﷽
ـــــــ
هند وقعت من طولها والكل استغرب.
جليلة باستغراب.. إيه اللي خبط في الأرض جامد أكيد؟
مازن ببلاهة.. هند شكلها فلسعت.
شوق وعمر راحوا ليها وعمر نزل يشوف في نبض ولا لا وشوق حطت إيدها على نفسها لقتها لسه بتتنفس.
شوق بزعل.. لا لسه مفلسعتش لسه بتتنفس.
جاسر.. طيب فوقوها.
شوق بصتله.. ما تخافش يا عمو أم أربعة وأربعين لسه عايشة النوع ده مش بيفلسع بسهولة لا تقلق.
مراد بضحك.. هي من جهة كدا فمعاكي حق.
جليلة بغيظ.. هتسيبوا المرا تموت وإنتوا قاعدين بتهزروا فوقها.
مايا كانت واقفة وبتفرك في إيدها من الغيظ من مراد وتجاهله ليها.. وسعي يا دكتور وأنا هفوقها.
حسناء.. أجيلها أنا.. بتنشكاح.
مازن بصدمة.. كله اللي إنتوا 🤣.
حسناء.. بقت كدا يا روحي.. بتصنع الزعل.
شربات جابت ماية وأدتها لعمر بس وهي بتديها ليه اتعمدت إنها تلمس إيد عمر وده عصب شوق أوي.
عمر بصلها بقرف.. وأخدها منها وأخد شوية على إيده وحطهم على وشها.. وشوية وهند فاقت.
هند بتعب.. أنا فين؟
شوق.. في نار بتتحاسبي.. بهمس.
بصتله بصدمة.
كايا.. كان واقف جانب ورد وحاطط إيده في جيوبه بزهق.. ما تخلصونا من الفيلم الهندي ده بقا الواحد زهق.
مراد.. معاك حق فعلاً يا بوي إحنا جبنا ست ثنية وبنتها ورد معانا لحد ما الدنيا تهدى هيعيشوا معانا هنا في البيت.
شربات بغرور.. معرفش البيت عاد بيلم أشكال كتيرة ولا كأنه شارع.. كانت تقصد مايا وحسناء وشوق وورد وأمها.
كايا بغضب.. احترمي نفسك واعرفي بتقولي إيه الأول وبعدين هو ده كان بيت أهلك عشان تقولي كدا.
مراد بغضب.. شربات أنا لحد دلوقتي محترم إنك بنت عم أبويا بعد كدا هتشوفي مني وش مش هيعجبك.
عمر.. بقرف.. البيت بيتنا وإحنا حرين ندخل فيه مين ونطلع منيه مين؟
مازن بقرف.. شربات قبل ما تتكلمي اعرفي إنك برضو في بيتنا وممكن نخرجك منه عادي جداً احترمي وجودك واحترمي كبير العيلة.
حسناء.. بقرف.. البيت بيت أجوازنا يا حبيبتي وبعدين محدش وسطينا غريب غيرك.
جاسر.. شربات إنتي محترمتينيش وعمالة تقولي حديث طالع نازل وإني بعديها ليكي عشان بقول بنت ولد عمي أما توصل بيكي وتقولي أكيد ده اللي مش ممكن.. ده آخر إنذار ليكي إنتي جاية هنا عشان امتحاناتك غير أكيد ملكيش تدخلي.
البنات كانوا بيبصوا عليها بشماتة وهي واقفة هتموت من الغيظ منهم وإنها كانت مفكرة إنهم هيقفوا معاها على البنات بس طلعت غلطانة هما وقفوا مع البنات عليها وده استفزها جداً.
جاسر.. بحنية.. مرحبتين بيكم يا أم ورد إنتي أم الغالية.
كايا في سره.. دلوقتي بقت الغالية أما إنتوا عيلة منافقة بصحيح أمال كنت عاوز تبعدها عني ليه قدام هي الغالية.
ثنية.. كتر خيرك يا كبير وإحنا مش هنتقل عليكم.
جليلة.. عيب تقولي أكيد دي من ريحة الغالي.
ورد بدموع.. الله يرحمه.
مراد.. تعالوا أوريكم الأوض بتاعتكم.
حسناء غمزت لمازن وشاورت بدماغها إن روح إنت مكانه.
مازن.. مراد أنا هاخدهم وإنت ارتاح إنت لسه تعبان.
مراد.. تمام.
هند بصدمة.. هما هيقعدوا هنا.
شربات كانت ساندة هند.. دول قعدوا يا مرات عمي إنتي لسه فاكرة.. بسخرية.
جاسر وعمر طلعوا فوق عشان معاد الأدوية وشوق مقموصة من عمر بس عمر مش عارف ليه وجليلة طلعت فوق عشان الدوشة وهند طلعت هي وشربات على أوضتها مفضلش غير مراد ومايا الكل مشيوا.
كانت بتبصله بحزن.. مراد.
مراد سابها ومشي.. وده ضايقها أكتر.
مراد وهو ماشي.. في سره.. حقك عليا بس إنتي لعبتي في نقطة غلط عندي ودي كرامتي ومش هسمح لأي حد يجي عليها.
ـــــــــــــــــــــــــــ
الكل رجعوا لشغلهم من تاني والحفلة خلاص قربت تبدأ والكل لبس ونازل بس مراد كان مش عارف يلبس من دراعه.. آخر ما زهق نام على السرير بضهره.. وكمان دراعه وجعه.
الكل نزل ما عدا هو ومايا كانت مضايقة مفكرة مش هينزل عشانها.
مازن.. باستغراب.. مايا مالك؟
حسناء.. بغيظ.. الزفت ابن عمك مزعلها.
مازن.. باستغراب.. ليه مراد ده مراد بيموت في التراب اللي بتمشي عليه.
مايا بحزن.. بس المرة دي هو أخدها على كرامته أوي.
مازن بصدمة.. كرامته أحيه إنتي هبتي إيه؟
مايا.. عملت تحليل DNA ليه هو ومايا وطلع سلبي من غير ما هو يعرف ولما عرف قلب الدنيا على دماغي.
عمر بصدمة.. مين مايا دي كمان؟
حسناء بغيظ.. الباشا كان جايب بنت وقال إنها بنته من اللي ما تتسمى إنجي و طلع في الآخر دي تمثيلية علينا كلنا.. عشان يرجع مايا ليه.
عمر.. بس مراد ملمسش إنجي أصلاً.
مايا بسخرية.. ليه كنت بتبقى معاهم..؟
عمر.. بغيظ.. لا مكنتش ببقى معاهم بس مراد كان سايب ليها البيت أصلاً وقاعد في مكان تاني وإنجي كان عندها مرض معدي اللي كان بيقرب منها كان بينصاب بيه وميقدرش إنه يتجوز تاني أو حتى يخلف.
الكل كانوا مصدومين.
عمر بسخرية.. مالك مصدومة كدا ليه يا مايا مش إنجي دي كانت أختك إزاي مكنتيش تعرفي؟
مايا بصدمة.. أنا وإنجي إنت عارف إننا مكناش بنتفق سوا وبعدين افتكرت حاجة.. صح بابا قبل كدا سمعته بيكلم مجموعة من الدكاترة معاه بيقولهم على مرض مشابه للي قاله عمر ده وكان بيحاول يعرف منهم الحل.
عمر.. المرض ده خطير جداً ولو حتى حد قرب من المصاب بالمرض ده المصاب بيموت في لحظتها.. قوليلي بقا يبقى قرب منها.. إنتي هبلة يا بت.
حسناء.. ده أكيد عقاب ربنا ليها واللي عملته في أختها مع الحيوان اللي فوق ده.. هو صحيح منزلش ليه؟
مايا بحزن.. مش هينزل؟
مازن.. مايا روحي اشرحي له وجهة نظرك مراد بيحبك وهيسامحك.
مايا.. ماشي.
حسناء.. بالتوفيق ولو زعلك نادي بس وأنا أجاي ليه 😒.
مازن بضحك.. شرارة خناق يا حسناء هه.
حسناء بغيظ.. يزعل البت اللي حيلتي وأسكتله.
عمر.. لا مينفعش حد منكم شاف الدكتورة شوق؟
حسناء بخبث.. بتسأل عنها ليه 😏؟
عمر باستفزاز.. ملكيش دعوة وطلع لسانه ليها ومشي يدور على شوق.
حسناء.. بغيظ.. أقطع دراعي لو مكان الواد ده بيحب.
مازن قعد يضحك عليها.
فون مازن وصلته رسالة فتحها وبص فيها بصدمة وبص لحسناء اللي استغربته
حسناء.. في إيه؟
مازن.. إنتي طالق يا حسناء.
ــــ
عند ورد و كايا.
كانت ورد قاعدة جوة في الأوضة لوحدها لقت خبط الباب.
ورد.. مين؟
كايا.. أنا كايا كمال.
ورد قامت فتحت ليه.. خير أي خدمة؟
كايا فضل يبص ليها بحب.
ورد باستغراب.. مالك يا جدع إنت واقف مبلّم أكيد ليه؟
كايا بابتسامة على جانب.. ببص للسما ملقتش القمر جيت هنا ولقيته.
ورد بغضب.. احترم نفسك يا جدع إنت هو عشان إنت لحقتني من المخفي اللي اسمه مغاوري الشبح هكون كيف البنات اللي تعرفهم وأتنحنح معاك.
كايا عض شفته بغيظ منها... إنتي دايماً قطر كدا اهدي وصلي على النبي أنا مش قصدي كدا.
ورد.. عليه أفضل الصلاة والسلام وأنجز يا جدع إنت.. قول عاوز إيه؟
كايا.. أنا بس جاي أطمن عليكي وعلى طنط ثنية.
ورد.. برفع حاجب.. وحياة أمك.
كايا بغيظ.. استغفر الله العظيم يا بنتي هي أمي كلمتك دلوقتي عشان تشتمي هو أنا غلطان عشان جاي أطمن عليكي.
ورد.. أه غلطان ويلا من هنا بدل ما أقول لعمي جاسر يشوف شغله معاك.
كايا بصلها ببرود.. اسمك مش لايق على الشخصية أبداً دي شخصية صعبة يكون في عون اللي هياخدك.
ورد بغيظ.. وكايا برضو مش لايق على الشخصية اللي قدامي دي 😒
كايا.. بلعبان حواجب.. أمال إيه اللي يليق عليها؟
ورد باستفزاز.. شيطان.
كايا.. وهو بيرفع رقبة القميص بغرور.. شيطان بس مز.
ورد افتكرت كايا لما كان بيعمل الحركة دي.. وبصتله.
كايا.. تصبحي على خير.
وسابها ومشي من غير ما يسمعها حتى.
ورد.. باستغراب.. ملبوس ده؟
ودخلت وقفلت الباب وراها.
ـــــ
عند شوق وعمر.
شوق كانت بتدور عليه بعيونها بس فونها رن وكان رقم هي ما بتحبوش.
جاسر باستغراب.. مالك يا دكتورة قلبتي وشك ليه؟
شوق.. مفيش يا عمو ده رقم غريب.
جاسر.. ماشي اشربي العصير.
شوق مسكت الكوباية وإيدها بتترعش وبدأت تشرب وهي بتبص على الرقم اللي بيرن.
شوق قامت وراحت ورا شجرة عشان ترد
عمر راح سلم على جاسر وسأل عنها وجاسر شاور ليه على مكانها.
عمر راح وهو بيعدل هدومه وابتسامة.. بس الابتسامة اتمسحت من على وشه لما سمعها. .........
ــــــ
عند هند وشربات
هند كانت بتفكر إزاي هتخلص من ورد وإزاي مغاوري هيقدر يدخل البيت من غير ما يكون ليها يد في الموضوع ده بصت على شربات بخبث ولمعت في بالها فكرة.
ـــــــــــ
عند مراد الباب خبط وهو نايم.. ادخل.
دخلت مايا ولقته لسه ملبسش.. واتكسفت.
مايا لفت ضهرها ليه.. وهي بتفرك في إيديها بخجل.. مازن بعتني أشوفك ليه لسه منزلتش؟
مراد ابتسم ابتسامة جانبية.. مش قادر أنزل مفيش مزز تحت.
مايا بغيرة ولفتله.. نعم يا روح أمك إنت منزلتش عشان كدا؟
وكانت بتدبدب برجليها بغيظ.
مراد بخبث.. أه أمال هنزل عشان إيه يعني الكل الموجودين أنا شايفهم قبل كدا مفيش وشوش جديدة.
مايا.. بغيظ.. تصدق صح. وكانت نازلة بس هو شدها من إيدها ووقعت فوقه.
مراد بخبث.. غيرانة.
مايا بتحاول تقوم بس هو لف إيده على وسطها أكتر.. لا وابعد عني لحد يجي يشوفنا كدا يفكر حاجة غلط.
مراد.. بتصنع الزعل.. يعني كل اللي هامك حد يشوفنا كدا مش هامك قربي ليكي قومي يا مايا إنتي أصلاً مبقتيش تحبيني وبقيتي بتوجعيني كتير.. ولف وشه الناحية التانية.
مايا.. بحزن.. مراد أنا مقصدش كدا بس أنا مش عاوزة حد يفكر فينا حاجة وحشة.
مراد.. لف ليها وشه.. إنتي عارفة إن محدش يقدر يفكر فينا حاجة وحشة وبعدين إنتي كنتي مراتي وإحنا الاتنين زي ما بتقولي بنحب بعض إيه بقا اللي مضايقك من قربنا سوا.. الناس صح.
مايا.. لا ربنا شايفنا يا مراد وإنت عارف ده كويس مراد أنا مش عاوزة نعمل حاجة نتعاقب على حرماننا من بعض زي ما حصل قبل كدا.
مراد رجع راسه لورا وغمض عيونه بهدوء وأخد نفس.. ابعدي يا بت أنا أصلاً مخصمك.
مايا.. بدل.. مخاصمني ليه أهون عليك.
مراد.. أه.
مايا بزعل.. أه وقدرت تقولها.
مراد.. ما أنا هونت عليكي وروحتي عملتي التحليل من ورايا ومبتصقيش فيا خلاص.
مايا بدل وعضت صابعها.. مرادي.
مراد لف وشه الناحية التانية وابتسم عشان ميضعفش قدامها..
مايا رفعت رجليها وحطتهم على رجليه وهو نزلهم وهي رجعت حطتهم تاني وهو رجع نزلهم رجعت عملتها تاني بس هو ضحك.
مراد.. إنتي عاوزة إيه مني؟
مايا.. عاوزة نتصالح مش بحبك كدا.
مراد قربها وقعدها على رجليه وهي اتخضت.. عاوزة نتصالح..؟
مايا.. أه.
مراد بخبث.. بوسة.
مايا بصدمة وويتبع.
الفصل الثالث عشر من هنا