رواية بنات طب الفصل الخامس عشر 15 بقلم بسمه فيصل
فلك : ياسر انا م بنت
ياسر : شنو؟؟؟؟ كيف يعني
فلك : مستعد تسمع
ياسر ملامح وشو اتغيرت ١٨٠ درجه
ياسر : اكتر من مستعد كملي
فلك : طيب ...زمان وانا عمري ١٥ سنه كان بابا ماشي شغلو وانا قلت ليو الا امشي معاك بابا عارض كتتير بس انا كنت عنيده اكتر منو لحدي م وافق يسوقني معاه ابوي كان مليونير بمعنى الكلمه بس ماف زول عارف كان شغال شنو المهم ما كان برفض لينا طلب خاالص ومدلعنا انا وعاصم شديد اليوم داك مشيت مع بابا الشغل ودخلت مكتبو وكان جديد وفخم شديد كنت بجري في المكتب واهبش هنا وهناك لحدي ما راجل كدا طويل عرريض ....وفلك في اللحظه دي بقت بترجف وهي بتحكي وياسر شادي على ايديها وعايز يعرف وفلك كملت كلام ....الراجل شكلو مخيف شديد انا اول م شفتو جريت وقفت وراء بابا الراجل سال ابوي دي بنتك ابوي اترردد شديد بس قال ليو اي طوالي الراجل مسكني من ايدي من وراء ابوي والغريبه ابوي م اتكلم خاالص الراجل مسكني ودخلني مكتبو وكان مكتبو افخم من مكتب ابوي من هنا عرفت انو اكبر من ابوي في الشغل المهم جراني مكتبو وحصل الحصل انا مرقت لابوي هدومي مشرطا وببكي بس ابوي ما سال الراجل بس بحمر ليو والراجل طلع بكل برود ومشا وانا حياتي اتدمرت على الاخر وبقيت بكره ابوي لدرجه ما بتتوصف خالص رجعت البيت اليوم داك وانا م فاهمه شي خالص ودخلت جوا اوضتني وقعدت ابكي وما مرقت الا تاني يووم على خبر انو ابوي اتوفي في حادث سياره والجثه مقطه وما قادرين يتعرفو عليها ولمن جابوها البيت امي اغمى عليها وعاصم اتصدم ودخل في غيبوبه تلاته شهور من بشاعة المنظر وانا وقفت عاينت للجثه المقطه وما رمشت ولا بكيت .....هنا فلك بدا حيلها يهبط وهي بتحكي وياسر مسكها من خصرها عشان ما تقع وهو في حالة صمت وكملت فلك .... كان مليونير وصحبو الاغتصبني دا رئيسو في الشغل وقال ليه احمد ربك م قتلت بتك بس اتسليت بيها وبقيت اكره ابوي اكتر من الاول وكانو ما ميت بقى ما عندى ريحة الرحمه حتى في اي زول ياسر بعد م سمعت الكلام دا رايك شن....ياسر قاطعها بي بوسه خفيفه في خشمها وحضنها وقال بكل رقه
ياسر : كل الكلام السمعتو دا ي فلك م بعني لي شي الماضي ماضي والحاضر هو المستقبل كل الفكره انك تكوني كتاب مفتوح قدامي واعرفك عشان اثق فيك اكتر فلك انا بعد السمعتو حبيتك اكتر من الاول والزول العمل فيك كدا لو لقيتو حقتلو تلاته مرات .....فلك نزلت من عيونها دمعه اتمررت على خدها مع العلم انها ما نزلت دمعه من عيونها من يوم وفاة ابوها ولا في اي موقف ودا اكبر دلاله على قوتها وانو مافي شي مؤثر معها في حياتها زي اللحظه دي ..
ياسر مسح دمعتها بيدو وباسها تاني بس المره دي كانت طويله وهو حاضنها قمه الرومنسيه " استغفر الله بس "
ياسر : بيبي ما اشوفك بتبكي ولو بلغط انتي فاهمه
فلك بحنيه : طيب
ياسر بهدو وهو بعاين في عينها : خطيبتي ❤🔥
فلك : على فكره انا م رومنسيه ولا بحب حركات البنات دي
ياسر : ماهو ظاهر انتي عايزه تقولي لي 😂😂
...وفلك جاها اتصال وردت
فلك : شربو الكاسه كلها
" انتو ما فاهمين شي ولا انا كمان🙂"
..ياسر سمع فلك بس برضو ما فهم حاجه زينا كدا
ياسر : طيب ممكن سوال اخير
فلك : اسال
ياسر : انتي كيف بقيتي عنيفه وما بهمك زول كدا
فلك : طيب زي م قلت ليك عاصم دخل في غيبوبه ثلاثه شهور ورقد عنايه مكثفه تعرف انو العنايه الزمن داك اليوم بي ٣٠ مليون مع العلم انو صاحب ابوي بعد ما ابوي مات شال امالكو كلها الحمد الله انو في بيتين ومصنع كبير ابوي كاتبو بي اسم امي كان بيت في الطايف وواحد في جبره وانا عمري ١٥ سنه جرريت عشان ابيع بيت واحد فيهم عشان اقدر اسدد الرسوم وامي جنب عاصم في العنايه تعرف انو عاصم دا كنا فاقدين الامل انو يعيش بس الحمد الله المهم مافي زول ساعدنا الزمن دااك غير صحبي امجد صديق طفولتي وقدرنا نبيع البيت وحاليا ونعالج عاصم مع العلم انو ما متذكر اي شي من الحصل قبل الحادث ولا عارف اني ما بنت ولا عارف بقصة صاحب ابوي قاعدين في بيت الي في جبره دا وبناكل وبنشرب من قروش المصنع الشهريا وبس ودي الحاجه الخلتني اكره الدنيا بجد لاني اتحملت فوق طاقتي في عمر ضغير
ياسر : بجد انتي اتحملتي كتتير في حياتك ودا تفسير انك بتتصرفي كانك زول كبير دايما واكتر من عاصم عشان كدا مسيطره عليه ولاحظت حاجه
فلك : اها
ياسر : اول مره الاحظ انك كلامك كتتير كدا معطيني يااخ 😂😂🔥
فلك : الله يسامحك
....وبعد فتره جاء لي ياسر مكالمه وقام طوالي عايز يمشي ..
فلك : في شنو ي ياسر
ياسر بي استعجال : في واحد زميلي كنا طالعين في مهمه سوا عشان نقبض على زعيمه مخدرات كبيره بس للاسف مات واكيد هي القتلتو المهم انا ماشي خلى بالك من نفسك طيب
فلك : لا ي ياسر م تشمي اخاف يقتلوك انت زاتك
ياسر : ما تخافي على حبيبي برجع ان شاء الله
فلك : خلي بالك من نفسك طيب
ياسر : حاااضر يلاا عشان م اتاخر
فلك : يلاا
...وفلك بعد ما ياسر مشا جرررت على مراد وهجت عليووو
فلك : انت ي حيوان بتتفق معاو علي
مراد : اها الاتفاق دا جاب حقو شايفكم من بعيد بوس واحضان والله قرربت اجي داخل في نصكم يااخ 😂😂 بعدين تعالي هنا دا شنو الخاتم دا 😕🔫
فلك بدلع : ياسر خطبني ياااي
مراد : وحياة امك وانا
فلك : انت شنو
مراد : كنت عايز اعرسك بس شكلو مافي نصيب
فلك : بطل استهبال
...فلك قعدت في الارض ...بعدين الياسر قبل بيو مستحيل يقبلوا زول تاني بجد كبر في نظري شديد واثبت انو بحبني
مراد : بجد الزول بحس حياتك فيها اسرار كتيره وكانك ابواب لازم الزول يخش فيها
فلك : ممكن ارح ورانا شغل وبعديها توصلني البيت تمام
مراد : اوك تمام يلااا بينا
...فلك وصلت البيت وكان امها منتظراها بقارق الصبر وكانها عارفه الحصل شنو
فلك : مامي كيفيك رجعت انا
ام فلك : حمد الله بخيير اها المرقه كانت كيف
فلك : ومن متين بتساليني المرقه كانت كيف على العموم ياسر خطبني
ام فلك : كذابه ووافقتي
فلك : مبدئيا ايي لانو عرف اي شي عني وقبل بيو
ام فلك : انا فررررررحااانه واخير ي فلك نصيبك جا واخييرا
...فلك ابتسمت لي امها ودخلت نامت ما صحت الا تاني يووم الساعه ١ دخلت الحمام واكلت وبعديها اتكلمت مع صحباتها فيديو كوول على المسنجر ساره وامنيه وراء
رواء : فلك خاتمك رررهيب اتخطبتي انتي ولا شنو
فلك اتوترت لانو ساره قاعده في المكالمه : لا اشتريتو
امنيه : يعني بقيتي بنت وبتشتري خواتم
فلك : امنيه اسكتي احسن ليك 😂🗡
ساره : حاسه انك مبسوطه من دواخلك كدا احكي لي المخليك مبسوطه كدا شنو
فلك : شوفتكك يقمرر
ساره : بلااي 😕🔫🔫
...واثناء فلك م بتتكلم معاه باب شقتهم دق
فلك : امي شوفي الي في الباب منو
...وام فلك فتحت الباب وجاء ناطي ياسر
ياسر : اوووه حماتي كيفيك
ام فلك طايره من الفرح : بخييير اتفضل فلك قاعده في البلكونه
...وياسر جاء ناطي لي فلك
ياسر : خطيبتي كيفيك ..بتتكلمي مع منو...وشال التلفون منها ولقى ساره في الفيديو كوول بتعاين ليوو وفلك
ساره : ياااسرر.