رواية بدون كلام الفصل الرابع عشر 14 والأخير بقلم جمانه السعيدي
عطور...بعد الصلا نمت بعمق احس كلبي اطمن
ماكعدت اله الساعه عشره الصبح
من شفت الساعه كمزت لان امي لازم تتريك وتأخذ علاجها
لكيتها كاعده وسالكه بيض ومتريكين هيه ومصطفى
عطور...ليش ماكعدتيني
امي...انتي هليام حيل تتعبين ويانا كلت خل ترتاح شويه
عطور....حبيبتي اني الكم مااتعب
افرح وارتاح اذا شفتكم مرتاحين وما ناقصكم شي
دزيت رساله اليوسف
عطور...محتاجين مسواك زين مو جيبلنا بقوليات
لحم سمج دجاج و نريد مصرف
مارد عليه يمكن بعده نايم انشاء الله مايكعد من النوم
نومه بلا كعده انشاء الله
اريد احضر مسواك زين الاهلي واعوفلهم مصرف
لان اني اليله لو قاتله لو مقتوله
الله اعلم شراح يصير
شويه امير دزلي رساله جبت علاج الامج
عطور...علاجها بعده ما خلص
امير...ميخالف اني بعد جبته شلون صرتي اليوم البارحه بقيت افكر بيج
عطور....احسن من البارحه الحمد لله والشكر
فعلا اني اليوم كلبي مطمن رغم مشكلتي بعد ماانحلت
بس ايماني جبير برب العالمين
ااكيد مراح يعوفني وحدي
اندكت الباب عرفتها هاي جارتنا الي دزيت بيدها فلوس تشتري سم فار
اخذته منها ضميته مااريد امي تشوفه
كملت الغده كعدنا ناكل اجتني رساله من يوسف
يوسف.. شنو القصه جيب جيب بعد كلشي مااجيب
بس اصرف فلوس بعدني كلشي ما شفت
عطور....شنو قابل خلصت خزنت ابوك
هو مسواك قابل شطلبنا منك جيب مسواك
احسن مااغير رائي
يوسف...شنو تهددني اليله اخذج لو تنطبك السما على الكاع
كافي لعب اليله حتلو ادخل البيتكم اخذج قوه
هم مااعوفج اليله انتي عروستي غصبا ما عليج
حتى استغفر الله ذكر رب العالنين وكال ما يخلصج مني
استغفر الله ربي
عطور...جيب مسواك ويصير خير ومصرف وياك
يوسف.. شو تتشرطين عليه
عطور....انت كلت بأول الاتفاق اذا وافقتي ادللج دلال
مراح انقص عليج شي بسم الله بعدني ما طلبت سياره
كمت تتملل مني
يوسف...شوفي اني ما فاتح بنك اللج فلوس معينه
كل شهر
عطور...انت الي بديت تغير الاتفاق ماكان هذا اتفاقنا
يعني اني هسه اذا انسحبت مالك شي يمي
انت كلت اطلبي اي شي يعجبج
يوسف...يله ميخالف بليل من اجي اخذج اجيب وياي مسواك
عطور...ومصرف لان اريد ارجع امي على الطبيب
يوسف...عفيه طبيب شكد ٢٥٠ كافي
عطور....ميخالف هاي هيه
يوسف...بيش الساعه اجي
عطور...الساعه ١١ حتى امي واخوي بنامون
يوسف....المغرب اجيب المسواك انتظريني بلباب والساعه ١١ تلكيني واكف بابكم
عطور...تمام اتفقنا
سديت التليفون وكلت اي راح يبدي العد التنازلي اليله
الاخيره بعمر يوسف لو عمري
قبل أذان المغرب بنص ساعه توضيت وصعدت للسطح
ادعي رب العالمين يخلصني من هاي المشكله
كون حل جذري مو وقتي
اني ادعي من كل كلبي ادعي وابجي واتوسل برب العالمين
راسا صار اطلاق نار قوي وقريب
كبل نزلت جوه خفت لان قوي وقريب كلش على بيتنا
استمر اطلاق النار ااكثر من خمس دقايق بعدين صار عياط بلشارع عياط نسوان كلش قوي
اني بلبدايه ما طلعت خفت بس سمعت الناس بلشارع طلعت وتحجي خليت حجاب على راسي ومديت راسي من الباب اشوف شكوو
مافهمت شي لان الشارع هوسه والنسوان بعدها تعيط
اجت وحده من الجوارين
صحت عليها ام حسين تعالي
اجت تمشي وتحجي وتشمر بايدها بيت عمج
عطور...بيت عمي شبيهم تعالي ادخلي هنا زحمه الشارع بي زلم
دخلت ام حسين وولد عمج ثنيينهم انكتلو
عطور.. منو ومنو علي الي ازغر من يوسف وميثم
القبل الاخير
عطور..ليش شصاير
بعدها ماحجت الناس بلشارع اصيح ووين ووين رايح ارجع
ارجعععع ارجع
ام حسين.. اوكفي اشوف وارجع
راحت واني بقيت منتظرتها بلطرمه
امي...شكو شنو هذا الرمي
عطور...ولد عمي ثنيينهم انكتلو
امي...سترك ربي دخيلك ياا الاهي
شويه ورجعت
عطور.. شكووو ياستار
ام حسين ....يوسف اخذ سلاحه وراح ورا كتالت اخوانه
عطور...منو الي كتلو اخوانه
ام حسين....اختهم منى الزغيره مشاكل هيه وزوجها من يوم ازوجت لليوم كلما تزعل ابوها يرجعها البيتها
يكولون زوجها يشك بيها كلما يدخل ويطلع لازمه التليفون
حتى من يكعد نص اليل يلكاها تخابر
كايللها انطيني التليفون
متخبله علي ومتعاركه وياا وجايه بيت اهلها زعلانه
جايتهم كم مره قبل هلمره كل مره ابوها يرجعها البيتها لان ابوها وابو صحبان
هلمره استغفر الله يكولون زوجها لازمها هيه وصاحبها بيته
كاتله كتله زينه والولد شارد هذا صاحبها شارد زوجها مااكدر يلزمه
كاتلها وجابها بيت اهلها بس وصلت بيت اهلها كامت تعيط ومحاولة تفر السالفه على زوجها
كايله اني لكيته ويا وحده بيتي ولأن شفته وكمت اعيط علي
كتلني بس شنو يكولون مكسرها تكسر
البارحه اخوانها رايحين كاتلينه بليل وراجعين
اليوم هو جاب اخوته وبقا منتظرهم يطلعون
بس طلعو ميثم وعلي كتلوهم باب بيتهم ونهزمو
عطور...سترك ياربي هاي شلون فضيحه
اجت الشرطه طوقت الشارع وصوت عياط النسوان مستمر
شويه اجت سيارة إسعاف
شالت ولد عمي بعدها عمي اغمى علي من الصدمه اخذو عمي للمستشفى
لان تخربط بس شاف ولده مقتولين بلشارع
عطور...دخلت للبيت سجدت سجدت شكر الرب العالمين
ولله مو شماته بكد ماا رب العالمين شفه غليلي بيهم
واخذلي حقي مربع منهم ضالمين وماعدهم مخافة رب العالمين يمشون ويدوسون بلناس الفقره
لان عدهم فلوس يشترون ويبيعون بلناس بكيفهم
شارعنا هوسه والناس تسولف والعيطه كابه
صليت صلاة المغرب وامي تصلي على الكرسي يمي
بس كملت صلا رجعت كبت العيطه مره ثانيه هلمره العياط صوته أعلى من المره الي قبلها
طلعت بلشارع بثوب الصلا
صوت العياط طالع من بيت عمي اتوقعت
علمود ميثم وعلي لو اجاهم احد يعيط من أقارب زوجت عمي
اشوف الزلم تركض على اتجاه بيتهم
ويصيحون لا لا صدك عود يوسف هم انقتل
عطور...ياا يوسف انقتل اجا ولد زغير يركض
عطور...شكووو شصاير
...يكولون ذولاك الي قتلو ميثم مترصدين
ومتحضرين على الشارع الاي واحد يجيهم
بس وصل يوسف قتلو هسه اتصلو على امه
عطور...دخيلك ربي انقتلو كلهم فد ساعه
ولدهم اتلاثتهم انقتلو هاي شنو من مصيبه دخيلك ربي
دخيلك الاهي
امي...شكووو
عطور...قتلو يوسف
امي...سترك ربي وعفوك دخيلك ياالاهي
كلهم ماتوووو
بليلتها بقت زوجت عمي تعيط هيه وبناتها للصبح
للصبح ما سكتت وعمي من سمع بموت يوسف حالته خطره
يكولون ضربته جلطه زوجت عمي من قوة الهبطه
كامت ماتشوف بعيونها
الشرطه بقت اسبوع محاصره الشارع
واني ماكو على الساني غير الحمد لله والشكر لله
الي ما خذلني وضربهم بأيد من حديد سكتتهم على الاخير الفقير حوبته تكتل مادام ماشي صح وراضي رب العالمين حوبته تكتل دعيت الله يخلصني من يوسف
بس رب العالنين اخذلي ثاري منهم كلهم
اهل القاتل لان شركاء ويا عمي بلشغل بدو يكشفون
أسرار شغلهم كدام الشرطه طلعو يشتغلون بلمخدرات
بغسل الاموال بلربا شكو شغله مابيها حظ يشتغلون بيها
وفلوسهم كلها حرام يكولن الفلوس الحرام تحرك اهلها
صارت عليهم بمكان القضيه عشره والدوله صادرت كل اموالهم وممتلكاتهم عمي انجلط ما يكدر يحرك جسمه
يقضي حاجته بحفاض زوجت عمي عمت ما تشوف
منى بقت وياهم تخدمهم وابن عمي الزغير يشتغل ومعيشهم حتى بيتهم الدوله سيطرت علي
كل الناس الي جانت مرافقتهم علمود فلوسهم اتخلت عنهم بس اطشرت فلوسهم
عطور......رجعت للدوام بضل هاي الهوسه يعني بضل مشاكل بيت عمي اني رجعت للدوام
وامي صارت احسن بنهاية الشهر استلمت راتب
واخيرا استلمت اول راتب حاولت ارجع فلوس نهى الها
بس ما قبلت ااجرت بيت اكبرر واحلى واحسن من بيتنا
ونتقلنا اله صح نص راتبي يروح للايجار بس ميخالف
على راتب امي وراتب مصطفى ماشيه امورنا
ومن يتقي الله يجعل له مخرجا
بيت عمي اجرو بيتنا القديم بعد ما طلعنا منه لان ايجاره
قليل شكد جانو يضحكون على وضعنا صارو بوضع انكس منه الف مره
اجا امير طلب ايدي من امي
ماعندي اي شروط او طلبات بس مااعوف امي ومصطفى
لان مايكدرون بدوني
وافق امير على طلبي وزوجنا اني ويا بيت اهلي
خمس سنوات وطلعت قطعة ارض الأمير من الدوله
سحبنا عليها قرض
وبنيناها وسكنا بيتنا بيت ملكنا صار عدنا اربع اطفال ثنيين بنات ثنيين ولد كلهم يحجون مابيهم واحد اخرس على امير
٢٠١٤ ازوجنا ابني الجبير عمره ١١ سنه
امي ماتت سنة ٢٠٢٢ ومصطفى بعده وياي عايش
هاي قصتي انتهت ابد مانسيت شكر رب العالمين
لان ساعدني اطلع من هاي المصيبه وسهل حياتي
الف الف الحمد لله والشكر ابد ودائما
صح نص حياتي الأول كله ضيم وعوز وفقر
بس بلاخير رب العالمين عوضني احسن عوض
شكرا للمتابعه الحلوه
دمتم سالمين...
تمت بحمد الله
لقراءة جميع فصول الرواية من هنا
وأيضا زرونا على صفحة الفيس بوك
وايضا زورو صفحتنا سما للروايات
من هنا علي التلجرام لتشارك معنا لك
كل جديد من لينك التلجرام الظاهر امامك
وايضا زورو صفحتنا سما للروايات
من هنا علي التلجرام لتشارك معنا لك