رواية بنات طب الفصل الثالث عشر 13 بقلم بسمه فيصل
ياسر : فلك انزلي انا واقف تحت جنب بيتكم
فلك : عايز شنو
ياسر : فلك عشان خاطري بَـس عايز اشوفك
وقامت نزلت ليوو والجو كان بارد شديد
ياسر كان واقف لي فلك جنب سور بيتهم وفلك عرفت انو في شي ما طبيعي في ياسر
ياسر بي اشتياق كان عايز يحضن فلك اول م شافها بَـس فلك وقفتو عن حدو وقالت
فلك : عايز شنو مني ي ياسر
ياسر بصوت مبحوح :فلك اخوي .... اخوي
فلك : مالو اخوك
ياسر : مااات ي فلك ماااااات ...وهنا ياسررر بقي يبكي وبكاء بي أقصى ما عندو لمن قعد في الارض ..
ياسر وهو ببكي : فلك م تمشي وتسيبني زي اخوي م عمل فلك انا محتاجك جنبي بعد م دفنا اخوي انا م قادر اقعد في البيت ولا قادر استوعب الحصل دا وبيتنا فجا بقى كلوو ناس وانا م قادر اعزي زول ومن غير تفكير جيتك انا عارف انو الوقت متاخر بَـس ي فلك شوفتك حتهوهن علي حاجات كتيره
فلك بي طرف يدها عبست كتف ياسر وهو قاعد في الارض وقالت
فلك : الله يرحمو ا .. وعايزه تمشي بَـس ياسر مسك ليها يدها
ياسر بصوت مكسور وهو ببكي : اقول لي محتاجك جنبي تمشي وتخليني فلك عليك الله خليك معاي
فلك عصبت من مسكت ياسر ليدها
فلك : اسمع ي ياسر انا اعمل ليك شنو اخوك يموت ولا اهلك كلهم م بهمني انت تبكي ولا تتحرق ولا تموت كمان في ستين دهيه ولآخر مره بقول ليك ي ود الناس م تتضرب لي ولا تدخلني في حياتك تمام
وفلك مشت وقفلت باب بيتهم وعينها لي ياسر القاعد في الارض وببكي وزاد بكي لمن قالت ليو الكلام دا لمن شعرو نزل وحالتو بقت صعبه
" فلك هنا بينت لي ياسر انو هي م عندها قلب ولا رحمه ولا انسانيه ولا اي شي وكانت لازم تعمل كدا عشان تبعدو "
....... بعد مرو تلاته أسابيع وفلك خلصت امتحاناتها وسافرو هي وامها القاهرة يقضو اجازة شهرين وخلو عاصم في السودان عشان يهتم بي شغلو اكتر ........*
....بعد مرور شهر من الاجازه .....*
فلك طلعت من الصباح وكانت لابسه بنطلون جنس ضيق وتيشيرت اسود ورافعه شعرها كعكه لفوق والجو في مصر كان خرافي مشت قعدت جنب ولد في كورنيش المجمع حقهم
مراد : حرام عليك ي فلك البتعمليه فيا دا
فلك : مززاجي ي مراد يااخ اسمع حاجه
مراد " شاب طووويل اصفررر شعرو ناعم اووي ملامحو جذابه ودايما السماعه الكبيره في اضانو وبعزف جيتار مراد م مصري بَـس عايش في مصر فتره كدا قابل فلك في مطار مصر كان بودع اخو وما صدق انو لقى سودانيه واتصاحبو م ن هناك "
مراد : طيب اسمعي دي واحده عزفتها امبارح
فلك : سمعنا ي سيدي
ومراد كان بيعزف بي احساس حلوو شديد ومبدع شديد في الجيتار
فلك : ي سلااااام يااخ ريحتني نفسيا
مراد : تسلمي اه الليله نمشي ووين
فلك : اي حته
مراد : طيب في مطعم حلوو كدا ارح نمشي ليوو
فلك : اك طوالي
مراد كل يوم بيمرق فلك في حته وهم الاتنين بتونسو وبيضحكو ويقضوا يومهم سوا وبعد م انتهو من مشوارهم سوا فلك رجعت المجمع وأول م عايزه تدخل لقت تلاته اولاد مصورين واقفين قصادها
واحد من الأولاد : ي اسمررر ي قميل انت م تجي بالزوايه ونجيب معاويه
التاني مشا اتجاه فلك وقرروب منها وفلك من غير مقدمات اكلتو كف زابط اصحابو الاتنين طلعوا سكاكين ومطاوي وفلك هجمت على الولد الاول بي كلوو لمن وقع اغمى عليه واللاتنين ديلك جو جارين بي السكاكين على فلك وفلك قامت جاريه عشان ما حتقدر تواجهك عشان هم مسلحين وفلك بتخش من شارع لي شارع والو لدين وراها
لحدي ما زول جراها بي داريه كدا وقفل ليها خشمها فلك شمت ريحة العطر وتقريبا عرفتو لحدي م الولدين لقو بتاع امن حق المجمع وقبض عليهم وفلك لتراقب بي عيونها بَـßÊـسّ م قادره تشوف الماسكات منو والزول ألكان ماسكها خلاها ومشا وفلك رجعت البيت وامها جابت ليها الاكل وهي بتآكل باب شقتهم ضرب قامت فتحت البيت شافت زول م متوقعه تشوفو شافت ياسر واقف قفلت الباب في وشو ورجعت تتم اكلها بَـßÊـسّ باب شقتهم ضرب تاني والمره دي فلك لتأكدت انو البيحصل دا حقيقه فلك فتحت الباب
ياسر : فلك حبيبي وربنا مشتاقيه