رواية بنات طب الفصل الخامس 5 بقلم بسمه فيصل
عاصم : كنتي ووين ي هانم
فلك : انت عارف انا وريتك صااح
عاصم : وريتني اي بس م كنت قايله للدرجه حتتاخري
فلك : البنات م خلوني يااخ وقبضوني بالونسه
عاصم : فلك الله كم
فلك : خلاص يااخ انا تعبانه وم ناقصاك ومسكت فلك بطنها لانها بتتوجع من ضربة اكرم
عاصم : مالك
فلك : لا شكلي اكلت كتير 😂😂
ام فلك : فلك تعالي عايزه اتكلم معاك
فلك : نعم ي امي
ومشو وقعدو في في صفرة المطبخ وعاصم دخل نام
ام فلك : عندنا عرس اهلنا في البلد وانا بكره مسافره
فلك : شنو يختي وحتخلينا لي منو
ام فلك : شنينا انتي واخوكي تطلعو من الصباح م بترجعو الا بالليل ما فاضين لي اساسا اخير لي امشي البلد احضر اعراسهم دي قالوا رابه وشغاله للصباح م تمشي معاي
فلك : امشي معاك وين ي سماح 😑 انتي عايزه امشي يقومو يعرسوني برري وبعدين عندي جامعه المهم بكره بجهز ليك العربيه
ام فلك : ومالهم العرسو يختي وانا م دايره اسافر بي عربيه دايره اسافر بي الباص مع الناس
فلك : لا حتسافري بي عربيه والصباح بدري عشان تصلي نص النهار م بحب سفرياات باليل خالص
ام فلك : لا حسافر بالباص وانتهينا والساعه ٥ اجهزي وكلمي اخوك عشان تودوني
فلك : كويس ي امي رااحتك امرك مكن انوم بقى
ام فلك : اتفضلي يختي
فلك دخلت اوضتها وقبل ما تدخل الحمام وتغير هدومها جاها اتصال وردت فلك
ياسر : وصلتي ي جن
فلك : عاينت م اديتك رقمي عشان تتصل لي بس لو في اخبارك عن اخوي وبعدين حوصل حيحصل لي شنو يعني 😊
ياسر : صدقي انا غلطان اساسا بس خفت على امك اتخليت انها مكن تمشي تفتش فيك بي دوريات شرطه وتقول بي مكبر بتاع سيد الحضار داك..فلك بنت الحرام مشيتي وينن 😂😂😂
فلك ابتسمت: خلصت ظرافه
ياسر : ايي بس عندي سوال
فلك : اهااا
ياسر : انتي م خايفهه الولد الضربتيه يبلغ عنك
فلك ضحكت بصوت عالللي
فلك : يبلغ في منو يبلغ انو ضربتو بنت شينه في حقوو
ياسر : يعني انتي معترفه انك بنت
فلك : تقريبا وباي وقفلت الخط في وشو ورقدت نامت .
ياسر بيتكلم مع نفسو على الاقل كان تقول لي تصبح على خير خلي بالك من نفسك قال بنت قال انا زاتي الخلاني اضرب ليه شنو ان شاء الله تموت انا مالي ☺
.... الصبااح بالضبط الساعه ه فلك وعاصم وصلو امهم وودعوها
ام فلك : خلو بالكم من بعض ي اولاد حشتاق ليهم
فلك : اكيد ي امي م تخافي
ام فلك : فلك حففي ايدك وم تضربي اخوك
عاصم : اي ي امي كلميها يااخ
فلك عاينت لي عاصم بطريقه غباء : دا هو نور العين ي امي باااي يلا حتتاخري حضنتها هي وعاصم وامها طلعت الباص وسافرت
وفلك وعاصم رجعو البيت الساعه ٦ ونص كدا واول م دخلو البيت عاينو لي بعض وابتسمو وبصوت واحد غنوا وبقو ينططوو في الكنب
عاصم وفلك : امي مسافره وحاعمل حفله بس يرييت متكييش على غفله 💃🏻💃🏻💃🏻😂😂 وبعد م انتهو من الرقيص والغني
فلك : عاصم غور شغلك
عاصم : عاصم منو يزوله وجرري على اوضتو ورقد نامم
وفلك برضو رقدت نامت
فلك صحت الساعه ١ كده وجاها اتصال انو سامر راقد في المشفى وعمل حادث امبارح بعد م رجع من الحفله وفلك لبست سرررعه وطلعت مشت ليو ووصلت وسالت عنو ولقت غرفتو ودخلت
وسامر كان واعي وصاحي وراقد في السرير وبشاغل في الممرضه
فلك : العندو طبعهه ما بخليهااا خالص 😂😂🖐🏽
سامر : حببي ياااخ ووين ي زوله
فلك : مالك انت يزوول الحاصل عليك
سامر : والله ي فلك اتشاكلته امبارح مع مؤيد وغضبني شديد وطلعت من الحفله غضبان لمن عملت حادث بالعربيه
فلك : انت ومؤيد معقوله م بصدق خالص الحصل شنو
سامر : انسي يااخ المهم وينو
فلك : شنو
سامر : الاكل ي جميله الزول لمن يزور مريض بجيب معاه اكل انل جعان يااخ وزي م شايفهه ماف زول معاي مؤيد واتشاكلته معاو م عندي غيرك
فلك : طيب دقيقه اتصلت بي صحبتها امنيه
امنيه : فلكنا يااخ
فلك : اسمعيني سامر راقد في المشفى وعمل حادث امبارح تعالي وجيبي معاك اكل
امنيه : سامر الواحد صحبك المزه المكسره فيو دااك
فلك : اي هو م تفضحينا تعالي سرعه
امنيه : ح اخلي المحاضره واجي لسموره يااخ يلاا بااي
فلك قفلت الخط
فلك : كلمت ابوك وامك في الامارات
سامر : لا الموضوع م بيحتاج كلها يوم ويومين وحطلع
فلك : طيب جبت شويه شيتات نقراها عشان نازلين امتحانات الاسبوع الجاي
سامر : كذابه امك قريني بسرعه انتي صحبتك منو الجايهه
فلك : امنيه
سامر : واي امنيه مره واحده كدا
فلك : احترم نفسك.....فلك عارفه انو سامر معجب بي امنيه بس مستحيل تخليهم يتقربوا من بعض عشان عارفه انو سامر بتاع بنات وممكن يلعب بي مشاعر اي زول
فلك سامر قعدو يقرو لحدي م امنيه وصلت
امنيه : هااي كيفكم سلامتك سامر
سامر : الله يسلمك ي قلبي
امنيه : جبت ليك اكل
سامر : تسلمي الزيك منو انتي بس
فلك : هووي انتو الاتنين احترمو نفسكم شويه م كدا 😂😂😂
المهم قضو اليووم كلووو ونسه وضحك واكل لحدي فلك م رجعت البيت واول م دخلت لقت الشرطه جو بيتهم
الشرطي : انتي فلك مجدي
فلك : نعم
الشرطي مطلوب القبض عليك بسبب سرقه سلسل دهب من بيت ال فراس .....