رواية بنات طب الفصل العشرون 20 بقلم بسمه فيصل
امجد غمض لي فلك عيونها لحدي ما دخلها في مكان مظلم وفتح ليها عيونها ولقت ياسر مربوط وهو واقف ونخرتو كابه دم
فلك : ياسر
..عاينت لي ملامحو زي ما هي بس قام ليه دقن خفيف وزاد حلا الصراحه ومن غير ما تحس جرت عليه وحضنتو وبكت وقالت ...اشتقت ليك حبيبي ياسر ...وياسر طبعا ما مصدق انو فلك قالت كدا وغمض عيونو عشان يعيش اللحظه دي لانو عارفها ما بتنعاد ...فلك رجعت لوعيها واتذكرت انو الحاضناو دا هو سبب دمار حياتها وبعدت عن ياسر وعيونها زي اللؤلؤو
فلك ابتسمت وقالت : ي ترى اشتقت للعاهره ولا لا معقوله رصاصتي ما قتلتك ؟؟؟؟؟
ياسر : ولا مره غبتي عن بالي ي فلك وكنت بتمنى انو رصاصتك تقتلني بس زي ما شايفه .....
امجد واقف بعيد وما سامع حاجه ومتقصد انو يعمل كدا ويخلي فلك تتصرف زي ما عايزه وبعديها طلع وخلى فلك وياسر براهم وكان متاكد انو مستحيل ياسر يعمل شي لي فلك ......
.....فلك فتحت زراير قميص ياسر وشافت مكان الرصاصه وكانت عامله علامه كبيره في جسمو .....
فلك : صدقني ي ياسر انا لو كنت عايزه اموتك ما كانت ضربتك في كتفك كان رصصتك في قلبك لو كنت مت كان حتموت براحه وتتالم ولو كنت عشت حتبقى ليك علامه ما تنساه طوال حياتك
ياسر : لسه زي ما انتي ذكيه فلك عايز اقول ليك شي مهم شديد
فلك : مافي بيناتنا كلا...
ياسر : فلك.......... امجد بكون مهرب مخدرات...... قادره تستوعبي
فلك ضحكت بصوت عالي : طيب ما انا كمان مهربه مخدرات زيوو
ياسر : شنو؟؟؟؟ فلك انتي مستوعبه انتي بتقولي في شنو
فلك : طبعا
ياسر : امجد دا واحد خااين ووسخ
...فلك طوالي قطعت كف في وش ياسر ..
فلك بعصبيه : ايااك ثم ايااك تجيب سيرة امجد في لساانك امجد دا احسن من الف زيك شنو عامل لي فيها حامي وطن وانتي سر من عشره كلمات ما قادر كان تحفظو ياسر فاروق انا قدامك وانا مهربه مخدرات زيي زي امجد لو عايز يلاا اقبضني امجد اشتغل كدا عشان يقدر يامن حياتو لانو مقطوع من شجره وانا كمان زيوو امجد قدر يصلح الانت كسرتو ووقف جنبي ومن غير ما يمل تعرف ليه بالرغم من انو تاجر مخدرات بس عندو مبادئ انت م عندك ي حامي الوطن المحترم ...ياسر بس بعاين للارض وعيونو دمعت عشان عارف انو فلك كلامها صح ....
ياسر : ظاهر من لبسك انو غيرك كتيير
فلك ابتسمت : بس للاسف انا ما فلك الزمان انا وحده جديده بتحب الدنيا والالوان والحياه
ياسر : يعني انا بالنسبه ليك شنو
فلك : غرريب ما بهمني امرك اذا عشت ولا مت ولا اي شي
ياسر : فلك حتندمي انا مبعوث في مهمه اني اقبض عليك وعلى امجد وباقي عصابتك
فلك : عاارفه دا كلوو وبعدين انا سبق وندمت وشوف نتايج ندمي بعدين نسيت اعرفك على باقي العصابه
....وطلعت برا ونادت بنت وولدين وجو كلهم داخلين ..
ياسر : انا م مصدق معقوله كنتو قدام عيوني في يوم وما شكيت فيكم
ساره : معليش المره الجايه
مراد : ياسر فاروق صح
امجد : مراد ساره وفلك دا النقيب ياسر فاروق جاء من السودان في مهمه قبض علينا وانا سبقتو بخطوه وقبضت عليو اها رايكم شنو.
ساره : امم لازم نخليه هنا
مراد : اكيد حيبعتو ليهو دعم من تركيا او السودان ولازم نكون حذرين
فلك : انا رايي غير
امجد : اها قولي ي فلكي
...ياسر عاين لي امجد بغضب شديد عشان قال " فلكي "
فلك : نقتلو ونرتاح منوو
ساره ضحكت : عشان عمليتها اول مره خلاص الموضوع بقى ليك ممتع
امجد : يااريت ي فلك اقدر اعمل كدا بس للاسف نحنا في تركيا ما في السودان على العموم انا دقيتو ليك ادقو اكتر ولا كفايه
....فلك قرربت من ياسر وعاينت ليهو من فوق لي تحت....
وياسر اتكلم معاها بهدو وكانو خاايف يسمع امجد الكلام
ياسر : فلك البينك وبين امجد شنو
فلك ضحكت وقربت من اضان ياسر وقالت
فلك : ياسر انا حامل من امجد..