رواية بنات طب الفصل العاشر 10 بقلم بسمه فيصل
ياسر : بحبك
فلك بكل برود وكانها م سمعت حاجه قفلت الخط
....في مكان بعيد السماء فيهو صافيه فلك قاعده في شاطي وبتعاين للبحر وقامت مشت على البحر وبدت تدخل فيهو خطوه خطوه وهي مبتسمه بدت تدخل لحدي ما وصلت نص البحر تماما وهنا فقدت السيطره على نفسها وبدت تحرك يدينها عشان زول يطلعها بس م لقت لحدي م غرقت ونزلت من سطح البحر مسافه كده وغمضت عيونها وفتحتا ولقت فوق سطح البحر الناس واقفه وبتعاين ليها والناس ديل هم نادين وامنيه ورواء وبسمله ومويد وسامر واكرم ونوران وياسر وهي مستغربه لانو ولا واحد فيهم بحاول ينقذها وكلهم بس بعاينو ليها وعيونهم كبار وواسعه وفلك لاحظت حتى السمكك التحت المويه لونو رمادي كدا بعد عنها وقبلت وهي بتغرق شافت بقره والبقره دي جات سمكة قرش واكلتها وفلك اغمى عليها وحست انو في زول مسكها وطلع بيها لي فوق وبسبح بسرعه ومن تحتو في زي سمك ملون سبح معاه وبيساعدو علشان يطلع وفلك راسها طلع من المويه وفي زول تاني مسك يدها وطلعها وهنا فلك صحت " دا كلو كان حلم ومافي زول يجي يقول لي البقره بتعمل شنو في المويه عشان دا كان حلم "
فلك صحت مخلوعه من الحلم دا وقلبها كان بدق بسرعه ولاحظت انها معرقه شديد قامت من السرير ودخلت حمامها وفتحت باب غرفتها وعايزه تطلع الصالون كدا لقت ياسر قاعد مع عاصم وامها هنا فلك رجعت قفلت باب الغرفه وبقت تفكر " ياربي دا الجابو هنا شنو م يكون عايز يكلم لي امي عشان وقعتو من السلم ولا قال ليها انا بحب بنتك دي لا لا هو خاطب كيف يقول حاجه زي دي فلك انتي من متين بتخافي اطلعي ساي يااخ " وفلك طلعت وقالت بصوت عالي " السلام عليكم "
ياسر بابستامه : وعليكم السلام كيفك
فلك بي ابتسامه ممله : حمد الله انت كيف
ياسر : حمد الله
ام فلك : تعالي ي فلك اقعدي دا ياسر صاحب اخوك جاي الليله يقيل معانا ويحمد لي السلامه
فلك بكل برود : عارفه هو كان جاء ودعك عشان يحمد ليك السلامه 😒
عاصم : فلك اتكلمي زي الناس و من وين بتعرفيه
فلك : متاكد بتحب تعرف من وين بعرفو وحمرت ليهو وعاصم اتذكر انو ياسر جابو على البيت المره الفاتت وهو سكران "
عاصم : لا لا خلاص م عايزه اعرف
فلك دخلت المطبخ تحضر ليها شاي ياسر دخل بي وراها
ياسر : حبيبتي
فلك : م تقول لي حبيبتي
ياسر : بحبك ي فلك
فلك هنا ضحكت باعلى صوت عندها
فلك : م تكون مفكر لمن تقول لي بحبك حافرح وحطير زي باقي البنات انا فلك مفهوم " وطلعت من المطبخ وقعدت في الصالون "
جات مرة جيران ناس فلك داخله واسمها اموله وعندها تلاته اولاد " عبدالله وابو عبيده ومحمد" كلهم ضغار اكبر واحد فيهم عبدالله عمرو اربع سنين وابو عبيده ٣ سنين ومحمد سنه جات اموله داخله ومعاها اولادها اموله دي جايه من البلد
اموله : السلام عليكم فلت عليك الله امسكي لي اولادي ديل ماشا عند اهلي وجايه م بتاخر تمام يلااا " ومشت اموله "
عاصم : المره دي كل مره حترمي لينا اولادها ديل يااخ
ام فلك : عاصم عيب البتقول فيهو دا. يلاا مدام الليله معاكم ياسر كل واحد يمسك واحد
عاصم جرى مشا مسك محمد اصغر واحد فيهم واساسا هو نايم
عاصم : انا حامسك محمد لاني عندي شغل في الاب توب الله معاكم انتو
ام فلك : وانا عندي شغل في المطبخ اقفلو باب الصالون عشان عبد الله دا بجري
فلك قالت بصوت عالي " ي عاصم جيب البلستيشن اشغلو لي الاتنين ديل انت براك عارفهم م بقعدو ساي
عاصم : امووووت وما اديهم البلستيشن حقي انتي هبله ي بنت
ياسر : ي عاصم كبر راسك يااخ انا جيت الليله عشان اتونس معاكم م امسك شفع
عاصم : ي نااس ما حديهم يااخ " ودخل غرفتو وقفل الباب "
طبعا شفع اموله ديل شياطين تشوفوهم تقولو ملائكة الشعر كيف واللبس كيف وريحه العطر تجنن بس الله م يوريكم ليهم"
عبدالله وابو عبيده قاعدين بي ادب في الصاله وياسر بتظارف معاهم وبتونس وفلك جابت ليهم عصير شربو العصير وبعديها الاتنين شالو كبابي العصير كشلو في الارض
فلك : ي اولاد دا شنو العملتو دا
عبد الله قام جاري فتح باب الصالون وجري
فلك بصوت عالي : ياسر اجري امسك ود الناس دا
" ياسر قام جاري ورا عبد الله الجرى في الشارع زي الجنون
ياسر بتكلم وانفاسو بتتقطع : ي ولد اقيف والله كان وقفت بشتري ليك اي شي عايزو ي ود الناس اقيف يااخ " ...في عربيه جاريه بي سرعه خرافيه اتجاه عبد الله وعبد الله م منتبه وياسر جرى على عبد الله بي كلوو لحدي م شالو من قدام العربيه ووقع وادردق في الارض شافت المنظر دا بنت مزه كدا اسمها اسيل
اسيل : لو سمحت انت كويس
ياسر عاين لي اسيل والصراحه البنت حلوه شديد : حمد الله انا كويس
اسيل ساعتدو وقام من الارض
اسيل : تعال بيتنا واشرب ليك كبايه مويه
ياسر : لا لا مافي داعي شكرا بس ممكن اعرف اسمك
اسيل : اسمي اسيل
ياسر : اسمك حلو عاشت الاسامي يااخ
اسيل بخجل : شكرا
ياسر : دقيقه ود الناس الكان واقف هنا مشا وين
اسيل : قام جاري قبيل
ياسر : م كلو بسبب جمالك الما مفهوم دا استفغر الله يااخ " ...وياسر قام جاري لحدي م وصل البيت "
ياسر : فلك الولد دا جاء هنا
فلك : اي جااا وقال انك بتشاغل وحده مزه في الشارع
ياسر : كذاب الولد دا انا م شاغلته اي بنت في الشارع
فلك : م بهم انا ماشه اشوف ابو عبيده الولد دا بجد مودب وبسمع الكلام قاعد بلعب في الحديقه خليك مع الزفت دا وعينك م تشيلها عنو
...فلك طلعت الحديقه ولقت ابو عبيده قاعد مربع رجلينو في الارض ومدنقر راسو فلك قربت عليو وقالت
ياسر : عبودي انت بتسوي في شنو
ابو عبيده رفع راسو وكان شايل سيجاره في يدو وبشرب فيها
فلك : سجمي انت ي ولد امك م ربتك ولا شنو ي حيوان ارمي الزفت دا من ايديك
ابو عبيده : انتي مالك يززوله
فلك شالتو وهو ببكي ودخلتو جوه وقفلت باب الصالون ولقت عبد الله نام
ياسر : نام القمرر
فلك : قمر شنو يااخ ديل شياطين 🙂
ابو عبيده بكى لمن نام وياسر وفلك قاعدين بكل برود وبعاينو ليهم لحدي م امهم جات وساقتهم وياسر دخل غرفت عاصم ورقدو الاتنين نامو وحتى ام فلك رقدت نامت الكلام دا نص النهار كدا
...ياسر قام من النوم وطلع الصالون لقي الدنيا كلها ظلام مافي نور بلغلط وشاف زول مولع جمر وببخر في البيت
ياسر : ياربي ام فلك عندها جماعه ولا بتهم دا مسكون اخير لي اتخارج ساي انا
فلك : ياسر دي انا ببخر في البيت دقيقه وبفتح النور
ياسر : ماهو انتي لابسه اسود في اسود اشوفك كيف بس نفسي اعرف انتي عايشه مع السواد دا كيف
فلك وقفت قدام ياسر وبيناتهم البخور
فلك : انا قلبي اسود زي لبسي تماما وحولينو سد من اسمنت محاط بسور من حديد فهمت
ياسر : قرب منها وحضنها والواطه ظلام وفجاه وقعو الاتنين في الارض وفي زول فتح النور
عاصم : الله علي بيحصل دا..