رواية حكاية شوق الفصل السابع عشر 17 بقلم رشا منصور
شوق….
عدت الايام ودخلت المدرسة وطبعاً الكل حبني وأعجب بيا والفضل في مايسترو الجنn المسؤول عن سيطرة القرينr وكنت متابعه كل اللي بيحصل حواليا بفضل الجنn ..
وخليت مايسترو سيطرr ع قرين وليد السخاوي ويخليه يتعلق ب مراته إيلينا ويبقي مش عاوز يفارقها وينشغل عن الكل وأنا وسامر بقينا أصحاب أوى ويوم الإجازة بنقضيه مع بعض إلا في النادي أو في بيت الدهشوري جده..
لدرجه الدهشوري قال ل ماما رشا العيال دى لما تكبر إحنا نخطبهم لبعض أنا يهمني حفيدي يكون مبسوط وانتي نسبك يشرف سيدة أعمال ناجحة ولكي أسمك في السوق…
وكنت بخلي الجنe يلعب في مشاعر إيلينا ويحسسها بتأنيب الضمير. وكل ما وليد يهتم بها كانت تدخل في حالة اكتئاب لأنها الوحيدة اللي عارفه أن الحمل ده نتيجة خيانةe…
وفكرت مع مرور الوقت اخلي الجنn يحسس وليد بالتعب بس مجرد لحظات وهنتظر لحد ما يفرح بالمولد وبعدها أنا هخليه يعيش اللي ماما شرويت عشيته وكل لحظه عذاب، وألمm هخليه يندمm أنه اتولد ومهما طالت السنين هيفضل يتعذبe ويتمني الموتt ع فعلته معاها…. كفايه إني اتحرrمت من حنان أمي أو يكون ليا اب معترف بيا وبوجودى..
راح كتب سامر ع اسمه وأنا مكتوبه بإسم أب مستعارr أنا وأمي اللي دفعنا ثمن أفعاله وهو وأبوه لازم يشربوا من نفس الكأس..
وليد السخاوي
قررت افضل أغلب وقتي مع إيلينا كنت فرحان أوي ورغم مزاجها المتقلب فترة الحمل إلا إني كنت بدلعها واجيب لها أى حاجة تطلبها لحد ما حسيت أنها مضايقه وزهقانه من قاعدة البيت وسألت الدكتور وقالي مدام خلصت الخامس ممكن تسافر بس ع سرعه هادئة وممنوع نزول البحر وقررت اخدها في شاليه العين السخنه وأول ما عرفتها فرحت أوى
وسافرنا وقضينا اسبوع ومزاجها اتحسن وأثناء الرجوع حسيت بتعب ومرضتش أبين بس مجرد ما وصلت البيت التعب اختفي قولت أكيد بسبب طول المسافة وأنا اللي كنت سايق مش السواق
وع الرغم من أن سامر دخل المدرسة إلا أن الدادة والدهشوري بيه هما اللي مهتمين بأمره
عيشوش ساحرةالجنوب…
برك وبرقوش كانوا بيبلغوني بكل أفعال شوق حتى اللي لسه ناويه عليه ومنكرش،. إني مبهورة بذكائها. قدرت في عمر صغير تفكر وتخطط، وتنفذe …
واضح أنها لما تكبر هيكون لها شأن عظيم في عالم السحرr ..
وفي يوم كنت قاعده بجهز شغل ل زبون واتفاجئت بها واقفه قدامي
قولت لها فيكي حاجه أنتي كويسه طب رشا فيها حاجه لقيتها بتقولي
انهاردة عيد الأم وأنتي أكتر واحدة عاشيرتي ماما..
محتاجه اكون في حضنك واشوفها وفضلت تبكي… خليت الجن شغل الشاشة. وظهرت شرويت من أول يوم وصلت فيه جنوب أفريقيا وفضلت تسألني ..
إذا كان الجنn ممكن يرجعها!! طب في تعو'يذة. ممكن تخليها تعيش من جديد… كلامها حطمm قلبي.. وحسيت كأن شرويت لسه متوفيه. امبارح مش من سنين😭😭
السخاوي….
شغلي بدأ يزدهر ونشاطي بيكبر والفضل يرجع ل رشا من يوم ما عرفتها وهى واقفه جانبي ورغم كدا رافضه الجواز نهائي وبتقولي أنها وهبت نفسها لتربية بنت أختها شوق…
بس تشاء الظروف أن شوق وسامر اللي المفروض أنه حفيدى اصدقاء ومقربين جدا لدرجة أنه أوقات بيبات عند رشا أو العكس أحياناً…
زياد الأنصاري…
ما شاء الله الفرع الثاني للشركة كبر واسم الحناوي رجع للسوق وشركات بابا زاد ربحها والفضل يرجع ل رشا منصور صديقه شرويت،، كان نفسي تكون عائشة،. وتشوف أسم أبوها.. وتفتخر بأنجازاتها…
وفي يوم وأنا في الشركة وبفكر في شرويت لقيت شوق قدامي..
قولت لها أنتي جيتي ازاى ومنين..
ضحكت وقالت ليا يا عمو السكرتيرة مش بره وأنا فضلت ادق الباب وأنت مش سامع خالص قلقت عليك ودخلت واضح أن في حاجه شاغله بالك…
اخدتها في حضني وقولت لها فعلاً يا شوق.. سبحان الله نسخه من شرويت.. كانت جميلة أوى وطيبه..
قالت ليا وهى كانت بتحبك أنت وطنط آية أوي وأنا كمان بحبكم وجيت أسلم عليك لأنك وحشتني أنا همشي بقي
وخرجت ولما خرجت وراها كانت اختفت. وسألت السكرتيرة اندهشت وقالت ليا أنها مشافتش حد!!!
واضح أن حبي ل شرويت خلاني اتخيل نفسي بحضن بنتها.
رشامنصور…
عدت الشهور وشوق بتتعلم السحرr كأنه واجب من واجبات المدرسة وكانت بتستوعب بسرعة رهيبة كأنها داخله سباق مع الزمن لدرجة أن الجنn كان مبهور بذكائهاr..
وبعد فترة عرفت أن إيلينا جابت بنت وروحت طبعاً أبارك ومعايا شوق اللي كانت شبه مقيمة مع سامر وبتشوف وليد يومياً وع الرغم أنها هى اللى أمرت الجنn أن وليد يهتم ويحب إيلينا إلا أنها دايما بتقولي ماما شرويت كانت بتحبه ومخلصه له وهو غشهاe وكان همه مصلحته وبس ودلوقتي هو مخلص غصبe عنه مخلص لوحده كل اللي يهمها نفسها ومزاجها وبس…
الغريب أن محدش فينا أدخل في اختيار أسم الطفلة اللي اطلق عليها وليد اسم شرويت وكأنه شاف فيها حبه القديم…
زياد الانصاري….
اتعزمت أنا وبابا ع حفلة سبوع بنت الدهشوري بيه وروحنا ومعايا آية وشريف وكانت هناك رشا وشوق وأول ما شوفت وليد السخاوي كان نفسي اخنقه، أيوة رغم كل السنين اللي عدت مش قادر أنسي أنه سبب حرماني من شرويت وأول قرأت أسم المولودة شرويت اتعصبت، كأنه بيقtل القتtيل وبيمشي في جنازتهe..
وجاتلي شوق ورغم صغر سنها إلا إني حسيت أنها فاهمه شعوري وقالت ليا… الأيام هتعدي يا عمو واكيد حق ماما هيرجع وسلمت ع شريف ولقيت سامر أبن وليد جاى يتخانقe مع شريف وبيقول له مش تسلم عليها دى بتاعتي لوحدى..
وفضل يصرخ،. والدهشوري جالي متعصب، عملت ايه في حفيدي وقبل ما انطق جت رشا وضحكت بصوت عالي وقالت له يا دهشوري بيه سامر غيران ع شوق علشان كانت هتلعب مع شريف
وقالت ل سامر يلا خد صاحبتك وروحوا العبوا مع بعض ..
وضحك الدهشوري وقالي الولد متعلق بها لدرجه أنه أوقات بيصمم يبات عند رشا… شقاوه أطفال بقي وراح يستقبل مدعوينه
ولقيت رشا بتقولي أهدي شويه وبصت ل شريف وقالت له متزعلش لسه شويه عليك دورك لسه مجاش…
وشريف قال لها عاوز ألعب مع النونو واخدته رشا وبعدها جالي شريف وقالي يا بابا طنط رشا قالت ليا النونو دى هتبقي خطيبتك يعني إيه يا بابا الكلمه دى..
وقبل ما انطق قالت رشا يعني دورك تحب شرويت وتخطبها يا شريف وشوق هتتخطب ل سامر ولسه محدش يعرف إيه اللي هيكون السنين هتعدي وهتتغير حاجات كتير..
مفهمتش حاجه بس حسيت كأنها من الناس اللي بتعرف في المستقبل
شوق…
عدت سنه واتنين وخلصنا مرحلة الابتدائي وشرويت كبرت ودخلت مدرسه شريف زى ما أمرت الجنn وزرعت الحب بينهم ورغم اعتراض عمو زياد وماما آية إلا أن خليت مايسترو يسيطرr ع قرناءهم،. ويفهمهم أنه لعب عيال مش أكتر
وسامر اتعلق بيا وياما عمل مشاكل، واتشهرت في المدرسة بأسم خطيبه سامر حفيد الدهشوري…
وكل يوم كنت بخلي وليد يتعلق ب شرويت أوي لدرجه أنه أوقات كتير كان بياخدها تنام في غرفته…
لحد ما خليت التعب زاد عليه وراح يكشف والدكتور طلب منه أنه لازم يعرض نفسه ع دكتور متخصص لعمل الإشاعات، والتحاليل اللازمة وبعد الفحص اتصدمm وليد…
وليد السخاوي….
من لحظه ميلاد شرويت ووشها حلو عليا كبر أسمي في السوق وقدرت امسك مشاريع لوحدى وكسبت مكاسب مكنتش اتخيلها بس كل فترة كنت أحس ب الم. ميكملش خمس دقائق ويختفي، كنت بقول أنه بسبب مجهود شغل أو سواقه السيارة لكن بعد سنين التعب أصبح لا يطاق وكشفت واتصدمت، لما الدكتور قالي
واضح أنك كنت محتاج علاج من ست أو سبع سنين إيه اللي خلاك تسكت كل ده… يمكن كنت اقدر اسعدك ويكون لك أولاد لكن حالياً أنت وصلت ل مرحلة ميؤوس منها…
قولت له أنا عندي بنت عندها خمس سنين وشوفت علامات الدهشة ع ملامح الدكتور وقالي جايز
ع العموم مافيش حاجه أقدر أعملها غير أني اديك مسكن،…
خرجت من عند الدكتور وأنا مش فاهم يعني شرويت بنتي ولا زى سامر.. يعني أنا مش هيكون عندي ولاد أبدا…
طب ازاي من سبع سنين وشرويت كانت حامل مني،..
وقررت أعمل تحليل DNA وعرفت أن النتيجة لسه هتظهر بعد شهر وبقيت مش عارف اشوف شغلي ولا حتي احضن بنتي وبفضل ابص لها معقوله طب ازاى….
وظهرت النتيجة شرويت مش بنتي!!!! وجريت في الشارع زى المجنون.، منهار في البكاء ونفسي اصرخ،. لحد ما وصلت ل مكتب الدهشوري اللي اتفزع، من حالتي،. ورميت التحاليل في وشه وقولت له بنتك طالق،… 😯
يتبع...
الفصل الثامن عشر من هنا