رواية بنات طب الفصل الثاني 2 بقلم بسمه فيصل
تم استدعاء فلك في مكتب عميد كليه طب
العميد : فلك مجدي انَـَتي مفصولة من الجامعه لمدة ثلاثه ايام
فلك: والسبب
العميد: بسبب ضرب زميلتك نادين علي وتسبب في كسر يدها
فلك ولعت سيجاره 🚬وأخذت نفس عميق وطلعت نفسها في وش العميد
فلك: في حاجه تاني
العميد بكل غصب : انَـَتي بنت ما محترمه واهلك ما ربوك خالص
فلك وهي بتشرب في سيجارتها: اعصابك ي عميدنا م كدا
العميد: اطلعي برا فورا
فلك: طالعه اساسا ما من سماحة مكتبك يعني
فلك وهي ماشه على باب عشان تطلع قال العميد بصوت عالي
العميد: انا اساسا م عارف انتو بتدخلو طب كيف الدكتوره اخلاق قبل إمكانيات انا م عارف ابوك عايش معاك كيف
هنا فلك عيونها حمرت شديد والتفتت للعميد وحمرت ليو مسافه والعميد خاف لمن عرق وأتبكم وما قادر يتكلم وفلك طلعت وقفلت الباب بي وراها
واوا م طلعت من مكتب العميد لقت ولد متكي على الحيطه ورفع راسو عاين ليها وابتسم ابتسامة سخريه كدا
اكرم : فلك انفصلتي كم يوم يعمري
فلك : اكرم محمد اقطع وشك مني
اكرم محمد. دا كان بحب فلك شديد ومعجب بشخصيتها بطريقه خرافيه بَـس طبعا فلك م عندها حاجه لزول وكان دايما بتحرجو من غير رحمه قدام اصحابو لحدي م انقلبت مشاعر الحب دي لي كره كدا مبالغه وعايز ينتقم منها بًـآيِّ طريقه اكرم ولد لآ طويل ولا قصير بَـس اطول من فلك عندو شعر كتيير وكلو ملفلفو ونازل كدا على جبهتو مايل للأصفر شاب عايش حياتو وتصرفاتو تصرفات مراهقين ودا السبب عشانو فلك م طايقاهو
اكرم:زعلت عليك يااخ 😏😏
فلك : م يزعل عليك عزيز🙂 والله لو كنت فاضيه ليك كنت وريتك قيمتك بَـßÊـسّ للاسف م فاضيه خالص ومشت
فلك مشت لي استراحه البنات
في الاستراحه :
امنيه : تلاته ايام ي فلك تلاته ايام من دونك
ساره : اديني ليهم الثلاته ايام دي
فلك : انا عارفه بتكونو فرحانين من جوه
رواء:اييي فرحانين شديد الصراحه😂😂 لانو مافي زول حيضربو ولا يكفتو التلاته ايام دي
وكلهم فكر الضحكه😂😂😂😂
ساره : هوووي الليله عامله حفله في البيت حتجو معاي من هنا
فلك : حفله بمناسبة شنو
ساره جات قريب من فلك وفرصتها شديد لمن فلك صرخت
ساره : خطبوني ي حيوانه اسأليني تاني 😪
فلك : نسيت والله معليش يااخ اساسا م متخيله انك خلقتك دي بخطبوها خالص 🤣🤣
رواء وامنيه بصوت واحد : اليللللله واليللله 💃🏼💃🏼 كتمت كتمت
ساره حمرت لي فلك : ما معزومه على الحفله عشان قلة ادبك دي
فلك: بجي جو عينك زاتووو
واتونسو البنات لحدي م انتهي الدوام طواللي مشو بنت ساره دخلو غرفة ساره وعملو حفله رابه بي كلوو وما خلو زمبار ولا هندي ولا حبشي حتوه حت وجات بسمله وباقي بنات الدفعه وجات نادين معاهم وفلك استغربت من جيتها لكن طنشت وخلصو الحفله وكل زول مشى بيتو
ـ في بيت فلك
فلك دخلت بيتهم وكان اخوها وامها قاعدين في الصالون
فلك : امي قومي ادخلي اوضتك
ام فلك : ليه في شنو ي بنتي
فلك عاينت لي اخوها : سماح قلت ليك ادخلي اوضتك
ام فلك اسمها سماح وفلك لما تغضب بدناديها سماح
دخلت ام فلك أوضتها وعاصم قام جاري وهووب فلك بيوراهو ومسكتو وطوالي ادتو شلوت لمن رقد في الارض على بطنو رفعت راسو
فلك : صدق انت واحد عديم التربيه انا الليله أجيبك من شقته دعاره ي حيوان انادي سماح تعرف
فلك شدت يديها على رقبه عاصم
عاصم : لآ لآ خلاص م حيحصل تاني انا اسفه
فلك : عاصم انت اخوي الوحيد عايزاك تطلع انسان محترم وليك هيبه وحضور عايزاك تطلع شخصيه في المجتمع انت فاهم
عاصم بصوت مخنوق : ما انا م حطلع شي
فلك: ليه
عاصم :عشان انَـَتي حتموتينني زحي يدك من رقبتي يااخ
فلك: اسفه يااخ 😂😂
قام من الارض ونفض هدومو وقعد في الصفره حقت المطبخ وقال
عاصم: نفسي اعرف الأكبر فينا منو
فلك : م تركز كتيير وأشرت على رأسها
للمعلوميه عاصم اكبر من فلك واتخرج قبل خمسه شهور من الكلبه الحربيه برتبة ملازم وشغال اسي بَـس م ملتزم بي الشغل خالص ودا السبب المجنن فلك مع انو اصغر منو بَـس عقلها كبير وبتحل مشاكلو دايما وبتخاف عليو شديد
عاصم: خلاص اخدت دقتي ماشي انوم
فلك:على ووين ي حب لسه انا م انتهيت
عاصم : اها وفِي شنو تاني
فلك : اشرت على الحوض حق المطبخ وقالت العده دي كلها راحيه منو زايد الغسالة مليانه هدووم والبيت داير نظافه زي م شايف
عاصم: ودناايت بتعمل في شنو 🙄
دانا يت دي الحبشيه حقتهم
فلك : ضربت ليها وقلت ليها الليله م تجي
عاصم : حرام عليك يااخ😪😪
فلك : تحرم عيشتك يزفت يلاا ابدا شغل
مشت دخلت غرفتها ونامت
ـ قاعد الليل كلو بفكر فيها وكيف دخلت غرفتو وكيف كانت بتشرب سيجارتها وباي طريقه كانت كلامها لحدي م نام وصحى فتح عيونو وشافها غمض عيونو وأتكلم بي جواه الدرجه دي ي ياسر بتفكر فيها بَـس قاطعه صوت
ـ. ما كنت قايله وشي دا بضحك كدا 🙂.
يتبع....