ب 4 كلمن راح بفراشه نام
واني بالي يمه اخذ جهاز اكول اتصل
يي وردة اكول لا لحد ماسمعت
صوت شعار ع فايبر من ايهم
أيهم : تعاي محتاججج
اني سويت طريق خطوتين بالي
صار فتحت باب ودخلت ضلمه
همست
_أيهم
كبل رد قفلي باب وتعاي
قفلته ورجعت حجيت وين انت
أيهم : دخلي واني تلاكاج
دخلت امشي وخاف ادوس عليه مشيت شويه وسحبني من يدي للكاع ماحسيت غير كاعده ع رجله وهو يهمس باذني
أيهم : تلاكيتج
رد اكوم سحبني له اكثر وحجى باذني
أيهم :جعل إيدي نشلت لي مديتها
عليج من ضربتج لسه كلبي يوجعني
ع ساعة يوكف من قهري
مادري شلون مديت إيدي عليج
جعلها نكسرت قبل ما أمدها عليج
صوته مبحوح، عيونه تهتز كل كلمة
تطلع من صدره تذبحني أكثر
وأني دموعي تنزل كل دمعة تحچي وجعي تحچي كسرة كلبي من حبيبي اللي گتله أمان وطلع أقسى
كضيت سنيني أدوّر أمان ولگيته بيه
بس هو كسرني.
_ منو غيرك جنت أحتمي بيه
إنت إنت آخر واحد توقعت تمد إيدك عليّه كسرتني كسرت كلبي
سحبني لحضنه بكل قوة چفوفه
تلزمني كأنه يريد يلزكني بيه وما يخليني أروح بعد.
صوته مهزوز يتقطع بين ندم وقهر:
أيهم :شمسسس سوي بيه اللي تريديه
إضربيني إجرحيني عاقبيني بس بالله عليج لا تخلين كلبج ينكسر مني لاتشيل بخطارج مني
ماردت اقهره مني اكثر هو مريضه
شمس : ارتاح ايهم نام انت مريض
ايهم : ارتاح من انتي مرتاحه
مابيه شي مرتاحه يلا اعوفك تنام
قبل ماكوم سحب يدي وحجه
ايهم : حسن لا تقربين منه شمس
شمس : ترك تفكير ايهم حسن تغير تره صار احسن من قبل
ضحك بستهزئ واشر ع الباب
عفته ورحت بفراشي كوة يلا غفيت
كعدت صبح رحت يم البنات وجهي
يوجعني
دخلت لمطبخ توضيت يم سنك مالي خلك اطلع برة بعيد عن بيت مغاسل دخلت بغرفة اختي اصلي وطلعت كاعدين يتريكون متاخرين لان كلها ضلت كاعده وتاخروا كعدت يم
فاطمه وكلها لتمت تريكوا واني لمتت اصله وكعدت اكلب بجهازي ع يوتيوب
شويه وطلع ايهم كعد يمنه كلها تسئل
عن وضعه إلا اني مارفعت راسي له
بس بالي يم حجيهم وعيوني بتلفون
نور كطعت نفسه بالوكه كل ساعه تكله اسويلك عصير
كل هذا اني مارفعت راسي كعدت يمي ريم رفعت راسي شفته خازرني ضعيت نضرتي وريم حجت
ريم : عرس ابن ابو كرار تروحون له
كامل: اكيد نروح غير عمنا واكف
ويانه بكلشي
ايهم : ان شاء نقوم بالواجب
جسار : اي نروح سوة
سجاد : ي واخيرا صار عرس
حسن :هل عرس منتضرة ع نار
يحجي يباوع لي
رفعت راسي الايهم يباوع لنا غلست
عن نضرته ورجعت اباوع فاطمه
فاطمه : لعد بنات خالتي يرحن ويانه
الام : لا يمه عيب ناس غربة شنعرف عنهم
حسن : لا خاله مو كتلج وكلتي اي
فاطمه : وهنا ويانه واني اعرفها ع بنات
الام : بكيفهم بس ديربالكم لي تريد
تروح بكيفها
باوعت الايهم مارضي بس ميكدر يمنع احد يستحي من امي وحسن يباوعلي بفرح
ذكرت انو ابو نجمه كايل له وراه زواج اخوها ازوجها فبتسمت له لان قربت
مده
باوعت ع ايهم خازرني شويه
وصوته نززني
ايهم : شمس نطيني موبايلجج.....