رواية بنات طب الفصل الثالث والعشرون 23 بقلم بسمه فيصل
العربيه فقدت توازنها ودخلت في الشجره والحارس ومعاو كم ظابط معاو مشو على العربيه جري بس ما لقو اي شي فيها واستغربووو...ياسر كان طلع من العربيه بسرعه وشال فلك ووقفو وراء شجره نزل فلك على رجلينا وكان حاضنها او مسيطر عليها عشان ما تصحا ..
الضابط : اسرعو في هذا الاتجاه وابحثوا جيدا
...ياسر متامل ملامح فلك وبلعب ليها في شعرها وهم واقفين وراء الشجره
ياسر مع نفسو بخلعه : ياسر انت في شنو والناس في شنو اجري ي ولد
...وياسر قام جاري وهو شايل فلك ولقى ليهو باب عماره مفتوح وتووش دخل فيه وطلع السطوح وقعد وراء خزان ..والشرطه جات تحت العماره وبفتشو فيهم ...ياسر مشي وهو ماسك فلك على ناصيه العماره عشان يشوف الشرطه من فوق قومي انتي ي فلك فتحي عيونك وشوفي الارض بعيده عنك وصررخي باعلى صوتك لحدي م الشرطه انتبهت انو الصوت جاي من فوق العماره واتحكرو ركبوو
ياسر : ياااخ الله ينعل شكلك ما لقيتي وقت تصحي الا اسي
فلك : هو انت هربتني وعملت كدا ليه
ياسر : دا ما وقتو خاالص خلينا نلقى طريقه نتخارج منها اول
...وشافو ليهم سلم بنزل لي تحت تقريبا دا سلم طورائ
ياسر : بتقدري تنزلي
فلك : اكيد
ياسر : طيب يلاا
...ونزلو بسرعه والشرطه وصلت فووق في السطوح واتفقدو المكان وشافوهم وهم جارين تحت وحاول الشرطي يضرب رصاص عليهم
..فلك صررخت من صوت الرصاص
ياسر : اجري بشكل اكس × عشان ما يقدر يضربنا
فلك : مفهوم
..وفعلا بقو جارين بشكل × وشتتو تركيز الشرطي بس للاسف الطلقه هبشت رجل ياسر ووقع في الارض
فلك : يااااااااسر قوووم ياااااسر
...وياسر اخد دقيقه كدا بس بعديها قام وجرى عادي
الشرطي : اوووف لقد هرب لن نستطيع القبض عليه ولكن من الذي يحاول تهريب تلك الفتاة
شرطي اخر : اكيد احد من جماعتها
...فلك وياسر جاارين بكلوووو
فلك : ياسر انت كويس
ياسر : اي انا كويس الرصاصه هبشت طرف رجلي بس لازم كنت اقع عشان الشرطي يفهم انو الرصاصه دخلت لي في رجلي
فلك : وواوو حضرة النقيب يااسر
ياسر : عايني نحنا داخلين على الطريق العام اخدي نفسك واتصرفي عادي
..وياسر قلع الكان لابسو في راسو وشرطها وربط بيها رجلوو ونزل بنطلونو ومشا بس بعرج شويه
فلك بي برود : ارح اقرب صيدليه عشان يعقمو ليك الجرح
ياسر : لا اكيد فلك ما تنسي انو شكلنا معروف ولو الشرطه جات وحققت حتعرف اني ما اتصاوبت
فلك : طيب العمل
ياسر : عندي بيت صحبي قرريب حنمشي ليهو
فلك : لا انا عاوزه امشي لامجد
ياسر : امجد غير مكانو ما حتقدري تصلي ليوو
...ومشووو كتتير لحدي ما وصلو بيت كدا ودخلو بي الشباااك
فلك : لي دخلنا بي الشبااك
ياسر : صحبي مافيش عشان كدا بعدين انا متوعد ادخل من هنا
فلك : ياسر انا بي سببك دخلت السجن واسي انتي مهربني بنفسك ممكن افهم لاني بجد ما فاهمه حاجه
ياسر : فلك انا مستحيل ادخلك السجن مستحيل حبيبة قلبي يحصل ليها اي شي في وجودي القصه كلها اني خليت امجد يقضب علي وسمعني لمن كنت بتكلم مع صحبي في موضوع انو في تاجر مخدرات سوداني في تركيا وانا متعمد عشان يقبض علي واعرف اكتر عن عصابتو واعرف انتي دخلك بيهم شنو طبعا دا بعد ما جاتني معلومات عنكم واساميكم يعني ممكن تقولي انا كنت عامل كمين عشان اقدر اقبض على اي زول فيهم ولو كنت عايز افك الحبل الربطوني بيهو كنت فكيتو بس قلت افهم الحاصل شنو المهم ما اتخليت انتي تطلعي لي في وشي انا كان ممكن افهمك الحصل بالسوداني الوقت داك مدام هم ما بفهمو سوداني بس المشكله انو في ظباط سودانين كانو موجودين فلك انا ما قصدي اقبض عليك خاالص واكبر دليل اني هربتك بي ايدي كان هدفي اقبض على امجد ولا اي زول من عصابتو
فلك : اسمع هنا انا دا كلوو ما بهمني ايااك تلمس من امجد شعره انت فاهم هااك امسكني رجعني السجن بدالو ولا يسجن هو مستحيل امجد يحصل ليه حاجه ولو حصل ليه حاجه ح اقتلك ي ياسر
ياسر : دا كلوو عشان امجد هو بالنسبه ليك شنو
فلك : كل شي كل حياتي انت مستعد تدافع عن وطنك باي ثمن وامجد بكون وطني وانا مستعده ادافع عنو باي ثمن لانو وطن امجد وطني انت فاهم
ياسر : الموضوع ما بيدي خاالص اهدي
..فلك شافت زجاجه حقت خمره في طربيزة الصالون ومن غير تفكير مشت وبقت تشرب منها لانها كانت عطشانه وغضبانه في نفس الوقت وسكرت على الاخر وبقت تهضرب
وياسر خلاها ما قدر يسالها ولا يتكلم معاها خاف يلقى ليهو كف ولا بونيه في وشو وفلك كملت القزازه كلها وسكرت وبقت تقوول
فلك : حبيبي ياااسر انا زعلانه منك يااخ ..
وتاشر بي يدها وتلوح في الهواء ...
ياسر عجبو الموضوع قال ممكن يفهم حاجه جديده منها وهي سكرانه وجا قعد قصادها
ياسر : زعلانه مني ليه ي فلووك
فلك قربت منو : معقوله ي يسو سنتين تبعد عني انا مشتاقه ليك يااخ
ياسر ابتسم وعاجبو الوضع شديد : ما اكتر مني ي فلك بس انتي عارفه انوو ..وقاطعتو بي بوسه في خشمو وحضنتو ...
فلك : تعال نقرب من بعض اكتر
ياسر : فلك احترمي نفسك بعدين قصدك شنو
فلك : قصدي واااضح
ياسر : طيب دقيقه
...ياسر ضرب لي صحبو واحد اسمو حسن والتاني فارس وجو سررعه وجابو معاهم زول حتعرفو بعدين قعدو سوا ومعاهم فلك وبعديها مشو كلهم وفضلو ياسر وفلك ..
فلك : ي يسو انا محتاجه ليك ي حبي
ياسر : انا اكتر ي فلك
....وفلك قربت من ياسر وياسر خلاص فاض بيو وما قدر يستحمل وحصل الحصل بيناتم ....