نورا: وانا كمان اتوحشتك جوي جوي يا سيفو.
يوسف: الخطه بتاعتنا ماشيه تمام، والحمد لله أن زين واجف معانا.
نورا: حاجه غريبه، يعني احنا رايدين بعضينا واهالينا هيموتو ويجوزونا، واحنا ايه بمنثل عليهم أننا مش طايجين بعض.
يوسف: معلش يا جلبي، استحملي معايا شويه، انتي عارفه اللي فيها، وعارفه ان ابوي وامي طمعانين ف جوز عمتي، لازم نعلموهم درس عشان يبطلو طمع، وكمان خايف علي كسره جلب خيتي.
نورا: الصراحه يعني صابرين غيرك خالص، وكل اللي يهمها الفلوس وبس، وده غلط.
يوسف: عارف.
نورا: بجولك ايه، انا نعسانه خالص، هجفل معاك وانام، ولما اصحي هكلمك، تصبح علي خير.
يوسف: وانتي كل اهلي.
لتغلق نورا الهاتف مع يوسف، لتغط في نوما عميق.
ويمر الليل علي ابطالنا.
وها هو صباحا جديدا قد اتي.
وفي فيلا محمد الخطاب، نجده جالسا في مكتبه، وامامه مجموعه من الصور.
محمد: وحشتيني اوي يا ديجا، الدنيا من غيرك صعبه اوي، بس عارفه اميره بنتنا كبرت وبقت عروسه زي القمر، بس انا الوحده قتلتني، وبعدي عن اهلي وبلدي، بالرغم أني الحمدلله مش محتاج حاجه من حد وعندي كل حاجه، لكن الأهل حاجه تانيه خالص، دفا وعزوه، خايف اموت واسيب اميره لوحدها، خايف عليها من الناس، هيا مجنونه شويه بس طيبه اوي، وواخده نفس حنيتك بالظبط، ربنا يجمعني بيكي ف جنات النعيم.
وهنا يصدح صوت هاتف محمد.
محمد: الو، اهلا، ازيك يا راجل، واحشني اوي.
المتصل ويدعي فاروق: الحمدلله يا حبيبي، انته اخبارك ايه.
محمد: الحمدلله بخير.
فاروق: انا بتصل بيك عشان اطمن عليك، وكمان في حاجه عايز اقولك عليها.
محمد: خير.
فاروق: اصل الانسه اميره سحبت ٢ مليون من رصيدها.
محمد: بخضه ايه، اتنين مليون، ليه، عملت بيهم ايه. طاب اقفل يا فاروق وهكلمك تاني.
فاروق: انا اسف، بس ده واجبي ناحيتك، انته صاحبي وعشره عمري.
محمد: لا يا حبيبي، ابدا مزعلتش، بس اميره عملت ايه بالفلوس ديه كلها، انا مش مخليها محتاجه حاجه.
فاروق: طاب براحه عليها، البنت لسه صغيره.
محمد: مش عارف هعمل معاها ايه، انا الفلوس مش مشكله عندي، بس عايز اعرف صرفتهم ف ايه. انته عارف القرف المنتشر اليومين دول، وانا مرعوب عليها.
فاروق: لا ياراجل، اميره عمرها متعمل حاجه غلط.
محمد: طاب عايزك تقفلي الحساب بتاعها خالص.
فاروق: حاضر.
ليغلق محمد الهاتف مع فاروق مدير البنك، ثم يخرج من مكتبه ليصيح باءعلي صوت.
محمد: اميره... انتي يا بنت.
لتخرج ناديه من المطبخ علي صوته.
ناديه: خير يا بيه، في حاجه.
محمد: اميره فين.
ناديه: فوق يا بيه، ف الجناح بتاعها، نايمه.
محمد: اطلعي صحيها.
ناديه: في ايه يا بيه.
محمد: وسعي كده، انا هطلعلها.
ليتركها ويصعد الي جناح ابنته مسرعا، لتصعد ناديه خلفه.
ليدخل الجناح علي اميره وهيا تغط في نوما عميق.
محمد: اصحي يا بنت، قومي.
ناديه: براحه يا بيه، احسن تتخض.
محمد: تتخض ولا تتفلق، قومي يا ست هانم.
اميره: بنعاس صباح الخير يا بابي.
محمد: صباح الزفت علي دماغك ودماغ ابوكي، قومي كلميني.
اميره: في ايه.
محمد: انتي سحبتي ٢ مليون جنيه من حسابك، ووديتيهم فين.
اميره: عادي يا بابي، كنت محتاجهم.
محمد: واحتاجتيهم ف ايه.
اميره: بتلعثم الصراحه يعني يا بابي، انا مرتبطه بمعيد عندي ف الجامعه، ووالدته بتعمل عمليه ف الكلي، والمتبرع طلب مبلغ كبير وهو مش معاه، وبعدين هو هييجي يتقدم لحضرتك بعد والدته متخف.
محمد: انا شكلي دلعتك اوي، اسمه ايه الزفت ده.
اميره: ليه.
محمد: عشان اساءل عليه، مش بتقولي هييجي يخطبك، يبقي من حقي اساءل عليه.
اميره: اسمه يسري سرور حشاد.
محمد: هاتي رقم تليفونه.
اميره: لاء طبعا، لما استاءذنه الاول.
محمد: انتي اتجننتي يا بنت. انا اللي غلطان عشان اديتك الحريه، كان لازم أشد عليكي. وانتي يا ست ناديه، تعرفي حاجه عن الموضوع ده.
ناديه: حد الله، ما اعرف ولا قالتلي.
محمد: طيب، حسابنا بعدين.
ليتركهم محمد صافعا الباب خلفه، ثم يتصل بالمحامي الخاص به الاستاذ خالد واكد، ويملي عليه بيانات يسري ورقم هاتفه.
محمد: انا عايز معلومات عنه باقصي سرعه.
خالد: حاضر، اطمن، كلها ساعتين وابلغك بكل ما عنه.
ليغلق محمد الهاتف مع المحامي.
اما ف الصعيد، نجد أن حليمه تجلس علي سريرها وهيا تقول.
حليمه: واخرتها معاك ايه يا محمود، انا عايزه افرح بعيالي، وبعدين ايه يعني لما اكون بحب الفلوس، وأخوي ومرته وعياله هيبجو تحت طوعي لما العيله يتجوزو بعضيهم. لازم توجفلي زي الشوكه ف الزور كده. اجوم احسن اجعد معاهم، احسن ما اطج من الجعده وحدي.
لتنزل حليمه لتجد زوجها يحتسي قهوته.
حليمه: صباح الخير.
محمود: صباح النور، جربنا علي الضهر ايه، مافيش وراكي حاجه تعمليها.
حليمه: اعمل ايه يعني.
محمود: تشوفي هتغدونا ايه.
حليمه: عما عارفين هيطبخو ايه، متوجعش راسي. البت نورا فينها.
محمود: راحت الجامعه من بدري، وولدك نايم. اطلعي صحيه عشان يأكله لجمه.
حليمه: انا ما صدجت ما نزلت، يبجا يجوم براحته.
محمود: اسمعي الكلام يا وليه، ولدك جافل تلافونه، والتجار كلموني عايزين يحملو الزرع.
حليمه: روح انته، مشي رجليك، بدل ما انته جاعد ليل نهار تزهج فيا وف اللي خلفوني.
محمود: تصدجي كلامك صح، أجله ارتاح منيكي ومن زنك. الله اكبر يا كريم، يارب اديني مهملهالك عشان تبرطعي فيها وحدك.
ليتركها ويخرج.
وبعد ساعتين يستيقظ زين لينزل الي أسفل.
زين: ايه يا اما، جاعده كده ليه، وفينه ابوي.
حليمه: ابوك راح يسلم الزرعيات للتجار.
زين: ازاي بس يا اما، امال انا لازمتي ايه.
حليمه: ابوك جال صحيه، جولتله خليه نايم وروح انته، اهو يعمل حاجه بدل المناجره فيا ليل نهار.
زين: ملكيش حج يا امي.
حليمه: وانا من ميته عجبتكم، انته ولا ابوك ولا خيتك.
اما محمد الخطاب، فكان يتحدث مع المحامي.
خالد: للاءسف يا محمد بيه، في اخبار مش كويسه.
محمد: في ايه يا متر.
خالد: الولد اللي اسمع يسري، هو فعلا معيد ف الجامعه، بس ده متجوز وعنده بنت، وكمان بيتعرف علي البنات الاغنيه ويبدء يقلبهم ف مبالغ كبيره. امي هتعمل عمليه، اختي مطلقه وبصرف عليها وعلي عيالها، ولما البنت من دول تكتشف حقيقته يبدء يبتزها بالشات اللي بينهم وبالصور اللي اتصوروها مع بعض.
محمد: للدرجه ديه.
خالد: واكتر بكتير.
محمد: طاب ابعتلي عنوان بيته علي الواتساب.
خالد: تحب أنا أقوم بالواجب.
محمد: حبيبي، متشكر جدا. انته عارف يا خالد، انا مش باءمن لاي حد غيرك انته وفاروق. مع السلامه.
ليغلق محمد الهاتف مع خالد، ويصعد مسرعا إلي جناح اميره.
ليدخل عليها ليجدها تمشط شعرها أمام المراه.
محمد: شوفتي عمايلك، الاستاذ بتاعك طلع متجوز ومخلف كمان، وبيضحك علي البنات المغفلين اللي زيك.
اميره: لاء طبعا، كذب، مستحيل، يسري بيحبني.
محمد: اخرسي، ولا كلمه. ناديه، انتي يا ناديه.
لتصعد ناديه مسرعه.
ناديه: خير يا بيه، في حاجه.
محمد: عايزك تقعدي معاها، وممنوع تتحرك من الجناح، والأكل هيطلع لها. هاتي تليفونك يا بنت.
اميره: ازاي يعني يا بابي.
محمد: زي ما سمعتي.
محمد: ناديه، انتي المسؤله قدامي لو البنت ديه خرجت برا الجناح.
ثم يخرج صافعا الباب خلفه مره اخري.
اميره: يعني ايه، هو انا محبوسه هنا.
ناديه: بغضب ممكن اعرف ايه اللي عملتيه ده.
اميره: عملت ايه يعني، حبيت زي كل البنات، ماجرمتش يعني.
ناديه: تقومي تخبي عليا، عليا انا يا اميره.
اميره: يووه بقا، مش وقتك يا داده، هاتي تليفونك.
ناديه: لا، مافيش تليفونات.
اميره: وحياتي يا داده.
ناديه: خدي، وامري لله. هتكلمي مين.
اميره: هكلم يسري.
ناديه: طاب كلميه وافتحي الاسبيكر.
اميره: بتاءفف حاضر.
لتتصل اميره علي يسري.
يسري: ميرو حبيبتي، وحشتيني.
اميره: هو انته متجوز يا يسري.
يسري: بتلعثم متجوز مين، اللي قالك كده.
اميره: بابي، وكمان قاللي انك بتضحك على البنات وبتاخد منهم فلوس، وبعدين تبتزهم.
يسري: انا... انا بعمل كده.
ثم يمثل البكاء.
يسري: ليه بس كده، ليه والدك يقول عليا كده، الكلام ده كله كذب. انا عمري متجوزت ولا حبيت ف حياتي واحده غيرك. حرام عليه، والدك عايد يفرء بينا ليه.
ناديه: هاتي بقا، كفايه كده.
لتاءخذ ناديه الهاتف منها وتغلق الخط.
اميره: شوفتي، بابي بيكذب عليا، مليش دعوه، انا عايزه أخرج.
ناديه: اصبري شويه لغيت ما البيه يهدي، وبعدين نبقا نكلمه.
اميره: اوف بقا، أطفي النور، انا هنام.
ناديه: طاب مش هتاكلي لقمه.
اميره: اه، انا جعانه اوي.
ناديه: خلاص هتصل علي المطبخ عشان يطلعولك اكل.
اميره: مش انتي قولتي انك بتخافي عليا، اكل من ايد حد غيرك.
ناديه: اعمل ايه بس ياربي. طاب بصي، انا هنزل اجهزلك الاكل، بس انتي خليكي عاقله، واوعي تتحركي من هنا.
اميره: حاضر، مش هتحرك، بس ممكن تسيبلي التليفون اتفرج علي فيديوهات اليوتيوب.
ناديه: ماشي، بس اوعي تكلمي الواد ده تاني.
اميره: مش هكلم حد.
ناديه: شطوره، بنوتي حبيبتي.
لتتركها ناديه وتنزل.
لتتصل اميره علي يسري.
يسري: قلبي.
اميره: انا لازم اهرب من هنا.
يسري: خلاص يا قلبي، لمي حاجتك وهاتي مجوهراتك، وانا هستناكي ف الكافيه بتاعنا.
اميره: اوك، اتحرك انته، وانا اول ما اوصل هرن عليك تخرجلي برا الكافيه.
لتبدء اميره في تجهيز اشياؤها، وترتدي ملابسها، وتنزل علي السلم وهيا تتسحب.
ليراها والدها الذي كان خارجا من مكتبه.
محمد: اميره، انتي يا بنت، رايحه فين.
اميره: بتلعثم انا... انا...
محمد: انتي ايه، وايه الشنطه ديه. انتي واخده الحاجه ديه ورايحه فين. هتسيبي البيت يا اميره. وكمان واخده كل المجوهرات ديه.
لتخرج ناديه علي صوتهم من المطبخ.
محمد: هيا ديه الامانه يا ناديه.
ناديه: بخوف والله يا بيه، كنت بعملها لقمه تاكلها.
محمد: اطلعي قدامي علي فوق.
اميره: لاء، انته اب ظالم، انا هسيبلك الدنيا كلها وامشي، مش عايزه منك حاجه.
محمد: بتقولي ايه.
ثم يضع يده على قلبه ويسقط أرضا.
اميره: بابي... بابي... قوم وحياتي، خلاص هسمع الكلام.
ناديه: اجري اطلبي الدكتور، متقفيش كده، واندهي الجنايني والبواب ييجو يشيلو البيه يطلعوه الجناح بتاعه، اخلصي يا اميره.
وبعد ساعه يصل الطبيب ليكشف علي محمد.
اميره: طمني، في ايه.
الطبيب: هو انا مش قايل مليون مره بلاش ينفعل، قلبه تعبان، وكمان شكله مبياخدش العلاج.
اميره: يعني حالته خطر.
الطبيب: انا هكتبله علاج تاني، وياريت يبعد عن أي توتر، ويغير جو، وبحذركم من الانفعال.
اميره: طاب ننقله المستشفي.
الطبيب: مافيش داعي، بس انا هبعتله ممرضه عشان تاخد بالها منه، وعشان الحقن والادويه.
اميره: ببكاء هو بابي ممكن يروح مني يا دكتور.
الطبيب: إنشاءالله خير، بس زي ما قولت ونبهت، اي انفعال هندخل ف طريق مسدود.
اميره: لاء خلاص، عمري ما هزعله.
الطبيب: وياريت بعد يومين كده تاخديه وتغيرو جو، هيكون افيد بالنسبة له.
اميره: حاضر حاضر، يا حبيبي يا بابي.
لينصرف الطبيب.
اميره: داده، ابعتي حد يجيب العلاج، وانا هقعد هنا تحت رجل بابي.
ناديه: حاضر يا حبيبتي، بس بطلي عياط.
اميره: هو ممكن بابي يموت.
ناديه: بعد الشر، متقوليش كده.
اميره: انا السبب، ولو جراله حاجه مش هسامح نفسي ابدا.
ناديه: ممكن تهدي وتبطلي عياط. مينفعش يفوء ويشوفك بالمنظر ده. خشي اغسلي وشك، وانا هنزل اعمل شويت شوربه خضار للبيه.
اميره: حاضر.
ليفتح محمد عيناه ويتحدث بصوت منخفض.
محمد: اميره... اميره، انتي فين.
اميره: انا هنا جنبك يا بابي.
محمد: انتي بخير يا بنتي.
اميره: اهم حاجه حضرتك اللي تكون بخير.
محمد: انا عطشان، عايز اشرب.
اميره: تعالي اسندك واشربك من ايدي. شوفت بقا، انته غالي عليا ازاي.
الفصل الخامس من هنا