بقلم نور ربيع
سبحان الله العظيم ❤️
ريتال بصرخه: رحييييييم
رحيم رفع عيونه عليها وبصلها بخضه من صرختها
ولقي مره واحده صوت جامد نزل على ازاز العربيه وبقى نازل على العربيه ، و الازاز كله بقى متكسر ونازل عليهم ..
رحيم نزل راس ريتال لتحت بسرعه وهو انحنى راسه لتحت ايضا هو عشان الازاز اللي نزل عليهم
ريتال كانت بتصرخ بصوت عالي جدا ومرعوبه من جواها من الشخص اللي بيكسر عليهم الازاز ده
وقف تكسير في الازاز العربيه الشخص ده
رحيم فتح باب العربيه بسرعه
راح الشخص ده جري بسرعه ورحيم خرج من العربيه وطلع يجري وراه وقال بصوت عالي رحيم هو الشخص ده سمعه اللي هربان
رحيم: ااانت مييين يا جبان اقسم بالله ما هرحمك
الشخص ده كان بيجري بسرعه قويه علشان رحيم يمسكوش وكان لابس اسود في اسود وحاطط كاب على راسه اسود ايضا عشان ما يتعرفش
ريتال نزلت بسرعه بخضه في قلبها: رحيم رحيم تعال نمشي من هنا يا رحيم
رحيم بصلها وقرب منها وقال: اهدي ما تخافيش يا ريتال انا معاكي اهدي
ريتال حطت ايدها علي قلبها بخضه شديدة و حاسه من الرعب قلبها هيقف
ريتال: رحيم مين ده يا رحيم مين ممكن يكون اللي كسر ازاز العربيه بالطريقه دي مين؟
رحيم بشتات في عقله: ما اعرفش ما اعرفش يا ريتال _ تعالي ومسك ايدها " وراحو ركبو العربيه ومشيوا
ــــــــــــــــــــــــــــــــــــــــــــــــــــــــــ
في يوم جديد
في شقه ايشان
ايشان كان خارج من الحمام لقي فون كان بيرن
ايشان بضيق: ورده ورده ورده ورده
و فتح
ايشان: الو
ورده بابتسامة: صباح الخير
ايشان قاعد علي سرير: صباح النور
بس احنا بقينا الظهر دلوقتي يا ورده
ورده: اه مانا عارفه قولت اصبح عليك يا سيدي
ايشان: اها المهم عامله ايه
ورده: الحمدلله بخير انت عامل ايه
ايشان: انا بخير طول مانتي بخير
ورده: تسلملي يارب، امم احم امبارح رنيت عليك كتير يعني كده ما كنتش بترد
ايشان: معلش كنت بتكلم مع خطيبتي و بعدها روحت عندها
ورده بغيره جواها: اه طيب كنت رديت طمنتني عليك حتي
ايشان بسخرية: معلش مره جايه بقي
ورده زعلت من طريقه: انت زهقت مني ولا ايه يا ايشان مالك؟
ايشان بزهق: ورده انتي رنيتي ليه دلوقتي
ورده بحزن:عاوزه اكلمك والله
ايشان لقي تلفون بتاعه رن و كانت خديجه
ايشان: انا هقفل
ورده بسرعه: استني عاوزه اتكلم معاك
ايشان بضيق منها: ابقي اكلمك بعدين سلام دلوقتي
ورده بخنقه جواها: طيب كلمني يا ايشان عاوزه اتكلم معاك والله
ايشان بزعيق: ورده قولتلك بعدين تمام سلام .وما ترنيش غير اما انا ارن عليكي عشان ما ترنيش ويديكي مشغول - و قفل معاها قبل ما تقول حاجه
ايشان بضيق شديد جواه: ياربي انا اللي عملتها في نفسي من الاول
( و مهما ان كنتي يا بنتي لوحدك او حتى ان كان روحك فيه اوعى اوعى تحاولي مع حد انه يفضل معاكي هو محرم عليكي اوعى تتحايلي او تتذللي على حد لانك هتتحاسبي على كل ده وخليكي واثقه من نفسك ان هيجي يوم وربنا هيعوضك بالاحسن من اللي رفضك ما تبصيش لحاجه مش ليكي وادعي ربنا ان يملى عليكي الراجل الصح اللي يناسبك بجد واللي يستاهلك ويستاهل قلبك وما تنساش انك غاليه و ما ترخصيش نفسك اكتر من كده لمجرد انك عايزه توصلي لحاجه مش ليكي و عمرها ما هتكون ليكي ابدا 🥹)
ــــــــــــــــــــــــــــــــــــــــــــــــــــــــــ
عند خديجه
خديجه: السلام عليكم
ايشان ابتسامه بسيطه: عليكم السلام ورحمه الله وبركاته
خديجه: عامل ايه
ايشان: الحمدلله انتي عامله ايه طمنيني عليكي
خديجه: الحمدلله بخير دامك بخير
ايشان بابتسامة: يجعل كل ايامك خير وسعادة يارب
خديجه بابتسامة: امين تسلملي صاحي ولا ازعجتك؟
ايشان بابتسامة: لا طبعاً صاحي وبعدين فيها ايه يعني لو ازعجتيني
خديجه ضحكت: قولت احسن تكون من النوع اللي لما حد يصحي و يزعجو من نومه يتعصب عليه
ايشان ضحك: لا لا لا مفيش كده عندي عشان انا متعود عشان ليل نهار صاحي ما تنسيش بقى ان انا كابتن طيار يا خديجه
خديجه: اممم طيب الحمدلله علشان لما اجي اصحيك تقوم بسرعه
ايشان: ان شاءلله؛ كمل بمرح: صحيني بس وانا اقوم بسرعه من غير تردد
خديجه بضحكه بسيطه: ان شاءلله بس كده. المهم انت صليت صلاة الضحى ولا لسه؟ قبل الظهر باقي عليه ربع ساعه !!؟
ايشان ارتبك من السوال مكنش عارف يقولها اي
خديجه باستغراب: ايشان راحت فين؟
ايشان لنفسه: برضو هتكذب في دي يا ايشان لو خديجه عرفت الحقيقه بتاعتك وانك مش انت نفس الانسان اللي هي فاكرك بيه مستحيل تسامحك
خديجه: اايشان
ايشان انتبه ليها: نعم معاكي اهو
خديجه باستغراب: راحت فين؟
ايشان: احم اصل افتكرت حاجه
خديجه بجدية: ايشان انت ملتزم في صلاة مش بــ يفوتك فرض بجد و عامل ليك ورد قراني وبتروح الجامع قولي الحقيقه
ايشان بكدب: احم اه طبعاً با ستي اومال هكدب عليكي يعني يا خديجه
خديجه بصدق فيه وحب: بجد مبسوطه يا ايشان منك ربنا يباركلي فيك و يحفظك يارب و يثبتك يارب يارب
ايشان ابتسم بحزن من نفسه: امين
خديجه بابتسامة: طيب ولما بتبقى في شغلك وكده ورحلتك بتعمل ايه في صلاتك اللي بتفوتك والعباده
ايشان بضيق جواه: بقول دعاء اللي انتي قولتيلي عليه سامحني واغفر لي على كل صلاه تركتها يا رب هصليها ان شاء الله وهعوض كل اللي فاتني
خديجه بفرحه: اللهم بارك ربنا يحفظك يارب يا ايشان يارب
بقولك بقا انا عاوزه ابعتلك اخر حاجه في الجهاز بتاعي و اخد رايك فيها و عاوزه اقولك بقا نظام اوضه نوم و غرفه الاطفال و عاوزه اعمل الغرفه موجوده دي فاضيه مكتبه للمصاحف كبيره وتكون الغرفه دي للعباده فقط
ايشان ضحك بابتسامة: ايوه هو ده اللي انا عايز يا ست خديجه بسرعه ابعتيلي
خديجه ضحكت:هو وانا قولتلك بحبك ولا ايه دا انا بقولك ناخد راي بعض في حاجات شقه
ايشان بحب: ياريت والله؛ ثم كمل بجدية: تصدقي بالله انا وقعت في حبك فعلا خلاص بس خايف اقولك تقلبي عليا خليني قافل على مشاعري احسن دلوقتي ربنا يصبرني لحد الكام شهر دول يعدو على استير
خديجه بضحكه خجل: لا خليك زي ما انت علشان ما نخسرش بعض احسن
ايشان لنفسه بضيق شديد: ياريت كانت كل البنات زيك يا خديجه لو اقوم اقولك الكلمه دي يا ورده حقيقي متخيلك في اللحظه دي هتعملي ايه دلوقتي من كتر فرحتك ولو اقدم ليكي اللي بقدمه لخديجه خطيبتي بس، بس انا مش عاوزك انتي عايز خديجه خديجه وبس وانتي يا خديجه خايف فعلاً اخسرك لازم احافظ عليكي زي ما انتي عاوزه علشان لو خسرتك هتبقي للواد الغبي سيف وانا ما اسمحش بكده أبداً يا حبيبت قلبي انا خلاص وقعت في حبك يا خديجه حرفيأ
خديجه بعصبيه: ايشااااان
ايشان ضحك: معاكي والله اهو
خديجه بتنهيده بسبب السرحان: نفسي اعرف بس بتفكر في ايه و بتروح لفين
ايشان بضحكه: مش في حاجه ولا في مكان المهم خلينا في اللي احنا فيه
ـــــــــــــــــــــــــــــــــــــــــــــــــــــــــ
عند وعد
وعد كانت راكبه في التاكس وكانت ماشيه لورده اختها
صاحب التاكسي: هتنزلي فين يا مدام،؟
وعد بصتله بتركيز: شارع ***
صاحب التاكسي: من عيوني
وعد فضلت ماسكه تليفونها تقلب فيه لحد ما توصل .
ما كانتش منتبهه للي مراقبها من الوقت للتاني وعيونه عليها
بعد يجي عشر دقايق كانت وصلت
صاحب التاكسي بص ورا وقال: مدام وصلنا
وعد رفعت راسها و بصت حواليها وانتبهت انها وصلت فعلا
وعد بابتسامة بسيطه جدا: تمام شكرا _ وطلعت فلوس من شنطتها ونزلت واديتها لي
وعد بتفكير : امم بقولك ممكن تجيب رقمك ارن عليك وقت ما اعوزك
صاحب التاكسي ابتسم: تحت امرك _ وفعلا اديها الرقم وراحت مشيت وعد
وفضل وقت صاحب التاكسي باصص عليا وهي ماشيه وكل نظراته كانت خبيثه ليها ( من المفروض لكل انسان فينا وخاصه الرجال انها تغض بصرها عن النساء لانك فتنه ليها ودي من المحرمات لا يجوز انك ترفع عينك في النساء نهائيا غير اللي محلله ليك واتقوا ربنا وغض بصركم وبطلوا نظرات الخبيثه بقا دي انت طالع تشتغل وتقضي حاجتك بطلو القرف اللي انتوا فيه وامشوا على صرط المستقيم)
ـــــــــــــــــــــــــــــــــــــــــــــــــــــــــ
في منزل اهل رحيم
ام رحيم كانت قاعده وكل تفكيرها في اللي حصل وقت ما رحيم و ريتال كان عندهم
ام رحيم بتانيب الضمير: لمياء هي اللي غلطانه كل مره تعمل معاها مشكله عارفه انها عندها انهيار عاطفي خلقها ضيق وبتفقد السيطره و بتتعب هي بتلعب معاها بالنقطة دي
_ اتنهدت وقالت لنفسها بضيق: مش من حقي اجي علي ابني التاني و مراته علشانها زفته دي .
قامت خرجت ليها كانت موجوده مرات ابنها الكبير و بنتها
ام رحيم بتحكم: اسمعي يا هانم انتي وهي انا مش ناسيه اللي انتوا عملتوه في مرات رحيم و اللي حصل ليله امبارح انتي وهي انا هرن عليها دلوقتي وتعتذروا منها
مرات ابنها ببرود: انا مش هعتذر من حد يا ماما
بنتها بعدم اهتمام لكلامها: ليه ان شاءلله اعتذر منها ليه مين هي علشان اعتذر منها اصلا
ام رحيم بغضب شديد: سمعتي بقولك اي انتي وهي يارب يكون كلامي مسموع انتي مش احسن منها منك ليها وهي بنتي زي ما انتوا بناتي برضو فاهمين
مرات ابنها بسخرية: يا سلام من امتي الحب ده!!!
ام رحيم بجمود: من دلوقتي من دلوقتي يا ختي يارب تعملي اللي بقولك عليه انتي اهم حاجه لانك انتي سبب كل ده وانا مش عاوزه عيالي الاتنين يبقي في مشاكل بسبب واحده زيك و اوعي تقربي من ريتال وانا بقولك اهو
بنتها جت تتكلم قطعت كلامها مرات اخوها
" تمام يا ماما من عيوني هرن عليها و اعتذر منها بس كده
اخت رحيم بعصبيه: لا وانا مش اعتذر بس
امها: كلامي مش هيتعاد تاني يا استاذه
بصتلها مرات اخوها بمعني انها تسكت و فعلاً فهمت نظراتها
ام رحيم: ترني عليها حالا واحده فيكم و تتكلم معاها و قوليلها تجي هي و رحيم
مرات ابنها بغل: حاضر حاضر يا ماما
ــــــــــــــــــــــــــــــــــــــــــــــــــــــــــ
في شقه رحيم
ريتال كانت خارجه من المطبخ في ايدها كوبايه نسكافيه ، و راحه علي البلكونة
و قعدت علي كرسي وسرحت في الماضي
ريتال بحزن شديد لنفسها: ياااه لو انت مكنتش في حياتي يا رحيم كان ممكن يحصل معايا اي ياتري كان جواد عمل فيا اي دلوقتي و بابا ومراته
فلاااااش باااااك
ريتال طلعت من غرفتها بعياط: بابا انا زهقت من مراتك دي اللي بتذل فيا
ابوها بغضب: في اي يا بت مالك
ريتال بعياط: بابا مش عايزه تديني مصاريف نهائي وانا محتاجه حاجات انا عايزه مصاريفي لوحدي لو سمحت
مرات ابوها بتمثيل: يا كذابه انا مش بديكي فلوس اومال مين اللي لسه واخده الصبح مني
ريتال بزعيق وعياط: انتي اللي كذابه والله العظيم
مرات ابوها بغضب: شوف بنتك ام لسان طويل يا ابو ريتال اخص عليكي و علي تربيتك
ريتال بغضب: اهو انتي انا متربيه احسن تربيه
ابوها قام ضربها بالقلم علي وشها بغضب معمي
ريتال بانهيار: بابااا اناا بكرهك بتيجي عليا عشان خاطر دي
ابوها زقها بغضب: احترمي نفسك يا اما تغوري من هنا انتي فاهمه ولا لا
ريتال بانهيار وكسره منه: بابا انا وصايا ماما الله يرحمها انت ازاي تعمل فيا كده علشان خاطر دي
ابوها بقسوه: دي عندي احسن منك و يلا غوري علي جوه
ريتال جريت علي غرفتها وهي منهاره في عياط الشديد وحاسه انها مكسوره جدا من جواها من كسوه باباها عليها
ارض الواقع
عيطت جامد ريتال وهي مكسوره جدا جواها من باباها
ريتال ببقاء: الله يسامحك يا بابا الله يسامحك
ــــــــــــــــــــــــــــــــــــــــــــــــــــــــــ
في احد الشركات الملابس الكبيره اللي في القاهره الجديده
وهي شركه (ركن الاناقه)
تبع عائله الهواري وهي لرامي ويامن وياسين ودي شركه شرك ما بينهم هما الثلاثه خاصه بيهم
دخل الشركه. خصوصا في مكتب رامي
ياسين: احم رامي كنت عايز اتكلم معاك في موضوع
رامي بنتباه: امم قول
ياسين قاعد علي كرسي بكل جمود
ياسين: انا قررت اتجوز مره ثانيه
رامي بعدم صدق: اي شغل العيال ده تتجوز اي؟
ياسين بجدية: دا مش لعب عيال يا خويا دا قرار نهائي وكنت بفكر في الموضوع من زمان كمان واخيرا اخدت القرار الصح بعد ما تفكير كبير وهو اني اتجوز
اخوه رامي بدهشه: تصدق ان أمنه قالتلي من كام يوم فعلاً بس وقتها ما صدقتش الكلام ده وقالتلها دا يمكن بيكيد في مراته ولا حاجه
ياسين: لا حقيقي مش كلام ولا حاجه ولا كيد
رامي بعصبيه: انت علي غلط علي غلط صدقني تتجوز اي بس ليه وعد وعد اللي انت متجوزها من عشر سنين ازاي يهون عليك تخلي واحده تانيه تاخد مكانها يا اخي
ياسين بحزن ونفس غضبه: اهو قالت بقالك عشر سنين متجوز دي جوازه على الفاضي يا رامي حط نفسك مكاني لو انت مكنش عندك عيل كان زمانك اتجوزت من زمان حتى لو روحك في أمنه مراتك
كمل بحزن شديد وضيق: لكن ماشاء الله يحفظه ويباركلك فيه يارب معاك ابن شاب عنده 26 سنه من وقت ما اتجوزت أمنه بشهرين جابته على حياتكم شوفته بيكبر قدام عينيك وبيتعلم يوم على يوم وده كفايه انه مالي عينك و مالي حياتك كلها انت و مراتك صبري نفذ خلاص والله صبري نفذ يا خويا
رامي بتنهيده وهدوء: انا عارف اني مش في مكانك ومستحيل حد يحس باللي جواك نهائي غير الا ربنا بس ارفع ايديك كمان مره والجا لربنا و قاله يا رب ارزقني بالذريه اللي طلبها منك ولح بالدعاء
والله انك ما تخسر حاجه ما فيش احن من ربنا علينا
ياسين بعدم صبر وعصبيه: مانا فعلاً بعمل كده بس خلاص مش بايدي حاجه غير كده
رامي بيأس منه: يعني ده اخر قرار عندك؟
ياسين: اممم اخر قرار
رامي: طيب وعد هتعمل ايه فيها
ياسين بعدم اهتمام: اللي هي عايزاها واللي يريحها عايزه تطلق هطلقها في اقرب وقت ما عنديش مانع
رامي بضيق من رده: هتندم على فكره وعد ما تستاهلش انه يحصل فيها كل ده يا ياسين
قام ياسين بعدم اهتمام لكلامه: كلامي خلص بعد اذنك يا اخويا
وخرج من المكتب في الوقت ده دخل يامن
يامن قاعد وقال: هو في اي ماله ياسين يا رامي
اتنهد وقال بضيق رامي: قال هيتجوز علي وعد قال
يامن بصدمه: يتجوز يتجوز ايه طيب و مراته
ــــــــــــــــــــــــــــــــــــــــــــــــــــــــــ
في منزل الهواري
تحديدا في شقه امنه
زينب بتعب: أمنه تعالي روحي معايا المستشفى نعمل تحاليل
أمنه بقلق: ليه مالك؟
زينب بألم في بطنها: مش عارفه بقالي اسبوع وجع في بطني مش بيسيبني ابدا
أمنه: طيب ما تشربي حاجه ساخنه
زينب: والله شربت كل حاجه مفيش فايده اب الوجع هيموتني كده
امنه: لا سلامتك يا حبيبتي
طيب قومي البسي علي ما البس انا كمان و نروح انا وانتي عياده الدكتوره اسماء مجدي
زينب: تمام علي مادي خبر لاسيل و ليث كمان
وقامت بالفعل طلعت شقتها وامنه راحت تلبس
ــــــــــــــــــــــــــــــــــــــــــــــــــــــــــ
في شركه رحيم
خاصه في مكتبه
كان تلفون رحيم رن وهو شغل على اللاب توب في الوقت ده وفتح من غير ما يشوف الرقم
رحيم: ايوه!!
مرات اخوه بخبث: عامل ايه يا رحيم
رحيم اتضايق جدا انه ما شافش الرقم قبل ما يفتح وانها طلعت هي
رحيم: الحمدلله خير في حاجه
مرات اخوه: لا أبداً انت زعلان مني يا رحيم
رحيم بخنقه: وانا ازعل من اي بس هو احنا في ما بينا كلام اصلا
مرات اخوه بغل جواها: بقولك يا رحيم يعني برن علي ريتال مش بترد عليا كده
رحيم بعصبيه فيها: الله يرضي عليكي يا بنت ناس ابعدي عن ريتال ابعدي عن ريتال ما لكيش دعوه بيها طلعيها بقى من ام دماغك
مرات اخوه بتمثيل حزن: اخص عليك يا رحيم انت محسسني ان انا هاذيها كده ليه هي زي اختي الصغيره ولما بقولها حاجه ببقى عايزه انصحها مش اكتر وبعدين برن عليها عشان اقولكم تعالوا
رحيم بغضب: خلي نصيحك ليكي ريتال مش صغيره ريتال دي اوعى منك عشان تبقى عارفه بس واحنا مش هنجي ومش عايزين ندخل البيت ده طول ما انتي موجوده فيه
قالت بحقد جواها:رحيم انا ا
قطع كلامها رحيم: اعتذري من ريتال يا ام اسلام وعايزاك تطلعها من دماغك على كده
قالت بتمثيل البقاء عليه: والله برن عليها علشان كده فعلاً انا عاوزه اعتذر منها علشان خاطر اتكلم معاها وصالحها واقولها سامحيني يا حبيبتي مش بيبقى قصدي حاجه وبحبها زي اختي الصغيره
رحيم قفل في وشها مكالمه بسبب انه مش طايق الفعل والكدب بتاعها وحواراتها عليه
رحيم بغضب: هي ناقصاكي انتي كمان بــ ام حواراتك دي
ــــــــــــــــــــــــــــــــــــــــــــــــــــــــــ
عند ريتال في شقتها
ريتال كانت بتتكلم مع اسيل
ريتال بتعب: مش فاهمه والله نظام الدروس ازاي السنه دي او بتقولي ايه انا مش فاهماكي هبقى اروح معاكي ان شاء الله من بكره وافهم صح المهم انتي خليكي معايا
اسيل: خلاص ماشي ي حبيبتي لو غايه تعليم وعايزه تكملي لازم تركزي السنه دي سنه صعبه جدا واهم حاجه اخر السنه دي
ريتال بتنهيده: طبعاً انا هكمل يا قلبي هنذاكر انا وانتي والسنه دي هنعديها ان شاء الله على خير
اسيل: ان شاء الله يا قلبي طمنيني عليكي عامله ايه مالو صوتك كده تعبان ليه انتي تعبانه؟
ريتال: والله تعبانه شويه علشان الحمل بس يا اسيل
اسيل: اها ربنا يتمم حملك على خير يا رب وتقومي بالسلامه يا قلبي
ريتال: يارب تسلميلي يروحي
ريتال بصت فون كان بيرن
ريتال بخنقه: اسيل هكلمك طيب شويه هرد علي سلفتي
اسيل: تمام يروحي سلام
وقفلت معاها المكالمه وردت عليها
ريتال بعصبيه: نعم عايزه ايه يا ست انتي
سلفتها بغضب: اي ده اي ده اهدي مالك لا يطق ليكي عرق يا حبيبتي
ريتال ببرود: بعد الشر عليا من اي حاجه وحشه يا حبي اممم نعم عاوزه اي
سلفتها بغل منها: ابدا بس كنت عايزه اعتذر منك واكلمك يا حبيبت قلبي
ريتال بعصبيه: واعتذارك مرفوض ومش عايزه اكلمك تمام
سلفتها باستفزاز: ليه يا حبيبتي ليه ده انا حتى زي اختك الكبيره
ريتال: وانا ما يشرفنيش ان يكون عندي اخت زيك
سلفتها بغضب شديد: لو ما خليت رحيم يطلقك ابقى تعالي قابليني يا بنت الشارع كده كده ما فيش ما بينكم عيال لحد دلوقتي وانتي كده كده هتترمي هتترمي في الشارع هو مش عايز منك عيال اصلا
ريتال بغضب وزعيق: اهي بنت الشارع دي احسن وانظف منك يا بنت الكلب يا حقوده يا ام غل يا صفر .. و أصلا مين قال اني مش معايا عيال انا حامل يا ماما
سلفتها بصدمه من ردها: بقى انا يتقالي كل ده يا ريتال؛ كملت بصدمه: و حامل طيب والله العظيم لا شرب من دمك
قفلت في وشها مكالمه ريتال بغضب منها
ريتال بزعيق وغضب: بكرهككككك
( ما ينفعش ان احنا نغلط في بعض ونقول الالفاظ دي لان عليها حساب كبير عند ربنا استغفري كل ما تقعي في غلطه زي دي مستعيذي من الشيطان ما تخليش حد يعكر عليكي مزاجك مهما ان كان مين)
ــــــــــــــــــــــــــــــــــــــــــــــــــــــــــ
في شقه ورده
ورده وعد كانوا قاعدين مع بعض
وعد مسكت الشنطه وطلعت منها فلوس واديتها لورده
وعد: خدي ال 400 جنيه دي يا ورده و ايجار الشهر بتاع الشقه عليا شهر يخلص وهتفعه لست صاحبه الشقه
ورده بصتلها بحزن في عيونها: ربنا يديمك ليا يا وعد يا رب لولاكي مش عارفه كنت هعمل ايه
وعد بابتسامة حزينه: و يديمك ليا يا عمري يارب انتي اختي مسؤوليتي من حقي اعمل اكتر من كده وصايا ماما وبابا الله يرحمهم
ورده بحزن: الله يرحمهم يا رب
ايشان من كام اسبوع بعتلي فلوس ودفع فلوس الشهر اللي فات وداني 1000 زياده
وعد بــ كرهه لي: امم قوليلي بتتكلمي معاه
ورده: اه بتكلم معاه لكن انا ولا شاغله باله نهائي
وعد بضيق وكرهه: الناس دي تتكره اصلا متكبرين اوي يا ورده
ورده بحزن: اووي حتى ايشان
وعد غل: يمكن ما يتفقوش مع بعض ويسيبها ويكون ليكي خليكي معاه واشغله باله بيكي وهيجي يوم وهيكون ليكي انتي
وعد: نفسي والله يكون ليا لاني بحبه اوي يا وعد ايشان
وعد بابتسامة كلها حزن: بتحبيه وهو ما يستاهلش الحب كله
بصتلها بهموم وحزن ورده
تلفون وعد رن
وعد باستغراب: مين اللي بيرن ده
ـــــــــــــــــــــــــــــــــــــــــــــــــ
في مساء
ايشان ويوسف كانوا بيتكلموا مع بعض في مكالمه
ايشان بزعل عليه: تصدق بالله انت زعلتني على موضوع انكم سبتو بعض
يوسف اتنهد بحزن: لا اله الا الله النصيب يا صاحبي النصيب
ايشان بتنهيده: الله يبشرك بخير يا اخي
يوسف ضحك ضحكه حزينه: باذن الله انت وخطيبتك حياتكم هتبقى احسن من حياتنا انا وهي مش كل اللي يستاهل على فكره حب
ايشان بابتسامة بسيطه: يارب يارب ويتم الجوازه دي على خير
يوسف: امين
ايشان: مشيت قبل اجازتك اللي انت اخدتها يعني
يوسف بحزن: عادي ملهاش لازمه القاعده اجازه على الفاضي فجيت شغلي اهم
ايشان: ربنا يعوضك بنت الحلال الاحسن يا صاحبي اللي تستاهل قلبك الطيب ده
يوسف: يارب المهم ما قررتش امتى الفرح
ايشان: احنا كنا متفقين على ست شهور لحد ما خديجه تخلص اخر سنه بتاعتها و تاخد الاجازة فات يعتبر شهر خلاص
يوسف: اممم هيعدو على طول باذن الله مش بعيد
ــــــــــــــــــــــــــــــــــــــــــــــــــــــــــ
في شقه رحيم
رحيم كان جاه من شغله و كان قاعد هو و ريتال
رحيم جت لي رساله في الوقت ده من حد
رحيم بصدمه: مش تقولي يا سلفي ان مراتك حامل مبارك
ريتال بصت لي بصدمه وخوف: اي ده يا رحيم
رحيم بصلها وحط تلفون قدام عيونها
رحيم: انتي اللي اي ده يا ريتال
ريتال بخوف شديد: رحيم والله العظيم كنت هقولك بس مستنيه الوقت المناسب
رحيم بغضب وصوت عالي: وقت المناسب؟ و وقت مناسب اللي هو امتي ان شاءلله كده
ريتال قامت بخوف منه ، وجواها هتموت من غضبها بسبب سلفتها انها هي اللي راحت قالتله
رحيم قام شد راعها بغضب: ليه ما قلتليش على موضوع الحمل ده وازاي حامل وانتي بتاخدي البرشام؛ كمل بصدمه: ولا كنتي بتكذبي عليا ومش بتاخدي
ريتال بصتله بدموع وقالت: رحيم ممكن تهدي وبعدين انا زي فل مفيش اي حاجه فيا افهمني بقى ما تخليش واحده زي دي تعكر علينا ايامنا
رحيم بعتاب: بقيتي بتكدبي عليا اهو يا ريتال بقيتي بتعرفي تكدبي وتخبي عليا حلو
ريتال عيطت بحزن من نفسها: انا اسفه يا رحيم بس انا كنت خايفه منك والله العظيم.
رحيم بغضب وحزن من تصرفاتها: اسفه ايه بس اسفه اي يا شيخه اسفه ايه
ريتال راحت مسكت تلفون بغضب جواها شديد علشان ترن على سلفتها وتتفش فيها بسبب اللي عملته بس لقيت حد رن وفتحت بالغلط
ريتال بسرعه لرحيم: رحيم حد رن عليك فتحت بالغلط
اخد منها فون بغضب و رد: الو
"المجهول: معايا رحيم
رحيم باستغراب: ايوه مين انت؟
" المجهول بضحكه كلها شر: انا اللي هينهي عن حياتكم واحد واحد
رحيم بغضب منه وصدمه: انت بتقول ايه يا جدع انت وانت مين
ريتال بعدم فهم: في اي يا رحيم و مين ده
اخدت التليفون من على ودنه وفتحت السبيكر عشان تسمع
"المجهول بشر: قول لمدامتك الحلوه ريتال ان ابوها اتقتل وجنازته هتكون بعد الظهر بكره
ريتال هنا الدنيا اسودت في وشها من كلامه ده و صرخت باعلى صوت من صدمتها: انت بتقول اااي بااباا مالو
رحيم بصدمه: انت مين اتقتل ازاي
ضحك ضحكه كلها شر واستفزاز . فيهم قفل في وشهم المكالمه المجهول ..
ريتال حاسه بالسواد في عيونها ومش بايدها حاجه غير انها تصرخ وبس في اللحظه دي ومع حالتها اللي هي فيها
رحيم بصلها بصدمه من حالتها و من مكالمه المجهول
رحيم بصدمه كبيره: جوااااد
يتبع ...