رواية ولو بعد حين الفصل الثاني عشر 12 بقلم إسماعيل موسى
كان نفسى أمشى فى الشوارع القذره واقعد على مقهى حقير واشرب كوباية شاى وسخه كلها جراثيم لكن للاسف والدى مش بيسمحلى اختلط بنوعيات البشر الحثالية.
ابتسمت آبنة محمد بيه فرغلى،تصدق وانا كمان نفسى ادخل العالم ده، لما اتفرج على الفيديوهات بتاعتهم وهما بياكلو من على عربيات الشارع إلى الدبان عامل عليها بيبى وبيلتهمو الاكل ذى الحيوانات.
تعالو يا اولاد مالكم واقفين كده بعيد عننا؟ النهرده يوم كبير
يوم ولا فى الأحلام، لما اكبر شركتين فى السوق يندمجو مع بعض، لا ومش بس كده كمان يربط بينا نسب، الخبر ده هيهز كل الكيانات الاقتصاديه المعاديه لينا.
كانت الحفله مليانه بكبار الشخصيات من كل لون ،بعد انتقال زكريا إلى مدينتى وتخلصه من الفيلا إلى كانت بتربطة بحبييه وكانت رافضه الانتقال منها ، النهرده بعلن عن التحالف
إلى طال انتظاره بين وبين زكريا بيه مسعود ، وكمان بعلن خطوبة بنتى قمر من فارس زكريا
ارتفعت الموسيقى وخلت للساحه من أجل الرقص
قعد زكريا وحيد فى ركن بعيد عن الناس، مر اكتر من شهور على طلاقه من حبيبه ورغم كده مش قادر يتخلص من الذكريات اللعينه الى بتجمعهم سوا
دلقوتى وهو شايف ابنه بيصعد، بيطلع لفوق حس بالراخه ان ادى رسالته بكل امانه وفخر.
قبل شهور
امى مش ممكن تموتى دلوقتى انا ما صدقت انى لقيتك، يارب اشفى آمى وعافيها يارب ،رفع ناصر يديه نحو السماء بوجه دامع ورأس حبيبه فى حضنه
كان تنفس حبيبه بطيء لكن النبض موجود حملها ناصر فوق كتفه واوقف اول سياره وقعت تحت نظره
قبل أن تصل المشفى فتحت حبيبه عيونها ،استعادت وعيها
ورغم التعب تعرفت على ناصر
ناصر؟ همست حبيبه، آبنى ،انكب ناصر على يد حبيبه يقبلها
آمى ،آمى ،الحمد لله انك بخير، الحمد لله انك استعدتى صوتك، دا كرم كبير من ربنا ،انا كنت خايف افقدك.
اصر ناصر على دخول حبيبه المشفى وعمل الفحوصات الآزمه ،الأطباء طمنوه انها بخير، لكن صحتها ضعيفه ومش هتتحمل إى أزمات صحيه تانيه.
اتفضلى يا امى، انا عارف ان الشقه مش قد المقام، لو كنت اعرف انك هتعيشى معايا كنت اتأجرت شقه افضل من كده
لكن اوعدك بكره الصبح ابحث عن شقه أكبر، برحة تليق بيكى.
قعده حبيبه فى الصاله ،تأملت الشقه البسيطه إلى ابنها كان عايش فيها السنين دى كلها
همست بضعف بالعكس انا عايزه اعيش فى نفس المكان إلى انت كنت عايش فيه، عايزه اشم ريحتك فى كل مكان يا ناصر، تعالى يا ابنى فى حضنى، انا تعبت كتير، كتير اوى يا ناصر، عشرين سنه وانا بدور عليك، انا حياتى بدأت النهرده ومش مهم إلى جاى يكون شكله ايه.
راحت حبيبه تنتحب، تبكى بحرقه ،عشرين سنه يا ناصر وانت بعيد عنى؟
هنت عليك يا ناصر تسبنى السنين دى كلها اتمرغ فى مشاعر الوحده وابكى كل ليله ؟
همس ناصر اسف يا امى حقك عليه، اسف والله، اسف
قعد ناصر على الأرض وسند دماغه على قدمى حبيبه
حتى بللت دموعه ملابسها.
آمى انتى جعانه ؟
اكيد لسه مأكلتيش، انا هنزل اشترى اكل، تحبى تاكلى ايه ؟
اقعد يا ناصر انا عايزه أفضى صدرى يا ابنى ،حاسه بضيق ولو متكلمتش ممكن تحصلى حاجه
ابوك يا ناصر زكريا طلقنى ،طلقنى بالتلاته ،ابوك بعد العمر دا كله صدق انى خاطيه، انا واخده على خاطرى منه اوى
معقول يصدق وينسى العشره الطويله إلى بينا ؟
قدر الله وماشاء فعل يا امى، انا شاء الله الميه ترجع لمجاريها
ورتجعو لبعض فى أقرب فرصه !!
صعب يا ناصر صعب، إلى عمله ابوك لا يمكن اسامحه عليه
ابوك سابنى مرميه فى الجنينه بين الحياه والموت
سمعت صوته يا ناصر بيصرخ سبوها تموت
اكيد لما يعرف الحقيقه هيراجع نفسه يا آمى، زكريا بيه قلبه كبير واكيد فهم غلط
انا مش هلوم فارس او إلى عمله لكن ابوك ازاى يصدق ببساطه حتتة ورقه اترمت فى إيده ؟
هو انا كنت بالنسبه ليه ايه؟ مش قادره أصدق انه صدق الكلام القذر المكتوب فى الورقه.
الزن على الودان صعب يا آمى، لكن اكيد والدى هيراجع نفسه
انا متأكد
ناصر إياك تحاول تتواصل مع والدك، فارس هددنى يخلص عليه ،والولد ده ممكن يعمل اى حاجه انا متأكده ان قلبه قاسى ذى الحجر.
متخفيش يا امى مش هعمل اى حاجه من ورا ضهرك ابدا
وصلت صفيه وبناتها إلى شقة ناصر لما عرفت الخبر المفرح
قعدت تخبط على الباب لحد ما ناصر فتح، اوعى كده يا اخويا خلينى اشوف امك إلى هتاخدك منى
ترك ناصر صفيه تتعرف على والدته وقعد مع ردينه واختها بتول
بعد شويه ردينه، احم احم، بقا معقول يا ناصر الست إلى ذى السكره دى امك ؟
انا قلت برضه لازم العسل ده تكون انه نحله
بتول قالت اسكتى يا ردينه
ردينه قالت اسكت إزاى ؟ انا ايه إلى مقعدنى معاكم اصلا ؟
خلينى اروح اقعد مع القمر إلى هناك ده
قلتلك يا ابنى انت شكلك ممثل والله، كنت متأكده ان اصولك تركيه.
مضت الايام بطيئه ورتيبه ،وحبيبه تغمرها السعاده التى حرمت منها ، تسهر مع ناصر لوقت متأخر
وفى الصباح تتناول طعام الإفطار الذى يعده ناصر بيده قبل الذهاب إلى الورشه
بقية اليوم كانت تقضيه مع صفيه او مع ردينه وبتول آلتى قررت حبيبه انهم يحتاجون للتأدب من اول وجديد
لازم يتعلمو أصول التعامل والاتيكيت منها ،كانت ردينه أكثر طاعه وحرص على التعلم حتى انها بدأت تتحول لتصبح نسخه من حبيبه، تعلمت آداب السلوك والحديث ،الثقه بالنفس والاناقه وبعض النرجسية والفخر.
كانت صفيه وافقت ان ردينه تعيش فى شقة ناصر
عشان والدته متشعرش بالوحده ،وكمان عشان تخلص من زنها.
______
كان زكريا حريص على البعد عن الميديا عن اى حاجه ممكن توصله اخبار عن حبيبه
لكن مع الوقت بقا عنده فضول ومشاعر يعرف حبيبه عملت ايه ،اتجوزت مين ؟
مين الشخص إلى فضلته عليه ،فى البدايه كان متوقع انه شخص يعرفه، من معارفه او من محيطة او على الاقل من رجال الأعمال، لكن مفيش اى حاجه وصلته من معارفه عنها
حبيبه تبخرت ،لم تظهر آمام اى شخص تعرفه او يعرفه زكريا
روحتى فين يا حبيبه؟
معقول يكون خنتينى مع أى عامل قذر ؟ هناك فى المجتمع الجديد يصبح الوصول إلى اى خبر عن أشخاص عادين مثل حبيبه وعامة الشعب آمر بالغ الصعوبه ،ذلك المجتمع المغلق على نفسه ولا يعترف الا بالشركات والسيارات والبورصه وأصول المال.
وكلما مضى الوقت كانت عزلة زكريا تتضخم اكثر ،يقضى يومه فى بؤس يشاهد التلفاز كأنه فى دار مسنين
فقد شغفه بعالم المال والاعمال وتركه لفارس
سأل نفسه فى الشهور الماضيه الف مره ليه حبيبه عملت كده ؟
حبيبه إلى عمرها ما كانت تخرج من الفيلا غير ورجلها على رجله ،إزاى أهمل لحد المصيبه دى ما حصلت؟
وليه ظهرت فجأه ؟
حبيبه كانت واقفه فى المطبخ وفجأه حياته اتغيرت
فتح متصفح حبيبه ذى اللص ،صفحتها على الفيس بوك من يوم ما سابت الفيلا منزلش عليها منشور واحد
معقول تكون حبيبه غيرتها ؟
فين صور الفرح
فين صورها من جوزها الجديد؟
أصبح الرجل كهل، ميت يتنفس انعدمت لديه إى رغبه فى الحياه ،وكثيرا ما لمحه الخدم يبكى فى غرفته مثل الأطفال
خلال نومه كان يستيقظ على نوبات فزع وهو يهمس حبيبه
او يبحث عنها جواره فى فراشه ، ثم يصمت خجلا ،يخشى ان يسمعه فارس او يشعر بحالته.
كانت مضت سنه كامله عندما تنازل زكريا عن كبريائه وارسل رساله على الخاص الحبيبه
رسالة تعرف حذره ، عامله ايه؟
تحطيى ايديك كده يا ردينه وتتكلمى بالطريقه دى
حاضر يا امى
البنت مش لازم تتكلم على الفاضى والمليان، خليكى تقيلة غير مهتمه
حاضر يا ماما
ردينه الضحك بحساب ،والابتسامه بحساب، أحتفظى بمشاعرك لنفسك وخليكى متأكده هيقابلك كتير شباب هيكون عندك فضول تعرفى عليهم
واعمل ايه يا ماما؟
ترفع حبيبه ايدها النوع ده بالذات لازم تبعدى عنه
الفضول مش بيجى من وراه حاجه كويسه
ماما؟
نعم يا ردينه
فيه رساله وصلتك على الماسنجر
رسالة ايه ؟
اتعدلت حبيبه مسكت التليفون وقرأت ،عامله ايه؟
شافت حبيبه اسم زكريا، قلبها انتفض ،كانت هتقع من الكنبه
زكريا احتاج سنه كامله عشان يبعت كلمه واحده ليها
لكن مش ده المهم، فى عقلها كان فيه مشاكل أكبر
بلهفه شاف زكريا رسالته تمت قرئتها بعد اسابيع من الانتظار
اتكى على عكازه ومسك تليفونه
حبيبه ردى عليه ؟ انتى عامله ايه؟
مرتاحه مع جوزك ؟
قرأت حبيبه الرساله وشعرت بأن سكين غرست فى بلعومها
فيه إيه يا تيته ؟ سألت ردينه ببراءه
نزلت دموع حبيبه، مش قادره ترد ومش قادره تسيب زكريا من غير ما تتطمن عليه
اخيرآ كتبت حبيبه، انا كويسه الحمد لله، مرتاحه مع جوزى وفى حياتى الجديده، ارجوك انا ست متجوزه دلقوتى وميصحش اتكلم مع شخص غريب
ردينه عينها كانت على الرساله وعمال تخبط فى دماغها
جوز مين ؟
وحياة ومين الجديده ؟
لكن حالة حبيبه منعتها تتطفل ،ورغم ان حبيبه لسه محذراها من الفضول الا انها اول ما حبيبه سابت التليفون ودخلت غرفتها باكيه دامعه فتحت المحادثه
انتى معاكى بوى فريند يا تيته ؟
طيب ليه بتكدبى بقا ؟
اخذت ردينه عنوان متصفح زكريا سجلته عندها وقفلت تليفون حبيبه ودخلت غرفتها
انت مين بقا يا معلم؟ دا انا هخلى ايامك كلها سواد
بقا ياراجل يا متصابى عايز تلف على ماما
انت مين؟ كتبت ردينه ،بنصحك تقول الحقيقه لان فى حالة كذبك مش هسيبك فى حالك..
الفصل الثالث عشر من هنا