بعد شهر… باليل في بيت زياد.... حنين قاعده في الجنينة علي مرجحة ودموعها نزله وهي باصة لسماء.. يدخل عصاي ماسك الجاكت في ايديه يلاقيها قاعده يبص لها باستغراب ويروح ويقعد جنبها.
عصاي
احم احم احم ممكن اعرف اي اللي مزعلك.
حنين بحزن
هو انت دوقت طعم الخذلان من اعز النااس لك قبل كده.
عصاي يبص لسما وهو بيقول.
عصاي
اول طعنة خذلان دوقتها لما ياسمين مراتي وحبيبة قلبي سابتني ومشيت
حنين تبص له بكسوف وهي بتقول.
حنين
هو انا ممكن اعرف ليه مراتك سابتك ومشيت.
عصاي يبص لها بحزن
عصاي
للاسف مشيت من غير سبب مشيت حتى من غير ما تقولي سلام كان نفسي اشوفها قبل ما تمشي بس مالحقتهاش
حنين
ممكن تدور عليها وترجعها وتقول اسف بحبك صدقني هتسامحك.
عصاي بدموع
ياريت اقدر ارجعها رغم اني عارف مكانها بس مستحيل اقدر ارجعها انا ياسمين ميته يا حنين جابتلي ذكره منها وسبتني اعاني من الوحده.
حنين بحزن
انا بجد اسفه اوى فكرتكم متخنقين والله
عصاي يمسح دموعها
لا عادي خالص ولا يهمك بس قولي بقا انتي بقي لك شهر معنها وكل ما شوفتك تكوني يا اما بتعيطي يا اما قاعده سرحان اي الحكاية.
حنين بدموع
مش قادره انساه ولا قادره اتخطها قلبي وجعني اوى عمري ما تخيلت ان الوجع يجي من اقرب اتنين علي قلبي أمي وحبيبي اللي روحي كانت فيه.. انا لو كنت موت كان هيكون ارحم من العذاب اللي انا فيه ده..
—-----------
في فيلا مليكة
في اوضة النوم مليكة نايمه علي السرير بتصوات وعامر عمال يضرب فيه… عامر شكله اتغير بقي مدمن مخدارت حولين عيونه اسود وبقي رفيع جامد ودقنه طويل.
عامر بغضب
فين البرشام يابت انتي قولي حاطه فين اخلصي.
مليكة بوجع
ابعد عني يابني ادمن قولتلك خلاص ما بقاش فيه.
عامر يشدها من شعرها وهو بيقول بزعيق.
عامر
وانتي ليه ما تنزليش تجيبي مش قيلك من اليوم اللي فات البرشام ده ما يتقطعش من البيت.
مليكة بوجع
طيب طيب يا عامر ابعد عني هبعت حد يجيبه ابعد بقا انا حامل وتعبانة.
عامر بغضب
وانا لسه هستني تبعتي حد ده انا هطلع روحك علشان تاني مره تفتكري البرشام بتاعي قبل اي حاجه.
عامر من غير واعي يخنق مليكة جامد.
مليكة بخنقه
عامر سبني هموت… ابعد يا عامر هموت في ايدك
بس عامر مافهوش وعي ولا داري باللي بيعمله ويخنقها لحد ما تموت بجد. بعدين يسبها وهو بيقول.
عامر
انتي هتناملي قومي هاتي البرشام يابت قومي لا اموتك تاني.
يفضل يضرب فيها وهو مش واخد باله انها ماتت بجد.
—------
تاني يوم الصبح
في عربية عصاي… عصاي بيسوق وحنين قاعده معه زياد.
حنين بدموع
لو سمحت يا استاذ عصاي احنا اتكلمنا في الموضوع ده بجد مش هقدر اواجها ولا هقدر اشوفها حتي.
زياد
حنين انا شايف عصاي معه حق قبلي امك لو مره واحده علي الاقل
عصاي
حنين بصي انا عارف اني ماليش الحق ادخل في خصوصياتك بس امك جاتلي وطلبت تشوفك لو مره واحده لو سمحتي قبليها علشان خاطر سيره الرحم حتى.
حنين تبص من شباك العربيه وهي بتعيط.. وفجاة تشوف عامر ماشي زي المجنون هدومة متقطعة والعيال بتجري وراها بالتوب
حنين بصدمة
عااامر.
تقول بصوت عالي
وقف العربيه لو سمحت يا عصاي وقف العربيه.
زياد باستغراب
مالك يابت شوفتي عفريت ولا ايه
عصاي يوقف العربيه وهو بيقول
عصاي
مالك يا حنين في ايه.
بس حنين تفتح الباب وتنزل وهي بتعيط تجري علي عامر..
حنين بعياط
عااااامر مالك اي اللي عمل فيك كده.
عامر يستخبي ورها وهو بيقول بخوف.
عامر
خليهم يمشوا ونبي ما حدش يضربني.
حنين تبص للعيال بصدمة والعيال بتقول في صوت واحد
الاطفال
المجنون اهو المجنون اهو المجنون اهو.
حنين تبص لعامر بدموع وصدمة وهي بتقول.
حنين
عامر حبيبي انت مش عارفني انا حنين انا حبيبتك حنين.
عامر يبص لها باستغراب وبعدين يحضنها جامد وهو بيقول.
عامر
ايوه والله انتي حنين روحتي فين وسبتني يا حنين شوفتي حصلي اي من بعدك انا موت مليكة علشان مش راضيه تجيب برشامة.
حنين تبرق بصدمة وهي بتقول
حنين
موت مليكة..
عصاي وزياد يبص لهم وبعدين يبصوا لبعض باستغراب.
—---------
تاني يوم في مكتب الدكتور
قاعده حنين وعصاي مع الدكتور. وقاعد عامر علي السرير بيهرش في راسه
الدكتور بهدوء
مش هكدب عليكم بصراحه علاجة في الحالة دي صعب اوى ده بيطعاتي مخدر الشامبو وده اكتر نوع مخدر خطير وصعب التعافي منه.
حنين بدموع
عامر ما كنش بيشرب حتى السجاير ازاي اتعاطي مخدارت زي دي انا مش فاهمه.
عصاي يبص لحنين بحزن وبعدين يبص لدكتور وهو بيقول.
عصاي
طيب يا دكتور في أمل أنه يخف.
الدكتور
والله يا استاذ عصاي الأمل في الله وفي اردت المريض انه بتعالج
عامر بحزن
ونبي انا عاوز اتعالج بس مش عارف ازاي.(يكمل بغضب) انا عايز قهوة حد يعملي كوباية قهوة مليكة بت الكلب بقي لها يومين ماعملتش قهوة ليه انا هطلع روح أمها.
حنين تبص لعامر بشك وبعدين تقول
حنين
عامر هي مليكة كانت بتديق قهوة واي.
عامر بتفكير
قهوة وبرشام لصداع.
حنين بدموع
حسبي الله ونعم الوكيل فيكي يا مليكة حتي وانتي ميته انا مش هسمحك منك الله.
عصاي بحزن
اهدي يا حنين ودي ميته دلوقتي وما يجزش عليها غير الرحمة
حنين بدموع
الله لا يرحمها يا شيخ دي كانت شيطانة مش بني ادمه. مش مسامحة ومش هسامح كل اللي كان السبب في خراب حياتي انا كان فاضل علي فرحي شهرين كنت بحلم باليوم اللي هفرح فيه وهم سرقوا مني فرحتي وحب عمري ومش مسامحهم ومش هسامح كل واحد كان السبب في اللي حصل ليا ولعامر حبيبي
عامر يبص لها بزعل بس يهرش في راسه ومش فاهم حاجه
—-----
#الاخير
بعد سنه ونص
في بيت عصاي
قاعد عصاي وزياد مع بعض ومهد
مهد بزعل
هي كده طنط حنين خلاص هتتجوز هي وعمو عامر ومش هتقعد معنا تاني.
زياد يبص بحزن لعصاي اللي بين عليه الحزن.
زياد
مهد قوم جهز نفسك وخلص الواجب اللي عليك قبل ما نمشي وانا عاوز اتكلم مع ابوك شويه.
مهد
حاضر يا عمو عن اذنكم.
مهد يمشي وزياد يقول.
زياد
هتعمل ايه يا عصاي هتسبها تتجوز بجد
عصاي بحزن
امال عاوزني اعمل ايه هي من حقها تختار وتعيش مع اللي تحبه وهي بتحبه هو مش انا ثم الحب مش معني اني لازم اكون معاها ولا هي تكون معايا الحب اني لازم اكون في ضهرها منين ما تحتاجني انا هكون مبسوط لما هي تكون مبسوطة يا زياد بعترف انها غاليه عليا اوى بس مش معني كده اني اكون انانني واتحكم فيها وفي حياتها.
زياد
طيب علي الاقل صرحها بمشاعرك لو مره واحده علي الاقل؟
عصاي
لا يا زياد مش هتغضط عليها لو هي ماشفتش مشاعري من نفسها مش هقول لها وانا عارفها ممكن تقبلها علشان بس ما تجرحنيش او تحت رد الجميل وانا مش عايز كده.
زياد بزهق
حظك اسود يا جدع يعني يوم ما ترجع تفتح قلبك تحب حبيبت واحد تاني.
عصاي
اصلا هو بمزاج أهلي يوم ما تحب هتفهم ان الحب مش مزاجك
زياد
امال لو مش بمزاجي امال بمزاج
عصاي بغضب
لما تتنيل علي عينك تحب هتفهم قوم يلا خلينا نمشي علشان ما نسبش حنين لوحدها في يوم زي ده
عصاي يقوم وهو بيقول بصوت عالي
عصاي
يلا يا مهد علشان ماشين.
زياد يفكر شويه وبعدين يقوم وهو بيقول.
زياد
بقولك ايه يا عصاي انا في دماغي حاجه كده عاوز اخد رايك فيها
عصاي باستغراب
حاجه اي دي اخلص مش فاضيلك.
زياد بخجل
انا شكلي كده معجب بسما اخت حنين…
عصاي بصدمة
ما لاقتش غير اما لسان دي بس تصدق انتم الاتنين لايقين علي بعض.
زياد
عاوزك تدخلي واسيط بقا يا ابو نسب.
—--------
في بيت عامر…
في أوضة قاعده حنين علي السرير لبسه فستان فرح وقاعد معها ساره وسما كل واحده لبسه فستان ساورية.. سارة تكلم سما بصوت واطي
ساره
ما تخلضي تتكلمي قبل ما عامر يطلع مش هتلاقي زي ده تاني
سما
طيب ما تتكلمي انتي ما هي اختك برضو
ساره
ما انتي عارفني لخمة وما بعرفش اتكلم
حنين تبص لهم باستغراب وهي بتقول
حنين
انتي وهي بتتوشوش مع بعض بتقولوا اي كده
سما بتوتر
بصراحه يا حنين في موضوع كده حابين نكلمك فيه بس مش عاوزينك تزعلي ماشي.
حنين بشك
موضوع ايه ده؟
ساره بحزن
سامحي ماما بقا يا حنين عادي سنتين وانتي مش راضيه تسامحي انا عارفه والله انها غلطت وغلط كبير بس ندمت وحتي حرقت الفلوس والله ما خدش حاجه منهم.
حنين بدموع
لو سمحتم انا ما صدقت اني خلاص هفرح بعد كل العذاب اللي انا شوفته ما تعكروش فرحتي ونبي.
فجاة يدخل عامر رجع زي مكان بعد ما اتعالج معه أحلام بين عليها الحزن.
عامر
وفرحتنا مستحيل تكمل من غيرها يا حنين انا مسامح سامحي انتي كمان علشان نرتاح في حياتنا الجديدة.
حنين بدموع
لو انت قدرت انا مش قادره يا عامر مش قادره انسي ان امي ضحت بي وبسعادتي علشان الفلوس بجد صعبه اوى وصعب اني اسامح وانسي.
احلام بدموع
عارفه اني غلطت وانتي معاكي حق يابنتي انا ماستهلش انك تسامحني انا مش أم مافيش أم تعمل اللي انا عملته وانا مش عاوزة غير تكوني مبسوطه ومرتاحة وثقه ان عامر راجل وعارف يحافظ عليكي انا همشي وخواتك معاكي بدالي.
احلام تتحرك علشان تمشي عامر يقول وهو بيقرب من حنين.
عامر
استني يا ماما لو سمحتي(يمسك ايد حنين) حنين حبيبتي احنا دلوقتي مع بعض والنهاردة اهو فرحنا وربنا ردنا لبعض هنستفاد اي من الزعل اللي حصل حصل وخلاص واحنا مش لازم ننسي بس علي الاقل نسامح بعض علشان نقدر نكمل مشوار الحياة طويل وزعل النفوس من بعض بيقل الحمل ويطول المشوار قربي تسامحي علشان الطريق يبقي ساهل وخفيف عليكي.
حنين بدموع
ما هو واضح مش بحبك من فراغ يا عامر
عامر يحضنها وهو بيقول
وعامر بيموت فيكي سامحي علشان خاطري يا حنين.
حنين تبص لأمها بدموع وتجري عليها وتحضنها وهي بتقول.
حنين بدموع
وحشتيني اوى يا ماما وحشني حضنك الجميل ده.
احلام يدموع
انتي اللي وحشتيني وحشتي إمك قوي يا حنين سامحني يابنتي والله كانت وزت شطان وما هتتكرر تاني أبداً.
فجاة يدخل زياد وعصاي
زياد باستغراب
هو انتم مالكم كلكم معيطين ليه كده حد مات ولا ايه.
عصاي يضربه علي كفه
فال الله وفالك يا حمار انت ربنا يكمل فرحتهم علي خير.
زياد بغيظ
انت مش ملاحظ انك بتهزقني قدام البست بتاعي ينفع.
عصاي يبص ناحية سما
اها معليش نسيت
عصاي يبص للكل وبعدين يقول
عصاي
بما الكل هنا اي رايكم لو ناخدها من قصرها والفرحة تبقي اتنين.
عامر باستغراب
مش فاهم هتبقي اتنين ازاي
عصاي
ونبي تسكت كفايه عليا حمار واحد
عصاي يقرب من احلام وهو بيقول
عصاي
بصي يا خاله احلام لاوله شرط اخره نور وانا طالب ايد ام لسان قصدي سما للحمار قصدي زياد اخويا هو اهبل والله وغبي شويه وعديم المسؤليه وكسول بس والله ابن حلال قولتي اي.
زياد بحنق
انت مش بتخطبلي انت بتخطب عليا في خطبة الجمعه وطلعتني من كفار قريش.
الكل يضحك.. واحلام تقول
احلام
والله يابني زياد عسل ومش هلاقي احسن منه لسما بس سما قدامك اهي لو موافقة انا مش همنع.
سما تبص للارض بكسوف عصاي يقول
عصاي
طيب الحمدلله شكلها مش موافقه
سما بغيظ
هو جاي من غصب عنك ولا اي انا موافقه طبعا بالغيظ فيك.
زياد
ايوه يا سمكة يا جامد اديله وربنا يكفينا شر الحاقدين يابنتي.
عامر
استني عنك يلا انت شكلك مغفلنا انت وهي.
حنين
انا ما قبلاش اتغفل واضرب علي دماغي ياض منك ليها.
زياد
ما اخليكي محضر خير ياكوتش ده انا مغلفها معاكي برضو.
عامر بغيظ
يعني ايه ياض انت.
زياد يمسك ايد سما وهو بقول.
زياد
بقولكم ايه انا عاوز افرح وهفرح يعني هفرح انا واخدها وطالع عند المأذون اللي عاوز يحضر يجي ورانا.
سما
مأذون ايه مش لما اروح الكوفير وجيب فستان وظبطلك نفسي ياض.
زياد
انا مش عايز يستي انا راضي بيكي جعفر كده.
ياخدها ويطلع عامر يسحب حنين ويطلع جري وهو بيقول بغيظ.
عامر
استني يازفت ده فرحي انا مش فرح اللي جبوك انا اللي هتجوز الاول.
زياد يسحب سما ويجري وهو بيقول.
زياد
اجري يا سما اجري خلينا نلحق نتجوز احنا الاول.
حنين وهي بتجري مع عامر
حنين
استني يا عامر انا هقع الفستان طويل بيقعبلني.
عامر يشلها علي كتفه حنين تصوت
حنين
ياللههههوي انت هتدخل بيا القاعه كده النااس هتقول علينا اي انا في عرضك نزلنييي..
عامر ياخدها ويجري ويفضل واقف عصاي وسارة واحلام تجري وري العرسان.
ساره بضحك
يالهوي علي المسخرة.. اللهم ارزقنا حسن ختام الافراح وحسن بدايته
عصاي يبص لها
امين يارب ربنا يرزقك بأبن الحلال ويكون عاقل مش مجنون زي دول.
ساره بكسوف
اللهم آمين يارب العالمين انا وانت يارب.
عصاي بتبتسم
بقولك ايه
ساره
خير
عصاي
بما ان الاهبل والمجنون بيتجوزا ما تجي نخلي الفرحتين تلات وخير زاد بركة برضو. ولا هم يفرحوا وانا حرام عليها.
ساره بكسوف
مش عارفه والله بس انا مش كنت بفكر في الموضوع ده
عصاي
هو انا يعني اللي كنت بفكر شكلك مش موافقه بس انا مش هغصبك عن اذنك
عصاي يجي يمشي ساره تجري وراه
ساره
استني يا عم القموصة انت انا قولت مش موافقه بذمتك.
عصاي يشيلها وهو بيقول
عصاي
طيب تعالي بقا علشان اللحق اتجوز انا الاول.
ساره
هو سباق الخيل ولا فرح ياعم انت
عصاي ياخدها ويجري
ساره بصويت
هي الدعوة استجابت بالمقلوب ولا ايه الحكاية
تمت بحمد الله