ليلى
سبت الباب بسرعه وجريت على الأوضه!
مكنتش قادره أقف على رجلي.
كنت بقع في الأرض وأقوم من تاني.
حاسه إن خلاص دي نهايتي.
صدري بيعلو ويهبط بسرعه وأنا عاجزه حتى إني أعمل أي حاجه.
كنت على بضع خطوه من الأوضه .
لكن فجأه!
إيد سحبتني جامد من شعري :
__فاكره إنك هتهربي مني؟
ومين غير ناهد اللي كانت ماسكه شعري بغل ...وكأنها هتقتلعه من جذوره.
صرخت فيها بقوه:
__أنا ممكن أصرخ وألم البيت عليكي!!!
ضحكت بسخريه :
__محدش هيسمعك.
كلهم بره وأنا وإنتي بس اللي هنا.!!
أول ما قالت كدا حسيت الخوف بدأ يتسلل لقلبي من تاني.
وساعتها كنت عايزه مروان وبس!
مسكتها من إيدها اللي ماسكه شعري وقولت بحقد:
__إنتي بتعملي كدا ليه؟!!
ضحكت ضحكه خبيثه وهي بتقول:
__بعمل كدا ليه؟
شدت على شعري أكتر:
__أنا لو فضلت أتكلم من هنا لبكره أنا بعمل كدا ليه.
مش هنخلص!
رمتني بقوه على الأرض .
صرخت من الألم وأنا حاسه إن عظم جسمي كله إتكسر.
__إنتي مجرمه .
عايزه تقتليني زي ما قتلتي بابا؟!
ليه ؟!!
عملنا لك إيهههه؟!!!!
ضحكت ضحكة عالية وهي بتبصلي بحقد:
__عملتوا إيه؟!
قربت مني وهي بتجز على سنانها
__إنتوا سرقتوا مني حياتي كلها!
بصيت لها بعدم استيعاب.
__سرقنا إيه؟!
صرخت في وشي:
__أبوكي!
حسيت قلبي وقف.
قالت وهي بتضحك ضحكة باهتة:
__كان من حقي أنا... مش من حق أمك.
هزيت راسي برفض:
__إنتي مجنونة.
انحنت لمستوايا، وعينيها كانت مليانة كراهية:
__أبويا قالي وقتها: ابن عمك متقدم لك.
ابتسمت... كنت فاكرة إنه توفيق.
كنت أسعد واحدة في الدنيا.
لكن يوم الخطوبة...
اتبدلت ابتسامتها بغضب مرعب:
__دخل شريف.
شريف... مش توفيق.
بلعت ريقها بصعوبة، وكأنها لسه عايشة نفس اللحظة:
__اعترضت... صرخت... قولت لأبويا أنا مش موافقة.
قال: "العيلة أهم."
العيلة عنده كانت أهم من عمري كله.
قبضت على السكينة بقوة وهي بتكمل:
__ومن يومها... وأنا بدفع التمن.
وإنتوا... هتدفعوه معايا.
بصيت لها والدموع ملت عيني:
__دا سبب كافي إنك تقتليه؟
وتيتمي عياله؟!
هزت راسه بجنون وقالت:
__لا مش دا السبب!
__إيه السبب؟!
ضغطت على السكينه بإيديها وكأنها بتتحامى فيها وقالت:
__روحت واعترفت لأبوكي بعد عشر سنين بحالهم كاتمه في قلبي.
لكن هو هددني بإنه هيعرف شريف .
ف كان لازم أخلص منه!!
بصيت لها بصدمه وكأني مش مصدقه اللي قدامي دي بني آدم بجد!!؟
أنقضيت عليها وأنا بمسكها من هدومها:
__إنت مجنونه!!!
أقسم بالله مجنونه!!
ضحكت...ضحكت جامد وهي بتبص في وشي بجنون.
وفجأه مسكت رقبتي بين إيديها .
__إنتي لسه مشوفتيش المجنونه دي ممكن تعمل إيه !!!
كنت حاسه بنفس بيروح مش من ضغط إيديها ...لكن من الموقف نفسه!
لكن فجأه...
دخلوا ظباط شرطه كتير ملوا الشقه.
وفي وسطهم ....مروان!!!
أول ما شوفته بكيت أكتر وكأني بقوله من غير كلام:
__شوف حبيبتك حصل فيها إيه.
صرخ ظابط الشرطه في ناهد وهو بيوجه سلاحه ناحيتها:
__سيبي السلاح يا ناهد.
المكان كله محاصر ومش هتقدري تهربي!!!
كنت شايفه الذعر على وشها وكأنها مش مصدقه إنها وقعت!
الظابط لسه هيقرب منها ...حطت السكينه على رقبتي:
__لو حد قرب مني هصفيها!!
وشوحت بالسكينه قدامهم:
__لو حد قرب أقسم بالله ما هيكفيني قتلها!!!
كنت حاسه إني مخنوقه وهيغم عليا.
كان نفسي بس الموقف يخلص وإن دا يكون كله كابوس.
لكن لا الكابوس خلص ولا الموقف عدى.
كانت عيني على مروان اللي كان وشه مليان غضب وقلق في نفس الوقت.
وهو شايف السكينه على رقبتي.
إبتسمت له وكأني بقوله:
__متقلقش.
مع إني أكتر واحده محتاجه أسمع الكلمه دي.
محتاجه أحس بالأمان .
قرب مروان بحذر:
__سيبي السكينه ...مش هتستفادي حاجه لو قتلتيها.
كدا كدا هتتسجني!!!
ضحكت ضحكه شريره وهي بتضغط أكتر على رقبتي:
__كفايه إني شايفاك مكسور كدا وخايف على حبيبه القلب.
وكملت:
__وعلى رأيك كدا كدا هتسجن.
ف مش فارقه.
كنت حاسه خلاص إن مروان هيتجنن من الخوف.
ضغط على رقبتي بالسكينه أكتر:
__إنتي عرفتي حاجات مكنش المفروض تعرفيها.
سلام يا ليلى.
وفجأه حسيت بالسكينه بتتسحب على طول رقبتي.
وهمسات في كل حتى.
__ماما إنتي عملتي إيه؟
__ليلى!!!!!
__الإسعاف بسرعه!!!!
__ماما فوقيييي!!!
__إقبضوا عليها
__لأاااااا
تمت
لا بهزر معاكم😂😂
________________
مروان
كنت قاعد جمب ليلى اللي كانت تايهه في النوم .
وشها شاحب ورقبتها ملفوفه بشاش.
الحمدلله ظابط من الظباط دخل من البلكونه وسحب إيد ناهد قبل ما تعمل اللي كانت هتعمله.
ليلى إتجرحت جرح بسيط في رقبتها ...ومن الصدمه والذعر أغم
عليها.
اليوم كان صعب عليها وعلينا كلنا.
كنت بمسح على عيونها بالراحه عشان متصحاش.
وببوس إيديها وأنا بحمد ربنا إنها بخير .
وفجأه سمعت همهمه منها وهي بتقول بصوت خافت:
__م مروان!
قومن بلهفه وأنا مسح على شعرها وإيديها:
__عيونه.
همست بخفوت وهي بتحاول تفتح عيونها:
__أنا عايشه؟
حسيت بغصه في قلبي وبلعت ريقي:
__عايشه وبخير يا حبيبتي.
بدأت دموعها تنزل وهي بتشهق:
__ك كنت هموت يا مروان.
مسكت إيديها وضغط عليها جامد:
__بعد الشر عليكي يا قلب مروان.
حاولت أهديها على قد ما أقدر لغايه ما نامت من تاني.
بصيت عليها نظره أخيره قبل ما أخرج.
وقفلت الباب ورايا.
كان سليم واقف وشه شاحب ومربع إيده قدام صدره بتحفز.
حطيت إيدي على كتفه بخفه:
__إنت كويس؟
هز راسه بهدوء فكملت:
__صفيه محتاجاك جمبها دلوقتي.
مسح على وشه بتعب:
__أنا نفسي مش عارف أواسيها إزاي.
إبتسمت له بفهم وقولت:
__مش لازم تواسيها ...كفايه تبقى جمبها.
بصلي بفهم وهز راسه بالموافقه.
وساعتها بس حسيت إن المايه بدأت ترجع لمجاريها.
___________________
"بعد إسبوع"
كان سليم قاعد قدام عمه شريف .
__يا عمي إيديني بنتك والله هحطها في عيني
__لا
__يا عمي بنتك هتبور جمبك.
__في 100 واحد يتمناها
__يا عمي ما أنا مش هسمح لحد ياخدها غيري!
__يعني إيه؟
__يعني يا أنا آخدها ...لا أنا آخدها برضه مفيش مفر.
__طب لا
__طب متزعلش بقى لما ترجع من الشغل متلاقيهاش.
__يعني إيه ؟!
__يعني هخطفها يا عمي!!
__طب لا
__اللهم طولك ياروح .
دخلت صفيه بالعصير وحطته قدامهم بكسوف.
قربت من باباها وهمست بخفوت:
__خلاص يا بابا جننت الواد.
بصلها بضيق وقال:
__مش مستوعب إنك هتبعدي عني.
إبتسمت بخفه وهي بتبوس خده:
__مقدرش أصلًا دة أنا هفضل أنطلك كل يوهم
قال سليم:
__يا بخته.
برق عمه فيه:
__إتلم ياض.
__ما أنا والله عايز أتلم.
بس آخد صفيه ونتلم كلنا
__يعني إيه؟
__يعني شاريها يا عمي.
بص شريف لصفيه وقال بتساؤل:
__إنتي شايفه إيه يا صفيه؟
بصت للأرض بكسوف وقالت:
__اللي حضرتك تشوفه.
__يبقى لا.
__بابااااا!!!
__خلاص خلاص .
بس المؤخر ميقلش عن إتنين مليون.
__باباااااا!!!!!
يتبععععع
الفصل التاسع والثلاثون من هنا